Rise And Shine Behavior Therapy Centre

🎉ကျွန်မတို့ရဲ့ rise and shine early intervention center မှာ team leader နှင့် assistant therapist များလိုအပ်နေပါသည်။🎉
🧑‍🎓team leader အနေဖြင့် therapy session များ ဝင်ရောက်လုပ်ကိုင်နိုင်သူ၊ lead therapist များနှင့် ကောင်းစွာအတူတကွ အလုပ်လုပ် နိုင်မည့် သူ၊ ကျောင်း အကြောင်းစုံစမ်းသည်များကို ပြန်လည် ဖုန်းဖြေကြား ရှင်းပြနိုင်မည့် သူ၊ ကျောင်းသားမိဘများနှင့် ကောင်းစွာဆက်ဆံပြောဆိုနိုင်မည့် သူ၊ therapist များနင့် ကလေးများ၏ therapy အချိန်ဇယားများ ဆွဲပေးနိုင်မည့်သူ ၊ နေ့စဉ် ကျောင်းရှိလုပ်ငန်း ဆောင်တာများနှင့် Team ၏ လုပ်ဆောင်ချက်များကို ကြီးကြပ်နိုင်မည့်သူ အဖြစ် တာဝန်ထမ်းဆောင်ရန်လိုအပ်ပါသည်။ 🧑‍🏫assistant teacher အနေဖြင့် ကလေးများကို စာနာ နားလည် ပေးနိုင်မည့်သူ၊ အကျင့်စာရိတ္တ ကောင်းမွန်သူ ၊ ကလေးငယ်များနှင့် အလုပ်လုပ်ဖူး သည့် အတွေ့အကြုံ ရှိိသူ ဉီးစားပေးပါမည်။

👤လုပ်ကိုင် လိုသူများအနေဖြင့် ဖော်ပြပါ viber နံပါတ်များမှ ဖြစ်စေ email မှ ဖြစ်စေ CV ပေးပို့ လျောက်ထားနိုင်ပါတယ် ရှင် ။
☎️အသေးစိတ် သိရှိလိုပါ က ဖော်ပြပါ ဖုန်းနံပါတ်ကို ရုံးချိန်အတွင်း ဆက်သွယ် စုံစမ်းနိင်ပါတယ် ရှင့်။
🏡ကျောင်းလိပ်စာလေးကတော့အမှတ် ခ/၃၆၁၊ မြရတနာ ၄ လမ်း၊ မြောက်ဉက္ကလာပမြို့နယ်၊ ရန်ကုန်မြို့ ပါရှင့်။

🎉ကျွန်မတို့ရဲ့ Rise and Shine Early Intervention Centre မှာ Assistant teacher ( Therapist )တစ်ဉီးလိုအပ်နေပါတယ်ရှင်။
🙇ကလေးများကိုစာနာနားလည်ပေးပြီး Behavior Therapist အနေနဲ့ လုပ်ကိုင်လိုသူများကို ကြိုဆိုလျှက်ရှိပါတယ် ရှင်။
👤လုပ်ကိုင် လိုသူများအနေနဲ့ ဖော်ပြပါ viber နပါတ်များမှ ဖြစ်စေ email မှ ဖြစ်စေ CV လေးပေးပို့ လျောက်ထားနိုင်ပါတယ် ရှင် ။
☎️အသေးစိတ် သိရှ်လိုပါ က ဖော်ပြပါ ဖုန်းနံပါတ်များကို ရုံးချိန်အတွင်း ဆက်သွယ် စုံစမ်းနိင်ပါတယ် ရှင့်။
🏡ကျောင်းလိပ်စာလေးကတော့အမှတ် ဂ/၃၈၊ဉက္ကာ ၂ လမ်း၊ မြောက််ဉက္ကလာပမြို့နယ်၊ ရန်ကုန်မြို့ ပါရှင့်။

တီချယ်ဖူးရဲ့ review လေး

“ABA နဲ့ တွေ့ပြီးနောက် မိဘတစ်ဦးရဲ့စကားသံ”

Rise and Shine Behaviour Therapy ရဲ့ ABA နဲ့တွေ့ပြီးတဲ့နောက်မှာ
ကလေးတစ်ယောက်ရဲ့ အပြုအမူ ဘယ်လိုပြောင်းလဲသွားလဲဆိုတာကို
မိဘတစ်ဦးက ပြောပြထားပါတယ်။

“”သမီးငယ်လေးက ငယ်ကထဲက မိန်းကလေးမဆန်ဘူး။
ကြိုက်ရင် အရုပ်မလေးတွေထက် ဒိုင်နိုဆော၊ ကင်းကောင်လို ကြောက်စရာအကောင်တွေပဲကြိုက်တယ်။ သမီးနဲ့ကိုယ်က သူငယ်ချင်းလိုပဲ Close ဖြစ်တယ်။
သူ့မှာလဲ ကစားစရာမောင်နှမက တဝမ်းကွဲ၊ ၂ဝမ်းကွဲထဲမှာတောင်မရှိ။
တက်တာကလဲ အကုန်အွန်လိုင်းဆိုတော့ သူ့အဖော်က အမေပဲရှိတာလဲပါမယ်ထင်တယ်။
ရှေ့နှစ်က ကိုယ်က စာမေးပွဲ ဖြေစရာရှိတော့ သူ့ကို ဂရုမစိုက်မိဘူး။
အဲ့အချိန် သူ့မှာ imaginary friend ရှိတယ်လို့ လာပြောတယ်။
ကိုယ်က သေချာ အာရုံမစိုက်မိဘူး။ သမီးငယ်က သူ့တီလေးကိုအတော်အထင်ကြီးတယ်။
ဆရာဝန်လဲဖြစ် တခုခုဆို သူနဲ့ English လို သေသေချာချာ ဆွေးနွေးပြန်ပြောနိုင်လို့လားမသိ။
တခုခုဆို သူ့တီလေးကို အကုန်ပြောပြတတ်တယ်။
တရက်ကျ အိမ်က ညီမက မမကြီး မီးငယ်လေးကို Therapist သို့ Child Psychologist ပြကြည့်ပါလား။
သူ့ Imaginary friend က psycho killer လို့ပြောတယ်။
သူပုံဆွဲပြီး လာပြတဲ့ ပုံတွေက သွေးသံတွေနဲ့ Gore တအားဖြစ်လွန်းတယ်။
သူ့ကိုလဲ သရဲကား လူသတ်ကားမပြဖူးပဲနဲ့ အာ့တွေဆွဲနေတာ နည်းနည်းစိတ်ပူတယ်ဆိုပြီးလာပြောတယ်။
ကိုယ်လဲ လာမဲ့နှစ် သမီးကို On Campus ပထမဆုံး ပေးတက်မှာဆိုတော့ အပေါင်းအသင်း အဆင်မပြေမှာရော၊ Social Pressure မခံနိုင်မှာရော၊ အဲ့ imaginary friend ကြီးကိစ္စရော
စိတ်ပူပြီး မီးငယ်ကိုပြဖို့ စုံစမ်းတော့ မီးငယ်ရဲ့ သင်္ချာတီချယ် Recommend လုပ်တာနဲ့ တီချယ်ဖူးဖူးနဲ့ပြဖြစ်သွားတယ်။
စစချင်းက တပတ်တရက် Consultation ယူဖြစ်တယ်။
Tr က မီးငယ်ရဲ့ Imaginary friend ကိစ္စက
lonely ဖြစ်တဲ့ ကလေးတွေ လုပ်တတ်တဲ့အကျင့်မို့
တအားစိတ်မပူဖို့နဲ့ သမီးငယ်ရဲ့ Behaviour တွေ‌ရော ကိုယ့်အမှူအကျင့်တွေ‌ရော သုံးသပ်ပြတယ်။ ကလေးအကျင့်ပြင်ဖို့က သူနဲ့ အနီးကပ်နေတဲ့သူရဲ့အကျင့်လဲပြင်ဖို့လိုတယ်လေ။
ကလေးက စကားလာပြောရင် သေချာအာရုံစိုက်နားထောင်ဖို့မှာတယ်။
(ကိုယ့်အားနည်းချက်က တခုခုကိုအာရုံစိုက်နေရင် ဘေးကစကားလာပြောရင် အင်း အင်း လိုက်ပေမယ့် အဲ့ဆီအာရုံမလာဘူး၊ တခုခုလုပ်နေလဲ သမီးလာပြောရင် လုပ်လက်စအလုပ်ချပြီး သူ့ကိုအာရုံစိုက်ပြန်ပြောလုပ်တဲ့အကျင့်လေး ပြန်လုပ်နေပါတယ်။
ခုထိတော့ 100% မအောင်မြင်သေးဘူး 😁)
သမီးငယ်က Emotional Regulation မလုပ်တတ်သေးတာကြောင့်
အဲဒါအတွက်လေ့ကျင့်ခန်းတွေယူပါတယ်။
ကျောင်းစဖွင့်ချိန် သမီးနဲ့ အတန်းထဲက ကောင်လေးတယောက်နဲ့ရန်ဖြစ်ကြတယ်။
မနက်အစော ၇နာရီလောက် ဂရုချက်မှာ
သမီးငယ်ကစာပို့လို့ စောစောစီးစီးစာပို့ရကောင်းလားဆိုပြီး ရန်လုပ်တာကနေ စကားများကြတာ။
သမီးကလဲ သူတို့ဆရာ ညကပို့ထားတဲ့စာ မနက်မှမြင်လို့ Response လုပ်တာ။
ဖြစ်ချင်တော့ အဲကောင်လေးက ကျောင်းသားဟောင်းဆိုတော့
သူ့သူငယ်ချင်းတွေက သမီးငယ်ကို အကုန်ဝိုင်းပြောကြတယ်။
one by four ရန်ဖြစ်သလိုဖြစ်ပြီး သူ့ကို Bitch you're done တွေပြောကြတယ်။
ကိုယ်လဲပြန်သိရတော့ စိတ်ပူပြီး တီချယ့်ကိုပြောတော့
တီချယ်က Bully လုပ်ခံရတဲ့အခါ ဘယ်လို ဖြေရှင်းမလဲ၊
ကိုယ်မကြိုက်တာကို သူငယ်ချင်းကပြောလာရင်
ရန်မတွေ့ဘဲ တည်တည်ငြိမ်ငြိမ်ဘယ်လိုတုန့်ပြန်ဖို့၊
Personal boundaries တွေအကြောင်း သင်ပေးတယ်။
တီချယ်နဲ့ Consultation ယူတာ ၇လလောက်ရှိပြီ။
သမီးငယ် သိသိသာသာ ပြောင်းလာတာက ထစ်ဆိုငိုတာမျိုးမရှိတော့ဘူး။
အရင်က သူမဟုတ်တာလုပ်လို့ဆူရင် ဘာမှမပြောရသေးဘူး။ မျက်ရည်ကအရင်ထွက်ပြီ။
အတန်းထဲမှာလဲ အဆင်ပြေတယ်။
သူ့ဂိုက်တီချယ်ကတောင်သတိထားမိပြီးပြောလာတယ်။
မီးငယ်လေး လူကြီးဆန်လာတယ်တဲ့။
သူ့ Imaginary friend ကိစ္စကလဲ သမီးက ကိုယ့်ကိုလာပြောတယ်။
သူ့သူငယ်ချင်းက သူဆုံးမလိုက်လို့ လိမ္မာသွားပြီတဲ့။
He's not crazy anymore တဲ့။ အခုကျောင်းတက်တာလဲ ၄/၅ လလောက်ရှိပြီဆီတော့ သူငယ်ချင်းတွေလဲရပြီဆိုတော့ သူ့ I.F အကြောင်း သိပ်မပြောတော့ဘူး။
သမီးငယ်ရဲ့အခြေအနေလဲ အတော်တိုးတက်လာတော့
Consultation ကို တလတခါပဲယူရင် ရပြီဆိုလို့
အခု တလတခါ တီချယ်နဲ့ Consulting ဆက်ယူနေပါတယ်။
တလတခါသာပြောတာ သမီးငယ်‌ရော၊ ကိုယ်ရော
စိတ်ပူတာတခုခုရှိရင် တီချယ်ဆီ msg ပို့မေးတုန်း။ 😁
လူကြီးရဲ့ အကျင့်တောင် ချက်ချင်းပြင်လို့မရတာဆိုတော့
ကလေးငယ်တယောက်ရဲ့အမူအကျင့် စိတ်ထားကိုပြင်တာ
ပိုနူးညံ့ပြီး ပိုအချိန်ယူရတာမို့ စိတ်တော့ ရှည်ရပါတယ်။””

ဒါကတော့ ABA ရဲ့ ထိရောက်မှု၊ တီချယ်ဖူးရဲ့ ကျွမ်းကျင်မှုနဲ့အတူ
မိဘရော၊ ကလေးပါ ပူးပေါင်းပါဝင်တဲ့အတွက် ရလာတဲ့ ရလဒ်ကောင်းလေးပါ။

🌱ကလေးငယ်တွေမှာ Autism ရှိပြီလို့ သိလိုက်ပြီဆိုတာနဲ့
ကုသပြီးတော့ အထောက်အပံ့တွေအများကြီးကို ပေးဖို့လိုပါတယ်။

Autism က ဆေး‌ေသာက်ပြီးပျောက်သွားတဲ့ ရောဂါမဟုတ်ပါဘူး။
ငယ်ရွယ်စဥ်ကတည်းကနေ လေ့ကျင့်သင်ကြားပေးပြီး
အနာဂတ်အတွက် ကြိုတင်ပြင်ဆင်ပေးရမှာပါ 🎀

Autism ရှိတဲ့ ကလေးငယ်တွေက ထူးခြားတဲ့အကျင့်စရိုက်တွေကို ပိုင်ဆိုင်တဲ့သူတွေမို့
သင်ကြားမှု၊ သင်ယူမှုပိုင်းမှာ သိပ္ပံနည်းကျ အတည်ပြုပြီးသား
ABA နည်းလမ်းကို အများဆုံးအသုံးပြကြပါတယ်။

Autism ရှိတဲ့ ကလေးငယ်တွေအတွက် ABA နည်းလမ်းနဲ့ ပြင်ဆင်ပေးဖို့ဆိုရင်
ကလေးငယ်ဘဝနဲ့ မူကြိုမတက်ခင်အချိန်တွေက အကောင်းဆုံးအချိန်တွေပါ 🧒

ဒီအချိန်က ဘာလို့အရေးကြီးလဲဆိုရင် ကလေးငယ်ရဲ့ ဦးနှောက်က
အဆက်မပြတ်တိုးတက်နေတာဖြစ်ပြီး
လူမှုဘဝအတွက်လိုအပ်မဲ့ Skill တွေနဲ့
အလေ့အကျင့်ကောင်းတွေကို လွယ်လွယ်ကူကူသင်ယူနိုင်တဲ့ အချိန်ကာလမို့ပါ 🧠

ABA က Autism ကလေးငယ်တွေအတွက် အရေးပါတဲ့ အခန်းကဏ္ဍကနေပါဝင်ပါတယ် 💯

Autism အတွက် သိပ္ပံနည်းကျ အထိရောက်ဆုံးကုထုံးလို
အတည်ပြုပြီးသား ABA က ကလေးငယ်တွေရဲ့

✔️ လူမှုပတ်ဝန်းကျင်နဲ့ ဆက်ဆံရေးကို တိုးတက်စေခြင်း

✔️ လူမှုဆက်ဆံရေးကို အခိုင်အမာတည်ဆောက်ပေးခြင်း

✔️ အပေါင်းလက္ခဏာဆောင်တဲ့ အပြုအမူတွေကို အားစိုက်စေခြင်း

✔️ နေ့စဥ်လိုအပ်တဲ့ Skill တွေကို ဖွံ့ဖြိုးတိုးတက်စေခြင်း

စတဲ့အချက်တွေကို ထိထိရောက်ရောက်လုပ်ဆောင်ပေးလို့
ကလေးငယ်ရဲ့ အနာဂတ်ဘဝကို အများကြီးအထောက်အကူဖြစ်စေပါတယ်။

ABA က အနာဂတ်မှာ ပြဿနာရှိလာနိုင်တဲ့ အပြုအမူတွေ၊
အကျင့်စရိုက်တွေကို အနာဂတ်မှာ မလုပ်မိအောင်၊ မလုပ်ချင်အောင်
ကာကွယ်ပေးပါတယ် 🛡️

မိဘတွေ၊ အုပ်ထိန်းသူတွေအနေနဲ့လည်း
ABA Strategy တွေကို အိမ်မှာ၊ ကျောင်းမှာ အသုံးချနိုင်တဲ့အခါ
ကလေး၊ မိဘ၊ လူမှုအသိုင်းအဝိုင်းအတွက် ပိုကောင်းတဲ့ ရလဒ်တွေကို ရရှိစေပါတယ် 🏆

🌟 အတိုချုံးပြောရရင်

အများနဲ့မတူဘဲ ထူးခြားတဲ့အတွေးအခေါ်၊ အတွေးအမြင်တွေကို ပိုင်ဆိုင်ထားတဲ့
Autism ကလေးငယ်တွေရဲ့ အနာဂတ်ဘဝ၊ လှုမှုဆက်ဆံရေး၊ ကြီးထွားရှင်သန်ရေးတွေမှာ
ကိုယ့်ကိုယ်ကို ယုံကြည်မှုအပြည့်နဲ့ နေထိုင်နိုင်ဖို့၊ ဘဝအစကောင်းဖို့
အနာဂတ်ဘဝတောက်ပဖို့အတွက် ABA Therapy က အများကြီးအထောက်အကူပြုပါတယ် 😀

အပင်တစ်ပင်ရှင်သန်ကြီးထွားဖို့အတွက် ရေခံမြေခံကို ပြုပြင်ပြောင်းလဲပေးရသလို
Autism ကလေးငယ်တွေက ကောင်းမွန်တဲ့ပတ်ဝန်းကျင်မှာ ကြီးထွားရှင်သန်မှသာ
အနာဂတ်ဘဝဖြောင့်ဖြူးမှာပါ 🌱

မင်္ဂလာပါရှင့်။

"ဒီပါဝလီနေ့" ကျောင်းပိတ်ရက် ကြေငြာခြင်း။

အောက်တိုဘာလ ၂၀ ရက်၊ ၂၀၂၅ ခုနှစ် တနင်္လာနေ့သည် အများပြည်သူရုံးပိတ်ရက်``ဒီပါဝလိီ’’ နေ့ ဖြစ်ပါသောကြောင့် Rise and Shine Behavior Therapy ၏ အတန်းများနှင့် ဝန်ဆောင်မှုများကို တစ်ရက်ခန့် ရပ်နားမည်ဖြစ်ပါကြောင်း အသိပေးအပ်ပါသည်။

မိသားစုနှင့် အတူ ပျော်ရွှင်ဖွယ် ပိတ်ရက်လေးဖြစ်ပါစေကြောင်း ကျွန်မတို့ရဲ့ Rise and Shine Behavior Therapy Center မှ ဆုမွန်ကောင်းတောင်းပေးလိုက်ရပါတယ်ရှင်။

Rise and Shine Behavior Therapy Center

“မိဘတွေရော ပါဝင်ရမဲ့ ABA ခရီးစဥ်”

ကျွန်မတို့ရဲ့ ABA Program တွေက
ကလေးတွေအတွက်ကိုရည်ရွယ်တယ်ဆိုပေမဲ့
ABA Program အောင်မြင်ဖို့အတွက်
မိဘတွေရဲ့ ကူညီပါဝင်မှုကလည်း အထူးအရေးပါပါတယ်ရှင် 💞

🔶 ဘာလို့ အရေးပါလဲဆိုရင်…

1. အရှိန်မှန်မှန်ထိန်းညှိခြင်း

ABA က ကျွန်မတို့နဲ့တွေ့တုံးမှာပဲ အသုံးချရတာမဟုတ်ပါဘူး။
အိမ်မှာ မိဘတွေရဲ့ အကူအညီနဲ့ ကလေးနဲ့အတူတူရှိတဲ့အချိန်၊
ကျောင်းစာသင်ချိန်နဲ့ နေ့စဥ်ဘဝတွေမှာလည်း အသုံးချရပါမယ်။
ဒီလို အရှိန်မှန်မှန်ထိန်းညှိမှသာ ကလေးတွေက
ကျွန်မတို့နဲ့တွေ့တဲ့အချိန်ကရလာတဲ့
Skill တွေကို လက်တွေ့ဘဝမှာ ကောင်းကောင်းအသုံးချနိုင်မှာပါ 💪

2. မိဘတွေလောက် ကိုယ့်ကလေးကို သိသူမရှိ

မိဘတွေက ကိုယ့်ကလေးရဲ့
အားသာချက်၊ စိတ်ကောက်စေမဲ့အရာတွေ၊ အကြိုက်တွေနဲ့ စိန်ခေါ်မှုတွေကို
အသေးစိတ်ကျကျသိတဲ့သူတွေပါ။
ABA Program တွေက ကလေးရဲ့ တကယ့်ဘဝပတ်ဝန်းကျင်နဲ့ သေချာကျကျနန ချိန်ညှိထားရင်
အထိရောက်ဆုံးမို့ မိဘတွေအပေါ်မှာ အများကြီးမူတည်နေပါတယ် 👪

3. မြန်ဆန်တဲ့ တိုးတက်နှုန်း

မိဘတွေကိုယ်တိုင်က တက်တက်ကြွကြွနဲ့ ABA Program ကို လိုက်နာကြရင်
ကလေးတွေက ABA Program အချိန်ရဲ့ ပြင်ပမှာ
လေ့ကျင့်ချိန်၊ အထောက်အပံ့တွေအများကြီးနဲ့
ကိုယ့်ကိုယ်ကို ယုံကြည်လာစေပါတယ်။
ဒီယုံကြည်မှုကြောင့်ပဲ ကလေးက တတ်သိနားလည်လေ့လာမှုအား
ပိုကောင်းလာပြီး အမြန်တိုးတက်ပြောင်းလဲလာမှာပါ ⚡

4. မိမိကိုယ်တိုင်လုပ်နိုင်စွမ်းကို ပိုကောင်းစေတယ်

ABA Strategy တွေကို ကိုယ်တိုင်လေ့လာသင်ယူထားတဲ့မိဘတွေက
ကိုယ့်ကလေးကို အရာရာတိုင်းမှာ ယုံကြည်မှုရှိရှိနဲ့ သင်ကြားပေးနိုင်ပါတယ်။

မိဘတွေအနေနဲ့ ကလေးရဲ့ ထိန်းရခက်တဲ့အပြုအမူတွေ၊
ကောင်းတဲ့အကျင့်တွေရရှိဖို့ ခိုင်းစေချက်တွေကို
ကောင်းကောင်းကိုင်တွယ်နိုင်တာမို့
ကိုယ့်ရဲ့အိမ်ပတ်ဝန်းကျင်ကလည်း ကလေးအတွက်
အထောက်အပံ့ပေးနိုင်တဲ့ ရပ်ဝန်းဖြစ်လာမှာပါ။

5. ရေရှည်အောင်မြင်မှု Long-Term Success

မိဘတွေပူးပေါင်းပါဝင်တဲ့အခါ ကလေးတွေက
ကျွန်မတို့လိုကုသရေးပညာရှင်တွေကို
အမြဲတမ်းမှီခိုစရာမလိုတော့ပါဘူး။
မိဘတေွလဲ နည်းလမ်းတွေကို သိသွားပြီမို့
အိမ်မှာ ကောင်းကောင်းပြန်လည်အသံုးချနိုင်ပါတယ်။
ဒါ့ကြောင့်မို ကလေးနဲ့ထပ်တူ မိသားစုလည်း
ကလေးတွေဘဝရပ်တည်ရေးအတွက်
တစ်သက်လုံးအသုံးချနိုင်မဲ့ နည်းလမ်းတွေကို ရရှိပါတယ်။

👉 အတိုချုံးပြောရရင်
မိဘတွေရဲ့ ပူးပေါင်းပါဝင်မှုက ကလေးတွေရဲ့ ကုသစဥ် ABA Program အချိန်နဲ့
လက်တွေ့ဘဝရဲ့ ကွာဟနေတဲ့ အချိန်ကာလကို ပိတ်ပေးလိုက်တာပါ။
မိဘနဲ့အတူတူရှိနေတဲ့ အချိန်တိုင်းဟာ ကလေးအတွက်
သင်ယူဖို့ အခွင့်အရေးအဖြစ်ပြောင်းလဲပစ်နိုင်တဲ့
Skill Set တစ်ခုမို့ ကလေးရဲ့အနာဂတ်ကို
ကိုယ့်ဆီမှာရင်းနှီးမြှုပ်နှံလိုက်တာဆိုရင်လည်း မမှားပါဘူး။