Poise Fashion Design Consultant

Mood ဝင်ရာ လုပ်တတ်တဲ့ သူဆိုတော့ ....
ဒါပြီးချင်ဇောနဲ့ ကြိုးစားနေတယ်...
ပြီးရင် လာပြမယ်နော်...

ချင်းမိုင်မှာ ကျွန်မကို တွေ့ရင် နှုတ်ဆက်ကြပါနော်!
တီချယ်က မာနကြီးလို့ နှုတ်မဆက်ရဲ့ဘူးတဲ့😂

ကျောင်းသူ ဘဝ (၆)
အတွေ့အကြုံပေါင်းစုံမှသည် အဖိုးတန်ပညာရှင်ဘဝသို့

ကျွန်မတို့ရဲ့ ကျောင်းသားဘဝ ၃ နှစ်တာခရီးစဉ်အတွင်းမှာ ပထမနှစ်မှာ အခြေခံအမျိုးသမီးဝတ်တွေကို အခြေခံခိုင်အောင် သင်ယူခဲ့ရပြီး ဒုတိယနှစ်မှာတော့ ပိုမိုအဆင့်မြင့်တဲ့ နည်းစနစ် (Advanced Techniques) တွေကို လေ့လာခဲ့ရပါတယ်။

အထူးသဖြင့် ဒုတိယနှစ် ဒုတိယနှစ်ဝက်မှာတော့ Project အကြီးကြီးတွေကို တခြားဘာသာရပ်တွေနဲ့ ပေါင်းစပ်ပြီး စတင်လုပ်ဆောင်ခဲ့ရသလို ယောက်ျားဝတ်နဲ့ ကလေးဝတ် Pattern တွေကိုပါ စနစ်တကျ သင်ယူခဲ့ရတာပါ။

တကယ့်အကြိတ်အနယ်ရှိလှတဲ့အချိန်ကတော့ တတိယနှစ် (Final Year) ပါပဲ။
ဒီအချိန်မှာ သင်ကြားရေးထက် Project တွေကို Consulting ပုံစံမျိုးနဲ့ ပိုလုပ်ဆောင်ခဲ့ရပါတယ်။
Final Collection အတွက် ဝတ်စုံ (၅) စုံစာ ဒီဇိုင်းတွေကို Pattern ဆွဲ၊ Sample ချုပ်၊ Fitting လုပ်ရင်း အခါခါ ပြန်ပြင်ခဲ့ရတာပါ။

ဒီဇိုင်းတစ်ခုဟာ စက္ကူပေါ်မှာ Final လို့ ဆိုရုံနဲ့ မပြီးပါဘူး။
တကယ်တမ်း ချုပ်လုပ်ကြည့်တဲ့အခါ Silhouette (အထည်ကျပုံ) မလှတာ၊ ပိတ်စရဲ့ အထူအပါးကြောင့် ပုံမကျတာ၊ အရောင်နဲ့ ပိတ်စအတွဲအစပ် (Color & Fabric Combination) မမျှတတာမျိုးတွေ ကြုံရတတ်ပါတယ်။
အဲ့ဒီအခါမှာ Design ဆရာ၊ Pattern ဆရာ၊ Drape ဆရာတွေနဲ့ တိုင်ပင်ပြီး ပိတ်စအသားပြောင်းတာ၊ Pattern ပြန်ဆွဲတာ၊ Sample ပြန်ချုပ်တာတွေကို စိတ်တိုင်းကျ Final Design ရလာတဲ့အထိ အကြိမ်ကြိမ် လုပ်ဆောင်ခဲ့ရပါတယ်။

တစ်နှစ်လုံးမှာ ဝတ်စုံ (၅) စုံစာအတွက်ပဲ အချိန်ပေးခဲ့ရပေမယ့် တစ်ထည်ချင်းစီအတွက် ပိတ်ကြမ်းနဲ့ရော၊ အစစ်နဲ့ရော Sample တွေ အများကြီး ချုပ်လုပ်ခဲ့ရတဲ့ အတွေ့အကြုံတွေက တကယ်ကို အဖိုးတန်လှပါတယ်။

ဒီ ၃ နှစ်တာအတွင်းမှာ နိုင်ငံတကာက Full Time နဲ့ Part Time ဆရာပေါင်းစုံရဲ့ မတူညီတဲ့ အတွေ့အကြုံတွေ၊ နည်းစနစ်တွေနဲ့ Pattern သဘောတရားတွေကို သင်ယူခွင့်ရခဲ့ပါတယ်။
အစပိုင်းမှာ အမှတ်ကောင်းဖို့ ကြိုးစားခဲ့ပေမယ့် နောက်ပိုင်းမှာတော့ သူတို့ပေးတဲ့ ပညာတွေက အမှတ်ထက်ပိုပြီး တန်ဖိုးရှိတာကို သိလာခဲ့ရပါတယ်။
ဒီလို နည်းစနစ်စုံစုံလင်လင်နဲ့ သင်ယူခဲ့ရလို့လည်း အခုအချိန်မှာ မတူညီတဲ့ Pattern စာအုပ်တွေကို သဘောပေါက်လာပြီး ကျွန်မရဲ့ တပည့်တွေကို ယုံကြည်မှုရှိရှိ ပြန်လည်မျှဝေပေးနိုင်တဲ့ ဆရာတစ်ယောက် ဖြစ်လာခဲ့တာပါ။

ပညာဆိုတာ သင်လို့မကုန်နိုင်သလို ကျွန်မကိုယ်တိုင်လည်း နည်းပညာသစ်၊ ဒီဇိုင်းသစ်တွေကို အမြဲလေ့လာနေဆဲပါပဲ။
နောက်ပိုင်းမှာတော့ Pattern နဲ့ Draping အကြောင်းတွေကို ဆက်ပြီး ပြောပြပေးသွားပါဦးမယ်။

ကျောင်းသူဘဝ (၅)
Pattern Making သင်ခဲ့ရတဲ့ အမှတ်တရများ

ဒီတစ်ခါတော့ Pattern Making သင်ခဲ့ရတဲ့အကြောင်း ပြောပြပါမယ်။

NAFA မှာ ကျွန်မ ကျောင်းတက်ခဲ့စဉ်က မြန်မာနိုင်ငံက ကျောင်းတွေနဲ့ မတူတာတစ်ခုက Text Book (သင်ရိုးစာအုပ်) မရှိတာပါ။ ဟုတ်ပါတယ်။ ကျောင်းက သတ်မှတ်ထုတ်ထားတဲ့ Text Book ဆိုတာ မရှိပါဘူး။ သက်ဆိုင်ရာ စာကြည့်တိုက်၊ စာအုပ်ဆိုင်နဲ့ အင်တာနက်ပေါ်က အရင်းအမြစ်အားလုံးဟာ ကျွန်မတို့အတွက် Text Book တွေပါပဲ။
အတန်းထဲမှာတော့ ဆရာ/ဆရာမတွေက သူတို့ကိုယ်တိုင် အသုံးပြုနေတဲ့ Notes (မှတ်စု) တွေကို သင်ကြားဖို့ လိုအပ်တဲ့အခါတိုင်း မိတ္တူကူးပြီး ဝေပေးပါတယ်။ ဒါကလည်း မဖြစ်မနေ လိုအပ်တာလောက်ပဲ ဖြစ်ပြီး ရာခိုင်နှုန်းနဲ့ပြောရင် Notes က ၁၀% လောက်ပဲ ရှိပါတယ်။ ကျန်တဲ့အပိုင်းတွေကတော့ ဆရာမတွေ ကိုယ်တိုင်ရှင်းပြတာကို သေချာလိုက်နားထောင်ပြီး ကိုယ့်ဘာသာ ပြန်ရေးမှတ်ရတာပါ။ ရှင်းပြပြီးရင်တော့ Project တွေအနေနဲ့ ပြန်လုပ်ခိုင်းပါတယ်။ မြန်မာလိုဆိုရင်တော့ အိမ်စာပေးတယ်ပေါ့။ တစ်နည်းပြောရရင် အဲ့ဒီ Project တွေက ကျွန်မတို့ရဲ့ စာမေးပွဲတွေဆိုလည်း မမှားပါဘူး။

💖ပထမနှစ်၊ ပထမနှစ်ဝက် (1st Year, 1st Semester)
Pattern အတန်းမှာ ထုံးစံအတိုင်း ကိုယ်တိုင်းနည်းကနေ စသင်ရပါတယ်။ နောက်တော့ Torso Block (အမျိုးသမီးဝတ် ကိုယ်ထည်အခြေခံ) သင်ရတယ်။ Block တွေသင်တယ်ဆိုတာ ပုံသေနည်းအတိုင်း အစားထိုးတတ်ရုံတင် မဟုတ်ဘဲ "ဘယ်နေရာက ဘာကြောင့် ဒီလိုဖြစ်ရတယ်" ဆိုတဲ့ အကြောင်းရင်းနဲ့ "ဘယ်လိုမှားရင် ဘာဖြစ်နိုင်တယ်" ဆိုတာမျိုးတွေကိုပါ အသေးစိတ် ရှင်းပြပါတယ်။

ဒီ Block တွေကို လန်ဒန်က ဆရာမတစ်ယောက်က သင်ပေးတာပါ။ သူက အရမ်းစည်းကမ်းကြီးပြီး တိကျသေသပ်မှ ကြိုက်တယ်။ ခဲဖျက်ရာများတာ၊ ညစ်ပတ်တာမျိုး လုံးဝမကြိုက်သလို 0.1 သို့မဟုတ် 0.2 စင်တီမီတာလောက် မတိကျရင်တောင် လက်မခံပါဘူး။ 90^\circ ထောင့်မှန် ဖြစ်ရမယ့်နေရာမှာ မဖြစ်ရင်လည်း အဆူခံရပါတယ်။ သူ့အတန်းထဲမှာ အသံထွက်တာတောင် မကြိုက်ဘဲ အတန်းထဲက မောင်းထုတ်တတ်ပါတယ်။ ဖုန်းဆိုရင်လည်း အသံပိတ်ထားရပြီး အပြင်ထွက်ပြောဖို့ ခွင့်တောင်းရပါတယ်။ Pattern ဆွဲတယ်ဆိုတာ အာရုံစုစည်းပြီး တိကျသေချာရမယ်လို့ ယူဆထားသူမို့လည်း ဖြစ်ပါလိမ့်မယ်။

သူက အလုပ်လုပ်တာ တိကျပြတ်သားပြီး အားမနာတတ်ပေမဲ့ တကယ်တော့ စေတနာအရမ်းကောင်းတဲ့ ဆရာမပါ။ သူ့ကို စာမေးတာ ကြိုက်သလို မေးသလောက်လည်း စိတ်ရှည်လက်ရှည် ရှင်းပြပါတယ်။ ဒါကြောင့်လည်း ကျွန်မတို့ရဲ့ Pattern ဆွဲနိုင်စွမ်းက မြန်ပြီး မှန်လာတာပါ။ သူနဲ့ပဲ Dart Manipulation (ဒေါက်ပြောင်း၊ ဒေါက်ဖျောက်နည်း) တွေ၊ ဒေါက်ရဲ့ သဘောသဘာဝနဲ့ လုပ်ဆောင်ပုံတွေကို သင်ယူခဲ့ရပါတယ်။

💖ပထမနှစ်၊ ဒုတိယနှစ်ဝက် (1st Year, 2nd Semester)
ဒီအချိန်မှာတော့ အော်စတြေးလျက ကျောင်းပြီးလာတဲ့ ဆရာတစ်ယောက်နဲ့ Skirt Pattern တွေ ဆက်သင်ရပါတယ်။ သူလည်း Basic Block ကနေပြီး အဆင့်ဆင့် အယူအဆတွေကို သင်ပေးသလို Design အပေါ် အခြေခံပြီး Pattern Concept စဉ်းစားပုံတွေကို Project တွေ လုပ်ခိုင်းပါတယ်။
မတူညီတဲ့ ဒီဇိုင်းပုံတွေကို အဆင့်သတ်မှတ်ပြီး ပေးထားပါတယ်။ မိမိနှစ်သက်ရာပုံကို ရွေးချယ်ပြီး ၄ နာရီအတွင်း အပြီးအစုံ ဆွဲရတာမျိုးပါ။ ပုံရဲ့ ခက်ခဲမှုအပေါ် မူတည်ပြီး အမှတ်ပေးတာလည်း မတူပါဘူး။ ဒီအတန်းရဲ့ ထူးခြားချက်က စာမေးပွဲစစ်ပြီးမှ ဆရာက စာမေးပွဲမှာပါတဲ့ ပုံ ၄ ခုလုံးကို ပြန်ဆွဲပြပြီး ရှင်းပြတာပါ။ ကျောင်းသားကို အရင်စဉ်းစားခိုင်းပြီးမှ ပြန်ရှင်းပြတဲ့အတွက် သင်ခန်းစာအပေါ် နားလည်နိုင်စွမ်း ပိုမြန်လာပါတယ်။

ကျွန်မရဲ့ သင်တန်းမှာလည်း ဒီနည်းစနစ်လေးကို သုံးဖြစ်ပါတယ်။ ပုံတွေပေးပြီး ကျောင်းသူတွေကို ကိုယ့်ဘာသာ အဖြေရှာခိုင်းတာမျိုးပါ။ အဲ့ဒီအခါမှာ ဘာအားသာချက် ရှိလာလဲဆိုတော့ စာမေးပွဲမတိုင်ခင် ကိုယ့်ကိုယ်ကိုယ် ယုံကြည်မှုမရှိတဲ့ ကျောင်းသူတွေဟာ ပေးထားတဲ့ပုံအတိုင်း Pattern ကို အောင်မြင်အောင် ဆွဲနိုင်မှန်း သူတို့ဘာသာ သိသွားကြပါတယ်။

ကျွန်မတို့တုန်းကလည်း ခေတ်စားသမျှ Pattern တွေ အကုန်လုံးကို အတန်းထဲမှာ မဆွဲခဲ့ရပါဘူး။ နိုင်ငံခြားကျောင်းတွေရဲ့ ကျောင်းစရိတ်က ကြီးပေမဲ့ သင်ကြားခဲ့ရတဲ့ Pattern အရေအတွက်ကတော့ သိပ်မများပါဘူး။ မြန်မာပြည်မှာဆိုရင် "ပေးရတာနဲ့ မတန်ဘူး၊ သင်ပေးတာ နည်းတယ်" လို့တောင် အပြောခံရနိုင်ပါတယ်။ ဒါပေမဲ့ ဒီဇိုင်းတွေက သန်းနဲ့ချီရှိနေတာမို့ အကုန်လိုက်ဆွဲနေရင် ကျောင်းပြီးမှာ မဟုတ်ပါဘူး။ သူတို့သင်ပေးတာက "အခြေခံခိုင်ဖို့" နဲ့ "Concept (သဘောတရား)" တွေပါ။ ဒီစနစ်တွေကို အသုံးချပြီး ဘယ်လိုဒီဇိုင်းမျိုးပဲလာလာ ကိုယ့်ဘာသာ Pattern ထုတ်နိုင်ဖို့ သင်ပေးခဲ့တာပါ။ ဒါကြောင့် ကျွန်မကိုယ်တိုင်လည်း တပည့်တွေကို Concept ကိုပဲ အဓိကထားပြီး သင်ပေးတာ ဖြစ်ပါတယ်။

💖ဒုတိယနှစ်၊ ပထမနှစ်ဝက် (2nd Year, 1st Semester)
ဒီအချိန်မှာတော့ ပထမနှစ်က ဆရာမကပဲ Pants, Coat, Corset တွေကို သင်ပေးပါတယ်။ သူတို့သင်ကြားပုံက ဂျပန်နည်း၊ ပြင်သစ်နည်း၊ ယိုးဒယားနည်းရယ်လို့ ခွဲခြားမထားဘဲ ကိုယ်ဆွဲထားတဲ့ Torso Block ပေါ်မှာ ကိုယ်လုပ်မယ့် ဒီဇိုင်းနဲ့အညီ ဘယ်လိုတွေးခေါ်ယူဆရမလဲဆိုတာကိုပဲ သင်ပေးပါတယ်။ သတိထားရမယ့် Key Points တွေကိုလည်း သေသေချာချာ သင်ပေးပါတယ်။

ဒါကြောင့်လည်း ကျွန်မတို့ဟာ ဘယ်လောက်ရှုပ်ထွေးတဲ့ Pattern စာအုပ်တွေကိုပဲ ဖတ်ဖတ် သဘောတရားကို အလွယ်တကူ နားလည်လာပါတယ်။ ကျွန်မကတော့ Pattern စာအုပ်စုံဝယ်ဖတ်ပြီး အွန်လိုင်းက မဆွဲဖူးတဲ့ Pattern မျိုးစုံကို စမ်းဆွဲကြည့်ပါတယ်။ နားမလည်တာရှိရင် ကျောင်းယူသွားပြီး ဆရာတွေကို မေးပါတယ်။ သူတို့ကလည်း ပညာလိုချင်တဲ့ ကျောင်းသူကို လိုလိုချင်ချင် သင်ပေးကြပါတယ်။

ကျွန်မက Pattern ဘက်မှာ ပါရမီပါသလို လေ့လာမှုလည်း အားကောင်းတာကြောင့် တဖြည်းဖြည်းနဲ့ Pattern ဆွဲတဲ့နှုန်းက အရမ်းမြန်လာပါတယ်။ အတန်းဖော်တွေ ၄ နာရီလောက် ဆွဲရတဲ့ Pattern ကို ကျွန်မက ၄၅ မိနစ်လောက်နဲ့ ပြီးအောင် ဆွဲနိုင်လာပါတယ်။ အတန်းချိန်က ၄ နာရီဖြစ်လို့ အစောကြီး ပြန်လို့မရတဲ့အတွက် ဆရာမက ကျွန်မကို ပိုသေသပ်လာအောင် မှန်နေရင်တောင် အသစ်ပြန်ဆွဲခိုင်းတာမျိုးတွေ လုပ်ပါတယ်။

နောက်ပိုင်းကျတော့ ကျွန်မက ပုံအဆန်းတွေဆွဲပြီး ဆရာမကို ပြတာ၊ မေးတာမျိုးတွေ ပိုလုပ်ဖြစ်လာတယ်။ ဒီလိုနဲ့ အတန်းဖော်တွေ Pattern ၁ ပုံ ဆွဲနေချိန်မှာ ကျွန်မက ၃ ပုံလောက် ဆွဲကျင့်ခွင့် ရခဲ့ပါတယ်။ ဆရာမရဲ့ ယုံကြည်မှုကို ရလာတဲ့အခါမှာတော့ အတန်းချိန်အတွင်းမှာပဲ တခြားဘာသာရပ်က Project တွေကိုပါ ထိုင်လုပ်ခွင့် ရလာသလို၊ အတန်းချိန်မကုန်ခင် အပြင်ထွက်ပြီး တခြားအခန်းတွေမှာ စာလုပ်ခွင့်တွေပါ ရခဲ့ပါတယ်။

စာအရမ်းရှည်သွားပြီမို့ နောက်နေ့မှ ဆက်ရေးပေးမယ်နော်။

ဒီည တွေ့ကြမယ်နော်....

Hello Guys.....
အစ်မ ပညာဒါနအနေနှင့် မလုပ်ပေးတာလည်း ကြာပြီဆိုတော့ အရင်လိုဘဲ ပညာဒါန လုပ်ပေးမယ်နော်!

Rules ကတော့ အစ်မ မေးထားတဲ့ မေးခွန်းလေးတွေ ဖြေခဲ့ပေးဖို့ပါ....
၁- အစ်မဆီက အသင်ချင်ဆုံးဘာသာရပ်က ဘာလဲ?
၂- သင်တန်းပြီးရင် မိမိဖြစ်ချင်တဲ့ အိပ်မက်က ဘာလဲ?
၃-ခုလက်ရှိ FB အပြင် အများဆုံး သုံးဖြစ်နေတဲ့ App တွေက ဘာတွေလဲ?
၄-အစ်မကို ဘယ်လို သင်တန်းမျိုးတွေ ထပ်ပြီး ပေးစေချင်သလဲ ဆိုတာ Comment မှာ သေချာလေး ဖြေပေးခဲ့ရပါမယ်....

ဒီ့အပြင်
Page ကို Follow လုပ်ထားသူ.....
ဒီ Post ကို like & share လုပ်ထားသူထဲကဘဲ ရွေးချယ်ပေး သွားပါမယ်နော်!

ဒီ စည်းကမ်းချက်တွေနဲ့ ပြည့်စုံတဲ့ သူတွေထဲက ကံထူးရှင် ၃ယောက်ကို ရွေးချယ်ပြီး သူတို့ တက်ချင်ပါတယ်လို့ ရေးထားတဲ့ ဘာသာရပ်ကို အခြေခံမှ Professional ဖြစ်တဲ့အထိ ပညာသင်ဆုအဖြစ် သေချာ သင်ကြားပေးမှာ ဖြစ်ပါတယ်....

ကံထူးရှင် ကြော်ငြာပေးမည့်ရက်က နှစ်ဆန်း၁ရက်နေ့ ည ၉နာရီ ဖြစ်ပါတယ်....ရှင့်!

Hello !
ကျွန်မ Youtube channel စလုပ်နေပြီဆိုတာ သိကြားလား?
အားလုံးအတွက်ရော ကျွန်မအတွက်ပါ အကျိုးရှိစေမည့် video လေးတွေ ဖန်တီးပြီး knowledge sharing လေးတွေ တင်ပေးနေမှာမို့ ကျွန်မရဲ့ Youtube channel လေးကို ပံ့ပိုးပေးကြပါဦးနော်။

ဒါလေးကတော့ ရှာရလွယ်အောင် link လေးပါ………

https://youtube.com/?si=wePT3_iaVR0q2cu8

ဖျားနေပြီမို့ မျက်စိ နှောက် ခဏ သက်သာကြ
ပါလိမ့်မည်....

ကျောင်းသူ ဘ၀ (၄)

ဒီတစ်ခါ Sewing Class မှာ ၃နှစ်တာ ဘာတွေ သင်တာလဲ ပြောပြပါမယ်………

စစချင်း Sewing Techniques တွေကို အခြေခံ ကျကျ တစ်ခုချင်း သင်ပေးတာပါ
1st year 1st semester က woven မဆွဲတဲ့အသားပေါ်မှာ ချုပ်လုပ်နည်း အစုံသင်ရပြီး
1st Year 2nd semester မှာ Knit ဆွဲသား အစတွေ နှင့် စက်အမျိုးမျိုး သုံးကာ ချုပ်လုပ်တဲ့နည်းတွေသင်ရပါတယ်။

2nd Year 1st Semester မှာတော့ စက်အကြီးတွေသုံးပြီး Auto ချုပ်လုပ်တဲ့စက်တွေ ကိုင်တွယ် အသုံးပြုတတ်အောင် သင်ရပါတယ်။
2nd Year 2nd Semester လောက်ရောက်တော့ တော်ရုံ တွဲချုပ်တာတွေလောက်က အားလုံးက သဘောပေါက်နေပြီမို့ Bustier ၂ ထပ် ချုပ်ရိုးပျောက်ချုပ်နည်း သင်ရတယ်
နောက်တော့ Coat ၂ထပ် ချုပ်နည်း သင်ရတယ်။ တချို့တော့ မေ့နေပြီ။

ဒီဟာတွေက တခြား ဘာသာရပ်တွေနဲ့ မရော ဘဲ သီးသန့် Projects အနေနဲ့ သင်ရတာ ဆိုပင်မဲ့
တခြားအထည်တွေကို ကျတော့ သက်ဆိုင်ရာဘာသာရပ်အလိုက် ပေါင်းသွားတာတွေ ရှိပါတယ်။

ဥပမာ computer Illustration class မှာ ကိုယ့်ဘာသာ အရူးထပြီး ရွေးချယ်လိုက်မိတဲ့ ဒီဇိုင်းနဲ့ ပုံအတိုင်း
Technical Flat Drawing အတန်းက Front, Back ကို Detail ဆွဲခိုင်းပြီး လိုအပ်တာ ပြင်ဆင်ရတယ်။
အဲ့ဒီ Plan အတိုင်း လိုအပ်တဲ့ Materil ဝယ်ဖို့နဲ့
Design detailအတွက် Design တန်းက ဆရာရဲ့ Approval ရဖို့
Proposal assignment တွေ ရေးပြီးတင်ပြရပါတယ်။

အဲ့ဒီက Approval ရတော့မှ ကိုယ့်ဘာသာ Pattern ပြီးအောင်ဆွဲပြီး
Pattern ဆရာကိုသွားထပ်ရပါတယ်။
သူက စစ်ဆေးပြီး လိုအပ်တယ် ပြောရင် သူတို့သတ်မှတ်ချိန်အတွင်း ပြင်ဆင်ပြီး ပြန်ထပ်ရပါတယ်။

တဖက်မှာလည်းလိုအပ်တဲ့Material တွေ ကြိုတင် ဝယ်ယူထားရပြီး Pattern ဆရာက approval ပေးတော့မှ ပိတ်ဖြတ်ပြီး စချုပ်ရပါတယ်။

ချုပ်ဖို့ အတွက်လည်း ထုံးစံအတိုင်းချုပ်လုပ်မည့် ပစ္စည်းချုပ်လုပ်မည့် အစီအစဉ် အဆင့်ဆင့်ကို Sewing Class က ဆရာမကို အရင် တင်ပြရပါတယ်။

ချုပ်ပြီးရင် သူ့ကို အရင်ပြန်ပြရပြီးသူ့ရဲ့ အကြံဉာဏ်တွေယူပြီး ပြန်ပြင် ပြန်ချုပ်ရပါတယ်။

အဲ့ဒီလက်ရာ ရဲ့ အပေါ်မှာ သူက အကဲဖြတ်ပြီးအမှတ်ပြန်ပေးပါတယ်။
သူက ချုပ်ရိုးသေသပ်တာ၊မီးပူတိုက်ထားတဲ့ Result၊ ချုပ်လုပ်မှုနည်းစနစ် ၊တိကျမှန်ကန်မှု နဲ့ ချုပ်လုပ်တဲ့ အချိန်တွေပေါ်မူတည်ပြီးအမှတ်ပြန်ပေးပါတယ်။

အဲ့ဒီ အထည်ကိုမှာ pattern ဆရာ ၊Design ဆရာ၊ T.F.Dဆရာ ၊ computer illustration အတန်းက ဆရာတွေက ထပ်တူကျမကျ ကို ပြန်စစ်ဆေးကြပြီး နောက်ဆုံးအမှတ်တွေ ပေးကြပါတယ်။

အမှတ်ပေးရုံတင်မဟုတ်ဘဲ သက်ဆိုင်ရာ ဘာသာရပ်အလိုက် ကိုယ့်ရဲ့ projects တွေအပေါ် review တွေ ရေးပေးကြတာမို့ ကိုယ့်မှာ ဘာလိုအပ်ချက်ရှိနေသလဲအပေါ် ပြန်ဖတ်ပြီး ပြုပြင်ကြရပါတယ်။

ဒီလို Projects မျိုးတွေ
collection မျိုးတွေကို
Topic direction အမျိုးမျိုးနဲ့ ပထမ ၂ နှစ်တာမှာ ချုပ်လုပ်ကြရပါတယ်။

ဒီအချိန်မှာ ဘာသာရပ်အလိုက်လည်း သီးသန့် projects တွေလည်း လိုအပ်သလို သင်ရလုပ်ရပါတယ်။

sewing Class အသုံးပြုချိန်က တစ်ပတ်မှာ ၂ရက် ၊ တစ်ချိန်မှာ ၄နာရီသာ ပေးပါတယ်။
ဒီအချိန်ကျော်လွန်ပြီး သုံးချင်ရင် ဆရာ့ လက်ထောက်ဆီမှာ ကြိုတင်ပြီး ရက်၊ အချိန်၊ နေရာ ကို Booking လုပ်ရပါတယ်။

ဒီ ၄နာရီဆိုတဲ့အချိန်မှာသတ်မှတ်ထားတဲ့အရာကို ပြီးအောင် ချုပ်ရပြီး ပြသရပါတယ်။
အဲ့ဒီအပေါ် ဆရာက အမှတ်ပြန်ပေးပါတယ်။

ကိုယ်ရတဲ့ ရမှတ်ကိုမကျေနပ်ရင်
ကိုယ့်ဘာသာ ပြန်ဖြုတ် ပြန်ချုပ်ပြီး ပြလို့ရပါတယ်။
ဒါပင်မဲ့ အချိန် ကျော်လွန်သွားရင်တော့ နောက်ဆုံး ပေးခဲ့တဲ့ အမှတ်က အတည်ဖြစ်သွားပါပြီ။

ဒါ့အပြင် အမှတ်ကို ကျေနပ်တဲ့ ကျောင်းသားက အတန်းချိန် မကုန်ဆုံးခင် အတန်းဆင်းခွင့်ရှိပါတယ်။

ကျွန်မဆိုရင် ကျွန်မလိုချင်တဲ့ အမှတ်ရပြီ ဆိုတာနဲ့ ဆရာမတွေကို ခွင့်တောင်းပြီး အခြားProject တွေ ဆက်လုပ်လေ့ရှိပါတယ်။

ဒီမှာ ပြောစရာ ရှိတာက ဆရာ တစ်ယောက်နဲ့ တစ်ယောက် မတူကြတာတော့ ရှိပါတယ်။

ကိုယ့်ဘက်က သူ့တို့ကို ပြရမည့် Project တွေလည်းပြီးတယ်ဆိုရင်
ခိုင်လုံတဲ့ အကြောင်းပြချက်နဲ့ တခြားProjects တွေ ထိုင်လုပ်နေလို့ ရသလို ၊အပြင်ထွက် ဈေးဝယ်မလား၊ အိမ်ပြန်မလား၊ အလုပ်ပြေးလုပ်မလားက အစ လုပ်လို့ရပါတယ်။

(နောက်တော့မှ ကျောင်းက ဆရာတွေအကြောင်း၊ ကျောင်းသားအချင်းချင်း ခုတ်ကြတဲ့ ဓားချက်တွေ အကြောင်း ပြောပြမယ်နော်)

3rd Year တစ်ခုလုံးကတော့ Final Collection အတွက် လုံးပန်းကြရပြီး အခါခါ ပြင်ဆင်ချုပ်လုပ်မှုတွေ လုပ်ကြရပါတယ်။

ဒီ ၃နှစ်တာမှာ ချုပ်လုပ်မှု အတွက်ဘဲ သီးသန့် အတွေ့အကြုံ မျှဝေရရင်…………
အချိန်ကို Management လုပ်နိုင်မှ အရာရာ ပြီးနိုင်ပါမယ်။
နောက်ပြီးအိမ်မှာ ချုပ်စက်တစ်လုံးတော့ မရှိမဖြစ် ဝယ်ထားနိုင်မှ အချိန်မှီ ပြီးနိုင်ပါမယ်။
ဒါ့အပြင် ချုပ်လုပ်မှုအတွက် လိုအပ်မည့် ပစ္စည်းတွေကို ရသလောက် အချိန်မဆွဲဘဲ ကြိုတင်ဝယ်ယူထားတာမျိုး လိုအပ်တာထက် အပို ဝယ်စုထားတာမျိုးတွေ လုပ်ဖို့ လိုအပ်ပါတယ်။
sewing အတန်းဆိုတာ ပိတ်စဖိုးပစ္စည်းဖို့ အကုန်ဆုံးအတန်းဖြစ်သလို တိကျသေသပ်ပြီး အသေးစိတ်ဂရုစိုက်ပြီး သင်ကြားခဲ့ရတဲ့ Main ဘာသာရပ် တစ်ခုဆိုလည်း မမှားပါဘူး!

နောက်ရက် Pattern Making အကြောင်း ပြောပြမယ်နော်။