Арвайхээр сумын Ахмадын хороо

АХМАДЫН БАЙГУУЛЛАГЫН УДИРДАХ АЖИЛТНУУДЫН ЗӨВЛӨГӨӨН АРВАЙХЭЭР ХОТОД ЗОХИОН БАЙГУУЛДЛАА.
Арвайхээр сумын Засаг даргын Тамгын газар, аймгийн ахмадын хороотой хамтран Арвайхээр хотод ахмадын байгууллагын удирдах ажилтнуудын зөвлөгөөн амжилттай зохион байгуулагдаж, хоёр өдрийн турш үргэлжиллээ.. Тус зөвлөгөөнд орон нутгийн болон байгуулагын нийт 60 гаруй ахмадын төлөөлөл оролцож, туршлага судлах, хамтын ажиллагааг бэхжүүлэхэд чиглэсэн олон талт арга хэмжээнүүдийг хэрэгжүүлж байна.
Зөвлөгөөний хүрээнд оролцогчид Арвайхээр хотын ахмадын хорооны үйл ажиллагаатай танилцаж, ахмад настанд чиглэсэн сайн туршлага, санаачилгуудыг судаллаа. Мөн ахмадуудын оролцоо, идэвхийг нэмэгдүүлэх, нийгмийн амьдралд тэдний үүргийг бэхжүүлэх талаар санал, зөвлөмж солилцсон байна.
Үүнээс гадна оролцогчид Баян Намсрай бурхны цэцэрлэгт хүрээлэн, орон нутгийн ноосны үйлдвэрээр зочлон үйл ажиллагаатай нь танилцаж, үйлдвэрлэлийн үйл явц, орон нутгийн онцлогийг сонирхож үзлээ.
Энэхүү зөвлөгөөн нь ахмадын байгууллагуудын хамтын ажиллагааг өргөжүүлэх, харилцан суралцах боломжийг нэмэгдүүлэх чухал ач холбогдолтой арга хэмжээ боллоо.

Арвайхээр сумын ахмадын хороо Болор титэм шугаман бүжгийн клуб, аймгийн Ахмадын хороотой хамтран 2026 оны 5 сарын 08-аас 5 сарын 12 ны өдрүүдэд ахмадуудад шугаман бүжгийн сургалт зохион байгууллаа. Сургалтаар “16 тоот хөгжимт дасгал хөдөлгөөн”, “Төгсөх сурагчийн уянга”, “Мама-мария”, “Аз жаргал хүсье”, “Stand by me” төрлийн стандарт бүжгүүдийг зааж сургасан байна.

Шугаман бүжиг нь ахмад настнуудын бие бялдар, сэтгэл санаа, нийгмийн идэвхийг дэмжихэд чиглэсэн энгийн хөдөлгөөнтэй, хөгжимтэй дасгалын хөдөлгөөний нэг хэлбэр юм.Ахмадууд шугаман бүжгээр хичээллэснээр биеийн хөдөлгөөний идэвхийг нэмэгдэх,үе мөчний уян хатан байдлыг сайжрах, зүрх судасны үйл ажиллагааг дэмжих, стресс, ганцаардлыг бууруулж, сэтгэл санааг өөдрөг болгох, ой тогтоолт, анхаарал төвлөрөлд эерэг нөлөө үзүүлдэг чухал ач холбогдолтой.

Сургалтад хамрагдсан ахмадууд 6 сарын 18 нд шугаман бүжгийн “Мама-мария”, “Аз жаргал хүсье” гэсэн хоёр бүжгээр тэмцээн зохион байгуулна.

Арвайхээр сумын ахмадын хороо, Хөлөлмөр халамж үйлчилгээний газартай хамтран ахмад настны явуулын үйлчилгээг хүргэж байна.
Тус төслийн нээлтийг 2026 оны 5 сарын 29 нд зохион байгууллаа. Нийт 30 ахмад хамрагдах юм.

Өгөөмөр сувилал Баясах өдрийн энэ удаагийн арга хэмжээг Ахмадуудаа хөгжих баясах өдөр болгон тусгай хөтөлбөрөөр зохион байгуулахаар төлөвлөж энэ арга хэмжээндээ Монгол Улсын Төрийн соёрхолт, дэд профессор химийн ухааны доктор Ж.Алимаа, Чингэлтэй дүүргийн Соёлын төвийн дэргэдэх ахмадын "Дөрвөн цаг" хамтлагийн уран бүтээлчдийг урин оролцуулсан сайхан арга хэмжээг зохион байгуулах гэж байгаад талархаж байна. Ахмадууд маань энэ арга хэмжээнд идэвхтэй оролцож шинэлэг мэдээлэл авч, "Дөрвөн цаг" хамтлагийн уран бүтээлчдийн тоглолтыг үзэхийг урьж байна

Арвайхээр сумын ЗДТГазраас тэтгэвэртээ гараад Ахмадын хорооны Нийгмийн ажилтан гэсэн албан тушаал дээр яг 1 жил чамгүй хичээж ажиллаа. Улиран одож буй 2025 он Арвайхээр сумын Ахмадын хороо, ахмадууд бидэнд үнэ цэнтэй олон сайхан мөчүүдийг үлдээсэн, амжилт дагуулсан сайхан жил байлаа.
Арвайхээр сумын ахмадын хороо ажил үйлсээрээ тус аймгийн 19 сумаас “Тэргүүн байр”-нд шалгарч цом, мөнгөн шагнал
Өвөрхангай аймгийн ахмадуудын дунд зохион байгуулагдсан “Урлаг, спортын наадам-2025 ”арга хэмжээнд зохион байгуулалт, идэвх чармайлттай оролцож “Шилдэг оролцогч” цом, мөнгөн шагнал
Ахмад настны нийгмийн харилцаа, олон нийтийн үйл ажиллагаанд оролцох боломжийг нэмэгдүүлэх чиглэлээр 61 удаагийн сургалтад 4300, 14 удаагийн хурал, уулзалт, хэлэлцүүлэгт 1780, төрөл бүрийн спортын 22 удаагийн арга хэмжээнд 1146, соёл, урлагийн 27 удаагийн арга хэмжээнд 3276 нийт 124 арга хэмжээнд давхардсан тоогоор Арвайхээр сумын 13 багийн 10502 ахмадыг хамрагдсан байна.
Аймгийн Хөдөлмөр, Халамж,Үйлчилгээний Газрын Хөдөлмөр эрхлэлтийг дэмжих чиглэлээр Ахмадын төрийн бус байгууллагаар зөвлөх үйлчилгээ үзүүлэх төсөлд, төсөл бичиж дэмжигдсэн. Төслийн хүрээнд 13 багийн 380 гаруй ахмадад цэцгийн мандал байгуулах, мод тарих сургалтад хамрагдаж, “Бид-очно” эрүүл мэндийн тусламж үйлчилгээний хүрээнд гэрээр асаргаатай болон олон жил хэвтэрт байгаа хүнд хэлбэрийн өвчтэй, өндөр настан 40 ахмадад хүрч үйлчиллээ.
Өнөөдрийн ололт амжилт бүхэн нь Арвайхээр сумын ЗДТГазрын мэргэжилтнүүд, нийгмийн ажилтнууд, 13 багийн ахмадын зөвлөлийн дарга нар, идэвхтэн сонгуультнуудын нэг бүрийн хүч хөдөлмөр, хичээл зүтгэл, сэтгэл зүрхний эв нэгдлийн бодит үр дүн юм. Та бүхэндээ чин сэтгэлийн гүн талархал илэрхийлье. Бүх ахмадууддаа ирж буй ондоо хайртай дотнын хүмүүстэйгээ эрүүл саруул аз жаргалтай амжилт бүтээл арвинтай байж сэтгэлд хоногших нандин бүхнийг бүтээх сайхан он жил байх болтугай гэж ерөөе өө