https://www.facebook.com/108720755555773/

Tosco MM Japanese Language Institution, No. 221, Sule Square, Unit07-B, Level-16, Sule Pagoda Road, Kyauktada Township, Yangon (2026)

29/05/2024

“တဲ့ရုတဲ့ရုဘိုးဇု” ရိုးရာလက်လုပ်အရုပ်

☔️☔️☔️☔️☔️☔️☔️☔️☔️☔️☔️☔️
အားကစားပွဲတို့ ပျော်ပွဲစားနေ့စသည်တို့၏ ရှေ့ရက်၊ မိုးဆက်တိုက်ရွာနေပြီး ရာသီဥတုသာယာစေချင် တဲ့အခါမှာ “တဲ့ရုတဲ့ရုဘိုးဇု” ရိုးရာလက်လုပ်အရုပ်ကို ပြုလုပ်ပြီး နောက်ရက်တွင် ရာသီဥတု သာယာစေရန် ဆုတောင်းကြပါတယ်။

☔️☔️☔️☔️☔️☔️☔️☔️☔️☔️☔️☔️

✅“တဲ့ရုတဲ့ရုဘိုးဇု” ရိုးရာလက်လုပ်အရုပ်၏ ဓလေ့က အဲဒိုခေတ် (၁၆၀၃-၁၈၆၈)တွင် တရုတ်နိုင်ငံမှ ဆင်းသက်လာခဲ့တယ်လို့ ဆိုကြပါတယ်။

✅တရုတ်နိုင်ငံမှာဆိုရင် တံမြက်စည်းကိုင်ထားတဲ့ စက္ကူရုပ်နဲ့ ပြုလုပ်ထားတဲ့ အမျိုးသမီးက တံမြက်စည်းနဲ့ မိုး၊ နှင်း၊ မြူတို့ကို ရှင်းလင်းပေးတယ်လို့ ယုံကြည်ကြပါတယ်။ အဲ့ဒီအချိန်တုန်းက ဂျပန်မှာ ရာသီဥတု သာယာဖို့ကို ဆုတောင်းတာက ဘုန်းကြီးတွေရဲ့ အလုပ်ဖြစ်ပါတယ်။

✅Bou Zuဆိုတာက ဘုန်းကြီးကို ခေါ်ဝေါ်တဲ့ အခြားအသုံးအနှုန်းဖြစ်တဲ့အတွက် “တဲ့ရုတဲ့ရုဘိုးဇု”ဆိုပြီး အမည်တွင်ခဲ့တာလို့ ဆိုပါတယ်။ “တဲ့ရုတဲ့ရုဘိုးဇု”ဆိုတဲ့ သီချင်းလည်း ရှိပါတယ်။

✅ဂျပန်သီချင်းဖြစ်ပေမယ့် လွယ်ကူတဲ့အတွက် လေ့ကျင့်ပြီး ဆိုကြည့်ကြပါနော်။

https://www.youtube.com/watch?v=eMlguyeKek8

25/04/2024

ဂျပန်နိုင်ငံ၏ အစိုးရရုံးပိတ်ရက် : ရှိုးဝနေ့ (ဧပြီလ ၂၉ရက်)

🎌🎌🎌🎌🎌🎌🎌🎌🎌🎌🎌

ဧပြီလ ၂၉ရက်က “ ရှိုးဝနေ့ “ဆိုတဲ့ ဂျပန်နိုင်ငံရဲ့ အစိုးရရုံးပိတ်ရက်ဖြစ်ပါတယ်။
“ရှိုးဝ”ဆိုတာက ခေတ်နာမည်ဖြစ်ပါတယ်။ ယနေ့ခေတ်က “ရဲဝ”၊ အဲ့ဒီရှေ့ခေတ်က “ဟဲဆေး”ဖြစ်ပြီး အဲ့ဒီရှေ့ခေတ်က “ရှိုးဝ” ဖြစ်ပါတယ်။

တကယ်တော့ “ရှိုးဝနေ့” က အရင် “စိမ်းလန်းစိုပြေရေးနေ့”လို့ ခေါ်ပြီး အဲ့ဒီအရင်က “ဘုရင်မွေးနေ့” ဖြစ်ခဲ့ပါတယ်။ ၁၉၂၆ခုနှစ်မှ ၁၉၈၉ခုနှစ်အထိ နန်းစံခဲ့တဲ့ ရှိုးတဘုရင်၏ မွေးနေ့ကို ဂုဏ်ပြုကျင်းပတဲ့ အထိမ်းအမှတ်နေ့ဖြစ်ခဲ့ပါတယ်။

၁၉၈၉ခုနှစ်မှာ ရှင်ဘုရင် နတ်ရွာစံခဲ့ပေမယ့်လည်း အဲ့ဒီနေ့ကို အထိမ်းအမှတ်နေ့အဖြစ် ချန်ရစ်ထားခဲ့ပါတယ်။ ရှိုးဝဘုရင်က သစ်ပင်ပန်းပင်များကို အလွန် ချစ်မြတ်နိုးပြီး ဇီဝဗေဒပညာရှင်အဖြစ်လည်း နေထိုင်ခဲ့ခြင်းကို အကြောင်းပြုပြီး “ စိမ်းလန်းစိုပြေရေးနေ့” ဖြစ်လာပါ တယ်။

အဲ့ဒီနောက် ၂၀၀၅ခုနှစ်မှာ ဥပဒေ ပြန်လည်ရေးဆွဲလိုက်ခြင်းကြောင့် “ ရှိုးဝနေ့” ဖြစ်လာခဲ့ပါတယ်။ ရှိုးဝခေတ်မှာ ဂျပန်နိုင်ငံက စစ်ပွဲကြီးများနဲ့ ကြုံတွေ့ရပြီး စစ်ရှုံးခြင်းမှ စီးပွားရေးပြန်လည်ထူထောင်ရေး များကို ပြုလုပ်ခဲ့ရတဲ့ ခက်ခဲကြမ်းတမ်းခဲ့တဲ့ ခေတ်ဖြစ်ခဲ့ပါတယ်။

အဲ့ဒီနေ့က ရှိုးဝဘုရင်နှင့်အတူ ကြုံတွေ့ခဲ့ရတဲ့ ခက်ခဲကြမ်းတမ်းတဲ့ခေတ် “ရှိုးဝခေတ်”ကို အောက်မေ့တမ်းတပြီး အနာဂတ်သို့ ဦးတည်တဲ့ အတွေးအခေါ်များကို တွေးခေါ်စေသည့်နေ့ပဲ ဖြစ်ပါတယ်။

23/03/2024

ချယ်ရီပန်းပွင့်ချိန်ပြမျဥ်း

🌸🌸🌸🌸🌸🌸🌸🌸🌸🌸🌸🌸

ဂျပန်လို့ပြောလိုက်တာနဲ့ ချယ်ရီပန်းလို့ဆိုရလောက်အောင် ချယ်ရီပန်းက ဂျပန်ရဲ့ အထင်ကရ တခုလို့ ဆိုနိုင်ပါတယ်။ ဂျပန်လူမျိုးတွေက ချယ်ရီပန်းကို အလွန်ချစ်မြတ်နိုးပြီး၊ ချယ်ရီပန်းများ ပွင့်လာမှာကို စောင့်စားလေ့ရှိပါတယ်။ ပြီးတော့ ဘယ်အချိန် ချယ်ရီပန်းတွေ ပွင့်မလဲဆိုတာကိုလဲ အရမ်း ဂရုစိုက်ကြပါတယ်။
ဂျပန်နိုင်ငံက တောင်မြောက်ရှည်လျားတဲ့အတွက် ချယ်ရီပန်းပွင့်ချိန်မှာ ကွာဟချက်ရှိပါတယ်။

ဒါကြောင့် နှစ်စဥ် (ချယ်ရီပန်းပွင့်ချိန်ပြမျဥ်း)ကို ထုတ်ပြန်ကြေငြာပါတယ်။ ချယ်ရီပန်းပွင့်ချိန်ပြမျဥ်း ဆိုတာက မိုးလေဝသဌာနမှ ထုတ်ပြန်ကြေငြာတဲ့ ချယ်ရီပန်းတွေ ဘယ်အချိန် ပွင့်မလဲဆိုတာကို သိနိုင်တဲ့ ပန်းပွင့်ချိန်ခန့်မှန်းချက်ဖြစ်ပြီး၊ ဂျပန်နိုင်ငံဒေသအသီးသီးရဲ့ ချယ်ရီပန်း စပွင့်တဲ့ခန့်မှန်းရက်တွေ ကို ချိတ်ဆက်ပြီးဆွဲထားတဲ့ မျဥ်းဖြစ်ပါတယ်။ မတ်လလယ်နှောင်းပိုင်းမှာ ခယူးရှူးကျွန်းနဲ့ ရှိခိုခုကျွန်း စသည့် တောင်ဘက်မှ မြောက်ဘက်သို့ စတင်ပြီး၊ ဧပြီလမှာ ဂျပန်ကျွန်းဆွယ်ဘက်ကို တဟုန်ထိုး မြောက်ဘက်သို့ တက်သွားပြီး၊ မေလမှာ ဟို့ကိုင်းဒိုးဘက်သို့ ပန်းပွင့်ချိန် ရောက်ရှိပါတယ်။

မိမိနေထိုင်တဲ့ ဒေသမှာ ဘယ်အချိန် ချယ်ရီပန်းပွင့်မလဲဆိုတာ စစ်ဆေးပြီး၊ မိသားစု၊ သူငယ်ချင်း၊ လုပ်ဖော်ကိုင်ဖက်တွေနဲ့ ပန်းကြည့်ပွဲအတွက် အစီအစဥ်ဆွဲရတာလည်း ပျော်ရွှင်စရာကိစ္စ တစ်ခုဖြစ်ပါ တယ်။ ပြီးတော့ ပင်လုံးကျွတ်ပွင့်တဲ့ ချယ်ရီပန်းပင်အောက်မှာ စားသောက်ကြရင်းနဲ့ ပုံမှန် နွေဦးရာသီ ရောက်ရှိလာခြင်းကို ခံစားကြတာဖြစ်ပါတယ်။

မိုးလေဝသက ထုတ်ပြန်ကြေငြာထားတဲ့ ချယ်ရီပန်း စတင်ပွင့်ချိန် ခန့်မှန်းချက်မှာ အောက်ပါအတိုင်း ဖြစ်ပါတယ်။ ဂျပန်နိုင်ငံ ဒေသအသီးသီးရဲ့ ဒီနှစ် ချယ်ရီပန်းပွင့်ချိန်က ဘယ်အချိန်များဖြစ်ပါမလဲ။
https://n-kishou.com/corp/news-contents/sakura/

07/03/2024

နွေဦး၏ကနဦးမုန်တိုင်း

------------------------
အေးချမ်းသော ဆောင်းရာသီမှ နွေဦးရာသီသို့ ကူးပြောင်းသည့်ကာလမှာ မိုးလေဝသထုတ်ပြန်ချက်တွေ မှာ နွေဦး၏ကနဦးမုန်တိုင်းတိုက်ခတ်ပါမယ်ဆိုတဲ့စကားကို ကြားရလေ့ရှိပါတယ်။ အဲ့တာကို ကြားတဲ့ ဂျပန်လူမျိုးတွေက နွေဦးရာသီက မကြာခင်ရောက်လာတော့မယ်လို့ တွေးကြပါတယ်။

နွေဦး၏ကနဦးမုန်တိုင်းက ဖေဖော်ဝါရီ ၄ရက်လောက်မှ မတ်လ ၂၀ရက်လောက်အထိကာလဖြစ်ပြီး အဲ့ဒီနှစ်၏ ပထမဆုံးတိုက်ခတ်တဲ့၊ နွေးထွေးပြီး တောင်ရပ်ဝန်းမှ လာတဲ့ လေပြင်းမုန်တိုင်းကို ဆိုလိုခြင်းဖြစ်ပါတယ်။
လေပြင်းအားကို ကိန်းဂဏန်းဖြင့်ဖော်ပြလျှင် လေပြင်းအား ၈ မီတာအထက်မှာ ရှိပါတယ်။

လေပြင်းအား ၈မီတာက ဘယ်လောက်ပြင်းထန်တဲ့ လေကိုဆိုလိုသလဲဆိုရင် ဥပမာအားဖြင့် အပြင်ဘက်မှာ လှန်းထားတဲ့ အဝတ်တွေကို သေချာ အဝတ်ညှပ်နဲ့ ညှပ်မထားဘူးဆိုရင် လွှင့်ပါသွားနိုင်လောက်တဲ့ ပြင်းအားမျိုးဖြစ်ပါတယ်။ ပြီးတော့ လေပြင်းအား ၁၀မီတာမှ ၁၅မီတာ လေများ တိုက်ခတ်တာမျိုးလည်းရှိပြီး အဲ့လိုအချိန်အခါမျိုးဆိုရင် ထီးဆောင်းခြင်း၊ လေတိုက်ရာလမ်းကြောင်းကို ဆန်ပြီး လမ်းလျှောက်ခြင်းတို့ လုပ်ရန် ခက်ခဲသည့် ပြင်းအားမျိုး ဖြစ်ပါတယ်။ လေကြောင့် လွင့်စင်လာတဲ့ ပစ္စည်းများထိမှန်ပြီး ဒဏ်ရာရတာတို့၊ အဆောက်အဦးများ ပျက်စီးခြင်းတို့လည်း ဖြစ်တတ်ပါတယ်။

ပြီးတော့ နွေဦး၏ ကနဦးမုန်တိုင်း တိုက်ခတ်တဲ့နေ့မှာ အပူချိန်မြင့်တက်ပြီး နွေးထွေးပေမယ့် နောက်ရက်မှာ အလွန်အေးလေ့ရှိပါတယ်။ အဲ့တာကို kan no modori (ဆောင်းပြန်ရောက်လာခြင်း)လို့ ‌ခေါ်ပါတယ်။
နွေဦး၏ ကနဦးမုန်တိုင်းက နွေဦးရောက်ရှိလာခြင်းကို အသိပေးခြင်းဖြစ်တယ်ဆိုပေမယ့် ချက်ချင်း နွေးလာတာမျိုး မဟုတ်ဘဲ နွေးပြီး ပြန်လည် အေးလာတာတွေ အခါခါ ဖြစ်နေပြီး ဖြည်းဖြည်းချင်း နွေဦးရာသီပုံစံပေါက်လာတာမျိုးဖြစ်ပါတယ်။

03/02/2024

🌸一နွေဦးသို့ရောက်လာခြင်း　―　（ri sshun）―🌸

အရင်အခေါက်က dai kan အကြောင်းပြီးတော့ ဒီတစ်ခေါက်မှာ ဥတု ၂၄ပါးထဲက တစ်ခု ဖြစ်တဲ့ နွေဦးအစပိုင်းကာလ (ri sshun )နဲ့ ပတ်သက်ပြီး မိတ်ဆက်ချင်ပါတယ်။

🌸🌸🌸🌸🌸🌸🌸🌸
ဂျပန်မှာ နွေဦး၊ နွေ၊ ဆောင်းဦး၊ ဆောင်း ဆိုတဲ့ ရာသီဥတု ၄မျိုးရှိပြီး အသေးစိတ်ထပ်ပြီး ခွဲခြားရင် ဥတု၂၄ပါး အဖြစ်ခွဲခြားနိုင်ပါတယ်။ ရာသီဥတု အသီးသီးရဲ့ အစပျိုးတဲ့ ကာလကို နွေဦးအစပိုင်းကာလ ၊ နွေအစပိုင်းကာလ၊ ဆောင်းဦးအစပိုင်းကာလ၊ ဆောင်းအစပိုင်းကာလ လို့ခေါ်ပြီး၊ နွေဦးအစပိုင်းကာလမှ နွေဦးရာသီ၊ နွေအစပိုင်းကာလမှ နွေရာသီ၊ ဆောင်းဦးအစပိုင်းကာလမှ ဆောင်းဦးရာသီ၊ ဆောင်းအစပိုင်းကာလမှ ဆောင်းရာသီတို့ စတင်တယ်ဆိုတဲ့ အဓိပ္ပါယ် ဖြစ်ပါတယ်။

နွေဦးအစပိုင်းကာလ (ri sshun )က နေ၏ ‌ရွေ့လျားမှုအပေါ်မူတည်ပြီး သတ်မှတ်တာဖြစ်တဲ့အတွက် ဖေဖော်ဝါရီလ ၃ရက်နေ့တွင် ကျရောက်သလို ၄ရက်နေ့တွင် ကျရောက်တာမျိုး ရှိပြီး နှစ်အလိုက် ကွဲပြားပါတယ်။ ဒီနှစ်ကတော့ ၂၀၂၄ခုနှစ် ဖေဖော်ဝါရီလ ၄ရက်နေ့ (တနင်္ဂနွေ)က နွေဦးအစပိုင်းကာလ (ri sshun )ဖြစ်ပါတယ်။

စကားမစပ် စာဖတ်သူတို့ကရော Setsu bun ဆိုတဲ့ ဂျပန်ရိုးရာ ပွဲတော်ကို သိကြပါသလား။ Setsu bunဆိုတာက kisetsu 季節ဆိုတဲ့ခန်းဂျိရဲ့「節」နဲ့ wakeru 分けるဆိုတဲ့ ခန်းဂျိကို ပေါင်းရေးထားတာဖြစ်ပြီး ရာသီဥတုများကို ပိုင်းခြားသည်ဆိုတဲ့ အဓိပ္ပါယ် ရပါတယ်။ ရာသီဥတု အပြောင်းအလဲဖြစ်တဲ့ နွေဦးအစပိုင်းကာလ (ri sshun )မတိုင်ခင်ရက်မှာ ပဲနဲ့ ပစ်ကြဲပြီး ကံဆိုးခြင်းများကို ဖယ်ထုတ်ပါတယ်။ နွေအစပိုင်းကာလ၊ ဆောင်းဦးအစပိုင်းကာလ၊ ဆောင်းအစပိုင်းကာလ မရောက်မီ ရှေ့တစ်ရက်ကိုလည်း setsu bunလို့ ခေါ်ပေမယ့် နွေဦးအစပိုင်းကာလ (ri sshun )၏ ရှေ့တစ်ရက်setsu bunကို အထူးတလည် အလေးထားကြခြင်းကြောင့် setsu bunလို့ဆိုလိုက်ရင် နွေဦးအစပိုင်းကာလ (ri sshun )ရဲ့ ရှေ့တစ်ရက်ကို ရည်ညွှန်းကြတာဖြစ်ပါတယ်။
နွေဦးအစပိုင်းကာလ (ri sshun )ကို တန်ဖိုးအထားကြဆုံးကတော့ ကာလရှည်ပြီး ပြင်းထန်တဲ့ ဆောင်းရာသီ ပြီးဆုံးသွားပြီး သစ်ပင်များ ကြီးထွားပြီး သစ်ပင်ပန်းပင်များနဲ့ စိမ်းလန်စိုပြေတဲ့ နွေဦးရာသီကို ဦးတည်နေခြင်းဆိုတဲ့ ဂျပန်ရဲ့ ရာသီဥတုနဲ့လည်း ဆက်စပ်နေပါတယ်။

🌸🌸🌸🌸🌸🌸🌸

နွေဦးအစပိုင်းကာလ (ri sshun )မှ နွေဦးရာသီစတင်တယ်လို့ ဆိုပင်မယ့်လည်း ဂျပန်မှာတော့ အအေးဓာတ်က ပြင်းထန်နေတုန်းပါပဲ။ ဒါပေမယ့် ရာသီဥတုက ဖြေးဖြေးချင်း ပြောင်းလဲသွားတာကြောင့် နွေဦးအစပိုင်းကာလ (ri sshun )ကို ကျော်လွန်ရင် နည်းနည်းချင်းစီ နည်းနည်းချင်းစီ နွေးထွေးသွားပါတယ်။

19/01/2024

☃️အအေးဆုံးရာသီ (Dai Kan)☃️

-------------------
ဂျပန်စာကိုလေ့လာနေတဲ့သူတွေအားလုံးကတော့ ဂျပန်နိုင်ငံမှာ ဥတု လေးပါးရှိတယ်ဆိုတာ သိကြမယ်လို့ထင်ပါတယ်။
နွေဦး၊ နွေ၊ ဆောင်းဦး၊ ဆောင်း ဆိုတဲ့ ရာသီဥတုလေးပါးပေါ့နော်။
ဒါပေမယ့် တကယ့်လက်တွေ့မှာ ရာသီဥတုတွေကို ပိုပြီးအသေးစိတ်ခွဲခြားဖော်ပြထားတဲ့ အသုံးအနှုန်းတွေ ရှိပါတယ်။ အဲ့ဒါကို ဥတု ၂၄မျိုးလို့ ခေါ်ပြီး တစ်နှစ်ကို ရာသီ ၂၄ခု ခွဲထားတာပဲ ဖြစ်ပါတယ်။
ဒီတစ်ခေါက်မှာတော့ ဥတု ၂၄မျိုးထဲက တစ်ခုဖြစ်တဲ့ Dai Kan အကြောင်းကို မိတ်ဆက်ပေးပါမယ်။

☃️☃️☃️☃️☃️
Dai Kanဆိုတာက တစ်နှစ်ပတ်လုံးမှာ အအေးဆုံးအချိန်ကာလကို ရည်ညွှန်းတာဖြစ်ပါတယ်။ တစ်ရက်တည်းကို ရည်ညွှန်းတာမျိုးလည်း ရှိသလို ကာလအပိုင်းအခြားတစ်ခုကို ရည်ညွှန်းတာမျိုးလည်း ရှိပါတယ်။ ယခု ၂၀၂၄ခုနှစ်ဆိုရင် ဇန်နဝါရီလ ၂၀ရက်နေ့က Dai Kan ဖြစ်ပြီး အချိန်ကာလအရဆိုရင် ဇန်နဝါရီလ ၂၀ရက်မှ ဖေဖော်ဝါရီလ ၃ရက်နေ့က Dai Kan ဖြစ်ပါတယ်။ Dai Kan ကာလမှာ အအေးဓာတ်အရမ်းပြင်းထန်ပြီး၊ လေထုလည်း ခြောက်သွေ့တာကြောင့် အအေးမိ တုပ်ကွေး ဖြစ်တဲ့သူတွေ များတဲ့ကာလဖြစ်ပါတယ်။
အခုခေတ်မှာ ကြက်မျိုးစိတ်ကောင်းမွန်အောင်လုပ်တာတွေ တိုးတက်နေတာကြောင့် တစ်နှစ်ပတ်လုံး ကြက်တွေက ဥဥကြပေမယ့် အရင်တုန်းကတော့ အေးတဲ့အချိန်ကာလတွေမှာ ဥ မဥနိုင်ကြဘူးလို့ ဆိုကြပါတယ်။ ဒါကြောင့် အေးတဲ့အချိန်ကာလတွေမှာဆိုရင် ကြက်ဥက အရမ်းအဖိုးတန်ပြီး အအေးဒဏ်တွေကို အရှုံးမပေးဘဲ ဥလာတဲ့ ကြက်ဥက အာဟာရကြွယ်ဝပြီး ကံကောင်းခြင်းတွေကို ယူဆောင်တဲ့ အတိတ်နိမိတ်ကောင်းတဲ့အရာလို့ ယူဆကြပါတယ်။

Dai Kan ကာလကျော်လွန်သွားရင် နွေဦးအဝင်လာပြီး အအေးဓာတ်ပြင်းထန်တဲ့ ဆောင်းရာသီ ကုန်လွန်ပြီး နွေဦးရာသီသို့ ပြောင်းလဲသွားမှာဖြစ်ပါတယ်။

05/01/2024

🎉အခမဲ့ ယဥ်ကျေးမှုဆိုင်ရာအတန်း ဖွင့်လှစ်ခြင်း အသိပေးကြေငြာချက်

✅ဇန်နဝါရီလ ၁၃ရက် (စနေနေ့) ၁၀နာရီ ၃၀မိနစ်- ၁၁နာရီ ၃၀မိနစ်
✅အကြောင်းအရာ ဂျပန်နှစ်သစ်ကူး၏ရိုးရာဟင်းလျာ (အိုဆဲ့ချိ ဟင်းလျာ)
✅သင်တန်းကြေး အခမဲ့
✅လိုအပ်သည့်ပစ္စည်း မရှိ
✅အသုံးပြုမည့်ဘာသာစကား ဂျပန်ဘာသာ(မြန်မာစကားပြန်ပါဝင်သည်)
✅တက်ရောက်ရမည့်နည်းလမ်း Teams (လျှောက်လွှာတင်ထားသည့်သူများအား link ပေးပို့ပါမည်)
✅သတ်မှတ်ဦးရေ ၅၀ဦး (သတ်မှတ်ဦးပြည့်သည်နှင့် တစ်ပြိုင်နက် လျှောက်လွှာပိတ်ပါမည်)

ယခုအကြိမ်ပို့ချမည့် အကြောင်းအရာမှာ ဂျပန်နှစ်သစ်ကူး၏ရိုးရာဟင်းလျာ (အိုဆဲ့ချိ ဟင်းလျာ)ဖြစ်ပါသည်။ အိုဆဲ့ချိ ဟင်းလျာ၏ သမိုးကြောင်း၊ အိုဆဲ့ချိ ဟင်းလျာတွင် ပါဝင်သည့် အစားအစများနှင့် ပတ်သက်၍ မိတ်ဆက်ပါမည်။

နှစ်သစ်ကူးသည် နှစ်သစ်တစ်ခု၏ အစဖြစ်သည့်အတွက် အိုဆဲ့ချိ ဟင်းလျာထဲတွင် ထည့်ထားသည့် အစားအစာများသည် နိမိတ်ကောင်းသည့် စကားလုံးများနှင့် အသံထွက်တူသောစကားလုံးများဖြင့် ရွေးချယ်ထားခြင်းဖြစ်ပါသည်။

အဘယ်ကြောင့်ဆိုသော် ဂျပန်နိုင်ငံတွင် မိမိနှုတ်မှ ထွက်သော စကားလုံးများအတိုင်း ဖြစ်လာတတ်သည်ဟု ရှေးရှေးကတည်းက ယုံကြည်နေကြခြင်းကြောင့် ဖြစ်ပါသည်။

တနည်းအားဖြင့် ကောင်းသောစကားများပြောဆိုလျှင် ကောင်းသောအရာများဖြစ်လာ၍ မကောင်းသောစကားများပြောဆိုလျှင် မကောင်းသောအရာများ ဖြစ်လာတတ်ပါသည်။ ထို့ကြောင့် ဘာကြောင့် အိုဆဲ့ချိ ဟင်းလျာထဲတွင် အဲ့ဒီစားစရာများ ပါဝင်နေရသလဲဆိုတာ တိတိကျကျ အဓိပ္ပါယ်များ ရှိပါသည်။

ယခုအကြိမ် ယဥ်ကျေးမှုဆိုင်ရာအတန်းသည် အိုဆဲ့ချိ ဟင်းလျာမှတဆင့် ဂျပန်လူမျိုးတို့၏ အတွေးအခေါ်၊ ဓလေ့ထုံးတမ်းများကို သိရှိနိုင်ပါသည်။
ဂျပန်လူမျိုးများသည် မည်မျှပင် နိမိတ်များ ယူဆခြင်းကို နှစ်သက်ကြောင်း သိရှိနိုင်ပါသည။ ထို့အပြင် ဂျပန်ဘာသာလေ့လာဖူးသူများက စာသင်ခန်းထဲတွင် သင်ယူ၍ မရနိုင်သော ဂျပန်ဘာသာ၏ စိတ်ဝင်စားဖွယ်ရာများကို နားလည်နိုင်ပါမည်။

မည်သူမဆို အခမဲ့ ပျော်ရွှင်စွာ တက်ရောက်နိုင်ပါသည်။

↓↓↓↓ application foam
https://docs.google.com/forms/d/1bHyezPrYh1zJmjke7Q0nv60n9jlQb2vQB7D4PH5JEis/edit

02/01/2024

မင်္ဂလာရှိသော နှစ်သစ်ဖြစ်ပါစေ။

နဂါးက ကောင်းကင်ကို ဦးတည်ပြီး အပေါ်ကို တက်သွားသလိုမျိုး မိတ်ဆွေအားလုံးအတွက်လည်း ကံများတက်ပြီး ကောင်းမွန်သော နှစ်တစ်နှစ်ဖြစ်ဖို့ ဆုမွန်ကောင်းတောင်းလိုက်ပါတယ်။

၂၀၂၄ခုနှစ် နှစ်သစ်ကူးနေ့ TOSCO Myanmar ဂျပန်ဘာသာသင်ကြားရေးဌာန

27/12/2023

✅နှစ်သစ်ကူးနေ့ (Oomisoka) (ဒီဇင်ဘာလ ၃၁ရက်)

နှစ်သစ်ကူးနေ့ (Oomisoka)ဆိုတာက နှစ်တစ်နှစ်ရဲ့ နောက်ဆုံးရက် ဒီဇင်ဘာလ ၃၁ရက်ကို ခေါ်တာဖြစ်ပါတယ်။

ဂျပန်လူမျိုးတွေက နှစ်သစ်ကူးနေ့ (Oomisoka)မရောက်ခင်အထိ နှစ်သစ်ကို ကြိုဆိုဖို့အတွက် ပြင်ဆင်စရာရှိတာတွေကို ပြင်ဆင်ပြီး၊ အဲ့ဒီနေ့မှာ toshikochi sobaလို့ခေါ်တဲ့ ခေါက်ဆွဲကို စားတာတို့ ဘုန်းကြီးကျောင်းသွားပြီး ရှိခိုးတာတို့ လုပ်ပြီး အချိန်ကုန်ဆုံးကြပါတယ်။

toshikochi sobaလို့ခေါ်တဲ့ ခေါက်ဆွဲဆိုတာက နှစ်သစ်ကူးနေ့ (Oomisoka)ရဲ့ ညမှာ စားတဲ့ ခေါက်ဆွဲကို ဆိုလိုတာဖြစ်ပြီး အဲဒိုခေတ် (၁၆၀၄-၁၈၆၈)မှာ ဖြစ်ပေါ်လာတဲ့ ဓလေ့လို့ ပြောကြပါတယ်။

ခေါက်ဆွဲက သေးသွယ်ရှည်လျားတဲ့ပုံစံရှိတာကြောင့် အသက်ရှည်ခြင်းကို ဆုတောင်းတာတို့ မိသားစုရဲ့ အောင်မြင်ကြီးပွားခြင်းတွေ အဓွန့်ရှည်အောင် ဆုတောင်းပြီး စားကြတာဖြစ်ပါတယ်။

ပြီးတော့ ညသန်းခေါင်ယံမှာ အနီးနားမှာ နေထိုင်တဲ့သူတွေက ဘုန်းကြီးကျောင်းမှာ ရှိခိုးဝတ်ပြုကြပါတယ်။ ပြီးတော့ ဘုန်းကြီးတွေက ခေါင်းလောင်းတီးကြပါတယ်။

အဲ့တာကို ညသန်းခေါင်ယံခေါင်းလောင်းသံ (joyano kane)လို့ ခေါ်ပြီး လာရောက်ရှိခိုးဝတ်ပြုကြတဲ့ သူတွေလည်း တီးလို့ရပါတယ်။

ခေါင်းလောင်းကို ၁၀၈ကြိမ် တီးကြပါတယ်။ လူသားတွေမှာ လောဘ ၁၀၈ခု (ဗုဒ္ဓဘာသာမှာသုံးတဲ့ အသုံးအနှုန်း ဖြစ်ပြီး လူသားတွေ သောကရောက် ပူ‌လောင်စေပြီး စိတ်နှလုံးကို ဗလောင်ဆူစေတဲ့ အရာဆိုတဲ့ အဓိပ္ပါယ်) ရှိတယ်လို့ ပြောကြပြီး၊ ခေါင်းလောင်း တစ်ကြိမ် တီးတိုင်း လောဘ တစ်ခုချင်းစီ ပျောက်ကွယ်သွားတယ်လို့ ပြောတာကြောင့်ဖြစ်ပါတယ်။

ယနေ့အချိန်မှာ ညသန်းခေါင်ယံခေါင်းလောင်းသံ (joyano kane)ကို YouTube ဗီဒီယိုများဖြင့် တိုက်ရိုက်ထုတ်လွှင့်သည့် ဘုန်းကြီးကျောင်းများလည်း ရှိပါတယ်။

■Chionin temple
https://www.youtube.com/watch?v=t53IwSX-Ogg

05/12/2023

Shi wa su (ဒီဇင်ဘာ)

၂၀၂၃ခုနှစ်ရဲ့ ဒီဇင်ဘာလထဲကို ရောက်လာပါပြီ။
ဒီဇင်ဘာလရောက်လာရင် ဂျပန်လူမျိုးတွေက အရမ်းအလုပ်ရှုပ်တဲ့ စိတ်မျိုးဖြစ်လာကြပါတယ်။
နှစ်တစ်နှစ်ရဲ့ နောက်ဆုံးလ ဖြစ်ပြီး၊ အဲ့ဒီနှစ်ရဲ့ အမျိုးမျိုးသော အပြီးသတ်လုပ်ဆောင်မှုတွေ နောက်နှစ်သစ်အတွက် ပြင်ဆင်မှုတွေ လုပ်ရတာကြောင့် ဖြစ်ပါတယ်။ အဲ့တာအပြင် ခရစ်စမတ်နဲ့ နှစ်ကုန်ပါတီပွဲများလည်း ရှိပြီး၊ အထူးသဖြင့် လလယ်မှ စ၍ ၂၈ရက်အထိက အထူးအလုပ်ရှုပ်ကြပါတယ်။

----------------------

ဒါဆိုရင် ဒီတစ်ခေါက်မှာ ဒီဇင်ဘာလရဲ့ အခြားနာမည်နဲ့ မိတ်ဆက်ပေးချင်ပါတယ်။ ဒီဇင်ဘာလကို shi wa su ဆိုတဲ့ အခြားအမည် မှည့်ထားပါတယ်။ ဒါက ဂျပန်ရိုးရာပြက္ခဒိန်မှာရှိတဲ့ ၁၂လပိုင်းကို ခေါ်ဝေါ်သည့် အသုံးအနှုန်းဖြစ်ပါတယ်။ တကယ်တော့ ဂျပန်ရိုးရာပြက္ခဒိန်ရဲ့ ၁၂လပိုင်း (shi wa su)က ယခု ခေတ်သစ် ပြက္ခဒိန်နဲ့ အချိန်ကာလ လွဲချော်နေတာမျိုး ရှိပေမယ့် ယနေ့ခေတ်မှာတော့ shi was u ကို ခေတ်သစ်ပြက္ခဒိန်ရဲ့ ဒီဇင်ဘာလရဲ့ အခြားအမည်တစ်ခုအနေနဲ့ အသုံးပြုကြပါတယ်။

shi was uရဲ့ အဓိပ္ပါယ်ကတော့ အရင်ဦးဆုံး shi ဆိုတာက ဒီနေရာမှာ ဘုန်းကြီးကို ဆိုလိုတာဖြစ်ပါတယ်။ ဟိုယခင်ကဂျပန်နိုင်ငံမှာနှစ်ကုန်ရက်ရောက်ရင် ဘုန်းကြီးတွေကိုပင့်ဖိတ်ပြီး ဘုရားစာ(သုတ္ထန်)ရွတ်ဖတ်တဲ့ဓလေ့ရှိပါတယ်။ဒါကြောင့်၁၂လပိုင်းမှာတော့ဘုန်းကြီးတွေအလွန်အလုပ်များကြပါတယ်။ဟိုဟိုဒီဒီအိမ်တွေမှာပင့်ဖိတ်ခြင်းခံရလို့လှည့်ပတ်ပြေးလွှားခဲ့ရပုံရပါတယ်။တနည်းဆိုသော်ဘုန်းကြီးတွေလှည့်ပတ်ပြေးလွှားနေရတဲ့လဖြစ်တဲ့အတွက် ၁၂လပိုင်းကို(shi wa su) လို့ခေါ်ဆိုခြင်းဖြစ်တယ်လို့ပြောကြပါတယ်။
(အခြားရှင်းလင်းချက်များလည်း ရှိပေမယ့် ဒီအရာက လူသိအများဆုံး ရှင်းလင်းချက်ဖြစ်ပါတယ်)

----------------

အခုဆိုရင် အဲ့ဒီလိုမျိုး ဓလေ့ထုံးတမ်းတွေ ကျန်ရှိမနေတာကြောင့် ဘုန်းကြီးပြေးနေတဲ့ ပုံစံကို မြင်တွေ့ရလေ့မရှိပါဘူး။ ဒါပေမယ့် အဲ့ဒီအစား နှစ်ကုန် နှစ်ကူးကာလမှာ ပြင်ဆင်မှုတွေများတဲ့အတွက် အလုပ်ရှုပ်နေတဲ့လူတွေရဲ့ ပုံစံကို မြင်တွေ့ရပါတယ်။

16/11/2023

📣December လတွင်ဖွင့်လှစ်မည့်အတန်းများ📣

ဂျပန်ဘာသာအတန်းများကို TOSCO MM မြန်မာနိုင်ငံရှိ နိုင်ငံခြားကုမ္ပဏီမှ ဦးစီးဖွင့်လှစ်လျက်ရှိပါသည်။ အတန်းခွဲများ အားလုံးကို အပတ်စဥ် စနေ၊ တနင်္ဂနွေနေ့တိုင်း (အစိုးရရုံးပိတ်ရက်များ မပါဝင်) ဖွင့်လှစ်သွားမည်ဖြစ်ပါသည်။ LMSကိုအသုံးပြု၍ အွန်လိုင်း စနစ်ဖြင့် သင်ကြားသွားမည်ဖြစ်သောကြောင့် မည်သည့်နေရာမှမဆို တက်ရောက်နိုင်ပါသည်။

✅application form↓↓↓↓（ဖောင်ပိတ်ရက်:November 30st.）
・Conversation course(Dec.2nd – Feb.25th)　
https://docs.google.com/forms/d/1n523MJnZpI5ALdSk5pjSkcY6a7ogOlmUyMIq9I5TSno/edit

✅အသေးစိတ်အချက်အလက်များ
1. လျှောက်လွှာပုံစံ
　လျှောက်လွှာဖောင်အား လက်ခံရရှိသည့်အချိန်တွင် registerတင်ထားသော မေးလ်သို့ ရုံးချိန်အတွင်း လက်ခံရရှိပြီးကြောင်းမေးလ် ပြန်ပို့မည်ဖြစ်ပါသည်။
2. သင်တန်းကြေးသွင်းရမည့်ပုံစံ
　လက်ခံရရှိပြီးကြောင်းမေးလ်တွင် ပါဝင်သော ဘဏ်အကောင့်သို့ သင်တန်းကြေးပေးသွင်းရန် မေတ္တာရပ်ခံအပ်ပါသည်။
3. သင်ရိုးညွှန်းဖတ်စာအုပ်
　 လက်ခံရရှိပြီးကြောင်းမေးလ် တွင် ပါဝင်သော အွန်လိုင်း စာအုပ်ဆိုင်စာရင်းမှတဆင့် တိုက်ရိုက်ဝယ်ယူနိုင်ပါသည်။

Tosco MM Japanese Language Institution

29/05/2024

25/04/2024

23/03/2024

07/03/2024

03/02/2024

19/01/2024

05/01/2024

02/01/2024

27/12/2023

05/12/2023

16/11/2023

Address

Telephone

Website

Alerts

Contact The School

Shortcuts

Share

Category

Listing takedown request