Shan State Buddhist University Shan Edition, Phayaphyu Qtr, Taunggyi (2026)

07/08/2026

ၶူးပူင်သွၼ် ၸၼ်ႉၸွမ်ပုတ်ႉထမိူင်းတႆး ဝဵင်းတူၼ်ႈတီး တၢင်ႇလၢတ်ႈၼႄ လၵ်းသုတ်ႇၵၢၼ်ႁဵၼ်း ဢၼ်တေပူင်သွၼ်ၵႂႃႇ ၼႂ်းထိူမ်းသွင်၊ ပီၵၢၼ်ႁဵၼ်း 2026-2027
ၸွမ်းၼင်ႇဝိၶျႃးပႃႈတႂ်ႈၼႆႉယူႇ

-Pali and Buddhist Studies programmes
-Library and Information Management programmes
-Lik Loung Studies Programmes

-2027

02/08/2026

ပၢင်သုတ်ႇမုၼ်းပရိတ်ႈ၊ လူႇတၢၼ်း ၵွင်းမူးသၢႆးႁဵင်သူႇ ႁႂ်ႈပဵၼ်မၢႆတွင်းၶွပ်ႈၶူပ်ႇ 10 ပီတဵမ် ၸၼ်ႉၸွမ်ပုတ်ႉထမိူင်းတႆး
ႁပ်ႉဢဝ်ၶေႃႈမဵတ်ႉတႃႇ ၶူးဝႃးပေႃႈသိၼ်ထမ်းဝုၼ်းၸုမ်ႉ ဢၼ်ဢဝ်ဝႃႇတီႈမိူင်းပူႇတၢၼ်ႇသေလႄႈ ၸဝ်ႈသြႃႇလူင်တွၵ်ႇတိူဝ်ႇၺႃၼေႃၽႃသ တိူၵ်ႈသွၼ်လိၵ်ႈၵျွင်းၵၢင်၊ ဝဵင်းၼမ်ႉလၼ်ႈသေ ဢွၼ်ႁူဝ်ႁူဝ်ၼၢမ်းၼႃႈ သြႃႇၸဝ်ႈ၊ သင်ႇၶႃႇၸဝ်ႈ၊ ၶူးသွၼ် လႄႈ လုၵ်ႈႁဵၼ်းတီႈၸၼ်ႉၸွမ်ပုတ်ႉထမိူင်းတႆး ဝဵင်းတူၼ်ႈတီးသေ သုတ်ႇမုၼ်းဝႆႈသႃ ပုတ်ႉထၽြႃးပဵၼ်ၸဝ်ႈ ယွၼ်းသူးပၼ် သတ်ႉတဝႃႇတင်းလၢႆ ႁႂ်ႈမီးတူဝ်ၸႂ်သွင်ပိူင်ၵတ်းယဵၼ်သိူဝ်းသႃႇ မီးမင်ႇၵလႃႇ ၶိုၼ်ႈယႂ်ႇမႂ်ႇသုင်သေၵမ်း
သႃထု သႃထု သႃထု

#ၸၼ်ႉၸွမ်ပုတ်ႉထမိူင်းတႆး
#ၶွပ်ႈၸႂ်10ပီ
#သုတ်ႇမုၼ်းပရိတ်ႈ
#ၵွင်းမူးသၢႆးႁဵင်သူႇ

30/07/2026

ၸဝ်ႈၶူးလူင် ပရူဝ်ႇၽႅတ်ႉသိူဝ်ႇ တွၵ်ႉတိူဝ်ႇ ၶမ်းမၢႆ ထမ်မသႃႇမိ၊ ဢထိပတိ လႄႈ ၽူႈၵေႃႇတင်ႈၸၼ်ႉၸွမ်ပုတ်ႉထမိူင်းတႆး၊ ၸဝ်ႈၶူး တွၵ်ႉတိူဝ်ႇ ဝိၸယႃၽိပႃလ လႄႈ ၵႅမ်ဢထိပတိ ၸဝ်ႈၶူး ဝိၸိတ်တႃၽိပႃလ လႆႈဢွၼ်ႁူဝ်ၼမ်းၼႃႈ သင်ႇၶႃၸဝ်ႈႁူမ်ႈၵၼ် ၶဝ်ႈဝႃႇသႃ တီႈၸၼ်ႉၸွမ်ပုတ်ႉထမိူင်းတႆး၊ ဝဵင်းလူင်တူၼ်ႈတီး။
ၸဝ်ႈရႁၢၼ်း လႄႈ ၸဝ်ႈသၢင်ႇသႃႇမၼေႇ မီး(95)ၸဝ်ႈ
ၸဝ်ႈၶၢဝ် မီး (11) ၸဝ်ႈ
ႁူမ်ႈတုမ် တင်းမူတ်း (106) ၸဝ်ႈ ၶႃႈဢေႃႈ။
ယွၼ်းသူးပၼ် ႁႂ်ႈတၵႃႇသတ်ထႃး ၸဝ်ႈတႃႇၼႁဝ်းၶဝ်တီႈၸမ်တီႈၵႆ ၵူႈႁေႃ ၵူႈႁိူၼ်း ၵူႈၵေႃႉၵူႈၵူၼ်း
ႁႂ်ႈယူႇလီၵိၼ်ဝၢၼ် ၵတ်းယဵၼ်သိူဝ်းသႃႇ မီးမင်ႇၵလႃႇ ၶိုၼ်ႈယႂ်ႇမႂ်ႇသုင် ၵျႃႉၼႂ်းလေႃးၵ ၼႂ်းထမ်မတင်းသွင်သေၵမ်းလူၺ်ႈတႃႈ။

29/07/2026

ဝၼ်းလီမီးမင်ႇၵလႃႇ ဝၼ်းတုတိယလိူၼ်ပႅတ်ႇမူၼ်း ၼႂ်းဝၼ်းထမ်ႇမၸၵ်ႉၵၼႆႉ တၵႃႇယိင်းၸၢႆးၶိင်းၼၢႆး တီႈၸမ်တီႈၵႆ ဢွၼ်ၵၼ်မႃးၶိုၼ်ႈၵျွင်းလွင်းမွၵ်ႇ လူႇတၢၼ်းၶဝ်ႈသွမ်းၽၵ်းပၢၼ်း ႁူမ်ႈလူၺ်ႈသၢင်ႇၵၢၼ်းၶဝ်ဝႃႇ တီႈၸၼ်ႉၸွမ်ပုတ်ႉထမိူင်းတႆး

ယွၼ်းႁႂ်ႈတၵႃႇယိင်းၸၢႆး လဵၵ်ႉယႂ်ႇၼုမ်ႇထဝ်ႈႁဝ်းၶဝ် ၵၢင်းယၢၼ်ၽေးၶဵၼ်ၵူႈသမ်ႇၵူႈယိူင်ႈ ပွင်ၶိူင်ႈၵၢၼ်လေႃးၵီႇလေႃးၵုတ်ႈသွင်ၽၢႆႇ ၶိုၼ်ႈယႂ်ႇတိူဝ်းတွၼ်း ႁူႉႁၼ်လွၼ်ႉမွၼ်းထမ်ႇမသေ ၵတ်းယဵၼ်ၵွႃႇမိူဝ်းၼႃႈသေၵမ်းလူၺ်ႈ

20/07/2026

ပၢင်တွပ်ႇလိၵ်ႈ ထိူမ်းၼိုင်ႈ ပီၵၢၼ်ႁဵၼ်း2026-27 ၸၼ်ႉၸွမ်ပုတ်ႉထမိူင်းတႆး ယဝ်ႉတူဝ်ႈလီငၢမ်း

ထိူမ်းၼိုင်ႈယဝ်ႉၵွႃႇသေ ယၢမ်းၼႆႉ ပဵၼ်ၶၢဝ်းလိုဝ်ႈ ၶၢဝ်းဢၢၼ်ႇလိၵ်ႈ လုၵ်ႈႁဵၼ်းၶဝ်ယဝ်ႉ ပေႃးထိုင်မႃး လိူၼ်ဢေႃးၵၢတ်ႉ ဝၼ်းထိသၢဝ်း ၸၼ်ႉၸွမ်ၸင်ႇၶိုၼ်းတႄႇၵၢၼ်သွၼ် ထိူမ်းသွင်ၶိုၼ်းယူႇယဝ်ႉ

14/07/2026

ၸၼ်ႉၸွမ်ပုတ်ႉထမိူင်းတႆး ၸတ်းႁဵတ်းပၢင်တႅမ်ႈတွပ်ႇလိၵ်ႈ တႄႇဢဝ်ဝၼ်းထိ 13 ၵျူႇလၢႆႇ တေႃႇထိုင် 18 ၵျူႇလၢႆႇ ပီ2026

လုၵ်ႈႁဵၼ်းၶဝ်ႈတႅမ်ႈတွပ်ႇလိၵ်ႈ တင်းသဵင်ႈ မီး 108 ၸဝ်ႈ/ၵေႃႉ ၸိူဝ်းၼၼ်ႉ ပဵၼ်လုၵ်ႈႁဵၼ်း
(1) ဢႅမ်ႇဢေႇ (ပႃႇလိ လႄႈ ၵၢၼ်ႁဵၼ်းပုတ်ႉထၽႃႇသႃႇ) ပီၼိုင်ႈလႄႈ ပီသွင်
(2) တီႇပလူဝ်ႇမႃႇ (ပႃႇလိ လႄႈ ၵၢၼ်ႁဵၼ်းပုတ်ႉထၽႃႇသႃႇ)
(3) တီႇပလူဝ်ႇမႃႇ (ႁူင်းတူၺ်းလိၵ်ႈလႄႈ ၵၢၼ်ၸတ်းၶေႃႈမုၼ်း)
(4) ပီႇဢေႇ (ပႃႇလိ လႄႈ ၵၢၼ်ႁဵၼ်းပုတ်ႉထၽႃႇသႃႇ) ပီၼိုင်ႈ ပီသွင် ပီသၢမ်
(5) ပီႇဢေႇ (လိၵ်ႈလူင် ) ပီၼိုင်ႈ ပီသွင် ပီသၢမ်
(6) ဢႅမ်ႇဢေႇ (လိၵ်ႈလူင်) ပီၼိုင်ႈ

ႁႂ်ႈလုၵ်ႈႁဵၼ်းႁဝ်းၶဝ် ၽၢၼ်ႇပူၼ်ႉလႆႈငၢႆႈငၢႆႈလူမ်လူမ်ႁင်းၽႂ်ႇႁင်းမၼ်းလူၺ်ႈတ

13/07/2026

ၽွင်းတၢင်မိူင်းဢိၼ်ႇတိယ မႃႇၸတႃႇ ဢပေး တႃႇၵူး မႃးဢႅဝ်ႇယႅမ်ႈ ၸၼ်ႉၸွမ်ပုတ်ႉထမိူင်းတႆး

မိူဝ်ႈဝၼ်းထိ 12 လိူၼ်ၵျူႇလၢႆႇ ပီ 2026 ၼၼ်ႉ မႃႇၸတႃႇ ဢပေး ၽွင်းတၢင်မိူင်းဢိၼ်ႇတိယ ႁူမ်ႈလူၺ်ႈတင်းမေးၼၢင်း ဢိၵ်ႇလုၵ်ႈၼွင်ႉ ဢွၼ်ၵၼ်မႃးယဵမ်ႈတူၺ်း ၸၼ်ႉၸွမ်ပုတ်ႉထမိူင်းတႆး

ၸၼ်ႉၸွမ်လႆႈႁပ်ႉတွၼ်ႈၸုမ်းၽွင်တၢင်ၶဝ် တီႈၼႂ်းႁူင်းတူၺ်းလိၵ်ႈ ၸၼ်ႉၸွမ်ပုတ်ႉထမိူင်းတႆးသေ ဢွၼ်ၶဝ်ၸဝ်ႈ ယဵမ်ႈတူၺ်းႁူင်းတူၺ်းလိၵ်ႈယူႇယဝ်ႉ ၼႂ်းၽွင်းၶၢဝ်းၼၼ်ႉ ၶဝ်ၸဝ်ႈ ဢွၼ်ၵၼ်တူၺ်းပႃး ဢွင်ႈတီႈဢိၼ်ႇတိယ တီႈဢၼ်မီးဝႆႉပပ်ႉလိၵ်ႈ ဢၼ်ၵဵဝ်ႇမိူင်းဢိၼ်ႇတိယၼၼ်ႉယူႇယဝ်ႉ ပပ်ႉလိၵ်ႈဢၼ်မီးဝႆႉၸိူဝ်းၼၼ်ႉၵေႃႈ ၽွင်းတၢင်လႆႈလူႇတၢၼ်းဝႆႉၵမ်ႈၽွင်ႈယဝ်ႉ

ဝၢႆးသေဢႅဝ်ႇယဵမ်ႈႁူင်းတူၺ်းလိၵ်ႈယဝ်ႉ ၶဝ်ၸဝ်ႈ ဢွၼ်ၵၼ်လူႇတၢၼ်းသၢင်ႇၵၢၼ်းၶဝ်ႈဝႃႇ တမ်ႈတီႈၸဝ်ႈၶူးလူင်သေ ဢွၼ်ၵၼ်ပွၵ်ႈမိူဝ်းၵွႃႇၶိုၼ်းယူႇယဝ်ႉ

ၸၼ်ႉၸွမ်ပုတ်ႉထမိူင်းတႆး ယိၼ်းၸူမ်းၶွပ်ႈၸႂ် လွင်ႈၽွင်းတၢင်မႃးယဵမ်ႈလႄႈ လွင်ႈၵမ်ႉထႅမ်ပၼ်ႁႅင်းၼၼ်ႉ တေႉတေႉယူႇယဝ်ႉ

12/07/2026

ပၢင်ယၢတ်ႇၼမ်ႉႁေႃသဝ်းၶူးသွၼ်ပၺ်ႇၺႃႇပႃႇရမီႇ သီႇၸၼ်ႉ ၸၼ်ႉၸွမ်ပုတ်ႉထမိူင်းတႆး

ႁေႃသဝ်းမႂ်ႇလူင်လင်ၼႆႉ တၵႃႇၽြႃး ၵျွင်း သိမ်ႇ လုင်းဢွင်ႇမဵဝ်းႁဵင်း ပႃႈၼီႇၼီႇတိၼ်ႉ ႁူမ်ႈလူၺ်ႈလုၵ်ႈလၢင်း ၼၢင်းဢဵင်ႉၶျၢၼ်းမေႉၶိၼ်ႇ ၼၢင်းတၢၼ်ႉသီႇရိထုၼ်းၶဝ်တင်းႁိူၼ်း ဢဝ်ပေႃႈမႄႈသွင်ပႃႈ (လုင်းတဵင်းလ) ပႃႈတိၼ်ႇယီႇ လႄႈ (လုင်းတိၼ်ႇထုၼ်း) ပႃႈၶိၼ်ႇမိၼ်ႉဝူၺ်ႇၶဝ် ၼမ်းၼႃႈသေ လူႇတၢၼ်းဝႆႉယဝ်ႉ

ၼႂ်းပၢင်လူႇတၢၼ်းၼၼ်ႉ တၵႃႇၸဝ်ႈတႃႇၼႁူမ်ႈလူၺ်ႈတၵႃႇပရိသၢတ်ႈၶဝ် ဢွၼ်ၵၼ်ၶၢမ်ႇသိၼ်ႇ ႁပ်ႉၽွၼ်း ထွမ်ႇဢဝ်တြႃးတမ်ႈတီႈၸဝ်ႈၶူးလူင် ထမ်ႇမသႃႇမိသေ ႁူမ်ႈၵၼ်ၸႅၵ်ႇဝၢၵ်ႈၵုသူဝ်ႇၵွႃႇယူႇယဝ်ႉ

ႁႂ်ႈၸဝ်ႈတႃႇၼႁဝ်းၶဝ် ယူႇလီၵတ်းယဵၼ်မၢၵ်ႈမီးသေ ႁႂ်ႈႁဵတ်းၵၢၼ်ဢတ်ႉတႁိတ ပရႁိတ ၶိုၼ်ႈယႂ်ႇၵွႃႇသၵ်းၵမ်းလူၺ်ႈ

12/07/2026

ၸၼ်ႉၸွမ်ပုတ်ႉထမိူင်းတႆး ႁဵတ်းပၢင်သီႇမီႇၼႃႇလုၵ်ႈႁဵၼ်းဢီမ်ႇၽိဝ်းယဝ်ႉတူဝ်ႈ

ၸွမ်းၼင်ႇၽႅၼ်ၵၢၼ်သလွင် ၶွပ်ႈၶူပ်ႇလွင်ႈၵေႃႇတင်ႈၸၼ်ႉၸွမ်ပုတ်ႉထမိူင်းတႆး တဵမ်သိပ်းပီၼၼ်ႉလႄႈသင် ႁႂ်ႈပဵၼ်တီႈမၢႆတွင်းပၢင်လူႇတၢၼ်းယၢတ်ႇၼမ်ႉႁေႃသဝ်းၶူးသွၼ်ပၺ်ႇၺႃႇပႃႇရမီႇလႄႈသင် ၸၼ်ႉၸွမ်လႆႈႁဵတ်းပၢင်သီႇမီႇၼႃႇလုၵ်ႈႁဵၼ်းဢႅမ်ႇၽိဝ်းၵွႃႇ မိူဝ်ႈဝၼ်းထိ 11.07.2026ၼၼ်ႉယူႇယဝ်ႉ

ၼႂ်းပၢင်သီႇမီႇၼႃႇၼၼ်ႉ ၸဝ်ႈၶူးလူင် ဢိၵ်ႇလူၺ်ႈၶူးသွၼ် ႁူမ်ႈလူၺ်ႈတင်းလုၵ်ႈႁဵၼ်းဢႅမ်ႇၽိဝ်းၵဝ်ႇ/မႂ်ႇၶဝ် ဢွၼ်ၵၼ်တၢင်ႇၶႆႈၼႄ လွင်ႈၵၢၼ်ၶူၼ်ႉၶွႃႉဢၼ်ၶဝ်ႁဵတ်းမႃးၸိူဝ်းၼၼ်ႉယူႇယဝ်ႉ

07/07/2026

ပၢင်ယၢတ်ႇၼမ်ႉသိမ်ႇဝိသုံၷႃမ မႁႃသီမႃ- ပၢင်ပိုတ်ႇၼႃႈပိုၼ်းမႂ်ႇၼႂ်းၵၢၼ်သလွင် လွင်ႈၸၼ်ႉၸွမ်ပုတ်ႉထမိူင်းတႆး တင်ႈတဵမ်(10)ပီ

မိူဝ်ႈဝၼ်းထိ 05.07.2026ၼၼ်ႉ ၸၼ်ႉၸွမ်ပုတ်ႉထမိူင်းတႆး လႆႈႁဵတ်းပၢင်ယၢတ်ႇၼမ်ႉသိမ်ႇဝိသုံၷႃမ မႁႃသီမႃ ႁႂ်ႈပဵၼ်လွင်ႈမၵ်းမၼ်ႈလွင်ႈၵၢၼ်ၵေႃႇသၢင်ႈသိမ်ႇ ဢၼ်ပဵၼ်ႁူင်းၵေႃႇၵၢႆႇလမ်ႇလွင်ႈလူင်ဢၼ်ၼိုင်ႈ ယဝ်ႉတူဝ်ႈ ၶႅမ်ႉလႅပ်ႈ လီငၢမ်း။ ပၢင်ယၢတ်ႇၼမ်ႉသိမ်ႇၼႆႉ ၶဝ်ႈပႃးၼႂ်း ၵၢၼ်ႁူမ်ၸူမ်လွင်ႈၵေႃႇတင်ႈၸၼ်ႉၸွမ်ပုတ်ႉထမိူင်းတႆး ၵေႃႇတင်ႈလႆႈသိပ်းပီတဵမ်။ ပၢင်ယၢတ်ႇၼမ်ႉၼႆႉၸမ်ႉ လႆႈႁဵတ်းၵိုၵ်းၸွမ်း ပၢင်ၵုမ်ၶွၼ်ႇၽရႅၼ်ႉ လုၵ်ႈသိသ်ႇၵဝ်ႇ ပွၵ်ႈ ၵမ်းၼိုင်ႈ ဢၼ်ႁဵတ်းႁႂ်ႈလုၵ်ႈႁဵၼ်းၵဝ်ႇၶဝ် မႃးထူပ်းၵၼ် လႄႈ ႁူမ်ႈၵၼ်ၶွတ်ႇၽွတ်ႈမုၵ်ႉၸုမ်းလုၵ်ႈႁဵၼ်းၵဝ်ႇၸၼ်ႉ ၸွမ်ပုတ်ႉထမိူင်းတႆး ပဵၼ်တၢင်းၵၢၼ်ၵွႃႇယူႇယဝ်ႉ။

လွင်ႈၵေႃႇသၢင်ႈသိမ်ႇဝိသုံၷႃမ မႁႃ သီမႃ ယဝ်ႉတူဝ်ႈထိုင် တီႈၼႆႉ ပဵၼ်လွင်ႈလမ်ႇလွင်ႈလူင်ယၢင်ႈၼိုင်ႈ ၼႂ်းလွင်ႈ ၶိုၼ်ႈယႂ်ႇတိူဝ်းတွၼ်းၸၼ်ႉၸွမ် ဢၼ်ပဵၼ်ဢွင်ႈတီႈတွၼ်ႈတႃႇ ၵၢၼ်ပၢႆးပၺ်ႇၺႃႇၸၢဝ်းပုတ်ႉ၊ ၵၢၼ်ၽိုၵ်းၽွၼ်ႉ ၼႃႈ ၵၢၼ်သႃႇသၼႃႇလႄႈ ၵၢၼ်ပႂ်ႉပႃးၽိင်ႈထေႇရဝႃႇတယူႇယဝ်ႉ။

သိမ်ႇဢၼ်ဝႃႈၼႆႉ လႆႈႁဵတ်းသၢင်ႈၸွမ်းပိူင်ဝိၼယသေ ပဵၼ် ဢွင်ႈတီႈမၵ်းမၼ်ႈ တႃႇသင်ႇၶႁဵတ်းၼႃႈၵၢၼ် မိူၼ် ၼင်ႇ ၵၢၼ်ၶိုၼ်ႈပဵၼ်ၸၢင်း၊ ႁဵတ်းဢုပေႃသထ တႄႇၵွႃႇၸိူဝ်းၼႆႉယဝ်ႉ။ ယွၼ်ႉပိူဝ်ႈၼႆလႄႈ လွင်ႈၵေႃႇသၢင်ႈသိမ်ႇ ယဝ်ႉတူဝ်ႈၵွႃႇလီငၢမ်းၼႆႉ မၼ်းႁဵတ်းႁႂ်ႈၵၢၼ်ၽိုၵ်းၵမ်လႄႈ ၵၢၼ် ႁဵတ်းသၢင်ႈသင်ႇၶၸၼ်ႉၸွမ်ပုတ်ႉထမိူင်းတႆး တိူဝ်းတွၼ်းသေ ပဵၼ်တၢင်းၵမ်ႉထႅမ် ႁႂ်ႈသႃႇသၼႃႇပုတ်ႉထၸဝ်ႈ ယိုၼ်းယၢဝ်းၵႂႃႇၶၢဝ်းႁိုင် ပုၼ်ႈတႃႇသႅၼ်းႁုၼ်ႈ မႂ်ႇတေမႃး မိူဝ်းၼႃႈၸိူဝ်းၼၼ်ႉယဝ်ႉ။

ပၢင်ယၢတ်ႇၼမ်ႉသိမ်ႇၼႆႉ ႁဵတ်းၵွႃႇတီႈၼႂ်းသိမ်ႇဝိသုံၷႃမ မႁႃသီမႃ သေ ပဵၼ်ပၢင်ဢၼ်ႁဵတ်းႁႂ်ႈလုၵ်ႈၸုမ်းသင်ႇၶ၊ ႁူဝ်ၼႃႈၼႂ်းၸၼ်ႉၸွမ်၊ လုၵ်ႈႁဵၼ်းၵဝ်ႇ၊ လုၵ်ႈႁဵၼ်းမႂ်ႇ၊ ၽူႈ ၵမ်ႉထႅမ်ယုၵ်ႉယွင်ႈၸၼ်ႉၸွမ်လႄႈ တၵႃႇသတ်ႉထႃး ၸၼ်ႉၸွမ်တင်းသဵင်ႈ လႆႈမႃးတုမ်ၵၼ်သေ ၼႄပၼ်ႁႅင်းသတ်ႉထႃႇလႄႈ လွင်ႈႁူမ်ၸူမ်းယူႇယဝ်ႉ။ တၢင်းႁဵတ်း သၢင်ႈဢၼ်ၼႆႉ မၼ်းပိူင်းၼႄပၼ် တၢင်းယုမ်ႇယမ်၊ ၵၢၼ်တႃႇၼလႄႈ သီႇလ ၸၢဝ်းထေႇရဝႃႇတ လႄႈ လွင်ႈၵၢၼ် ၸႅၵ်ႇဝၢၵ်ႈၵုသူဝ်ႇပၼ် ၽီသၢင်သတ်းၵူၼ်း ဢၼ်ပဵၼ်ၽိင်ႈပိူင်တူင်ႇဝူင်းသႃႇသၼႃႇၼၼ်ႉယူႇယဝ်ႉ။

Shan State Buddhist University Shan Edition

07/08/2026

02/08/2026

30/07/2026

29/07/2026

20/07/2026

14/07/2026

13/07/2026

12/07/2026

12/07/2026

07/07/2026

Address

Telephone

Website

Alerts

Contact The School

Shortcuts

Share

Category

Listing takedown request