Арвайхээр сумын тэргүүний 8-р цэцэрлэг

17/06/2026

12/06/2026

2025–2026 оны хичээлийн жилд хүүхдийн эрүүл мэндийг хамгаалах, өвчлөлөөс урьдчилан сэргийлэх, эрт илрүүлэг, оношилгоо, эрүүлжүүлэх арга хэмжээг төлөвлөгөөний дагуу үе шаттайгаар зохион байгуулж ажиллалаа.

Хүүхдийн дунд салхин цэцэг өвчний тохиолдол нэмэгдсэнтэй холбогдуулан 9 бүлгийн 311 хүүхдэд тандалт хийж, үүнээс 160 хүүхдийг эрүүл мэндийн үзлэгт хамруулан халдварт өвчнөөс урьдчилан сэргийлэх, хувийн ариун цэвэр сахих, дархлааг дэмжих талаар хүүхэд, эцэг эх, асран хамгаалагчдад зөвлөгөө мэдээлэл хүргэсэн. Мөн давтан үзлэгт нийт 413 хүүхдийг хамруулж, эрүүл мэндийн хяналт, тандалтыг тогтмол хэрэгжүүлэн ажиллав.

Нүдний өвчлөлийг эрт илрүүлэх зорилгоор Бүсийн оношилгоо, эмчилгээний төвийн нүдний эмчийн үзлэгт 70 хүүхдийг хамруулснаас 45 хүүхдэд харааны өөрчлөлт илэрсэн. Үүнээс 17 хүүхдийг нүдний эмч Б.Золзаяагийн нарийн мэргэжлийн үзлэгт хамруулж, шаардлагатай зөвлөгөө, зөвлөмжийн дагуу хяналт тавин ажилласан бөгөөд үлдсэн 28 хүүхдийг 6 сарын дараах хяналтын үзлэгт хамруулахаар төлөвлөөд байна.

Эрүүл мэндийн сайдын А/145 дугаар тушаалын хэрэгжилтийг ханган байгууллагын 33 багш, ажилтныг урьдчилан сэргийлэх үзлэг, шинжилгээнд бүрэн хамрууллаа. Мөн “Ариусанаа” эмнэлэгтэй хамтран 24 багшийг нэмэлт үзлэг, оношилгоонд, 30 багш, ажилтныг эрсдэлийн , шинжилгээнд хамруулсан. Нийт давхардсан тоогоор 137 багш, ажилтан эрүүл мэндийн үзлэг, оношилгоо, эмчилгээнд хамрагдсанаас 11 хүнд яаралтай тусламж үйлчилгээ үзүүлсэн байна.

Эрэгтэйчүүдийн эрүүл мэндийг дэмжих, урьдчилан сэргийлэх үзлэгийн хамрагдалтыг нэмэгдүүлэх зорилгоор Ариун санаа эмнэлэгтэй хамтран 5 эрэгтэй ажилтныг эрүүл мэндийн үзлэгт хамрууллаа.

Мөн хүүхдийн амны хөндийн эрүүл мэндийг сайжруулах чиглэлээр Бүсийн оношилгоо, эмчилгээний төвийн шүдний эмч нартай хамтран 223 хүүхдийг шүдний үзлэгт хамруулж, эрүүлжүүлэх шаардлагатай 146 хүүхдийг давтан үзлэгт хамруулсан. Үүнээс анхан шатны эмчилгээнд 129 хүүхэд, давтан эмчилгээнд 357 хүүхэд хамрагдсан бөгөөд шүдний өвчлөлийг бууруулах, амны хөндийн эрүүл ахуйн зөв дадлыг төлөвшүүлэхэд бодит үр дүн гарсан байна.

Хэрэгжүүлсэн үйл ажиллагааны үр дүнд хүүхэд, багш, ажилтнуудын эрүүл мэндийн боловсрол нэмэгдэж, өвчлөлийг эрт илрүүлэх, хүндрэлээс урьдчилан сэргийлэх, эрүүл мэндийг дэмжих ажлын чанар, үр нөлөө дээшилсэн төдийгүй эрүүл, аюулгүй орчныг бүрдүүлэхэд чухал хувь нэмэр орууллаа.
Цэцэрлэгийн эмч А.Эрдэнэцэцэг

12/06/2026

Арвайхээр сумын Хүүхдийн 8 дугаар цэцэрлэгийн 2012-2026 оны амжилтын түүхээс

01/06/2026

“Бүтээлч Ирээдүй АОДЭ” уралдаанд Бэлтгэл-Б бүлгийн Г. Ивээлт -7763 оноо Тэргүүн байр эзэллээ бяцхан шавьдаа халуун баяр хүргэе.

01/06/2026

Мэргэжлийн багш нарын бүлгээрээ хамтран ажилласнаар багшлахуй болон суралцахуйд тулгамдсан асуудлаар олж илрүүлсэн байна.
Үүнд:

✅ Мэргэжлийн багш нарын бүлгийн хэлэлцүүлгийг 12 удаа зохион байгуулж, хүүхдийн хэл ярианы хөгжлийн өнөөгийн нөхцөл байдалд дүн шинжилгээ хийсэн. Хэлэлцүүлгийн үр дүнд хүүхдүүдийн үгийн сангийн баялаг хангалтгүй, өөрийн санаа бодлоо бүтэн өгүүлбэрээр илэрхийлэх чадвар сул, асуултад нэг үгээр хариулах хандлага түгээмэл байгаа нь тулгамдсан асуудал болохыг тодорхойлсон.

Хүүхдийн хэл ярианы хөгжлийг дэмжих чиглэлээр дараах 3 төрлийн төлөвлөгөөг боловсруулж хэрэгжүүлсэн.

- Хүүхдийн хэл яриаг хөгжүүлэх үйл ажиллагааны төлөвлөгөө
- Эцэг эхтэй хамтран ажиллах төлөвлөгөө
- Арга зүйчийн долоо хоногийн бичил төлөвлөгөө

Арга зүйчийн зүгээс багш нарыг мэргэжлийн удирдлагаар хангаж, бүтэн өгүүлбэрээр ярих асуулт-хариултын сан боловсруулан түгээж, нээлттэй асуултын аргыг сургалтын үйл ажиллагаанд тогтмол ашиглах чиглэл өгч ажилласан.

Мөн хэл ярианы чиглэлээр ашиглах сургалтын хэрэглэгдэхүүний хэлэлцүүлгийг зохион байгуулж, багш нар харилцан туршлага солилцон шинэлэг хэрэглэгдэхүүн боловсруулсан.

Хоёрдугаарт: Арга зүйн дэмжлэг, сургалт

Багш нарын арга зүйн мэдлэг чадварыг дээшлүүлэх зорилгоор дараах сургалт, үйл ажиллагааг зохион байгуулсан.

1. Зохиолд суурилсан арга зүй
2. Чанга уншлагын арга зүй
3. Тоглоомд суурилсан арга зүй
4. Төсөлд суурилсан арга зүй
5. Шинжлэн судлахад суурилсан арга зүй

Эдгээр арга зүйг өдөр тутмын сургалт үйл ажиллагаанд хэрэгжүүлснээр хүүхдүүдийн идэвхтэй оролцоо нэмэгдэж, хэл ярианы чадвар бодитойгоор ахисан.

Түүнчлэн орчин үеийн цахим технологийг ашиглан хиймэл оюун ухаан (AI)-д суурилсан үлгэр амилуулах, хүүхдийн зурсан бүтээлийг хөдөлгөөнт дүрс болгон амилуулах зэрэг цахим хэрэглэгдэхүүн боловсруулж ашигласан нь хүүхдийн суралцах идэвхийг нэмэгдүүлэхэд чухал нөлөө үзүүлсэн.

Гуравдугаарт: Эцэг эхийн оролцоог нэмэгдүүлсэн ажил

Эцэг эхийн оролцоог хангах зорилгоор дараах ажлуудыг амжилттай хэрэгжүүлсэн.

- "Нэг хүн – Нэг ном" аян
- "Номын богц" аялуулах үйл ажиллагаа
- "Өдөр бүр 15 минут үлгэр уншъя" үйл ажиллагаа
- "Өв соёл – Хамтдаа уншъя" арга хэмжээ
- "Аман өвөө дээдэлье" үйл ажиллагаа
- "Зочинтой уншлага"
- "Номын үзэсгэлэн"
- Ахмад багшийн "Үлгэрч эмээ" уулзалт
- Багш нарын "Чанга уншлага" үйл ажиллагаа
- Улаанбаатар хотын Баянзүрх дүүргийн 191 дүгээр цэцэрлэгтэй туршлага солилцох ажил
-

Эдгээр үйл ажиллагааны үр дүнд гэр бүлийн орчин дахь уншлагын соёл төлөвшиж, хүүхдийн хэл яриаг хөгжүүлэхэд эцэг эхийн оролцоо нэмэгдсэн.

Дөрөвдүгээрт: Хамтын ажиллагааны үр дүн

Аймгийн Номын сантай хамтран ажиллаж, хүүхдүүдийг номтой нөхөрлүүлэх, номын сангийн үйл ажиллагаатай танилцуулах арга хэмжээг зохион байгуулсан.

Мөн "Сүлжээс оёдол" бүтээлч үйл ажиллагааг хэрэгжүүлж хүүхдүүд үлгэрийн баатраа сонгон дүр бүтээж, өөрсдийн гараар сургалтын хэрэглэгдэхүүн урлан хийсэн нь бүтээлч сэтгэлгээ, ярих чадварыг хөгжүүлэхэд онцгой ач холбогдолтой болсон.

Гарсан үр дүн

Хэрэгжүүлсэн үйл ажиллагааны үр дүнд дараах ахиц, өөрчлөлт гарсан байна.

Хүүхдийн хөгжилд гарсан ахиц

- Хүүхдийн бүтэн өгүүлбэрээр ярих чадвар 86 хувьд хүрсэн.
- Үлгэрийг ойлгон ярьж өгөх чадвар 82 хувьд хүрсэн.
- Үлгэрээр жүжиглэн тоглох чадвар 89 хувьд хүрсэн.
- Минутын уншлагын чадвар сайжирсан.
- Өөрийн үзэл бодлоо чөлөөтэй илэрхийлэх чадвар нэмэгдсэн.

Багшийн хөгжилд гарсан ахиц

- Чанга уншлагын арга зүйн талаарх мэдлэг, чадвар дээшилсэн.
- Хүүхдийн хэл яриаг хөгжүүлэх шинэлэг арга барилыг эзэмшсэн.
- Цахим хэрэглэгдэхүүн боловсруулах чадвар нэмэгдсэн.
- AI технологийг сургалтанд ашиглах туршлага хуримтлуулсан.

Байгууллагын хөгжилд гарсан ахиц

- Цахим номын сантай болсон.
- Хэл ярианы чиглэлийн цахим хэрэглэгдэхүүний сан бүрдүүлсэн.
- Номын фонд 500 гаруй номоор баяжсан.
- 9 бүлгийн номын төвийн баяжилт нэмэгдсэн.
- Сургалтын орчин сайжирч хүүхэд төвтэй хэрэглэгдэхүүний тоо нэмэгдсэн.

Эцэг эхийн оролцоонд гарсан ахиц

- Эцэг эхийн оролцоо 80 хувьд хүрсэн.
- Гэр бүлийн уншлагын орчин сайжирсан.
- Эцэг эхчүүд хүүхдийн хэл яриаг хөгжүүлэх арга барил эзэмшсэн.
- Багш, эцэг эхийн хамтын ажиллагаа сайжирсан

📌Хэл ярианы сургалтын хэрэглэгдэхүүний баяжилт хийж, сургалт, үйл ажиллагаанд тогтмол хэрэглэснээр хүүхдийн авиа үсгээ зөв дуудах, зөв бүтэцтэй, бүтэн өгүүлбэрээр ярих чадварууд ихээхэн нэмэгдэж байна.

📌МХБ-ийн үйл ажиллагааны үр дүнг сар, улирал бүр багш нараар нээлттэй хэлэлцүүлж, тайлагнаж, үр дүнгээ ярилцаж, багш багшаасаа суралцах боломж бүрдүүлж байна.

📌Хүүхдийн ахиц амжилтыг бодитой үнэлснээр тохирсон дэмжлэг үзүүлэх, тохирсон сургалтын хэрэглэгдэхүүнээр дэмжлэг үзүүлэх аргад багш нар сурч байна.

📌Хэл ярианы сургалтын хэрэглэгдэхүүний баяжилт хийж, сургалт, үйл ажиллагаанд тогтмол хэрэглэснээр хүүхэд өөрөө бие даан тоглож сурч байна.

30/05/2026

2026 оны төгсөлт багш Б.Ичинхорлоо багшийн туслах Х.Мөнхцэцэг багштай БЭЛТГЭЛ-Б бүлэг

💃🕺 “Хаврын баяр–2026” бүжгийн спортын тэмцээнд амжилттай оролцлоо

Монголын бүжгийн спортын холбоо, Өвөрхангай аймгийн Бүжгийн спортын холбоо болон “Ирмүүн” бүжгийн клубээс зохион байгуулсан “Хаврын баяр–2026” олон хотын аварга шалгаруулах бүжгийн спортын тэмцээн амжилттай зохион байгуулагдаж, тус тэмцээнд 50 клубын 1000 гаруй тамирчин ур чадвараа сорин өрсөлдлөө.

Б.Ичинхорлоо багштай Бэлтгэл Б бүлгийн 7 хүүхдийг Хөгжмийн багш Б.Наранцацаралт бэлтгэн оролцуулж, бахдам амжилт үзүүллээ.

Амжилтууд: • Олон хотын аварга шалгаруулах тэмцээний хореографик хамтлаг бүжгийн төрөлд Гутгаар байр • Аймгийн аварга шалгаруулах тэмцээний хосын төрөлд Дэд байр • Гутгаар байр • Тусгай байр

Тэмцээнд оролцсон хүүхдүүд бүжгийн ур чадвар, авхаалж самбаа, өөртөө итгэх итгэлээ хөгжүүлэн, үе тэнгийнхэнтэйгээ нөхөрсөг өрсөлдөөн өрнүүлж, үнэ цэнтэй туршлага хуримтлууллаа. Энэхүү арга хэмжээ нь хүүхдийн урлаг, гоо зүйн хүмүүжил, бие бялдрын хөгжил, хамт олонч зан төлөвийг төлөвшүүлэхэд чухал ач холбогдолтой боллоо.

👏 Амжилт гаргасан хүүхдүүддээ, бэлтгэн оролцуулсан Хөгжмийн багш Б. Наранцацралт Б.Ичинхорлоо багш нартаа болон дэмжин хамтран ажилласан Х. Мөнхцэцэг багш эцэг эхчүүддээ халуун баяр хүргэж, цаашдын уралдаан тэмцээнд нь өндөр амжилт хүсье.

30/05/2026

☀️🌈 ЗУНЫ ЗУГААТАЙ АМРАЛТ ЭХЭЛЖ БАЙНА 🌈☀️

Хүүхэд багачуудын маань хүсэн хүлээсэн зуны амралт эхэллээ. Амралтын хугацаанд хүүхдүүдийн аюулгүй байдал, эрүүл мэндийг хамгаалах нь эцэг эх, асран хамгаалагчдын хамгийн чухал үүрэг юм.

👨‍👩‍👧‍👦 Эцэг эх, асран хамгаалагч та бүхэн: ✅ Хүүхдээ хараа хяналтгүй орхихгүй байх
✅ Ус, гол мөрөн, нуурын ойролцоо тоглуулахгүй байх
✅ Замын хөдөлгөөний аюулгүй байдлыг тогтмол сануулах
✅ Гадна орчинд тоглох үед нь хамгаалалт, аюулгүй байдлыг хангах
✅ Цахим орчны зохистой хэрэглээнд хяналт тавих
✅ Эрүүл, зөв хооллолт болон өдөр тутмын дэглэмийг хэвшүүлэхэд анхаараарай.

Хүүхэд бүрийн инээд хөөр, аюулгүй байдал бидний хамтын хариуцлага юм.

🌞 Хүүхэд бүрт аюулгүй, аз жаргалтай, дурсамж дүүрэн зуны амралтыг хүсэн ерөөе! 🌞

Арвайхээр сумын Хүүхдийн 8 дугаар цэцэрлэг 🏡💚