ပြည်မကြီးတရုတ်ပြည်မှာ ကျောင်းတက်ခဲ့ပေမယ့် ထိုင်ဝမ်ကိုတော့ ခုမှပထမဆုံး အကြိမ်အလည်ရောက်ခဲ့တာပါ။ထိုင်ပေမြို့တော်အပြင် အထင်ကရနေရာတွေ နာမည်ကြီးမြို့တွေ လည်စရာကောင်းတဲ့နေရာနှင့်အစားအသောက်များကို မြည်းစမ်းကြည့်ဖို့ပေါ့👍
လည်စရာတွေထဲမှာအထူးသဖြင့် ကလေးတွေကိုသင်ပေးတဲ့ဖတ်စာအုပ်မှာပါတဲ့ 日月潭Sun Moon Lake လိုနေရာတွေကိုရောက်အောင်သွားပြီး သင်ပေးပြောပြချင်ခဲ့တာပါ။
ကျွန်းနိုင်ငံဖြစ်တာကြောင့် ရာသီဥတုကမိုးရွာတာများကြီး တောင်ပေါ်လည်တဲ့နေ့တွေဆိုအေးတာကြောင့်အဆင်မပြေတာလေးတွေ ထိုင်ဝမ်တရုတ်လိုပြောတာလေးတွေ အားစိုက်နားထောင်ရတဲ့အပြင် နားမလည်ပဲ အလွဲလေးတွေဖြစ်တာတွေ အမှတ်တရဖြစ်ရပြီး များစွာအတွေ့အကြုံရပါတယ်။ယေဘုယျ အားဖြင့်အဆင်ပြေတယ်ပြောလို့ရပါတယ်....
ထိုင်ဝမ်ကိုကိုယ့်အစီစဉ်ဖြင့် အလည်သွားတာဖြစ်လို့ ထိုင်ဝမ်ကတပည့်မလေးက ခရီးစဉ်ကူစဉ်းစားပေးပြီး လိုအပ်တာတွေအကုန်စီစဉ်ပေးသောကြောင့် အားလုံးအဆင်ပြေပြေခရီးစဉ်လေးဖြစ်ခဲ့ပါတယ်🙏
Wang Laoshi
Share
Contact information, map and directions, contact form, opening hours, services, ratings, photos, videos and announcements from Wang Laoshi, Education Website, Yangon.
06/12/2025
ဝမ်လောင်စူး ဘဝလဲ 王帅老 ဝမ်ဆွက်လောင်တွေဖြစ်ကုန်ပါပြီရှင့်🤣😂
06/12/2025
ဝင်တုံး🤔🤔🤔 ဘာကြီးလဲပေါ့ ဝင်တုံးက
ဟဲ့ သားရေ ဘာရေးထားတာလဲ
ပြီးတော့မှအော် ဝတုတ် ကိုရေးထားတဲ့ အူတက်နေပါပြီ
အခုတလော ပို၍ပို၍ ဝင်တုံး😂🤣😂🤣
14/06/2025
Page မှာသိပ်ပြီးမတင်ဖြစ်တာ ခရီးတွေသွားဖြစ်နေတာရယ် စာတွေပိုဖတ်ဖြစ်နေလို့ပါ😅😁
မနှစ်နှစ်ကုန်ကစပြီးစာပိုဖတ်ဖြစ်တယ်။ဒီနှစ်ကိုပိုဖတ်နိုင်ရမယ်ဆိုတဲ့အတိုင်း၂၀၂၅ နှစ်ဝက်တာကာလမှာ ဖတ်ဖြစ်ခဲ့တဲ့စာအုပ်များပါ။
ရသမျိုးစုံမတူအောင် ပျင်းမှာဆိုးလို့ အစုံဖတ်တယ်။တစ်ချို့ နာမည်ကြီးစာအုပ်တွေ ဆိုတဲ့အတိုင်း တစ်ကယ်ကိုဖတ်လို့ကောင်းတာ။
ခုကျန်တဲ့၂၀၂၅နှစ်ဝက်ကိုလဲ ဒီထက်ပိုဖတ်နိုင်အောင်ကြိုးစားရဦးမယ်။
ဆရာမဂျူးကပြောတယ် စာဖတ်တဲ့သူတွေဟာ နှလုံးသားနုတယ်တဲ့😍ဒါဆိုကျွန်မရဲ့နှလုံးသားကပိုများနုလာတာလားရှင့်🤣😂စတာစတာ
၂၀၂၅မှာ ကျန်းမာရေးလည်းပြန်ကောင်းနေပြီဆိုတော့ ခရီးတွေသွားဖြစ်တဲ့အပြင် စာပိုဖတ်ဖြစ်အောင်ကြိုးစားတယ်။
အလုပ်တွေတော့ငယ်ငယ်တုန်းကလောက် မလုပ်ဖြစ်ပဲနားဖြစ်တယ်။အတန်းသစ်ဖို့စောင့်နေတဲ့ကလေးတွေကိုအားနာရပါတယ်။ဆရာမ စာသင်ဖို့ကို ပျင်းနေတာပါရှင်😅
အလုပ်အကိုင် ဆရာမ
အားနည်းချက် စာသင်ရမှာပျင်းဖြစ်နေလို့ပါ😅😂
ခုလကစပြီး အလုပ်ဘက်ကိုပြန်ပြီးအလေးထားလုပ်ကိုင်နေပါပြီလို့💪💪💪
16/01/2025
听说读写4 skills ဘယ်ဟာအခက်ဆုံးလဲ
ကျွန်မအမြင်နဲ့ပါတ်သတ်ပြီးပြောရမယ်ဆိုရင် လူတိုင်းရဲ့ခက်ခဲတာကမတူနိုင်ကြပါဘူး။လူ၏စိတ်နေစိတ်ထား အသက်အရွယ်နဲ့ တရုတ်စာ level မတူတာနဲ့သက်ဆိုင်ပါမယ်။တရုတ်စာသင်ယူတဲ့ ကြာချိန်ပေါ်မှာလဲမူတည်ပြီး ခက်ခဲတာတွေပြောင်းလဲသွားနိုင်ပါတယ်။
ကျွန်မအတွက် တရုတ်စာစသင်ယူတဲ့ အချိန််မှာ အပြောကအခက်ခဲဆုံးပါပဲ။တရုတ်လိုပြောတဲ့ပတ်ဝန်းကျင်မရှိဘူး။လူကကြောက်လဲအရမ်းကြောက်ဆိုတော့ သူများပြောရင်နားလည်တယ် ကိုယ်ပြန်မပြောနိုင်ဘူး။အဲ့ဒါကတော်တော်ဆိုးတာပဲ။အဲ့ခံစားချက်ကိုကောင်းကောင်းကြီးနားလည်တယ်။ကိုယ်ခံစားခဲ့ရလို့လေ။ကဲဒါဆိုဘယ်လိုပြောတတ်သွားတာလဲ?
ပထမဆုံးကတော့ တရုတ်လူမျိုးနဲ့မဖြစ်မနေပြောရတော့မယ် မြန်မာလိုပြောရင်သူနားမလည်ဘူး အဲ့ကနေကျွန်မစပြောခဲ့တတ်လို့ပဲဆိုရပါမယ်။
အော် မြန်မာလိုမပြောရဘူး တရုတ်လိုပြောရမယ်ဆိုတော့ ပြောတတ်သွားတာပေါ့ ဘာခက်လို့လဲ ဒါလေးများဆိုပြီး လွယ်တယ်ထင်ရင်မှားမယ်နော်။အရမ်းပင်ပန်းခဲ့တာပါ။မျက်ရည်တွေဘယ်လောက်တောင်ကျခဲ့ရလဲဆိုတာ နားလည်ပြီး ပြန်မပြောနိုင်လို့😢
ကျွန်မအလုပ်မှာတရုတ်ပြည်ကဆရာမတစ်ယောက်ရှိတယ်။ပိုင်လောင်စူးတဲ့ ကျွန်မတို့ဆရာမတွေကိုသင်တန်းပေးဖို့တရုတ်ပြည်ကခေါ်ပြီးဒီမှာခန့်ထားတဲ့ဆရာမပေါ့။အလုပ်မှာသူပြောတာကျွန်မနားလည်တယ် ကျွန်မဘာမှပြန်မပြောနိုင်။ကိုယ်ကလဲဆရာမပေါက်စ အသက်က ၁၇လောက်။ဆရာမတွေထဲမှာလဲအငယ်ဆုံး။တရုတ်စာ levelကလဲဘာမှမရှိသေး။ကိုယ့်ထက်ကြီးတဲ့ဆရာမတွေကလဲ ကူညီမယ်မထင်နဲ့ဝိုင်းနှိပ်ကျတာကြီးပဲ။ခိုင်းတာအကုန်လုပ်ရပြီး အကောင်းမပြောခံရတဲ့အပြင် တရုတ်လိုလဲတစ်ခွန်းမှမပြောတဲ့ကျွန်မဆိုတော့ တွေးတာကြည့်တော့ပေါ့။
တစ်ရက်တစ်ရက် ကျွန်မကြိုးစားတယ် အလုပ်ကောတရုတ်လိုကော ပြန်ပြောနိုင်အောင်။တရုတ်လိုသူပြောလာရင် ဘယ်လိုဖြေမယ် ဦးနှောက်ထဲစာစီထားတယ် ပြောမယ့်ဝါကျကို စိတ်ထဲမှာ ခဏခဏ ပြောကြည့်တယ်။စကားကလည်ပင်းထိရောက်ပြီ ပါးစပ်ကအသံထွက်မလာဘူး။နောက်လဲထပ်ကြိုးစားတယ် လည်ပင်းနားတစ်နေပြန်ပြီ အသံကထွက်မလာဘူး။နောက်ကွယ်မှာဒေါသထွက် မျက်ရည်ထွက်နဲ့ သူ့ရှေ့တော့ သူပြောရင်ရယ်ပြလိုက် ခေါင်းငြိမ့်ခေါင်းခါ၍ပေါ့😁☺️🙂↔️ ရက်ပေါင်းများစွာ တော်တော်ကြာကြာပဲ တရုတ်နဲ့မဖြစ်မနေပြောရင် ပြောတတ်သွားမယ်ဆို ဘာခက်လို့လဲနော်ဆိုတဲ့သူတွေ ကျွန်မအတွက်အရမ်းခက်ခဲခဲ့တာပါ မပြောရဲလို့လေ🫢🫢🫢
ကိုယ်ကအလုပ်ဆိုအမြဲစောရောက်တယ်။သော့မဖွင့်သေးဘူး ကိုယ်စောင့်ပြီ။(မျက်စိထဲထိခုထိမြင်ယောင်သေး အလုပ်အပေါက်ဝလှေခါးမှာ ထမင်းဗူးအဝါနဲ့ကိုယ်ထိုင်စောင့်နေတဲ့ပုံ)။ကိုယ့်နဲ့ပိုင်လောင်စူး ၂ယောက်တည်းတွေ့ပြီ ကဲဟုတ်ပြီ ပြောတော့ပေါ့ တရုတ်လိုကွယ် အခွင့်အရေးပဲလေ ရယ်ပြတာနဲ့ပြီးနေတာ။😂😅ဒီလိုနဲ့ နောက်ဆုံးတော့ ကျွန်မအရမ်းပြောရမှာကြောက်နေပေမယ့်လဲ တစ်ခွန်းနှစ်ခွန်းပြန်ဖြေရင်းနဲ့ တရုတ်လိုစပြီးပြောလိုက်နိုင်ခဲ့တာပါပဲ💪💪💪ပိုင်လောင်စူးက သဘောကောင်းပါတယ် အေးအဲ့လိုပြောမှ မှားတာရှိရင်ပြင်ပေးလို့ရမှာပေါ့ တစ်ခွန်းမှမပြောတော့ ဘယ်လိုပြင်ပေးရမလဲဆိုပြီး ကိုယ့်ကိုသင်ပေးပါတယ်။ပိုင်လောင်စူးမှမဟုတ်ပါဘူး တစ်ခြားဘယ်သူမဆို ရဲရဲပြောမကြောက်နဲ့ မှားရင်ပြင်ပေးမယ် ဆိုတာကြီးပါပဲ ဒါပေမယ့်ကြောက်တဲ့သူအတွက်ကတော့ ပြောထွက်ဖို့ဆိုတာပြောသလောက်မလွယ်ကူပါဘူး။
万事开头难 ဆိုသလို အစမှာတော့ခက်ခဲတာကြီးပါပဲ။
အစပြောထွက်သွားပြီဆိုတော့ နောက်ပိုင်းတော့ ပြောနိုင်ဖို့ကို ဘယ်လိုတွေလေ့ကျင့်ခဲ့လဲဆိုတာထပ်ပြောပြပါဦးမယ်။
听和读နားထောင်တာနဲ့စာဖတ်တာကတော့ အတန်းတက်နေရင်မှတ်သားနားထောင်တော့ အရမ်းမခက်ခဲခဲ့ပါဘူး။ဒါပေမယ့် 听 နားထောင်ဆိုလဲခက်တဲ့နေရာရှိသလို读ဖတ်တာကျပြန်တော့ အသံထွက်ပီဖို့လေ့ကျင့်တာတွေ အဖြတ်အတောက်မှန်ဖို့လေ့ကျင့်တာတွေ တော့ရှိတာပေါ့။
ကျွန်မအတွက် တရုတ်စာ level မြင့်လာတဲ့အချိန်မှာ 写အရေးက အရမ်းခက်ခဲနေတာမှန်းသိလိုက်ရပါတယ်။မရေးတတ်ဘူး။အထူးသဖြင့် စာတမ်းရေးတဲ့အချိန်ပေါ့။ဆံပင်ဖြူတွေတောင်အများကြီးပေါက်သွားတယ်။စာအရေးအသား စာစီစာကုံးမရေးတတ်တာလဲမပြောနဲ့လေ ဘယ်နှခါရေးဖူးလဲလို့မေးရင် ရေးမှမရေးတာကို မရေးတတ်တာမထူးဆန်းပါဘူး။
စာတမ်းရေးဖို့ သင်ယူလေ့လာရင်းနဲ့မှ ဘယ်လိုရေးရမယ်ဆိုတာကို နားလည်သွားပြီး အော် အရေးဟာအရမ်းခက်ပါလားနော် ဆိုတာနားလည်သွားပါတယ်။
听说读写4skills ဘယ်ဟာခက်လဲမေးရင် တစ်ချို့ကျပြောရဲဆိုရဲတဲ့သူအတွက်အပြောက သူ့အတွက်ကလွယ်ပါလိမ့်မယ်။ ကျွန်မလိုတစ်ချို့ကပြောရမှာရှက်တယ်ကြောက်တယ် အပြောကကသူ့ခက်ပါမယ်။
တစ်ချို့ကျ ကလေးတုန်းထဲကသင်ပြီး တရုတ်လိုပြောနေသူအဖို့ကျတော့လဲ ကလေးဆိုတော့စာရေးပျင်းတော့ ရေးတာခက်နေမှာပေါ့သူ့အတွက်ကျတော့ လို့ထင်မြင်မိပါတယ်။
听说读写4 skills တိုးတက်အာင် ဘယ်လိုလုပ်ရမလဲနောက်ကျလေ့ကျင့်လို့ရတာတွေထပ်ပြောပေးပါဦးမယ်။အဖြေတစ်ခုတော့ အရင်ပြောပြထားဦးမယ်။ရယ်စရာလို့ထင်ရပေမယ့် ဒီနည်းလမ်းကအကောင်းဆုံးပါပဲ။
ကျွန်မဆရာတစ်ယောက်ကျွန်မကိုပြောဖူးတာလေး အဲဲ့တုန်းကတော့နားမလည်ခဲ့ဘူး အော်ဆရာရယ်ဆရာပြောမှလားဆိုပြီးထင်ခဲ့တာ။多听 多说 多读 多写ပါတဲ့။များများနားထောင် များများပြော များများဖတ် များများရေးပါတဲ့ရှင့်😂🤣တစ်ကယ်တမ်းတော့ လက်တွေ့မှာ အရမ်းကိုမှန်ပါတယ်။
ကဲ ကိုယ်တိုင်ကောဘယ်ဟာက အခက်ခဲဆုံးဆိုတာလေး ဖြေပေးခဲ့ဦးနော် 🤓🤓🤓
24/12/2024
Wang Laoshi page လေးကကြိုဆိုပါတယ်🤗🤗🤗
ကျွန်မ မြန်မာနာမည်က ဆုဝင်းမွန် ပါ။အဖေရဲ့တပည့်လေးတွေရွေးပေးခဲ့တာတဲ့။ဆုတွေရပါစေဆိုပြီးရည်ရွယ်ချက်နဲ့ပေါ့။ဖြစ်ချင်တော့ ကျွန်မကကျောင်းမှာ စာအရမ်းညံ့ အဲ့မှာထဲကစလွဲတာပဲ😅မှတ်မိတာတစ်ခုတော့ ဆုအမြဲရတာရှိတယ် ကျောင်းတက်ရက်မှန်ဆု အဲ့ဒါကတော့ အိမ်မှာ ထိန်းမယ့်သူမရှိလို့ အမြဲကျောင်းတက်ရလို့ရတာ။ဘာဖြစ်ဖြစ်ဆုရတာကရတာပဲလေ😂🤣
တရုတ်နာမည်ကတော့ 王美莲 ဝမ်မေလျန် (လှပတဲ့ကြာပန်း)တဲ့။ဘုံကျောင်းကဆရာမကပေးခဲ့တာ ဒီနာမည်ကိုတော့အစကမကြိုက်ခဲ့ဘူး အရမ်းရိုးပြီးတောဆန်လို့ နောက်ပိုင်းတော့ စာတစ်ပုဒ်မှာ ကြာပန်းအကြောင်းသင်ရပြီး အရမ်းကြိုက်သွားခဲ့ရတဲ့နာမည်ဖြစ်လာပါတယ်။
ဒါကတော့ ကျွန်မနာမည်လေးဖြစ်လာပုံပါ🤭တစ်ချို့က လောင်စူးပဲသိကြလို့😁
ဒီ pageလေးက ကျွန်မရဲ့ကျောင်းသားမိဘတွေအတွက်ရယ် တရုတ်စာနှင့်ပါတ်သတ်ပြီး သိချင်တာမေးချင်တာတွေကို မေးလို့ရအောင်နှင့် ကျွန်မရဲ့တရုတ်စာလေ့လာခဲ့ရပုံများကို မျှဝေပြီး တရုတ်စာလေ့လာနေသူများအတွက် အကူအညီဖြစ်မယ်လို့မျှော်လင့်ပါတယ်🙏
ကျွန်မငယ်ငယ်က ဘယ်လိုတရုတ်စာကိုလေ့လာခဲ့ရတယ် အသက်ကြီးမှစိတ်ပါဝင်စားပြီး သေချာပြန်လေ့လာခဲ့ရတာလေးတွေကိုလဲမျှဝေချင်ပါတယ်🤝🤝🤝
ကိုယ့်ရဲ့နာမည်ကိုကော ဘယ်သူပေးခဲ့တာလဲ အမှတ်တရရှိမရှိနဲ့ ကြိုက်ရောကြိုက်လားဆိုတာ commentမှာရေးသွားခဲ့ဦးနော်🤭🥰
Click here to claim your Sponsored Listing.