Бүрд сумын Нийгмийн даатгалын мэдээ мэдээлэл

НАС БАРСАН ДААТГУУЛАГЧИЙН ГЭР БҮЛИЙН ГИШҮҮНД ОЛГОХ ТЭТГЭМЖИЙН ХҮСЭЛТИЙГ ЦАХИМААР АВЧ ЭХЭЛЛЭЭ

Нийгмийн даатгалын байгууллага нь төрийн үйлчилгээг хүртээмжтэй, шуурхай болгох, үйлчилгээгээ иргэд, даатгуулагчийн хэрэгцээнд нийцүүлэн шинэ шатанд гаргах зорилтын хүрээнд цахим шилжилтийг үе шаттайгаар хэрэгжүүлж байна. Энэ хүрээнд нас барсан даатгуулагчийн гэр бүлийн гишүүнд олгох тэтгэмжийн хүсэлтийг цахимаар хүлээн авч эхэллээ.

Иргэд, даатгуулагч та бүхэн цаг алдахгүй, зардал гаргахгүй, дараалалд зогсохгүй өөрийн хүссэн газар, байршлаасаа нийгмийн даатгалын байгууллагын https://portal.ndaatgal.mn/ сайтаар нэвтрэн орж нас барсан даатгуулагчийн гэр бүлийн гишүүнд олгох тэтгэмжийн хүсэлтийг цахимаар гаргах боломжтой боллоо.

Цаашид нийгмийн даатгалын байгууллага нь их өгөгдөлд суурилсан, ухаалаг шийдлүүдийг нэвтрүүлж, иргэд, даатгуулагч, ажил олгогчдод хүргэх үйлчилгээг бүрэн цахимжуулах ажлыг үе шаттайгаар нэмэгдүүлэн ажиллана.

Хөдөлмөрийн чадвар алдсаны тэтгэвэр тогтоолгох хүсэлтийг 2025 оны 10 дугаар сарын 01-нээс эхлэн цахимаар авч эхэлсэн. Иймд цахимаар тэтгэвэр тогтоолгох хүсэлтээ хэрхэн гаргах талаар мэдээллийг хүргэж байна.

Нийгмийн даатгалын байгууллага нь ажил олгогч, даатгуулагч, иргэд, харилцагчдад нийт 75 үйлчилгээ үзүүлдгээс 46 үйлчилгээг цахимжуулаад байна.

САЙН ДУРЫН ДААТГУУЛАГЧДЫН АНХААРАЛД!
📌 2026 оны 1 сарын 31-ний дотор шимтгэлээ төлж, гэрээгээ байгуулна уу.

Хөдөлмөрийн чадвар алдалтыг хэрхэн тогтоодог вэ? Үйлдвэрлэлийн осол мэргэжлээс шалтгаалсан өвчнөөс урьдчилан сэргийлцгээе