27/04/2020
သားလေး သိန်းထိုက်ဇော်ကတော့ အိမ်အလုပ်တွေကို တတ်နိုင်သလောက် ကူလုပ်ပေးပါတယ်တဲ့။😍
အားကိုးရတဲ့ သားလေးရေ 👏👏👏👏👏 ပါနော်။
အိမ်အလုပ်တွေမှာ ကလေးတွေကို တတ်နိုင်သလောက် ပါဝင်ခိုင်းခြင်းဟာ ကလေးတွေရဲ့ မိမိကိုယ်ကိုယ် တန်ဖိုးထားခြင်း (Self-esteem) ကို မြင့်မားစေသလို မိသားစုထဲမှာ အရေးပါ၊ အရာဝင်တဲ့ လူတစ်ယောက်အဖြစ် (sense of belonging) ကို ခံစားမိစေပါတယ်။
အိမ်အလုပ်များ ကူလုပ်ခြင်းဖြင့် ကာယပိုင်းဆိုင်ရာဖွံ့ဖြိုးမှု (Physical Development) ရရှိမှာ ဖြစ်သလို လူကြီးမိဘများနှင့် အတူယှဥ်တွဲလုပ်ဆောင်တဲ့အခါ စိတ်ခံစားချက် ဖွံ့ဖြိုးမှု (Emotional Development) ကိုပါ ရရှိစေပါတယ်။
မေမေ ဖေဖေတို့က ဘယ်သို့ဘယ်ပုံ ပြုလုပ်ရမယ်ကို သင်ကြားပေးခြင်းအားဖြင့် ကလေးတွေရဲ့ ညွှန်ကြားချက်ကို လိုက်နာနိုင်ခြင်း (Ability to follow the instruction) စွမ်းရည်ကိုလည်း မြင့်မားစေပါတယ်။ ဒီ ညွှန်ကြားချက်ကို လိုက်နာနိုင်ခြင်း စွမ်းရည်ဟာ ကလေးငယ်ရဲ့ သင်ယူခြင်းအတွေ့အကြုံမှာ ကြီးမားတဲ့ အထောက်အပံ့ဖြစ်စေပါတယ်။
သားလေးရေ.. ကျောင်းတွေပြန်ဖွင့်လို့ KG ကျောင်းသားကြီး ဖြစ်တဲ့အခါ ကျောင်းနေပျော်လို့ စာတော်တဲ့ကျောင်းသားကြီး ဖြစ်ပါစေနော်။ 😃😊
