Business and Accounting, IGCSE

Pay-to-Quit Strategy

Companies တွေမှာ လုပ်ငန်းရဲ့အလုပ်သမားအင်အား လျှော့ချဖို့လိုအပ်တဲ့အခါ မန်နေဂျာတွေအနေနဲ့ ဘယ်အလုပ်သမားတွေကိုဆက်ထားပြီး ဘယ်သူတွေကိုတော့ လျှော့မယ်ဆိုတာ ဘယ်လိုနည်းတွေနဲ့ဆုံးဖြတ်ကြပါသလဲ။
ကိုယ့်ဝန်ထမ်းတွေ အလုပ်သမားတွေဟာ လုပ်ငန်းခွင်မှာ တက်ကြွမှုရှိ/မရှိ၊ စိတ်ချမ်းသာပျော်ရွှင်မှု ရှိ/မရှိ ကိုရော ဘယ်လိုနည်းလမ်းတွေနဲ့ဆုံးဖြတ်ကြပါသလဲ။
တခြားအချက်တွေကိုသာ ထည့်မစဉ်းစားရင် အလုပ်သမားတစ်ယောက်ဟာ motivation ပိုရှိလေ လုပ်ငန်းအတွက်တန်ဖိုးပိုရှိလေပါပဲ။ ဆိုလိုတာက မန်နေဂျာတွေအနေနဲ့ လုပ်ငန်းမှာ motivated employees တွေကို ပိုရှိနေစေဖို့ဉီးစားပေးသင့်ပါတယ်ပေါ့။ ဒါပေမယ့် အလုပ်သမားတွေဟာ လုပ်ငန်းခွင်မှာ စိတ်အားတက်ကြွချင်ယောင် motivated ဖြစ်သယောင်ပြတတ်ကြပါတယ်။ သူတို့ စိတ်မပါ ဘူးဆိုရင်တောင်မှပေါ့။ ဒီတော့ မန်နေဂျာတွေအနေနဲ့ အလုပ်သမားတွေရဲ့ motivation level အစစ်အမှန်ကိုသိနိုင်ဖို့ နည်းလမ်းလိုအပ်ပါတယ်။
Pay-to-Quit Strategy ဆိုတာ လုပ်ငန်းတွေအတွက်အသုံးဝင်မယ့်နည်းလမ်းတစ်ခုပါ။
ဒီ strategy က အလုပ်သမားတွေကို အလုပ်ကနေ ကိုယ့်စိတ်နဲ့ကိုယ်ထွက်သွားဖို့ ငွေပေးပြီး ကမ်းလှမ်းတာပါပဲ။ ဟုတ်ပါတယ်…အလုပ်ကနေ ထွက်သွားချင်ရင် ထွက်သွားဖို့ပါ။ ဒါကြောင့်လည်း Pay-to-Quit strategy လို့ခေါ်တာပါ။
ဖိနပ်တွေ၊အဝတ်အစားတွေကို online ကနေ ဖြန့်ချီနေတဲ့ Zappos ဟာ ဒီနည်းလမ်းကို ပထမဆုံးသုံးခဲ့တဲ့လုပ်ငန်းတစ်ခုပါ။ စသုံးတဲ့အချိန်မှာ “The offer” လို့ သိကြပါတယ်။ ဒီလုပ်ငန်းက သူ့ဝန်ထမ်းသစ်တွေကို training လေးပတ်တာကာလ တလျှောက်မှာ လုပ်ငန်းဟာသူတို့အတွက် အံဝင်ခွင်ကျမဖြစ်ဘူး အဆင်မပြေဘူးထင်ရင် ထွက်သွား နိုင်ဖို့ bonus ပေးပြီးကမ်းလှမ်းပါတယ်။ ကမ်းလှမ်းမှုကို $100 နဲ့ စတာပါ။ training ကာလအတွင်း တစ်ယောက်မှ နှုတ်ထွက်ခြင်းမရှိတော့ bonus ကို $4000 အထိ တဖြည်းဖြည်းမြှင့်ပြီးကမ်းလှမ်းခဲ့ပါတယ်။ တစ်ယောက်မှနှုတ်ထွက်ခြင်းမရှိခဲ့ပါဘူး။ ဒါဟာ Zappos company ရဲ့ workforce ဟာ highly motivated ဖြစ်တယ်ဆိုတဲ့ လက္ခဏာပါပဲ။
2009 ခုနှစ်မှာ Zappos ကိုဝယ်ယူခဲ့တဲ့ Amazon ဟာ ဒီနည်းလမ်းကို အနည်းငယ် ပြောင်းပြီးလက်ခံသုံးခဲ့ပါတယ်။ 2014မှာ Amazon CEO, Jeff Bezos ဟာ shareholders တွေဆီကိုရေးတဲ့ annual letter မှာ ကုမ္ပဏီအနေနဲ့ Pay-to-Quit Program ကို သုံးမယ်ဆိုတဲ့အကြောင်း Employee Empowerment ခေါင်းစဉ်အောက် မှာ ဖော်ပြခဲ့ပါတယ်။
ဒီ strategy ကို သုံးရတာက Amazon အနေနဲ့ သူ့လုပ်ငန်းမှာ တကယ်လုပ်ချင်တဲ့ သူတွေကိုပဲ ဆက်ရှိနေစေချင်လို့ပါတဲ့။ Jeff Bezos ရဲ့ annual letter မှာ ရှင်းပြထား တာကတော့ ဒီလိုပါ-
“Pay to Quit ဟာ တကယ်ကိုရိုးရှင်းပါတယ်။ တစ်နှစ်ကို တစ်ခါအလုပ်သမားတွေကို အလုပ်ကနေထွက်ဖို့ ငွေပေးပြီး ကမ်းလှမ်းတာပါ။ ပထမနှစ်မှာ $2000 ပေးပြီး ကမ်းလှမ်းပါမယ်။ ပြီးရင်နောက်နှစ်တွေမှာ $1000 စီတိုးပြီးတော့ $5000 ရောက်တဲ့အထိ ကမ်းလှမ်းတာပါ။ Offer headline မှာတော့ “Please Don’t Take This Offer” ဆိုပြီးရေးထားပါတယ်။ အလုပ်သမားတွေအနေနဲ့ ဒီကမ်းလှမ်းမှုကိုလက်မခံပဲ company မှာပဲဆက်နေဖို့ရွေးချယ်စေချင်တာပါ။ ဒီကမ်းလှမ်းချက်ရဲ့ ရည်ရွယ်ချက် ကတော့ အလုပ်သမားတွေအနေနဲ့ ကမ်းလှမ်းချက်ရတဲ့အချိန် သူတို့တကယ် ဘာလိုချင်တာလည်းဆိုတာကို အချိန်လေးတစ်ခုယူပြီးစဉ်းစားမိစေချင်တာပါပဲ။ အလုပ်သမားတစ်ယောက်ဟာ သူတို့ဆန္ဒမရှိတဲ့နေရာမှာ အလုပ်လုပ်နေရရင် ရေရှည်မှာ လုပ်ငန်းအတွက်ရော အလုပ်သမားအတွက်ပါ မကောင်းပါဘူး။”
Amazon အနေနဲ့ ဒီ Program ကို warehouse workers တွေအတွက် နှစ်အတော်ကြာကြာသုံးခဲ့ပါတယ်။ ဒါပေမယ့် 2022 အစောပိုင်းကစ Amazon ဟာ warehouse workers တွေကို ဒီ program ဆက်မကမ်းလှမ်းပဲရပ်ထားခဲ့ပါတယ်။ ဒီအစား ၂၀၁၂ မှာ စခဲ့တဲ့ Career Choice upskilling program အတွက်ပဲ ဆက်သုံးခဲ့ပါတယ်။ (Tightening in the labor market အကြောင်းနဲ့ Career Choice program အကြောင်းကတော့ နောက်မှသီးသန့်ရေးပါအုံးမယ်။)
Pay-to-Quit strategy ဟာ တကယ် ထိရောက်တဲ့နည်းလမ်းတစ်ခုပါ။ တချို့အဖွဲ့ အစည်းတွေမှာဆိုရင် စိတ်ကျေနပ်မှုမရှိတဲ့ အလုပ်သမားတွေအနေနဲ့ သူတို့ရဲ့ သဘောထားအမှန်ကို ဖွင့်ထုတ်ဖို့ခက်ခဲတဲ့အခါ ဒီနည်းလမ်းက တကယ်အသုံးဝင် ပါတယ်။ မပျော်တဲ့အလုပ်ကနေ ကမ်းလှမ်းတဲ့ငွေကိုယူပြီး ထွက်မသွားရင် သူတို့ အတွက် နစ်နာရာရောက်ပါတယ်။ လုပ်ငန်းဘက်ကကြည့်ရင်လည်း ကမ်းလှမ်းတာတွေ ကို လက်မခံဘဲ လုပ်ငန်းမှာဆက်ပြီးနေခဲ့တဲ့သူတွေဟာ လုပ်ငန်းခွင်မှာပိုပြီး စိတ်အား တက်ကြွတဲ့သူတွေဆိုတာ သေချာပါတယ်။ ဒါ့အပြင် လုပ်ငန်းမှာဆက်နေတဲ့ အလုပ်သမားတွေအနေနဲ့ ကမ်းလှမ်းချက်ကိုတောင်ငြင်းပယ်ပြီး ဒီအလုပ်ကိုပဲ ရွေးချယ်ထားတာဖြစ်တဲ့အတွက် သူတို့ရဲ့အနာဂတ်ကို ရေရှည်အတွက် ကမ္ပဏီမှာ မြှုပ်နှံလိုက်တဲ့ သဘောပါပဲ။ ဒါကြောင့် သေချာတာကတော့ commitment and productivity တက်လာမှာပါပဲ။
Pay-to-Quit Strategy ဟာ လုပ်ငန်းအတွက်ရော ဝန်ထမ်းတွေအတွက်ပါ အကျိုးရှိတဲ့ နည်းလမ်းပါ။ မန်နေဂျာတွေအနေနဲ့လည်း ဘယ်ဝန်ထမ်းက လုပ်ငန်းခွင်မှာ တကယ် စိတ်အားထက်သန်မှုရှိတယ်၊ ဘယ်သူကတော့မရှိဘူးဆိုတာကို သတ်မှတ်ဖို့ လွယ်ကူ သွားတယ်။ လုပ်ငန်းခွင်မှာစိတ်မပါတဲ့ ဝန်ထမ်းတွေအနေနဲ့လည်း လက်ထဲမှာ ငွေကိုင်ပြီး အေးအေးချမ်းချမ်းအလုပ်ကထွက်သွားလို့ရတယ်။ ဒီလိုပဲ အလုပ်မှာ စိတ်ပါဝင်စားတဲ့ ဝန်ထမ်းတွေအနေနဲ့လည်း ကမ်းလှမ်းချက်ကိုလက်မခံ ပါဘူးဆိုတာ နဲ့တင် သူတို့ရဲ့ လုပ်ငန်းအပေါ်တသားတည်းရှိမှုကို ပြရာရောက်ပါတယ်။ တကယ်လို့ ဒီ offer ကို တစ်ယောက်မှ လက်မခံဘူးဆိုရင်တော့ ကုမ္ပဏီအတွက် တကယ်ကောင်းတဲ့ ရလာဒ်လို့ဆိုရပါမယ်။ လုပ်ငန်းအနေနဲ့ ဝန်ထမ်းသစ်တွေရဲ့ motivation ရှိ/မရှိ သိရဖို့နဲ့ motivation တက်စေမယ့်နည်းလမ်းတွေကို ငွေကုန်ခံပြီး စမ်းသပ်လုပ်ဆောင်နေဖို့ မလိုအပ်တော့ပါဘူး။ လတ်တလော Trainual company မှာ ဒီရလာဒ်ရခဲ့ပါတယ်။
အနှစ်ချုပ်အနေနဲ့ပြောရရင်တော့ ကုမ္ပဏီတွေအနေနဲ့ ဝန်ထမ်းတွေရဲ့ motivation ဖြစ်မဖြစ် လုပ်ငန်းအပေါ် commitment ရှိ/မရှိ ကို ဘယ်လိုဆုံးဖြတ်ရမလဲဆိုတာ ခက်ခဲတဲ့အခါတွေရှိလာတတ်တယ်။ ဒီလိုအခြေအနေမျိုးတွေမှာ ကုမ္ပဏီတွေအနေနဲ့ ဝန်ထမ်းတွေရဲ့ လုပ်ငန်းအပေါ်ထားတဲ့စစ်မှန်တဲ့သဘောထားကိုဖော်ပြနိုင်ဖို့ မက်လုံး ပေးတဲ့နည်းလမ်းနဲ့ ဖြေရှင်းလို့ရနိုင်မယ်။ ဒီလိုနည်းလမ်းတွေထဲက တစ်ခုကတော့ ဝန်ထမ်းတွေကို အလုပ်ကထွက်ဖို့ ငွေကြေးပေးပြီးကမ်းလှမ်းတဲ့ Pay-to-Quit Program ပါပဲလို့ စာရေးဆရာကပြောထားတာပါပဲ။
Pay-to-Quit Program ကို လက်ခံကျင့်သုံးမယ်ဆိုရင် လိုက်နာရမယ့်အချက်တွေ ကိုတော့ နောက်တစ်ခေါက်ထပ်ဖော်ပြပါအုံးမယ်။
ပထမဆုံးရေးသားတဲ့အတွေ့အကြုံမို့ ဖတ်ရတာအဆင်မပြေတာရှိခဲ့ရင် ကြိုတောင်းပန် ပါတယ်။ အချို့နေရာတွေမှာ တိုက်ရိုက်ဘာသာပြန်မဟုတ်ဘဲ ဆီလျော်အောင် ရေးထားတာတွေရှိပါတယ်။ မူရင်းဖတ်ချင်ရင်တော့ အောက်မှာ မူရင်း LInk တွေကို ဖော်ပြထားပါတယ်။
and Accounting, IGCSE
https://hbr.org/2023/05/how-a-pay-to-quit-strategy-can-reveal-your-most-motivated-employees
https://www.businessinsider.com/amazon-pay-5000-if-you-quit-2014-4?utm_source=slate&utm_medium=referral&utm_term=partner
https://www.businessinsider.com/amazon-suspends-program-pays-warehouse-workers-to-quit-2022-1
https://www.sec.gov/Archives/edgar/data/1018724/000119312514137753/d702518dex991.htm