ဆရာခန္႔ေဇာ္ထက္ - သိေစခ်င္ လိုက္တာ

Education for all.
*Special class of chemistry *
Now open !

Photos from ဆရာခန္႔ေဇာ္ထက္ - သိေစခ်င္ လိုက္တာ's post

11/08/2022

#ဝါခေါင်လပြည့်
မေတ္တာအခါတော်နေ့

# # # # # # # # # # # # # # # # # #

ယနေ့သည် ဝါခေါင်လပြည့်နေ့ဖြစ်သည်။ မေတ္တာအခါတော်နေ့ဖြစ်သည်။

အဘယ့်ကြောင့် ဝါခေါင်လပြည့်နေ့ကို မေတ္တာအခါတော်နေ့ ဟု ခေါ်ပါသနည်း။

ဝါခေါင်လတွင် မေတ္တသုတ်ကို ဟောကြားသောကြောင့် ဝါခေါင်လပြည့်နေ့ကို မေတ္တာအခါတော်နေ့ဟု ဆိုကြပါ၏။

"မေတ္တသုတ်နဲ့ပတ်သက်လာလို့ရိရင်
ရွတ်ရမှာ သက်သက်မဟုတ်ဘူး၊
နာရမှာ သက်သက်မဟုတ်ဘူး၊
မေတ္တသုတ်ကို နေ့စဉ်ရွတ်ဖတ်လို့ရှိရင် အန္တရာယ်ကင်းတယ်၊ နာလို့ရှိရင် အန္တရာယ်ကင်းတယ်ဆိုတဲ့စကား ဒီမေတ္တာသုတ်ထဲမှာ ပြထားတဲ့စကားလုံး တစ်လုံးမှမပါဘူး။ သို့သော် အများက ယုံကြည်နေကြတယ်"

"မိုးကုတ်ဆရာတော်ကြီးရဲ့စကားနဲ့ပြောရရင် "ဒို့လူတွေက သောက် ဆေးကိုလိမ်းဆေးလုပ်နေကြတယ်" ပေါ့" သောက်ရမယ့်ဆေးကို လိမ်းဆေးလုပ်တော့ အကျိုးသက်ရောက်မှု အားနည်းရမှာပေါ့"

"သောက်ရမယ့်ဆေးက သောက်ကိုသောက်မှ အကျိုးသက်ရောက်မှုဖြစ်မှာပေါ့၊ ဒါ့ကြောင့် မေတ္တာဆိုတာ ဘာဝနာဖြစ်လို့ ပွားများကြရမယ်"ဟု ပါချုပ်ဆရာတော်ဒေါက်တာနန္ဒမာလာက မိန့်ထားပါသည်။

မေတ္တသုတ်ဆိုသည်မှာ ရွတ်ဖတ်နာယူခြင်းထက် ပွားများဆင်ခြင်သင့်သည်ဟု ဆရာတော်က မေတ္တသုတ်အဖွင့်တွင် ဥပမာနှင့်တကွ ဟောကြားထားပါသည်။
မေတ္တသုတ်တွင် မေတ္တသုတ်ဖြစ်ပေါ်လာပုံ၊ မေတ္တာဘာဝနာပွားများ ခြင်း၏အကျိုးတရား၊ မေတ္တာဘာဝနာပွားများမည့်သူ၏အရည်အချင်းများ၊ မေတ္တာပွားပုံ ထိုမှတဆင့် မေတ္တာကမ္မဋ္ဌာန်းပွားများပုံတို့ကို ဟောကြားထားပါသည်။

(၁)

ဘုရားရှင်လက်ထက်က ရဟန်းများသည် ဘုရားရှင်ကို တစ်နှစ်နှစ် ကြိမ်လာရောက်ဖူးတွေ့လေ့ရှိပါသည်။ ဝါဆိုတော်မူခါနီးတွင် မြတ်စွာဘုရားရှင် ဖူးမျှော်၍ မိမိနှင့်သင့်လျော်မည့် အားထုတ်ရမည့် ကမ္မဋ္ဌာန်းကို တောင်းကြသည်။

မြတ်စွာဘုရားရှင်က စရိုက်အားလျော်စွာ ကျင့်ရမည့် ကမ္မဋ္ဌာန်းကို ပေးတော်မူပါ၏။ ရာဂစရိုက်အားကြီးသောရဟန်းကို အသုဘကမ္မဋ္ဌာန်း၊ ဒေါသစရိုက်အားကြီးသောရဟန်းကို မေတ္တာစသောကမ္မဋ္ဌာန်း၊ မောဟစရိုက်အားကြီးသောရဟန်းကို မရဏာနုဿတိကမ္မဋ္ဌာန်း၊ ဝိတက်စရိုက်အားကြီးသောရဟန်းကို အာနပါနကမ္မဋ္ဌာန်း၊ သဒ္ဓါစရိုက်အားကြီးသောရဟန်းကို ဗုဒ္ဓါနုဿတိကမ္မဋ္ဌာန်း၊ ပညာစရိုက်(ဗုဒ္ဓိစရိုက်)အားကြီးသောရဟန်းကို အာဟာရေပဋိကူလကမ္မဋ္ဌာန်းကို ပေးတော်မူပါသည်။

တစ်ခုသောနှစ်တွင် မြတ်စွာဘုရားရှင်သည် သာဝတ္ထိပြည် ဇေတဝန်ကျောင်းတွင် သီတင်းသုံးနေတော်မူ၏။ ထုံးစံအတိုင်း ဝါဆိုခါနီးတွင် ရဟန်းများက လာရောက်ကမ္မဋ္ဌာန်းတောင်းကြသည်။ ထိုရဟန်းများထဲတွင် ရဟန်းငါးရာလည်း ပါသည်။ မြတ်စွာဘုရားရှင်က ရဟန်းတို့အား လျောက်ပတ်သည့် ကမ္မဋ္ဌာန်းများကို သင်ကြားပေးလိုက်သည်။

ထိုရဟန်းငါးရာသည် မြတ်စွာဘုရားထံမှ ကမ္မဋ္ဌာန်းကို သင်ယူပြီးနောက် သင့်လျော်မည့်ဝါဆိုရမည့်နေရာကို ရှာဖွေကြသည်။ ထိုသို့ ရှာဖွေကြရင်း ဟိမဝန္တာတောနှင့် တဆက်တည်းဖြစ်နေသော တောင်တစ်တောင်ကို တွေ့လိုက်ကြသည်။

ထိုတောင်၏အနီးပတ်ဝန်းကျင်တွင် စိမ်းစိုညို့မှိုင်းသော တောအုပ်ရှိသည်။ ထိုတောအုပ်နှင့် မလှမ်းမကမ်းတွင် အိမ်ခြေတစ်ထောင်ရှိသောရွာရှိသည်။ ရဟန်းငါးရာသည် ရောက်သည့်နေ့တွင် ထိုတောင် ခြေတွင်တစ်ည သီတင်းသုံးလိုက်ကြသည်။

မနက်ရောက်တော့ ရွာသို့ ဆွမ်းခံကြွကြသည်။ရွာသူရွာသားများသည် ဖူးမြင်ရခဲသောရဟန်းများကို ဖူးမြင်ရသဖြင့် ဝမ်းသာကြသည်။ ရဟန်းငါးရာကိုလည်း ဒီအရပ်တွင် ဝါကပ်ဖို့လျှောက်ထားကြရင်း ကျောင်းများ ဆောက်လုပ်ပေးကြသည်။
ရဟန်းများသည် ဆွမ်းစားပြီးနောက် တောအုပ်ထဲသို့ကြွ၍ သစ်ပင်ရင်းများတွင် နေ့ညမပြတ်အားထုတ်ကြလေသည်။

ထိုအခါ သစ်ပင်စောင့် ရုက္ခစိုးနတ်များသည် သီလရှိသောရဟန်းများကြောင့် မိမိတို့ ဗိမ္မာန်မှာမနေရဲကြဘဲ သားသမီးများကိုစွဲကာ လွတ်ရာသွားနေကြသည်။

ရုက္ခစိုးနတ်များသည် " ဒီရဟန်းတွေပြန်မှ ငါတို့လည်း ကိုယ့်နေရာကိုယ် ပြန်ကြရမယ်"ဆိုသည့်အတွေးဖြင့် ရဟန်းများအခြေအနေကို စောင့်ကြည့်နေကြသည်။

ရဟန်းများသည် ဝါဆိုလပြည့်နေ့ရောက်သောအခါ ဝါဆိုကြသည်။ ထိုအခါ နတ်များက "ရဟန်းတွေတော့ တစ်ဝါတွင်းလုံးနေကြတော့မယ်၊ ဒီတော့ ရဟန်းတွေ နေမရအောင် လုပ်ကြမယ်"ဟု တိုင်ပင်ကြ လေသည်။

ညရောက်သောအခါ တရားအားထုတ်နေသောရဟန်းများအား ကြောက်မက်ဖွယ်အဆင်းများ၊ ကြောက်မက်ဖွယ်အသံများ၊ ကြောက်မက်ဖွယ်အနံ့များဖြင့် ခြောက်လှန့်ကြသည်။ ရဟန်းများမှာ တရားကို ကောင်းစွာအားမထုတ်နိုင်ကြတော့။ အအိပ်ပျက် အစားပျက် ကိုယ်လက်မကြည်မလင် ဖြစ်ကြသည်။

ရဟန်းများစုဝေးမိသည့်အခါ တရားအားထုတ်ရာမှာ အဆင်မပြေသည့်အကြောင်း၊ ခြောက်လှန့်ခံရပုံများကို အသီးသီးပြောကြလေသည်။ ထိုအခါ အကြီးဆုံးမထေရ်က " ဘုရားက ဝါနှစ်ကြိမ်ဆိုလို့ရတယ် ဟောထားတယ်၊ ဒီတော့ မြတ်စွာဘုရားထံပြန်သွားပြီး သင့်တော်မယ့်နေရာကို တောင်းကြမယ်"ဟုဆိုကာ သပိတ်များကို လွယ် ၍ သာဝတ္ထိသို့ ပြန်လာကြလေသည်။

သာဝတ္ထိပြည် ဇေတဝန်ကျောင်းရောက်သည့်အခါ ဘုရားရှင်က "သင်တို့ ဝါတွင်းကာလကြီး ဘာလို့ပြန်လာကြတာ"ဟု မေးသော်အကြောင်းစုံကို လျှောက်ထားကြ၍ မိမိတို့နှင့်သင့်လျော်မည့်နေရာကို ညွှန်ပြပေးဖို့လျှောက်ထားကြသည်။ ဘုရားရှင်က
"ယခုနေရာသည်ပင် သင်တို့နှင့် သင့်လျော်သောနေရာဖြစ်ပေသည်၊ ထိုနေရာ၌ သင့်တို့သည် ရဟန္တာဖြစ်ကြပေလိမ့်မည်၊ သင်တို့အား အန္တရာယ်များ မဖြစ်ပေါ်စေရန် နည်းပေးလိုက်မည်"ဟုမိန့်ကာ မေတ္တသုတ်ကို ဟောကြားတော်မူလေသည်။

မေတ္တသုတ်တွင် ပွားများရမည့်ပုဂ္ဂိုလ် လိုက်နာရမည့် စည်းကမ်းများကို အရင်ဟောတော်မူပါသည်။ ထို့နောက် မေတ္တာပွားနည်းကို ဟော၍ သတ္တဝါများအပေါ်ထားရမည့်စိတ်ထား၊ မေတ္တာပွားရမည့်အခြေအနေတို့ကိုဟော၍ နောက်ဆုံးတွင် သမထမှ ဘာဝနာသို့ ပြောင်း၍ ပွားများပုံကို ဟောကြားတော်မူပါသည်။

ရဟန်းငါးရာသည် မေတ္တသုတ်ကို သင်ယူမှတ်သားပြီးနောက် မူလနေရာသို့ပြန်လာကြပြီး မေတ္တာဘာဝနာများ ပွားများကြလေသည်။ ထိုအခါ နတ်များက ချစ်ခင်ကြ၍ ရေခပ်ခြင်း၊ တံမျက်လှည်းခြင်း နှိပ်နယ်ပေးခြင်းစသော ဝေယျာဝေစ္စများကို လုပ်ကိုင်ပေးကြလေသည်။

ရဟန်းများလည်း တရားဘာဝနာကို ချမ်းသာစွာ အားထုတ်နိုင်ကြရာ သီတင်းကျွတ်သောအခါ အရဟတ္တဖိုလ်ဆိုက်၍ ရဟန်းအားလုံး ရဟန္တာ ဖြစ်သွားကြလေ၏။
(၂)

မေတ္တသုတ်၏ အစဖြစ်သော 'ယဿာနုဘာဝတော'ဂါထာသည် မေတ္တာဘာဝနာပွားများခြင်း၏ အကျိုးကို ဖော်ပြထားခြင်း ဖြစ်ပါသည်။ မေတ္တာအကျိုး ၁၁ပါးမှာ
"ချမ်းသာအိပ်စက်၊ ချမ်းသာလျက်နိုး၊ အိပ်မက်ဆိုးကင်း၊ စောင့်ခြင်းနတ်များ၊ လူသားလည်းချစ်၊ နတ်လည်းချစ်လျက်၊ လက်နက်ဆိပ်မီး၊ပြီးသည့်တစ်ဖြာ၊ မျက်နှာရွှင်ကြည်၊ တည်ကြည်နှလုံး၊ သေဆုံးမတွေ၊ သေလျှင်ဗြဟ္မာ၊ ဖြစ်တတ်စွာတည်း၊ မေတ္တာအကျိုး ဆယ့်တစ်မျိုးတည်း"

အဓိပ္ပာယ်မှာ

၁။ ချမ်းသာစွာ အိပ်ရခြင်း၊

၂။ ချမ်းသာစွာ နိုးရခြင်း၊

၃။ မကောင်းသော အိပ်မက်များကို မမြင်မက်ခြင်း၊

၄။ လူအများ၏ ချစ်ခင်နှစ်သက်မှုကို ခံရခြင်း၊

၅။ နတ်ဘီလူးတို့၏ ချစ်ခင်မြတ်နိုးမှုကို ခံရခြင်း၊

၆။ နတ်များ၏ စောင့်ရှောက်ကူညီမှုကို ရရှိခြင်း၊

၇။ အဆိပ်, မီး, ဓား စသော လက်နက်များ မကျရောက်ခြင်း၊

၈။ လျင်မြန်စွာ စိတ်တည်ကြည်ခြင်း၊

၉။ မျက်နှာအဆင်း ကြည်လင်ခြင်း၊

၁၀။ မတွေမဝေဘဲ သေရခြင်း၊

၁၁။ မဂ်ဖိုလ်ကို မရသေးသည်ရှိသော် ဗြဟ္မာပြည်သို့ လားရောက်ရခြင်းတို့ ဖြစ်ပါသည်။

"ကရဏီယ မတ္ထကုသလေန" ဂါထာသည် မေတ္တာဘာဝနာပွားများသောပုဂ္ဂိုလ် လိုက်နာရမည့် စည်းကမ်းများဖြစ်ပါသည်။
"သက္ကော" အရ မေတ္တာပွားမည့်သူသည် စွမ်းနိုင်သူ ဖြစ်ရပါမည်။ စွမ်းနိုင်ခြင်းဆိုသည်မှာ ပဓာနိယင်္ဂငါးပါးနှင့် ပြည့်စုံရမည်ဟု ဆိုလိုပါသည်။

ပဓာနိယင်္ဂငါးပါးမှာ
သဒ္ဓါတရားရှိရမည်၊
လုံ့လဝီရိယရှိရမည်၊
ကျန်းမားရေးကောင်းရမည်၊
ရိုးသားရမည်၊
ပညာနှင့်ပြည့်စုံရမည် ဟူ၏။

"ဥဇူ စ သုဟုဇူစ"ဆိုသည်မှာ ကိုယ်အမူအရာ နှုတ်အမူအရာ ရိုးသားခြင်းကို ဥဇုဟုခေါ်၍ စိတ်နှလုံးရိုးသားခြင်းကို သုဟုဇူဟု ခေါ်ပါသည်။

ရိုးသားခြင်းဆိုသည်မှာ မာယာ သာဌေယျ မရှိခြင်းကို ဆိုပါသည်။ မာယာဆိုသည်မှာ လှည့်ပတ်ခြင်းဖြစ်ပြီး သာဌေယျမှာ မိမိမရှိသည်ကို ရှိသယောင် ကြွားဝါခြင်းဖြစ်သည်။

"သုဝစော"အရ ပွားများမည့်သူသည် ဆိုဆုံးမလွယ်ရမည်။ သို့မှသာ တစ်ဖက်သား စိတ်ချမ်းသာမည်။

ထို့နောက် "မုဒု"နုညံ့သိမ်မွေ့ရပါမည်။

နောက်ပြီးမေတ္တာပွားမည့်သူသည် "အနတိမာနိ" မာနမကြီးရမည်။ ကိုယ့်ကိုယ်ကိုယ် နှိမ့်ချနေရမည်။

နောက်ပြီး "သန္တုဿကော" ရောင့်ရဲရမည်။
ရောင့်ရဲသည်ဟု ဆိုရာတွင် တချို့က တိုးတက်မှုကို အဟန့်အတားဖြစ်စေသည်ဟု ဆိုကြသည်။ နားလည်မှုလွဲခြင်းသာဖြစ်သည်။ ရောင့်ရဲသည်ဟုဆိုရာတွင် မိမိပိုင်ဆိုင်နေသည့်အရာများကို ရောင့်ရဲခြင်း ဇီဇာမကြောင်ခြင်းကို ဆိုလိုသည်။

"ရောင့်ရဲသောသူသည် သုဘရော" အသက်မွေးလွယ်ရမည်။

ထို့နောက် "အပ္ပကိစ္စ"နည်းသောကိစ္စ ဖြစ်ရမည်။

ထို့နောက် "သလ္လဝုကဝုတ္တ"ဟုခေါ်သော ဘဝကို ရိုးသားစွာ simple life ဖြင့် ဖြတ်သန်းရမည်။

"သန္တိနြန္ဒိယ" ငြိမ်သက်သောဣန္ဒြေရှိရမည်။

"အပ္ပဂမ္ဘ" သူတစ်ပါးကို ကိုယ်အားဖြင့်နှုတ်အားဖြင့် မတိုက်ခိုက်ခြင်းတို့ကို လိုက်နာ၍ပညာရှိတို့ကဲ့ရဲ့အပ်သော အမှုများကို ရှောင်ကြဉ်ရမည်။

ထိုအချက်များသည် မေတ္တာပွားမည့်သူ၏ လိုက်နာရမည့်စည်းကမ်းများဖြစ်သည်။

ထို့နောက်မေတ္တာပွားနည်း ၁၁နည်း ဒုကနည်း တိကနည်းဖြင့်ဟောကြားပါသည်။

(၃)

၁။"လုံးစုံများစွာ သတ္တဝါ၊ ချမ်းသာကိုယ်စိတ် မြဲပါစေ၊ ဥပါဒ်ရန်ဘေး ကင်းစင်ဝေး ငြိမ်းအေးကြပါစေ။

၂။ "ကြောက်တတ်၊ မကြောက်တတ် နှစ်ရပ်များစွာ သတ္တဝါ ချမ်းသာကိုယ်စိတ် မြဲပါစေ၊ ဥပါဒ်ရန်ဘေး ကင်းစင်ဝေး ငြိမ်းအေးကြပါစေ"
ကြောက်တတ်သောသတ္တဝါဆိုသည်မှာ ပုထဇဉ်များကို ရည်ရွယ်၍ မကြောက်တတ်သောသတ္တဝါမှာ အရိယာများကို ဆိုလိုပါသည်။

၃။"မြင်အပ်မမြင်အပ် နှစ်ရပ်များစွာသတ္တဝါ ချမ်းသာကိုယ်စိတ် မြဲပါစေ၊ ဥပါဒ်ရန်ဘေး ကင်းစင်ဝေး ငြိမ်းအေးကြပါစေ"

၄။"ဝေးနေနီးနေ နှစ်ထွေများစွာသတ္တဝါ ချမ်းသာကိုယ်စိတ် မြဲပါစေ၊ ဥပါဒ်ရန်ဘေး ကင်းစင်ဝေး ငြိမ်းအေးကြပါစေ"

၅။"ဘဝဇာတ်ဆုံး မဆုံးများစွာသတ္တဝါ ချမ်းသာကိုယ်စိတ် မြဲပါစေ၊ ဥပါဒ်ရန်ဘေး ကင်းစင်ဝေး ငြိမ်းအေးကြပါစေ"
ဘဝဇာတ်ဆုံးသောသတ္တဝါဆိုသည်မှာ အရိယာများကိုဆိုလို၍ မဆုံးသောသတ္တဝါများမှာ ပုထုဇဉ်များကို ဆိုလိုပါသည်။

၆။"ရှည် တို အလတ် သုံးရပ်ခန္ဓာသတ္တဝါ ချမ်းသာကိုယ်စိတ် မြဲပါစေ၊ ဥပါဒ်ရန်ဘေး ကင်းစင်ဝေး ငြိမ်းအေးကြပါစေ"
ရှည်သောသတ္တဝါဆိုသည်မှာ နဂါး၊ မြွေတို့ကို ဆိုလိုပါသည်။

၇။"ကြီးငယ်အလတ် သုံးရပ်ခန္ဓာသတ္တဝါ ချမ်းသာကိုယ်စိတ် မြဲပါစေ၊ ဥပါဒ်ရန်ဘေး ကင်းစင်ဝေး ငြိမ်းအေးကြပါစေ"
ကြီးသောသတ္တဝါဆိုသည်မှာ တန်ခိုးကြီး၍ ခန္ဓာကိုယ်ကြီးမားသောအသူရိန်နတ်ကဲ့သို့သောနတ်များကို ဆိုလိုပါသည်။

၈။"ဆူ ကြုံ အလတ် သုံးရပ်ခန္ဓာသတ္တဝါ ချမ်းသာကိုယ်စိတ် မြဲပါစေ၊ ဥပါဒ်ရန်ဘေး ကင်းစင်ဝေး ငြိမ်းအေးကြပါစေ"
ထို့နောက် ဘုရားရှင်သည် လူပုဂ္ဂိုလ်များ၏အကျိုးစီးပွားကို တိုးတက်စေလိုခြင်း ဆင်းရဲကို ပပျောက်ခြင်း အလို့ငှာ နောက်သုံးချက်ကို ဟောတော်မူပါသည်။

၉။"လူအချင်းချင်း လှည့်ပတ်ခြင်း ကင်းရှင်းကြပါစေ"

၁၀။"အထင်သေးခြင်း အချင်းချင်း ကင်းရှင်းကြပါစေ"

၁၁။" ဆင်းရဲလိုခြင်း အချင်းချင်း ကင်းရှင်းကြပါစေ"

ထို၁၁နည်းကို အဖန်တလဲလဲ အကြိမ်များစွာ ပွားများ ဆင်ခြင်ရပါမည်။ ထို့နောက် ထားရမည့်စိတ်ထားကို ဆက်လက်ဟောတော်မူပါသည်။
(၄)

မြတ်စွာဘုရားရှင်သည် "မာတာ ယထာ နိယံပုတ္တ"ဂါထာကို ဟောတော်မူပါသည်။
မိခင်သည် တစ်ဦးတည်းသောသား၏ဘေးရန်ကို အသက်နှင့်လဲ၍ ကာကွယ်၍အကျိုးစီးပွားကို ဆောင်ရွက်သကဲ့သို့ မေတ္တာဘာဝနာပွားများသူသည် သတ္တဝါအကျိုးကို ဆောင်ရွက်ရမည်ဟု ဆိုပါသည်။

ထို့နောက် "တိဋ္ဌံ စရံ နိသိန္နော"ကို ဟောတော်မူပါသည်။ တချို့လူများသည် မေတ္တာပွားရာတွင် ထိုင်ရပ်သာပွားကြသည်။ မြတ်စွာဘုရားက မေတ္တာပွားသူသည် မတ်တပ်ရပ်လျက်လည်း ပွားရမည်။ လမ်းသွားရင်းလည်း ပွားရမည်။ ထိုင်လျက်လည်း ပွားရမည်။ အိပ်လျက်လည်း ပွားရမည်ဟု ဆိုပါသည်။

ထိုသို့ မေတ္တာဘာဝနာ ပွားများ၍နေသူကို မြတ်သောနေခြင်းဟု မြတ်စွာဘုရားရှင်က ဟောပါသည်။
မေတ္တာဘာဝနာပွားများသူသည် ရှေးဦးစွာ ယောက်ျားအချင်းချင်း မိန်းကလေးအချင်းချင်းသာ အရင်ဆုံးပွားရပါမည်။ အဘယ့်ကြောင့်ဆိုသော် မေတ္တာ၏အနီးကပ်ရန်သူမှာ တဏှာဖြစ်၍ ဆန့်ကျင်ဘက်အပေါ် မေတ္တာနှင့်ရာဂ ရောထွေးသွားနိုင်သောကြောင့် ဖြစ်၏။

မိမိ၏မေတ္တာ ပြည့်ဝမှုရှိမရှိကို လူလေးမျိုးနှင့် စမ်းသပ်နိုင်ပါသည်။ လူလေးမျိုးဆိုသည်မှာ မိမိ၊ မိတ်ဆွေ၊ ရန်သူ၊ မိမိနှင့်မသိသူတို့ဖြစ်သည်။ ထိုလေးယောက်တို့အပေါ် တစ်သားတည်းထားနိုင်လျှင် မိမိ၏ မေတ္တာသည့် ပြည့်ဝသည်ဟု ပြောနိုင်ပါသည်။
မေတ္တာဘာဝနာကို ပွားများပြီးနောက် ကမ္မဋ္ဌာန်းသို့ ပြောင်းလဲမှုသ်စေလို၍ ဘုရားရှင်က " ဒိဋ္ဌဉ္စ အနုပဂမ္မ"ကို ဟောတော်မူပါသည်။

ကမ္မဋ္ဌာန်းပွားများသောအခါ ရှေးကပွားသည့် သတ္တဝါတည်းဟူသော ပုဂ္ဂိုလ်ပညတ်ကို ခွာရပါမည်။ မိမိ၏စိတ်သည် ရုပ်နာမ်ကိုသာ အာရုံ ပြုရပါမည်။ ထိုသို့ သတ္တဝါပညတ်တည်းဟူသောအမြင်ကို ခွာခြင်းကို ဒိဋ်ဌ်စ အနုပဂမ္မ ဟုခေါ်ပါသည်။ ထို့နောက် အရိယာသီလကို ဖြည့်ကျင့်ပြီးနောက် သောတပန်ဖြစ်သွားသည်ကို "သီလဝါ ဒဿနေန သမ္မန္နော"ဟု ဆိုပါသည်။ ထို့နောက် ကာမဂုဏ်တရားများ ပယ်သွား ခြင်းအနာဂါမ် ဖြစ်သွားသည်ကို "ကာမေသု ဝိနယ ဂေဓံ"ဟု ဆိုပါသည်။ နောက်ဆုံးတွင် ရဟန္တာဖြစ်သွားခြင်းကို "န ဟိ ဇာတုဂဗ္ဘသေယျ"ဖြင့် နိဂုံးချုပ် ဟောကြားထားပါသည်။

မေတ္တသုတ်ဆိုသည်မှာ ရွတ်ဖတ်ခြင်းထက် ပွားများခြင်းသည် ပိုအကျိုးများပါ၏။ မေတ္တာဘာဝနာပွားများ၍နေသူကို မြတ်သောနေခြင်းဟု ဆိုပါသည်။ သို့ဖြစ်၍ခက်ခဲသော ဤကာလတွင် မေတ္တာဘာဝနာ ပွားများရင်း မြတ်သောနေခြင်းဖြင့် နေနိုင်ကြပါစေ။ ။

#အရှင်ပဏ္ဍိတ (ဆားလင်းကြီး)

09/06/2022

#ဒိဝါတပတိသဗ္ဗမင်္ဂလာဂါထာတော်

၁။ ဒိဝါ တပတိ အာဒိစ္စော၊
ရတ်တိမာဘာတိ စန်ဒိမာ။
သန္နဒ္ဓေါ ခတ္တိယော တပတိ၊
စျာယီ တပတိ ဗြာဟ္မဏော။

၂။ အထ သဗ္ဗမဟောရတ္တိံ၊
ဗုဒ္ဓေါ တပတိ တေဇသာ။

အနက် –

၁။ အာဒိစ္စော၊ ရောင်ခြည်တစ်ထောင် အလင်းဆောင်သည့် ၀င်းပြောင်ထိန်လင်း ရှင်နေမင်းသည်။ ဒိဝါ၊ အာရုံဏ်ကျင်း၍ အလင်းရောက်လာ နေ့အခါ၌သာလျှင်။ တပတိ မိုက်မှောင်ကို ဖျောက် တန်ခိုးမောက်၍ ရဲစိတ်ရောက်စေ ထွန်းတောက် တင့်တယ်နိုင်ပေ၏။ စိန္ဒိမာ၊ ဆီးနှင်း မြူ တိမ် သူရိန် မီးခိုး ညစ်မျိုးကင်းမဲ့ စိမ်းလဲ့လျှံခြယ် ရောင်ခြည်ကယ်၍ ရှုဖွယ်မခန်း သော်တာစန်းသည်။ ရတ္တိံ၊ နေမင်းစကြာ ဂေါယာသို့ကြွ အမှောင်ကျလာ ညဉ့်အခါ၌သာလျှင်။ အာဘာတိ၊ တလဲ့လဲ့၀င်း တလင်းလင်းဖြာ အေးကြည်သာလျက် ကမ္ဘာ့ကျက်သရေ တင့်တင်တောက်ပနိုင်ပေ၏။ ခတ္တိယော၊ တိုင်းနှင့် ခရိုင် နိုင်ငံစိုးနင်း ပြည့်ရှင်မင်းသည်။ သန္နဒ္ဓေါ၊ မင်းတို့ဖွယ်ရာ မြတ်တန်ဆာကို ကောင်းစွာဆင်ယင် လေးအင်သေနာ ခြံရံသည်ရှိသော်။ ဝါ၊ ခြံရံမှ သာလျှင်။ တပတိ၊ မျိုးဇာတ်မဟာ ဗြာဟ္မဏာနှင့် ဥစ္စာပေါများ လုပ်စားကုန်သည် လူတို့အလယ်၌ ရာဇိဒ္ဓိခေါ် အာနုဘော်ဖြင့် ထွန်းပေါ်တင့်တယ်နိုင်ပေး၏။ ဗြာဟ္မဏော၊ ပါပသမုတ် ဓမ္မယုတ်ကို သမုစ္ဆေဒ ပဟာနဖြင့် ပယ်ချရိတ်လှီး ဂုဏ်ဟည်းကြေညာ ရဟန္တာပုဂ္ဂိုလ်သည်။ စျာယီ၊ ဂိုဏ်းကိုပယ်ခွာ ဖော်မပါဘဲ တော်ရာချဉ်းကပ် မြတ်ဓမ္မဖြင့် နေ့ညမကွာ ၀င်စားကာ နေသည်ရှိသော်။ ဝါ၊ စျာန်၀င် စကားကာနေမှသာလျှင်။ တပတိ၊ ရဟန်းတို့အသရေ တင့်တယ်တောက်ပနိုင်ပေ၏။

၂။ အထ၊ ဆိုခဲ့ပြီးတုံ အလုံးစုံမှ တစ်ပါး။ ဝါ နေ လ ရာဇာ ဗြာဟ္မဏာထက် ပိုကဲသာလွန် ထူးချွန်ဟန်ကား။ ဗုဒ္ဓေါ၊ သစ္စာလေးပါး မြတ်တရားကို ပိုင်းခြားသိမြင် ဘုရားရှင်သည်။ သဗ္ဗမဟောရတ္တိံ၊ ခပ်သိမ်းဥဿုံ အလုံးစုံသော နေ့ညဉ့်ပတ်လုံးသာလျှင်။ တေဇသာ၊ လေးအသင်္ချေနှင့် ကမ္ဘာတသိန်း တွက်ကိန်းများပြား ပွားများအလီလီ ပါရမီသမုဋ္ဌာန် အကြောင်းခံသည့် သီလဂုဏာ ပညာပုည မြတ်ဓမ္မဟု ငါးဝသော တန်ခိုးတော်ဖြင့်။ တပတိ၊ တစ်လောကလုံး ဖက်မဲ့ကျုံး၍ မဆုံး အသရေ ရောင်ခြည်ထွေဖြင့် တင့်တယ်တောက်ပတော် မူပေသတည်။ တာဒိသံ၊ ဝိပဿီစသား ရှေးဘုရားတမူ အလာတူတော်မူသော၊ တေဇသမ္ပန္နံ၊ နေ့ညဉ့်မညိုး တောက်ပဖြိုးသည့် တန်ခိုးငါးပုံ အနန္တဂုဏ်နှင့် ပြည့်စုံတော်မူသော။ ဗုဒ္ဓံ၊ သစ္စာလေးပါးမြတ်တရားကို ပိုင်းခြားသိမြင် ဘုရားရှင်ကို။ အဟံ၊ သံသရာစက် ဤမှာဘက်မှ လွတ်ထွက်ဖို့ရန် စိတ်ရည်သန်လျက် မပျက်ပုည ကုသလကို နေ့ညမကွာ လွန်စွာအားထုတ် အကျွန်ုပ်သည်။ သဗ္ဗဒါ၊ နေ့ရောညဉ့်ပါ ဘယ်ခါမလပ် အထပ်ထပ် အခါခါ။ ၀န္ဒာမိ၊ ဘယာ လာဘ စသည် ပယ်ချိုး ဂုဏ်မြတ်နိုးကာ သဒ္ဓါရိုးကျိုး လက်စုံမိုး၍ ရှိခိုးပါ၏ အရှင်ဘုရား။

ဤဂါထာ ဖြစ်ပေါ်လာသော အကြောင်းရင်းကား

တရံရောအခါ ဘတိက မင်းကြီးသည် မင်းရင်ပြင်၌ ပူဇော်ပွဲ တခုကို ဆင်ယင်ကျင်းပသော အခါ မင်းဆရာဖြစ်သော ပညာရှိအမတ်ကြီးကို ခေါ်ပြီးလျှင် အို-ဆရာ ရတနာသုံးပါးနှင့် ပတ်သက်သော အလုံးစုံကို အောင်စေနိုင်သော သဗ္ဗသိဒ္ဓိ မင်္ဂလာဂါထာကို ရွတ်ဆိုစမ်းပါ ဟု စေခိုင်းတော်မူလေသည်။ ထိုအခါ မင်းဆရာ ပညာရှိ အမတ်ကြီးသည် ပိဋိကတ်သုံးပုံ၌ မိမိဥာဏ်စွမ်းရှိသလောက် မွှေနှောက် ရှာဖွေလိုက်သည်ရှိသော ဖော်ပြပါ ဒိဝါတပတိ အာဒိစ္စော စသော ဂါထာပုဒ်ကို တွေ့ရှိသဖြင့် မင်းကြီးအား ရွတ်ဆိုပြလိုက်လေသည်။

ရွတ်ဆိုပုံ အစီအစဉ်ကား

အမတ်ပညာရှိသည် အနောက်ဂေါယာသို့ ၀င်လုနီးဖြစ်သော နေမင်းကြီးအား ရှိခိုးလျက် ဒိဝါ တပတိ အာဒိစ္စော ဟူသော ပထမပါဒကို ရွတ်ဆိုပြလိုက်လေသည်။ ထို့နောက် အရှေ့ဦးဒည်စွန်းမှ ထွက်ပြူလာသော လမင်းကြီးအား ရှိခိုးလျက် ရတ္တိမာဘာတိ စန္ဒိမာ ဟူသော ဒုတိယပါဒကို ဒုတိယအကြိမ် ရွတ်ဆိုပြလိုက်ပြန်သည်။
ထို့နောက် ဘာတိက မင်းကြီးအား ရှိခိုးလျက် သန္နဒ္ဓေါ ခတ္တိယော တပတိ ဟူသော တတိယပါဒကို သုံးကြိမ်မြောက် ရွတ်ဆိုပြလိုက်ပြန်သည်။ ထို့နောက် အနီးမှာ စျာန်၀င်စားနေသော ရဟန်းတော်များအား လက်အုပ်ချီမိုး ရှိခိုးလျက် စျာယီ တပတိ ဗြာဟ္မဏော ဟူသော စတုတ္ထပါဒကို လေးကြိမ်မြောက် ရွတ်ဆိုပြလိုက်ပြန်သည်။
ထိုအခါ ဘာတိက မင်းကြီးသည် ပညာရှိအမတ်အား အို ဆရာပညာရှိ အမတ်ကြီး လက်အုပ်ချီမိုး ရှိခိုးမြှောက်ချီထားသော လက်ကို အောက်သို့ ပြန်ပြီး မချပါနှင့်ဦး ဟု ပြောဆိုပြီး ဥာဏ်ပူဇော်သော အနေဖြင့် ထိုပညာရှိ အမတ်ကြီးလက်၌ အသပြာတစ်ထောင်ထုပ်ကို တင်ထားလိုက်လေသည်။

(နိဒါန ၀ဂ္ဂသံယုတ် အဠကတာ၊ ဘိက္ခသံယုတ်၊ မဟာကပ္ပိနသုတ်။)
မြတ်ဗုဒ္ဓ၏သာသနာ
🍂🌹🍂🌹🍂🌹🍂🌹🍂🌹🍂🌹

#ကောင်းကျိူးလိုရာပြည့်ကြပါစေ
Crd;

03/09/2021

သိကြားမင်း သက်စောင့်ဂါထာ (သို့မဟုတ်)
ဝေ ဒါ သာ ကု ဂါထာတော်ကြီး
--------------------------------------------------------------------------
Credit တောင်တွင်းကြီး မဟာတံခွန်( Eng)
***************************************

ထိုစာလုံးများမှာ အနက် အဓိပ္ပာယ်များစွာရှိပါတယ်၊ ဝေဒါသာကု ဂါထာပြန်လို့လည်း ခေါ်ကြသလို….သိကြားမင်းသက်စောင့်ဂါထာ လို့လည်း ခေါ်ကြပါတယ်၊

အာဏာစက် အလွန်ပြင်းထန် သော ဂါထာတော်မြတ်ဖြစ်သဖြင့််အတိတ် ဘဝတွေတုန်းက မိမိတို့ ပြုခဲ့ဖူးတဲ့ ဒါနပါရမီ ကုသိုလ် ကောင်းမှုတွေကို သစ္စာပြု တိုင်တည်ပြီး ရန်အပေါင်းကိုအောင်မြင်စေပါတယ်။

မိမိအပေါ် မကောင်းကြံသူ၊ မတရားအနိုင်ကျင့်သူ ..လူများ၊ ဆရာဆိုးများ၊ နတ်ဆိုးများကို တန်ပြန် ဒဏ်ပြန်ထိခိုက်စေပါတယ်။ ဂါထာရဲ့ အဓိက အကျိုးပေးက ရန်အပေါင်းကို အောင်မြင်တာဖြစ်ပါတယ်။

အသံပြင်းပြင်း နဲ့ ပီပီ သသ၊ အဖြတ် အတောက် မှန်မှန် ရွတ်ဆိုပေးကြပါ၊ ရွတ်ဆိုရလွယ်ကူတဲ့ ဂါထာလေးမို့
များများ ရွတ်ဖို့လိုပါမယ်၊ အောင်မြင် ကျော်ကြား ကြီးမြင့်လာသူ တော်တော်များများ ရဲ့ နောက်ကွယ်အတိတ် ကံ အကျိုးပေးတွေ အပြင် ပုံမှန်လက်စွဲထား ရွတ်ဆိုလေ့ရှိတဲ့ ဂါထာတော်မြတ် တွေရဲ့ အကျိုးပေးတွေပါ ပါဝင် နေတတ် ပါတယ်။

🙏ဝေဒါသာကုဂါထာတော်ကြီး🙏

🌸မြန်မာပြန်🌸

ဝေ – ငါ၏ရန်သူ ဟူသမျှ တို့သည်။ ဒါ – ဝေးစွာ အရပ်သို့။ သာ – လျှင်စွာ။ ကု – ပြေးစေကုန် သတည်း။

ကု – ငါ့အား မကောင်းသဖြင့် ကြံကုန် သူတို့သည်။ သာ – မိမိအလိုလို။ ဒါ – အကြံအစည် ပျက်သော အားဖြင့်။

ဝေ – ပျောက်စေကုန်သည်။ ဒါ – ငါ၏စေတနာကြောင့််။ယသာ – အခြံအရံ အကျော် အစော တို့သည်။

ဒ – ပွားများပါစေကုန်သတည်း။ ဒသာ – ငါပြုမိသော အကုသိုလ် ဆယ်ပါးတို့သည်။ ယ – ငါပြုမိသမျှသော ကုသိုလ်ဆယ်ပါး၏ တန်ခိုးတော်ကြောင့် ။

ဒါ – ပြေပျောက်စေကုန် သတည်း။ သာ – စက်ဆုပ်ဖွယ်သော သူတို့အား လည်းကောင်း။ သာ – အမျက်မာန ဒေါသရှိသော သူတို့အား လည်းကောင်း။

ဓိ – ဆုံးမ သြ၀ါဒပေးခြင်းဖြင့််သာလျှင်။ ကု – အောင်မြင်စေသတည်း။ ကု – ထိုသို့သော အမျက်မာန မာန်တက်သူတို့နှင့် ။

ဓိ – ရှည်မြင့်စွာ။ သာ – မပေါင်းဖော်ရသည်။ သာ – ဖြစ်ပါ စေသတည်း။

ကု – ကုသိုလ်စရိုက် ပြုကျင့်လေ့ရှိသော။ ဒ – သူတော်ကောင်း တို့နှင့် သာလျှင်။ ကု – ဖြစ်လေရာ သံသရာ ဘ၀ အဆက်ဆက် ၌။

ဘု – တွေ့ဆုံပေါင်းဖော်ခြင်းကို ပြုရစေသတည်း။ ဘု – အကုသိုလ် စရိုက်ပွားများ သူတို့နှင့်။ ကု – ဖြစ်လေရာ ဘ၀သံသရာ အဆက်ဆက်၌။

ဒ – အခါခပ်သိမ်း။ ကု – တွေ့ဆုံပေါင်းဖော်ခြင်း မပြုရ သည် ဖြစ်ပါစေသတည်း။

☘️ပြန်လည်မျှဝေဓမ္မဒါနပြုပါတယ်☘️

17/01/2021

ကျောင်းသား/သူများ အားလုံး
မိမိ ရရှိသည့် ရမှတ်များနှင့်အတူ
အကောင်းဆုံးဘဝရှေ့ခရီးကို
တက်လှမ်းနိုင်ကြပါစေ။

ဘဝက အခုမှ စမှာမို့
မှန်ကန်သော ရွေးချယ်မှုပေါ်တွင်
လျောက်လှမ်းနိုင်ပါစေလို့ ဆုမွန်ကောင်း
တောင်းပေးလိုက်ပါတယ်။

အဓိက နဲ့ သာမည ကို ခွဲမြင်နိုင်ပါစေ။
ပကာသန နဲ့ သဘာဝ ကို ခွဲခြားတတ်ပါစေ။

တဒင်္ဂ နဲ့ ထာဝရ ကို သိမြင်နိုင်ပါစေ...

13/06/2020

ကြိုးစားဖြေဆိုခဲ့ကြသောတက္ကသိုလ်ဝင်တန်း
ကျောင်းသား/သူများ အားလုံး ‌ထူးချွန်စွာအောင်မြင်ကြပါစေ။
အားလုံးပျော်ရွှင်နိုင်ကြပါစေ။ ။

07/06/2020

စာစစ်ကြသူ
ဆရာ/မအပေါင်း
အေးချမ်းသာယာ
ဘေးရောဂါကင်းကွာ ကျန်းမာကြပါစေ။ ။ KZH

06/06/2020

တွေ့မိတဲ့ သတင်းလေးတစ်ခုပါ။
Copy. ယူလာတာပါ၊ Crd :ပေးပါတယ်။
🏵️🏵️🏵️🏵️🏵️🏵️🏵️🏵️🏵️🏵️🏵️🏵️🏵️🏵️
ကျောင်းကို ဒီလို ဖွင့်ပါမယ်
အချို့ Plan A
အချို့ Plan B
အချို့ Plan C
အချို့ Plan D

နေပြည်တော်၊ ဇွန် - ၅

အခြေခံပညာကျောင်းများအားကျောင်ဖွင့်ရန်(A-Group,B-Group,C-Group,D-Group)ပုံစံ(၄)မျိုးနှင့်လျာထားကြောင်းဒုတိယညွန်ကြားရေးမှူးချုပ်၊ဒေါက်တာဦးတင်မောင်ဝင်း မှပြောပါတယ်။

"ပြည်ထောင်စုဝန်ကြီးဦးဆောင်ပြီးတော့မှတစ်နိုင်ငံလုံးမှာရှိတဲ့ ကျောင်းပေါင်း ၄၇၀၀၀ ကျော်ရဲ့အခြေအနေကို တစ်ကျောင်းချင်းစီပြန်ကြည့်ပါတယ်။

နံပါတ်တစ်-ကျောင်းသား
နံပါတ်နှစ်- ဆရာဆရာမ
နံပါတ်သုံး-စာသင်ခန်း
နံပါတ်လေး-စာသင်ခုံ

အရေအတွက် အားလုံးအကုန်လုံးကို တစ်ကျောင်းချင်းစီကို စိစစ်ပြီးတော့မှဘယ်ကျောင်းဟာ ဘယ်လိုပုံစံနဲ့ဖွင့်နိုင်မလဲဆိုတာကို ပုံစံလေးမျိုးနဲ့ လျာထားတာရှိပါတယ်။

(A-Group)
-----------------
မှာ ပါတဲ့ကျောင်းတွေကတော့ဘာမှပြောင်းလဲစရာမလိုဘူးပုံမှန်ဖွင့်နိုင်တဲ့ ကျောင်းတွေပါ၊ဒါကကျောင်းသားအရေအတွက်အရမ်းနည်းတယ်။
ဆရာဆရာမအရေအတွက်လည်း လုံလုံလောက်လောက်ရှိတယ်။
စာသင်ခုံစာသင်ခန်းကလည်း လုံလုံလောက်လောက်ရှိတယ်။
ဒီလို ကျောင်းမျိုးပါ။

(B-Group)
---------------
အနေနဲ့ကတော့ တစ်ပတ်ခြား တက်ရပါမယ်၊(ဥပမာ)
အခုဖွင့်မယ့် grade 11,grade10 ဆိုရင် grade 10ကိုဒီတစ်ပတ် တက်ပြီး တော့ grade 11ကနားနေပါမယ်၊
နောက်တစ်ပတ်မှာ grade 11ကတက်ပြီးတော့ grade 10ကနားနေပါမယ်။
ကျောင်းသူကျောင်းသားအရေအတွက် ဆရာဆရာမအရေအတွက် စာသင်ခန်းစာသင်ခုံအရေအတွက်ပေါ် မှာမူတည်ပြီးတော့ ဒါတွေကိုစဉ်းစားမှာပါ။

(C-Group)
-----------------
မှာတော့ နံပါတ်တစ်-တစ်ပတ်လည်းခြားရမယ်။ နှစ်သုတ်လည်း တက်ရမယ်။တချို့ကျောင်းတွေမှာပါ။

( D-Group)
-----------------
ကတော့ (A)ရော(B)ရော (C)ရောမှာ ဘယ်လိုမှမဖြစ်တော့ရင်
(D)ဂရုမှာက တစ်ပတ်ခြားလည်းတက်ရမယ်၊နှစ်သုတ်လည်းတက်ရမယ်၊ တစ်ပတ်မှာ ၃ရက်ပဲတက်ရမှာ ဖြစ်ပါတယ်၊

ဝါတွင်းကာလဖြစ်တဲ့အတွက်
တနင်္ဂနွေနေ့ သို့မဟုတ်ဥပုသ် တစ်ရက်ပိတ်ပြီး ကျန်တဲ့၆ရက်မှာ ၃ရက်တက်မယ် သုံးရက်နားမယ်၊ ဒါတင်မဟုတ်သေးဘူး။ တစ်ပတ်လည်းခြားမယ်၊နှစ်သုတ်လည်း ခွဲရမယ်၊သုံးရက်ပဲ တက်ရမယ် ဆိုတဲ့ကျောင်းမျိုးတွေလည်း ရှိပါတယ်၊အင်မတန်အရေအတွက်နည်း ပါတယ်။

ပညာရေးဝန်ကြီးဌာနအနေနဲ့ ၆ ကြိမ် ရှိပြီညှိနှိုင်းထားတာ။
ကျောင်းတစ်ကျောင်းချင်းစီကကိုယ့်ကျောင်းနဲ့ အဆင်ပြေမယ့်နည်းလမ်းကို ရွေးကြ ရပါတယ်။

အခြေခံပညာအဆင့်သင်ကျောင်းတွေအားလုံးပါပါတယ်။အစိုးရ ကျောင်းတွေအပြင်ပုဂ္ဂလိကကျောင်းတွေဘကကျောင်းတွေလည်း အစိုးရကျောင်းတွေနည်းတူ ကျန်းမာရေးနဲ့ အားကစားဝန်ကြီးဌာနရဲ့ သတ်မှတ်ထားတဲ့စည်းမျဉ်းစည်းကမ်းတွေအတိုင်းပဲ လိုက်နာပြီးဖွင့်လှစ်သွား မှာဖြစ်ပါတယ်။

တချို့ကျောင်းတွေမှာ တစ်ပတ်ခြားတက်ရမယ်ဆိုရင်အိမ်မှာနေတဲ့ တစ်ပတ်မှာဘာလုပ်ကြမလဲဆိုတဲ့ ကိစ္စရှိပါတယ်။
ဒါကိုလည်း လွပ်လပ်စွာဆုံးဖြတ်လို့ရပါတယ်။

အခြေခံပညာကျောင်းတွေတင်မကဘူး ပုဂ္ဂလိကကျောင်းတွေရော
ဘကကျောင်းတွေရောကိုယ့်နည်းကိုယ့်ဟန်နဲ့လွတ်လပ်စွာ ဆောင်ရွက်လို့ရပါတယ်။

အွန်လိုင်းနဲ့လည်းပေးလို့ရတယ်။off-line နဲ့လည်းပေးလို့ရတယ်။မိဘတွေရဲ့ပံ့ပိုးမှုကတော့အများကြီးလိုတာပေါ့...

ဟု ဒုတိယညွန်ကြားရေးမှူးချုပ် ဒေါက်တာတင်မောင်ဝင်း မှပြောပါတယ်။

နိုင်ငံပိုင်လုပ်ငန်းမှတ်ပုံတင်ရှိသောပုဂ္ဂလိကလုပ်ငန်းရှင်များကိုယနေ့မွန်းလွဲပိုင်းကနေပြည်တော်၊ဇမ္မူသိရိမြို့နယ်၊အမှတ်(၅)အခြေခံပညအထက်တန်းကျောင်းတွင် ပစ္စည်းပုံစံများနှင့်ပတ်သက်၍ ရှင်းလင်းပွဲတွင် ပြောကြားခဲ့ခြင်းဖြစ်ပါတယ်။

Source; နေပြည်တော်သတင်း

03/06/2020

2016 က စတင်ပြီး
စိတ်ကူးပေါ်ရာ အကြောင်းအရာလေးတွေ
ရေးမယ်ဆိုပြီး
မလုပ်တတ်လုပ်တတ်နဲ့
စဖွင့်ခဲ့တဲ့ page လေးပါ။(ခုထိလည်း သိပ်မလုပ်တတ်သေးပါဘူး☺️)
ပညာရပ်အကြောင်းအရာ‌တွေရေးမှာ မဟုတ်ပါဘူး။
ပညာရှင် လည်း မဟုတ်ပါဘူး။

ကိုယ့် page လေးကို ပြန်ကြည့်ရင်း
အတွေးတစ်ခုပေါ်လာတယ်။

တစ်ချို့ ကိစ္စတွေက လုပ်မယ်ဆိုပြီး
မဖြစ်မြောက်တာတွေ ရှိသလို ...
‌တစ်ချို့ကိစ္စတွေကျတော့ ကြိုပြီး မစဉ်းစားထားပေမယ့် ဖြစ်မြောက်သွားတတ်တာတွေ ရှိပါတယ်။

အဲ့ဒါ ဘာကြောင့်ပါလဲ ?

🏵️🏵️🏵️🏵️🏵️🏵️🏵️🏵️🏵️🏵️🏵️🏵️🏵️🏵️
စကားမစပ်
သည်page လေးကို 4 နှစ်ကျော်ကြာပြီးမှ
Facebook က friend အားလုံးကို
invite နှိပ်လိုက်မိလို့ အမြင်မတော် စိတ်အနှောင့်အယှက်ဖြစ်ရင် ကျော်သွားပေးပါလို့ 😍😃
နောက်မှ ကျွန်တော် ပေါက်ကရ တင်သမျှ
Like ပေးနေရရင် အကုသိုလ်များမှာ စိုးလို့ပါ 😁😄

28/05/2020

ဖြေလျော့ပေးသော်လည်း သတိရှိရှိဖြင့်
သွားလာနေထိုင်ကြစေချင်ပါသည်။

မမြင်ရတဲ့ ကူးစက်လွယ်/မြန် ‌ကပ်ရောဂါမို့
သတိဆိုတာ ပိုသည်မရှိနိုင်ပါ။

မြန်မာနိုင်ငံသား အားလုံး အေးချမ်းပျော်ရွှင်ကြပါစေ။

Photo , Crd #

23/05/2020

ကိုဗစ် ကင်းစင်၍
ကျောင်းသား/သူများ
ပျော်ရွှင်စွာ
ပြန်လည် ကျောင်းတက်နိုင်ကြပါစေ။

09/04/2020

အောင်စာရင်း ထုတ်ပြန်မှုများလည်း
ရွှေ့ဆိုင်းထားမယ်လို့ သိရပါတယ်။

Photo; Crd

02/04/2020

စားသောက်ဆိုင်တွေ၊
ကွမ်းယာဆိုင်ကအစ လက်ဖက်ရည်ဆိုင်အဆုံး
ပါဆယ်ဆို အကောင်းဆုံးတဲ့ ...

Claim ownership or report listing

Want your school to be the top-listed School/college in Yangon?

Click here to claim your Sponsored Listing.

Location

Yangon

Contact the school

Click here to send a message to the school

Telephone

+959951112190

Website

facebook.com

Address

တိုက္ ၃ ၊ ေအ ၉ လမ္း၊ ယုဇနဥယ်ာဥ္ၿမိဳ႕ေတာ္၊, ရန္ကုန္ၿမိဳ႕။
Yangon

Opening Hours

Monday	10:00 - 16:00
Tuesday	10:00 - 16:00
Wednesday	10:00 - 16:00
Thursday	10:00 - 16:00
Friday	10:00 - 16:00