Baby Home Preschool

🧱 **Block အတုံးလေးတွေ အမြင့်ကြီးဖြစ်အောင် စီကြမယ်** 🧱
ကလေးတို့ရဲ့ ဖွံ့ဖြိုးမှုအတွက် ဆော့ကစားရင်း သင်ယူကြရအောင်။ ဒီနေ့ Activity လေးကတော့ ကလေးတွေကို Block တုံးလေးတွေ တစ်တုံးချင်းစီ အပေါ်ကို မြင့်နိုင်သမျှ မြင့်အောင် စီခိုင်းတဲ့ ကစားနည်းလေးပါ။
ဒီ Activity ကနေ ကလေးတွေအတွက် ဘာတွေရမလဲ?
* 👀 **မျက်စိ** — အမြင်အာရုံနဲ့ အကွာအဝေးကို သေချာအာရုံစိုက်တတ်လာမယ်။
* 🖐️ **လက်** — လက်ချောင်းလေးတွေရဲ့ လှုပ်ရှားမှု (Fine Motor Skills) ကို ပိုမိုသွက်လက် တိကျလာစေမယ်။
* 🧠 **စိတ်တည်ငြိမ်မှု** — အတုံးလေးတွေ ပြုတ်မကျအောင် စိတ်ရှည်ရလို့ စိတ်တည်ငြိမ်မှုနဲ့ အာရုံစူးစိုက်မှု (Focus) ကို အပြည့်အဝ ရရှိစေပါတယ်။
ဆော့ရင်းနဲ့ ပညာရစေမယ့် Activity လေးမို့ အိမ်မှာလည်း အတူတူ ဆော့ကြည့်ပေးကြပါဦးနော်။ 🥰

I like 💕 😁
I don't like ☹️

ဒီနေ့ ပြုလုပ်ခဲ့တဲ့ ကလေးတို့ရဲ့ ကစားနည်းလှုပ်ရှားမှုလေးပါ။ 🥰
ကလေးနှစ်ယောက် တစ်ဖက်စီကနေ သရေကွင်းကို ညီတူညီမျှ ဆွဲကိုင်ပြီး၊ အလယ်က ဘောလုံးလေး ပြုတ်မကျအောင် ထိန်းရတဲ့ အားကစားဂိမ်းလေး ဖြစ်ပါတယ်။👏🏻👏🏻🧑‍🤝‍🧑👭👬
ဒီကစားနည်းကနေ ကလေးတွေအတွက်...
🙌🏻👁️👀မျက်စိနဲ့ လက် လှုပ်ရှားမှု တစ်သားတည်းဖြစ်ခြင်း (Hand-Eye Coordination)

👬👭တစ်ဦးနဲ့တစ်ဦး စည်းချက်ညီညီ ပူးပေါင်းလုပ်ဆောင်တတ်ခြင်း (Teamwork)
🦶🏻🫶🏻ခြေလှမ်းတိုင်းကို သတိထားပြီး အာရုံစူးစိုက်ခြင်း (Focus & Balance) စတဲ့ စွမ်းရည်တွေကို အထောက်အကူပြုစေပါတယ်။
💐တစ်လှမ်းချင်းစီ လျှောက်တိုင်း ဘောလုံးလေး မကျသွားအောင် နှစ်ယောက်တူတူ အာရုံစိုက်ပြီး စိတ်ရှည်လက်ရှည်နဲ့ ပျော်ပျော်ရွှင်ရွှင် ကြိုးစားခဲ့ကြတဲ့ ကလေးတို့ရဲ့ လှုပ်ရှားမှုလေးပဲ ဖြစ်ပါတယ်။

Cycle 💞🥰🎉💐

Good Morning 🌄

မိဘ၊ ဘိုးဘွားတွေရဲ့ အစွန်းရောက်အလိုလိုက်မှုက ကလေးတစ်ယောက်ရဲ့ ဖွံ့ဖြိုးမှုကို ဘယ်လောက်ထိ တားဆီးနှောင့်နှေးစေသလဲဆိုတာကို ရေရှည်အမြင်နဲ့ စေတနာရှေ့ထားပြီး ရေးသားပေးထားပါတယ်ရှင့်🙏🏽
​🛑 အချစ်လွန်ခြင်းရဲ့ ထောင်ချောက် - သင့်ကလေးဟာ တကယ်ပဲ တော်မလာတာလား၊ အခွင့်အရေး အပိတ်ခံထားရတာလား?
​"ကလေးငိုမှာစိုးလို့" ၊ "ကလေးပင်ပန်းမှာစိုးလို့" ဆိုတဲ့ အလိုလိုက်မှုတွေက ကလေးရဲ့ ရှင်သန်ကြီးထွားမှုကို အဆိပ်ခတ်နေသလို ဖြစ်နေတတ်ပါတယ်။ မူကြိုကျောင်းမှာ အသက် (၃) နှစ်အရွယ်ကလေးက ကိုယ်တိုင်လုပ်ဆောင်နိုင်တဲ့ အခြေခံ Activities တွေကို အသက် (၅) နှစ်အရွယ်ကလေးက မလုပ်နိုင်တော့တဲ့အခါ... ဒါဟာ ကလေးရဲ့ ဉာဏ်ရည်ပြဿနာမဟုတ်ဘဲ "လေ့ကျင့်ခွင့်မရခဲ့တဲ့ ပြဿနာ" သာ ဖြစ်ပါတယ်။
​⚠️ အလိုလိုက်လွန်းခြင်းက ဘာတွေဖြစ်စေသလဲ?
​၁။ ရွယ်တူတွေနဲ့ယှဉ်ရင် နောက်ကျကျန်ခဲ့ခြင်း
အသက်အရွယ်အလိုက် လုပ်သင့်လုပ်ထိုက်တဲ့ သင်ခန်းစာတွေ၊ ဂိမ်းတွေကို တခြားကလေးတွေက ကိုယ်တိုင်ကြိုးစားနေချိန်မှာ အလိုလိုက်ခံရတဲ့ကလေးက ဘာမှမလုပ်တတ်ဘဲ ငေးကြည့်နေရတတ်ပါတယ်။ ရုပ်ပိုင်းဆိုင်ရာ ကြီးထွားလာပေမဲ့ ဦးနှောက်ရဲ့ တွေးခေါ်နိုင်စွမ်းနဲ့ ဆုံးဖြတ်နိုင်စွမ်းက (၃) နှစ်သားအရွယ်မှာတင် ရပ်တန့်နေတတ်ပါတယ်။
​၂။ ကလေးငိုမှာစိုးလို့ ဆိုတဲ့ အကြောင်းပြချက်
"ကျောင်းပို့ရင် ကလေးငိုလို့ မပို့တော့ဘူး"၊ "ဆရာမ ခိုင်းတာလုပ်ရင် ကလေးငိုမှာစိုးလို့ မလုပ်ခိုင်းပါနဲ့" ဆိုတဲ့ စိတ်တွေက ကလေးကို အခက်အခဲကြားက ရုန်းထွက်တတ်တဲ့ ခံနိုင်ရည် (Resilience) မရှိအောင် လုပ်လိုက်တာပါ။ ကလေးငိုတိုင်း မလုပ်ခိုင်းဘူးဆိုရင် သူ ဘာကိုမှ သင်ယူတတ်မြောက်တော့မှာ မဟုတ်ပါဘူး။
​၃။ ယုံကြည်မှု ကင်းမဲ့ခြင်း
ကျောင်းနဲ့ ဆရာမအပေါ် မယုံကြည်တာ၊ စိတ်မချတာတွေက ကလေးကို လူမှုပတ်ဝန်းကျင်နဲ့ ထိတွေ့ခွင့် ပိတ်ပင်လိုက်တာပါ။ ကလေးဟာ မိဘရင်ခွင်ထဲမှာပဲ အမြဲရှိမနေနိုင်ပါဘူး။
​💡 မိဘ၊ ဘိုးဘွားများ စဉ်းစားဖို့ အချက်တစ်ချက်...
​"ဒီနေ့ သင်တို့ရှိနေချိန်မှာ အရာရာ ဖြည့်ဆည်းပေးလို့ရပေမဲ့... နောင်တစ်ချိန် သင်တို့မရှိတော့တဲ့အခါ သင့်ကလေးက လောကကြီးမှာ ဘယ်လိုရပ်တည်မလဲ?"
​အလိုလိုက်တာဟာ အချစ်မဟုတ်ပါဘူး။ ကလေးကို ကိုယ့်ခြေထောက်ပေါ်ကိုယ် ရပ်တည်တတ်အောင်၊ လောကကြီးကို ရင်ဆိုင်တတ်အောင် သင်ပေးတာကမှ စစ်မှန်တဲ့ မေတ္တာပါ။ ကလေးကို နေရာတကာမှာ အကုန်လိုက်လုပ်ပေးနေမယ့်အစား "သူ့ဘာသာသူ လုပ်တတ်အောင်" ဘေးကနေ ဝန်းရံပေးကြဖို့ လိုပါတယ်။
​ကလေးငိုတာ ခဏပါ။ ဒါပေမဲ့ အခြေခံမရှိဘဲ လူလားမြောက်သွားရင် သူ ခံစားရမယ့် ဒုက္ခက တစ်သက်စာပါ။
​မိမိကလေးရဲ့ အနာဂတ်အတွက် ကျောင်းနဲ့ ဆရာမတွေကို ယုံကြည်စွာ လက်တွဲပေးပါ။ ကလေးကို ကိုယ်တိုင်ကြိုးစားခွင့် ပေးလိုက်ပါ။💪🏽

ကျွန်မရဲ့ 12နှစ် အတွေ့အကြုံထဲက နေ့စဉ် လစဉ် နှစ်စဉ် အမြဲ တွေ့ရကြုံရတဲ့ အရာတွေပါ။

Baby Home Preschool
ဒဂုံဆိပ်ကမ်း၊ယုဇနဥယျာဉ်မြို့တော်။
12လမ်းB၊တိုက်27၊အခန်း002
09266017794