Myanmar Literacy Resource Centre

ကျောင်းပြင်ပမူလတန်းပညာ​ရေး NFPE ရဲ့ သမိုင်းမှာ သမိုင်းတင်ရမဲ့ ဂုဏ်ယူဖွယ်မှတ်တမ်းတစ်ခုကို ဖြစ်ထွန်းပေါ်ပေါက်စေခဲ့သူ တစ်နည်း ပညာရေးရေခံမြေခံကောင်းမှာ ရှင်သန်လာခဲ့သူကတော့…
ပြတ်တောက်သွားတဲ့ ပညာရေးလမ်းကြောင်း အစကောင်းအောင် ပြန်ဆက်ခွင့်ရခဲ့သူကတော့ ၂၀၁၄ ခုနှစ်က ဒဂုံ​မြို့သစ်တောင်ပိုင်း NFPE စခန်းတွင် Level 1 ၌ စတင်သင်ယူခွင့်ရခဲ့​ပြီး Level 2 အောင်မြင်ခဲ့သည့် မနဒီရွှေလွှာဖြစ်ပါတယ်။
မနဒီ​​ရွှေလွှာဟာ အ​ခြေခံပညာအတန်းအဆင့်ဆင့်ကို အခက်အခဲများကိုရင်ဆိုင်​ကျော်လွှားကာ အထက (၂) ဒဂုံတောင်မှ၂၀၂၄ -၂၅ ပညာသင်နှစ်မှာ​ Grade 12 ကို မြန်မာစာဂုဏ်ထူးနဲ့ ​အောင်မြင်ခဲ့ပြီး ရန်ကင်းပညာရေးဒီဂရီကောလိပ်သို့ တက်ရောက်ခွင့်ရရှိခဲ့ပါတယ်။
ခုအခါမှာတော့ မနဒီ​ရွှေလွှာဟာ ၂၀၂၆ - ၂၇ ပညာသင်နှစ်တွင် တက္ကသိုလ်လူရည်ချွန်အဖြစ်​ရွေးချယ်ခံရခြင်းဖြင့် ကျောင်းပြင်ပမူလတန်းပညာရေး NFPE သမိုင်းမှာ သမိုင်းဝင်တဲ့ ဂုဏ်ယူဖွယ်မှတ်တမ်းတစ်ခု တင်နိုင်ခဲ့ပြီ ဖြစ်ပါတယ်။
နေပြည်​တော်မှာကျင်းပတဲ့ ၂၀၂၆ - ၂၇ ပညာသင်နှစ် လူရည်ချွန်များ သြဝါဒခံယူပွဲမှာ မနဒီရွှေလွှာကို ပညာရေးဝန်ကြီးဌာနအောက်ရှိ ဦးစီးဌာနများမှ ညွှန်ကြားရေးမှူးချုပ်များနှင့် ညွှန်ကြား​ရေးမှူးတို့က ဂုဏ်ပြုဆုချီးမြှင့်ခဲ့ကြပါတယ်။
မြန်မာနိုင်ငံစာတတ်မြောက်ရေးအထောက်အကူပြုပင်မဌာနကလည်း NFPE ရေခံမြေခံကောင်းမှာ ရှင်သန်လာသူ မနဒီရွှေလွှာအား ထပ်ဆင့်ဂုဏ်ပြုပွဲကို ခမ်းခမ်းနားနား ကျင်းပဂုဏ်ပြုသွားမည်ဖြစ်ကြောင်းလည်း သတင်းကောင်းပါးအပ်ပါတယ်။

MLRC နှစ်သစ်ဆုတောင်း

နှစ်သစ်မှာ ကိုယ်ရောစိတ်ပါ ရွှင်လန်းချမ်းမြေ့ကြပါစေ။

မြန်မာနိုင်ငံစာတတ်မြောက်ရေးအထောက်အကူပြုပင်မဌာန MLRC ၏ ၂၀၂၅ ခုနှစ်တွင်ကျရောက်သည့် ၂၅ နှစ်ပြည့် ငွေရတုအထိမ်းအမှတ်အခမ်းအနားကို ယနေ့ ၂၅၊၁၁၊၂၀၂၅ ရက်နေ့တွင် ခမ်းနားသိုက်မြိုက်စွာ ကျင်းပပြီးမြောက်ခဲ့ပြီဖြစ်ပါသည်။ MLRC ၏ ငွေရတုအထိမ်းအမှတ်အခမ်းအနားသို့ ကြွရောက်ချီးမြှင့်ဂုဏ်ပြုကြပါသော ပညာရေးအဖွဲ့အစည်းအသီးသီးမှ ပုဂ္ဂိုလ်များ၊ ပညာရေးအလှူရှင်ကြီးများ၊ လုပ်ဖော်ဆောင်ဖက် မိတ်ဆွေသင်္ဂဟများနှင့် အဖက်ဖက်မှ ပံ့ပိုးကူညီ လှူဒါန်းကြပါသော ပုဂ္ဂိုလ်တစ်ဦးချင်းစီနှင့် ကျေးဇူးတင်ထိုက်သူအားလုံးအား လှိုက်လှိုက်လှဲလှဲ အထူးကျေးဇူးတင်ရှိပါသည်။
MLRC မိသားစု။

MLRC ၂၅ နှစ်ပြည့် အထိမ်းအမှတ်

သီတင်းကျွတ်လ အခါသမယမှာ ကိုယ်စိတ်နှစ်ဖြာ ကျန်းမာချမ်းသာ၍ လိုအင်ဆန္ဒ ပြည့်ဝကြပါစေကြောင်း MLRC က ဆုတောင်းမေတ္တာ ပို့သအပ်ပါသည်။

ယနေ့ ဝါဆိုလပြည့်နေ့(ဓမ္မစကြာအခါတော်နေ့)အခါသမယတွင် ပြုပြုခဲ့သမျှသော ကောင်းမှုကုသိုလ်အစုစုတို့၏ အဖို့ဘာဂကို ကွယ်လွန်သွားခဲ့ကြပြီဖြစ်သော ဆရာကြီးများအား ကုသိုလ်အမျှပေးဝေပါ၏။