Гурвантэс сумын Насан туршийн суралцахуйн нэгж

✅ӨНӨӨДӨР ХҮҮХДИЙН ХӨДӨЛМӨРИЙН ЭСРЭГ ДЭЛХИЙН ӨДӨР.
ХҮҮХДЭД БАГАЖ БИШ, ХАРАНДАА АТГУУЛЪЯ!
✅Жил бүрийн 6 дугаар сарын 12-ны өдөр Хүүхдийн хөдөлмөрийн эсрэг дэлхийн өдөр тохиодог билээ.
🌍 Энэ өдөр хүүхдийг хөдөлмөрийн мөлжлөгөөс хамгаалах, тэдний эрхийг хамгаалсан бодлого, арга хэмжээг дэмжихэд дэлхий нийтээр анхаарал хандуулдаг чухал өдөр юм.
⚠️ Хүүхдийн хөдөлмөр нь тэдний боловсрол эзэмших 📚, амарч тухлах 🧸, тоглох эрхийг зөрчиж, 🩺 эрүүл мэнд, 🧠сэтгэл зүйд нь хор уршиг учруулдаг.
🚫 Ялангуяа хүнд, аюултай, насанд хүрсэн хүний оронд хийж буй хөдөлмөр нь “тэвчишгүй хөдөлмөр” хэмээн тодорхойлогддог бөгөөд энэ нь хүүхдийн хөгжилд хамгийн ноцтой аюул учруулдаг.
👧👦 Хүүхэд бүр хөдөлмөрлөх биш, сурч боловсрох эрхтэй!
Дэлхий даяар сая сая хүүхэд наснаасаа эрт хүнд хүчир хөдөлмөр эрхэлж, тоглож наадах, сурч боловсрох нандин үеэ алдсаар байна.
✅Хүүхдийн ирээдүйг ажлын талбар дээр биш, анги танхимд, гэрэлт мөрөөдөл дунд бүтээх ёстой. Хүүхдийн хөдөлмөрийг таслан зогсооход хүн бүрийн оролцоо, хариуцлага чухал юм.

✅Сурагчдын амралт эхэлж байгаатай холбогдуулан хүүхдэд тавих хараа хяналтаа сайжруулах
✅Хүүхдийн аюулгүй орчныг бүрдүүлж гэмтэж бэртэхээс сэргийлье‼️

“ЁС ЗҮЙН ЗӨРЧЛИЙГ ҮЛ ТЭВЧИХ СЭТГЭЛГЭЭГ ХЭВШҮҮЛЬЕ” МОНГОЛ УЛСЫН СТАНДАРТ MNS 7068:2025 7.5.1 Төрийн албан хаагч нь ажлын байранд төлөв даруу, ажил хэрэгч, соёлтой, цэвэр, албаны төрхийг илтгэсэн хувцсыг өмсөнө. 7.5.2 Төрийн албан хаагчийн ажлын байранд өмсөх хувцас бусдыг өдөөсөн, тэдний анхаарлыг хэт татсан, хэт хээнцэр, элдэв этгээд загвар бүхий байж болохгүй. 7.5.3 Төрийн албан хаагч ажлын байранд өөрийн албан тушаал, нэр бүхий энгэрийн тэмдгийг хэрэглэж болно.
7.5.4 Төрийн албан хаагч хуульд заасны дагуу дүрэмт хувцас хэрэглэж болно. Дүрэмт хувцасны загвар, эдэлгээний хугацаа, хэрэглэх журам тогтоосон шаардлагын дагуу байна.

✅Яагаад бид ёс зүйтэй байх ёстой вэ?
✅Хувь хүн өөртөө хэр зэрэг ёс зүйг төлөвшүүлнэ хүрээлэл болон нийгэмдээ эерэг нөлөө үзүүлдэг.
✅Сайн сайхан хүмүүс сайн сайхан нийгмийг бүтээнэ.
✉️Шударга, хичээнгүй
💌Өр зөөлөн, нинжин
📨Үүргээ ухамсарладаг
📩Ялгаварлан гадуурхдаггүй
📒Хариуцлагатай
😉Зөвийг үлгэрлэдэг байцгаая👌👌👌

🇲🇳 ҮНДЭСНИЙ ШАГАЙН ХАРВААНЫ СУРГАЛТ АМЖИЛТТАЙ ЗОХИОН БАЙГУУЛАГДЛАА 👏

✅Гурвантэс сумын Насан туршийн суралцахуйн нэгжээс Гурвантэс сумын Засаг даргын Тамгын газар, Тэсийн Алтан Зурхай шагайн холбоотой хамтран зохион байгуулсан “Үндэсний шагайн харвааны сургалт” амжилттай өндөрлөж, үр дүнтэй сургалт боллоо.
✅Тус сургалтад нийт 32 суралцагч хамрагдан, 10 хоногийн хугацаанд үндэсний өв соёлын үнэт өв болох шагайн харвааны арга ухаан, ёс уламжлал, харвах техник, ур чадварт суралцаж, мэдлэг чадвараа ахиуллаа.
✅Сургалтын төгсгөлд суралцагчдын эзэмшсэн мэдлэг, ур чадварыг бататгах зорилгоор багийн тэмцээн зохион байгуулж, суралцагчид цэц мэргэнээ сорин өрсөлдсөнөөс:
🥇 “Тэргүүн байр”– Г. Будхүү ахлагчтай “Мэргэн” баг”
🥈 “Дэд байр” – Д. Оргил ахлагчтай “Алтан Зурхай” баг
🥉 “Гутгаар байр”– Э. Ганод ахлагчтай “Мэргэчүүл” баг тус тус шалгарлаа.
✅Сургалтыг ур чадвар, арвин туршлага, чин сэтгэлээр удирдан чиглүүлэн ажилласан
“Аймгийн гоц мэргэн” С. Хасбаатар багшдаа чин сэтгэлийн талархал илэрхийлье.
✅Мөн энэхүү сургалтыг хамтран зохион байгуулж, дэмжин ажилласан Гурвантэс сумын Засаг даргын Тамгын газар”, “Тэсийн Алтан Зурхай шагайн холбоо” , идэвх санаачилгатай хамрагдсан нийт суралцагчид, эцэг эхчүүддээ гүн талархал илэрхийлье.
✅Үндэсний өв соёлоо өвлөн уламжилж, түгээн дэлгэрүүлэх үйлс үеийн үед мөнхөд орших болтугай. 🇲🇳

#ҮндэснийШагайнХарваа #ӨвСоёл #НасанТуршийнСуралцахуй #ШагайнХарваа

📚 Төгсөх ангийн сурагчдад зориулсан зөвлөмж хүргэлээ🤗
🔰Ерөнхий боловсролын сургуулийн 5-р ангийн 3 бүлэг, 9-р ангийн 3 бүлэг, 12-р ангийн 2 бүлгийн сурагчдад зориулан шалгалт, сорилтод амжилттай бэлтгэх, суралцах зөв арга барил эзэмших, өөртөө итгэх итгэлээ нэмэгдүүлэх зорилгоор мэдээлэл, зөвлөмж бүхий боршур бэлтгэн тараалаа.
🔰Энэхүү боршурт шалгалтад бэлтгэх арга барил, цагийн зөв менежмент, шалгалт өгөх үеийн тактик, сэтгэлзүйн бэлтгэл, мөн “Эрүүл биед саруул ухаан оршино” уриан дор бие физиологи болон сэтгэлзүйн эрүүл мэндийн талаар хэрэгцээт зөвлөгөө, мэдээллийг багтаав.
🔰Сурагч бүр хичээл зүтгэл, зөв төлөвлөлт, өөртөө итгэх итгэлээр амжилтад хүрнэ гэдэгт итгэлтэй байна.
✨ Төгсөх ангийн сурагчиддаа! Амжилт хүсье👏👏👏

✅Үндэсний өв соёл, уламжлалт шагайн харвааны мэдлэг, ур чадварыг түгээн дэлгэрүүлэх зорилготой сургалт амжилттай үргэлжилж, өнөөдөр 4 дэх өдрөө зохион байгуулагдаж байна.
✅Сургалтад хамрагдаж буй суралцагчид идэвх санаачилгатай оролцож, шагайн харвааны арга барил, ур чадвар, ёс уламжлалын талаарх мэдлэгээ бататган суралцаж байна. 🇲🇳
✅Сургалтын үндсэн багшаар С. Хасбаатар багш ажиллаж байгаа бөгөөд хамтран Өсөх идэр мэргэн Н. Чингүүнболд, Б. Хишигбаяр нар сурагчдад өөрсдийн мэдлэг, туршлага, ур чадвараасаа харамгүй хуваалцан туслах багшаар ажиллаж байна.
✅Сургалтыг мэргэжлийн ур чадвар, чин сэтгэлээр удирдан чиглүүлж буй С. Хасбаатар багш болон өөрсдийн үнэтэй мэдлэг, туршлагаасаа хуваалцан сурагчдад дэмжлэг үзүүлж буй Өсөх идэр мэргэн Н. Чингүүнболд, Б. Хишигбаяр нартаа талархал илэрхийлье.
✅Үндэсний өв соёлоо өвлөн уламжилж, түгээн дэлгэрүүлэх үйлс улам өргөжин дэлгэрэх болтугай. 💐

🇲🇳 ҮНДЭСНИЙ БИЧИГ ҮСГИЙН БАЯР – 2026📚
🔰“Өсөлттэй Гурвантэс” болон “Насан туршдаа хөгжье” дэд хөтөлбөрийн хүрээнд Гурвантэс сумын Засаг даргын Тамгын газар, Ерөнхий боловсролын сургууль, Насан туршийн суралцахуйн нэгж, Хэл бичгийн МБНБ хамтран Үндэсний бичиг үсгийн баярын тэмдэглэлт арга хэмжээг амжилттай зохион байгууллаа.
🔰Тус арга хэмжээ нь үндэсний бичиг үсгээ сурталчлан таниулах, эх хэл соёлын үнэт өвийг түгээн дэлгэрүүлэх, хүүхэд багачууд, төрийн албан хаагчдын үндэсний бичгийн мэдлэг чадварыг дээшлүүлэх, өв соёлоо эрхэмлэн дээдлэх үзлийг төлөвшүүлэх зорилготой.
🔰Арга хэмжээний хүрээнд 6-р ангийн сурагчдын дунд “Хурдан уншигч сурагч”, “Шилдэг үе тогтоогч анги”, 7–8, 9-12-р ангийн сурагчдын дунд “Үндэсний бичигтэн анги”, “Сайхан бичигтэн”, мөн төрийн байгууллага, албан хаагчдын дунд “Үндэсний бичигтэн байгууллага”, “Үндэсний бичгийг дэмжигч байгууллага”, “Сайхан бичигтэн – Төрийн албан хаагч”, “Хурдан уншигч – Төрийн албан хаагч” зэрэг уралдаан тэмцээнүүд амжилттай зохион байгуулагдаж, оролцогчид мэдлэг чадвар, авьяас билгээ сорин өрсөлдлөө.

🔰Энэхүү арга хэмжээнд 7 байгууллагын 140 төрийн албан хаагч, Ерөнхий боловсролын сургуулийн 6–12 дугаар ангийн 511 сурагч үндэсний бичгээр зөв бичих, түргэн унших чадвараа сорин идэвхтэй оролцлоо.

🏆 Шагналт байр эзэлсэн анги, сурагч, байгууллагууддаа халуун баяр хүргэе
🥇7-8-р ангийн төрөлд “Үндэсний бичигтэн анги” Б.Мөнгөнсувд багштай 8а анги "Тэргүүн байр" (Хичээл заадаг багш: М.Хонгорзул)
🥇9-12-р ангийн төрөлд Н.Сэргэлэн багштай 10а анги "Тэргүүн байр" (Хичээл заадаг багш: М.Хонгорзул)
🥈Дэд байр – М.Хонгорзул багштай 8г анги
🥈Дэд байр – Б.Нарантуяа багштай 11а анги
🥉Гутгаар байр – Д.Тэгшээ багштай 7а анги (Хичээл заадаг багш: С.Нарансүмбэр)
🥉Гутгаар байр – И.Сарангэрэл багштай 9а анги (Хичээл заадаг багш: Б.Нарантуяа)
🥉Гутгаар байр – Б.Цэрэннадмид багштай 12б анги (Хичээл заадаг багш: С.Нарансүмбэр)
🔰“Шилдэг үе тогтоогч анги” Г.Цогзолмаа багштай 6а анги (Хичээл заадаг багш: А.Агиймаа)
📝 “Сайхан бичигтэн сурагч” 8а ангийн сурагч Х. Тэлмүүнзаяа
📝“Сайхан бичигтэн сурагч” 12а ангийн сурагч Т. Уянгасайхан
📖“Хурдан уншигч сурагч” 6а ангийн сурагч А. Тэмүүгэн
📖“Хурдан уншигч сурагч” 6б ангийн сурагч Э. Батцэнгэл
📖“Хурдан уншигч сурагч” 6в ангийн сурагч Э. Анар
📖“Хурдан уншигч сурагч” 6г ангийн сурагч Б. Хатанмөнх
📖“Хурдан уншигч сурагч” 8а ангийн сурагч О. Энхмишээл
📖“Хурдан уншигч сурагч” 9б ангийн сурагч Г. Биндэрьяа
🔰Байгууллагын төрөлд
📝Үндэсний бичигтэн байгууллага – Тэргүүн байр 28-р цэцэрлэг
✅Үндэсний бичгийг дэмжигч байгууллага – 3-р цэцэрлэг
📝 “Сайхан бичигтэн – Төрийн албан хаагч”
🥇Тэргүүн байр – Б.Долгорсүрэн (ЭМТ)
🥈Дэд байр – П.Одончимэг (ЗДТГ)
🥉Гутгаар байр – Б.Хэрлэн (3-р цэцэрлэг)
📝 “Хурдан уншигч – Төрийн албан хаагч”
🥇Тэргүүн байр – Э.Тэрбиш (3-р цэцэрлэг)
🥈Дэд байр – Г.Цэнд-Аюуш (28-р цэцэрлэг)
🥉Гутгаар байр – Н.Батчимэг (ЗДТГ)
✨ Үндэсний өв соёл, эх хэл, бичиг үсгээ эрхэмлэн дээдлэх үзлийг түгээн дэлгэрүүлсэн энэхүү баярын арга хэмжээ нь сурагчид, багш сурган хүмүүжүүлэгчид, төрийн байгууллагуудын хамтын ажиллагаа, оролцооны үр дүнд өндөр ач холбогдолтой, үр өгөөжтэй болж өндөрлөлөө.
📚Эх хэлээ эрхэмлэн дээдэлж, өв соёлоо түгээн дэлгэрүүлэх үйлсэд үнэтэй хувь нэмэр оруулсан нийт багш, суралцагчдадаа талархал илэрхийлье👏👏
Өвөг дээдсийнхээ өвийг хадгалан хамгаалж, үндэсний бичгээ эрхэмлэн дээдэлж, түгээн дэлгэрүүлье. 🇲🇳✨
Цэнд-Аюуш Сумъяа Г. Базармаа Erdenegavuu Б. Батцэцэг Уламбаяр Сүхбаатар Л. Үүрцайх @Ж. Долгормаа
2026.05.21

#ҮндэснийБичигҮсгийнБаяр2026 #МонголБичиг #ӨвСоёл #ЭхХэл #ГурвантэсСум #НасанТуршийнСуралцахуй

🌿 “Биологийн олон янзын байдлыг хамгаалах олон улсын өдрийг тохиолдуулан Ерөнхий боловсролын сургуулийн 4а, 4б, 4в ангийн нийт 98 сурагчдад “Биологийн төрөл зүйл” сургалтыг амжилттай зохион байгууллаа. 🌍
✅Сурагчдад биологийн төрөл зүйл гэж юу болох, түүнийг хамгаалахын ач холбогдол, байгаль орчинд учруулж буй сөрөг хүчин зүйлсийн талаар ойлголт өгч, байгаль дэлхийгээ хайрлан хамгаалах зөв дадал хэвшлийг төлөвшүүлэх зорилготой сургалтыг зохион байгууллаа. Мөн “Байгалиа хамгаалъя” уриан дор зураг зурлаа💚
✅Хамтран ажилласан Анги удирдсан багш нартаа талархал илэрхийлье🤗👏
🌱 Байгалиа хамгаалъя 🌍
2026.05.22

#БиологийнТөрөлЗүйл #БайгальХамгаалал #НасанТуршийнСуралцахуй

🇲🇳ҮНДЭСНИЙ ШАГАЙН ХАРВААНЫ СУРГАЛТ
✅Гурвантэс сумын Насан туршийн суралцахуйн нэгжээс Гурвантэс сумын Засаг даргын Тамгын газар болон Тэсийн Алтан Зурхай шагайн холбоотой хамтран “Үндэсний шагайн харвааны сургалт”-ыг амжилттай зохион байгуулан эхлүүллээ.
✅Тус сургалтад нийт 25 суралцагч хамрагдаж, үндэсний өв соёлын үнэт өв болох шагайн харвааны тухай мэдлэг, дадлага эзэмшин, уламжлалт спортоо сурч хөгжих боломж бүрдэж байна.
✅Сургалт нь 14 хоногийн хугацаанд үргэлжлэх бөгөөд эхний 7 хоногт багшийн удирдлага, арга зүйн зөвлөгөө дор сургалт явагдаж, үлдсэн 7 хоногт суралцагчид бие даан дадлагажин, ур чадвараа ахиулах байдлаар зохион байгуулагдаж байна.
✅Мөн энэхүү сургалтыг өөрийн мэдлэг, ур чадвар, үнэт туршлагаараа баяжуулан, суралцагчдад үндэсний шагайн харвааны арга ухаан, өв уламжлал, ёс заншлыг түгээн дэлгэрүүлж буй Аймгийн гоц мэргэн С. Хасбаатар багшдаа талархал илэрхийлье.
2026.05.21
Уламбаяр Сүхбаатар Цэнд-Аюуш Сумъяа Сосор Хасбаатар Л. Үүрцайх Г. Базармаа Б. Батцэцэг
#ҮндэснийШагайнХарваа #ӨвСоёл #НасанТуршийнСуралцахуй