What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 21:00 Sunday 09:00 - 21:00

https://www.facebook.com/293483843853213/

Shwe.BIM, 28 Wireless, Yangon (2026)

21/08/2026

Revit ဘယ်လိုကောင်း ကောင်း
CAD 🐈ကိုလည်း အားကိုး နေရတုန်းပဲ

ရှေးအီဂျစ်တွေက ကြောင်ကို နတ်ဘုရားမ Bastet ရဲ့ သင်္ကေတ အဖြစ် မြတ်နိုးကိုးကွယ်ကြပါတယ်။ 🐈

16/08/2026

❇️ လူမှုအဆိပ်သင့် အလုပ်ခွင်ယဉ်ကျေးမှုကို ဖြစ်စေသည့်လက္ခဏာ ၁၂ ရပ်နှင့် ၎င်းကို တန်ပြန်ချေဖျက်နည်းများ

လူမှုအဆိပ်သင့်အလုပ်ခွင်ယဉ်ကျေးမှု၏
သဘောသဘာဝ
==============
လူမှုအဆိပ်သင့် အလုပ်ခွင် ယဉ်ကျေးမှုဖြစ်နေခြင်းသည်ဝန်ထမ်းအကြီးအကျယ် နှုတ်ထွက်ရခြင်း(Great Resignation) ၏အဓိကအကြောင်းရင်းတစ်ခုဖြစ် သည်။ ဖြစ်နိုင်ပါက ဝန်ထမ်းများသည် မိမိတို့အပေါ် အလေးမထား၊ ကျင့်ဝတ်မဲ့၊ အဆိုးမြင်ပြီး ဖိစီးမှုများသော လုပ်ငန်းခွင်ပတ်ဝန်းကျင်များမှ ထွက်ခွါသွားလိုကြသည်။

လူမှုအဆိပ်သင့် လုပ်ငန်းခွင်များသည် စိတ်ဖိစီးမှုများစေ၏။ ကျင့်ဝတ်မဲ့၏။ ပြိုင်ဆိုင်မှုကြမ်းတမ်းပြီး
မိမိတို့အပေါ် လေးစားမှုမရှိသော ဝန်းကျင်များပါဝင်
လိမ့်မည်။ လူမှုအဆိပ်သင့် လုပ်ငန်းခွင်သည် ဝန်ထမ်းများ၏ စိတ်ဖိစီးမှုနှင့် ပင်ပန်းနွမ်းနယ်မှုကို ဖြစ်ပေါ်စေနိုင်သည်။ အချို့ဝန်ထမ်းများသည် အလုပ်မှ တိတ်တဆိတ် ထွက်သွားခြင်း (quiet quitting) ဖြင့်လည်းကောင်း၊ မိမိတို့၏ အလုပ်တွင် အနိမ့်ဆုံးစွမ်းဆောင်မှုကိုသာ လုပ်ဆောင်ခြင်းဖြင့်လည်းကောင်း အလုပ်ကြောင့် ခြေကုန်လက်ပမ်းကျမှုကို တိုက်ဖျက်လိမ့်မည်။

⁉️ သို့ဆိုပါလျှင် လူမှုအဆိပ်သင့် လုပ်ငန်းခွင်ဆိုသည်မှာ အဘယ်နည်း။
လူမှု အဆိပ်သင့်လုပ်ငန်းခွင်များသည် ဝန်ထမ်းများအား အပြစ်ပေးခြင်း၊ ငြင်းပယ်ခံရစေခြင်း၊ အပြစ်ရှိသကဲ့ခံစားရစေခြင်းနှင့် အရှက်ရသလို ခံစားရစေသည်။
စီမံခန့်ခွဲသူများနှင့် လုပ်ဖော်ကိုင်ဖက်များထံမှ ဆိုးကျိုးဖြစ်စေသော အပြုအမူများကြောင့် ဝန်ထမ်းများသည် ဤပတ်ဝန်းကျင်တွင် စိတ်ချမ်းမြေ့စွာအလုပ် လုပ်ရန် ခက်ခဲသည်။ အဖြစ်များသော အပြုအမူများမှာ အနိုင်ကျင့်ခြင်း၊ အော်ဟစ်ငေါက်ငန်းခြင်း၊ ကြိုးကိုင်ခြယ်လှယ် ခြင်းနှင့် နှိမ်ချပြောဆိုခြင်းတို့ ပါဝင်သည်။

လူမှုအဆိပ်သင့် လုပ်ငန်းခွင်များတွင် ဝန်ထမ်းတို့သည် မိမိတို့၏ ခံစားမှု၊ စိုးရိမ်ပူပန်မှု၊ ဒါမှမဟုတ် စိတ်ကူး အကြံအစည်တို့ကို ထုတ်ဖော်ပြောဆိုဖို့ ကြောက်ရွံ့တတ်ကြ၏။ အဘယ့်ကြောင့်ဆိုသော် ငြင်းပယ်ခံရမှာ သို့မဟုတ် ဆူကြိမ်းမောင်းခံရမှာကို စိုးရိမ်ကြ၍ ဖြစ်၏။ လူမှုအဆိပ်သင့်လုပ်ငန်းခွင်သည် လူမျိုးရေးခွဲခြားမှု၊ လိမ်ညာမှု ဒါမှမဟုတ် အာမခံချက်အတုတို့ပေးခြင်းတို့သို့ ကျင့်ဝတ်မဲ့သည့် အပြုအမူတို့ကိုလည်း ဖြစ်ပေါ်စေနိုင်၏။

လူမှုအဆိပ်သင့် လုပ်ငန်းခွင်ဘုံလက္ခဏာအချို့မှာ
❇️ ၁။ အမှားမခံခြင်း
❇️၂။ တစ်ဦးအပေါ်တစ်ဦး ယုံကြည်မှုကင်းမဲ့ခြင်း
❇️၃။ မိမိယူရသည့် အခန်းကဏ္ဍ ရှုပ်ထွေးမှု
❇️၄။ စိတ်ဖိစီးမှုလွန်ကဲခြင်း
❇️၅။ ရုံးအတွင်း ကောလာဟလများခြင်း
❇️၆။ ဝန်ထမ်းအလုပ်ထွက်နှုန်း မြင့်မားခြင်း
❇️ ၇။ ကျန်းမာရေးနှင့် မညီညွတ်သော လုပ်ငန်းခွင်နယ်နိမိတ်များ
❇️ ၈။ အခြာသူတစ်ဦးကို စိတ်ပိုင်းဆိုင်ရာ ကြိုးကိုင် ခြယ်လှယ် လိမ်လည်ခြင်း (Gaslighting)
❇️ ၉။ အသက်မွေးမှုလမ်းကြောင်းအထောက် အပံ့ ကင်းမဲ့ခြင်း
❇️ ၁၀။ စိတ်ဓာတ်ကျဆင်းမှုနှင့် အပျက်သဘောဆောင်သည့် သဘောထား
❇️ ၁၂။ ဆက်သွယ်ပြောဆိုမှု ညံ့ဖျင်းခြင်းတို့ဖြစ်သည်။

❇️ ၁။ အမှားမခံခြင်း
============
·မည်သူမျှသူမှ အမှားလုပ်ချင်မှာတော့မဟုတ်။ သို့သော် အမှားလုပ်မိမှာကိုကြောက်သည့် စိတ်က ဝန်ထမ်းတို့ကို သွက်ချာပါဒ ဖြစ်လောက်အောင် ကြောက်စေသည်ဆိုလျှင် ယင်းသည် မိမိတို့အပေါ် ခြိမ်းခြောက်မှုရှိနေသည် ဆိုသည့် ပတ်ဝန်းကျင်လက္ခဏာတစ်ခုဖြစ်ပါလိမ့်မည်။
ခြိမ်းခြောက်မှုရှိသည့်ပတ်ဝန်းကျင် ဆိုသည်မှာမကြာ
ခဏ အပြစ်ပုံချခံရသည့်သဘောပင်ဖြစ်၏။ ဝန်ထမ်းများကို ကျရှုံးမှု သို့မဟုတ် အမှားများအတွက် အပြစ် ဒဏ်ကို ကြောက်ရွံ့မှုဖြစ်စေပါသည်။ လူတို့သည် မိမိတို့၏ သက်တောင့်သက်သာရှိတဲ့ ဇုန်ကနေထွက်ဖို့ ကြောက် ကြ၏။ ထိုအချက်ကြောင့် တစ်ဖွဲ့လုံးကို ဒုက္ခရောက်စေနိုင်ပါသည်။

❇️ ၂။ တစ်ဦးအပေါ်တစ်ဦး ယုံကြည်မှု ကင်းမဲ့ခြင်း
===============================
လူမှုအဆိပ်သင့်တဲ့ အလုပ်ခွင်တို့တွင် ဝန်ထမ်းများအကြား ယုံကြည်မှု နည်းပါးလေ့ရှိပါသည်။ စီမံခန့်ခွဲသူများက ဝန်ထမ်းတို့အပေါ် မယုံကြည်ဘဲ အမြဲတမ်း စောင့်ကြည့်စစ်ဆေးနေနိုင်ပါသည်။ ထို့ကြောင့်အသေးစိတ် ချုပ်ကိုင်ကြပ်မတ်ခြင်း (Micromanagement) က ဝန်ထမ်းများကို ၎င်းတို့၏ စွမ်းရည်အပေါ် သံသယဝင်စေတတ်ပါတယ်။

❇️ ၃။ အခန်းကဏ္ဍ ရှုပ်ထွေးမှု
==================
လူမှုအဆိပ်သင့် လုပ်ငန်းခွင်တွင် ဝန်ထမ်းတို့သည် မိမိအခန်းကဏ္ဍနှင့် တာဝန်ဝတ္တရားများကို ရှင်းလင်းပြတ်သားမှု မရှိ၍ ဝန်ထမ်းများသည် မိမိတို့၏မျှော်လင့် ချက်များနှင့် ပတ်သက်၍ စိုးရိမ်ပူပန်မှုများ ရှိလာနိုင် သည်။ ၎င်းသည် လုပ်ငန်းခွင်အတွင်း ကမောက်ကမ ဖြစ်မှုကို ဖြစ်စေနိုင်သည်။ ထို့ပြင် မည်သူက ဘာလုပ်ရမည်ဆိုသည့် တာဝန်နှင့်ကိစ္စရပ်များနှင့် ပတ်သက်၍ လုပ်ဖော်ကိုင်ဖက်များကြားတွင် ပဋိပက္ခများ ဖြစ်ပေါ် လာနိုင်သည်။ အခန်းကဏ္ဍဆိုင်ရာ မျှော်လင့်ချက်များအပေါ် ရှင်းလင်းစွာ ဆက်သွယ်ပြောဆိုခြင်းသည် ဤ ပဋိပက္ခမျိုးကို ကာကွယ်နိုင်ပါလိမ့်မည်။

❇️ ၄။လွန်ကဲသော စိတ်ဖိစီးမှု
==================
ဝန်ထမ်းများသည် ပင်ပန်းနွမ်းနယ်ခြင်း၊ စီမံခန့်ခွဲမှုနှင့် သဘောထားကွဲလွဲခြင်း၊ ဆက်သွယ်ရေး အားနည်းခြင်း၊ ကျရှုံးမည်ကို ကြောက်ရွံ့ခြင်းနှင့် အလုပ်ဆိုင်ရာ မျှော်လင့်ချက်များ မသေချာမရေရာခြင်းအပါအဝင် အကြောင်းရင်းများစွာကြောင့် စိတ်ဖိစီးမှုကို ခံစားရနိုင်သည်။ စိတ်ပိုင်းဆိုင်ရာ ဖိစီးမှုသည် ခြေကုန်လက်
ပမ်းကျခြင်း၊ အိပ်ပျော်ရခက်ခြင်းနှင့် ကိုယ်လက်ကိုက်ခဲခြင်းတို့ကို ဖြစ်စေခြင်းဖြင့် ဝန်ထမ်းများ၏ ရုပ်ပိုင်းဆိုင်ရာအပေါ်ကိုပါ စတင် သက်ရောက်မှုရှိလာနိုင်သည်။

❇️ ၅။ ရုံးတွင်းက အတင်းအဖျင်းပြောဆိုမှုများ
=============================
ရုံးတွင် အတင်းအဖျင်းပြောဆိုခြင်းအချို့သည် သာမန်ဖြစ်နိုင်သည်။ သို့ရာတွင် လူမှုအဆိပ်သင့်သော လုပ်ငန်းခွင်များတွင် အတင်းအဖျင်းပြောဆိုမှုသည် များသောအားဖြင့် ပိုမိုပြင်းထန်လေ့ရှိသည်။ ရှင်းလင်းပြတ်သားသော ဆက်သွယ်ပြောဆိုမှုအစား လူအများ သည် တီးတိုးပြောဆိုခြင်း၊ ငေးကြည့်ခြင်းနှင့် သရော် တော်တော် ထေ့ငေါ့ပြောဆိုခြင်းတို့ကို ပြုလုပ်ကြသည်။
ဤအရာသည် အန္တရာယ်မရှိဟု မဆိုနိုင်ပါ၊ အကြောင်းမှာ လုပ်ငန်းခွင်တွင် အနိုင်ကျင့်ခြင်းသည် စိတ်ကျရောဂါ၊ ခြေကုန်လက်ပန်းကျခြင်းနှင့် စိုးရိမ်ပူပန်ခြင်းတို့ကို ဖြစ်ပေါ်စေနိုင်သောကြောင့်ဖြစ်သည်။ ဝန်ထမ်းများအချင်းချင်း အတင်းအဖျင်းပြောဆိုကြသောအခါ၊ အဆိုးဘက်ဆိုင်ရာ အတင်းအဖျင်းပြောဆိုမှုများသည် ဒရာမာဇာတ်ခင်းမှုများဖြစ်ပွားခြင်း၊ အာရုံပြောင်းလွဲခြင်း၊ အယုံအကြည်မဲ့ခြင်းနှင့် စိတ်ထိခိုက်ခြင်းတို့ကို ဖြစ်စေသည်။ အတင်းအဖျင်းပြောဆိုမှုသည် လူမှု အဆိပ်သင့် ပတ်ဝန်းကျင်ကို ပိုမိုဆိုးရွားစေပြီး ဝန်ထမ်းများသည် အချင်းချင်း ရန်ဖြစ်လာကာ စိတ်ထိခိုက်စေသော ကောလာဟလများကို ဖြန့်ဝေလာနိုင်သည်။

❇️ ၆။ အလုပ်ထွက်နှုန်း မြင့်မားခြင်း
======================
ဝန်ထမ်းအလုပ်ထွက်နှုန်း မြင့်မားခြင်းသည် ကုမ္ပဏီ၏ လုပ်ငန်းခွင်ယဉ်ကျေးမှုအတွက် သတိပေးသည့် အလံနီတစ်ခုဖြစ်သည်။ လူများအလုပ်ထွက်ရသည့် အကြောင်းရင်းများစွာရှိပြီး ၎င်းတို့မှာ လုပ်ခလစာနည်းပါးခြင်း၊ ရာထူးတိုးမြင့်ရန် အခွင့်အလမ်းအကန့်အ သတ်ရှိခြင်းနှင့် ညံ့ဖျင်းသော ကုမ္ပဏီယဉ်ကျေးမှုတို့ ပါဝင်သည်။ ရေရှည်အလုပ်လုပ်ကိုင်သော ဝန်ထမ်းအနည်းငယ်သာရှိပါက၊ ၎င်းသည် လူမှုအဆိပ်သင့်လုပ်ငန်းခွင်တစ်ခုကို ညွှန်ပြခြင်းဖြစ်နိုင်သည်။

❇️ ၇။ မကျန်းမာသော အလုပ်ခွင်ဘောင်
========================
လူမှုအဆိပ်သင့် ယဉ်ကျေးမှုများသည် မကျန်းမာသော အလုပ်ခွင်ကို ဘောင်ခတ်ရန်ကို အားပေးလေ့ရှိသည်။
၎င်းတို့သည် ဝန်ထမ်းများအား အလုပ်ကို ဦးစားပေးရန် တွန်းအားပေးပြီး ဝန်ထမ်းများ ခြေကုန်လက်ပန်းကျမှုကို ဖြစ်စေနိုင်သည်။ အချို့သော လုပ်ရပ်များတွင် စီမံခန့်ခွဲသူများက ဝန်ထမ်းများအား နောက်ကျသည်အထိဆက်နေရန်၊ ရုံးချိန်လွန်ပြီးနောက် အီးမေးလ်များကို ပြန်ကြားရန် သို့မဟုတ် တနင်္ဂနွေနေ့များတွင်ပါအလုပ် ဆင်းနေရန် မျှော်လင့်ခြင်း ပါဝင်သည်။

❇️ ၈။ Gaslighting
===========
• Gaslighting သည် ၂၀၂၂ ခုနှစ်အတွက် Merriam Webster ၏ နှစ်စဉ်ထင်ရှားဆုံး စကားလုံး ဖြစ်ခဲ့သည်။
လူတစ်ဦးက အခြားလူတစ်ဦးကို စိတ်ပိုင်းဆိုင်ရာကြိုးကိုင်ခြယ်လှယ်ခြင်းဖြင့် ကြိုးကိုင်ခြယ်လှယ်ခြင်းခံရသူသည် ကိုယ်ပိုင်ခံယူချက်များကို သံသယဝင် သွား စေခြင်းကို Gaslighting ဟုခေါ်သည်။ Gaslighting
ဥပမာများတွင် မိမိအကြောင်း ကောလာဟလများ အ ဖြန့်ခံရခြင်း၊ စိတ်ခံစားချက်များအကြောင်းသေးသိမ် ကြောင်း ပြောဆိုခံရခြင်း၊ မိမိအား အလုပ်နှင့် တိုက်ရိုက်သက်ဆိုင်သော အစည်းအဝေးများမှ ဖယ်ကျဉ်ခံရခြင်းနှင့် စွမ်းဆောင်ရည်ဆိုင်ရာအနုတ်လက္ခ ဏာ သတင်းများ ကြားရခြင်းတို့ ပါဝင်သည်။

❇️ ၉။ အသက်မွေးမှုပတ်ဝန်ကျင် ပံ့ပိုးမှု နည်းပါးခြင်း
=================================
ဝန်ထမ်းအချို့သည် မိမိတို့၏ အသက်မွေးအလုပ်ဖွံ့ဖြိုးတိုးတက်ရန်အတွက် ပံ့ပိုးကူညီမှု မရှိဟု ခံစားရသည်။ ထိုဝန်ထမ်းများသည် မိမိအပေါ်လမ်းညွှန်ဆုံးမမှု မရှိဟုခံစားရပြီး အဖွဲ့နှင့် အဆက်အသွယ် ပြတ်တောက်နေသည်ဟု ခံစားရသည်။ ဤလမ်းညွှန်မှု မရှိခြင်းကြောင့် ၎င်းတို့၏ အသက်မွေးမှုအလုပ်ကို ရှေ့ဆက်တိုးတက် ရန် နောက်တစ်ဆင့် ဘာလုပ်ရမည်ကို ဆုံးဖြတ်ရန် ခက်ခဲစေသည်။ ဝန်ထမ်းများ အထူးသဖြင့် အလုပ်အတွေ့အကြုံ နည်းသော ဝန်ထမ်းများအတွက် လမ်းညွှန်ပံ့ပိုးမှုနည်းလေ အသင်းအဖွဲ့ သို့မဟုတ် မန်နေဂျာနှင့် ချိတ်ဆက်ရန် ပိုမိုခက်ခဲလာလေနိုင်သည်။

❇️ ၁၀။ စိတ်ဓာတ်ကျဆင်းမှုနှင့် အဆိုးမြင်စိတ်
=============================
ဝန်ထမ်းများ၏ စိတ်ဓာတ်ကျဆင်းမှုသည် လုပ်ငန်းခွင်တစ်ခုလုံးကို အဆိုးမြင်စိတ် ဖြစ်ပေါ်စေပြီး အခြားသူများကိုပါ သက်ရောက်မှုရှိနိုင်သည်။
မည်သည့် အဆိုးမြင်စိတ်ကိုမဆို ချက်ချင်းဖြေရှင်းရန် လိုအပ်သည်။ စီမံခန့်ခွဲရေးအဖွဲ့သည် အဆိုးမြင်စိတ်၏ သံသရာလည်ခြင်းကို ကာကွယ်ရန်နှင့် ပိုမိုအကျိုး ဖြစ်ထွန်းသော လုပ်ငန်းခွင် ယဉ်ကျေးမှုတစ်ရပ် ရရှိရန်အတွက် ပြဿနာ၏ အရင်းခံအကြောင်းရင်းကို ရှာဖွေဖြေရှင်းရန် လိုအပ်သည်။

❇️ ၁၁။ နေမကောင်ခြင်းအတွက်အပြစ်စွဲခံစားရစိတ်
Sick Guilt
=======
Sick Guilt ဆိုသည်မှာ နာမကျန်းဖြစ်ချိန်တွင် မိမိ၏ အကောင်းဆုံးစွမ်းဆောင်ရည်ကို မပေးနိုင်သောကြောင့် ရှက်ရွံ့ခံစားရသည့် စိတ်အခြေအနေဖြစ်သည်။ ဤသို့ ခံစားရသူများသည် အနားချိန်ယူရန် ရှောင်ကြဉ်ကြပြီး အိမ်မှအလုပ်လုပ်ခွင့်တောင်းရန်ပင် မဝံ့မရဲဖြစ်ကာ တောင်းမိလျှင်လည်း အပြစ်ရှိသလိုခံစားရသည်။
ဤအဆိပ်သင့်သည့် အလေ့အထကို ကာကွယ်ရန် ဝန်ထမ်းများသည် အနားယူရန်လိုအပ်သည့်အခါ ပြောဆိုရန်အတွက် လုံခြုံမှုခံစားရစေရန်၊ ထိုသို့ သင့်တော်စွာ မည်သို့ပြုလုပ်ရမည်ကို သိရန်၊ မိမိတတ်စွမ်းနိုင်မှုထက် ကျော်လွန်သည့်အခါ ရိုးသားစွာ ပြောဆိုနိုင်ရန် လိုအပ်သည်။ ကုမ္ပဏီများအနေဖြင့် ထိုသို့သော ပတ်ဝန်းကျင်ကို ဖန်တီးပေးရန် လိုအပ်သည်။

❇️ ၁၂။ ဆက်သွယ်ရေးပြောဆိုနိုင်မှု ညံ့ဖျင်းခြင်း
===========================
ဝန်ထမ်းများသည် ကုမ္ပဏီ၏ ရည်မှန်းချက်များ၊ သတင်းများ သို့မဟုတ် မူဝါဒများနှင့်အဆက်အသွယ်ပြတ်နေသည်ဟု ခံစားရပါက ၎င်းတို့အနေဖြင့် စိတ်ပါဝင်စားမှုနှင့် ထုတ်လုပ်မှု စွမ်းအားရှိရန် ခက်ခဲနိုင်သည်။
ဆက်သွယ်ရေးပြောဆိုနိုင်မှု ညံ့ဖျင်းခြင်းသည် စိတ်ဓာတ်ကျဆင်းမှု၊ စိတ်ရှုပ်ထွေးမှု၊ စိတ်ပျက်မှုနှင့် ကုန်ထုတ်လုပ်မှုကျဆင်းမှုတို့ကို ဖြစ်ပေါ်စေသည်။

❇️ အလုပ်ခွင်လူမှုအဆိပ်သင့်ခြင်း သက်ရောက်မှုများ
=================================
လူမှုအဆိပ်သင့်သော လုပ်ငန်းခွင်များသည် ဝန်ထမ်းများရော ကုမ္ပဏီပါ နှစ်ဖက်စလုံးကို ထိခိုက်နိုင်သည်။
အဆိပ်သင့်သော လုပ်ငန်းခွင်တွင် အလုပ်လုပ်နေရသော ဝန်ထမ်းများသည် စိုးရိမ်ပူပန်မှု၊ စိတ်ကျရောဂါနှင့် ဖိစီးမှုတို့ကို ခံစားရနိုင်ပြီး၊ အနားယူချိန် ပိုမိုယူခြင်း သို့မဟုတ် အလုပ်မှထွက်ခွာသွားခြင်းတို့ ဖြစ်နိုင်ချေ ပိုများသည်။ လူမှုအဆိပ်သင့်သော လုပ်ငန်းခွင်များတွင် ထုတ်လုပ်မှု စွမ်းအားလည်း နိမ့်ကျတတ်သည်။
MIT Sloan လေ့လာမှုတစ်ခုအရ လူမှုအဆိပ်သင့်သော ယဉ်ကျေးမှုသည် "ကြီးမားသော နှုတ်ထွက်မှု" (great resignation) ၏ အဓိက အကြောင်းရင်းများထဲမှ တစ်ခုဖြစ်ခဲ့ပြီး ထိုအချိန်က ဝန်ထမ်းသန်းပေါင်းများစွာသည် ပိုမိုကောင်းမွန်သော အလုပ်-ဘဝ ဟန်ချက်ညီမှုကို ရှာဖွေရန် အလုပ်မှ နှုတ်ထွက်ခဲ့ကြသည်။ ထို့အပြင် ယင်းလေ့လာမှုကပင် လူမှုအဆိပ်သင့်သော ယဉ်ကျေးမှုသည် လစာလျော်ကြေးထက် ကုမ္ပဏီ၏ ဝန်ထမ်းအလှည့်အပြောင်းနှုန်းကို ခန့်မှန်းရာတွင် ၁၀.၄ ဆ ပိုမိုအားကောင်းကြောင်း ဖော်ပြထားသည်။
ထို့ပြင်၊ လူမှုအဆိပ်သင့်သော လုပ်ငန်းခွင်များရှိသည့် ကုမ္ပဏီများသည် ဝန်ထမ်းဟောင်းများကို ဆက်ထိန်းထားရန်နှင့် ဝန်ထမ်းသစ်များကို ဆွဲဆောင်ရန် ခက်ခဲနိုင်သည်။

❇️ အဆိပ်အတောက်ဖြစ်စေသော ယဉ်ကျေးမှုကို တိုက် ဖျက်နည်း
=======
• ဝန်ထမ်းများကို ဦးစားပေးပါ။
• ကုမ္ပဏီကို ဆက်လက်လည်ပတ်စေသော သူတို့သည်
လူများသာဖြစ်သည်။ ဝန်ထမ်းတို့၏အကြောင်းနှင့် ၎င်းတို့ လိုအပ်ချက်များကို လေ့လာပြီး ပွင့်ပွင့်လင်းလင်း စကားပြောဆိုခွင့်များဖန်တီးပါ။
• အတားအဆီးတို့ကို ရှာဖွေပြီး ထိုပြဿနာတို့ ဖြေရှင်းရန် ဝန်ထမ်းများကို ဆွေးနွေးပွဲများတွင် ပါဝင်စေပါ။

14/08/2026

စလုံးမှာ အတွေ့အကြုံရှိပြီးသားသူတွေက ကိုယ့်ရဲ့ skill, experience, salary expectation နဲ့ market value ရှိပြီးသားမို့ သူတို့ရဲ့ job market ကို လူသစ်တန်းနဲ့ တိုက်ရိုက်မနှိုင်းသင့်ဘူး။
လူသစ်တန်းချင်းတူတူဆိုရင်တော့ company, role, timing, interview performance စတာတွေအပြင် ကံကောင်း/မကောင်း လည်း အတော်သက်ရောက်နိုင်တယ်။ ကံကောင်းရင် S Pass အပြည့်၊ လစာကောင်း၊ benefits ကောင်းတဲ့အလုပ် ရနိုင်တယ်။ မကောင်းရင် လက်ရှိအခြေအနေမှာ ရရာ၊ ကြုံရာအလုပ်ကို စလုပ်ရနိုင်တယ်။
ဒါကြောင့် “ရရာအလုပ်ကို လုပ်လိုက်တာကြောင့် ဈေးကွက်ပျက်သွားတယ်” လို့ တစ်ခါတည်း သတ်မှတ်တာက မမှန်ဘူး။ တစ်ယောက်ချင်းစီရဲ့ အခြေအနေ၊ experience နဲ့ bargaining power မတူကြတာကိုပါ ထည့်တွက်ရမယ်။

12/08/2026

ဆရာဆိုတာ ကျေးဇူးရှင်ကြီး အမြဲတမ်းဖြစ်သင့်တယ်
“ဆရာကို ကျေးဇူးရှင်အဖြစ် လေးစားသင့်တယ်၊ ဒါပေမယ့် အမြဲတမ်း အထက်လူအဖြစ် မထားသင့်ဘူး” ဆိုတဲ့ အမြင်က ပိုမျှတတယ်လို့ ထင်တယ်။
အရှေ့တိုင်းအယူအဆ—အထူးသဖြင့် မြန်မာ၊ တရုတ်၊ ဂျပန် စတဲ့ ယဉ်ကျေးမှုတွေမှာ ဆရာကို မိဘနဲ့နီးစပ်တဲ့နေရာမှာထားတတ်တယ်။ “ဆရာကျေးဇူး” ဆိုတာ ပညာတစ်ခု သင်ပေးရုံမဟုတ်ဘဲ ကိုယ့်ဘဝလမ်းကြောင်းကို ဖွင့်ပေးခဲ့သူအဖြစ် မှတ်ယူတာပါ။ ဗုဒ္ဓဘာသာယဉ်ကျေးမှုမှာလည်း ဆရာ၊ မိဘ၊ ကျေးဇူးရှင်တွေကို ပြန်လည်ကျေးဇူးဆပ်ခြင်းက အရေးကြီးတယ်။ ဒါကြောင့် ဆရာ–တပည့် ဆက်ဆံရေးမှာ ရိုသေမှုနဲ့ ကျေးဇူးတရား က အလေးထားခံရတယ်။
ဒါပေမယ့် အဲဒီအယူအဆကို “တစ်ခါဆရာဖြစ်ဖူးရင် တပည့်က ဘာပဲဖြစ်ဖြစ် အမြဲနာခံရမယ်” ဆိုတဲ့ အဓိပ္ပာယ်အထိ ဆွဲယူလိုက်ရင် ပြဿနာရှိလာတယ်။ ဆရာလည်း လူပဲဖြစ်တဲ့အတွက် အမှားလုပ်နိုင်တယ်။ ဆရာက မမှန်တာကို သင်ပေးရင် တပည့်က မေးခွန်းမထုတ်ဘဲ လိုက်နာရမယ်ဆိုတာတော့ မဟုတ်ဘူး။
အနောက်တိုင်းအမြင်မှာတော့ ဆရာကို လေးစားမှုရှိပေမယ့် relationship ကို ပိုပြီး professional လို့မြင်တတ်တယ်။ Teacher က knowledge, skills, experience ပေးတဲ့သူဖြစ်ပေမယ့် student ကလည်း ကိုယ်ပိုင်အတွေးအခေါ်နဲ့ ဆုံးဖြတ်ပိုင်ခွင့်ရှိတဲ့ လူတစ်ယောက်ပါ။ ဆရာကို မေးခွန်းထုတ်နိုင်တယ်၊ သဘောမတူနိုင်တယ်၊ ဆရာမှားရင် ပြောနိုင်တယ်။ အဓိကက authority ထက် learning နဲ့ critical thinking ကို ပိုတန်ဖိုးထားတာ။
ဒီနေရာမှာ
🌿ဆရာ–တပည့်၊
🌲နည်းပြ–သင်တန်းသား၊
🌳ပို့ချသူ–အတန်းသား
ဆိုတာတွေကို တန်းတူမထားသင့်ဘူးလို့လည်း ကျွန်တော်မြင်တယ်။
ဆရာ–တပည့် ဆိုတာ ရေရှည်ကျေးဇူးတရားနဲ့ ပုဂ္ဂိုလ်ရေးဆက်နွယ်မှု ပိုနက်ရှိုင်းနိုင်တယ်။
နည်းပြ–သင်တန်းသား ဆိုတာက သတ်မှတ်ထားတဲ့ skill တစ်ခုကို သင်ပေး/သင်ယူတဲ့ professional relationship ပိုများတယ်။
ပို့ချသူ–အတန်းသား ဆိုတာကတော့ knowledge ကို အချိန်ကာလတစ်ခုအတွင်း ပို့ချပေးတဲ့ relationship ဖြစ်နိုင်တယ်။
ဒါကြောင့် သင်တန်းတစ်ခုမှာ ၃ ရက်သင်ပေးခဲ့တဲ့ trainer ကို ဘဝတစ်လျှောက် “ကျေးဇူးရှင်ကြီး” အဖြစ် သတ်မှတ်ပြီး သူပြောသမျှကို လိုက်နာရမယ် ဆိုတာက အလွန်အကျွံပါ။ သူ့ရဲ့ သင်ကြားမှုကို ကျေးဇူးတင်နိုင်တယ်၊ လေးစားနိုင်တယ်—ဒါပေမယ့် ကိုယ့်ရဲ့ လွတ်လပ်တဲ့ဆုံးဖြတ်ခွင့်ကို မပေးအပ်ရဘူး။
တစ်ဖက်မှာလည်း “ပိုက်ဆံပေးပြီး သင်ယူတာပဲ၊ ဘာကျေးဇူးရှိလဲ” ဆိုတာကလည်း မပြည့်စုံဘူး။ ပညာ၊ အတွေ့အကြုံ၊ အချိန်နဲ့ လမ်းညွှန်မှု ပေးခဲ့ရင် အဲဒီအတွက် ကျေးဇူးတင်ထိုက်ပါတယ်။
အဆုံးမှာတော့—
ဆရာကို လေးစားခြင်းနဲ့ ဆရာ့အောက်မှာ အမြဲနေခြင်း မတူပါ။
ဆရာ့ကျေးဇူးကို သိခြင်းနဲ့ ဆရာ့စကားကို အမြဲနာခံခြင်းလည်း မတူပါ။
ဆရာကောင်းတစ်ယောက်ရဲ့ အကြီးမားဆုံးအောင်မြင်မှုက တပည့်ကို သူ့အောက်မှာ အမြဲထားနိုင်ခြင်းမဟုတ်ဘဲ၊ တစ်နေ့မှာ သူ့ခြေထောက်ပေါ်သူ ရပ်တည်နိုင်အောင် သင်ပေးနိုင်ခြင်းပါ။

11/08/2026

အသံမကျယ်ဘဲ အနိုင်ယူခြင်းနှင့် သံတမန်ရေးရာ အနုပညာ

စကားစစ်ထိုးပွဲ သို့မဟုတ် ငြင်းခုံမှုတစ်ခုတွင် အသံကျယ်ကျယ်ပြောဆိုခြင်းသည် အားသာချက်မဟုတ်ဘဲ၊ တည်ငြိမ်အေးဆေးစွာဖြင့် ပညာသားပါပါ ဆွဲဆောင်နိုင်ခြင်းကသာ စစ်မှန်သော စွမ်းအားဖြစ်သည်။
"Diplomacy is the art of telling people to go to hell in such a way that they ask for directions."
(သံတမန်ရေးဆိုသည်မှာ တစ်ဖက်လူအား ငရဲသို့သွားရန် ပြောလိုက်သော်လည်း ထိုသူကပင် လမ်းညွှန်ချက် ပြန်တောင်းရသည်အထိ ပါးနပ်ဆန်းကြယ်သော အနုပညာတစ်ခုဖြစ်သည်။)
ဤဆိုရိုးစကားသည် သံတမန်ရေးရာနှင့် အဆင့်မြင့် လူမှုရေးရာ ဆက်ဆံရေး၏ အနှစ်သာရကို အထိမိဆုံး ပုံဖော်ထားခြင်းဖြစ်သည်။ ဒေါသ၊ အော်ဟစ်ခြင်းနှင့် ဖိအားပေးခြင်းတို့သည် စိတ်ခံစားမှုကိုသာ ဖော်ပြပြီး၊ တည်ငြိမ်မှု၊ စကားလုံး တိကျမှုနှင့် စိတ်ပညာဆိုင်ရာ ပါးနပ်မှုတို့ကသာ စကားဝိုင်းတစ်ခု၏ ရလဒ်ကို အမှန်တကယ် ဖန်တီးပေးနိုင်သည်။

ငြင်းခုံမှုအများစုတွင် လူတို့သည် မိမိတို့၏ အယူအဆကို လက်ခံစေရန် အသံကိုမြှင့်၍ အတင်းအကျပ် ဖိအားပေးလေ့ရှိကြသည်။ သို့သော် အားအင်သုံး၍ အနိုင်ယူခြင်းသည် ခေတ္တမျှသာ တည်မြဲပြီး တစ်ဖက်လူ၏ စိတ်ထဲတွင် တုံ့ပြန်လိုစိတ်နှင့် ခုခံလိုစိတ်ကိုသာ တိုးပွားစေသည်။
အမှန်တကယ် ပါးနပ်သော ပုဂ္ဂိုလ်တို့သည် တစ်ဖက်လူ၏ လမ်းကြောင်းကို ပြောင်းလဲစေရုံမျှမက ထိုပြောင်းလဲမှုသည် မိမိ၏ ကိုယ်ပိုင်စိတ်ကူးအိုင်ဒီယာ ဖြစ်သည်ဟု ထိုသူကိုယ်တိုင် ယုံကြည်သွားအောင် ဖန်တီးနိုင်သည်။ ၎င်းသည် တစ်ဖက်လူ၏ စိတ်ပညာ (Psychology) ကို ကျွမ်းကျင်စွာ ကိုင်တွယ်နိုင်ခြင်း၏ ရလဒ်ဖြစ်သည်။ စကားလုံးအသုံးအနှုန်းကို ကျွမ်းကျင်စွာ အသုံးပြု၍ တစ်ဖက်လူ၏ စိတ္တဇေတသိက်ကို လမ်းကြောင်းပြောင်းပေးလိုက်သောအခါ မလိုလားအပ်သော ပဋိပက္ခမရှိဘဲ မိမိလိုချင်သော ရလဒ်ကို ငြိမ်းချမ်းစွာ ရရှိနိုင်သည်။

၂၀ ရာစု၏ ထင်ရှားသော တရုတ်သံတမန်ကြီး ဝယ်လင်တန် ကူး (Wellington Koo) သည် ထိုကဲ့သို့ စကားလုံးအသုံးအနှုန်း အတိအကျနှင့် အလွန်အမင်း ဖိအားများသော အခြေအနေများတွင် တည်ငြိမ်အေးဆေးစွာ အနိုင်ယူနိုင်ခဲ့သည့် စံနမူနာရှင်ဖြစ်သည်။
ပါရီ ငြိမ်းချမ်းရေးညီလာခံ (၁၉၁၉): ရှမ်းတုန်း (Shandong) အရေးကိစ္စနှင့် ပတ်သက်၍ ဂျပန်နယ်ချဲ့တောင်းဆိုချက်များကို ရင်ဆိုင်ရာတွင် Koo သည် ဒေါသဖြင့် မတုံ့ပြန်ဘဲ သမိုင်းဝင် ယုတ္တိဗေဒနှင့် စကားလုံး အတိအကျကို သုံး၍ ခိုင်မာစွာ ခြေပခဲ့သည်။
ကုလသမဂ္ဂ (UN) တည်ထောင်ခြင်း: ကုလသမဂ္ဂ ပဋိညာဉ်စာချုပ်တွင် ပထမဆုံး လက်မှတ်ရေးထိုးခဲ့သည့် သံတမန်များအနက် တစ်ဦးဖြစ်ပြီး နိုင်ငံတကာ ပထဝီနိုင်ငံရေး ရိုက်ခတ်မှုများကြားတွင် အေးဆေးတည်ငြိမ်သော သံတမန်နည်းလမ်းဖြင့် တရုတ်နိုင်ငံ၏ အကျိုးစီးပွားကို ကာကွယ်ခဲ့သည်။
သူ၏ တည်ငြိမ်သော အမူအရာ၊ အခြေအနေကို ထိန်းချုပ်နိုင်စွမ်းနှင့် ဘာသာစကားဆိုင်ရာ တိကျမှုတို့သည် "ဆူပူအော်ဟစ်ခြင်းမရှိဘဲ သမိုင်းကြောင်းကို မည်သို့ ပြောင်းလဲနိုင်သည်" ဆိုသည်ကို သက်သေပြခဲ့သည်။

လူမှုရေးရာ အင်ဂျင်နီယာအတတ် (Social Engineering) တွင် မိမိ၏ စိတ်ခံစားချက်ကို ထိန်းချုပ်နိုင်ခြင်း (Composure) သည် အခရာကျသည်။
စကားဝိုင်းကို ထိန်းချုပ်ခြင်း: စကားဝိုင်း၏ လှိုင်းအလျားနှင့် လေယူလေသိမ်းကို ထိန်းချုပ်နိုင်သူသည် ရလဒ်ကိုလည်း ထိန်းချုပ်နိုင်သည်။
အသံကို မမြှင့်ဘဲ လေ့လာချက်ကို ခိုင်မာစေခြင်း: ဒေါသထွက်လာပါက တည်ငြိမ်စွာ တုံ့ပြန်ခြင်းသည် တစ်ဖက်လူအား မိမိ၏ သြဇာအောက်သို့ အလိုလို ကျရောက်သွားစေသည်။
ပါးနပ်သော ဆွဲဆောင်မှုဖြင့်တစ်ဖက်လူအား အပြစ်ပြောပယ်ဖျက်ခြင်း မဟုတ်ဘဲ၊ ထိုသူ၏ အမြင်ကို သိမ်မွေ့စွာ လမ်းကြောင်းလွှဲပေးခြင်းက ရေရှည်အတွက် ပိုမိုခိုင်မာသော သဘောတူညီချက်ကို ရရှိစေသည်။
နိဂုံးချုပ်ရလျှင် စကားစစ်ထိုးပွဲ သို့မဟုတ် သံတမန်ရေးရာ ရင်ဆိုင်မှုများတွင် အော်ဟစ်ခြင်းသည် အားနည်းချက်ကို ဖော်ပြနေပြီး ဉာဏ်ပညာ၊ တည်ငြိမ်မှုနှင့် ဘာသာစကားဆိုင်ရာ တိကျမှုတို့သည်သာလျှင် အမြင့်မားဆုံးသော စွမ်းအား ဖြစ်သည်။
ဝယ်လင်တန် ကူး ကဲ့သို့သော ပုဂ္ဂိုလ်များ၏ သမိုင်းဝင် အပြုအမူများက ရည်ညွှန်းနေသည်မှာ မိမိ၏ အသံကို မြှင့်ရန် မလိုဘဲ မိမိ၏ စိုးမိုးနိုင်စွမ်းနှင့် အယူအဆကိုသာ ပိုမိုခိုင်မာအောင် တည်ဆောက်ရမည် ဖြစ်သည်။ စကားဝိုင်း၏ ဦးတည်ရာကို ပညာသားပါပါ ဆွဲဆောင်နိုင်သူသည် အနိုင်နှင့် အရှုံးကို သာမက၊ တစ်ဖက်လူ၏ စိတ်ဓာတ်ကိုပါ အပြီးသတ် စိုးမိုးသွားနိုင်ပေသည်။

08/08/2026

ကြီးမြတ်သော သူတို့သည် ခေတ်ပြိုင်လူတို့၏ နားလည်လွဲခြင်းကို ခံကြရမြဲ ဖြစ်သည်

ကြီးမြတ်သူတိုင်း အထင်လွဲခံရလေ့ရှိတာ မှန်သော်လည်း၊ အထင်လွဲခံရသူတိုင်းတော့ ကြီးမြတ်တာ မဟုတ်ပါဘူး။

တစ်ခါတစ်ရံ မလိုအပ်ဘဲ ခေါင်းမာလွန်းခြင်း သို့မဟုတ် တကယ့်ကို မှားယွင်းနေခြင်းကြောင့် အထင်လွဲခံရတာမျိုးလည်း ရှိနိုင်တာကြောင့် မိမိကိုယ်မိမိ ပြန်လည်ဆန်းစစ်မှု (Self-reflection) နဲ့တော့ ဒွန်တွဲနေဖို့ လိုပါတယ်။

05/08/2026

ပြည်တွင်း အကျပ်အတည်းများကြောင့် အင်ဂျင်နီယာနှင့် Drafter အများစုသည် ပြည်တွင်း၌ လုပ်ကိုင်ရန် Outsourcing နှင့် Drafting/BIM Service ကုမ္ပဏီများကို အဓိက မှီခိုကြရသည်။
သို့သော် အဆိုပါ ကုမ္ပဏီအချို့သည် အလုပ်သမားများ၏ အကျပ်အတည်းကို အခွင့်ကောင်းယူကာ စနစ်တကျ ခေါင်းပုံဖြတ်လျက် ရှိပါသည်။
၁။ နှစ်ထပ်ကွမ်း ခေါင်းပုံဖြတ်မှု (Double Exploitation)
ပထမအဆင့် (ပြည်ပ Client အဆင့်): ပြည်ပ ကုမ္ပဏီများက ၎င်းတို့နိုင်ငံ၏ ပုံမှန် ပေါက်ဈေးထက် အများကြီး သက်သာသော ဈေးနှုန်းဖြင့် မြန်မာနိုင်ငံကဲ့သို့ အကျပ်အတည်း ဖြစ်နေသည့် နိုင်ငံသို့ အလုပ်များကို Outsourcing အဖြစ် အပ်နှံကြသည်။
ဒုတိယအဆင့် (ပြည်တွင်း Middleman ကုမ္ပဏီ အဆင့်): ပြည်တွင်း Service ကုမ္ပဏီများက ပြည်ပမှ ဒေါ်လာ/နိုင်ငံခြားငွေ ပမာဏအပြည့် ယူထားသော်လည်း အမှန်တကယ် ပုံဆွဲ/မော်ဒယ်ဆွဲပေးရသည့် Drafter နှင့် အင်ဂျင်နီယာများကို တန်ဖိုးကျဆင်းနေသော ဗမာကျပ်ငွေ နည်းနည်းလေးဖြင့် လစာ အဆမတန် နှိမ်ပေးကြသည်။
၂။ "အလုပ်သင်" အမည်ခံ လုပ်အား ခေါင်းပုံဖြတ်မှု (Internship Exploitation)
ပညာသင်မဟုတ်ဘဲ Real Project များ ခိုင်းစေခြင်း: "ပညာသင်ပေးသည် / အတွေ့အကြုံရသည်" ဟု အကြောင်းပြကာ အမှန်တကယ် Client ထံမှ ရရှိထားသည့် ပရောဂျက် (Production Work) များကို အလုပ်သင်များဖြင့် ပင်ပန်းခံ ပုံဆွဲခိုင်းသည်။
မက်လုံးပေး အချိန်ဆွဲပြီး လဲလှယ်ခြင်း: "အမြဲတမ်း ဝန်ထမ်း ခန့်မည်" ဟု မျှော်လင့်ချက်ပေးကာ ၃ လမှ ၆ လအထိ လစာ မပေးဘဲ (သို့မဟုတ်) အနည်းငယ်သာ ပေး၍ ခိုင်းစေသည်။ ကာလပြည့်ပါက အကြောင်းပြချက် အမျိုးမျိုးဖြင့် ထုတ်ပစ်ကာ အလုပ်သင်သစ် အစားထိုး၍ ကုမ္ပဏီအတွက် စရိတ်မရှိဘဲ လုပ်အား အချောင်နှိုက်ကြသည်။
၃။ အနှစ်ချုပ်
ဤပုံစံသည် အလုပ်အကိုင် ရှားပါးမှုကို အခွင့်ကောင်းယူ၍ အိုဗာတိုင်း ဖိအားပေး ခိုင်းစေခြင်း၊ ကျွမ်းကျင်မှုနှင့် မထိုက်တန်သော လစာပေးခြင်း နှင့် အလုပ်သင် အမည်ခံ၍ အခမဲ့ လုပ်အား ရယူခြင်း တို့ဖြင့် အကန့်အသတ်မရှိ ခေါင်းပုံဖြတ်နေသည့် ဒစ်ဂျစ်တယ် ကျေးကျွန်စနစ် (Digital Sweatshop) ပုံစံပင် ဖြစ်ပါသည်။

03/08/2026

Latin and Ancient Greek Alphabets.
Egyptian Hieroglyphic Alphabet.

01/08/2026

BEP ကို Gemini ကိုရေးခိုင်းလို့ရတယ်။
သူရေးပီး လာပြတာကို
ပြင်ခိုင်း၊ approved ပေး၊
Google Sheets ရ

I want to name for my document. Which is BIM BEP , but as I am specialist contractor, general contractor BIM is full set. My one is for my service only. Advice for this name of document.

30/07/2026

တရားခံ ဘယ်သူလဲဟေ့
Who caused it?

"The string won't break, for sure!"
(ကြိုးမပြတ်ဘူး၊ သေချာတယ်)
"The kite won't tear, for sure!"
(စွန်မပြဲဘူး၊ သေချာတယ်)
"It won't fly up, for sure!"
(အပေါ်မတက်ဘူး၊ သေချာတယ်)

Shwe.BIM

21/08/2026

16/08/2026

14/08/2026

12/08/2026

11/08/2026

08/08/2026

05/08/2026

03/08/2026

01/08/2026

30/07/2026

Address

Opening Hours

Website

Alerts

Shortcuts

Share

Category

Listing takedown request

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 21:00
Sunday	09:00 - 21:00