ЭМХ ЦЭГЦ •SJ•

18/08/2026

Одоо жаахан амраа зөндөө л хичээлээшдээ

07/06/2026

СӨРӨГ ХҮМҮҮСИЙГ ИНГЭЖ ТАНЬЖ БАЙГААРАЙ👌🏻

1. Жаахан ярилцаад суухад л бусдыг муулдаг хүн, танайхаас гараад таныг ч мөн адил муулж, доош нь хийх нь гарцаагүй. Ийм хүнээс хол яв.

2. Гудамжинд тааралдахаараа хүйтэн харцаар дээрээс доош ширтэж, ярвайж, янз бүрийн ааш гаргадаг хүмүүс бий. Ийм хүнээс хол яв.

3. Хэрэгтэй үедээ хормойноос зүүгдэх шахам дотно байснаа, хэрэг нь бүтмэгц сураггүй алга болж, амар мэнд ч асуухгүй. Харин дахин хэрэг гарахаараа юу ч болоогүй мэт хүрч ирдэг. Ийм хүнээс хол бай.

4.Чиний зовлонгоос өчүүхэн ч хуваалцахгүй атлаа өөрөө асуудалд орохоороо уйлан гомдоллож, өрөвдүүлэхийг хүсдэг. Ийм хүнээс хол бай.

5. Чамд хэт долигнож, далдаганан ойртдог хүн хэзээ нэгэн цагт ар нуруунд чинь хутга шаах магадлалтай.
Ийм хүнээс хол бай.

Харин хүнийг таних мэдрэмжээ сайжруул.

Дотнын найз биш атлаа алдаа дутагдлыг чинь нүүрэн дээр чинь шударгаар хэлдэг, ажил төрөлд чинь чин сэтгэлээсээ тусалдаг, хол байсан ч үргэлж холбоотой байж сэтгэлийн дэм өгдөг, баяр баясгалантай үед бус хэцүү цагт чинь хаалга тогшоод зогсож байдаг, бусдын өмнө чамайг өмгөөлдөг, “Чи чадна, болно, бүтнэ” хэмээн урам хайрладаг хүмүүстэй дотносоорой.

Харин сөрөг хүмүүстэй хэт ойртож, бүхнээ хуваалцчихаад дараа нь тэдний үнэн төрхийг мэдээд гутарч, гомдож, шаналж, урваж шарвах хэрэггүй.

Тиймээс хүнээ зөв таньж, сэтгэлээ нээгээрэй.

Мөн таны хэлсэн сайхан үгийг ойлгохын оронд шууд л сөрөг талаас нь хүлээн авч, муу энергитэйгээ хослуулан бүхнийг буруугаар тайлбарладаг хүмүүс ч бий гэдгийг бүү март.

Сөрөг энергитэй хүн гэж байдаг. Харамсалтай нь тэд өөрсдөө үүнийгээ мэддэггүй, бүр мэдэрдэг ч үгүй. Учир нь хүн бүр өөрийгөө “Би сайн хүн” гэж дүгнэх хандлагатай.

Анзаараад л бай. Цаг хугацаа өнгөрөх тусам хүмүүсийн булингартай нь булингартайгаа, тунгалаг нь тунгалагтайгаа ялгарч эхэлдэг юм.

Монгол хүний гэгээн ухаанд би итгэдэг. 😊

Ер нь сайхан энергитэй хүнтэй харилцахад цаанаа л нэг дулаахан, тухтай, сайхан мэдрэмж төрдөг шүү дээ. Энэ хүртэл уншсанд баярлалаа👌🏻💯♥️

29/03/2026

22/03/2026

1. Өдрийн төлөвлөгөө🌺🌺🌺

Энэхүү загвар нь тархийг "шийдвэр гаргах" ачааллаас чөлөөлж, эрчим хүчийг зөв хуваарилахад тусална.

• 3 Чухал ажил: Тухайн өдөр заавал амжуулах ёстой, таныг хамгийн их урагшлуулах 3 гол ажил (Бусдыг нь түр хойш тавь).

• 2 Сэтгэл зүйн амралт: Өдрийн турш 15-20 минут технологиос бүрэн холдож, юу ч бодохгүй байх "цонх" үе (Жишээ нь: Өдрийн хоолны дараах алхалт).

• 1 Маргаашийн бэлтгэл: Орой унтахаас өмнө маргааш хийх зүйлсээ цаасан дээр бичиж үлдээх. Ингэснээр тархи шөнө нь "юу хийх билээ?" гэж санаа зовохгүй амардаг.

04/01/2026

Эрт босож суръя 🌅

гэхээр нэг л болохгүй юм гэж хэлэх хүмүүс зөндөө л байгаа.

Олон жилийн өмнө ингэж хэлдэг хүмүүсийн нэг байв. Эрт босох ямар чухлыг тэр үед ойлгодоггүй байж, Өглөөний гайхамшиг номоо уншаад, олон хүнтэй хамт хэрэгжүүлбэл үр дүнтэй байх гээд группээ нээгээд олон хүнд уриалсан хүн ичсэндээ хийнэ гэдэг шиг дадал болгохоор чармайсан. Нэг мэдсэн нэг жил их дажгүй, сахилга баттай явчихсан, өглөө эртлэн босоод ажил дээрээ эрт ирчихсэн, нэлээн олон ажлын ард гарчихсан байв. Үүнээсээ урам аваад дараа жил нь, тэрний дараа жил гээд овоо хэдэн жил энэ дадлыг хэвшүүлжээ. Одоо харин энгийн нэг дадлын цаана ямар олон давуу тал байдгийг ойлгож, тууштай, сахилга баттай байсан өөрөөрөө бас үр шимийг нь хүртээд явж байгаа олон зуун, мянган Өглөөний гайхамшгуудаараа бахархаж байна. Өглөөний гайхамшиг номыг уншиж бас итгэж үйлдэл болгосноор олон зуун, мянган хүн өөртөө итгэх итгэлээ өсгөж, карьерийн өсөлт хийж, орлогоо нэмэгдүүлж, гадаад дотоодод түвшин ахиулан суралцаж, бизнесийн боломжоо олон зуун хувиар ахиулсан. Та хэдийгээ мэднэ ээ, мундаг шүү л гэмээр байна.

Өглөө эртлэн босож, өөртөө багахан цаг гаргаснаар ямар өөрчлөлт гардаг вэ гэвэл:

🌱 Өглөө эрт боссон хүн орой эрт унтана, зөв цагтаа унтсанаар гүн нойроо сайн авч, сайн амарч бодисын солилцоо сайжирдаг. Биологийн цаг гэдэг зүйлтэй өглөөний гайхамшгийн эртэч дадал яг таг таардаг. 21.30-22.00 цагт унтаж, өглөөний 5-6 цагт босож хэвшсэнээр өдрийн 7-8 цагийн чанартай нойроо авч чаддаг, дадал болсноор нойрны чанар сайжирдаг, дархлаа ч сайн байна.

🌱 Эрт боссон хүн сэтгэл санаа өөдрөг, яарч сандрахгүй хувийн бэлтгэлээ хангаж ажил албандаа явна. Магадгүй өглөө эрт ажилдаа очсоноор түгжрэлээс өмнө очиж, түгжрэлээс өмнө гарна. Бүтээмж ч өснө.

🌱 Нэг хүний дадал өөрчлөгдсөнөөр гэр бүлийнхний унтах дэглэм дагаад өөрчлөгдөнө, гэр бүлээрээ зөв цагтаа унтаж боссоноор амьдралын хэв маяг сайжирч, дархлаагаа сайн дэмжинэ.

🌱 Бүтээмж өссөнөөр орлого нэмэгдэнэ, орлого нэмэгдсэнээр өөр бусад боломжуудад хөрөнгө оруулалт хийх, чухал зүйлдээ илүү анхаарна гээд хөврөөд байна даа.

🌱 Товчхондоо, биеийн болон сэтгэлийн эрүүл мэнд хоёулаа дэмжигдэнэ. Өглөөний гайхамшиг номын нэг гайхалтай зүйл нь эртэч дадлаар зогсохгүй суралцах, өөртөө төвлөрөх, өөртөө цаг гаргах дадлыг давхар хэвшүүлэх арга аргачлалыг хэлээд өгдөг болохоор үр дүнтэй байдаг аа. Мэддэг нь байхад мэдэхгүй, зөвлөөд өгөх хүнгүй ч байх тул хэрэгтэй хүндээ хэрэгтэй байдаг аа.

🌞🌞🌞🌞🌞🌞🌞🌞🌞🌞🌞🌞🌞🌞🌞🌞

30/11/2025

🌸
Эмх цэгцтэй амьдрах гэдгийг эргэн тойрныхоо эд хогшлыг гаргаж хаяад хоосон шахуу өрөөнд суухын нэр бас биш юм. Эд зүйлсээс гадна өөртэйгөө ажиллах нь дараагийн нэг шат. Өглөө эрт босох, дасгал сургуулилт хийх, эрүүл хооллох, эрүүл мэнддээ анхаарах, оюундаа хөрөнгө оруулах гэх мэт цэгцтэй амьдралын хэв маягийг өөртөө хэвшүүлэх нь сэтгэл санаа цаашлаад аливааг харах өнцөгт эерэг өөрчлөлтийг авчрах болно.

13/11/2025

Өглөөний мэнд!🌸

Та өнөөдөр хамгийн сайнаараа хичээгээрэй🌹
ЭМХ ЦЭГЦ •SJ•