GIC Career Gateway - GIC Academy

🎉 Join Us at the MABA 10th Anniversary Celebration! 🎉

Come visit us at our booth and learn more about our education and training programs, career development opportunities, career opportunities and future initiatives.

📅 Event :MABA 10th Anniversary Celebration
📍 Venue :Mingalar Mandalay Shopping Street

🎓 Meet our team and learn more about our IT and Japanese language training programs, career pathways, and professional development opportunities.

In addition, we will be hosting special activities at our office on the same day:

💻 **GICM Project Showcase** (6-June-2026) 14:00~15:00
• Discover innovative IT projects developed by our company and students.
• Explore practical solutions and real-world applications created through our development and training programs.

🤖 **Claude AI Knowledge Sharing Session** (7-June-2026)14:00~15:00

• Learn about the capabilities of AI and how businesses can leverage AI tools to improve productivity and efficiency.
• Gain practical insights into AI applications in today's workplace.

👨‍💼 Special invitation to business owners, educators, students, and technology enthusiasts to connect, learn, and explore new opportunities.
We look forward to meeting students, parents, educators, and everyone interested in learning more about our programs. See you there!
📞 Mandalay: 09-42338-5177
📍 Block(6-11), Mingalar Mandalay, 73rd Street, Between Mingalar 1st st x Mingalar 2nd st, Myothit Quarter (1), Chanmyatharzi Township, Mandalay.
GIC Career Gateway HP：https://academy.gic-its.com/
GIC Group HP：www.gicjp.com

💡 Project Run နေရင်း လူအင်အား ရုတ်တရက် အခေါ်ခံရရင် PM တစ်ယောက်အနေနဲ့ ဘာအရင်လုပ်မလဲ။

Project တစ်ခုကို အောင်အောင်မြင်မြင် ဖြစ်မြောက်ဖို့ ဦးဆောင်နေရတဲ့ Project Manager (PM) တိုင်းဟာ လမ်းခရီးမှာ မမျှော်လင့်ထားတဲ့ စိန်ခေါ်မှုပေါင်းစုံကို ရင်ဆိုင်ကြရလေ့ရှိပါတယ်။ အဲဒီအထဲမှာမှ PM အသစ်တွေအတွက် အခက်ခဲဆုံးနဲ့ အကြုံရဆုံး ပြဿနာတစ်ခုကတော့ "ကိုယ့် Team ထဲက အဓိကကျတဲ့ Key Member တွေကို တခြားဌာနမန်နေဂျာ (Functional Manager) က အရေးပေါ်အလုပ်တစ်ခုအတွက်ဆိုပြီး ရုတ်တရက် ခေါ်သုံးသွားတာ" ပဲ ဖြစ်ပါတယ်။

ကိုယ့် Project ရဲ့ Schedule ကလည်း ကြန့်ကြာတော့မယ့် အန္တရာယ်ရှိနေပြီ၊ လူအင်အားကလည်း လျော့သွားပြီဆိုရင် PM တစ်ယောက်အနေနဲ့ "ပထမဦးဆုံးခြေလှမ်း" အဖြစ် ဘာကို အရင်ဆုံး လုပ်သင့်သလဲဆိုတာ PMP Mindset ကောင်းတစ်ခုကနေ လေ့လာကြည့်ရအောင်။

🔴 အမှားအယွင်း ဖြစ်စေနိုင်တဲ့ တုံ့ပြန်မှုများ
(ဘာတွေကို ရှောင်ကြဉ်ရမလဲ)
ပြဿနာတစ်ခု ကြုံလာရတဲ့အခါ စိတ်လှုပ်ရှားပြီး အလျင်စလို ဆုံးဖြတ်မိတတ်တဲ့ အမှားအယွင်းတချို့ ရှိပါတယ်။

- Sponsor ဆီ တန်းတိုင်တာမျိုးကို ရှောင်ပါ
ပြဿနာဖြစ်တာနဲ့ အထက်လူကြီး (Project Sponsor) ဆီ ချက်ချင်းပြေးတိုင်ပြီး တခြားဌာနမန်နေဂျာကို အပြစ်ပေးဖို့ တောင်းဆိုတာဟာ ကောင်းမွန်တဲ့ Leadership မဟုတ်ပါဘူး။ PMI (Project Management Institute) ရဲ့ လမ်းညွှန်ချက်အရ PM တစ်ယောက်ဟာ ပြဿနာကို ကိုယ်တိုင်အရင် ဖြေရှင်းဖို့ ကြိုးစားရပါမယ်။

- လက်လျှော့ပြီး Schedule ကို တန်းမပြင်ပါနဲ့
"လူမရှိတော့ဘူး၊ ဒါကြောင့် Project နောက်ကျတော့မယ်" ဆိုပြီး Client ကို ချက်ချင်း အကြောင်းကြားတာမျိုး မလုပ်သင့်သေးပါဘူး။ ဒါက နောက်ဆုံး ဖြေရှင်းလို့မရတော့တဲ့ အခြေအနေမှသာ လုပ်ရမယ့်အလုပ် ဖြစ်ပါတယ်။

- ကျန်တဲ့အဖွဲ့သားတွေကို ဖိအားမပေးပါနဲ့
လူလျော့သွားလို့ ကျန်တဲ့သူတွေကို အချိန်ပို (Overtime) ဆင်းခိုင်းပြီး အလုပ်ဒဏ်ပိစေတာဟာ Team burnout ဖြစ်ပြီး ရေရှည်မှာ အလုပ် Quality ကို ပိုပျက်စီးစေပါတယ်။

🟢 မှန်ကန်တဲ့ ပထမဦးဆုံးခြေလှမ်း
- "ဆွေးနွေးညှိနှိုင်းခြင်း (Negotiation)"

ဒီလို အကျပ်အတည်းမျိုးမှာ အကောင်းဆုံးနဲ့ အထိရောက်ဆုံး ပထမဆုံးခြေလှမ်းကတော့ ပြဿနာကို ဖြစ်စေတဲ့ အရင်းအမြစ် (အဖွဲ့ဝင်တွေကို ခေါ်သွားတဲ့ Functional Manager) နဲ့ တိုက်ရိုက်တွေ့ဆုံ ဆွေးနွေးခြင်း ပဲ ဖြစ်ပါတယ်။

ပြဿနာကို ရန်လိုတဲ့စိတ်နဲ့ မဟုတ်ဘဲ "Win-Win Solution" ထွက်လာအောင် အပြုသဘောဆောင်တဲ့ Mindset နဲ့ ချဉ်းကပ်ရပါမယ်။

Think Win-Win : One of the 7 habits of highly effective person.

အောက်ပါအချက်တွေကို အခြေခံပြီး ညှိနှိုင်းရပါမယ် -

(1) အခြေအနေကို နားလည်အောင်လုပ်ပါ
Functional Manager ဘက်ကလည်း ကုမ္ပဏီအတွက် တကယ်အရေးကြီးတဲ့ အရေးပေါ်ပြဿနာ (Operational Issue) ရှိလို့ ခေါ်သုံးရတာ ဖြစ်နိုင်တဲ့အတွက် အခြေအနေကို အရင်ဆုံး စုံစမ်းမေးမြန်းပါ။

(2) အချိန်ဇယား ညှိနှိုင်းပါ
ဒီ Developer တွေ ကိုယ့် Project ထံ ဘယ်တော့ ပြန်လာနိုင်မလဲဆိုတဲ့ အချိန်အတိအကျ (Timeline) ကို ညှိနှိုင်းပါ။

(3) အစားထိုး အင်အားတောင်းခံပါ
တကယ်လို့ မူလလူတွေ ချက်ချင်းပြန်မလာနိုင်ဘူးဆိုရင် ကိုယ့် Project ရဲ့ Schedule မထိခိုက်အောင် အရည်အချင်းတူညီတဲ့ တခြားသူတစ်ယောက်ကို အစားထိုး (Replacement) ပေးနိုင်မလားဆိုတာ တိုင်ပင်ဆွေးနွေးရပါမယ်။

📌 Takeaway Message
PMP စာမေးပွဲကို လေ့လာနေသူတွေအတွက်ရော၊ လက်တွေ့နယ်ပယ်က PM တွေအတွက်ပါ မှတ်သားထားရမယ့် အချက်ကတော့ —

"ပြဿနာတစ်ခုခု ကြုံလာရင် ချက်ချင်း အရေးယူဆောင်ရွက်တာမျိုး (သို့မဟုတ်) အထက်လူကြီးဆီ တိုင်တာမျိုး မလုပ်ခင်၊ ပြဿနာရဲ့ အရင်းအမြစ်ကို ရှာဖွေပြီး သက်ဆိုင်သူတွေနဲ့ တိုက်ရိုက် ဆွေးနွေးညှိနှိုင်းခြင်းကသာ အကောင်းဆုံး ပထမခြေလှမ်း ဖြစ်တယ်" ဆိုတာပါပဲ။

ဒီလို Collaborative ဖြစ်တဲ့၊ ပြဿနာကို တည့်တည့်ရင်ဆိုင် ဖြေရှင်းတတ်တဲ့ အလေ့အထကသာ သင့်ကို အရည်အချင်းရှိတဲ့ Project Manager တစ်ယောက် ဖြစ်လာစေမှာပါ။

စာမေးပွဲအတွက် ပြင်ဆင်နေတဲ့၊ လုပ်ငန်းခွင်ထဲမှာ ရုန်းကန်နေရတဲ့ PM များအားလုံး စိန်ခေါ်မှုတွေကို အောင်မြင်စွာ ကျော်ဖြတ်နိုင်ကြပါစေ။ 💪

Kaung Myat Tun

GIC ရုံးကွန်ပျူတာပေါ်က ဟင်းခြောက်စနဲ့ ကျွန်တော်တို့ Leaders များရဲ့ “Kaizen” အမြင်

တနေ့က ရုံးတွင်း Leader/Manager meeting မှာ မန်နေဂျာတစ်ယောက်က အားလုံးဝိုင်းဝန်းစဉ်းစားပေးဖို့ Case လေးတစ်ခု တင်ပြလာပါတယ်။

အလုပ်ထွက်သွားတဲ့ ဝန်ထမ်းအချို့ ရုံးသုံး PC ပြန်အပ်တဲ့အခါ သန့်ရှင်းရေး လုံးဝမလုပ်ဘဲ အပ်သွားတဲ့အကြောင်း၊ ကွန်ပျူတာအဖုံးမှာ ဟင်းခြောက်တွေ ကပ်နေသလို၊ Keyboard တွေလည်း ဖုန်တွေ၊ ဂျီးတွေနဲ့ အရမ်းညစ်ပတ်နေတဲ့အကြောင်းပေါ့။

ဒီလိုမျိုး ကြုံရတဲ့အခါ အများစုက “ဒီဝန်ထမ်းကတော့ စည်းကမ်းမရှိလိုက်တာ၊ အကျင့်မကောင်းဘူး”ဆိုပြီး လူကိုပဲ ကွက်တိအပြစ်တင်တတ်ကြပါတယ်။

ဒါပေမဲ့ ကျွန်တော်တို့ Meeting မှာရှိတဲ့ Leader တွေ၊ Manager တွေအားလုံးရဲ့ အမြင်ကတော့ ထိုနည်းအတိုင်း မဟုတ်ခဲ့ပါဘူး။

💡 လူကို အပြစ်မတင်ဘဲ စနစ်ကိုကြည့်တဲ့ ကျွန်တော်တို့ရဲ့ Leaders' Mindset

ကျွန်တော်တို့ အစည်းအဝေးမှာ အားလုံး သဘောတူ တွေးမိတာတစ်ခုက — “လူတိုင်းမှာ အခြေခံအားဖြင့် မကောင်းစိတ်ဆိုတာ မရှိကြဘူး” ဆိုတာပါပဲ။

ဒါက လူတစ်ဦးချင်းစီရဲ့ တန်ဖိုးထားမှု (Value) နဲ့ ယဉ်ကျေးမှု (Culture) မတူညီကြလို့ ဖြစ်ရတာပါ။ တစ်ယောက်အတွက် "ဒီလောက်ညစ်ပတ်တာ ဘာဖြစ်လဲ" ဆိုတာမျိုးက နောက်တစ်ယောက်အတွက်တော့ "သည်းမခံနိုင်စရာ" ဖြစ်နေတတ်ပါတယ်။

ကုမ္ပဏီအဖွဲ့အစည်းတစ်ခုမှာ ကိုယ်ပိုင် Value နဲ့ ယဉ်ကျေးမှု သတ်မှတ်ချက်တွေ ရှိတတ်ပေမယ့် လူဦးရေ များလာတဲ့အခါ လူတိုင်းက စိတ်ချင်းတူဖို့ဆိုတာ မဖြစ်နိုင်ပါဘူး။ ဒါကြောင့်ပဲ ကျွန်တော်တို့ ခေါင်းဆောင်ပိုင်းတွေအနေနဲ့ စာနဲ့ရေးသားထားတဲ့ **Regulations and Guidelines (စည်းမျဉ်းများနှင့် လမ်းညွှန်ချက်များ)** ကို ထုတ်ပြန်ပြီး အားလုံး လိုက်နာအောင် လုပ်ဆောင်ပေးဖို့ လိုအပ်တာ ဖြစ်ပါတယ်။

🛠️ ပြဿနာရဲ့ အရင်းအမြစ်ကို ရှာဖွေပြီး အတူတူ 改善 (Kaizen) လုပ်ခြင်း

ဒီ Case မှာ ဝန်ထမ်းက တမင်ညစ်ပတ်အောင် ထားခဲ့တာထက်၊ ကုမ္ပဏီဘက်က **PC ပြန်လည်လက်ခံတဲ့အခါ စစ်ဆေးရမယ့် Checklist နဲ့ လမ်းညွှန်ချက် မလုံလောက်မှုကြောင့်** လို့ ကျွန်တော်တို့ ခေါင်းဆောင်အားလုံးက တညီတညွတ်တည်း မြင်ကြပါတယ်။ အဖွဲ့အစည်းက ဘယ်လို Standard မျိုးကို မျှော်လင့်ထားလဲဆိုတာ ဝန်ထမ်းက ကောင်းကောင်း မသိရှိခဲ့လို့ ဖြစ်သွားတာပါ။

ဒါကြောင့် ကျွန်တော်တို့ ခေါင်းဆောင်ပိုင်းတွေအနေနဲ့ လူကို အပြစ်တင်ပြီး စိတ်ဆိုးနေမယ့်အစား **"PC Return Process"** ကို အောက်ပါအတိုင်း ပူးပေါင်းပြင်ဆင်ပြီး **Kaizen (စဉ်ဆက်မပြတ် တိုးတက်ပြောင်းလဲခြင်း)** လုပ်ဖို့ ဆုံးဖြတ်ဖြစ်ခဲ့ကြပါတယ် —


* **Checklist အသစ်အတူ ပြင်ဆင်ခြင်း:** PC ပြန်အပ်တဲ့အခါ Keyboard, Screen, Body အားလုံး သန့်ရှင်းရေးလုပ်ပြီးမှ အပ်ရမယ်ဆိုတဲ့ အချက်တွေကို Checklist မှာ အတိအကျ ထည့်သွင်းပါမယ်။
* **Process ပြောင်းလဲခြင်း:** အိုင်တီ သို့မဟုတ် တာဝန်ရှိသူက Checklist အတိုင်း သေချာစစ်ဆေးပြီး၊ အဆင်ပြေမှ Sign ထိုးလက်ခံမယ့်စနစ်ကို သုံးပါမယ်။

**“ခေါင်းဆောင်ကောင်းများရဲ့ တာဝန်ဆိုတာ အမှားလုပ်မိတဲ့ လူကို ရှာဖွေအပြစ်ပေးဖို့ထက်၊ နောက်တစ်ကြိမ် အမှားမထပ်ရအောင် စနစ် (System) ကို ပြင်ဆင်ပေးဖို့ ဖြစ်ပါတယ်”**

ဒီလိုမျိုး စနစ်ကို အတူတူ ကောင်းမွန်အောင် ပြောင်းလဲလိုက်ခြင်းဖြင့် ဝန်ထမ်းတွေလည်း ကုမ္ပဏီရဲ့ Value ကို ပိုနားလည်လာမယ်၊ နောက်နောင်လည်း ဒီလိုပြဿနာမျိုး ထပ်မဖြစ်တော့ဘဲ အလုပ်အကိုင်တွေ ပိုမိုချောမွေ့လာမှာ သေချာပါတယ်။

ကျွန်တော်တို့ GICရုံးတွင်းက ခေါင်းဆောင်မှု စိတ်ဓာတ် (Leadership Mindset) အတွေ့အကြုံလေးကို Share ပေးလိုက်တာပါ။ မိတ်ဆွေတို့ ရုံးတွေမှာကော အလားတူ Case မျိုးတွေ ကြုံရရင် Leaders တွေအနေနဲ့ ဘယ်လိုမျိုး အပြုသဘောဆောင် ဖြေရှင်းလေ့ ရှိကြလဲဗျာ?

ဂျပန်မှာ IT အထူးပြု (情報処理科) တက်နေပြီး စာမလိုက်နိုင်လို့ စိတ်ပူနေတဲ့ မိတ်ဆွေတစ်ဦးရဲ့ သမီးဆီကနေ တိုင်ပင် အကြံတောင်းစာလာလို့ ဆောင်းပါးပုံစံ ရေးပေးလိုက်ပါတယ်

ပတ်ဝန်းကျင်မှာ မေးမြန်းတိုင်ပင်မယ့်သူ မရှိဘဲ ဘာသာစကား အခက်အခဲကြားထဲကနေ ဂျပန်ရဲ့ 情報処理科 မှာ ကြိုးစားပြီး လေ့လာနေတာ တကယ်ကို လေးစားဖို့ကောင်းပါတယ်။ အစပိုင်းမှာ ဗဟုသုတနည်းလို့၊ စာတွေ နားမလည်လို့ စိတ်ဓာတ်ကျစရာ မလိုပါဘူး။ ဒါဟာ အသစ်အဆန်းကို စတင်လေ့လာနေတဲ့သူတိုင်း ကြုံတွေ့ရလေ့ရှိတဲ့ အခြေအနေတစ်ခုပါ။

ညီမရဲ့ စိုးရိမ်စိတ်တွေကို ပြေပျောက်စေဖို့နဲ့ ရှေ့ဆက်ရမယ့် လမ်းကြောင်းအတွက် ကျနော့်ရဲ့ အကြံပြုချက်အချို့ကို ဝေမျှပေးချင်ပါတယ်။

----------------
၁။ ဂျပန်က IT Senmon(College) တွေရဲ့ သဘာဝကို နားလည်ထားပါ
----------------
ယေဘုယျအားဖြင့် ဂျပန်က IT Senmon(College) တွေမှာ သင်ကြားတဲ့ စာတွေဟာ အခြေခံကျပြီး အများ နားလည်နိုင်မယ့်အရာတွေကိုပဲ အဓိက သင်လေ့ရှိပါတယ်။ ဒါကြောင့် အခုလောလောဆယ် ကျောင်းစာတွေကို နားမလည်သေးတာဟာ ညီမလေး ညံ့လို့မဟုတ်ဘဲ၊ ဂျပန်လို နည်းပညာဝေါဟာရတွေကို မရင်းနှီးသေးလို့ ဖြစ်နိုင်ပါတယ်။

----------------
၂။ ပြင်ပသင်တန်းတွေ ရှာမယ့်အစား "資格 (Certificate)" ယူဖို့ကို ပါစဥ်းစားကြည့်ပါ
----------------
ဂျပန်မှာ ကိုယ့်ဘာသာ သင်တန်းတွေ လိုက်ရှာရင် ကျောင်းကသင်တဲ့ Course တွေနဲ့ မကိုက်ညီဘဲ ပိုက်ဆံနဲ့ အချိန် ကုန်သွားနိုင်ပါတယ်။ ဂျပန် IT လောကမှာ အလုပ်လုပ်ဖို့ ရည်ရွယ်ထားတယ်ဆိုရင် ပြင်ပသင်တန်းတွေထက် IPA (Information-technology Promotion Agency) က ပေးအပ်တဲ့ အောက်ပါ Japan နိုင်ငံတော်အဆင့် အရည်အချင်းစစ် စာမေးပွဲတွေကို အောင်မြင်အောင် ပြင်ဆင်တာက အထိရောက်ဆုံး ဖြစ်ပါတယ်။

IT Passport (ITパスポート) : IT ရဲ့ အခြေခံအကျဆုံး ဗဟုသုတတွေကို စစ်ဆေးတဲ့ အဆင့်။

FE (Fundamental Information Technology Engineer Examination - 基本情報技術者試験) : IT ရဲ့ အဓိက အခြေခံ အသိပညာနဲ့ စဉ်းစားတွေးခေါ်ပုံ (Logic) ကို စစ်ဆေးတဲ့ အဆင့်။

----------------
၃။ လေ့လာရလွယ်ကူစေမယ့် နည်းလမ်း (မြန်မာဘာသာ + အင်္ဂလိပ်/ဂျပန်ဘာသာ တွဲဖက်လေ့လာခြင်း)
----------------
ဂျပန်လို နားမလည်လို့ အခက်အခဲဖြစ်နေရင် မြန်မာဘာသာနဲ့ သင်ကြားပေးတဲ့ IT Passport နဲ့ FE သင်တန်းတွေ ကို ရှာဖွေတက်ရောက်ဖို့ အကြံပြုချင်ပါတယ်။

မြန်မာလိုသင်တဲ့ သင်တန်းတွေမှာ အသုံးပြုတဲ့ စာအုပ် (Textbook) တွေဟာ အင်္ဂလိပ်လို ဖြစ်တဲ့အတွက် နည်းပညာပိုင်းဆိုင်ရာ အယူအဆ (Concept) တွေကို ပိုပြီး အလွယ်တကူ နားလည်သဘောပေါက်နိုင်ပါတယ်။

မြန်မာ/အင်္ဂလိပ်လို Concept ကို သေချာနားလည်သွားပြီဆိုရင်၊ မိမိကျောင်း က သင်တဲ့ ဂျပန်လို IT အသုံးအနှုန်းတွေနဲ့ နှိုင်းယှဉ်ပြီး လေ့လာပါ။ ဒါဆိုရင် ကျောင်းစာကလည်း ပိုပြီး နားလည်လာပါလိမ့်မယ်။

----------------
အင်္ဂလိပ်လို စာအုပ်များဖြင့် ကိုယ်တိုင်လေ့လာခြင်း (Self-study) :
----------------
ဂျပန်မှာ IT Passport နဲ့ FE စာမေးပွဲအတွက် ပြင်ဆင်နိုင်မယ့် စာအုပ်တွေကို အင်္ဂလိပ်ဘာသာနဲ့လည်း အလွယ်တကူ ဝယ်ယူလို့ ရနိုင်ပါတယ်။ အကယ်၍ သင်တန်းမတက်ချင်ဘူးဆိုရင်တောင် အဲဒီအင်္ဂလိပ်လို ထွက်ထားတဲ့ စာအုပ်တွေကို ဝယ်ယူပြီး မိမိဘာသာ ကိုယ်တိုင် (Self-study) လေ့လာသွားရင်လည်း အဆင်ပြေပြေနဲ့ တတ်မြောက်နိုင်ပါတယ် ခင်ဗျာ။

----------------
၄။ အလုပ်ရှာဖွေရေး (Job Hunting) အတွက် အားသာချက်
----------------
ဂျပန်မှာ ကျောင်းမပြီးခင် ( ဘွဲ့မရခင်) FE (基本情報技術者試験) စာမေးပွဲကို အောင်မြင်ထားမယ်ဆိုရင် အလုပ်ရှာတဲ့အခါ (就活 - Shuukatsu) မှာ အခြားသူတွေထက် အဆပေါင်းများစွာ အားသာချက်ရှိသွားပါလိမ့်မယ်။ ကုမ္ပဏီတွေက ညီမလေးရဲ့ IT အခြေခံအရည်အချင်းကို အသိအမှတ်ပြုမှာ သေချာပါတယ်။

----------------
အချုပ်အနေနဲ့ အကြံပြုရရင် -
----------------
အခုလောလောဆယ် ပြင်ပက ကွန်ပျူတာ Programming သင်တန်းတွေ လိုက်ရှာနေမယ့်အစား၊ ဂျပန်မှာ အလုပ်ရဖို့အတွက် တိုက်ရိုက်အသုံးဝင်မယ့် IT Passport နဲ့ FE စာမေးပွဲ ကို ဦးတည်ပြီး၊ မိမိနားလည်ရလွယ်ကူမယ့် မြန်မာဘာသာ (သို့) အင်္ဂလိပ်ဘာသာ သုံးစွဲထားတဲ့ သင်တန်းမျိုးကနေ အခြေခံကို အရင်ခိုင်မာအောင် တည်ဆောက်ပါ။ ပြီးမှ ဂျပန်လို မေးခွန်းဟောင်းတွေကို လေ့ကျင့်သွားရင် အဆင်ပြေမှာပါ။

တဖြည်းဖြည်းချင်း အခြေခံကနေ စနစ်တကျ လေ့လာသွားရင် သေချာပေါက် အဆင်ပြေသွားမှာပါ။ ကြိုးစားပါနော်။

#ဂျပန်ရောက်မြန်မာကျောင်းသားများ
#ဂျပန်မှာITတက်နေသူများ
#အိုင်တီပတ်စ်ပို့
#အခြေခံအိုင်တီနည်းပညာ
#ဂျပန်မှာအလုပ်ရှာဖွေရေး
#ကိုယ်တိုင်လေ့လာခြင်း

ကျနော့် ငယ်သူငယ်ချင်းကစာပို့လာတယ်။ သူ့သားလေးအတွက် တကယ့်ကို စိုးရိမ်ပူပန်ပြီး မေးလာတာပါ။ သူ့သားလေးက ဂျပန်မှာ Language School ၂ နှစ်အထိ တက်ပြီး ကြိုးစားနေတာဆိုတော့ ဖိအားလည်း တော်တော်များနေရှာမှာပါ။ သူငယ်ချင်းသားဆိုတာ ကိုယ့်သားလိုပဲဆိုတော့ သားတစ်ယောက်ကို စာရေးသလိုပဲ ရေးကြည့်ပါမယ်။

သားလေး မေးထားတဲ့ "IT လောကထဲ ခြေစုံပစ်ဝင်ဖို့ အဆင်ပြေပါ့မလား" ဆိုတဲ့အချက်ကို လက်ရှိ ဂျပန်နိုင်ငံရဲ့ အခြေအနေ၊ အားသာချက်/အားနည်းချက်တွေနဲ့ နှိုင်းယှဉ်ပြီး သေချာလေး ခွဲခြမ်းစိတ်ဖြာပြီး ရေးကြည့်ထားပါတယ်။

IT လောကထဲ ခြေစုံပစ်ဝင်ဖို့ စဉ်းစားနေတာက အခြေအနေပေါ်မူတည်ပြီး အခွင့်အလမ်းကောင်းတစ်ခု ဖြစ်နိုင်သလို၊ စိန်ခေါ်မှုလည်း အများကြီးရှိပါတယ်။ သတင်းတွေ အမျိုးမျိုးကြားနေရတာလည်း မမှားပါဘူး။ လက်ရှိ ဂျပန်ရဲ့ IT အခြေအနေကို ပွင့်ပွင့်လင်းလင်း ပြောပြပေးမယ်နော်။

---------------------
၁။ IT လောကရဲ့ လက်ရှိအခြေအနေ (သတင်းတွေ ဘာလို့အမျိုးမျိုးဖြစ်နေလဲ?)
---------------------
Japan IT Industry မှာ လုပ်သားအင်အား လူလိုနေတာတော့ အမှန်ပါပဲ။ ဂျပန်မှာ IT သမား အင်မတန်ရှားပါးနေတာကြောင့် အလုပ်အကိုင် အခွင့်အလမ်းကတော့ အမြဲရှိနေပါတယ်။ မပြောင်းလဲသေးတဲ့ အမှန်တရားပါ။ နောက်လည်း Japan IT Industry မှာ အလုပ်လုပ်မယ့်လူလိုနေဦးမှာပါ အလုပ်လုပ်ပုံလုပ်နည်းပဲ ပြောင်းသွားမှာပါ။

ဒါပေမဲ့ စံနှုန်းတွေ မြင့်လာတယ်။ အရင်ကလို coding နည်းနည်းတတ်ရုံ၊ ဂျပန်စာ အခြေခံရုံနဲ့ အလုပ်သွင်းပေးတဲ့ IT ကုမ္ပဏီတွေ အခုနောက်ပိုင်း အဆင်မပြေတော့ပါဘူး။ အခုဆို AI တွေ ပေါ်လာတော့ အခြေခံအဆင့် (Entry-level) သမားတွေအတွက် ပြိုင်ဆိုင်မှု ပိုပြင်းထန်လာ တာက အမှန်ပါပဲ။

---------------------
၂။ ဘယ်လိုလူတွေအတွက် IT လောကက အဆင်ပြေမလဲ?
---------------------
တကယ်လို့ သားက အောက်ပါအချက်တွေနဲ့ ကိုက်ညီရင် IT ထဲ ဝင်တာ အရမ်းအဆင်ပြေပါတယ်။

ဂျပန်စာ အားကောင်းရမယ်။ Japan IT Industry မှာက နည်းပညာတတ်ရုံနဲ့ မရပါဘူး။ ဂျပန်လူမျိုးတွေနဲ့ လုပ်ငန်းခွင်မှာ ဆက်သွယ်ပြောဆိုနိုင်ဖို့ ဂျပန်စာ (N2 အနည်းဆုံး၊ N1 ရရင် ပိုကောင်း) ရှိမှသာ ကောင်းမွန်တဲ့ ကုမ္ပဏီကြီးတွေမှာ လစာကောင်းကောင်းနဲ့ အလုပ်ရမှာပါ။

နည်းပညာကို တကယ် ဝါသနာပါရမယ်။ "IT က လစာကောင်းတယ်" ဆိုတဲ့ တစ်ချက်တည်းနဲ့ ဝင်လာရင် လမ်းခုလတ်မှာ စိတ်ပျက်သွားနိုင်ပါတယ်။ နည်းပညာက အမြဲပြောင်းလဲနေတော့ အမြဲလေ့လာနေရတာကို ပျော်တဲ့သူ ဖြစ်ရပါမယ်။

---------------------
🛠️ အခု အခြေအနေမှာ ဘာဆက်လုပ်သင့်လဲ? (အကြံပြုချက်ပါ)
---------------------
အခု သားက Language School မှာ ၃ နှစ်မြောက် ဖြစ်နေပြီဆိုတော့ ဗီဇာသက်တမ်းအရ နောက်ထပ် လမ်းကြောင်းပြောင်းဖို့ အချိန် သိပ်မရတော့ပါဘူး။ အချိန်ကို အလဟဿ မဖြစ်စေဘဲ အောက်ပါအတိုင်း အကောင်အထည်ဖော်ဖို့ အကြံပြုချင်ပါတယ်။

အဆင့် (၁) - ဂျပန်စာကို အသေအလဲ ကြိုးစားပါ။ လက်ရှိတက်နေတဲ့ Language School ၁ နှစ်အတွင်းမှာ ဂျပန်စာကို N2 သို့မဟုတ် N1 ရအောင် အပြတ်တွန်းပါ။ ဂျပန်စာကောင်းရင် IT မဟုတ်ရင်တောင် အခြား လုပ်ငန်းခွင် ဗီဇာတွေ ပြောင်းရလွယ်ပါတယ်။

အဆင့် (၂) - Senmon Gakko (သက်မွေးကောလိပ်) သို့မဟုတ် University ရွေးချယ်မှု:

IT တကယ် ဝါသနာပါရင် IT အထူးပြု Senmon Gakko (၂ နှစ်သင်) or University ကို တက်ပါ။ ကျောင်းပြီးရင် ဂျပန်မှာ IT ဗီဇာနဲ့ အလုပ်တိုက်ရိုက်လျှောက်လို့ရပါတယ်။ (သားလိုချင်တဲ့ ကောလိပ်ဆိုတာ IT ကောလိပ်ကို ပြောတာဆိုရင် ဂျပန်စာအရည်အချင်း ပြည့်မီအောင် အမြန်လုပ်ပြီး တက်သင့်ပါတယ်)။

IT ဝါသနာပါ၊ မပါ မသေချာရင်တော့IT ထဲ ခြေစုံမပစ်ခင်၊ အထွေထွေ စီးပွားရေး (Business) သို့မဟုတ် Hotel Management စတဲ့ အလုပ်အကိုင် ပိုကျယ်ပြန့်တဲ့ ကောလိပ်တွေကိုလည်း ထည့်သွင်းစဉ်းစားပါ။

"Japan IT လောကက ခြေစုံပစ်ဝင်ဖို့ ထိုက်တန်ပါတယ်။ ဒါပေမဲ့ ဂျပန်စာ အားနည်းရင်တော့ လမ်းပျောက်နိုင်ပါတယ်။"

ဒါကြောင့် အခုလက်ရှိ ကျန်နေတဲ့ Language School ၁ နှစ်အတွင်းမှာ "ဂျပန်စာ အရည်အချင်း" ကို အမြင့်ဆုံးရောက်အောင်အရင်လုပ်ပါ။ ပြီးမှ အိုင်တီအထူးပြု သက်မွေးကောလိပ် (Senmon) ကို ဆက်တက်ပြီး အလုပ်အကိုင်ရှာဖွေတာက အန္တရာယ်အကင်းဆုံးနဲ့ အသေချာဆုံး လမ်းကြောင်း ဖြစ်လိမ့်မယ်လို့ အကြံပြုပါရစေ။

------------------------------------------

သားလေးက Language school (၃) နှစ်မြောက် ဖြစ်နေပြီဆိုတော့ ဂျပန်နိုင်ငံရဲ့ ဗီဇာ ဥပဒေကြောင်းအရော၊ အချိန်နဲ့ ငွေကြေးအရပါ နောက်ထပ် အမှားခံလို့ မရတဲ့ အနေအထားမို့ အောက်ပါအချက်တွေကိုလည်း ကြိုတင်ပြင်ဆင်၊ အကြံပေးထားချင်ပါတယ်။

---------------------
၁။ ဗီဇာ သက်တမ်း ကန့်သတ်ချက်ကို သတိပြုဖို့ (အရေးကြီးဆုံးအချက်)
---------------------
ဂျပန်မှာ Language School (ကျောင်းသားဗီဇာ) ကို အများဆုံး (၂) နှစ်ပဲ ပေးတာက အထွေထွေ စည်းမျဉ်းပါ။ အခု သားလေးက ဒုတိယနှစ်ပြီးလို့ နောက်ထပ် (၁) နှစ် ထပ်တက်နေတယ်ဆိုတော့ ကျောင်းပြောင်း (Transfer) လုပ်ထားတာပဲ ဖြစ်ဖြစ်၊ ဗီဇာ အထူးသက်တမ်းတိုးခွင့် ရထားတာပဲဖြစ်ဖြစ် ဖြစ်နိုင်ပါတယ်။

သတိထားရမှာက: Language School သက်တမ်းဟာ စုစုပေါင်း (၂) နှစ်ခွဲ သို့မဟုတ် (၃) နှစ်ထက် ပိုလို့ မရတော့ပါဘူး။

ဒါကြောင့် ဒီတစ်နှစ်ပြီးရင် Senmon Gakko (သက်မွေးကောလိပ်) သို့မဟုတ် တက္ကသိုလ်တစ်ခုခုကို မဖြစ်မနေ အောင်မြင်စွာ တက်ရောက်နိုင်မှသာ ဗီဇာ ဆက်ရမှာ ဖြစ်ပါတယ်။ လမ်းခုလတ်မှာ အချိန်ဆွဲနေလို့ မရတော့ဘူးဆိုတာ သားလေးကို သေချာ သတိပေးထားရပါမယ်။

---------------------
၂။ "သားလိုချင်တဲ့ ကောလိပ်" ရဲ့ ဝင်ခွင့် လိုအပ်ချက်ကို အမြန်စစ်ပါ
---------------------
သားလေးက "သူလိုချင်တဲ့ ကောလိပ်ရအောင် Japanစာနောက်တနှစ်တက်မယ်" လို့ ပြောထားတာကြောင့် အဲဒီ ကောလိပ်/ Universityရဲ့ ဝင်ခွင့်သတ်မှတ်ချက် (Admission Requirements) ကို အခုကတည်းက သေချာ စစ်ခိုင်းထားပါ။

အိုင်တီ ကောလိပ် / University အများစုက ဂျပန်စာ JLPT N2 အနည်းဆုံး (သို့မဟုတ်) EJU (ဂျပန်တက္ကသိုလ်ဝင်ခွင့်စာမေးပွဲ) ရမှတ် အနည်းဆုံး ၂၀၀ ကျော် တောင်းတတ်ပါတယ်။

ဒါ့အပြင် တချို့ကျောင်းတွေက ကျောင်းခေါ်ချိန် (Attendance Rate) ကို အရမ်းကြည့်ပါတယ်။ သားလေးရဲ့ Language School က ကျောင်းခေါ်ချိန်ဟာ ၈၀%~၉၀% အထက် ရှိနေဖို့ လိုပါတယ်။ ကျောင်းခေါ်ချိန် နည်းရင် ဘယ်လောက်တော်တော် ကောလိပ်တွေက လက်မခံပါဘူး။

---------------------
၃။ နည်းပညာကို အခုကတည်းက စမ်းလေ့လာခိုင်းကြည့်ပါ
---------------------
IT လောကထဲ ခြေစုံပစ်မဝင်ခင် သားလေးအနေနဲ့ တကယ် ဝါသနာပါ၊ မပါ သိရအောင် အခုကတည်းက (ဥပမာ - ကျောင်းပိတ်ရက် ဒါမှမဟုတ် အားလပ်ချိန်မှာ) အခြေခံတွေကို ကိုယ်တိုင် စမ်းလေ့လာခိုင်းကြည့်ပါ။

YouTube ဒါမှမဟုတ် Free သင်တန်းတွေကနေ HTML, CSS, JavaScript ဒါမှမဟုတ် Python စတဲ့ programming language အခြေခံလေးတွေကို စမ်းလုပ်ကြည့်ပါ။

စမ်းလုပ်ကြည့်လို့ (coding ရေးရတာကို) စိတ်ဝင်စားဖို့ကောင်းတယ်၊ ပြဿနာတွေကို ဖြေရှင်းရတာ ဝါသနာပါတယ်ဆိုမှ IT ကောလိပ်တက်ရင် ပိုထိရောက်ပါလိမ့်မယ်။

---------------------
ဘာလို့ coding ကို စမ်းလုပ်ခိုင်းကြည့်ရတာလဲ?
---------------------
သားလေးကို coding အခြေခံလေးတွေ စမ်းလုပ်ခိုင်းတာက "ပရိုဂရမ်မာကြီး ဖြစ်သွားစေချင်လို့" မဟုတ်ပါဘူး။ "IT ရဲ့ စဉ်းစားတွေးခေါ်ပုံ နည်းစနစ် (Logical Thinking)" ကို ရမရ စမ်းသပ်ချင်လို့ပါ။

ကွန်ပျူတာဆိုတာ လူက ခိုင်းတဲ့အတိုင်းပဲ လုပ်တာပါ။ coding လေး နည်းနည်း စမ်းရေးကြည့်တဲ့အခါ "ငါ အမိန့်တစ်ခု ပေးလိုက်ရင် ကွန်ပျူတာက ဘယ်လို အလုပ်လုပ်လဲ" ဆိုတဲ့ အခြေခံ သဘောတရားကို နားလည်သွားပါလိမ့်မယ်။

တကယ်လို့ coding လေး နည်းနည်းရေးကြည့်လို့ တစ်နေရာရာမှာ မှားနေရင် (Error တက်ရင်) စိတ်မပျက်ဘဲ "ဘာလို့ မှားတာလဲ" ဆိုပြီး အဖြေရှာရတာကို သဘောကျတယ် (Problem-solving mind ရှိတယ်) ဆိုရင် သူက IT လောကရဲ့ ဘယ်ရာထူးမှာမဆို ရေရှည် အောင်မြင်မယ့်သူ ဖြစ်လို့ပါဗျာ။

---------------------
AI ခေတ်မှာ Coding ရေးရတာ ပိုလွယ်သွားပြီ
---------------------
အရင်ခေတ်ကလို syntax (စာလုံးပေါင်း၊ အစက်အပြောက်) တွေကို အလွတ်ကျက်ပြီး coding ရေးရတဲ့ခေတ် မဟုတ်တော့ပါဘူး။ အခုဆိုရင် AI text tool တွေကို "ငါ ဘာလုပ်ချင်တယ်" ဆိုတာ သေချာ ခိုင်းတတ်ရင် AI က code တွေ ထုတ်ပေးပါတယ်။

ဒါကြောင့် အခုခေတ်မှာ coding ရေးတတ်ဖို့ထက် "အိုင်တီစနစ်တစ်ခု ဘယ်လို အလုပ်လုပ်လဲဆိုတဲ့ အခြေခံ သဘောတရားကို နားလည်ဖို့" က ပိုအရေးကြီးသွားပါပြီ။

---------------------
၄။ အချိန်ပိုင်းအလုပ် (Arubaito) ရွေးချယ်မှု
---------------------
အခုချိန်မှာ စရိတ်အတွက် အလုပ်လုပ်နေရဦးမှာဖြစ်ပေမဲ့ ဖြစ်နိုင်ရင် စားသောက်ဆိုင်လို နေရာမျိုးထက် ဂျပန်လူမျိုးတွေနဲ့ အများကြီး စကားပြောရမယ့် အလုပ်မျိုး (ဥပမာ - Convenience Store - Konbini သို့မဟုတ် Customer Service ပုံစံမျိုး) ကို ပြောင်းလုပ်ခိုင်းပါ။ အလုပ်ခွင်ထဲက ရမယ့် ဂျပန်စာအပြောစွမ်းရည်က နောက်ပိုင်း အိုင်တီကောလိပ်တက်တဲ့အခါ၊ အလုပ်ရှာတဲ့အခါ (Shukatsu) မှာ အများကြီး အထောက်အကူပြုပါတယ်။

သားလေးက လမ်းပျောက်နေတယ်ဆိုတာ "ရွေးချယ်စရာတွေ များနေလို့" လည်း ဖြစ်နိုင်သလို၊ "လုပ်ရမယ့်အလုပ်တွေ များပြီး ဖိအားဖြစ်နေလို့" လည်း ဖြစ်နိုင်ပါတယ်။

သားလေးကို အပြစ်တင်တာမျိုး မလုပ်ဘဲ "ဒီတစ်နှစ်ကတော့ နောက်ဆုံးပဲ၊ အိုင်တီတက်ချင်ရင် ဂျပန်စာ N2 ရအောင် အရင်လုပ်၊ ပြီးရင် ကောလိပ်ဝင်ခွင့် အမြန်လျှောက်" ဆိုတဲ့ ပန်းတိုင်တစ်ခုတည်းကိုပဲ ပြတ်ပြတ်သားသား အာရုံစိုက်ခိုင်းဖို့ လိုပါတယ်။ လမ်းကြောင်းက ရှင်းသွားရင် ကလေးလည်း စိတ်အေးသွားပြီး ပိုကြိုးစားလာပါလိမ့်မယ်ဗျာ။

-------
ဂျပန်မှာ အိုင်တီလောကထဲ နှစ်ပေါင်းများစွာ ဖြတ်သန်းလာတဲ့ အတွေ့အကြုံအရော၊ လက်ရှိ ၂၀၂၆ ခုနှစ်ရဲ့ နည်းပညာအပြောင်းအလဲတွေအရော အခြေခံပြီး တကယ့်အတွင်းသိ လက်တွေ့ကျတဲ့ အချက် ၃ ချက် ကို ထပ်ဖြည့်ပြောချင်ပါတယ်။ ဒါက သားလေးအတွက် တကယ့်ကို အမြင်ပွင့်သွားစေမယ့် အချက်တွေမို့ သေချာလေး ပြောပြပေးလိုက်ပါဦး။

--------------
၁။ AI ခေတ်မှာ "IT သမား" ဆိုတဲ့ သတ်မှတ်ချက် ပြောင်းသွားပြီ
--------------
သားလေး ကြားနေရတဲ့ သတင်းတွေထဲမှာ "အိုင်တီသမားတွေ အလုပ်ရခက်နေတယ်" ဆိုတာ ဒါကြောင့်ပါ။ အခုနောက်ပိုင်း ChatGPT တို့၊ AI tool တွေ တအားတော်လာတော့ အရင်လို code လေး နည်းနည်းရေးတတ်ရုံပဲ ရှိတဲ့ Junior ပရိုဂရမ်မာ အဆင့်တွေကို ကုမ္ပဏီတွေက မခေါ်ကြတော့ပါဘူး။ code ပဲရေးတတ်တဲ့သူကို အလုပ်မခန့်တာပါ ၀န်ထမ်းအသစ်ကတော့ ဆက်ခန့်နေပါတယ်။ အလုပ်လုပ်မယ့်လူ လိုနေသေးပါတယ်။

ဒါပေမဲ့ အခွင့်အလမ်းက ဘယ်မှာရှိလဲဆိုတော့ AI ကို ကောင်းကောင်းအသုံးချပြီး အလုပ်ကို မြန်မြန်ပြီးအောင် လုပ်နိုင်တဲ့သူ၊ ပြီးတော့ လူတွေနဲ့ သေချာဆွေးနွေးပြီး စနစ်တစ်ခုလုံးကို ဒီဇိုင်းဆွဲနိုင်တဲ့သူ (System Analyst / Consultant) / ဖြစ်လာနိုင်မယ့်သူ (အလားအလာရှိသူ) တွေကိုတော့ ကုမ္ပဏီတွေက လစာအဆမတန်ပေးပြီး လုခေါ်နေကြတာပါ။

ဒါကြောင့် သားလေးကို "Code ရေးတတ်ရုံသက်သက်ပဲ မဟုတ်ဘဲ၊ AI tool တွေကို ကျွမ်းကျွမ်းကျင်ကျင် သုံးတတ်အောင်ပါ ပူးတွဲလေ့လာဖို့" ကြိုပြင်ခိုင်းထားပါ။

--------------
၂။ "IT Passport" စာမေးပွဲကို အခုကတည်းက ကြိုသိထားပါ
--------------
ဂျပန်အိုင်တီလောကမှာ အလုပ်ရဖို့အတွက် အသိအမှတ်ပြုဆုံး နိုင်ငံတော်အဆင့် စာမေးပွဲတစ်ခုရှိပါတယ်။ အဲဒါကတော့ "IT Passport" (ＩＴパスポート試験) လို့ ခေါ်ပါတယ်။

ဒါက IT နဲ့ ပတ်သက်တဲ့ အခြေခံဗဟုသုတတွေ၊ စီးပွားရေးနဲ့ စီမံခန့်ခွဲမှု ဗဟုသုတတွေကို ဂျပန်လို ဖြေရတဲ့ စာမေးပွဲပါ။

အကယ်၍ သားလေးသာ Language School တက်နေရင်းဖြစ်ဖြစ်၊ ကောလိပ် (Senmon) ပထမနှစ်မှာဖြစ်ဖြစ် ဒီစာမေးပွဲကို အောင်ထားရင် ဂျပန်စာရော အိုင်တီအခြေခံပါ ရှိတယ်ဆိုတာ သက်သေပြပြီးသားဖြစ်လို့ ဂျပန်ကုမ္ပဏီကြီးတွေက မျက်စိမှိတ်ပြီး အလုပ်ခန့်ဖို့ သေချာသလောက် ရှိသွားပါလိမ့်မယ်။ ဒါကို Target ထားခိုင်းပါ။

--------------
၃။ ဂျပန်မှာ IT ဗီဇာ (技術・人文知識・国際業務) ရဖို့ သတ်မှတ်ချက်
--------------
သားလေးက ကောလိပ် (Senmon Gakko) တက်ပြီးရင် ဂျပန်မှာ အလုပ်ဗီဇာ ပြောင်းရမှာပါ။ အဲဒီအခါမှာ လူဝင်မှုကြီးကြပ်ရေး (Nyukan) ရဲ့ စည်းမျဉ်းကို ကြိုသိထားဖို့ လိုပါတယ်။

Senmon တက်ရင် ကျောင်းမှာ သင်တဲ့ အထူးပြုဘာသာရပ်နဲ့ အလုပ်လုပ်မယ့် ရာထူးဟာ တိုက်ရိုက် သက်ဆိုင်နေရပါမယ်။ (ဥပမာ - IT Senmon တက်ပြီးမှ စားသောက်ဆိုင် မန်နေဂျာ သွားလုပ်ရင် ဗီဇာမကျပါဘူး။ IT တက်ရင် IT အလုပ်ပဲ လုပ်ရပါမယ်)။

ဒါကြောင့် အကယ်၍ သားလေးက IT ကို တကယ်ဇောက်ချမလုပ်ချင်ဘူး၊ ကြားထဲမှာ စိတ်ပြောင်းသွားနိုင်တယ်ဆိုရင် Business IT သို့မဟုတ် Global Business လိုမျိုး IT ရော စီးပွားရေးရော ပူးတွဲသင်တဲ့ မေဂျာမျိုးကို ရွေးခိုင်းပါ။ ဒါဆိုရင် နောက်ပိုင်း အိုင်တီကုမ္ပဏီမှာပဲဖြစ်ဖြစ်၊ ရုံးလုပ်ငန်း ဒါမှမဟုတ် ကုန်သွယ်ရေး ကုမ္ပဏီမှာပဲဖြစ်ဖြစ် ဗီဇာလျှောက်ရတာ လမ်းကြောင်း ပိုကျယ်ပါတယ်။

--------------
"လမ်းပျောက်နေတယ်" ဆိုတာ ဘယ်သွားရမှန်း မသိလို့ မဟုတ်ဘဲ ဘယ်လမ်းက ကိုယ့်အတွက် အန္တရာယ်အကင်းဆုံးလဲ ဆိုတာ မဝေခွဲတတ်လို့ပါ။
--------------

သားလေးအတွက် လက်ရှိ အကောင်းဆုံး အစီအစဉ် (Plan) ကတော့ -

"အခု လောလောဆယ် Language School မှာ ဂျပန်စာကို အသေအလဲလုပ် (N2 ရအောင်ယူ) + အားလပ်ချိန်မှာ IT အခြေခံကို ဗီဒီယိုတွေကြည့်ပြီး စမ်းလေ့လာ + ပြီးရင် IT နဲ့ စီးပွားရေး တွဲသင်တဲ့ ကောလိပ် (Senmon) ကို တက်"

ဒီလမ်းကြောင်းအတိုင်း သွားရင် အိုင်တီလောကထဲ ခြေစုံပစ်ဝင်လည်း မနစ်မွန်းသလို၊ နောင်တစ်ချိန် စိတ်ပြောင်းရင်တောင် လမ်းကြောင်းအလှည့်အပြောင်း လုပ်ရလွယ်ကူပါတယ်။

မိဘတစ်ယောက်အနေနဲ့ သူငယ်ချင်းလည်း အဝေးကနေ စိုးရိမ်နေရမှာမို့ ဒီအချက်အလက်တွေနဲ့ သေချာ လမ်းပြပေးလိုက်ရင် စိတ်အေးသွားမှာပါဗျာ။

နောက်ဆုံးအနေနဲ့ မိဘချင်းကိုယ်ချင်းစာလို့ စိတ်ပညာပိုင်းဆိုင်ရာနဲ့ ကလေးကို ချဉ်းကပ်ပုံ အကြံဉာဏ်လေးတစ်ခု ပဲ ထပ်ဖြည့်ပေးချင်ပါတော့တယ်။

သားလေးက Language School မှာ ၃ နှစ်မြောက်အထိ ဖြစ်နေပြီး "ဘာလုပ်ရမှန်းမသိ လမ်းပျောက်နေတယ်" လို့ ဖွင့်ဟလာတာဟာ နည်းပညာအကြောင်း မသိလို့တင်မကဘဲ "စိတ်ပိုင်းဆိုင်ရာ ဖိအား (Mental Pressure)" တအားများနေလို့လည်း ဖြစ်နိုင်ပါတယ်။

--------------
၁။ အားငယ်စိတ်နဲ့ မျက်နှာငယ်ရတဲ့ ဒဏ်ကို နားလည်ပေးပါ
--------------
ဂျပန်ကို အတူတူလာခဲ့တဲ့ သူငယ်ချင်းတွေက ကောလိပ်တွေ၊ တက္ကသိုလ်တွေ တက်ကုန်ကြပြီ၊ ဒါမှမဟုတ် တချို့က အလုပ်ဗီဇာတွေ ရကုန်ကြပြီဆိုရင် ကလေးက Language School မှာ တင်ကျန်နေခဲ့တဲ့အတွက် မိဘကိုလည်း အားနာ၊ ကိုယ့်ကိုယ်ကိုယ်လည်း သိမ်ငယ်ပြီး အလိုလိုနေရင်း လမ်းပျောက်သလို ခံစားနေရတာ ဖြစ်နိုင်ပါတယ်။

"မင်း ဘာလို့ အချိန်တွေ ကြာနေတာလဲ" လို့ အပြစ်တင်မယ့်အစား "ဂျပန်စာ အခြေခံကောင်းအောင် မင်း အချိန်ယူပြီး သေချာ ပြင်ဆင်နေတာပဲ၊ အောက်ခြေခိုင်မှ အပေါ်ထပ် ဆောက်လို့ရမှာ၊ စိတ်မလောနဲ့" ဆိုပြီး မိဘက သူ့ဘက်က ရှိနေပေးကြောင်း အရင် ပြသပေးဖို့ လိုပါတယ်။

--------------
၂။ "ဘာပဲဖြစ်ဖြစ် ဖြစ်တယ်" ဆိုတဲ့ Back-up Plan ရှိကြောင်း အားပေးပါ
--------------
ကလေးတွေက IT ထဲ ဝင်ချင်ပေမဲ့ "ငါ မလုပ်နိုင်ရင် ဘယ်လိုလုပ်မလဲ၊ အဆင်မပြေရင် ဗီဇာပြတ်ပြီး မြန်မာပြည် ပြန်ရမလား" ဆိုတဲ့ ကြောက်စိတ်ကြောင့် ခြေလှမ်းမလှမ်းရဲဘဲ ဖြစ်နေတတ်ပါတယ်။

သယ်ရင်းအနေနဲ့ "ငါ့သား... IT ကို ရဲရဲဝံ့ဝံ့သာ စမ်းကြည့်ပါ။ တကယ်လို့ လုပ်ရင်းနဲ့မှ စိတ်မပါဘူး၊ အဆင်မပြေဘူး ထင်ရင်လည်း တခြား စီးပွားရေး လမ်းကြောင်းတွေ၊ ဟိုတယ်လုပ်ငန်းတွေ ပြောင်းလို့ရတဲ့ နည်းလမ်းတွေ အများကြီး ရှိသေးတယ်။ အဓိကက ဂျပန်စာ တတ်ဖို့ပဲ" လို့ ပြောပေးလိုက်ပါ။ ဒါဆိုရင် ကလေးမှာ စိတ်ပေါ့ပါးသွားပြီး အိုင်တီလေ့လာမှုကို ပိုပြီး အာရုံစိုက်နိုင်ပါလိမ့်မယ်။

ခင်တဲ့
ကောင်းကြီး

🎓 IT နှင့် ဂျပန်ဘာသာသင်တန်း Open Campus 💻

GED, IGCSE, High School ပြီးဆုံးထားသူများနှင့် Fresh Graduates များအတွက်
📅 Date: 8-June-2026 (Monday)
⏰ Time: 10:00~12:00 AM
📍 Venue: [GIC Mandalay Office, Block(6-11), Mingalar Mandalay, 73rd Street, Between Mingalar 1st st x Mingalar 2nd st, Myothit Quarter (1), Chanmyatharzi Township, Mandalay.]
အဆင့်မြင့်ပညာဆက်လက်တက်ရောက်ရန်၊ Internship အခွင့်အလမ်းများရယူရန်နှင့် အနာဂတ်လုပ်ငန်းခွင်အတွက် အဆင်သင့်ဖြစ်စေရန် ရည်ရွယ်ထားသော Professional Training နှင့် ပတ်သက်သော အစီအစဉ်များကို လာရောက်လေ့လာဖို့ ဖိတ်ခေါ်လိုက်ပါတယ်။
📚 Programs Offered:
✅ IT Professional Training
✅ Japanese Language Training
✅ Pre-Intern & Internship Program – လက်တွေ့ Project များ၊ အဖွဲ့လိုက်လုပ်ဆောင်မှုများ၊ လုပ်ငန်းခွင်သုံး Professional Communication များနှင့် တကယ့်လုပ်ငန်းခွင် ပတ်ဝန်းကျင်အတိုင်း လေ့ကျင့်ပေးခြင်းဖြင့် လုပ်ငန်းခွင်အတွေ့အကြုံများကို ကြိုတင်ရရှိစေမယ့် သင်တန်း
✨ Open Campus အစီအစဉ်မှ ထူးခြားချက်များ -
🔹 ကျောင်းသား/သူများ ကိုယ်တိုင် ဖန်တီးထားသော IT ထုတ်ကုန်များနှင့် Project များကို လေ့လာကြည့်ရှုနိုင်ခြင်း
🔹 ကျောင်းသား/သူများ၏ ကျွမ်းကျင်မှုကို လက်တွေ့အသုံးချနေပုံကို မြင်တွေ့နိုင်ခြင်း
🔹 ပညာရပ်များကို လေ့လာသင်ယူရင်း အလုပ်သင်အခွင့်အလမ်းနှင့် အလုပ်အကိုင်အခွင့်အလမ်းဆီသို့ လှမ်းနိုင်မည့် လမ်းကြောင်းအထိ သိရှိနိုင်ခြင်း
🔹 သင်တန်းမှ ဆရာ/ဆရာမများနှင့် လူကိုယ်တိုင် တွေ့ဆုံပြီး မိမိ၏ အနာဂတ် အခွင့်အလမ်းများကို ဆွေးနွေးနိုင်ခြင်း
🌟 Build industry-ready skills. Gain practical experience. Prepare for your future.
📍 အောင်မြင်တဲ့ Career ခရီးလမ်းနဲ့ Higher Education အတွက် လိုအပ်မယ့် အသိပညာနဲ့ အရည်အချင်းတွေကို အကောင်းဆုံး ဖြည့်ဆည်းပေးမယ့် ကျွန်ုပ်တို့ရဲ့ Open Campus ပွဲကို လာရောက်ခဲ့ဖို့ ဖိတ်ခေါ်လိုက်ပါတယ်။ မိမိအနာဂတ်အတွက် ပထမဆုံးခြေလှမ်းကို ဒီပွဲမှာ အတူတူ စတင်လိုက်ရအောင်။
⚠️ လူဦးရေ ကန့်သတ်ထားပါသဖြင့် အမြန်ဆုံး စာရင်းပေးသွင်းပါရန် တိုက်တွန်းအပ်ပါသည်။
📩 အသေးစိတ်အချက်အလက်နှင့် စာရင်းပေးသွင်းရန် ဆက်သွယ်ပါ
ဖုန်းနံပါတ် : 09423385177
Registration Link:https://forms.cloud.microsoft/r/ZbeF86MgB2

GIC Career Gateway ကျောင်းသားများ၏ လက်တွေ့လုပ်ငန်းခွင် ခြေလှမ်းသစ်များ 🚀

စာတွေ့သင်ရိုးတွေတင်မကဘဲ လက်တွေ့နယ်ပယ်မှာပါ ခြေလှမ်းကျဲနိုင်ဖို့က Career တစ်ခုအတွက် အရေးကြီးဆုံးဖြစ်ပါတယ်။
ယခုဆိုရင် GIC Career Gateway ရဲ့ All-in-One 2 Years Program မှ ကျောင်းသား၊ ကျောင်းသူများဟာ ၎င်းတို့သင်ယူခဲ့တဲ့ ပညာရပ်တွေကို အသုံးချပြီး GIC Company မှာ Internship လက်တွေ့ဆင်းနေကြပြီ ဖြစ်ပါတယ်။ (၂) နှစ်တာအတွင်း စနစ်တကျ ပြိုးထောင်ခဲ့တဲ့ အရည်အချင်းတွေကို Professional လုပ်ငန်းခွင်ထဲမှာ သက်သေပြနေကြပြီလည်း ဖြစ်ပါတယ်။

GIC Career Gateway က ဘာကြောင့် သင့်အတွက် အကောင်းဆုံးဖြစ်မလဲ?
Bridge to Industry: သင်ယူမှုနဲ့ အလုပ်အကိုင်ကြားက ကွာဟချက်ကို Internship အခွင့်အရေးတွေနဲ့ ပေါင်းကူးပေးပါတယ်။
Real-World Experience: Corporate ယဉ်ကျေးမှု၊ Team Collaboration နဲ့ Real Project တွေကို ကျောင်းသားဘဝကတည်းက ရင်းနှီးကျွမ်းဝင်စေပါတယ်။
Future-Ready Skills: ခေတ်သစ်လုပ်ငန်းခွင်က တကယ်လိုအပ်နေတဲ့ Technical နဲ့ Soft Skills တွေကို တစ်ပါတည်း လေ့ကျင့်ပေးပါတယ်။

ကျွန်တော်တို့ရဲ့ ကျောင်းသားတွေ အခုလို လက်တွေ့နယ်ပယ်မှာ အောင်မြင်စွာ ခြေလှမ်းစတင်နိုင်တာဟာ GIC Career Gateway ရဲ့ အရည်အသွေးကို ဖော်ပြနေတာပဲ ဖြစ်ပါတယ်။
🤔သင်ဟာလည်း အနာဂတ်မှာ Professional တစ်ယောက်အဖြစ် ယုံကြည်ချက်ရှိရှိ ရပ်တည်ချင်သူဆိုရင်...
👉GIC Career Gateway ရဲ့ All-In-One-2-Year Course (Batch-6) က သင့်ကို ကြိုဆိုနေပါတယ်။

ဆက်သွယ်ရန်နှင့် လိပ်စာ
📍သင်တန်းကြေးနှင့် အသေးစိတ်ကို Messenger သို့မဟုတ် အောက်ပါဖုန်းနံပါတ်များသို့ ဆက်သွယ်မေးမြန်းနိုင်ပါသည်။
📞Yangon: 09-40995-9533(ရုံးချိန်အတွင်း)
📍Yangon： Lanmadaw Township (Room B PH4, Myawaddy Luxury Bank Complex, Corner of Bogyoke Aung San Road & Warden St,Lanmadaw Township )
📞Mandalay: 09-42338-5177(ရုံးချိန်အတွင်း)
📍Block(6-11), Mingalar Mandalay, 73rd Street, Between Mingalar 1st st x Mingalar 2nd st, Myothit Quarter (1), Chanmyatharzi Township, Mandalay.
အသေးစိတ်ကို GIC Academy HP：https://academy.gic-its.com/
GIC Group HP：www.gicjp.com

ပြီးခဲ့တဲ့ အပတ်က TimeCity မှာ ကျင်းပခဲ့တဲ့ Education Fair မှာ GIC Career Gateway လည်း ပါဝင်ဆင်နွှဲခဲ့ပါတယ်။ 🎊
ပွဲအတွင်းမှာ ကျွန်မတို့ Booth ကို စိတ်ဝင်တစားနဲ့ လာရောက်စုံစမ်းမေးမြန်းခဲ့ကြတဲ့ ကျောင်းသား/သူတွေနဲ့ မိဘအုပ်ထိန်းသူ တစ်ယောက်ချင်းစီတိုင်းကို အထူးပင် ကျေးဇူးတင်ရှိပါတယ်ရှင်။ လူငယ်တွေရဲ့ တက်ကြွတဲ့ အနာဂတ်အိပ်မက်တွေကို နားထောင်ခွင့်ရပြီး လမ်းညွှန်ပေးခွင့်ရခဲ့တာကြောင့် တကယ်ကို ကြည်နူးရတဲ့ Weekend လေးဖြစ်ခဲ့ရပါတယ်။ ❤️
ပွဲနေ့က GIC ရဲ့ ပျော်ရွှင်စရာ အမှတ်တရ ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။ 👇

✨Hello ဒီနေ့ Timecity education fair မှာ GIC Career Gateway က 10AM ကနေ 5PM အထိရှိနေပါတယ်နော်
👀Education fair အတွင်း GIC Career Gateway မှာ class လာအပ်သူတိုင်းကို လည်းအထူးpromotion လေးတွေလည်းစီစဉ်ပေးသွားဉီးမှာမို့ မြန်မြန် register လာလုပ်ဖို့ ဖိတ်ခေါ်လိုက်ပါတယ်ရှင်
✨ 7 ရက်နေ့နဲ့ 8 ရက်နေ့ နှစ်ရက်လုံးရှိနေပါတယ်နော်