Chit Aein Thu

🇯🇵 ဂျပန်နိုင်ငံမှာ (၈) ပတ်ကြာ တက်ရောက်ရမယ့် Fully Funded ခေါင်းဆောင်မှုသင်တန်း (Leadership Development Program) အကြောင်း သတင်းကောင်းပါ ရှင် ✨

ဒါကတော့ Honda Motor ကုမ္ပဏီကို တည်ထောင်ခဲ့တဲ့ Mr. Soichiro Honda ရဲ့ ပံ့ပိုးမှုနဲ့ ၁၉၈၅ ခုနှစ်ကတည်းက စတင်ခဲ့တဲ့ IATSS Forum Leadership Program ပဲ ဖြစ်ပါတယ်။ မြန်မာနိုင်ငံ အပါအဝင် အာရှနိုင်ငံ (၁၀) နိုင်ငံက လူငယ်ပညာရှင်တွေအတွက် ရည်ရွယ်ပြီး ဂျပန်နိုင်ငံ၊ မီအဲခရိုင် (Mie Prefecture) မှာ စာတွေ့ရော လက်တွေ့ပါ သွားရောက်လေ့လာရမယ့် အစီအစဉ်ကောင်း တစ်ခုပါ။
ဘာတွေ လေ့လာရမလဲ?

🤝 Leadership & Team Building: ခေါင်းဆောင်မှု စွမ်းရည်နဲ့ ပူးပေါင်းဆောင်ရွက်မှု
🌱 Sustainable Development: ကမ္ဘာ့ပတ်ဝန်းကျင်ဆိုင်ရာ မူဝါဒတွေနဲ့ ရေရှည်တည်တံ့သော ဖွံ့ဖြိုးတိုးတက်မှု
🩻 Disaster Preparedness: သဘာဝဘေးအန္တရာယ် ကြိုတင်ပြင်ဆင်ရေးနဲ့ လူထုကြံ့ခိုင်မှု (Community Resilience)
🚊 Sustainable Urban Design: သဘာဝပတ်ဝန်းကျင်နဲ့ ကိုက်ညီတဲ့ မြို့ပြတည်ဆောက်မှုနဲ့ သယ်ယူပို့ဆောင်ရေး စနစ်များ
ရရှိနိုင်မည့် ပံ့ပိုးမှုများ (Fully Funded)
✈️ အသွားအပြန် လေယာဉ်လက်မှတ်
📚 သင်တန်းကြေးနှင့် လေ့လာရေးပစ္စည်း ကုန်ကျစရိတ် အားလုံး
🏢 ဂျပန်တွင် နေထိုင်စဉ်အတွင်း နေထိုင်ရေး (Accommodation) နှင့် စားသောက်စရိတ်
🚌 ဂျပန်နိုင်ငံတွင်း လေ့လာရေး ခရီးစဉ် ကုန်ကျစရိတ်များ
🏥 ကျန်းမာရေး အာမခံ (Medical Insurance)
📅 နောက်ဆုံး လျှောက်ထားရမည့်ရက်: ၂၀၂၆ ခုနှစ်၊ စက်တင်ဘာလ (၃၀) ရက် (၂၀၂၇ ခုနှစ် Program အတွက် ဖြစ်ပါသည်။)

ခေါင်းဆောင်မှုစွမ်းရည်ကို မြှင့်တင်ချင်တဲ့ လူငယ်တွေအတွက် အတွေ့အကြုံကောင်းတွေ အများကြီး ရနိုင်မယ့် အခွင့်အရေးမို့ သေချာ ပြင်ဆင်ပြီး လျှောက်ကြည့်ဖို့ တီချယ် တိုက်တွန်းချင်ပါတယ်။ ကိုယ့်ပတ်ဝန်းကျင်က ဂျပန်သွားဖို့ အိပ်မက်ရှိတဲ့ သူငယ်ချင်းတွေကိုလည်း ဒီပို့စ်လေးကို Share လုပ်ပြီး မျှဝေပေးလိုက်ပါဦးနော်။
အသေးစိတ် ဖတ်ရှုပြီး လျှောက်ထားနိုင်မယ့် Link ကို Comment မှာ ချပေးထားပါတယ် ရှင်။

ယနေ့ မန္တလေးမြို့တွင် ကျင်းပပြုလုပ်ခဲ့သော TEDxAyeyarwaddy International School အခမ်းအနား၌ Guest Speaker တစ်ဦးအဖြစ် ပါဝင်ဟောပြောခွင့်ရခဲ့သည့်အတွက် တီချယ် များစွာ ဂုဏ်ယူဝမ်းမြောက်မိပါတယ်ရှင် ✨

ယခုနှစ်၏ အဓိကခေါင်းစဉ်ဖြစ်သော "REWIRED" နှင့်အညီ၊ နည်းပညာနှင့် အပြောင်းအလဲများ အလွန်မြန်ဆန်လှသည့် ယနေ့ခေတ်ကြီးထဲတွင် မိမိတို့၏ ရည်မှန်းချက်နှင့် အတွင်းစိတ်ခွန်အား (Inner Compass) ကို မည်သို့ပြန်လည်တည်ဆောက်နိုင်မည်ဆိုသည့် အကြောင်းအရာများကို ဆွေးနွေးရသောနှစ်ဖြစ်ပါတယ်

ပါဝင်ခွင့်ရအောင် အဖက်ဖက်မှ စီစဉ်ပေးခဲ့ကြသော အဖွဲ့သူအဖွဲ့သားများ (Organizers)၊ အတူတကွ ဟောပြောခဲ့ကြသည့် Fellow Speakers များနှင့် နွေးထွေးစွာ ကြိုဆိုအားပေးခဲ့ကြသော မန္တလေးမှ ဧည့်သည်တော်များ အားလုံးကို အထူးပင် ကျေးဇူးတင်ရှိပါသည်။ ✨

မန္တလေးက သူငယ်ချင်းတွေ မနက်ဖြန် ဆုံကြမယ်နော်။ 🥰✨
မနက်ဖြန် မေလ (၂၄) ရက်နေ့၊ နေ့လယ် ၁၂ နာရီကနေ ၃ နာရီအထိ Mingalar Mandalay Hotel (Thazin Grand Ballroom) မှာ ကျင်းပမယ့် TEDxAyeyarwaddy International School ပွဲကြီးမှာ တီချယ်က Guest Speaker အနေနဲ့ ပါဝင် ဟောပြောသွားမှာပါ။

ဒီပွဲလေးမှာ လူငယ်တွေအတွက် အများကြီး ခွန်အားဖြစ်စေမယ့် အတွေ့အကြုံတွေ၊ အကြောင်းအရာတွေကို မျှဝေပေးသွားမှာမို့ မန္တလေးက တီချယ့်ရဲ့ ပရိသတ်တွေ လာခဲ့ဖို့ ဖိတ်ခေါ်ချင်ပါတယ်။

မနက်ဖြန် ပွဲကို လာမယ့်သူတွေ ရှိရင် ကွန်မင့်မှာ အသံလေး ပေးသွားကြပါဦး။ မန္တလေးမှာ တွေ့မယ်နော်။

🇮🇩 အင်ဒိုနီးရှားနိုင်ငံ၊ ဂျကာတာမြို့မှာ Fully Funded သွားရောက်တက်ရောက်ရမယ့် သိပ္ပံနဲ့ နည်းပညာဆိုင်ရာ လူငယ်ထိပ်သီးဆွေးနွေးပွဲကြီးတစ်ခုအကြောင်း မျှဝေပေးလိုက်ပါတယ် ရှင်✨

Asia-Europe Foundation (ASEF) ကနေ ကြီးမှူးကျင်းပတဲ့ Asia-Europe Training and Youth Summit on Science and Technology Diplomacy 2026 ဆိုတဲ့ အစီအစဉ်ပဲ ဖြစ်ပါတယ်။ နိုင်ငံတကာရေးရာ၊ သိပ္ပံ၊ နည်းပညာနဲ့ ဆန်းသစ်တီထွင်မှု (Innovation) နယ်ပယ်တွေမှာ အလုပ်လုပ်ကိုင်နေတဲ့ လူငယ်ပညာရှင်တွေ (Early-career professionals) အတွက် အာရှနဲ့ ဥရောပ နိုင်ငံတွေအကြား နည်းပညာသံတမန်ရေးရာ (Science & Tech Diplomacy) အကြောင်း လေ့လာဆွေးနွေးနိုင်မယ့် အကောင်းဆုံး အခွင့်အရေးပါ။

အစီအစဉ်ကို ဘယ်လိုပုံစံ လုပ်သွားမလဲ?
ဒီ Programme ကို အဆင့် (၂) ဆင့် ခွဲပြီး လုပ်ဆောင်သွားမှာပါ။
အဆင့် (၁) - Online Training: ၂၀၂၆ ခုနှစ်၊ ဇူလိုင်လ ၂၂ ရက်မှ အောက်တိုဘာလ ၈ ရက်အထိ (အွန်လိုင်းမှတစ်ဆင့် ဦးစွာ တက်ရောက်ရပါမယ်။)
အဆင့် (၂) - In-person Youth Summit: အွန်လိုင်းသင်တန်းမှာ တက်ကြွစွာ ပါဝင်ပြီး အရွေးချယ်ခံရသူတွေကတော့ အင်ဒိုနီးရှားနိုင်ငံ၊ ဂျကာတာမြို့မှာ ၂၀၂၆ ခုနှစ်၊ အောက်တိုဘာလ ၁၉ ရက်မှ ၂၄ ရက်အထိ ကျင်းပမယ့် လူငယ်ထိပ်သီးဆွေးနွေးပွဲ (Youth Summit) ကို လူကိုယ်တိုင် သွားရောက် တက်ရောက်ခွင့် ရရှိမှာ ဖြစ်ပါတယ်။
ရရှိနိုင်မည့် ပံ့ပိုးမှုများ (Fully Funded)
ဒီအစီအစဉ်အတွက် လျှောက်လွှာကြေး (သို့) ပါဝင်ခွင့်ကြေး လုံးဝ ပေးသွင်းရန် မလိုပါဘူး။ ဂျကာတာကို သွားရောက်ရမယ့် သူတွေအတွက် နေထိုင်စရိတ် (Accommodation)၊ စားသောက်စရိတ် (Meals) နဲ့ လေယာဉ်လက်မှတ်အတွက် ခရီးစရိတ် ထောက်ပံ့မှု (Travel subsidies) တွေကို အပြည့်အဝ ပံ့ပိုးပေးသွားမှာ ဖြစ်ပါတယ်။

📅 နောက်ဆုံး လျှောက်ထားရမည့်ရက်: ၂၀၂၆ ခုနှစ်၊ ဇွန်လ (၂၁) ရက် (တနင်္ဂနွေနေ့)
နည်းပညာနဲ့ ဆက်စပ်တဲ့ နယ်ပယ်တွေမှာ လုပ်ကိုင်နေတဲ့ ကိုယ့်ပတ်ဝန်းကျင်က လူငယ်တွေ၊ သူငယ်ချင်းတွေကိုလည်း ဒီပို့စ်လေးကို Share လုပ်ပြီး မျှဝေပေးလိုက်ပါဦးနော်။
အသေးစိတ် ဖတ်ရှုပြီး လျှောက်ထားနိုင်မယ့် Link ကို Comment မှာ ချပေးထားပါတယ် ရှင်။