Үй Цай сургууль

24/08/2026

09/07/2026

БАЯРТ МЭДЭЭ 💜💜💜
🇲🇳🇲🇳🇲🇳Тулгар төр байгуулагдсаны 2235 жил, Их Монгол Улс байгуулагдсаны 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жил, Ардчилсан хувьсгалын 36 жилийн ойн баяр наадмын босгон дээр МУ-ын ерөнхийлөгчийн зарлигаар боловсролын салбарт 40 гаруй жил манлайлан үр бүтээлтэй ажилласан Үй Цай сургуулийн математикийн багш С.Буянжаргал Хөдөлмөрийн Гавьяаны Улаан Тугийн одон, бага ангийн багш 3.Энхтуяа Алтангадас одонгоор тус тус шагнууллаа.

Эрхэм хоёр багшдаа төрийн дээд одонгоор шагнагдсанд халуун баяр хүргэж, цаашдын ажил үйлсэд нь өндөр амжилт хүсэж, эрүүл энх, аз жаргалыг хүсэн ерөөе.
Бахархаж байнаа🇲🇳

09/07/2026

МОРИН ЖИЛИЙН МОРЬ САРЫН БИЛЭГТ САЙН ӨДӨР

“МОРИН ЭРДЭНЭ”-ИЙ ХӨШӨӨ, ДУРСГАЛЫГ ЗАЛАВ.

Монгол улсын ерөнхийлөгч Ухнаагийн Хүрэлсүхийн санаачлагаар жил бүрийн 7 сарын 11-ний өдрийг ДЭЛХИЙН АДУУНЫ ӨДӨР болгон тэмдэглэж байх тогтоолыг НҮБ- Ассамблейн 79 дүгээр чуулганы 6 дугаар сарын 3-ны өдрийн хуралдаанаар баталсан.

Үй Цай сургууль нь өнгөрсөн жилүүдэд Монголын нууц товчоо, Морин хуур, Чингис хааны хөргөө хүндэтгэн залж байсан бол өдгөө дэлхийн адууны өдрийг тохиолдуулан морин жилийн морь сарын билэгт сайн энэ өдөр Төрийн соёрхолт, Урлагийн Гавьяат Зүтгэлтэн, Ардын зураач Ш.Чимэддоржийн “ХОНИНЫ МОРЬ” хэмээх алдарт бүтээлийг Монгол Улсын Гавьяат багш Данжингийн Баяраа захирлынхаа гэгээн дурсгалд мөнхжүүлэн дээдлэн заллаа.

Уг хүндэтгэлийн үйл ажиллагааг Үй Цай сургуулийн үүсгэн байгуулагч, захирал Д.Цэцэгмаа, Б.Пүрэврагчаа нар үг хэлэн нээж, Төрийн соёрхолт, Урлагийн Гавьяат Зүтгэлтэн, Ардын зураач Ш.Чимэддорж гуай өөрийн “ХОНИНЫ МОРЬ” бүтээлээ дотны найз МУ-ын Гавьяат багш Д.Баяраадаа зориулан бүтээсэн тухайгаа дурдан, Монгол Улсын Соёлын Гавьяат Зүтгэлтэн, Нацагдоржийн шагналт, Хүүхдийн зохиолч О.Сундуй багшийнхаа гэгээн дурсгалд зориулан “Багш” шүлгээрээ мялаалга өргөн, Монголын зохиолчдын эвлэлийн болон Сэр-Одын шагналт, Болор цомын эзэн, яруу найрагч Н.Минжинсайхан 3 хоногийн өмнө тэрлэсэн “Асгал хурд дүрэлзэнэ” шинэ шүлгээ дуудан, удахгүй дуу болгон энэхүү морин хөшөөнийхөө өмнө дахин эгшиглүүлэх болноо.. гэж хэлэн, Хүмүүн бичиг сонины ахлах редактор, Монгол Улсын Соёлын гавьяат зүтгэлтэн Б.Элбэгзаяа хүүхэд насандаа зохиосон “Хонины морь” шүлгээ уншиж хүндэтгэл үзүүллээ.

Мөн багш, сурагч, эцэг эх, үе үеийн төгсөгчдийн төлөөлөл оролцлоо.

Дэлхийн адууны өдрийг тохиолдуулан жил бүрийн энэ өдөр “ХОНИНЫ МОРЬ” яруу найргийн наадмыг хүүхэд, багачуудын дунд зохион байгуулахаар боллоо.

САЙН САЙХАН ҮЙЛС БҮХЭН ДЭЛГЭРЭХ БОЛТУГАЙ.

24/06/2026

🎓ҮНДЭСТ МОД МӨЧРӨӨРӨӨ ГАЙХУУЛНА
🎓ҮЙ ЦАЙ СУРГУУЛЬ ШАВИАРАА БАХАРХАНА
Энэ өдөр Үй Цай сургуулийн XX үеийн төгсөлтийн А.Уянга багштай 12а ангийн 32, С.Буянжаргал багштай 12б ангийн 31 төгсөгчид "Монгол улсын бүрэн дунд боловсролын үнэмлэх", "Үй Цай сургуулийн хятад хэлний боловсролын үнэмлэх"-ээ гардан авлаа.🎊
🌏Үй Цай олон хэлний боловсролыг эзэмшин эх орныхоо болон БНХАУ, АНУ, Австрали, Тайвань, Турк, Гонконгийн их сургуулиудад тэнцэж суралцах эрхээ авсан нийт төгсөгчдөдөө халуун баяр хүргэе.👏👏👏
🇲🇳Та нар маань ҮЙ ЦАЙ хэмээх зузаан түүхт сургуулиа цаашлаад МОНГОЛ улсынхаа нэрийг өндөрт өргөж, эх орныхоо болоод дэлхийн өнцөг булан бүрт эрдэм мэдлэг, чадвар, хандлага, төлөвшлөөрөө гайхагдах шилдэг боловсон хүчин болно гэдэгт эргэлзэхгүй байна. Өнөөдрийн зүтгэл маргаашийн сайн сайханд хөтөлнө.
Амьдралынхаа шинэ хуудсыг нээн алсын их мөрөөдлийн зүг жигүүрээ дэлгэн нисэх гэж буй эрхэм шавь нарынхаа цаашдын сурах их үйлсэд өндөр амжилт хүсье, ирээдүйн зам мөр нь гэгээн байх болтугай.🎉
ХЭЭРИЙН ГАЛУУ НИСЭН ҮЛ ХҮРЭХ ГАЗРААС
ХҮНИЙ ХҮҮ ЭРДЭМ ӨВӨРЛӨН ИРНЭ

02/06/2026

АМЖИЛТЫН МЭДЭЭ🇲🇳🇲🇳🇲🇳
🇨🇳🇨🇳🇨🇳 БНХАУ-ын Бээжин хотноо "The Alfa Bank Golden ribbon" олон улсын уран гимнастикийн тэмцээн 2026 оны 5 сард амжилттай болж өндөрлөлөө.
Уг тэмцээнд Хятад, Орос, Армени, Сингапур, Монгол зэрэг орны 600 гаруй тамирчин оролцсоноос манай сургуулийн 2г ангийн сурагч О.Аялуун, 5а ангийн сурагч Л.Ариуннинж нар хүрэл медалийг тус тус хүртлээ.
Авьясалаг сурагчдадаа баяр хүргэе.👏👏👏

19/05/2026

АМЖИЛТЫН МЭДЭЭ💙💙💙
Монголын урлаг дизайны академиас ерөнхий боловсролын сургуулийн ахлах ангийн сурагчдын авьяас чадварыг нээн хөгжүүлэх, хувцас болон техникийн загвар, зохион бүтээлт, уран зураг, уран баримал, дизайны төрлөөр уран бүтээл туурвих, техник технологийн мэдлэг, сэтгэлгээгээ бататгаж, мэргэжлээ зөв сонгоход нь туслах, гоо зүйн боловсрол олгох зорилгоор зохион явуулсан МӨРӨӨДЛИЙН ЗҮГ - 2026 улсын уралдаанд 12а ангийн сурагч Т.Анши оролцож тусгай байранд шалгарлаа.
Бүтээлч, оюунлаг шавьдаа болон бэлтгэсэн багш Т.Номин-Эрдэнэ нартаа баяр хүргэе. 👏👏👏

10/05/2026

09/05/2026

Үй Цай сургуулийн VI-XII ангиудын сурагчдын эцэг эхчүүдийн дунд ⚾️”Волейбол”-ын тэмцээн зохион байгуулагдлаа.
⚾️Тус тэмцээнд 9 багийн 160 гаруй тамирчид хурд, хүч, авхаалж самбаагаа сорин оролцож шилдгүүдээ тодрууллаа.
🥇 байр: Б.Даваадорж багштай 7А ангийн эцэг эхчүүдийн баг
🥈 байр: А.Мөнгөнзул багштай 10А ангийн эцэг эхчүүдийн баг
🥉 байр: Э.Эрдэнэцэцэг багштай 6В ангийн эцэг эхчүүдийн баг
VI-XII ангиудын 🏆Шилжин явах Цомын эзэн ангиар Б.Даваадорж багштай 7А анги
🏆Эрэгтэй шилдэг тоглогчоор:
7А ангийн сурагч М.Эрхэм-Учралын аав Р.Мөнгөншагай
🏆Эмэгтэй шилдэг тоглогчоор:
10А ангийн сурагч М.Болорзаяагийн ээж Д.Оюунцэцэг нар тус тус шалгарлаа.
Тэмцээнд амжилттай оролцсон баг, тамирчдадаа баяр хүргэе.👏👏👏