Эрдэмд хөтөлсөн Эрдэнэцагааны сургууль-100 жил

📚СОНГОН ШАЛГАРУУЛАЛТЫН УРИЛГА-2026

✅Алтан гадас одонт СҮХБААТАР АЙМГИЙН ЭРДЭНЭЦАГААН СУМЫН ЕРӨНХИЙ БОЛОВСРОЛЫН СУРГУУЛИЙН найрсаг, чадварлаг хамт олон таныг манай байгууллагын хамт олны нэгэн гишүүн болж, боловсролын салбарын хөгжилд хамтран хувь нэмрээ оруулахыг урьж байна.

✍️✍️✍️Нээлттэй ажлын байр /үндсэн орон тоо/
• Математикийн багш
• Англи хэлний багш
• Химийн багш
• Биеийн тамирын багш
• Хөгжмийн багш
• Технологийн багш /эрэгтэй/
• Бага ангийн багш

⏱️⏱️⏱️БҮРТГЭЛ ХҮЛЭЭН АВАХ ХУГАЦАА: 2026.07.01-2026.08.17-ныг хүртэл

☎️☎️☎️ХОЛБОГДОХ УТАСНЫ ДУГААР:
99997218, 99753673, 95810734

ЭЛСЭЛТИЙН ЕРӨНХИЙ ШАЛГАЛТ ЭХЭЛЛЭЭ.🚀

2026 оны Элсэлтийн шалгалт зургадугаар сарын 25-наас 28-ны өдрүүдэд улс орон даяар нэгэн зэрэг зохион байгуулагдаж байна.
2025-2026 оны хичээлийн жилд манай сургуулийн 12 дугаар ангийн 62 сурагч ЭШ өгөхөөр бэлтгэгдэж, зорьсон зорилгодоо хүрэхээр шамдан суралцлаа.

Эрдэм мэдлэгийг эрхэмлэн суралцсан эрхэм сурагчдадаа сурсан мэдсэнээ бүрэн дайчилж, хүссэн сургууль, мэргэжлээ сонгон, ирээдүйн зорилгодоо хүрэхийг хүсэн ерөөе.

Нийт шалгуулагчдадаа амжилт хүсье.👏🏻👏🏻👏🏻

🎓БҮРЭН ДУНД БОЛОВСРОЛЫН ҮНЭМЛЭХ, СУУРЬ БОЛОВСРОЛЫН ГЭРЧИЛГЭЭ ГАРДУУЛАХ ҮЙЛ АЖИЛЛАГАА🎓

📖📖📖Бүрэн дунд боловсролын 74 суралцагч, Суурь боловсролын 125 суралцагч амжилттай төгсөж боловсролын гэрчилгээ, үнэмлэхээ гардан авлаа.

“Нийт төгсөгчдөдөө баяр хүргэж, дараагийн шатны эрдмийн аянд нь өндөр амжилт хүсье!"

Сургуулийн захиргаа 2026.06.19

Алтан гадас одонт Эрдэнэцагаан сумын ЕБС -ийн залуу багш нарын Эхлэл клубийн 5 жилийн ойг тохиолдуулан төрийн болон төрийн бус байгууллага аж ахуйн нэгжийн дунд волейболын тэмцээн амжилттай зохион байгуулагдлаа.
Эмэгтэй 8 эрэгтэй 5 нийт 13 багийн 100 гаруй тамирчид оролцсоноос :
✅Эрэгтэй төрөлд
🥇Тэргүүн байр -Алтангадас одонт ЕБС
🥈Дэд байр- Хилийн цэргийн 0146 анги 2-р баг
🥉Гутгаар байр -Хилийн цэргийн 0146 анги 1-р баг
✅Эмэгтэй төрөлд
🥇Тэргүүн байр - Аж ахуйн нэгж
🥈Дэд байр - Хонгор баг
🥉Гутгаар байр -Алтангадас одонт ЕБС -ийн эхлэл клубийн баг шалгарлаа . 👏🏻👏🏻👏🏻
Тэмцээнд идэвхтэй оролцсон Ахмадын хороо ЗДТГ ХЦ 0146 , ГТУА - 47-р анги, аж ахуйн нэгж, Хонгор багийн хамт олонд талархал илэрхийлье .

ЭРДЭНЭЦАГААН ЕБС -ИЙН ЗАХИРЛЫН ДЭРГЭДЭХ ЭХЛЭЛ КЛУБ
✅Хамтдаа хөгжье хамтдаа бүтээе
2026.06.13

🎉ТАЙЛАНТ ӨДӨРЛӨГ-2026👏🏻
✅2025-2026 оны хичээлийн жилд хичээллэсэн секц, дугуйлан, клубүүдийн суралцагчдын авьяас чадвар, амжилт бүтээлийг дүгнэх "Тайлант өдөрлөг" амжилттай зохион байгуулагдлаа.
Тус өдөрлөгт
✍️Б.Гантулга багштай Самбо, жудо үндэсний бөхийн секц
✍️Р.Батцэцэг багштай Хөнгөн атлетикийн секц
✍️М.Мөнхнаран багштай Үндэсний шагайн харваа Зотол хааны мэргэцүүл клуб
✍️Д. Төгсбаяр багштай Сагсан бөмбөгийн секц
✍️О. Мягмаржав багштай Волейболын секц
✍️Б. Гантулга багштай Хилчин клуб
✍️Н.Оч багштай Өсвөрийн сэргийлэгч бүлгэм
Сурагчдын өөрөө удирдах зөвлөл
✍️Б.Хулан багштай Light up охидын клуб
✍️М.Ундармаа багштай Зөв монгол хүүхэд клуб
✍️М.Батгэрэл багштай Ногоон ирээдүй эко клуб, өсвөрийн эмч клуб
✍️Ц.Урантогос багштай Өсвөрийн номын санч клуб
✍️Б.Баасансүрэн багштай Уран зургийн дугуйлан
✍️Б.Ойдов Б. Тувшин-Эрдэнэ багштай шатарын дугуйлан
✍️Ц.Оюунтуяа багштай Сэтгэх чадварын дугуйлан
✍️Э.Жаргалмаа М.Мөнхнаран багштай Үндэсний бичгийн дугуйлан
✍️Э.Амин-Эрдэнэ багштай Гар урлалын дугуйлангийн сурагчид оролцож бүтээлийн үзэсгэлэн гаргаж урлагийн болон спортын үзүүлэх тоглолтууд хийж сурсан мэдсэнээ бусдадаа тайлагналаа. 2025-2026 онд аймаг бүс улсын чанартай уралдаан тэмцээн, олимпиад сурагчидаа амжилттай бэлтгэн оролцуулсан багш нар болон үйл ажиллагаанд идэвх санаачилгатай оролцож, үе тэнгийнхнээ манлайлан, хамт олноо түүчээлэн ажилладаг клуб, секц дугуйлангийн сурагчдыг урамшууллаа. Тайлант өдөрлөгт идэвхтэй оролцсон багш сурагчдадаа талархал илэрхийлье.💐

🌟Хүүхэд бүрийн авьяас чадварыг нээн илрүүлж хөгжлийн замд хөтөлж буй багш нартаа баярлалаа.

Сургуулийн захиргаа
2026.06.11

🎓ЭРДМИЙН БАЯР-2026🎓
“Эрдэмд хөтөлсөн” Эрдэнэцагааны сургуулийн төгсөх ангийн сурагчдын “Эрдмийн баяр”-ын үйл ажиллагаа амжилттай зохион байгуулагдлаа.
🧑‍🎓Эрдэм мэдлэг, авьяас чадвар, хичээл зүтгэлээрээ үеийн нөхдөө манлайлан суралцаж шилдэг, оюунлаг, авьяаслаг, спортлог сурагчаар шалгарсан нийт төгсөгчдөдөө халуун баяр хүргэе.
🎉🎉🎉Энэ жилийн төгсөгчдөөс "Олон улсын хэмжээний мастер" төрөн гарч, сургуулийнхаа түүхэнд бахдам амжилт үзүүллээ.
Суурь болон бүрэн дунд боловсролоо эзэмшин амжилттай төгсөж буй
Б.Өнөрцэцэг багштай 9а анги
Б.Жаргалан багштай 9б анги
Б.Мөнхмарал багштай 9в анги
Б.Гантулга багштай 9г анги
Н.Сайхантуяа багштай 12а анги
Д.Даваасүрэн багштай 12б ангийн нийт төгсөгчдөдөө баяр хүргэж, амжилт хүсье. Мөн үйл ажиллагааг маань дэмжин хамтран ажилладаг байгууллага , эцэг эх асран хамгаалагчдадаа талархал илэрхийлье .

Сургуулийн захиргаа
2026.06.11

🎓🎓🎓”Дурсамж дүүрэн он жилүүд” эрдмийн баяраа хийж буй 9,12-р ангийн төгсөгчид, эрдэмтэн багш нар, хүндэт эцэг эх асран хамгаалагч нартаа мөнгөн хонхны баярын мэнд хүргэе.

🎓 ЭРДМИЙН БАЯР – 2026 🎓
Эрхэм хүндэт багш, ажилтан, эцэг эх, асран хамгаалагч та бүхнийг “ДУРСАМЖ ДҮҮРЭН ОН ЖИЛҮҮД” төгсөх ангийн эрдмийн баярт хүрэлцэн ирэхийг урьж байна.

🎓🎓🎓Хүслийн жигүүртэй хүүхэд нас тайлант өдөрлөгөө хийж буй 5-р ангийн бяцхан шавь нар, эрдэмтэн багш, хүндэт эцэг эх асран хамгаалагч нартаа баярын мэнд хүргэе.