EduVantage Myanmar

28/07/2024

ကလေးတွေကို စာသင်တဲ့အခါ အချိန်ကို ဘယ်လိုစီမံခန့်ခွဲရမလဲ

စာသင်ချိန်လို့ပြောလိုက်ရင် ကျနော်တို့ မြန်မာနိုင်ငံမှာ ဘာသာရပ်တစ်ခုကို (၄၅) မိနစ်၊ တစ်နာရီ၊ တစ်နာရီခွဲ စသဖြင့် ရှိပါလိမ့်မယ်။ အများစုကတော့ ၁ နာရီ ဒါမှမဟုတ် ၄၅ မိနစ်ဖြစ်ပါတယ်။
များသောအားဖြင့် စာသင်ချိန်တွေဟာ သက်ဆိုင်ရာကျောင်း တွေကသတ်မှတ်လေ့ရှိပါတယ်။ အသက်အရွယ်အလိုက်လည်း ခွဲခြားထားလေ့ရှိပါတယ်။

ဆိုတော့ တစ်နာရီစာသင်ရင် ကလေးက ၁ နာရီစာလက်ခံနိုင်သလား?
ဒီမေးခွန်းကို ဖြေရရင် ကလေးတွေဟာ အသက်အရွယ်အလိုက် အာရုံစူးစိုက်နိုင်စွမ်းမတူညီကြပါဘူး။

ကျနော်လေ့လာမိတဲ့ John W. Santrock ရဲ့ Educational Psychology Textbooks ထဲမှာဆိုရင် ကလေးတွေရဲ့ သင်ခန်းစာအပေါ် အာရုံစူးစိုက်နိုင်စွမ်းကို အချိန်တွေနဲ့ ပြန်ထုတ်နှုတ်လိုက်တဲ့အခါ
အသက် (၃ နှစ်မှ ၅ နှစ်ကြား) Pre-School အရွယ်ကလေးတွေဟာ စာသင်ချိန်တစ်ချိန် သို့မဟုတ် Activities တစ်ခုအတွက်ကို ၅ မိနစ်မှ ၁၀ မိနစ်အထိသာ အာရုံစိုက်နိုင်ပါတယ်။ တစ်နေ့တာလုံးစာသင်ချိန်တွေပေါင်းရင်တောင် စုစုပေါင်း အာရုံစိုက်နိုင်စွမ်းအချိန်တွေဟာ ၁ နာရီလောက်သာ လက်ခံနိုင်ကြပါတယ်။
အသက် (၆ နှစ်မှ ၈ နှစ်ကြား) ကလေးတွေဟာ စာသင်ချိန်တစ်ချိန် (သို့မဟုတ်) Activities တစ်ခုအတွက် ၁၀ မိနစ်မှ ၂၀ မိနစ်ကြား အထိသာ လက်ခံနိုင်စွမ်းရှိပါတယ်။ တစ်နေ့တာလုံး စာသင်ချိန်တွေပေါင်းရင် အာရုံစိုက်နိုင်စွမ်းအချိန်တွေဟာ ခဏခဏအနားပေးသင်ယူမှုရှိရင်တောင် ၁နာရီမှ ၂ နာရီ အထိသာလက်ခံနိုင်ပါတယ်။
အသက် (၉နှစ်မှ ၁၁ နှစ်ကြား) ကလေးတွေရဲ့ သင်ခန်းစာအပေါ်အာရုံစိုက်နိုင်စွမ်းဟာ ဘာသာရပ်တစ်ခု/စာသင်ချိန် တစ်ချိန်ကို ၂၀ မိနစ်ကနေ ၄၅ အထိ အာရုံစူးစိုက်လက်ခံနိုင်ပါတယ်။ တစ်နေ့တာလုံးအတွက်ဆိုရင် Break ယူပြီးသင်ရင်တောင် စုစုပေါင်းလက်ခံနိုင်စွမ်းအချိန်က ၂နာရီခွဲ အများဆုံးဖြစ်ပါတယ်။
အလယ်တန်းကျောင်းသားတွေဖြစ်တဲ့ အသက် (၁၂ နှစ်မှ ၁၄ နှစ်ကြား)ကတော့ သင်ခန်းစာအပေါ် စာသင်ချိန်တစ်ချိန်ကို မိနစ် ၃၀ ကနေ တစ်နာရီအထိ အာရုံစူးစိုက်နိုင်ပါတယ်။ တစ်နေ့တာလုံးအတွက်ဆိုရင် ၃ နာရီလောက် အထိ လက်ခံနိုင်ပါတယ်။

အသက် ၁၅ ကနေ ၁၈ အထိ ကလေးတွေကျတော့ စာသင်ချိန်တစ်ချိန်ကို ၄၅ မိနစ်ကနေ တစ်နာရီခွဲ (၉၀)မိနစ် အထိ အာရုံစူးစိုက်နိုင်စွမ်းရှိပါတယ်။ တစ်နေ့တာလုံးအတွက်ဆိုရင်တော့ Regular Break နဲ့ဆိုရင် ၄ နာရီလောက်အထိ အာရုံစိုက်နိုင်ပါတယ် လို့ဖော်ပြထားပါတယ်။

ဒီတော့ တင်ထားတဲ့ခေါင်းစဥ်နဲ့ ပြောချင်တာလာပါပြီ....
ကလေးတွေကို စာသင်တဲ့အခါ အချိန်ကို ဘယ်လိုစီမံခန့်ခွဲရမလဲဆိုတာပေါ့
ကျနော်က ကလေးတွေကို အခု ကွန်ပျူတာသိပ္ပံနဲ့ English သင်တယ်။ ကျနော့်စာသင်ချိန်သည် ဘယ်ကလေးမဆို တစ်ရက်ကို ၁ နာရီထက်ပိုမသင်ဘူး။ အများဆုံး ၁နာရီပဲ။ လူကြီးတွေကိုသာ ၁ နာရီကနေ ၂ နာရီ၊ ၂ နာရီခွဲအထိသင်တယ်။ ဒါကလည်း ကွန်ပျူတာသိပ္ပံဆရာဖြစ်သင်တန်းတက်နေသူတွေကိုပဲသင်တာ။ ထားပါ အခု ကလေးတွေအကြောင်းပဲဆက်မယ်။ ကျနော် ၆ နှစ်ကနေ ၈နှစ်ကြားကလေးတွေကို Online ကနေ ကွန်ပျူတာသိပ္ပံသင်တော့ အရင်ဆုံး ကလေးတွေနဲ့ သင်ခဲ့တဲ့သင်ခန်းစာတွေကို Recap လုပ်တယ်( ပြန်အစဖော်ပြီးဆွဲထုတ်တယ်ပေါ့) အများဆုံး ၅ မိနစ်အထိ အချိန်ယူတယ်။ ပြီးရင် လာပြီ... ကျနော်တို့သင်ရိုးနဲ့ ကလေးတွေကို ပုံပြင်ပြောရင်းစာ (၁၀ မိနစ်ကနေ ၁၅ မိနစ်အထိ) သင်တယ် (ကလေးတွေကို စာသင်လို့သင်မှန်းမသိအောင် သင်ကြားတာပါ)။ ပြီးရင် ပုံပြင်နဲ့ ချိတ်ဆက်ပြီး Worksheet ဖြေခိုင်းတယ် (အများဆုံး ၁၀မိနစ်ကနေ ၁၅ မိနစ် အချိန်ပေးတယ်)။ Worksheet မဖြေတဲ့ကလေးမရှိအောင် Worksheet ဖြေပြီးတဲ့ကလေးတွေကို သင်ခန်းစာနဲ့ချိတ်ဆက်နေတဲ့ သင်ကြားရေး Activites တွေဖြစ်တဲ့ Computer Game ပေးကစားတယ်။ ပုံပေးဆွဲတယ်။ အဲအချိန်ကလည်း (၁၀)မိနစ်ကနေ (၁၅) မိနစ်အထိပဲ။ နောက်ဆုံး (၅) မိနစ်မှာ ဒီနေ့လုပ်ဆောင်ခဲ့မှုတွေကိုအနစ်ချုပ်ပြီး Project တွေကို အိမ်စာပေးတယ်။
ကလေးတွေနားထဲ/ဦးနှောက်ထဲကို Input ပေးတဲ့အချိန်သည် ဘယ်တော့မှ ၁၅ မိနစ်ထက်မကျော်ဘူး။ ကွန်ပျူတာသိပ္ပံ နဲ့ အင်္ဂလိပ်စာမှာလည်း သင်ပုံသင်နည်းနဲ့ Activities မတူအောင်ထားတယ်။ ကွန်ပျူတာသင်တဲ့အချိန်မှာ English နဲ့ပတ်သက်ရင် Listening ကိုပဲ အသားပေးထားတယ်။ Spelling နဲ့ Grammar ကို အဓိကမသွားဘူး။ ကျနော်ပေးရမယ့် သင်ပေးရမယ့် Computer Concept ကို အဓိက ခေါင်းထဲရောက်အောင် တစ်သက်သာမှတ်မိအောင် ပုံပြင်နဲ့ ချဉ်းကပ်သင်တယ်။

သူတို့ အဲဒီ Computer Science Concept တွေကို နားလည်သဘောပေါက်မှသာ ကျနော်တို့ Kreative Kid’s Lab ရဲ့ အဆင့်တိုင်းမှာ တီထွင်ဖန်တီးနိုင်သူတွေဖြစ်လာမယ်။ Coding တွေကို လွယ်လွယ်ကူကူရေးနိုင်မယ်။ Kreative Kid’s Lab ရဲ့ Level-8 ‌ရောက်ရင် Website တွေ ကိုယ်တိုင်ရေးတတ်လာမယ်။ အလယ်တန်းပြီးဆုံးရင် IGCSE ဖြေဖို့ပြင်ဆင်မယ်ဆို ICT နဲ့ Computer Science ဟာ အင်မတန်လွယ်သွားမယ်။ အဲတာကြောင့် ကလေးတွေကို စာသင်တဲ့အခါ လောဘ နဲ့သင်လို့မရဘူး။ အချိန် ၄၅ မိနစ်မှာ ၄၅ မိနစ်လုံး စာချည်းသင်လို့မရဘူး။ ဂိမ်းတွေ၊ Activities တွေ၊ Worksheet တွေ၊ စတဲ့ စာသင်ကြားနည်း (၁၅၀) ထဲက ကလေးတွေအတွက် သင်ယူမှုအတွေ့အကြုံမရိုးရအောင် ကိုက်ညီတာတွေ ညှပ်ပြီးလုပ်ရတယ်။

နောက်မိဘတွေလုပ်လေ့ရှိတဲ့အမှားတစ်ခုက ကျူရှင်ပြီး ကျောင်း၊ ကျောင်းပြီး ကျူရှင် ကိစ္စပါ။ ကျောင်းမှာ စာမသင်လို့ ကျူရှင်ထားတာလက်ခံလို့ရတယ်။ ကလေးဦးနှောက်ကလည်းလက်ခံနိုင်တယ်လေ။ စာသင်တဲ့ကျောင်းတွေထားပြီး ကျူရှင်ထပ်ထားတဲ့ကိစ္စပါ။ အဲတော့ တစ်ရက်မှာအများဆုံး ၂ နာရီ ၃ နာရီသာလက်ခံ အာရုံစိုက်နိုင်တဲ့ကလေးတွေက ကျူရှင်မှာ အာရုံစိုက်ရတဲ့အခါ ကျောင်းရောက်တော့ စိတ်မပါတော့ဘူး။ ကျောင်းမှာ အာရုံစိုက်ရတဲ့အခါ ကျူရှင်မှာ အာရုံမစိုက်နိုင်တော့ဘူး။ ကျူရှင်ဆိုတာကလည်း ကျောင်းလိုမဟုတ်ဘူးလေနော် သင်ခန်းစာတတ်မြောက်ရေးထက် စာရရှိရေးရည်ရွယ်ချက်နဲ့ မိဘကလာထားတဲ့အတွက် ကလေးအပေါ်ဖိအားတွေ သက်ရောက်တယ်။ စာမရရင်လည်း မိဘတွေက ကျူရှင်ဘယ်ထားမလဲ ဟုတ်တယ်မလား။ အဲတော့ ကျူရှင်တွေက ဖိအားသက်ရောက်မှုက ကျောင်းတွေမှာလာထိတယ်။ အဲတော့ ကျောင်းတွေနဲ့ ကျူရှင်ဆရာတွေအကြားကလည်း အမြင်မရှင်းစရာတွေ ဖြစ်တာပေါ့။

မိဘတွေကိုပြောချင်တာက လောဘမကြီးပါနဲ့။ ကလေးတွေ ဦးနှောက်ဟာလည်း လက်ခံနိုင်စွမ်း အကန့်အသတ်နဲ့ပါ။
ဆရာဆရာမတွေလည်း စာသင်ချိန်ကိုကောင်းစွာစီမံခန့်ခွဲနိုင်ကြပါစေ။
#ကမ္ဘာကြီးငြိမ်းချမ်းပါစေ_ကလေးများပျော်ပါစေ

လတ်တလောဖတ်ရှုနေတဲ့ John W. Santrock ရဲ့ Educational Psychology စာအုပ်အား ဖော်ပြပါလင့်တွင် တိုက်ရိုက်ဖတ်ရှုနိုင်ပါတယ်။
( https://archive.org/details/educationalpsych0000sant/page/n7/mode/1up?view=theater )

လေးစားစွာဖြင့်
ကိုကိုလွင်(Daniel)

15/07/2024

ဒီသင်တန်းကတော့ Basic သင်တန်းပါ။ ကွန်ပျူတာဆရာြဖစ်သင်တန်း မဟုတ်ပါဘူး။
ကွန်ပျူတာ 𝐁𝐚𝐬𝐢𝐜 (𝐎𝐧𝐥𝐢𝐧𝐞 သင်တန်း) ဖွင့်ပါမယ်။ 𝟐𝟐.𝟕.𝟐𝟎𝟐𝟒 ရက်နေ့က စသင်ပါမယ်။
ကွန်ပျူတာ 𝐁𝐚𝐬𝐢𝐜 သင်တန်းလည်းတက်ချင်တယ်။ အလုပ်တစ်ဖက်နဲ့မို့ တက်ဖို့အခွင့်အလမ်း မကြုံသေးတဲ့ သူတွေ၊ ဆရာ/ဆရာမတွေအတွက် ရည်ရွယ်ပါတယ်။ အဲဒီလို ရည်ရွယ်လို့လည်း ဒီသင်တန်းကို မြန်မာစံတော်ချိန် ည(၈း၃၀) မှ ည(၉း၃၀) အထိ တနင်္လာမှ ကြာသပတေး အထိ တစ်ပတ်(၄) ရက် ဖြစ်ပါတယ်။

သင်တန်းကာလကတော့ ( 𝟐𝟐.𝟕.𝟐𝟎𝟐𝟒 မှ 𝟓.𝟗.𝟐𝟎𝟐𝟒 အထိ) ဖြစ်ပါတယ်။
သင်တန်းမှာ ဘာတွေသင်ပေးမှာလဲဆိုတော့
- 𝐁𝐚𝐬𝐢𝐜 𝐂𝐨𝐦𝐩𝐮𝐭𝐞𝐫 𝐊𝐧𝐨𝐰𝐥𝐞𝐝𝐠𝐞
- 𝐅𝐮𝐧𝐝𝐚𝐦𝐞𝐧𝐭𝐚𝐥 𝐊𝐧𝐨𝐰𝐥𝐞𝐝𝐠𝐞 𝐨𝐟 𝐂𝐨𝐦𝐩𝐮𝐭𝐞𝐫 𝐇𝐚𝐫𝐝𝐰𝐚𝐫𝐞 𝐚𝐧𝐝 𝐒𝐨𝐟𝐭𝐰𝐚𝐫𝐞
- 𝐄𝐧𝐠𝐥𝐢𝐬𝐡 𝐓𝐲𝐩𝐢𝐧𝐠 𝐚𝐧𝐝 𝐌𝐲𝐚𝐧𝐦𝐚𝐫 𝐓𝐲𝐩𝐢𝐧𝐠
- 𝐌𝐢𝐜𝐫𝐨𝐬𝐨𝐟𝐭 𝐖𝐨𝐫𝐝 𝟐𝟎𝟏𝟗
- 𝐌𝐢𝐜𝐫𝐨𝐬𝐨𝐟𝐭 𝐄𝐱𝐜𝐞𝐥 𝟐𝟎𝟏𝟗
- 𝐌𝐢𝐜𝐫𝐨𝐬𝐨𝐟𝐭 𝐏𝐨𝐰𝐞𝐫 𝐏𝐨𝐢𝐧𝐭 𝟐𝟎𝟏𝟗
- 𝐔𝐬𝐢𝐧𝐠 𝐀𝐝𝐨𝐛𝐞 𝐀𝐜𝐫𝐨𝐛𝐚𝐭 𝐃𝐂
- ရုံးစာရေးသားနည်း
- 𝐄𝐦𝐚𝐢𝐥 𝐔𝐬𝐢𝐧𝐠 & 𝐖𝐫𝐢𝐭𝐢𝐧𝐠
တို့ကို အခြေခံကစ သင်ယူနိုင်မှာ ဖြစ်ပါတယ်။

သင်ကြားမည့်ပုံစံက 𝐙𝐨𝐨𝐦 ကတဆင့် သင်ကြားပေးမှာဖြစ်ပြီး သင်တန်းသားတို့၏ကွန်ပျူတာတွင် လိုအပ်ချက်များရှိပါကလည်း 𝐀𝐧𝐲𝐝𝐞𝐬𝐤 ဖြင့် အနီးကပ်သင်သလို စောင့်ကြည့်လမ်းညွှန်ပြသပေးမှာ ဖြစ်ပါတယ်။ သင်တန်းတက်ရောက်မှု အောင်မြင်စွာ ပြီးဆုံးသွားပါက Kreative Kid’s Lab Website (www.kkl.education) မှ အသိအမှတ်ပြု QR Code ပါ သင်တန်းဆင်းလက်မှတ် (E-Certificate) ကိုလည်း ရရှိမှာ ဖြစ်ပါတယ်။

သင်တန်းကြေးကလည်း တစ်ဦးလျှင် Basic Course အပြတ်ကို 100000 Ks (တစ်သိန်း) ကျပ်သာ ဖြစ်ပါတယ်။

K-Pay, Wave Pay, CB Pay တို့ဖြင့် သင်တန်းကြေးသွင်းနိုင်သလို နှစ်ရစ်ခွဲသွင်းလို့လည်းရပါတယ်။

Messenger မှ အသေးစိတ် ဆက်သွယ်စုံစမ်းကာ အပ်နှံနိုင်ပါတယ်။

05/07/2024

သင့်အနေနဲ့ Computer Basic ပဲ တတ်ထားခဲ့တယ်ဆိုရင်တောင် ဒီတစ်လခွဲသင်တန်းမှာ ကြိုးစားအားထုတ်ပြီးရင် ကလေးတွေကို ကောင်းစွာ ကွန်ပျူတာပြန်သင်ကြားပေးနိုင်ဖို့တော့ ကျွန်ုပ်တို့ အာမခံရဲပါတယ်...ဒါကတော့ ကျနော်တို့ပေးနိုင်တဲ့ တစ်ခုတည်းသော အာမခံမှုပါပဲ...

ကွန်ပျူတာသိပ္ပံဆရာဖြစ်သင်တန်း (𝐍𝐨𝐯𝐢𝐜𝐞 𝐋𝐞𝐯𝐞𝐥) 𝐓𝐎𝐓 (𝐁𝐚𝐭𝐜𝐡-7)
------------------------------------------------------------------
𝐂𝐨𝐦𝐩𝐮𝐭𝐞𝐫 𝐒𝐜𝐢𝐞𝐧𝐜𝐞 𝐍𝐨𝐯𝐢𝐜𝐞 𝐋𝐞𝐯𝐞𝐥 𝐓𝐎𝐓 (𝐁𝐚𝐭𝐜𝐡- 7 ) ကို 22. 7 .𝟐𝟎𝟐𝟒 (တနင်္လာနေ့)တွင် ထပ်မံဖွင့်လှစ်တော့မှာဖြစ်ပါတယ်။
ဒီသင်တန်းကို
- ကိုယ်ပိုင်ကျောင်း (သို့မဟုတ်)ပုဂ္ဂလိကကျောင်း တည်ထောင်ထားသူများ/ တည်ထောင်မည့်အစီအစဉ်ရှိသူများ
-ကွန်ပျူတာသိပ္ပံ ဘာသာရပ်သင် ဆရာ/ဆရာမ ဖြစ်လိုသူများ
-ပညာရေးနယ်ပယ်မှ ဆရာဆရာမများ
- ကွန်ပျူတာသင်တန်း ဖွင့်လှစ်ထားသူများ
-မိမိသားသမီးများကို အခြေခံမှစ၍ စနစ်တကျ ကွန်ပျူတာသင်ပေးချင်သော မိဘများ
ကလေးများကို ပြုစုပျိုးထောင်နေသည့် ဆရာ/ဆရာမတိုင်း တက်ရောက်သင့်ပါတယ်။
ဒီ 𝕋𝕆𝕋 ပြီးသွားရင်
(𝟏) ၂၁ ရာစုပညာရေးစနစ်အကြောင်း နားလည်လာမယ်။
(𝟐) ၆ နှစ်ဝန်းကျင် ကလေးတွေကို ကွန်ပျူတာသင်ပေးတတ်လာမယ်။
(𝟑) 𝐋𝐞𝐬𝐬𝐨𝐧 𝐏𝐥𝐚𝐧 တွေ ကိုယ်တိုင်ပြင်ဆင်ရေးဆွဲတတ်လာမယ်။
(𝟒) ထိရောက်တဲ့ စာသင်ကြားမှု ဗျူဟာတွေကို သိရှိနားလည်လာမယ်။
(𝟓) 𝐀𝐬𝐬𝐞𝐬𝐬𝐦𝐞𝐧𝐭 လုပ်တဲ့နည်းလမ်းတွေကို အသုံးချတတ်လာမယ်။
(𝟔) 𝐊𝐫𝐞𝐚𝐭𝐢𝐯𝐞 𝐊𝐢𝐝’𝐬 𝐋𝐚𝐛 𝐋𝐞𝐯𝐞𝐥-𝟏 𝐏𝐝𝐟 နှင့် အသုံးပြုရမည့် 𝐒𝐨𝐟𝐭𝐰𝐚𝐫𝐞 တွေ ရရှိလာမယ်။
(𝟕) သင်တန်းကာလ ၈၅% ပြည့်မီသူတိုင်း သင်တန်းအဆုံးမှာ 𝐊𝐫𝐞𝐚𝐭𝐢𝐯𝐞 𝐊𝐢𝐝’𝐬 𝐋𝐚𝐛 မှ Website မှအသိအမှတ်ပြုထားတဲ့ QR Code ပါ 𝐂𝐞𝐫𝐭𝐢𝐟𝐢𝐜𝐚𝐭𝐞 ရရှိပါမယ်။

ဒီသင်တန်းသည် ကွန်ပျူတာသင်တန်းမဟုတ်ပဲ ကွန်ပျူတာသိပ္ပံဆရာဖြစ်သင်တန်း ဖြစ်သည့်အတွက် ကွန်ပျူတာ အခြေခံ တတ်မြောက်ထားပြီးသူများသာ လျှောက်ထားပါရန်။
တက်မည့်သူများအနေဖြင့် သင်တန်းကြေး 𝟏5𝟬𝟬𝟬𝟬(တစ်သိန်းငါးသောင်းကျပ်) နှင့် သင်ထောက်ကူကြေး- 𝟮𝟬𝟬𝟬𝟬 စုစုပေါင်း 𝟏7𝟬𝟬𝟬𝟬 သာ ကျသင့်ပါမည်။

သင်တန်းနေရာ- 𝑶𝒏𝒍𝒊𝒏𝒆 𝑪𝒍𝒂𝒔𝒔( 𝒁𝒐𝒐𝒎) ဖြစ်ပြီး အကြောင်းအမျိုးမျိုးကြောင့် သင်တန်းပျက်ခဲ့လျှင်လည်း ပြန်လည်လေ့လာနိုင်ရန် 𝓣𝓮𝓵𝓮𝓰𝓻𝓪𝓶 𝓒𝓱𝓪𝓷𝓷𝓮𝓵 မှ 𝓡𝓮𝓬𝓸𝓻𝓭𝓮𝓭 𝓥𝓲𝓭𝓮𝓸 ပြန်လည်တင်ပေးပါသည်။
သင်တန်းအချိန် - အပတ်စဉ်( တနင်္လာ၊ အင်္ဂါ၊ ဗုဒ္ဓဟူး) တစ်ပတ် ၃ ရက် ည ၇◌း၀၀ နာရီမှ ည ၉း၀၀ နာရီ) အထိ
သင်တန်းကာလ - တစ်လခွဲ ( 22.7.𝟐𝟎𝟐𝟒 မှ 4.9.𝟐𝟎𝟐𝟒 အထိ)
သင်တန်းတက်ရောက်လိုသူများအနေဖြင့် အသေးစိတ်အား 𝑲𝒓𝒆𝒂𝒕𝒊𝒗𝒆 𝑲𝒊𝒅’𝒔 𝑳𝒂𝒃 ( 𝑴𝒆𝒔𝒔𝒆𝒏𝒈𝒆𝒓 ) တွင်လာရောက် ဆက်သွယ်စုံစမ်း၍ စာရင်းပေးသွင်းနိုင်ပါပြီ။
【２０．7．２０２４】ဖောင်စာရင်းပိတ်ပါမည်။
အထူးအနေဖြင့်
ISကျောင်းများ/PS များ/ သင်တန်းကျောင်းများအနေဖြင့် ဆရာဆရာမ (2) ဦးအပ်လျှင် (1) ဦး ထပ်မံ၍ အခမဲ့ တက်ရောက်ခွင့် ရရှိမည်ဖြစ်ပါသည်။
Partnership ကျောင်းများအနေဖြင့် သင်တန်းကြေး ၃၀% Discount ရရှိမည်ဖြစ်ပါသည်။
မှတ်ချက်။ သင်တန်းကြေးအခက်အခဲရှိသူများအနေဖြင့် စာရင်းပေးသွင်းချိန်တွင် (၉၀၀၀၀) ပေးသွင်းနိုင်ပြီး ကျန်ရှိ (၈၀၀၀၀) အား ၅.၈.၂၀၂၄ ရက်နေ့နောက်ဆုံးထား ပေးသွင်းနိုင်ပါသည်။

09/05/2024

နည်းပညာအတိုးတက်ဆုံးနိုင်ငံတွေက လူတွေဟာ စာသိပ်ဖတ်ကြပါတယ်။
ဘယ်လောက်ပဲ Digital Device တွေများပြားလာပါစေ စာဖတ်တဲ့အလေ့အကျင့်က ပျောက်မသွားပါဘူး။ ကလေးတွေကိုလည်း စာဖတ်တဲ့ အလေ့အကျင့်တွေကို အမြဲမွေးမြူပေးလေ့ရှိကြပါတယ်။

ကျောင်းစာကြည့်တိုက်နှင့် စာကြည့်တိုက်များအတွက် လိုအပ်တဲ့ 𝐋𝐢𝐛𝐫𝐚𝐫𝐲 𝐌𝐚𝐧𝐚𝐠𝐞𝐦𝐞𝐧𝐭 𝐒𝐨𝐟𝐭𝐰𝐚𝐫𝐞 (Windows) လိုချင်တယ်ဆိုရင် အခု Share ထားတဲ့ Kreative Kid's Lab Page မှာ သွားရောက်ယူလို့ရပါတယ်။

ကလေးများအားလုံးဘက်စုံဖွံ့ဖြိုးတိုးတက်ကြပါစေ......

ကျောင်းစာကြည့်တိုက်နှင့် စာကြည့်တိုက်ငယ်များအတွက် 𝐋𝐢𝐛𝐫𝐚𝐫𝐲 𝐌𝐚𝐧𝐚𝐠𝐞𝐦𝐞𝐧𝐭 𝐒𝐨𝐟𝐭𝐰𝐚𝐫𝐞 (Windows) အခမဲ့ ယူပါ
Microsoft Access Base Software အမျိုးအစားဖြစ်သလို
• 𝐒𝐨𝐟𝐭𝐰𝐚𝐫𝐞 𝐌𝐞𝐦𝐨𝐫𝐲 𝐒𝐢𝐳𝐞 ( 𝟕 𝐌𝐛) သာဖြစ်လို့ သေးငယ်ပါတယ်
• 𝐈𝐧𝐬𝐭𝐚𝐥𝐥 လုပ်ရ လွယ်ကူပါတယ်
• 𝐔𝐬𝐞𝐫 𝐑𝐨𝐥𝐞. ခွဲထားလို့ရပါတယ်
• 𝐋𝐢𝐜𝐞𝐧𝐜𝐞တွေ၊ ဘာတွေ မလိုပါဘူး
• 𝐒𝐭𝐚𝐟𝐟, 𝐒𝐮𝐩𝐩𝐨𝐫𝐭𝐞𝐫𝐬, 𝐑𝐞𝐚𝐝𝐞𝐫𝐬 အလွယ်တကူ သတ်မှတ်ထည့်သွင်းနိုင်ပါတယ်
• စာအုပ်စာရင်းများအား ထည့်သွင်းခြင်း၊ စာအုပ်နေရာသတ်မှတ်ခြင်း လုပ်လို့လွယ်ပါတယ်။
• စာအုပ်ငှားစာရင်း၊ ပြန်အပ်စာရင်းရင်း ထည့်သွင်းခြင်း လစဉ်လိုက် စာရင်းများ 𝐏𝐫𝐢𝐧𝐭 ထုတ်နိုင်ပါတယ်။
• 𝐃𝐚𝐭𝐚 များကို 𝐀𝐮𝐭𝐨 𝐁𝐚𝐜𝐤𝐮𝐩 𝐒𝐜𝐡𝐞𝐝𝐮𝐥𝐞 တစ်ကြိမ်သတ်မှတ်ပေးရုံဖြင့် နေ့စဉ် 𝐀𝐮𝐭𝐨 𝐁𝐚𝐜𝐤𝐮𝐩 လုပ်ပေးပါတယ်။
• 𝐋𝐢𝐛𝐫𝐚𝐫𝐲 𝐁𝐚𝐜𝐤𝐮𝐩 (𝐌𝐚𝐧𝐮𝐚𝐥) တစ်ကြိမ်နှိပ်ရုံဖြင့် 𝐔𝐬𝐞𝐫 မှ သတ်မှတ်ထားသော 𝐁𝐚𝐜𝐤𝐮𝐩 𝐅𝐨𝐥𝐝𝐞𝐫 ထဲသို့ 𝐀𝐮𝐭𝐨 𝐁𝐚𝐜𝐤𝐮𝐩 လုပ်ပေးပါတယ်။

ဒီလို စာကြည့်တိုက် စီမံခန့်ခွဲမှု ဆော့ဖ်ဝဲလ်လေးကို ရယူလိုတယ်ဆိုရင်တော့ ကျနော်တို့ 𝐊𝐫𝐞𝐚𝐭𝐢𝐯𝐞 𝐊𝐢𝐝’𝐬 𝐋𝐚𝐛 𝐏𝐚𝐠𝐞 လေးကို 𝐟𝐨𝐥𝐥𝐨𝐰 လုပ်ပါ။ ယခု 𝐏𝐨𝐬𝐭 လေးကို 𝐋𝐢𝐤𝐞 & 𝐒𝐡𝐚𝐫𝐞 လုပ်ပါ။ 𝐒𝐡𝐚𝐫𝐞 ရာတွင်




လို့ 𝐜𝐚𝐩𝐭𝐢𝐨𝐧 ရေးပေးပါ။ ဒီပိုစ့်အောက်မှာ 𝐒𝐜𝐫𝐞𝐞𝐧𝐬𝐡𝐨𝐭 ရိုက်ပြီး မန့်လိုက်ရုံဖြင့် ကျနော်တို့ 𝐌𝐞𝐬𝐬𝐞𝐧𝐠𝐞𝐫 ကို 𝐒𝐨𝐟𝐭𝐰𝐚𝐫𝐞 ရယူဖို့ 𝐋𝐢𝐧𝐤 လေးပို့ပေးမှာဖြစ်ပါတယ်။

𝑺𝒐𝒇𝒕𝒘𝒂𝒓𝒆 အသုံးပြုနည်းက အင်မတန်မှ လွယ်ကူရိုးရှင်းပါတယ်။ အကယ်၍ 𝑺𝒐𝒇𝒕𝒘𝒂𝒓𝒆 အသုံးပြုရာတွင် အခက်အခဲရှိပါက 𝑺𝒐𝒇𝒕𝒘𝒂𝒓𝒆 အသုံးပြုနည်း သင်တန်းလေးကို 14.5.2024 (အင်္ဂါနေ့) နှင့် 15.5.2024 (ဗုဒ္ဓဟူးနေ့) ည ၈ နာရီမှ ၉နာရီ အထိ 𝒁𝒐𝒐𝒎 မှ တဆင့် တိုက်ရိုက်သင်ကြားပေးဖို့ရှိပါတယ်။ တက်ရောက်လိုပါက သင်တန်းကြေး တစ်ဦးလျှင် ၅၀၀၀( ငါးေထာင်ကျပ်) သာ ပေးသွင်းရမှာဖြစ်ပါတယ်။

𝑲𝒓𝒆𝒂𝒕𝒊𝒗𝒆 𝑲𝒊𝒅’𝒔 𝑳𝒂𝒃 နှင့် 𝑷𝒂𝒓𝒕𝒏𝒆𝒓𝒔𝒉𝒊𝒑 𝑺𝒄𝒉𝒐𝒐𝒍 များ နှင့် 𝑲𝒓𝒆𝒂𝒕𝒊𝒗𝒆 𝑲𝒊𝒅’𝒔 𝑳𝒂𝒃 ၏ 𝑻𝑶𝑻 သင်တန်းတက်ရောက်ခဲ့သော ဆရာ/ဆရာမများ အနေဖြင့် သင်တန်းကြေးပေးသွင်းရန် လုံးဝ(လုံးဝ) မလိုအပ်ပါ။

Software အသုံးပြုနည်း သင်တန်းလေးကို တက်ရောက်လိုတယ်ဆိုရင်တော့ ဖော်ပြပါ လင့်လေးကို (12.5.2024 ၊ တနင်္ဂနွေနေ့)ည ၁၂ နာရီ နောက်ဆုံးထား ဖြည့်ပေးပါ - https://forms.gle/rKBYEzkRJQmJTDFD9
လူဦးရေ ၈၀ အထိသာ အများဆုံးထား လက်ခံပါမည်။

ကဲ အခုပဲ Like , Share & Comment လုပ်ခြင်းဖြင့် သင့်စာကြည့်တိုက်လေးအတွက် 𝐋𝐢𝐛𝐫𝐚𝐫𝐲 𝐌𝐚𝐧𝐚𝐠𝐞𝐦𝐞𝐧𝐭 𝐒𝐨𝐟𝐭𝐰𝐚𝐫𝐞 အခမဲ့ရယူလိုက်ပါနော်...

13/04/2024

မြန်မာနိုင်ငံရှိ တိုးတက်သောကျောင်းများနှင့်ကျွန်ုပ်တို့လက်တွဲလိုပါသည်..
ကျွန်ုပ်တို့နှင့်ဂုဏ်ယူစွာ ပူးပေါင်းပါ

မြန်မာနိုင်ငံအတွင်းရှိ 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐒𝐜𝐡𝐨𝐨𝐥 များ၊ မူဆင့်/လယ်ဆင့်/ထက်ဆင့် သင်ကြားနေသော 𝐏𝐫𝐢𝐯𝐚𝐭𝐞 𝐒𝐜𝐡𝐨𝐨𝐥 များ ၊ ဘော်ဒါကျောင်းများ နှင့် ကွန်ပျူတာသိပ္ပံ သင်ကြားနိုင်ရေးအတွက် ဂုဏ်ယူစွာ ပူးပေါင်းလိုပါသည်။

1.5.2024 ရက်နေ့နောက်ဆုံးထား၍ ကျွန်ုပ်တို့နှင့်ဂုဏ်ယူစွာ ပူးပေါင်းခြင်းဖြင့် -

• ကွန်ပျူတာသိပ္ပံ သင်ရိုးစာအုပ်များ ဝယ်ယူရာတွင် အုပ်ရေ အနည်းအများ အပေါ်မူတည်၍ (𝟏𝟎 % မှ 𝟑𝟎%) အထိ သက်သာခွင့်
• 𝐊𝐫𝐞𝐚𝐭𝐢𝐯𝐞 𝐊𝐢𝐝’𝐬 𝐋𝐚𝐛 ၏ 𝐎𝐧𝐥𝐢𝐧𝐞- 𝐓𝐎𝐓 သင်တန်းများတွင် 𝟑𝟎% သင်တန်းကြေး သက်သာခွင့်
• 𝐊𝐫𝐞𝐚𝐭𝐢𝐯𝐞 𝐊𝐢𝐝’𝐬 𝐋𝐚𝐛 ၏ စာကြည့်တိုက်စီမံခန့်ခွဲမှု 𝐋𝐢𝐛𝐫𝐚𝐫𝐲 𝐌𝐚𝐧𝐚𝐠𝐞𝐦𝐞𝐧𝐭 𝐀𝐜𝐜𝐞𝐬𝐬 𝐒𝐨𝐟𝐭𝐰𝐚𝐫𝐞 နှင့် ရက်တိုသင်တန်း အခမဲ့ ခံစားခွင့်
• 𝐂𝐨𝐦𝐩𝐮𝐭𝐞𝐫 𝐂𝐥𝐚𝐬𝐬𝐫𝐨𝐨𝐦 𝐌𝐚𝐧𝐚𝐠𝐞𝐦𝐞𝐧𝐭 𝐒𝐨𝐟𝐭𝐰𝐚𝐫𝐞 နှင့် ရက်တိုသင်တန်း အခမဲ့ခံစားခွင့်
စတာတွေအပြင် နည်းပညာ အကျိုးခံစားခွင့်များစွာ ရရှိမည် ဖြစ်ပါသည်...

𝐊𝐫𝐞𝐚𝐭𝐢𝐯𝐞 𝐊𝐢𝐝’𝐬 𝐋𝐚𝐛 နှင့်ပူးပေါင်းရန် ဖော်ပြပါ www.kkl.education/partnership-form လင့်မှတဆင့် လူကြီးမင်းတို့ ကျောင်းသို့ဆက်သွယ်ရန် ဖောင်အား မှန်ကန်စွာ ဖြည့်ပေးပါ။

𝐊𝐫𝐞𝐚𝐭𝐢𝐯𝐞 𝐊𝐢𝐝’𝐬 𝐋𝐚𝐛 မှ အကျိုးခံစားခွင့်နှင့် သဘော တူညီချက်များပါဝင်သော စာချွန်လွှာအား 𝐄𝐦𝐚𝐢𝐥 ရက်အနည်းငယ်အတွင်း ပြန်လည်ပို့ပါလိမ့်မည်။
စာချွန်လွှာအား လက်မှတ်ထိုး၍ 𝐄𝐦𝐚𝐢𝐥 ပြန်ပို့ပြီးပါက 𝐏𝐚𝐫𝐭𝐧𝐞𝐫𝐬𝐡𝐢𝐩 လုပ်ငန်းစဉ်အောင်မြင်ပြီးမြောက်ကာ စာချွန်လွှာရှိ အကျိုးခံစားခွင့်အားလုံးကို ခံစားရရှိမည်ဖြစ်ပါသည်။

အသေးစိတ်အား ထပ်မံသိရှိလိုပါက-
09771055811 ​သို့ဖုန်းဖြင့်ဆက်သွယ်၍လည်းကောင်း
Messenger မှစာပေးပို့၍သော်လည်းကောင်း ဆက်သွယ်နိုင်ပါသည်။

20/03/2024

𝐂𝐚𝐦𝐛𝐫𝐢𝐝𝐠𝐞 𝐄𝐧𝐠𝐥𝐢𝐬𝐡 မှ '𝐖𝐫𝐢𝐭𝐞 & 𝐈𝐦𝐩𝐫𝐨𝐯𝐞' အခမဲ့ 𝐨𝐧𝐥𝐢𝐧𝐞 𝐭𝐨𝐨𝐥𝐬 မှ တဆင့် 𝐄𝐧𝐠𝐥𝐢𝐬𝐡 သဒ္ဒါ၊ ဝေါဟာရနှင့် အခြားအရာများကို လေ့လာသူနိုင်ပါတယ်ရှင့်။ ကျောင်းသားကျောင်းသူများအတွက် အင်္ဂလိပ်စာကို လေ့ကျင့်ရန်နှင့် ပြန်လည်ပြင်ဆင်ရန် အကောင်းဆုံးနည်းလမ်း များထဲ တစ်ခုမို့ ပြန်လည်ဝေမျှပေးလိုက်ပါတယ်နော်

📝✨ Check out 'Write & Improve' by Cambridge English! This free online tool provides instant feedback on your writing, helping you polish your grammar, vocabulary, and more. Whether you're a beginner or advanced learner, it's a great way to practice and refine your English. Start writing confidently today!🤗🤗

https://www.cambridgeenglish.org/learning-english/free-resources/write-and-improve/?fbclid=iwar3ohe7a331z7_vvplwgwylmeqdnhkqqqa4rarxqfwgwy_wxarmvhucp1ue

10/03/2024

တောင်ကြီးမြို့ အနီးတဝိုက်ရှိ သားသားမီးမီးလေးများ (အ‌ေကြာင်းအမျိုးမျိုးဖြင့် နေရပ်စွန့်ခွာရောက်ရှိနေသောသားသားမီးမီးများ) အတွက် ရည်ရွယ်၍ဖွင့်လှစ်သင်ကြားပေးသော ပညာဒါန YLE Classes များဖြစ်ပါတယ်။

Edit #သတ်မှတ်လူဦးရေပြည့်ပါပြီရှင့်
Online class တက်မည့်သူများ စာအုပ်ပို့ပေးပါ့မယ်။
On-campus တက်မည့်သူများ တက်မည့်ရက်မှစာအုပ်ယူလို့ရပါတယ်ရှင့်။
မင်္ဂလာပါရှင့်
အသက် 7နှစ်မှ 12နှစ်အရွယ်သားသားမီးမီးတို့အတွက် ပညာဒါနသင်တန်း( Seventh Batch)ဖွင့်မည့်အကြောင်းသတင်းကောင်းပေးပါရစေရှင့်

7th Batch Free Class Announcement
=================================
TGI Learning Center မှ ၇ကြိမ်မြောက် ပညာဒါနသင်တန်းကို (18.3.2024)ရက်တွင်စတင် သင်ကြားပေးတော့မည်ဖြစ်ကြောင်းသတင်းကောင်းပါးအပ်ပါတယ်ရှင့်၊၊

❑ ​​Young Learner of English (YLE)ကို သားသားမီးမီးများလေ့လာသိရှိနိုင်ရန် ရည်ရွယ်ချက်ဖြင့် ဖွင့်လှစ်သင်ကြားရခြင်းဖြစ်ပါတယ်။
👩‍🏫တောင်ကြီးမြို့ အနီးတဝိုက်ရှိ သားသားမီးမီးလေးများ (အ‌ေကြာင်းအမျိုးမျိုးဖြင့် နေရပ်စွန့်ခွာရောက်ရှိနေသောသားသားမီးမီးများ) အတွက် ရည်ရွယ်၍ဖွင့်လှစ်သင်ကြားပေးရ​​​​ခြင်းဖြစ်ပါသည်
Age (အသက်) 7နှစ်မှ 12ထိ
မူလတန်းအရွယ်

Class 1 Monday -Tuesday 9.30 to 10.30a.m Centre 2 ကန်အောက်ရပ်ကွက်ကျောင်း

Class 2 Thursday -Friday 9.30 to 10.30 a.m
Centre 1 ဘုရားဖြူရပ်ကွက် နယ်မြေ1 ကျောင်း

Class3 Monday, Tuesday 6.30to 7.30p.m
Online Class

တက်ရောက်ချင်သူများ ကြိုက်နှစ်သက်ရာ Class နံပတ်ဖြင့် မန့်ပေးပါရန်

Duration Time -3months Course
(၃လလုံးပြီးအောင်တတ်နိုင်မှ စာရင်းပေးသွင်းပါရန်)

Class fees -ပညာဒါန
Books fees-10000ks

လူဦးရေ ကန့်သတ်ထားပါတယ်ရှင့်။
ပညာဒါနတက်ရောက်ချင်သော သားသားမီးမီးများ အမည် ၊အသက်၊ pH no တို့ကို Page Messagerမှတဆင့် စာရင်းသွင်းပေးရပါမယ်ရှင့်
PH 09794882209

09/03/2024

𝟐𝟑.𝟑.𝟐𝟎𝟐𝟒 ရက်နေ့ စာရင်းပိတ်မှာ ဖြစ်သလို ပထမဆုံး ၅ ဦးအတွက်လည်း သင်ထောက်ကူကြေး 𝟐𝟎𝟎𝟎𝟎 သက်သာခွင့်ရဦးမှာဖြစ်ပါတယ်....

ကွန်ပျူတာသိပ္ပံဆရာဖြစ်သင်တန်း (𝐍𝐨𝐯𝐢𝐜𝐞 𝐋𝐞𝐯𝐞𝐥) 𝐓𝐎𝐓 (𝐁𝐚𝐭𝐜𝐡-𝟒)
🚨🚨🚨🚨🚨🚨🚨
➡️တိုးတက်တဲ့အမြင်ရှိသော ကျောင်းများ နှင့် ဆရာဆရာမများအတွက် 𝐂𝐨𝐦𝐩𝐮𝐭𝐞𝐫 𝐒𝐜𝐢𝐞𝐧𝐜𝐞 𝐍𝐨𝐯𝐢𝐜𝐞 𝐋𝐞𝐯𝐞𝐥 𝐓𝐎𝐓 (𝐁𝐚𝐭𝐜𝐡-𝟒) ကို 𝟐𝟓.𝟑.𝟐𝟎𝟐𝟒(တနင်္လာနေ့)တွင် ဖွင့်လှစ်တော့မှာဖြစ်ပါတယ်။

ဒီသင်တန်းကို 👇
🏦ကိုယ်ပိုင်ကျောင်း (သို့မဟုတ်)ပုဂ္ဂလိကကျောင်း တည်ထောင်ထားသူများ/ တည်ထောင်မည့်အစီအစဉ်ရှိသူများ
🧑‍💻 ကွန်ပျူတာသိပ္ပံ ဘာသာရပ်သင် ဆရာ/ဆရာမ ဖြစ်လိုသူများ
🧑‍🏫 ပညာရေးနယ်ပယ်မှ ဆရာဆရာမများ
🧑‍💻ကွန်ပျူတာသင်တန်း ဖွင့်လှစ်ထားသူများ
👪မိမိသားသမီးများကို အခြေခံမှစ၍ စနစ်တကျ ကွန်ပျူတာသင်ပေးချင်သော မိဘများ
ကလေးများကို ပြုစုပျိုးထောင်နေသည့် ဆရာ/ဆရာမတိုင်း တက်ရောက်သင့်ပါတယ်။

ဒီ 𝕋𝕆𝕋 ပြီးသွားရင် 📣
(𝟏) ၂၁ ရာစုပညာရေးစနစ်အကြောင်း နားလည်လာမယ်။
(𝟐) ၆ နှစ်ဝန်းကျင် ကလေးတွေကို ကွန်ပျူတာသင်ပေးတတ်လာမယ်။
(𝟑) 𝐋𝐞𝐬𝐬𝐨𝐧 𝐏𝐥𝐚𝐧 တွေ ကိုယ်တိုင်ပြင်ဆင်ရေးဆွဲတတ်လာမယ်။
(𝟒) ထိရောက်တဲ့ စာသင်ကြားမှု ဗျူဟာတွေကို သိရှိနားလည်လာမယ်။
(𝟓) 𝐀𝐬𝐬𝐞𝐬𝐬𝐦𝐞𝐧𝐭 လုပ်တဲ့နည်းလမ်းတွေကို အသုံးချတတ်လာမယ်။
(𝟔) 𝐊𝐫𝐞𝐚𝐭𝐢𝐯𝐞 𝐊𝐢𝐝’𝐬 𝐋𝐚𝐛 𝐋𝐞𝐯𝐞𝐥-𝟏 𝐏𝐝𝐟 နှင့် အသုံးပြုရမည့် 𝐒𝐨𝐟𝐭𝐰𝐚𝐫𝐞 တွေ ရရှိလာမယ်။
(𝟕) သင်တန်းကာလ ၈၅% ပြည့်မီသူတိုင်း သင်တန်းအဆုံးမှာ 𝐊𝐫𝐞𝐚𝐭𝐢𝐯𝐞 𝐊𝐢𝐝’𝐬 𝐋𝐚𝐛 မှ တရားဝင်အသိအမှတ်ပြုထားတဲ့ 𝐂𝐞𝐫𝐭𝐢𝐟𝐢𝐜𝐚𝐭𝐞 ရရှိပါမယ်။

➡️ဒီသင်တန်းသည် ကွန်ပျူတာသင်တန်းမဟုတ်ပဲ ကွန်ပျူတာသိပ္ပံဆရာဖြစ်သင်တန်း ဖြစ်သည့်အတွက် ကွန်ပျူတာ အခြေခံ တတ်မြောက်ထားပြီးသူများသာ လျှောက်ထားပါရန်။
📣 ပုံမှန်သင်တန်းကြေးသည် ကျနော်တို့၏ Website ( https://www.kkl.education/pricing ) တွင် တရားဝင်ကြေညာထားသည့်အတိုင်း ၁၅၀၀၀၀/(တစ်သိန်းခွဲ) ရှိသော်လည်း 𝐁𝐚𝐭𝐜𝐡-𝟒 တက်မည့်သူများအနေဖြင့် သင်တန်းကြေး 𝟳𝟱𝟬𝟬𝟬(ခုနှစ်သောင်း ငါးထောင်ကျပ်) နှင့် သင်ထောက်ကူကြေး- 𝟮𝟬𝟬𝟬𝟬 စုစုပေါင်း 𝟵𝟱𝟬𝟬𝟬 သာ ကျသင့်ပါမည်။

ထို့အပြင် ပထမဆုံး အပ်နှံသူ (5️⃣)ဦးအား သင်ထောက်ကူကြေး 2️⃣0️⃣0️⃣0️⃣0️⃣ ကင်းလွှတ်ခွင့်ရမှာဖြစ်ပြီး သင်တန်းကြေး 7️⃣5️⃣0️⃣0️⃣0️⃣ ကျပ်သာ ကျသင့်မှာဖြစ်ပါတယ်။

🧑‍💻သင်တန်းနေရာ- 𝑶𝒏𝒍𝒊𝒏𝒆 𝑪𝒍𝒂𝒔𝒔( 𝒁𝒐𝒐𝒎) ဖြစ်ပြီး အကြောင်းအမျိုးမျိုးကြောင့် သင်တန်းပျက်ခဲ့လျှင်လည်း ပြန်လည်လေ့လာနိုင်ရန် 𝓣𝓮𝓵𝓮𝓰𝓻𝓪𝓶 𝓒𝓱𝓪𝓷𝓷𝓮𝓵 မှ 𝓡𝓮𝓬𝓸𝓻𝓭𝓮𝓭 𝓥𝓲𝓭𝓮𝓸 ပြန်လည်တင်ပေးပါသည်။

🕒သင်တန်းအချိန် - အပတ်စဉ်( တနင်္လာ၊ အင်္ဂါ၊ ဗုဒ္ဓဟူး) တစ်ပတ် ၃ ရက် ည ၇◌း၀၀ နာရီမှ ည ၉း၀၀ နာရီ) အထိ

သင်တန်းကာလ - တစ်လခွဲ ( 𝟐𝟓.𝟑.𝟐𝟎𝟐𝟒 မှ 𝟏𝟓.𝟓.𝟐𝟎𝟐𝟒 အထိ)

သင်တန်းတက်ရောက်လိုသူများအနေဖြင့် အသေးစိတ်အား 𝑲𝒓𝒆𝒂𝒕𝒊𝒗𝒆 𝑲𝒊𝒅’𝒔 𝑳𝒂𝒃 ( 𝑴𝒆𝒔𝒔𝒆𝒏𝒈𝒆𝒓 ) တွင်လာရောက် ဆက်သွယ်စုံစမ်း၍ စာရင်းပေးသွင်းနိုင်ပါပြီ။

【２３．３．２０２４】ဖောင်စာရင်းပိတ်ပါမည်။

အထူးအနေဖြင့်
ISကျောင်းများ/PS များ/ သင်တန်းကျောင်းများအနေဖြင့် ဆရာဆရာမ (၃) ဦးအပ်လျှင် သင်တန်းကြေး ၁၀% Discount ရရှိမည်ဖြစ်ပါသည်။

09/03/2024

မကြာခင် Batch-4 ဖွင့်ပါတော့မည်။ စာရင်းပေးသွင်းနိုင်ပါပြီ။

04/02/2024

ကျောင်းဆိုသည်မှာ အဘယ်နည်း
-----------------------------
ဖွံ့ဖြိုးတိုးတက်သည့် အနောက်နိုင်ငံကြီးများတွင် ကျောင်းတက်ပြီးမှ နောက်ပြန်ပြီး တပ်ခေါက်သွားသည် ဆိုသော သတင်းများဖတ်လာရသည်။ အနာဂတ်ပညာရေး၏ အတက်အကျကား ခန့်မှန်းရခက်သည်။ ကျောင်းတွေ၏ အနေအထားနှင့် အနာဂတ် စဉ်းစားစရာဖြစ်လာသည်။ ပညာရေး အဟောသိကံတွေ များလာခြင်းက ဆန်းစစ်စရာဖြစ်လာသည်။

ပညာရေးတွင် လက်ရှိသင်ကြားရေးစနစ်များကို ပြန်လည်သုံးသပ်ရမည့်အချိန်ရောက်လာပြီဖြစ်သည်။ နှစ်ပေါင်းများစွာ အခြေခိုင်လာသည့် သင်ကြားနည်းစနစ်များကို ဆက်လက်ပြီး သုံးရန်သင့်၊ မသင့်ကို ပညာရှင်များက သုံးသပ်နေပြီး ပြောင်းလဲသင့်၊ ပြင်ဆင်သင့်သည်များကို ပြုပြင်ပြောင်းလဲမှုများ လုပ်နေသည့် နိုင်ငံများမှာ ကမ္ဘာ့ထိပ်တန်း ပညာနိုင်ငံတော်များ ဖြစ်နေသည်ကလည်း လက်တွေ့ဖြစ်နေသည်။

ကမ္ဘာ့ပညာထိပ်တန်းနိုင်ငံများဘဝရောက်နေသည့် နိုင်ငံများကိုကြည့်လိုက်လျှင် စိတ်ကူးကောင်းကောင်းဖြင့် ခေတ်ကို ထင်ဟပ်ကာ မြင်တတ်အောင်ကြည့်ပြီး လုပ်ဆောင်သွားနေသည်ကိုတွေ့ရမည်။ ယနေ့ခေတ် အခြေခံပညာကျောင်းများက ပညာရေးတွင် မည်သည့်စနစ်များကို ဆက်လက်ကျင့်သုံးနေကြသနည်း

(၁) အဆင့်စနစ်ကို ကျင့်သုံးနေခြင်း

အစဉ်အလာပညာရေးတွင် အဆင့်များ ခွဲခြားသတ်မှတ်နေမှုများကို ယနေ့တိုင်တွေ့နေရသေးသည်။ အမှတ် များလေကောင်းလေ၊ အဆင့်ကိုလည်း A ကစပြီး အကောင်းဆုံးသတ်မှတ်နေမှုများ ရှိနေသည်။ ကလေး တစ်ယောက်ကို ဖွံ့ဖြိုးအောင်လုပ်ရမည်မှာ ဦးနှောက်နှင့် အတွေးအခေါ်ဖြစ်သည်။ သို့သော် ဆရာတွေက အမှတ်တွေ အဆင့်တွေ ကောင်းအောင် လုပ်ခိုင်းနေသည်။ ကလေးတွေကစားနေသည့် Angry Birds ဆိုသော ဂိမ်းကို စဉ်းစားကြည့်စေချင်ပါသည်။ ထိုဂိမ်းကို ကလေးတိုင်းကြိုက်ကြသည်။ ထိုဂိမ်းတွင် သုညအမှတ်က စသည်။ မှန်အောင်ပစ်နိုင်လေ အမှတ်တိုးလေဖြစ်သည်။ ကလေးတိုင်းက အားထုတ်မှုတိုင်းတွင် ရလဒ်ရှိ ကြောင်းနားလည်ထားသည်။ ထိုသဘောတရားတွေကို ကလေးတွေအား လွှမ်းမိုးထားခြင်းမှာ စဉ်းစားစရာ ဖြစ်သည်။

(၂) ဆရာသည် စင်ပေါ်ကလူဖြစ်နေခြင်း

စာသင်ခန်းတိုင်းတွင် ဆရာက အဓိကဖြစ်နေသည်။ သူကပဲပြော၊ သူကပဲဆုံးဖြတ်၊ သူ့အမိန့်ကိုသာ နားထောင် နေကြရသည်။ သူက စင်ပေါ်ကလူဖြစ်နေသည်။ စင်အောက်က ကလေးတွေကတော့ အိပ်ငိုက်နေကြသည်။ ဆရာကစင်ပေါ်တက်ခွင့်နှင့် ဆရာကသာ ဆုံးဖြတ်ပိုင်ခွင့်ရှိသူအဖြစ် သတ်မှတ်လာခြင်းကြောင့် ဆရာကောင်း တွေရှားလာသည်။ စင်ပေါ်ကလူတွေ စင်အောက်မဆင်းသည့်အတွက် ကျောင်းကောင်းတွေလည်း ရှားလာ သည်။

(၃) သုံးသပ်နိုင်စွမ်း အားနည်းခြင်း

ကလေးတွေကို သတ်မှတ်ထားသည့် ဖတ်စာအုပ်တွေထဲက စာတွေကို ကုန်အောင် သင်ပေးနိုင်လျှင် တာဝန် ကျေပြီဟု ယူဆနေကြသည်။ သို့သော် ကိုယ်သင်ပေးလိုက်သည့် စာတွေက စာဖတ်တတ်ရုံလား၊ ဘဝအတွက် လက်တွေ့အသုံးချနိုင်ပါ့မလားဟု စဉ်းစားသူနည်းပါလိမ့်မည်။ စာတွေကို ဖတ်ပြပြီး ငါပြောတာ နားထောင် လုပ်နေကြသည်။ ကျောင်းသားပြောတာ ဘယ်နှခွန်းလောက် နားထောင်ပြီးပြီနည်း။ ကျောင်းသားတွေကို ဘယ်နှခွန်း ပြောဆိုဝေဖန် ဆွေးနွေးငြင်းခုန်ခွင့်များ ပေးပြီးပြီနည်း။

(၄) ဘောင်ထဲမှာနေထိုင်ကြခြင်း

ယနေ့ခေတ်ကျောင်းများသည် ပုံစံခွက်ရိုက်သည့် စက်ရုံတစ်ရုံလိုဖြစ်နေသည်။ အားလုံးကို တစ်ပုံစံတည်း ရိုက်ထုတ်ပေးရန် ကြိုးစားနေကြသည်။ မှတ်ဉာဏ်ကောင်းခြင်း၊ များများမှတ်နိုင်ခြင်း၊ ဖတ်ထားသည့်အတိုင်း အတိအကျပြန်ရေးနိုင်ခြင်းကို တော်သည်ဟု မှတ်ယူနေကြသည့် ပညာရေးဖြစ်နေသည်။ အဝိုင်းပုံစံရိုက်ပြီး အဝိုင်းထွက်လာသည်ကို ကျေနပ်သဘောကျနေသည်။

(၅) ပျင်းစရာကို ပျင်းရကောင်းမှန်း မသိခြင်း

ကျောင်းလာ၊ အတန်းထဲထိုင်၊ ပြောတာနားထောင်၊ လိုက်ဖတ်၊ လိုက်ရေး ပုံသေနည်းကျကျ လှုပ်ရှားနေရခြင်းမှာ နေ့တိုင်း ပုံသေဖြစ်နေသည်။ မည်မျှပျင်းစရာကောင်းလိုက်သနည်း။ လူသားတို့၏ ခံယူနိုင်စွမ်း၊ ဆန်းစစ်ဝေဖန် နိုင်စွမ်း၊ တီထွင်ထုတ်ဖော်နိုင်စွမ်းများကို လျစ်လျူရှုခြင်း ခံနေကြရသည်။ စာဆိုပြနိုင်ပြီး ဂုဏ်ထူးထွက်အောင် ဖြေနိုင်မှ လူရည်ချွန်ဟု သတ်မှတ်နေကြသည့် ပညာရေးစနစ်ကို ပျင်းရကောင်းမှန်း ယနေ့တိုင် မသိသော ပညာရေးစနစ်ဖြစ်နေသည်။

နှစ်စဉ် ပညာရေးကို မပြီးဆုံးမီ အထက်တန်းကျောင်းမှ ကျောခိုင်းသွားသူပေါင်း ၇၂၀၀ ခန့်ရှိနေသည်။ တစ်ကမ္ဘာလုံး အနေဖြင့်ကြည့်လျှင် နှစ်စဉ် ပညာရေး အဟောသိကံဖြစ်မှုပေါင်း ၁ ဒသမ ၃ သန်းခန့်ရှိနေသည်။ အထက်တန်းအဆင့် လေးနှစ်ခန့် ထပ်တက်ရမည့် ပညာရေးကို ၆၉ ရာခိုင်နှုန်းခန့် စွန့်ခွာနေကြသည့် သဘောလည်းဖြစ်သည်။ သူတို့ဘာကြောင့် ကျောင်းထွက်သနည်းဟု လိုက်လံစူးစမ်းကြည့်ရတွင် ၅၀ ရာခိုင်နှုန်းက “ပျင်းလို့” ဟူ၍ ဆင်ခြေပေးကြသည်။

ထို့ကြောင့် ကျောင်းဆိုသည်မှာ ဘာဖြစ်သင့်သနည်းဆိုသည်ကို ၂၁ ရာစုတွင် မေးခွန်းထုတ်လာသလို အဖြေလည်းရှာကြသည်။

ကျောင်းဆိုသည်မှာ စာသင်ရုံသက်သက်လား

စာသင်ဖို့ကျောင်းလွှတ်သည်ဆိုမှာ အမှန်တရားလား

စာတတ်ဖို့အရေးကြီးသလား၊ စဉ်းစားတွေးခေါ် မြော်မြင်နိုင်ဖို့ အရေးကြီးသလား

ကလေးတွေကို ဘာကိုသင်ပေးဖို့အရေးကြီးသလဲ မေးခွန်းထုတ်ကာ အဖြေရှာခြင်းသည် ပညာရေးတွင် ပြုပြင်ပြောင်းလဲမှုကို လုပ်နေကြခြင်းဖြစ်သည်။

ကျောင်းဆိုသည်မှာ ဆရာနှင့်ကျောင်းသားအတွက် စာသင်ကြားရန်သက်သက်နေရာတစ်နေရာ မဖြစ်သင့်ပြီ။

(Photo Credit: Institute for Fiscal Studies)

တင်ညွန့်

၂.၂.၂၀၂၄

21/01/2024

‘ပညာရေး’ဟူသည် လက်တင်ဘာသာစကား Educare မှ ဆင်းသက်လာပြီး အဓိပ္ပာယ်မှာ ‘ဦးဆောင်ဦးရွက်ပြုခြင်း’၊ ‘ရှေ့ဆောင်လမ်းပြခြင်း’ ဖြစ်သည်။ ယခုအခါ မူရင်းအဓိပ္ပာယ်သည် ပျောက်သလောက်နီးပါး ဖြစ်နေပြီး မွေးရာပါ အခြေအနေ၊ စွမ်းရည်ထက် ပိုမိုတိုးတက်ဖွံ့ဖြိုးလာစေရန်ပြုလုပ်ခြင်းဟူသည် ခေတ်သစ်ပညာရေး၏ သဘောတရားများ ဖြစ်လာခဲ့သည်။ ပညာရေးကို အကျယ်ပြန့်ဆုံးပြောရလျှင် မွေးသည်မှ သေသည်အထိ ရှိနေသည့် ဖြစ်စဉ်ကြီးတစ်ခုဟုလည်း ဆိုနိုင်သည်။ အချို့ကလည်း ပညာရေးသည် မမွေးမီကတည်းက စသည်ဟု ဆိုကြသည်။ အချို့သော မိဘများက မိမိတို့ကလေးများကို မမွေးမီ ဝမ်းတွင်းကပင် ဖွံ့ဖြိုးတိုးတက်စေရန် ရည်ရွယ်ချက်ဖြင့် သီချင်းများ နားထောင်ခြင်း၊ စာများ ဖတ်ပြခြင်းတို့ကို ပြုလုပ်လာကြသည်။ မည်သို့ဆိုစေ၊ ပညာရေးဟု ဆိုလိုက်လျှင် အစဉ်အလာပညာရေးကို ဦးစွာ ပြောရမည်ဖြစ်သည်။ အစဉ်အလာပညာရေးဆိုသည်မှာ အတွေ့အကြုံကို အလေးထားသည့် ပညာရေးဖြစ်သည်။ တတ်ကျွမ်းမှု၊ နားလည်မှုတို့ကို နေ့စဉ်အတွေ့အကြုံများဖြင့် တဖြည်းဖြည်း တည်ဆောက်ခဲ့ရသည့် ပညာရေးမျိုးဖြစ်သည်။ လူတစ်ဦးချင်းအနေဖြင့် အစဉ်အလာမဟုတ်သည့် ပညာရေးသည်လည်း သူ့နည်းသူ့ဟန်ဖြင့် ရှိနေနိုင်သည်။ မိသားစုများနှင့် ပတ်ဝန်းကျင်သည် လူတစ်ဦးချင်းစီအတွက် သီးခြား လွှမ်းမိုးနိုင်သည့် အစဉ်အလာ မဟုတ်သောပညာရေး ဖြစ်သည်။

အစဉ်အလာပညာရေးသည် လူ့ပတ်ဝန်းကျင် သို့မဟုတ် လူ့အဖွဲ့အစည်းတွင် သင်ရိုးညွှန်းတမ်းဖြင့် အထူးသဖြင့် လူငယ်များကို သတ်မှတ်သင်ကြားသည့် အချိန်၌ စတင်ခဲ့သည်ဟု ဆိုနိုင်သည်။ အစဉ်အလာပညာရေးသည် တဖြည်းဖြည်း စနစ်ကျကျနှင့် ပြည့်စုံ တိုးတက်လာခဲ့ရသည်။ အစဉ်အလာ ပညာရေးစနစ်သည် လူ့တန်ဖိုး သို့မဟုတ် ‘စံ’ တို့ကို မြင့်မားစေရန်ကြံဆောင်ပေးနေသကဲ့သို့ ပညာဗဟုသုတတိုးပွားစေရန်လည်း အလေးထားသည်။ ဘဝတစ်သက်တာပညာရေး သို့မဟုတ် သက်ကြီးပညာရေးသည် နိုင်ငံတကာတွင် ပျံ့နှံ့လျက် ရှိနေပြီဖြစ်သည်။ သို့သော် ပညာရေးသည် ကလေးများအတွက်သာ အဓိက ပစ်မှတ်အဖြစ် ထားနေကြသည်ကများသည်။ သက်ကြီးပညာရေးသည် အစဉ်အလာ စာသင်ခန်းအတွင်း သင်ကြားရေးမှသည် ကိုယ်တိုင်ပညာရှာရေးအစီအစဉ်များအထိ တိုးတက်ဖွံ့ဖြိုးလာသည်။ သက်ကြီးပညာရေးတွင် အဓိကကျသည့် စနစ်သည် စာကြည့်တိုက်မှ စာအုပ်စာတမ်းများ ငှားရမ်းဖတ်ရှုနိုင်ခြင်း၊ လမ်းညွှန်များ ဖတ်ရှုလေ့လာနိုင်ခြင်းတို့ကြောင့် အကုန်အကျနည်းစွာဖြင့် တိုးတက်လာခဲ့ရသည်။ နောက်ပိုင်း ကွန်ပျူတာအသုံးပြုနိုင်ခြင်း၊ အင်တာနက်ကို အသုံးပြုနိုင်ခြင်းတို့သည် ကိုယ်တိုင်ရှာ ပညာရေး သို့မဟုတ် သက်ကြီး ပညာရေးကို များစွာအထောက်အကူပြုသည့် စနစ်များ ဖြစ်လာသည်။

နည်းပညာများ တိုးတက်ဖွံ့ဖြိုးလာသည်နှင့်အမျှ ပညာရေးကို များစွာလွှမ်းမိုးသည့်အကြောင်းတရားတစ်ခုဖြစ်လာသည်။ ကွန်ပျူတာနှင့် အခြားဆက်စပ်နေသည့်နည်းပညာရပ်များကို ဖွံ့ဖြိုးတိုးတက်သည့် နိုင်ငံတိုင်းလိုလိုတွင် ကျယ်ပြန့်စွာ သုံးစွဲလာကြသည်။ ပညာရေးလက်တွေ့ဖွံ့ဖြိုးမှုတွင် အွန်လိုင်းပညာရေး (Online Education) ဟု ခေါ်သည့် အဝေးသင်ပညာရေးစနစ်သည် တိုးတက်ထွန်းကားလာသည်။ အဝေးသင်ပညာရေးစနစ်ဆိုသည်မှာ ကွန်ပျူတာ အင်တာနက်တို့ကိုအသုံးပြုပြီး ပညာရှာမှီးခြင်း၊ သင်ကြားခြင်းများကို ဆိုလိုသည်။ စာသင်ခန်းတွင် ထိုင်ပြီးပညာသင်ကြားသည့်စနစ်ကို တော်လှန်ကာ စာသင်ခန်း မလို၊ ကိုယ်တိုင်ရှာ ပညာစနစ်ကိုအလေးပေးပြီး ကိုယ်သင်ကိုယ်တတ်စနစ်ကို ဦးစားပေးထားသဖြင့် မူရင်းရည်ရွယ်ချက်သည် အထူးကောင်းမွန်လှသည်။

အမှန်တကယ်၌ ပညာရေးဟူသည် စိတ်ကူးများ၊ စွမ်းဆောင်နိုင်ရည်များ၊ ကိုယ်ကျင့်တရားများ စသည်တို့ကို သင်ကြားပေးခြင်းဖြစ်သည်။ ဥပမာအားဖြင့် ကြောင်တစ်ကောင်သည်လည်း သူ့ကလေးကို ကြွက်ခုတ်တတ်စေရန် သင်ကြားပေးနိုင်သည်။ လူနှင့်တိရစ္ဆာန်မှာ ထိုဥပမာအရ များစွာ မကွာခြားလှပါ။ သို့သော် လူတို့သည် လက်နက်ပစ္စည်းကိရိယာများကို တီထွင်နိုင်ခြင်း၊ အသိဉာဏ်ကိုအသုံးချနိုင်ခြင်းတို့ကြောင့် အခြားသော တိရစ္ဆာန်များကို ကျော်လွန်သွားနိုင်ခဲ့သည်။ ထို့အတူ ပညာရေးနှင့်ပတ်သက်၍ အသိဉာဏ်ရှိခြင်း၊ အသိဉာဏ်ကို အသုံးချတတ်ခြင်းတို့သည် အခြားတိရစ္ဆာန်များမှနေ၍ လူကို ကွဲပြားသွားစေသည်။ ပညာရေးဟူသည် လူသားတို့၏ ‘ယဉ်ကျေးမှုဖြစ်စဉ်တစ်ရပ်’ ဟု ဆိုရပေမည်။

မည်သို့ပင်ဆိုစေကာမူ ယနေ့ခေတ် အသုံးပြုနေသည့် အခြေခံပညာရေးစနစ်သည် လက်ရှိလူ့အဖွဲ့အစည်းနှင့် ကင်းကွာ၍မရဘဲ သက်ဆိုင်ရာလူ့အဖွဲ့အစည်း၏ လိုအပ်ချက်များကို ဖြည့်ဆည်းပေးနိုင်သော ပညာရေးသာ ဖြစ်သင့်ပါကြောင်း The Daily Eleven သတင်းစာက ရေးသားအပ်ပါသည်။

■ မေ ၂၈ ရက် ထုတ် The Daily Eleven သတင်းစာ၏ အယ်ဒီတာ့အာဘော်

21/01/2024

ဖေဖေမေမေတို့ရေ
ကလေးတွေကို နွေရာသီမှာ ကွန်ပျူတာသင်ပေးဖို့ စဉ်းစားနေပြီလား…
ဒါဆို…. ၆နှစ် ကနေပြီး စတင်သင်ကြားလို့ရတဲ့ Kreative Kid’s Lab ကွန်ပျူတာသိပ္ပံ စီးရီးလေးရှိနေပြီနော်….

၈ နှစ်အောက် ကလေးတွေဟာ တစ်နေ့ကို Screen Time တစ်နာရီအထိအများဆုံး အသုံးပြုသင့်သေးသလို ဒီလိုဒစ်ဂျစ်တယ်ကမ္ဘာကြီးဖြစ်လာတဲ့အခါ Screen Time ကို အကျိုးရှိရှိအသုံးချဖို့ Kreative Kid’s Lab သင်ရိုးများနှင့် ကလေးရဲ့အနာဂါတ်ကို အောင်မြင်ဖို့ ပြင်ဆင်ပေးလိုက်တော့နော်…

Kreative Kid’s Lab သင်ရိုးနဲ့သင်ရင် ကလေးတွေက ကွန်ပျူတာသိပ္ပံတင်မကဘဲ ကာယ၊ ဉာဏ၊ စာရိတ္တအပြင် English, ပန်းချီနဲ့ တီထွင်ဖန်တီးဉာဏ်တွေပါ ဖွံ့ဖြိုးလာမှာဖြစ်ပါတယ်နော်….

ဘာလို့ ကလေးတွေကို ကွန်ပျူတာသင်ပေးသင့်သလဲဆိုတာကို ကျမတို့ရဲ့ page လင့်လေးက ဝင်ဖတ်လိုက်ပါနော်… (https://www.facebook.com/kreativekidslab/posts/pfbid0296gBZJaDY4vpgvjxYDkLDZ8EMWghcKLsdRSRx5Zp9FzdvaGzstouzNNe1wJ4Yssil )

Online ကနေ စနေ၊တနင်္ဂနွေတန်းလေးကို ထားချင်တယ်ဆိုရင်လည်း ကျမတို့ Kreative Kid’s Lab ရဲ့ Facebook Post လင့်လေးမှာ https://www.facebook.com/photo/?fbid=691296369757049&set=a.408303981389624 မှာ အသေးစိတ်ဖတ်လို့ရပါတယ်နော်…

Online အတန်းတွေက လူဦးရေ အကန့်အသတ်ရှိလို့ မြန်မြန်အပ်မှစိတ်ချရမယ်နော်….

ဪ ဖေဖေမေမေတို့ကို အမေရိကန်က သုတေသနပညာရှင်တစ်ယောက်ရဲ့ စကားလက်ဆောင်လေးတစ်ခုပေးရဦးမယ်….

“ ဒီလိုနည်းပညာခေတ်မှာ ကလေးတစ်ယောက်ဦးနှောက်ကို ပျက်စီးစေချင်ရင် ဖုန်းတစ်လုံးနဲ့ ၁လလောက်လွတ်ထားလိုက်ပါ။ ကလေးကိုအနာဂါတ်မှာ အောင်မြင်တဲ့သူဖြစ်စေချင်ရင် ကွန်ပျူတာတစ်လုံးဝယ်ပေးလိုက်ပါ၊ အချိန်အကန့်အသတ်တော့ရှိပါစေ”တဲ့

ဒါ့ကြောင့် ပျော်ပျော်ရွှင်ရွင် ကွန်ပျူတာသင်ပြီး ကလေးအနာဂါတ်အတွက် ပြင်ဆင်ချင်ရင်တော့ Kreative Kid’s Lab နဲ့ လေ့ကျင့်ပျိုးထောင်လိုက်ပါနော်…

အသေးစိတ်သိလိုပါက Kreative Kid’s Lab ရဲ့ page / Messenger သို့လှမ်းခဲ့လိုက်ပါနော်…