https://www.facebook.com/395502420308542/

Sayar Dr. ZTH - Biology, Yangon (2026)

20/08/2026

🚨Edited-Google Form စာရင်းများနှင့် ကျောင်းသားဦးရေ အတည်ပြုရန် ကျန်ရှိသေးပါသဖြင့် ယခုအပတ်သောကြာနေ့စမည့် Online Class ကို နောက်တစ်ပတ်သောကြာ (28.8.2026) သို့ ရွှေ့ဆိုင်းကြောင်း မေတ္တာရပ်ခံအသိပေးအပ်ပါတယ်ရှင့်။🚨

🧬 Biology (ဇီဝဗေဒ) ကို စိတ်ဝင်စားသူများအတွက် သောကြာနေ့တိုင်း ပြုလုပ်ပေးမည့် Free Zoom Class (ပညာဒါန) 🔬
"သက်ရှိဆိုတာ ဘာလဲ" ဆိုတဲ့ မေးခွန်းတွေကနေစလို့ Biology ရဲ့ ဆွဲဆောင်မှုရှိတဲ့ ကမ္ဘာကြီးကို လေ့လာဆွေးနွေးဖို့ Free Zoom Class လေးကို စီစဉ်ပေးထားပါတယ်ရှင်။ 🌟
ဒီတစ်ပတ် ပထမဆုံးအကြိမ် ဆွေးနွေးပွဲမှာတော့ Biology ရဲ့ အခြေခံအုတ်မြစ်ဖြစ်တဲ့ "What is Biology?" ခေါင်းစဉ်ကို ဆွေးနွေးပေးသွားမှာ ဖြစ်ပါတယ်။
📚 Topic Highlight:
What is Biology?
understanding key characteristics of Life.

⏰ အချိန်: Friday Night (သောကြာနေ့ည) | 7:00 PM – 8:00 PM 📍 နေရာ: Zoom Online Class 👨‍🏫 ဆွေးနွေးမည့်သူ: Sayar Dr. ZTH
📌 Free Class တက်ရောက်လိုသူများအနေဖြင့်: page messenger မှာ စာရင်းပေးသွင်းနိုင်သလို comment မှာလဲ Biology Week1 လို့ရေးပေးခဲ့နိုင်ပါသည်။
✨ Every Friday: Free Biology Knowledge-Sharing Class!
(အပတ်စဉ် သောကြာနေ့တိုင်း မတူညီသော Biology Topic များကို ဆွေးနွေးပေးသွားမည်ဖြစ်ပါသည်) 💚

28/07/2026

🐸 ဖန်လိုကြည်လင်တဲ့ Glass Frog – သဘာဝရဲ့ အံ့ဩစရာဖန်တီးမှု

ဖားတစ်ကောင်ရဲ့ နှလုံးခုန်နေတာကို အပြင်ကနေ မြင်နိုင်မယ် ဆိုရင် ယုံနိုင်ပါ့မလား?

ဒါဟာ စိတ်ကူးယဉ်မဟုတ်ဘဲ Glass Frog လို့ခေါ်တဲ့ တကယ့်ဖားတစ်မျိုးပါ။

🌿 ဘယ်မှာ နေထိုင်သလဲ?

Glass Frog တွေကို အမေရိကအလယ်ပိုင်းနဲ့ တောင်အမေရိက ရဲ့ စိုစွတ်တဲ့ မိုးသစ်တောတွေမှာ အများဆုံး တွေ့ရပါတယ်။ အထူးသဖြင့် Costa Rica, Panama, Colombia, Ecuador, Peru စတဲ့ နိုင်ငံတွေမှာ ရေစီးချောင်းငယ်တွေအနီး သစ်ပင်တွေပေါ်မှာ နေထိုင်ကြပါတယ်။

🍃 သူတို့ရဲ့ ထူးခြားတဲ့အသွင်အပြင်

Glass Frog ရဲ့ ဝမ်းဗိုက်အရေပြားဟာ ဖန်လို ကြည်လင်နေတာကြောင့် နှလုံး၊ အသည်း၊ အူနဲ့ အခြားကိုယ်တွင်းအင်္ဂါအချို့ကို အပြင်ကနေ မြင်နိုင်ပါတယ်။

ဒါပေမယ့် တစ်ကိုယ်လုံးကတော့ အကြည်မဟုတ်ပါဘူး။ ကျောဘက်က အစိမ်းရောင်ဖြစ်ပြီး သစ်ရွက်တွေနဲ့ ရောနှောပုန်းအောင်းနိုင်အောင် သဘာဝက ဖန်တီးပေးထားပါတယ်။

🌙 သူတို့ရဲ့ အလေ့အကျင့်

🐸 Glass Frog တွေဟာ ညဘက်အချိန် (Nocturnal) မှာ အများဆုံး လှုပ်ရှားကြပါတယ်။

🦟 အဓိကအစာကတော့ အင်းဆက်ငယ်လေးတွေ၊ ခြင်နဲ့ ပင့်ကူအသေးလေးတွေ ဖြစ်ပါတယ်။

🥚 မျိုးပွားချိန်မှာ အမဖားက ရေစီးချောင်းအပေါ်ကို မိုးထားတဲ့ သစ်ရွက်ပေါ်မှာ ဥတွေဥပါတယ်။ ဥပေါက်လာတဲ့ ဖားပေါက်လေးတွေက အောက်က ရေထဲကို ကျသွားပြီး အဲဒီမှာ Tadpole အဖြစ် ကြီးထွားလာပါတယ်။

👨‍👧 ထူးခြားတဲ့ မိဘအုပ်ထိန်းမှု

Glass Frog အမျိုးအစားတချို့မှာ အဖဖား က ဥတွေကို မခြောက်သွေ့အောင် စောင့်ရှောက်ပေးပြီး သားရဲတွေ မစားနိုင်အောင် ကာကွယ်ပေးတတ်ပါတယ်။ ဖားမျိုးစိတ်တွေထဲမှာ တွေ့ရခဲတဲ့ မိဘအုပ်ထိန်းမှု အပြုအမူတစ်ခုပါ။

🔬 သိပ္ပံပညာရှင်တွေ ဘာကြောင့် စိတ်ဝင်စားကြတာလဲ?

သုတေသနတွေအရ Glass Frog အချို့ဟာ အနားယူတဲ့အချိန်မှာ သွေးနီဥအများစုကို အသည်းထဲမှာ ယာယီစုထားနိုင်တာကြောင့် ပိုမိုပွင့်လင်းမြင်သာလာနိုင်တယ် လို့ တွေ့ရှိထားပါတယ်။ ဒီစွမ်းရည်က သဘာဝရဲ့ ဖုံးကွယ်ကာကွယ်မှု (Camouflage) ကို နားလည်ဖို့နဲ့ သွေးလည်ပတ်မှုဆိုင်ရာ သုတေသနတွေအတွက်လည်း စိတ်ဝင်စားဖွယ် ဖြစ်နေပါတယ်။

🌍 သဘာဝလောကမှာ သေးငယ်တဲ့ သတ္တဝါလေးတွေတောင် အံ့ဩစရာ လိုက်လျောညီထွေဖြစ်စဉ်တွေကို ပိုင်ဆိုင်ထားပါတယ်။

💬 Glass Frog ကို အခုမှ သိတာလား၊ အရင်က မြင်ဖူးပြီးသားလား? Comment မှာ ပြောခဲ့ပါဦး။

📌 Biology နဲ့ သဘာဝလောကရဲ့ အံ့ဩစရာတွေကို ဆက်လက်လေ့လာချင်ရင် Page ကို Follow လုပ်ထားခဲ့ပါ။

20/07/2026

မိဘများတောင်းဆိုမှုအရ
Grade 12 (Biology) zoom online class အတန်းသစ်ကို ဒီနေ့ စ ဖြစ်ပါမယ်။

#ကျောင်းသားကျောင်းသူ_၁၀_ဦးပဲလက်ခံပါမည်။

ဘိုင်အိုကျက်ရတာ ခက်ခဲနေလို့ လွယ်ကူချင်လို့ပဲဖြစ်ဖြစ်၊ revision ပြန်ချင်တာပဲ ဖြစ်ဖြစ် လာ join လို့ ရပါတယ်။

11/07/2026

မနှစ်က ပညာဒါန သင်ပေးခဲ့တဲ့ မန္တလေးမြို့၊ဓမ္မဓရဘာသန္တရကောလိပ်ကျောင်းက ကိုရင် (၆) ပါးလုံး အောင်ကြတယ် ဆိုလို့ ဝမ်းသာပီတိဖြစ်ရပါတယ်။ 🍀

စာသင်ရင် အရမ်းတက်ကြွတဲ့ ရှေ့ဆုံးက ကိုရင်လေး ၂ ပါးက Bio ဂုဏ်ထူးနဲ့ တဲ့။ 🙏🏻🙏🏻🙏🏻

မနေ့ကမှ လာပြောကြလို့ ပို့စ်တင်နောက်ကျသွားပါတယ်။

14/06/2026

"လူသားတွေကို သိပ္ပံလို ဘာလို့ Homo sapiens လို့ ခေါ်တာလဲ? စဉ်းစားဖူးလား။ 🤔"

ကမ္ဘာပေါ်မှာ ခြင်္သေ့ကို Panthera leo၊ ကျားကို Panthera tigris၊ ယုန်ကို Lepus cuniculus (now officially classified as Oryctolagus cuniculus )လို့ ခေါ်သလိုပဲ၊ လူသားတွေမှာလည်း သီးသန့်ပေးထားတဲ့ သိပ္ပံအမည် (Scientific Name) တစ်ခု ရှိပါတယ်။ အဲဒါကတော့ Homo sapiens ပါ။
ဒါပေမဲ့ ဒီနာမည်နောက်ကွယ်မှာ အရမ်းစိတ်ဝင်စားဖို့ကောင်းတဲ့ အဓိပ္ပာယ်နဲ့ သမိုင်းကြောင်း ရှိနေပါတယ်။

ဒီနာမည်ကို ၁၇၅၈ ခုနှစ်မှာ ဆွီဒင်နိုင်ငံသား သဘာဝဗေဒပညာရှင် Carl Linnaeus က စတင်သတ်မှတ်ခဲ့တာပါ။ လက်တင်ဘာသာစကား (Latin) ကနေ ဆင်းသက်လာတာဖြစ်ပြီး စကားလုံးကို နှစ်ပိုင်းခွဲကြည့်လို့ရပါတယ်။
Homo (genus): လက်တင်ဘာသာအရ "လူသား (Human)" လို့ အဓိပ္ပာယ်ရပါတယ်။ ကျွန်တော်တို့နဲ့ မျိုးနွယ်တူပြီး ကမ္ဘာဦးအစက ရှိခဲ့တဲ့ Homo erectus (မတ်မတ်ရပ်နိုင်သောလူ)၊ Homo neanderthalensis (နီအန်ဒါသယ်လ်လူ) တို့လို မျိုးစုကြီးတစ်ခုလုံးကို ကိုယ်စားပြုတာပါ။

sapiens (species): ဒါကတော့ အဓိကအကျဆုံး စကားလုံးပါ။ လက်တင်ဘာသာအရ "ဉာဏ်ပညာရှိသော၊ အမြော်အမြင်ရှိသော (Wise / Intelligent)" လို့ အဓိပ္ပာယ်ရပါတယ်။
ဒါကြောင့် နှစ်ခုလုံးကို ပေါင်းလိုက်ရင် Homo sapiens ဆိုတာ "ဉာဏ်ပညာရှိသော လူသား (The Wise Man)" လို့ အဓိပ္ပာယ်ရပါတယ်။ 🧠✨

ကမ္ဘာပေါ်မှာ အင်အားအသန်ဆုံး၊ အပြေးအမြန်ဆုံး သတ္တဝါ မဟုတ်ခဲ့ဘဲနဲ့ ဒီနေ့ကမ္ဘာကြီးကို ကျွန်တော်တို့လူသားတွေ စိုးမိုးနိုင်ခဲ့တာက ခန္ဓာကိုယ်ကြံ့ခိုင်မှုကြောင့် မဟုတ်ပါဘူး။ စဉ်းစားတွေးခေါ်နိုင်တဲ့၊ သင်ယူနိုင်တဲ့၊ပြီးတော့ အချင်းချင်း ဆက်သွယ်ပူးပေါင်းနိုင်တဲ့ "ဉာဏ်ပညာ (Wisdom)" ရှိလို့ပါပဲ။
သိပ္ပံပညာရှင်တွေက ကျွန်တောတို့ရဲ့ အဓိကအစွမ်းထက်ဆုံး အသိဉာဏ်ကို အသိအမှတ်ပြုပြီး ဒီနာမည်ကို ပေးခဲ့တာ ဖြစ်ပါတယ်။

ကဲ... ကျွန်တော်တို့က "ဉာဏ်ပညာရှိတဲ့ လူသား" မျိုးနွယ်တွေဆိုတော့ ဒီနေ့ခေတ်မှာ တခြားသတ္တဝါတွေထက် ကမ္ဘာကြီးကို ရော၊ ကျွန်တော်တို့ပတ်ဝန်းကျင်ကိုရော ဉာဏ်ပညာရှိရှိနဲ့ တကယ်ပဲ ကောင်းကျိုးတွေပြုနေကြပြီလား? 🌍💡

သင်ကော ဘယ်လိုထင်လဲ?
Comment မှာ ဆွေးနွေးခဲ့ဦးနော်!

14/06/2025

ဘတ်တီးရီးယားတိုင်းက လူတွေကို အန္တရာယ်ပြုနေတာလား

ကျွန်တော်တို့ရှူနေတဲ့ လေထဲမှာ၊ စားနေတဲ့ အစားအစာတွေထဲမှာ၊ ထိတွေ့လိုက်တဲ့ မျက်နှာပြင်တိုင်းနဲ့ သဘာဝတရားကြီးထဲမှာ ဘတ်တီးရီယားတွေ ရှိနေပါတယ်။ ဒါ့အပြင် သောက်နေတဲ့ ရေနဲ့ မြေဆီလွှာမှာပါ ဘတ်တီးရီယားတွေ ပါဝင်နေတာပဲ ဖြစ်ပါတယ်။ ဒါကြောင့် ကျွန်တော်တို့ရဲ့ကမ္ဘာကြီးကို ဘတ်တီးရီးယားတွေနဲ့ တည်ဆောက်ထားတယ်လို့ ပြောရလောက်အောင် ဘတ်တီးရီးယားတွေက အင်မတန်မှ များပြားပါတယ်။

ဘတ်တီးရီယားလို့ ပြောလိုက်တာနဲ့ လူတော်တော်များများက အန္တရာယ်ရှိတဲ့ အရာတစ်ခုလို့ ယူဆကြပါတယ်။ ဆိုတော့ ဘတ်တီးရီးယားတိုင်းက တကယ်ပဲ အန္တရာယ်ရှိတာလား။ ဒီဘတ်တီးရီးယားတွေကို ဘယ်လိုမျိုး ခွဲခြမ်းစိတ်ဖြာလို့ရလဲ။ ဘတ်တီးရီးယားတွေက ဘာတွေ စွမ်းဆောင်နိုင်သလဲ။ ဒါတွေကို လေ့လာကြည့်ကြရအောင်။

လွန်ခဲ့တဲ့ နှစ်ပေါင်းဘီလီယံလောက်ကတည်းကနေ အသက်အကြီးဆုံး သက်ရှိတွေထဲက တစ်ခုအဖြစ် ဘတ်တီးရီးယားတွေက ကမ္ဘာပေါ်မှာ တည်ရှိနေခဲ့တာပါ။ ပြောရရင်ဘတ်တီးရီးယားဆဲလ်တွေက အပင်ဆဲလ်နဲ့ သတ္တဝါဆဲလ်တွေထက် ပိုသေးပါတယ်။ ဒီသေးငယ်တဲ့ ဘတ်တီးရီးယားတွေက လူတွေအတွက် အန္တရာယ်ရှိတဲ့ ကာလဝမ်းရောဂါ၊ တီဘီရောဂါနဲ့ ပလိပ်ရောဂါတွေအပြင် ရောဂါအများအပြားရဲ့ တရားခံပဲ ဖြစ်ပါတယ်။

ဒါပေမဲ့ ဘတ်တီးရီးယားတိုင်းက အန္တရာယ်ရှိတာတော့ မဟုတ်ပါဘူး။ ကျွန်တော်တို့ရဲ့ အူထဲမှာ ကျန်းမာရေးအတွက် မရှိမဖြစ်လိုအပ်တဲ့ ကောင်းမွန်တဲ့ ဘတ်တီးရီးယားတွေ ထွီလီယံပေါင်းများစွာ ရှိကြပါတယ်။ ဒီဘတ်တီးရီးယားတွေက ဗိုက်တာမင်တွေ ထုတ်ပေးပြီး အကြိတ်ဖြစ်ပေါ်တာမျိုးတွေကို တားဆီးပေးပါတယ်။ ဒါ့အပြင် ရောဂါပိုးတွေကို တိုက်ခိုက်ဖို့နဲ့ ကင်ဆာရောဂါတွေကို ကာကွယ်ဖို့အပြင် ကိုယ့်ခံအားစနစ်ကို ကူညီပေးပြီး အခြားအကျိုးကျေးဇူးတွေ ရရှိအောင်လည်း လုပ်ဆောင်ပေးပါတယ်။

ဒါဆို ဒီဘတ်တီးယားတွေရဲ့ တည်ဆောက်ပုံက ဘယ်လိုမျိုးလဲ။ တကယ်တမ်းမှာ ဘတ်တီးရီးယားတွေက ဆဲလ်တစ်ခုတည်းရှိတဲ့ Prokaryotes တွေဖြစ်ပြီး ပုံသဏ္ဍာန်အမျိုးမျိုး၊ အရွယ်အစားအမျိုးမျိုးရှိပါတယ်။ ဒါပေမဲ့ ပါဝင်တဲ့ Elements တွေကတော့ အတူတူပါပဲ။ဘတ်တီးရီးယားတွေက Prokaryotes တွေ ဖြစ်တာကြောင့် သူတို့မှာ Nucleus မရှိပါဘူး။ Nucleoid လို့ခေါ်တဲ့ Cytoplasm ထဲမှာတော့ DNA ရှိပါတယ်။ ဘတ်တီးရီးယားတွေမှာ ကျုံ့နိုင်၊ ဆန့်နိုင်တဲ့ ဆဲလ်နံရံရှိပြီး ပြင်ပပတ်ဝန်းကျင်ကြောင့် ဖြစ်တဲ့ ရုပ်ပိုင်းဆိုင်ရာ ထိခိုက်မှုတွေကို ကာကွယ်ပေးပါတယ်။ ဆဲလ်ထဲမှာရှိတဲ့ Flagellum ကတော့ ဘတ်တီးရီးယားတွေ ရွေ့လျားနိုင်အောင် ကူညီပေးတာပါ။

ဆက်ရရင် ဘတ်တီးရီးယားတွေမှာ Plasmid DNA နဲ့ Chromosomal DNA ဆိုပြီး DNA နှစ်မျိုးရှိပါတယ်။ Chromosomal DNA က မျိုးရိုးဗီဇဆိုင်ရာ သတင်းအချက်အလက်အများစုကို သယ်ဆောင်ပေးပြီး Plasmid DNA ကတော့ အဆိပ်အတောက်ဖြစ်တဲ့ ပတ်ဝန်းကျင်ကို ခုခံပြီး အဆိပ်အတောက်တွေ ထုတ်လုပ်တဲ့ Antibiotics တွေကို ခံနိုင်ရည်ရှိတဲ့ အခြားသော အချက်အလက်တွေကို သယ်ဆောင်ပေးတာပါ။ Prokaryotes ထဲမှာရှိတဲ့ Pili က ဘတ်တီးရီးယားတွေကို သွားတွေ၊ အူတွေနဲ့ ကျောက်ဆောင်တွေလို မျက်နှာပြင်တွေမှာ တွယ်ကပ်နိုင်အောင် ဆောင်ရွက်ပေးပါတယ်။

ကဲ ဒီတော့ အားလုံးပဲ ဘတ်တီးရီးယားတွေရဲ့ တည်ဆောက်ပုံအကြောင်းကို အနည်းအကျဥ်း သိသွားကြလောက်ပြီလို့ ထင်ပါတယ်။ ဘတ်တီးရီးယားတွေရဲ့ အမျိုးအစားခွဲခြားပုံနဲ့ ခွဲခြမ်းစိတ်ဖြာပုံအကြောင်းကို အသေးစိတ်သိချင်တယ်ဆိုရင်တော့ Grade (10) Biology မှာ Bacteriology ဆိုတဲ့ ခေါင်းစဥ်နဲ့ လေ့လာနိုင်ပါတယ်။

Biology Class များ Join ချင်တယ်ဆိုရင် Page Messenger မှာ လာရောက်မေးမြန်းနိုင်ပါတယ်။

နောက်ထပ်မှာလည်း Biology နဲ့ ပတ်သက်တဲ့ ဘယ်လိုဗဟုသုတဖြစ်ဖွယ် အကြောင်းအရာတွေကို မျှဝေပေးမလဲဆိုတာ သိနိုင်ဖို့ Page ကို အမြဲမပြတ် စောင့်ကြည့်နေပေးကြပါဦးဗျာ။

#ဘတ်တီးရီးယား #ရောဂါပိုး #ဆဲလ် #အူလမ်းကြောင်း

Sayar Dr. ZTH - Biology

20/08/2026

28/07/2026

20/07/2026

11/07/2026

14/06/2026

14/06/2025

Address

Telephone

Website

Alerts

Contact The School

Shortcuts

Share

Category

Listing takedown request