04/12/2024
မင်မင်အလွယ်တကူ လုပ်စားဖြစ်တဲ့ ရာသီစာ #မုန်ညှင်းပေါင်းလေး…
လုပ်ရလွယ်ပြီး အနံ့ရော အရသာရော တကယ်ကိုကောင်းလွန်းလို့ လုပ်နည်းလေးပြန် မျှပေးလိုက်မယ်နော်။
မင်မင်ထည့်သုံးဖြစ်တဲ့ပါဝင်ပစ္စည်းလေးတွေကတော့…
မုန်ညှင်း - 1000 ဖိုး (အရမ်းရင့်တဲ့အမြှီးပိုင်းတွေဖြတ်၊ ရေသေချာဆေးပြီး ရေစစ်ထားမယ်နော်။)
ဂျင်း/ကြက်သွန်ဖြူထောင်း - 1/2 tbsp
ခရမ်းချဉ်သီး - 1 လုံး( မင်မင်ကတော့ အနှစ်တိုက်ပြီးထည့်ပါတယ်နော်။ ပါးပါးလှီးထည့်လဲ ရပါတယ်။)
မွှေးဆန်စိမ်းမှုန့် - အထုပ်ဝက်
ဆီ - 1 tbsp
ဆား - အနည်းငယ်
ဟင်းခတ်မှုန့် - အနည်းငယ်
တွဲဖက်စားရန်
ကြက်သွန်ဖြူဆီချက်
ငရုတ်သီးအလှော်မှုန့်
ကြက်သွန်ဖြူကြော်
ပဲပုပ်မှုန့် ( မရှိရင် ထည့်မစားလဲရပါ၏။)
ဂျုးမြစ် ( မရှိရင် ထည့်မစားလဲရပါ၏။)
-မင်မင်ကတော့ မုန်ညှင်းကလွဲကျန်ပါဝင်ပစ္စည်းအားလုံးကို ရေလေး ပိစိလေးထည့်ပြီး ပျစ်ပျစ်လေးဖျော်ထားလိုက်ပါတယ်နော်။
-ထည့်ပေါင်းမဲ့ ဇလုံထဲမှာ မုန်ညှင်းရွက်လေးတွေကို စီထည့်ပြီး နယ်ထားတဲ့မုန့်နှစ်လေးတွေနဲ့ သေချာနှံ့နေအောင်နယ်ပြီး ပေါင်းချောင်ထဲ မိနစ် ၃၀ ကနေ ၄၅ မိနစ်ထိပေါင်းပေးရင် အနံ့အရမ်းမွှေးပြီး နူးနူးညံ့ညံ့လေးနဲ့ စားကောင်းသောမုန်ညှင်းပေါင်းလေးရပြီနော်။
-တွဲဖက်စားရမဲ့ ပါဝင်ပစ္စည်းလေးတွေနဲ့ မုန့်ပွဲပြင်ပြီး ပူပူနွေးနွေးလေး မိသားစု အားလုံး စုပြီး ညပိုင်း အပျင်းပြေရေနွေးကြမ်းလေးနဲ့ စားရင်း ဒီဇင်ဘာရဲ့ အေးစက်တဲ့ ညချမ်းတွေမှာ နွေးထွေးမှုလေး ယူလိုက်ပါနော်…😘
