Баянхонгор аймгийн Насан туршийн суралцахуйн төв

02/10/2026

🌟 БАГШ НАРЫН БАЯРЫН МЭНД ХҮРГЭЕ! 🌟

Монголын багш нарын баярын 60 жилийн ой
Дэлхийн багш нарын өдрийн 32 жилийн ойг
тохиолдуулан эрдэм мэдлэг түгээн,
ирээдүй хойч үеэ сурган хүмүүжүүлэх их үйлсэд
сэтгэл зүрх, мэдлэг оюунаа зориулж буй
эрхэм хүндэт багш, сурган хүмүүжүүлэгч Та бүхэндээ
чин сэтгэлийн халуун мэндчилгээ дэвшүүлье!

Та бүхний хөдөлмөр, хичээл зүтгэл,
хайр халамж, үнэт сургаал бүхэн
олон мянган хүүхдийн ирээдүйн замыг гэрэлтүүлдэг билээ.

Эрдэм түгээх эрхэм үйлс тань өөдрөг,
эрч хүч тань дүүрэн,
ажлын амжилт бүтээл тань арвин байх болтугай!

БАЯНХОНГОР АЙМГИЙН
НАСАН ТУРШИЙН СУРАЛЦАХУЙН ТӨВ

02/10/2026

ХУВЬ ХҮНИЙ ХӨГЖИЛД
Овьёосны ашиг тусыг мэдэж зөв хэрэглэцгээе...

🫀 Зүрхийг хамгаална
Бета-глюкан нь хорт холестерины түвшинг бууруулж, зүрх судасны өвчнөөс хамгаалдаг

🍬 Цусан дах сахрыг тогтвортой байлгана
Гликемийн индекс бага учир чихрийн шижин үүсэхээс сэргийлдэг

🫁 Хоол боловсруулалтыг сайжруулна
Өндөр агууламжтай эслэг нь гэдэсний ажиллагааг эрүүлжүүлдэг

⚖️ Жинг хянахад тусалдаг
Удаан шингэдэг учир удаан цадуулж, хэт их идэхээс сэргийлдэг

💪 Эрдэс бодис, витаминаар баялаг
Төмөр, магни, цайр, В витамин агуулж дархлааг бэхэждэг

01/10/2026

🌸 АХМАДЫН БАЯРЫН МЭНДЧИЛГЭЭ 🌸

Үе үеийн эрхэм хүндэт ахмад багш, сурган хүмүүжүүлэгч Та бүхэндээ Ахмадын баярын халуун мэндийг өргөн дэвшүүлье.

Эрдэм мэдлэгийн их үйлсэд залуу нас, хөдөлмөр зүтгэл, оюун билгээ зориулж, олон мянган шавийнхаа амьдралын замд гэрэл гэгээ нэмж, ирээдүй хойч үеийг сурган хүмүүжүүлсэн Та бүхнийхээ нөр их хөдөлмөр, үнэтэй хувь нэмрийг бид ямагт хүндэтгэн дээдэлдэг билээ.

Та бүхний үлгэр дуурайл, үнэт сургаал, амьдралын арвин туршлага нь бидний хувьд эрхэм нандин өв, үеэс үед уламжлагдах оюуны үнэт баялаг юм.

Ахмад багш Та бүхэндээ
🌿 Эрүүл энхийг,
🌿 Урт удаан наслахыг,
🌿 Аз жаргал, амар амгаланг,
🌿 Үр хүүхэд, шавь нарынхаа хайр хүндлэлээр дүүрэн сайхан амьдралыг хүсэн ерөөе.

Ач буянаа түгээж, эрдэм ухаанаа өвлүүлсэн үе үеийн ахмад багш нартаа чин сэтгэлээсээ талархаж байна.

💐 АХМАДЫН БАЯРЫН МЭНД ХҮРГЭЕ! 💐

НАСАН ТУРШИЙН СУРАЛЦАХУЙН ТӨВ

01/10/2026

✅ ЗӨВЛӨН ТУСЛАХ АЖИЛ ЗОХИОН БАЙГУУЛАГДЛАА

Баянхонгор аймгийн Эрдэнэцогт суманд “Суралцагч сум” үйл ажиллагааны хэрэгжилт, явцтай танилцаж, хэрэгжүүлэгч баг болон Насан туршийн суралцахуйн нэгжийн үйл ажиллагаанд мэргэжил, арга зүйн зөвлөгөө, дэмжлэг үзүүлэн ажиллалаа.

📌 Хэрэгжүүлэгч багтай уулзаж, зөвлөмж чиглэл өглөө.

“Суралцагч байгууллага”, “Суралцагч иргэн”, “Суралцагч хүүхэд”, “Суралцагч гэр бүл” дэд ажлын хүрээнд:

✓ Хуулиа дээдлэгч
✓ Эрүүл харилцааг эрхэмлэгч
✓ Өв соёлоо дэлгэрүүлэгч
✓ Эрүүл, аюулгүй орчин бүрдүүлэгч

4 зорилтын хэрэгжилттэй танилцаж, цаашид хэрэгжүүлэх үйл ажиллагааны талаар зөвлөмж, чиглэл өгч ажиллав.

📚 Төрийн албан хаагчид, хүүхдэд сургалт зохион байгууллаа.

✓ “Харилцаа хандлага ба харах өнцөг” – 65 төрийн албан хаагч ХХХХМенежер П.Дайрийсүрэн
✓ “Амьдралаа төлөвлөх чадвар” – 10 дугаар ангийн 19 суралцагч НТСТ багш Ш.Бүүвэйбаатар

Мөн 🏫 ЕБ-ын сургуулийн Насан туршийн суралцахуйн нэгжийн багш үйл ажиллагаатай танилцаж, сургалт, нөлөөллийн ажлын хэрэгжилт, баримт бичгийн бүрдэл, ээлжит хичээлийн төлөвлөлт, арга зүйн талаар зөвлөгөө өгч, ганцаарчилсан уулзалт, ярилцлага зохион байгуулан ажиллалаа.

🌱 Иргэн бүрийг суралцах боломж, орчноор хангаж, суралцагч сумын үйл ажиллагааг дэмжин хамтдаа хөгжлийн төлөө ажиллаж байна.

Баянхонгор аймгийн Насан туршийн суралцахуйн төв
#СуралцагчСум #НасанТуршийнСуралцахуй #ЗөвлөнТуслахАжил #Боловсрол #Баянхонгор

30/09/2026

24/09/2026

🧑‍💻👩‍💻👨‍💻ЦАХИМ ХУРАЛ ЗОХИОН БАЙГУУЛАГДЛАА.

✅✅✅Насан туршийн суралцахуйн төвөөс нэгжийн 23 менежер, багш нарыг хамруулсан цахим хурлыг зохион байгуулж цаг үеийн мэдээ, мэдээллийг танилцуулж цаашид анхаарч ажиллах ажлын чиглэл, үүрэг даалгаврыг хүргэлээ.

✅✅✅Мөн Насан туршийн суралцахуйн нэгжид шинээр ажилд орсон багш нарт төвийн менежер, багш ажлын чиглэл, байгууллагын үйл ажиллагааны онцлогийг танилцуулж сургалтын хөтөлбөр төлөвлөгөө боловсруулах, сургалт зохион байгуулах, тайлан мэдээ боловсруулж ирүүлэх, цахим орчинд үйл ажиллагааг сурталчлан ажиллах зэрэг зөвлөмж, чиглэлийг өгч ажиллав.
😍🤩Менежер багш нартаа ажлын амжилт хүсье.

22/09/2026

📱 ГАР УТАСНЫ САНАХ ОЙ ДҮҮРСЭН ҮЕД ЯАХ ВЭ?
Гар утас гацах, зураг бичлэг хадгалах зайгүй байх үед хэрэггүй файл, зураг, ашиглахгүй аппликейшн болон мэдээллийг Google Drive-аас зохих хэмжээгээр хадгалалтад шилжүүлээрэй.
💡 #ЦахимЗөвлөмж #ИргэнБүрийнЦахимХөтөч #ЦахимУрЧадвар #НасанТуршийнСурал

22/09/2026

📩ДҮҮРСЭН GMAIL ЦЭВЭРЛЭХ АРГА

1. Том хэмжээтэй мэйлүүдийг олох
Gmail-ийн хайлтын хэсэгт:
larger:10M
гэж бичээд хэрэггүй том хэмжээтэй мэйлүүдээ устгана.

2. Хуучин мэйлүүдийг цэвэрлэх
1 жилээс өмнөх мэйлүүдийг олохдоо:
older_than:1y
гэж бичнэ.

3. Сурталчилгааны мэйлүүдийг устгах
Хайлтын хэсэгт:
category:promotions
гэж бичээд хэрэггүй сурталчилгааны мэйлүүдээ устгана.

4. Том хавсралттай мэйлүүдийг олох
Хайлтын хэсэгт:
has:attachment larger:5M
гэж бичнэ.

5. Хогийн савыг хоослох
Trash → Empty Trash now
гэсэн хэсгийг сонгож, устгасан мэйлүүдээ бүрэн цэвэрлэнэ.

6. Google Drive болон Google Photos-оо шалгах
Gmail, Google Drive, Google Photos нь нэг хадгалах сан ашигладаг тул хэрэггүй том файл, зураг, видеогоо мөн цэвэрлээрэй.

🌱 Цэвэр Inbox – Илүү эмх цэгцтэй, үр бүтээлтэй цахим хэрэглээ!
#ИргэнБүрийнЦахимХөтөч #ЦахимУрЧадвар #НасанТуршийнСуралцахуй

22/09/2026

📚 ЗАХИАЛГАТ СУРГАЛТ ЗОХИОН БАЙГУУЛАВ

👩‍🏫5 дугаар багийн 35 иргэнд “Хүүхэд хүмүүжлийн эерэг арга”, “Санхүүгийн боловсрол” сэдвээр захиалгат сургалтыг зохион байгууллаа.

✅Сургалтаар эцэг эх, иргэдэд хүүхэдтэйгээ зөв харилцах, хүүхдийн нас, сэтгэхүйн онцлогт тохируулан эерэг арга барилаар хүмүүжүүлэх, хүүхдийн үзэл бодлыг сонсох, ойлгох, дэмжихийн ач холбогдлын талаар мэдлэг, мэдээлэл өглөө.

✅Мөн санхүүгийн боловсрол сэдвийн хүрээнд өрхийн орлого, зарлагаа зөв төлөвлөх, хуримтлал бий болгох, санхүүгийн зөв дадал хэвшүүлэх, мөнгөө зөв зохистой зарцуулах талаар практик зөвлөгөө, мэдээллийг хүргэлээ.

✅Сургалтыг 5 дугаар сургуулийн нийгмийн ажилтан Б.Сэлэнгэ удирдан зохион байгуулж, оролцогчдыг ярилцлага, дасгал ажил, харилцан санал солилцох үйл ажиллагаанд идэвхтэй оролцууллаа.

🌱 Зөв хүмүүжил – Зөв санхүүгийн дадал – Аз жаргалтай гэр бүл

#ЗахиалгатСургалт #НасанТуршийнСуралцахуй #ХүүхэдХүмүүжлийнЭерэгАрга #СанхүүгийнБоловсрол

22/09/2026

ЗАХИАЛГАТ СУРГАЛТ ЗОХИОН БАЙГУУЛАВ

Соёл, урлаг, аялал жуулчлалын газрын 240 албан хаагчдад зориулан “Стрессийг зохицуулах нь” сэдэвт захиалгат сургалтыг амжилттай зохион байгууллаа.

Тус сургалтаар:
✅ Стресс гэж юу болох, түүнд нөлөөлөх хүчин зүйлс
✅ Стрессийн үед илрэх бие махбод, сэтгэл зүйн өөрчлөлт
✅ Ажлын байрны стрессийг зөв зохицуулах арга
✅ Сэтгэл хөдлөлөө удирдах, тайвшрах энгийн арга техник
✅ Өдөр тутмын амьдралд хэрэгжүүлэх стресс бууруулах дадал
зэрэг сэдвээр мэдээлэл, зөвлөгөө өгч, оролцогчдыг практик дасгал, идэвхтэй үйл ажиллагаанд хамрууллаа.

Сургалтыг 5 дугаар сургуулийн нийгмийн ажилтан Б.Сэлэнгэ удирдан зохион байгуулж, албан хаагчдын сэтгэл зүйн эрүүл мэнд, ажлын бүтээмжийг дэмжихэд чиглэсэн мэдлэг, арга зүйн мэдээллийг хүргэлээ.

🌿 Эрүүл сэтгэл зүй – Эерэг хандлага – Бүтээмжтэй ажиллах орчин