https://www.facebook.com/104939094198021/

Baby Life Pre School, Thumeiktar 22 Street, Yangon (2026)

18/08/2026

Happy birthday Shine Htet Aung🎉🎆😍

ကျန်းမာပျော်ရွှင်၍ ထူးခွှန်ထက်မြက်သော သားလှရတနာလေးဖြစ်ပါစေ❤️

16/08/2026

Phonics & Side words Phonics + Sight Words နှစ်ခုလုံး ဘာကြောင့်လိုတာလဲ? 📚🔤

ကလေးတစ်ယောက် English စာဖတ်တတ်လာဖို့ Phonics တစ်ခုတည်း၊ Sight Words တစ်ခုတည်းနဲ့ မလုံလောက်ပါဘူး။
နှစ်ခုလုံးက မတူညီတဲ့ Reading Skills တွေကို တည်ဆောက်ပေးတာပါ။

🔤 Phonics က ဘာလုပ်ပေးလဲ?
Phonics က စာလုံးနဲ့ အသံကြားက ဆက်စပ်မှု ကို နားလည်စေပါတယ်။

ဥပမာ —
c-a-t → /k/ /æ/ /t/ → cat

ဒါကြောင့် ကလေးက မတွေ့ဖူးသေးတဲ့ စကားလုံးတွေကိုတောင် အသံခွဲပြီး ဖတ်နိုင်လာပါတယ်။

👀 Sight Words က ဘာလုပ်ပေးလဲ?
Sight Words က စာဖတ်တဲ့အခါ မကြာခဏတွေ့ရတဲ့ စကားလုံးတွေကို ချက်ချင်းမှတ်မိပြီး ဖတ်နိုင်အောင် ကူညီပေးပါတယ်။

ဥပမာ — the, is, are, was, have, said စတဲ့ စကားလုံးတွေပါ။

💡 ဒါကြောင့် နှစ်ခုလုံးပေါင်းလိုက်ရင်…

Phonics → မသိသေးတဲ့ စကားလုံးကို decode လုပ်ပြီး ဖတ်နိုင်စေတယ်။
Sight Words → မကြာခဏတွေ့ရတဲ့ စကားလုံးတွေကို မြန်မြန်နဲ့ အလိုအလျောက် ဖတ်နိုင်စေတယ်။

ဒီနှစ်ခုလုံး ခိုင်မာလာတဲ့အခါ
✨ Reading ပိုမြန်လာမယ်
✨ Reading fluency ပိုကောင်းလာမယ်
✨ စာဖတ်ရတာ ပိုသက်တောင့်သက်သာဖြစ်လာမယ်
✨ စာရဲ့အဓိပ္ပါယ်ကို ပိုအာရုံစိုက်နိုင်လာမယ်

Phonics က “ဘယ်လိုဖတ်ရမလဲ” ကို သင်ပေးပြီး Sight Words က “ဘာတွေကို ချက်ချင်းမှတ်မိရမလဲ” ကို ကူညီပေးပါတယ်။ 📖

ဒါကြောင့် ကလေးတွေရဲ့ Reading Foundation ကို တည်ဆောက်တဲ့အခါ Phonics + Sight Words နှစ်ခုလုံးကို မျှတစွာ လေ့ကျင့်ပေးဖို့ အရေးကြီးပါတယ်။

14/08/2026

"မြန်မာဗျည်းအက္ခရာများ"

"ဝ" နှင့်စသော စကားလုံးများကိုရွေးပြီးဝိုင်းပါ ။

#မြန်မာဗျည်းအက္ခရာများ

14/08/2026

Today we learn about "Fruits"

11/08/2026

ADHD သူငယ်ချင်းများနှင့် အတူတက်ရခြင်းမှ သာမန်ကလေးများ ရရှိသွားသည့် တန်ဖိုးမဖြတ်နိုင်သော ဘဝသင်ခန်းစာ (၅) မျိုး

ယနေ့ခေတ် အမေရိကန်ပြည်ထောင်စု (US) အပါအဝင် နိုင်ငံတကာ ပညာရေးစနစ်များတွင် ADHD သို့မဟုတ် Neurodivergent (ဦးနှောက်နှင့် အာရုံကြောစနစ် ကွဲပြားသည့်) ကလေးငယ်များကို Special Needs (SN) ကျောင်းများသို့ သီးသန့် အလွယ်တကူ ခွဲထုတ်မပစ်ဘဲ "General Education Classroom (ပုံမှန်အတန်း)" တွင်ပင် အဓိကထား တက်ရောက်စေသည့် Inclusive Education (တန်းတူညီမျှ ပါဝင်ခွင့်ရှိသော ပညာရေး) ကို ဦးစားပေး ကျင့်သုံးလာကြပါတယ်။

အမေရိကန်၏ IDEA ဥပဒေတွင်ပင် Special Needs ကလေးများအား အကန့်အသတ် အနည်းဆုံး ပတ်ဝန်းကျင် LRE (Least Restrictive Environment) ဖြစ်သည့် သာမန်အတန်းများ၌သာ ပထမဆုံး စတင်သင်ကြားပေးရန် ပြဋ္ဌာန်းထားပြီး၊ အမှန်တကယ် အဆင်မပြေမှသာ အထူးပြု ပံ့ပိုးမှုများ (Special Needs Setting) သို့ ပြောင်းလဲပေးလေ့ ရှိပါသည်။

အဲ့ဒီလိုခွဲထုတ်မထားဘဲ အတူတကူ ရောနှော တက်ရောက်စေခြင်းသည် Special Needs ရှိသော ကလေးများအတွက်သာမက "သာမန် ကလေးများ (Neurotypical Children)" အတွက်ပါ ဘဝတစ်ခုလုံးအတွက် တန်ဖိုးမဖြတ်နိုင်သော အောက်ပါ အကျိုးကျေးဇူးများကို ရရှိစေပါသည် -

၁။ စာနာထောက်ထားတတ်သည့်စိတ် (Empathy) စောစီးစွာ ရရှိခြင်း
သာမန်ကလေးများသည် လူတိုင်းသည် မိမိနှင့် ပုံစံတူ မဟုတ်ဘဲ၊ ကွဲပြားသော အားနည်းချက်/အားသာချက်များ ရှိကြသည်ကို အတန်းထဲတွင် လက်တွေ့ မြင်တွေ့ရပါသည်။ သူငယ်ချင်းတစ်ယောက် စိတ်လှုပ်ရှားနေချိန်၊ အာရုံမစိုက်နိုင်ချိန် သို့မဟုတ် အကူအညီလိုနေချိန်တွင် ခွဲခြားမဆက်ဆံဘဲ "နားလည်ပေးခြင်း၊ စာနာပေးခြင်းနှင့် အလိုက်သင့် ကူညီပေးခြင်း" စသည့် အရေးကြီးသော Emotional Intelligence (EQ) ကို သဘာဝအတိုင်း စောစီးစွာ သင်ယူရရှိသွားကြပါသည်။

၂။ ခွဲခြားဆက်ဆံမှု ကင်းဝေးပြီး ကွဲပြားမှုကို လက်ခံတတ်ခြင်း (Acceptance of Diversity)
ကမ္ဘာပေါ်တွင် မိမိတို့ကဲ့သို့ ဦးနှောက် ဖွဲ့စည်းပုံရှိသူများ သာမက ပုံစံမတူသည့် Neurodivergent ဦးနှောက်ရှိသူများစွာ ရှိနေသည်ကို အတန်းထဲတွင် အတူတကူ ကြီးပြင်းရင်း လက်ခံသွားကြသည့်အတွက် ခွဲခြားဆက်ဆံတတ်သည့် စိတ် (Stigma & Prejudice) လုံးဝ မရှိတော့ပါ။ အနာဂတ် လူ့အဖွဲ့အစည်းနှင့် လုပ်ငန်းခွင်သို့ ရောက်သည့်အခါတွင်လည်း လူအမျိုးမျိုးနှင့် ပေါင်းသင်း ဆက်ဆံနိုင်သည့် Inclusive Mindset ရှိသော ခေါင်းဆောင်များ ဖြစ်လာကြပါသည်။

၃။ မိမိကိုယ်ကို လေးစားမှုနှင့် ခေါင်းဆောင်မှု အရည်အသွေး မြင့်မားလာခြင်း (Self-Esteem & Leadership)
Inclusive အတန်းများတွင် သာမန်ကလေးများသည် Special Needs ရှိသော သူငယ်ချင်းများအား စာကူရှင်းပြခြင်း၊ အလုပ်များတွင် ကူညီပေးခြင်း (Peer Mentorship) စသည်တို့ကို ပြုလုပ်ပေးရလေ့ရှိပါသည်။ အခြားသူကို ကူညီပေးရခြင်းမှတစ်ဆင့် "ငါဟာ အခြားသူတွေကို ကူညီပေးနိုင်သူဖြစ်တယ်" ဆိုသည့် မိမိကိုယ်ကို လေးစားမှု (Self-esteem) နှင့် ခေါင်းဆောင်မှု အရည်အသွေး (Leadership Skills) များ တိုးတက်လာပါသည်။

၄။ နည်းလမ်းစုံ သင်ယူခွင့်ရရှိခြင်း (Multiple Learning Strategies)
Inclusive Classroom များတွင် ဆရာမများသည် အားလုံး နားလည်အောင် သင်ကြားရေး နည်းလမ်းစုံ (Visuals, Hands-on Activities, Movement Breaks, Mind Maps) စသည့် Multi-sensory Learning များကို သုံးလေ့ရှိပါသည်။ ထိုနည်းလမ်းများသည် Special Needs ကလေးများအတွက်တင် မကဘဲ သာမန်ကလေးများအတွက်ပါ စာကို ပိုမို မှတ်မိလွယ်ခြင်း၊ မပျင်းရခြင်းနှင့် Creative Thinking ပိုမို တိုးတက်စေခြင်း စသည့် အကျိုးကျေးဇူးများကို ရရှိစေပါသည်။

၅။ ဒဏ်ခံနိုင်စွမ်းနှင့် စိတ်ရှည်မှု တိုးတက်ခြင်း (Resilience & Patience)
အရာရာ မိမိစိတ်တိုင်းကျ အတိုချုံး ဖြစ်မလာဘဲ သူငယ်ချင်းများ၏ ကွဲပြားမှုကြောင့် အတန်းထဲတွင် စောင့်ဆိုင်းရခြင်း၊ စိတ်ရှည်ပေးရခြင်းတို့ကို ကြုံတွေ့ရသည့်အတွက် အခက်အခဲများနှင့် စိတ်တိုင်းမကျမှုများကို သည်းခံရင်ဆိုင်နိုင်သည့် Resilience (ဒဏ်ခံနိုင်စွမ်း) ပိုမို ကောင်းမွန်လာပါသည်။

ကလေးတစ်ယောက်ကို သီးသန့် ခွဲထုတ်လိုက်ခြင်းသည် ထိုကလေးအတွက် သာမကဘဲ၊ 'သာမန်ကလေးများ' အတွက်ပါ လူမှုအဖွဲ့အစည်း၏ ကွဲပြားမှုကို လက်ခံပြီး စာနာတတ်သော အနာဂတ် ခေါင်းဆောင်များ ဖြစ်လာမည့် အခွင့်အလမ်းကို ဆုံးရှုံးသွားစေခြင်းပင် ဖြစ်ပါတယ်။ ကလေးငယ်များ၏ သဘာဝအတိုင်း အတူတကွ ရောနှော သင်ယူခွင့်ကို အတူတကွ ကာကွယ်ပေးနိုင်ကြပါစေရှင်။🤍

29/07/2026

မဂ်လာရှိသော ဝါဆိုလပြည့် ဓမ္မစကြာ အခါတော်နေ့လေးမှာ ချစ်ခင်လေးစားရသော မိဘများ ကောင်းမှုတရားများကို တစ်နေ့တာ တည်ဆောက်ရင်း ကျန်းမာချမ်းသာ၍ ဘေးကင်းရန်ကွာကာ ချမ်းမြေ့ပါစေကြောင်း Baby life Preschool မိသားစုမှ မေတ္တာများပို့သလိုက်ပါသည်ရှင်🙏🙏🙏

23/07/2026

This is today Activity

Let watch and enjoy together what they learnt

Vd recording and edited by Tr.Khaing Haythar

17/07/2026

ယခု ဇူလိုင်လ ၁၉ ရက်နေ့တွင်ကျရောက်မည့် ၇၉ကြိမ်မြောက် အာဇာနည်နေ့အား ဂုဏ်ပြုသောအားဖြင့် ကျွန်မတို့ Babylifeမှ သားသားမီးမီးတို့၏ ကိုးဦးဇာနည် ကဗျာရွတ်ဖတ်ခြင်နှင့် ကျဆုံးလေပြီးသော အာဇာနည် ခေါင်းဆောင်များအား ဦးညွတ် အလေးပြုခြင်းဖြစ်ပါတယ်ရှင့်

(ကလေးတွေဖြစ်တဲ့အတွက် မငြိမ်မသက်ဖြစ်တာတွေ၊အမှားအယွင်းလုပ်ခဲ့တာလေးများရှိခဲ့ရင် မေမေ ဖေဖေတို့က နားလည်ခွင့်လွှတ်ပေးကြပါအုံးရှင့်)

12/07/2026

မေမေတွေအတွက်😍"ကလေးက ကျောင်းသွားခါနီးရင် အတင်းဖက်ပြီး ငိုနေလို့ စိတ်မကောင်းဘူး"
"ကျောင်းဝင်းထဲရောက်ရင် ခြေထောက်ကို အတင်းဖက်ထားပြီး ကျန်ခဲ့မှာ ကြောက်နေတယ်"

ဒါတွေဟာ မူကြိုအရွယ် ကလေးရှိတဲ့ မိသားစုတော်တော်များများ ကြုံတွေ့ရလေ့ရှိတဲ့ Separation Anxiety (ခွဲခွာရမှာ စိုးရိမ်စိတ်) ကြောင့် ဖြစ်ပါတယ်။ ကလေးတွေရဲ့ စိတ်ပညာနဲ့ အပြုအမူဆိုင်ရာ (Child Mental & Behavioral Health) ရှုထောင့်ကနေ ကြည့်ရင် ဒါဟာ လုံးဝ ပုံမှန်ဖြစ်စဉ်တစ်ခုဖြစ်ပြီး သူတို့ကို ဘယ်လိုအကောင်းဆုံး ကူညီပေးနိုင်မလဲဆိုတာ ပြောပြပေးပါမယ်။

ကလေးတွေ ဘာကြောင့် ဒီလောက်အထိ ငိုကြတာလဲ?
အသက် (၃) နှစ်ကနေ (၅) နှစ်အရွယ် မူကြိုကလေးတွေအတွက် မိဘနဲ့ ခွဲခွာရတာဟာ "သူတို့အတွက် အလုံခြုံဆုံး ကမ္ဘာကြီးပျောက်ဆုံးသွားသလို" ခံစားရစေပါတယ်

☘️အပြောင်းအလဲကို ကြောက်ရွံ့ခြင်း: အိမ်ဆိုတဲ့ နေရာကနေ သူတို့အတွက် စိမ်းသက်တဲ့ ကျောင်းပတ်ဝန်းကျင်၊ သူစိမ်းတွေကြားထဲ ရောက်သွားတဲ့အခါ စိုးရိမ်စိတ် အမြင့်ဆုံးဖြစ်သွားတတ်ပါတယ်
☘️Time Concept (အချိန်ကာလ) ကို မသိသေးခြင်း: "ညနေကျရင် မေမေ ပြန်လာကြိုမယ်" ဆိုတဲ့ စကားလုံးက ကလေးအတွက် ဝေဝါးလွန်းပါတယ်။ သူတို့သိတာက "အခု မေမေ ငါ့နားမှာ မရှိတော့ဘူး" ဆိုတာပါပဲ။

ကလေးရဲ့ ငိုယိုမှုကို လျှော့ချဖို့နဲ့ စိတ်ပိုင်းဆိုင်ရာ တည်ငြိမ်မှုပေးနိုင်ဖို့ မိဘတွေအနေနဲ့ အောက်ပါအချက်လေးတွေကို အသုံးပြုနိုင်ပါတယ်။

✔️၁။ တိုတောင်းပြီး တိကျတဲ့ နှုတ်ဆက်ခြင်းထုံးစံ (Short & Sweet Goodbye Routine)
နှုတ်ဆက်တဲ့အချိန်ကို အကြာကြီး ဆွဲမထားပါနဲ့။ ကလေးငိုလေလေ၊ မိဘက ပြန်ချော့လေလေ ဖြစ်နေရင် ကလေးရဲ့ စိုးရိမ်စိတ်က ပိုတိုးလာတတ်ပါတယ်။
‘’မေမေ သားကို ချစ်တယ်။ ညနေ သား မုန့်စားပြီးရင် မေမေ ပြန်လာကြိုမယ်နော်" လို့ ပြောပြီး ဖက်၊ နမ်း၊ ပြုံးပြပြီး ပြတ်ပြတ်သားသား ထွက်လာခဲ့ပါ။

✔️၂။ ကလေးကို လုံးဝ (လုံးဝ) ခိုးမပြေးပါနဲ့ (Never Sneak Away)
ကလေး တခြားအာရုံပြောင်းနေတုန်း မိဘက ခိုးထွက်သွားတာမျိုးဟာ အဆိုးဆုံးဖြစ်ပါတယ်။ ကလေး သိသွားတဲ့အခါ မိဘ ချက်ချင်းပျောက်သွားတယ်ဆိုတဲ့ အသိက နောက်ရက်တွေမှာ ပိုပြီး အတင်းဖက်တွယ် ငိုယိုဖို့ တွန်းအားဖြစ်စေပါတယ်။ ကလေးကို ယုံကြည်မှု (Trust) ပျက်ပြားစေပါတယ်။

✔️၃။ အိမ်က အငွေ့အသက်လေးတစ်ခု ပေးထားပါ (Transitional Object)
ကလေး သံယောဇဉ်ရှိတဲ့ အရုပ်သေးသေးလေး (သို့) အိမ်က ပဝါလေးတစ်ခုခုကို ကျောင်းလွယ်အိတ်ထဲ ထည့်ပေးထားပါ။ "မေမေ သားအနားမှာ မရှိပေမဲ့ ဒီအရုပ်လေးက သားအနားမှာ ရှိနေပေးမယ်" လို့ ပြောပေးခြင်းက ကလေးကို စိတ်ပိုင်းဆိုင်ရာအရ အများကြီး လုံခြုံမှုပေးနိုင်ပါတယ်။

✔️၄။ သူတို့ရဲ့ ခံစားချက်ကို အသိအမှတ်ပြုပေးပါ (Validate Feelings)
"ကျောင်းသွားတာပဲ ဘာငိုစရာလိုလဲ၊ လူကြီးဖြစ်နေပြီ" လို့ ငေါက်မယ့်အစား သူတို့ရဲ့ ကြောက်စိတ်ကို စာနာပေးပါ။
‘’မေမေနဲ့ ခွဲရမှာ ကြောက်နေတယ်မလား... သိတာပေါ့။ ဒါပေမဲ့ ကျောင်းမှာ သူငယ်ချင်းတွေနဲ့ ကစားပြီးရင် မေမေ တကယ် ပြန်လာကြိုမှာပါ" လို့ တည်ငြိမ်တဲ့ လေသံနဲ့ ပြောပေးပါ။

ကလေးတွေ ငိုတဲ့အခါ မိဘတွေအနေနဲ့ စိတ်မကောင်းဖြစ်ရတာ၊ အပြစ်ရှိသလို ခံစားရတာ သဘာဝကျပါတယ်။ ဒါပေမဲ့ မိဘကိုယ်တိုင်က စိုးရိမ်တကြီး ဖြစ်မနေဘဲ "တည်ငြိမ်ပြီး စိတ်ချလက်ချရှိတဲ့ မျက်နှာအမူအရာ" ကို ကလေးကို ပြသဖို့ လိုအပ်ပါတယ်။ ကလေးတွေဟာ မိဘရဲ့ အမူအရာကို ကြည့်ပြီး ပတ်ဝန်းကျင်ကို အကဲဖြတ်တတ်လို့ပါ။

📌အများအားဖြင့်တော့ ဒီလိုငိုတာဟာ ရက်သတ္တပတ် အနည်းငယ်အတွင်းမှာ သက်သာသွားလေ့ရှိပါတယ်။ အကယ်၍ (၁) လကျော်တဲ့အထိ လုံးဝ မသက်သာဘဲ အစားအသောက် ပျက်တာ၊ အိပ်မက်ဆိုးတွေမက်တာမျိုး ဖြစ်လာရင်တော့ ကျောင်းက ဆရာမတွေနဲ့ တိုင်ပင်တာ (သို့) ကျွမ်းကျင်သူတွေနဲ့ ဆွေးနွေးကြည့်ဖို့ လိုအပ်နိုင်ပါတယ်။

အားလုံးပဲ ပျော်ရွှင်စရာ ကျောင်းတက်ရက်လေးတွေ ဖြစ်ကြပါစေရှ

Baby Life Pre School

18/08/2026

16/08/2026

14/08/2026

14/08/2026

11/08/2026

29/07/2026

23/07/2026

17/07/2026

12/07/2026

Address

Telephone

Website

Alerts

Shortcuts

Share

Category

Listing takedown request