Их хотын мэдээ

Өвчтөн эхлээд өрхийн эмнэлэгт үзүүлдэг тогтолцоонд буцаж шилжлээ. Өмнө нь эхлээд өрхийн эмчдээ үзүүлж, эмч өвчний түүх дээр нь “Дүүргийн эмнэлэг үзүүлэх” гэж бичин, цахимаар дүүргийн Нэгдсэн эмнэлэг рүү илгээдэг байсан. Тэгвэл эхлээд өрхийн эмчдээ үзүүлэлгүй, илгээх бичиг авалгүй Нэгдсэн эмнэлэгт очвол 20.000 төгрөгийн төлбөр авдаг болж байна. Аймаг, дүүргийн Нэгдсэн эмнэлэгт очих шаардлагагүй, хөнгөн өвчтэй, эмчийн хяналтад байдаггүй, хөнгөн өвчтэй иргэдийг өрхийн эмнэлэгт үзүүлдэг болгохын тулд ийм төлбөртэй болгожээ.

Zarig.mn:
Автомашины ослоор нас барсан Өвөрхангай аймгийн малчин Ц агсны 5 хүүхдэд тус бүрт нь 18 сая төгрөгийн хадгаламж нээж, талийгаач ээж аавынх нь малчны зээл болох 17 сая төгрөгийг хандивын мөнгөөр бүрэн барагдуулахаар боллоо.

Ингэснээр өөрсдийн хүсэлтээр хандивт нэгдэхээс татгалзсан хүүхдүүдэд хандиваас 107 сая төгрөгийг зарцуулахаар шийдлээ.

Хандив эхлүүлсэн 4 хүүхдэд 305 сая төгрөгөөр хоёр өрөө байр авч, хүүхэд тус бүрт 18 сая төгрөгийн хадгаламж нээж, талийгаач ээж аавынх нь малчны зээл болох 10 сая төгрөгийг төлж, хоёр жилийн байрны зардалд 8 сая төгрөгийг тусад нь хадгалав.

Хүүхдүүд өнөөдрөөс байрандаа орлоо. Талархлаа ❤️

Индонез улс нийслэлээ нүүлгэж байна ✈️
Индонезийн шинэ нийслэл Нусантара: Олон мянган айлын орон сууцтай “ирээдүйн хот” сүндэрлэж эхэллээ.

Индонез улс нийслэлээ Жакарта хотоос Борнео арал дахь Нусантара хот руу шилжүүлэх түүхэн төслийг эрчимтэй хэрэгжүүлж байна. Ойролцоогоор 32 тэрбум ам.долларын өртөгтэй энэхүү төсөл нь зөвхөн төрийн байгууллагуудыг нүүлгэн шилжүүлэхээс гадна 5 сая хүнийг хүлээн авах шинэ хот байгуулах зорилготой юм.

Зарим төслүүдийн хөрөнгө оруулалт хэдэн их наяд рупид хүрч байгаа нь Нусантара хотыг Зүүн Өмнөд Азийн хамгийн том хот байгуулалтын төслүүдийн нэг болгож байна.