Mongolian Deaf Education

07/05/2026

📢ЭЦЭГ ЭХЧҮҮДЭД ЗОРИУЛСАН СУРГАЛТ
Сонсголгүй болон сул сонсголтой хүүхэдтэй эцэг эхчүүд та бүхнийг урьж байна.

Та хүүхдийнхээ хэл, харилцаа, хөгжилд хэрхэн зөв дэмжлэг үзүүлэхээ мэдэхийг хүсэж байна уу?
Энэ удаагийн сургалтаар та практик, ойлгомжтой мэдлэг мэдээлэл авах болно.

Хугацаа: 2026 оны 5-р сарын 8-нд, 14:00-17:00
Байршил: Хөгжлийн бэрхшээлтэй хүний хөгжлийн ерөнхий газар, 8 давхарт (СБД, 11-р хороолол, Хуучин гэмтлийн эмнэлэгийн баруун талд)

Сургалтын онцлог:
👉Эрт оролцоо, хэлний хөгжлийн тухай ойлголт
👉Хүүхэдтэйгээ хэрхэн үр дүнтэй харилцах вэ?
👉Эцэг эхчүүдэд зориулсан бодит зөвлөгөө
👉Чөлөөт асуулт, хариулт

🎤 Илтгэгчид:
Айрин Холуб (Австрали улсын сонсголгүйн боловсрол, эрт оролцооны мэргэжилтэн, багш)
Н.Дэлгэрмаа (Эрт оролцоо цогц хөгжил ТББ-н үүсгэн байгуулагч)

📝 Та доорх линк дээр дарж бүртгүүлээрэй.
https://forms.gle/AzdXX1CJnt7MWjBk9

🔗Зүүм линк: https://us06web.zoom.us/j/85901189340?pwd=2Nt0klmvabdaA5If22w9t4AEwgcTHG.1

Meeting ID: 859 0118 9340
Passcode: 418714

Зохион байгуулагчид: Сонсголгүйн боловсрол төрийн бус байгууллага, Австралийн сайн дурын хөтөлбөр, Эрт оролцоо цогц хөгжил төрийн бус байгууллага, Тэгш тусгал ТББ, Монгол үндэсний дохионы хэлний хөгжлийн зөвлөл ТББ

Дэмжигч байгууллага: Гэр бүл, нийгэм хамгаалал, хөдөлмөрийн яам, Хөгжлийн бэрхшээлтэй хүний хөгжлийн ерөнхий газар, Дохионы хэлний хэлмэрч, орчуулагчдын

#ХамтынАжиллагаа #ЭртОролцоо #СонсголгүйнБоловсрол
Australian Embassy, Mongolia
Australian Volunteers Program

14/04/2026

Хэрэв та дэмжлэггүй орчинд ч гэсэн өөрийгөө хөгжүүлж, хүүхдийнхээ төлөө өдөр бүр хичээж,
бага насандаа өөрт чинь хэрэгтэй байсан тэр дэмжлэгийг өнөөдөр өөрөө бүтээж байгаа бол та нийгмийн тэр бүр анзаараад байдаггүй баатар нь юм.

Тиймээс та бусадтай өөрийгөө бүү харьцуулаарай. — эх сурвалж: .holistic.psychologist

30/03/2026

13/03/2026

📣INVITATION FOR COLLABORATION
“Deaf Education” NGO is facilitating job placement for deaf and hard of hearing individuals.
Through this service deaf and hard of hearing participants are being prepared for employment, provided with workplace practice opportunities and connected with potential employers.

We welcome collaboration with employers in the following areas:
• Job placement for deaf and hard of hearing individuals
• Providing on-the-job coaching and Mongolian Sign Language interpreting support for 2–3 months for newly employed deaf or hard of hearing staff
• Offering guidance and training on creating accessible and inclusive workplaces

We kindly invite organizations that can offer job opportunities suitable for deaf and hard of hearing individuals to collaborate with us.

📞Contact: +976 9905 5727
📧Email: [email protected]

Partner organization: Center for Employment Support of Persons with Disabilities
Funding organization: General Authority for Development of Persons with Disabilities

13/03/2026

📣 ХАМТЫН АЖИЛЛАГААНД УРЬЖ БАЙНА

“Сонсголгүйн боловсрол” ТББ нь сонсголгүй болон сул сонсголтой иргэдийг ажлын байранд зуучилж байна.

Тус үйлчилгээний хүрээнд сонсголгүй, сул сонсголтой иргэдийг ажил эрхлэхэд бэлтгэх, ажлын байранд дадлагажуулах, ажил олгогч байгууллагуудтай холбон зуучлах үйл ажиллагаа хэрэгжиж байна.

Бид ажил олгогч байгууллагуудтай дараах чиглэлээр хамтран ажиллах боломжтой.
• Сонсголгүй болон сул сонсголтой иргэдийг ажлын байранд зуучлах
• Шинээр ажилд орж буй сонсголгүй болон сул сонсголтой ажилтанд ажлын байрны дадлагажуулагч болон монгол дохионы хэлний хэлмэрчийн дэмжлэгийг 2–3 сарын хугацаанд үзүүлэх
• Хүртээмжтэй ажлын байрны орчны тохируулга хийхэд зөвлөгөө, сургалт өгөх

Сонсголгүй болон сул сонсголтой хүн ажиллах боломжтой ажлын байрыг бидэнд санал болгон хамтран ажиллахыг урьж байна.

📞 Холбоо барих: 9905 5727
📧 И-мэйл: [email protected]

Хамтран ажиллагч: @Хөгжлийн бэрхшээлтэй иргэдийн хөдөлмөр эрхлэлтийг дэмжих төв
Санхүүжүүлэгч: Хөгжлийн бэрхшээлтэй хүний хөгжлийн ерөнхий газар

#СонсголгүйСулСонсголтойИргэдийнХөдөлмөрЭрхлэлт #ХүртээмжтэйАжлынБайр #ТэгшБоломж

06/03/2026

2022-2024 онд хүчиндэх гэмт хэргийг үйлдсэн байдал
Энэ бол зүгээр нэг тоо биш
ХЭН НЭГНИЙ НАСАН ТУРШИЙН БИЕ СЭТГЭЛИЙН ШАНАЛАЛ, ХЭЗЭЭ Ч АНИХГҮЙ ШАРХ!
#НэгТэрбумаарааТэмцье
#минийбиеминийх

27/02/2026

Яагаад хүүхдийн эхний жилүүд хамгийн чухал вэ?

Хүүхдийн тархи амьдралын эхний жилүүдэд хамгийн хурдацтай хөгждөг.
Судалгаагаар тархины хөгжлийн 90% нь 5 наснаас өмнө бүрэлддэг хэмээн тогтоогдсон байдаг.

Энэ хугацаанд хүүхэд тань
• Хэл яриаг сурч
• Тархины чухал холбоосуудаа үүсгэж
• Суралцах бэлэн байдал
• Сэтгэл хөдлөлөө зохицуулах чадвар
• Харилцаагаар дамжуулан хорвоо ертөнцтэй танилцаж, ойлгож эхэлдэг.

5 нас хүртэлх орчин, харилцаа, хэлний хүртээмж, дэмжлэг нь
хожмын суралцах чадвар, нийгмийн оролцоо, амьдралын өсөлтийн боломжийг тодорхойлдог.

Хүүхдийн амьдралын эхний жилүүдэд та түүний хөгжлийн бат бөх суурийг тавьж чадвал
дараагийн суралцах, өсөх, нийгэмших үйл явц илүү хялбар, тогтвортой болдог. Өөрөөр хэлбэл, бага насанд авсан зөв дэмжлэг хүүхдэд өөртөө итгэлтэй суралцах, харилцах, бие даах чадварыг өгдөг.

Харин энэ чухал үед хангалттай дэмжлэг авч чадахгүй бол
дараа нь нөхөх боломж байдаг ч
илүү их цаг хугацаа, илүү их нөөц, илүү их хүчин чармайлт шаарддаг.

Тиймээс эрт үеийн дэмжлэг, эрт оролцоо бол
хүүхдийн ирээдүйг хялбар, бат бөх болгох хамгийн ухаалаг алхам юм.

🌱 Эрт үеийн боловсрол
🌱 Эрт үеийн хөгжлийн дэмжлэг
🌱 Эрт оролцоо

= Насан туршийн боломж

📚 Эх сурвалж:
Harvard Center for the Developing Child

#ЭртҮеийнОролцоо #ДохионыХэл #ХэлнийХүртээмж

27/02/2026

Сонсголгүй хүүхдэд тулгардаг хамгийн том сорилт нь сонсгол биш хэлний хүртээмж юм.

Сонсголгүй хүүхдүүдийн 90–97 хувь нь сонсголтой эцэг эхээс төрдөг. Ихэнх гэр бүлийн хувьд анх удаа ийм зүйлтэй тулгарч, юу хийхээ мэдэхгүй, дохионы хэлний тухай ямар ч ойлголтгүй, сонсголгүй хүнтэй харилцаж байсан туршлагагүйгээр амьдралын шинэ аяллаа эхлүүлдэг гэсэн үг.

Эцэг эхчүүдийн хамгийн түрүүнд бодогддог зүйл нь ихэвчлэн “Хүүхэд минь сонсож чадах болов уу?” байдаг. Энэ бол ойлгомжтой хэн бүхний л асуух асуулт. Гэхдээ үүнээс ч илүү чухал нэг зүйл бий. Тэр нь “Хүүхэд минь намайг ойлгож, өөрийгөө ойлгуулж чадах уу?” гэсэн асуулт юм.

Хүүхэд бусдад ойлгогдохгүй, өөрийгөө илэрхийлж чадахгүй бол түүний тархи, сэтгэл зүй, харилцааны хөгжилд шууд нөлөөлдөг. Хэл бол зөвхөн үг хэлэх / дохих тухай биш юм. Хэл бол бодох, сурах, асуух, мэдрэмжээ илэрхийлэх, бусадтай холбогдох суурь юм.

Сонсголгүй хүүхдийн хувьд хамгийн том хүндрэл нь сонсголын түвшин биш харин дохионы хэлтэй, бүрэн харилцах боломжтой хэлний хүртээмжтэй орчинд өсөж чадах эсэх юм. Хэрэв хүүхэд дохионы хэлээр эртнээс харилцаж эхэлбэл өөрийгөө илэрхийлж, бусдад ойлгогдож, тархи нь бат бөх суурьтайгаар хөгжиж байдаг.

Харамсалтай нь олон гэр бүл хүүхдийнхээ эрт үеийн хөгжлийн шатанд насанд хүрсэн, амжилттай яваа үлгэр дуурайлал болсон сонсголгүй хүмүүстэй уулзаж, бодит жишээ харж, туршлага сонсох боломж багатай байдаг. Үүний улмаас дохионы хэлний ач холбогдлыг хангалттай сайн ойлгоогүй төөрөлдсөн байх нь бий.

Хэрэв эцэг эхчүүд эрт үеэс хэлний хүртээмжийн талаар тэнцвэртэй, бодит мэдээлэл авч, дохионы хэлийг гэр бүлээрээ сурах шийдвэр гаргавал хүүхдийн ирээдүйн маш чухал суурь тавигдана. Дохионы хэл нь сонгох, сонгохгүйн тухай асуудал биш хүүхдийн тань танин мэдэхүй, харилцаа, хөгжлийн үндэс юм.

🌱 Хүүхэд тань ойлгогдож байж л өөртөө итгэнэ.
🌱 Өөрийгөө илэрхийлж байж л хөгжинө.
🌱 Хэлний хүртээмжтэй орчин бол хүүхдийн тань хөгжлийн хамгийн эхний суурь юм.

#ЭртҮеийнОролцоо #ДохионыХэл #ХэлнийХүртээмж

27/02/2026

Энэ нь хүүхдийн амьдралын эхний жилүүдэд
хэл яриа, танин мэдэхүй, нийгэмших чадвар, сэтгэл зүйн хөгжлийг
аль болох эрт дэмжих цогц үйл явц юм.

Эрт оролцоо гэдэг нь:
• Хөгжлийн онцлог, хэрэгцээг эрт илрүүлэх
• Эцэг эхэд мэдээлэл, зөвлөгөө өгөх
• Хүүхдэд тохирсон дэмжлэгийг үзүүлэх
• Хэлний хүртээмжтэй орчинг бүрдүүлэх
• Мэргэжилтнүүд ба гэр бүлийн хамтын ажиллагааг бий болгох
гэсэн утгатай.

Хүүхдийн хөгжлийн суурь эхний жилүүдэд тавигддаг учраас эрт эхлэх тусам үр дүн илүү бат бөх байдаг. Эрт үеийн оролцоог та эхлүүлж чадвал хүүхдийнхээ ирээдүйд хийж буй хамгийн үнэ цэнтэй хөрөнгө оруулалт юм.

Ялангуяа сонсголгүй болон сул сонсголтой хүүхдийн хувьд
эрт үеийн оролцоо нь хэлний хүртээмжийг буюу дохионы хэлний хүртээмжийг
нэн тэргүүнд хангахыг хэлдэг. Өөрөөр хэлбэл хүүхэд төрсөн цагаасаа эхлэн дохионы хэлээр харилцах, ойлгогдох, өөрийгөө илэрхийлэх боломжтой байх орчныг бүрдүүлэх явдал юм. Дохионы хэлтэй орчинд өссөн хүүхдийн тархи идэвхтэй хөгжиж, танин мэдэхүй, нийгэмших чадвар, суралцах суурь бат бөх тавигддаг. Дохионы хэл бол эцэг эх хүүхдийнхээ өмнөөс сонгох сонголт биш харин хүүхэд тань ойлгогдож, өөрийгөө илэрхийлж, бүрэн хөгжих хөгжлийн суурь юм.

🌱 Эрт эхэлбэл — илүү их боломж
🌱 Эрт дэмжвэл — илүү бат бөх суурь

#ЭртҮеийнОролцоо #ДохионыХэл #ХэлнийХүртээмж
LanguageAccess