22/12/2025
ရွှေဆိုင်မှာ တာဝန်အသီးသီးယူနေရတဲ့ Team Member တွေအနေနဲ့ ရွှေတွက်ချက်တတ်ရုံ ပြောဆိုဆက်ဆံရောင်းချတတ်ရုံနဲ့ အဆင်ပြေပြီလား?
အဓိက လိုနေတာဘာလဲ? ရွှေဆိုင်မှာ Team Member တွေနဲ့ ပါတ်သတ်ပြီးဘယ်လိုအခက်အခဲတွေရှိလဲ?
၁၅ ရက်ကြာ လေ့ကျင့်သင်ကြားမှုတွေ ပြီးတဲ့နောက်မှာ ပြောင်းလဲလာတဲ့ သူတို့လေးတွေ ကြည့်ပြီး ပီတိဖြစ်ခဲ့ရတယ်။
ရွှေဆိုင်တစ်ဆိုင်မှာ တာဝန် အသီးသီးယူနေရတဲ့ team member တွေအနေနဲ့ ရွှေတွက်နည်းတစ်ချို့ တတ်မြောက်ပြီး ဆက်ဆံရေးကောင်းမွန်ယုံနဲ့ မလုံလောက်ဘူးဆိုတာ ၁၈ နှစ်ကြာ အတွေ့အကြုံတွေ၊ မိတ်ဆွေရွှေဆိုင်တွေရဲ့ အခက်အခဲတွေ ရင်ဖွင့်တိုင်ပင်မှုကနေ သိခဲ့ရတယ်။
Team Member တွေမှာ အဓိက ဘာတွေလိုနေတာလဲ?
တတ်ကျွမ်းမှု skill တွေအပြင် mind set နဲ့ attitude တွေပါ ကောင်းမွန်နေဖို့လိုအပ်ပါတယ်။
ပြီးတော့ လူငယ်တွေပီပီ စိတ်ခံစားချက်တွေများတာ၊ အချင်းချင်းကြား ပြောဆိုနေတဲ့ စကားလုံးတွေကနေ negative thinking တွေကူးစက်ပြီး တစ်ယောက်ချင်းစီရဲ့ capability တွေကျဆင်းပြီး အလုပ်ခွင် ဆက်ဆံရေးတွေမှာ အဆင်မပြေကြတာတွေ ဖြစ်လာပါတယ်။
အဲ့ဒီအခါ team member တွေအနေနဲ့ အလုပ်မှာပျော်ရွှင် ကျေနပ်မှုမရှိဖြစ်လာသလို owner တွေအနေနဲ့လည်း အဲ့လိုပြဿနာတွေကြောင့် အာရုံတွေနောက်ပြီး ရှေ့အတွက် အာရုံစိုက် စဥ်းစားရမယ့်အရာတွေထဲက အချိန်တွေ စွမ်းအားတွေ ဖဲ့ပေးနေကြရပါတယ်။
အခု သင်ဖြစ်တဲ့ သင်တန်းလေးကတော့ ရွှေအကြောင်းနဲ့ တွက်နည်းတွေကို သူတို့သိထား သလောက်ထက် သူတို့တက်သင့် သမျှတွေကို သင်ကြားမျှဝေယုံတင်မဟုတ်ပဲ အကြိမ်ကြိမ် လေ့ကျင့်ပေးခဲ့တယ်၊ အရောင်းပိုင်းပညာမှာလည်း customer relationshop တင်မဟုတ်ပဲ sales skill တွေ၊ အခြေခံ marketing သဘောတရားတွေကို သူတို့ရဲ့အတွေ့အကြုံတွေနဲ့ ယှဥ်ထိုးစဉ်းစားစေပြီး ပြင်ဆင်လေ့ကျင့်ပေးခဲ့ပါတယ်၊ အဓိကအနေနဲ့ သူတို့ကိုယ်တိုင် self leadership လုပ်နိုင်အောင်၊ သူတို့ရဲ့လုပ်နိုင်စွမ်းအားတွေ တိုးတက်လာအောင်၊ ကိုယ့်ကိုယ်ကိုယ် ကောင်းတဲ့စကားတွေပြောပြီး(self tak) အပြုသဘောဆောင်တဲ့ အတွေးတွေဖြစ်အောင်၊ ကောင်းမွန်တဲ့အလေ့ကျင့်ကောင်းတွေတည်ဆောက်နိုင်အောင်၊ စိတ်ထဲမှာရှိနေတဲ့ negative emotion တွေ ဖယ်ထုတ်နိုင်အောင် ကူညီသင်ကြားလေ့ကျင့် လမ်းညွှန်ပေးခဲ့ပါတယ်။
မသိစိတ်ထဲ အထိစွဲမြဲနေအောင် လေ့ကျင်ရတဲ့အခါ သင်ယူကြတဲ့သူတွေပင်ပန်းသလို၊ သင်ကြားလေ့ကျင်ပေးရတဲ့ သူမှာလည်း ပင်ပန်းခဲ့ပါတယ်။
ဒါပေမယ် သူတို့လေးတွေရဲ့ စိတ်အားထက်သန်မှုနဲ့ ဇွဲရှိရှိလုပ်ဆောင်ခဲ့တာတွေကြောင့် ပြောင်းလဲလာတဲ့ သူတို့လေးတွေ ကြည့်ပြီး အမောပြေခဲ့ ကြည်နူးခဲ့ရပါတယ်။
ကိုယ့်ကိုယ်ကိုလည်း နောက်ထပ်လေ့လာ သင်ယူမှုတွေ လုပ်ရင်း အကောင်းဆုံး လမ်းညွှန် ကူညီသွားနိုင်ဖို့ ကိုယ့်ကိုယ်ကို ကတိပေးရင်း....
Ko Ye Win
SMIT- Training & Coahing
Founder, Trainer & Coah
18/07/2025