1968 онд Төв аймгийн Баянчадмань сумын Залуу малчны сургууль татан буугдаж, Заамар суманд шилжүүлэн ажиллуулахаар шийдвэр гарч сургуулийн ширээ сандал, эд зүйлсийг авчирснаар одоогийн 12 жилийн 1-р сургуулийн нэг ангид 20 гаруй сурагчидтайгаар Залуу малчны сургууль нээгдсэн түүхтэй. Улмаар 1969 онд БНМАУ-ын сайд нарын зөвлөлийн 192 дугаар тогтоолоор Хөдөө аж ахуйн ТМС, 1992 оноос мэргэжил сургалт үйлдвэрлэлийн төв, 2023 оноос Хөдөө аж ахуйн их сургуулийн харьяа Төв аймаг дахь Политехник коллеж болон өргөжин үйл ажиллагаагаа явуулж байна. Тус сургууль нь 2 давхар 420 хүүхдийн хичээлийн байр, 240 хүүхдийн 3 давхар дотуур байртай 46 багш ажилтантай 335 суралцагчтай 3 жилийн 5 мэргэжлээр, 1 жилийн 10 мэргэжлээр, түр сургалтын 6 мэргэжлээр тус тус сургалт хүмүүжлийн үйл ажиллагаа явуулж байна. Энэ түүхэн хөгжлийн хугацаанд нийт 8000 гаруй мэргэжилтэй баялаг бүтээгчдийг бэлтгэн хөдөлмөрийн зах зээлд гарган эх орныхоо өнцөг булан бүрт амжилттай ажиллаж хөдөлмөрлөж байна.
