Тосонцэнгэл МБС

📌 НЭЭЛТТЭЙ ХААЛГАНЫ ӨДӨРЛӨГ АМЖИЛТТАЙ ЗОХИОН БАЙГУУЛАГДЛАА

Манай сургууль нээлттэй хаалганы өдөрлөгөө амжилттай зохион байгуулж Ерөнхий боловсролын 1, 2 дугаар сургуулийн 9 дүгээр анги төгсөгч суралцагчдыг хүлээн авч сургуулийн үйл ажиллагаа, сургалтын орчин болон мэргэжлийн чиглэлүүдээ танилцууллаа.

Өдөрлөгийн хүрээнд сурагчдад мэргэжлийн чиг баримжаа олгох сургалт зохион байгуулж, ирээдүйн мэргэжлээ зөв сонгоход нь дэмжлэг үзүүлсэн үр өгөөжтэй арга хэмжээ боллоо.

Мөн сурагчдын идэвх оролцоо, хамтын ажиллагааг нэмэгдүүлэх зорилгоор 3х3 сагсан бөмбөгийн тэмцээнийг амжилттай зохион байгуулж, оролцогчид авхаалж самбаа, багаар ажиллах ур чадвараа сорин өрсөлдлөө. 🏀✨

Хүрэлцэн ирж идэвхтэй оролцсон нийт суралцагчид болон багш нартаа баярлалаа.

Нээлттэй зохион байгуулагдана.🏀⛹️

🎓 ХОНХНЫ БАЯР – 2026 🎉

Эрдэм боловсрол, мэргэжлийн ур чадварыг эзэмшин суралцсан 3 жилийн сургалттай мэргэжлийн 3 анги, 1 жилийн сургалттай насанд хүрэгчдийн 5 ангийн төгсөгчид маань өнөөдөр төгсөлтийн баяраа ёслол төгөлдөр тэмдэглэлээ.

Энэ өдөр бол зөвхөн төгсөлтийн баяр бус, хөдөлмөр зүтгэл, тэсвэр хичээл, хүсэл мөрөөдлийн үнэ цэнийг илэрхийлсэн бахархалт мөч юм.

Нийт төгсөгчдөдөө чин сэтгэлийн халуун баяр хүргэж, амьдралын шинэ гараанд нь өндрөөс өндөр амжилт, сайн сайхан бүхнийг хүсэн ерөөе.
Эрдмийн их аянд тань үргэлж гэрэл гэгээ, амжилт бүтээл, аз жаргал хамт байх болтугай. ✨

Та бүхний ирээдүй өөдрөг, зам мөр тань дардан байх болтугай.🤍

#ХонхныБаяр
#Төгсөлт2026
#АмжилтынЭхлэл

📢 Мэдээ, мэдээлэл

Монгол Улс болон Европын холбоо-ны хоорондын ойн түншлэлийн хүрээнд хэрэгжиж буй “Ойн салбарт хөрөнгө оруулалт хийх, хөнгөлөлттэй зээл олгох боломжийн техник, эдийн засгийн үндэслэл боловсруулах” судалгааны баг манай мэргэжлийн боловсролын сургуулийн үйл ажиллагаатай танилцлаа.

Тус багийнхан сургуулийн ойн аж ахуй, мужаан, сийлбэрийн ангиудын сургалтын орчин, үйл ажиллагаа, материаллаг баазтай танилцаж, цаашид чадавхжуулах боломж, хэрэгцээ шаардлагыг судалж ажиллав.

Судалгааны багийн тайлбарлагчийн хэлснээр:
🗣 “Салбарт хамгийн чухал зүйл бол боловсон хүчин. Боловсон хүчнийг чадавхжуулах, нэмэн бэлтгэх нь нэн тэргүүний асуудал байдаг. Бид ой, мужаан, сийлбэрийн ангиудтай танилцаж, тэдгээрийн нөхцөл байдал, хөгжүүлэх боломжийн талаар судалж байна.” хэмээн онцоллоо.

Энэхүү үйл ажиллагаа нь ойн салбарын мэргэжилтэн бэлтгэх чанарыг сайжруулах, сургалтын орчныг шинэ шатанд гаргах, улмаар салбарын хөгжилд бодит хувь нэмэр оруулах чухал ач холбогдолтой юм. 🌱