05/06/2026
ရန်ကုန်လေဆိပ် Immigration မှာ ဖြည့်ပြီးပေးခဲ့ရတဲ့ Arrival Card ကို ဘယ်လိုဖြည့်ရမလဲ?
🔹ပြည်ပကနေ ရန်ကုန်လေဆိပ်ကို MAI လေယာဉ် နဲ့ ပြန်လာတဲ့အခါ Immigration ဖြတ်တဲ့အခါ Arrival Card ဖြည့်ပေးရပါတယ်။ Arrival Card ဖြည့်တဲ့အခါ ဒီ (၁၇) ချက်ကို သိထားရင် အလွယ်တကူ ဖြည့်နိုင်မှာ ဖြစ်ပါတယ်။
(1) Family Name (မျိုးရိုးအမည်)
🔹မိမိမှာ မျိုးရိုးအမည်ရှိလျှင် ဖြည့်ပါ။ မြန်မာနိုင်ငံသားအများစုက မျိုးရိုးအမည် သီးသန့်မရှိတတ်ကြတဲ့အတွက် မိမိအမည်ရဲ့ နောက်ဆုံးစာလုံးကို ဖြည့်လေ့ရှိကြပါတယ်။
ဥပမာ - Zaw Min Thwin ဆိုလျှင် Thwin ကို ဖြည့်ပါ။
(2) First Name(ရှေ့ဆုံးအမည်)
🔹မိမိအမည်၏ ရှေ့ဆုံးအမည် ကို ဖြည့်ပါ။
ဥပမာ - Zaw Min Thwin ဆိုလျှင် Zaw ကို ဖြည့်ပါ။
(3) Middle Name (အလယ်အမည်)
🔹မိမိအမည်၏ အလယ်က စာလုံးကို ဖြည့်ပါ။
ဥပမာ - Zaw Min Thwin ဆိုလျှင် Min ကို ဖြည့်ပါ။
📌အမည် နှစ်လုံးတည်းရှိသူများ ဤအကွက်ကို အလွတ်ချန်ထားနိုင်ပါတယ်။
(4) Male / Female (ကျား / မ)
🔹မိမိက ယောက်ျားလေးဖြစ်ပါက Male ၊ မိန်းကလေးဖြစ်ပါက Female အကွက်တွင် အမှန်ခြစ် ခြစ်ပါ။
(5) Nationality (နိုင်ငံသား)
🔹မိမိက မြန်မာနိုင်ငံသားဖြစ်ပါက Myanmar ဟု ဖြည့်ပါ။
(6) Occupation (လက်ရှိအလုပ်အကိုင်)
🔹မိမိ၏ လက်ရှိအလုပ်အကိုင်ကို အင်္ဂလိပ်လို ဖြည့်ပါ။
ဥပမာ - Company Staff, Business Owner, Student, Self Employed, Freelance, Agent စသည်ဖြင့်။
(7) Passport Number (ပတ်စပို့နံပါတ်)
🔹မိမိပတ်စပို့စာအုပ် ညာဘက်အပေါ်ထောင့်တွင် ပါရှိသော အက္ခရာနှင့် ဂဏန်းတွဲကို အမှားအယွင်းမရှိ ဖြည့်ပါ။
ဥပမာ - MH123456
(8) Place of Issue (ပတ်စပို့ ထုတ်ပေးသည့်နေရာ)
🔹ပတ်စပို့စာအုပ် ထုတ်ပေးသည့် ရုံးစိုက်ရာမြို့ကို ဖြည့်ပါ။
ဥပမာ - Yangon, Mandalay သို့မဟုတ် ပြည်ပမြန်မာသံရုံးတွင် လဲလှယ်ထားပါက Bangkok, Singapore စသည်ဖြင့်)
(9) Date of Issue (ပတ်စပို့ ထုတ်ပေးသည့်ရက်စွဲ)
🔹ပတ်စပို့စာအုပ်ထဲပါရှိသည့် ထုတ်ပေးသော ရက်၊ လ၊ ခုနှစ် (DD/MM/YYYY) အတိုင်း ဖြည့်ပါ။
(10) Visa Details (ဗီဇာအချက်အလက်များ)
🔹မြန်မာနိုင်ငံသားများ မိခင်နိုင်ငံသို့ ပြန်လည်ဝင်ရောက်ခြင်းဖြစ်ပါက ဤဗီဇာအကွက်များကို ဖြည့်စွက်ရန်မလိုပါ။ Blank အလွတ် ချန်ထားနိုင်ပါတယ်။နိုင်ငံခြားသားများသာ ဖြည့်ရန်ဖြစ်ပါသည်။
(11) From (မည်သည့်နေရာမှ လာသနည်း)
🔹မိမိ အခုစီးနင်းလာတဲ့ လေယာဉ် စတင်ထွက်ခွာခဲ့တဲ့ မြို့ သို့မဟုတ် နိုင်ငံကို ဖြည့်ပါ။
ဥပမာ - Bangkok, Singapore, Phuket, Kuala Lumpur
(12) By Rail, Road, Ship
🔹လေယာဉ်ဖြင့် လာခြင်းဖြစ်၍ ဤနေရာတွင် မည်သည့်အရာမျှ ဖြည့်စွက်ရန် မလိုပါ။
(13) By Air (လေကြောင်းလိုင်း)
🔹ဤအကွက်တွင် အမှန်ခြစ် ခြစ်ပြီး မိမိစီးနင်းလာသည့် လေယာဉ်ခရီးစဉ်အမှတ် (Flight Number) ကို Boarding Pass ပေါ်ကအတိုင်း ဖြည့်ပါ။
ဥပမာ - MAI လေကြောင်းလိုင်းဆိုလျှင် 8M 802 စသည်ဖြင့်။
(14) Address in Myanmar (မြန်မာနိုင်ငံရှိ နေရပ်လိပ်စာ)
🔹မိမိရဲ့ အိမ်လိပ်စာ ကို အင်္ဂလိပ်လို အပြည့်အစုံ ဖြည့်ပါ။
(15) ID Card Number (မှတ်ပုံတင်နံပါတ်)
🔹မိမိ၏ နိုင်ငံသားစိစစ်ရေးကတ် (မှတ်ပုံတင်) နံပါတ်ကို အင်္ဂလိပ်လို ဖြည့်ပါ။
ဥပမာ - 12/YAKANA(N)123456
(16) Father Name (အဖေအမည်)
🔹မိမိအဖေ၏ အမည်ကို အင်္ဂလိပ်လို အပြည့်အစုံ ဖြည့်ပါ။
(17) Signature (လက်မှတ်)
🔹မိမိ၏ လက်မှတ်ကို ပတ်စပို့စာအုပ်ထဲတွင် လက်မှတ်ထိုးထားသည့်အတိုင်း တူညီအောင် ထိုးပါ။
📌 Ko Leo Vlog မှ အကြံပြုချက်များ
🔹Arrival Card ကို လေယာဉ်ပေါ်မှာတင် လေယာဉ်မောင်/မယ်များက ဝေပေးလေ့ရှိပါတယ်။ ရန်ကုန်လေဆိပ်ရောက်မှ တန်းစီရင်း ဖောင်ဖြည့်ရတာ အချိန်ပုတ်ပြီး လူပင်ပန်းတတ်တဲ့အတွက် လေယာဉ်ပေါ်မှာတင် ကြိုတင်ဖြည့်ထားခြင်းက အကောင်းဆုံးဖြစ်ပါတယ်။
🔹ခရီးသွားတဲ့အခါ ဘောပင်တစ်ချောင်း ဆောင်ထားခြင်းက လေဆိပ်ဖောင်တွေ ဖြည့်တဲ့အခါ သူများဆီ လိုက်ငှားရတဲ့ အချိန်ကြန့်ကြာမှုတွေကို သက်သာစေပါတယ်။
🔹အကယ်၍ ဖြည့်စွက်ရမယ့် အချက်အလက်တွေနဲ့ ပတ်သက်ပြီး ဝေခွဲမရဖြစ်ပါက လေယာဉ်မောင်/မယ်တွေကို ပြသပြီး အကူအညီတောင်းခံနိုင်ပါတယ်။
🔹ဘန်ကောက် သုဝဏ္ဏဘူမိလေဆိပ် သို့မဟုတ် ပြည်ပလေဆိပ်တွေမှာ Check-in ဝင်တဲ့အခါ Arrival Card ကို လေကြောင်းလိုင်းကောင်တာ (Check-in Counter) ကနေ ကြိုတင်တောင်းယူပြီး အေးအေးဆေးဆေး ဖြည့်ထားလို့လည်း ရပါတယ်။
🔹ပြည်ပခရီးသွားတဲ့အခါ Passport က အဓိကဆိုပေမယ့် မိမိရဲ့ အမိမြေကို ပြန်လည်ဝင်ရောက်တဲ့အခါ လေဆိပ်အဝင်မှာ နိုင်ငံသားစိစစ်ရေးကတ် (မှတ်ပုံတင်) လိုအပ်တာမို့ တစ်ပါတည်း ယူဆောင်သွားဖို့ သတိပြုပါ။
🔹Arrival Card တော့ လက်ထဲရောက်လာပြီ ဘယ်လိုဖြည့်ရမလဲ မသိသေးသော ခရီးသွား မိတ်ဆွေများအတွက် Ko Leo Vlog မှ ရေးသား မျှဝေပေးခြင်းဖြစ်ပါသည်။
"ခရီးသွားမိတ်ဆွေများ အားလုံးအဆင်ပြေချောမွေ့ကြပါစေ"
Original Owner
Russian Together
