Bb43

ДАРХАН-УУЛ АЙМАГ ДАХЬ ДАРХАН ПОЛИТЕХНИК КОЛЛЕЖИЙН 2024-2025 ОНЫ ХИЧЭЭЛИЙН ЖИЛИЙН ЭЛСЭЛТИЙН ЦАХИМ БҮРТГЭЛ ЯВАГДАЖ БАЙНА.

Дархан-Уул аймаг дахь Дархан Политехник коллежийн 2024-2025 оны хичээлийн элсэлтээ авч байна. Манай сургууль нь дараах мэргэжлийн чиглэл, суралцах хугацаагаар 9-р анги төгсөгч болон насанд хүрэгчдийг бүртгэж байна.

Элсэлт авч буй мэргэжлийн чиглэл:
- БАРИЛГА, АВТО ЗАМ
- УУЛ УУРХАЙ, ЭРЧИМ ХҮЧ
- ҮЙЛДВЭРЛЭЛ, ҮЙЛЧИЛГЭЭ-ний мэргэжлүүд.

Суралцах хугацаа:
- Мэргэжлийн боловсролын 1 жил болон 3 жил сургалт,
- Техникийн боловсрол олгох 1.5 жил болон 3 жилийн сургалт.

Дэлгэрэнгүй мэдээлэл болон дараах холбоос линкээр орж бүртгүүлнэ үү.

Дархан-Уул аймаг дахь Дархан Политехник Коллеж Мэргэжлийн боловсрол 1 жил Мэргэжлийн боловсрол 3 жил Техникийн боловсрол 1.5 жил Техникийн боловсрол 3 жил

Дархан-Уул аймаг дахь Дархан политехник коллежийн хичээлийн III байрны “НЭЭЛТТЭЙ ХААЛГАНЫ ӨДӨРЛӨГ” 2024 оны 03-р сарын 26-ны өдөр боллоо.
Өдөрлөгийн хүрээнд хичээлийн I, II байрны багш, ажилтнууд хичээлийн III байрны сургалтын үйл ажиллагаа, орчин нөхцөлтэй танилцаж, хамтын ажилагааг дэмжин харилцан туршлага солилцлоо.

Сайн байцгаана уу.
Дархан-Уул аймаг дахь Политехник Коллеж - ДПК, Дархан-Өргөө Политехник Коллеж, Уул уурхайн Политехник коллежиуд 2024.02.01 нээс нэгдэж Дархан-Уул аймаг дахь Дархан Политехник коллеж болж бүтэц өөрчлөгдсөн тул та бүхэн доорх пейж хуудсанд нэгдэж орж мэдээ мэдээллийг аваарай. 😀🤗👍
/Дархан ПК лого удахгүй пейжид солигдож орно/

https://www.facebook.com/profile.php?id=100048928733194

Дархан Политехник коллеж Дархан Политехник коллежийн АЛБАН ЁСНЫ цахим хуудас

Дархан-Уул аймаг дахь Дархан политехник коллежийн “НЭЭЛТТЭЙ ХААЛГАНЫ ӨДӨРЛӨГ”-ийн хүрээнд 2024 оны 03-р сарын 19-ний өдөр Дархан-Уул аймгийн Дархан сумын ерөнхий боловсролын 4-р сургуулийн 9-р ангийн 98 сурагчдад техникийн болон мэргэжлийн боловсролын талаар дэлгэрэнгүй мэдээлэл өглөө.
Сурагчдад хөдөлмөрийн зах зээлийн сүүлийн үеийн чиг хандлага, бодит нөхцөлд байдалд үндэслэсэн ухаалаг шийдвэр гарган мэргэжлээ зөв сонгоход нь дэм болж мэргэжлийн чиг баримжаа олгох ажил зохион байгууллаа.

Өргөн монголын хатан гоо
Өнөр бүлийн эзэн гоо
Бүүвэй аялах уян гоо
Бүхнийг шаглах уран гоо
Эрийг чимэх саран гоо
Энхрий аальтай бүсгүй гоо
Эрхэмсэг тансаг хатан гоо
Энгүй орчлонгийн эрхэм бүсгүй танд олон улсын эмэгтэйчүүдийн баярын мэнд хүргэе. Сайхан баярлаарай.

Дархан-Уул аймаг дахь Дархан Политехник коллежийн ахмадын хүндэтгэлийн уулзалт 2024 оны 02 дугаар сарын 29-ний өдрийн 14 цагт “Эрхэс” клубт болно.
Үе, үеийн ахмад багш, ажилтнууд та бүхнийг хүндэтгэлийн уулзалтдаа хүрэлцэн ирэхийг урьж байна.

“НҮҮДЛИЙН СОЁЛЫН БОЛОВСРОЛ” ХӨТӨЛБӨР ТӨСЛИЙГ ДАРХАН СУМАНД ХЭРЭГЖҮҮЛНЭ.
2024 оны 02-р сарын 15-ны өдөр “Нүүдлийн соёлын боловсрол” хөтөлбөрийн хүрээнд хүнс үйлдвэрлэлийн чиглэл, байгаль экологийн чиглэлээр суралцаж байгаа залуучуудыг энэхүү хөтөлбөрт хамруулахаар Дархан сумын Засаг дарга, “Дэлхийн Мөрөөдлийн сургууль” ТББ-тай хамтын ажиллагааны санамж бичигт гарын үсэг зурлаа.
“Нүүдлийн соёлын боловсрол” хөтөлбөрийн танилцуулга уулзалтанд Дархан-Уул аймаг дахь Политехникийн коллежийн оюутнууд оролцон өөр өөрсдийн хүсэл мөрөөдлөө илэрхийлсэн бөгөөд тэдний дундаас чин хүсэл эрмэлзэлтэй Хоол үйлдвэрлэлийн техник технологич мэргэжлийн 2а-ангийн оюутан О.Булганбаярыг сонгож түүний ментороор “Дэлхийн Мөрөөдлийн сургууль” ТББ-ын тэргүүн Б.Мөнхдэлгэр ажиллахаар боллоо.
Оюутан О.Булганбаяртаа сурлага, цаашдын том зорилгод нь өндөр амжилт хүсье.

Есөн товчтой дээлээ эвхээсийг нь гаргаж өмсөөд
Нарны өнгөтэй дурданг зөв эргүүлж бүслээд
Саран хэлбэртэй малгайгаар тэргүүн юугаан гоёод
Сайхан жилийн өглөөг амар мэнд угтаад
Аагтай шаргал цайг нарны туяатай самарч
Алтан төрийн сүлдтэй хойморын бурхандаа дээжлээд
Ирэх жилийн төөргийг итгэлийн өнгөөр сүлж
Идээ шүүснийхээ дэргэд эрхэмсэг залрах аав ээждээ
Тэнгэрийн өнгөтэй хадгаар ерөөл золгож үнсүүлээрэй
Тэргүүн сарын шинийн нэгэндээ энх мэнд золгоорой

Битүүний өдрийн мэнд хүргэе!
Ширээ дүүрэн идээтэй
Сэтгэл дүүрэн баяртай
Өрх бүлээрээ сайхан битүүлж
Өргөн олноороо САР ШИНЭДЭЭ САЙХАН ШИНЭЛЭЭРЭЙ.

Үйлдвэр урлалын политехник коллежийн багш нар 2024 оны 01-р сарын 24-ний өдөр манай сургуулийн сургалтын үйл ажиллагаа, орчин нөхцөлтэй танилцаж, харилцан туршлага солилцлоо.

МЭРГЭЖЛИЙН БОЛОН ТЕХНИКИЙН БОЛОВСРОЛЫН СУРГАЛТЫН БАЙГУУЛЛАГУУДЫН ДУНДАХ ТӨВИЙН БҮСИЙН СПОРТЫН ТЭМЦЭЭНД МАНАЙ БАГ ТАМИРЧИД АМЖИЛТТАЙ ОРОЛЦЛОО.

Тус тэмцээн нь 1 сарын 19-өөс 21-ний өдрүүдэд Төв аймгийн Баянчандмань сум дахь Политехник коллеж, Заамар сум дахь Политехник коллеж, Төв Политехник коллеж, Эрдэнэ сум дахь Мэргэжлийн боловсролын сургууль, Дархан-Уул аймаг дахь Политехник коллеж, Дархан өргөө Политехник коллеж, Уул уурхай эрчим хүчний Политехник коллеж, Сэлэнгэ аймаг дахь Политехник коллежийн найман багийн 200 гаруй тамирчид Спортын 5 төрөлд өрсөлдлөө.

- Бадминтон эмэгтэй төрөлд багш Р.Бум-Аюуш 1-р байр, алтан медаль
- Бадминтон эрэгтэй төрөлд багш Т.Батбаяр 2-р байр, мөнгөн медаль
- Шатар эмэгтэй төрөлд НТҮСХАЗ Ш.Болормаа 2-р байр мөнгөн медаль
- Шатар эрэгтэй төрөлд багш Т.Нямсүрэн 4-р байр
- Сагсан бөмбөгийн эмэгтэй төрөлд 4-р байр
- Корнхол эрэгтэй төрөлд жижүүр Ч.Батмөнх 4-р байр
- Багийн дүнгээр ГУТГААР БАЙР эзэлсэн амжилт үзүүллээ.
СПОРТЫН ТЭМЦЭЭНД АМЖИЛТТАЙ ОРОЛЦСОН БАГ ТАМИРЧДАДАА БАЯР ХҮРГЭЕ.