𝙎𝙞𝙢𝙥𝙡𝙚 𝙀𝙣𝙜𝙡𝙞𝙨𝙝 𝙬𝙞𝙩𝙝 𝙏𝙝𝙪𝙧𝙖

Wherever you go, wear a mask to protect yourself and others
ကိုယ့်ကိုယ်ကိုနဲ့ အခြားသူများကိုပါ ကာကွယ်ဖို့ ဘယ်သွားသွား မတ်စ်ခ် တပ်ပါ။

"Love your neighbours, but do not batter the fence down."
"ကိုယ့်ရဲ့အိမ်နီးချင်းတွေကို ချစ်ပါ၊ ဒါပေမဲ့ ခြံစည်းရိုးကိုတော့ မဖျက်လိုက်ပါနဲ့ ။"

သူ့ရဲ့အသုံးတွေကို မှတ်ပါ။

Batter (Verb) အဆက်မပြတ်ထုနှက်သည် ၊ ရိုက်ချိုးသည်၊ ချိုးဖျက်သည်။


ˌ‍batter something ↔ ˈ‍down
တစ်စုံတစ်ခုကို ပျက်စီးသွားသည်အထိ အဆက်မပြတ် ထုနှက်သည်
•The police had to batter the door down.
ရဲတွေက တံခါးကို ဖျက်လိုက်ရတယ်။

"𝐏𝐨𝐬𝐬𝐞𝐬𝐬𝐢𝐯𝐞 𝐂𝐚𝐬𝐞 𝐨𝐟 𝐍𝐨𝐮𝐧𝐬: 𝐑𝐮𝐥𝐞𝐬 𝐚𝐧𝐝 𝐄𝐱𝐚𝐦𝐩𝐥𝐞𝐬"

case ဆိုတာ ပိုင်ဆိုင်မှု ownership ကိုဖေါ်ပြတယ်။
လူ / နေရာ / အရာဝတ္ထု စသည်တို့ရဲ့ ပိုင်ဆိုင်မှုကိုဖေါ်ပြချင်တဲ့အခါ Noun ရဲ့ နောက်က (𝐀𝐩𝐨𝐬𝐭𝐫𝐨𝐩𝐡𝐞 𝐒 ) –’s ထည့်လိုက်ရုံပဲ။
Singular Noun တစ်ခုဟာ “s” နဲ့ မဆုံးထားရင် သူ့ရဲ့နောက်က -’s ဆက်ပေးရတယ်။

ဥပမာတွေကို ကြည့်ပါ (See the following examples)

✍🏽 This is Mary and her dog.
The dog is Mary’s pet; Mary is not the dog’s pet.
ဒါကတော့ “မယ်ရီ”နဲ့ သူ့ရဲ့ “ခွေး”ဖြစ်တယ်။
“ခွေး”ဟာ “မယ်ရီ”ရဲ့ အိမ်မွေးတိရိစ္ဆာန်ဖြစ်ပြီး “မယ်ရီ” ကတော့ “ခွေး”ရဲ့ အိမ်မွေးတိရိစ္ဆာန်မဟုတ်ပါဘူး။

✍🏽 This thick curtain is capable of shutting out the summer sun’s heat and light.
ဒီ”ထူတဲ့ခန်းဆီး”က နွေရာသီရဲ့ နေအပူချိန်နဲ့ အလင်းရောင်ကို ကာထားပေးနိုင်တယ်။

✍🏽 This is the way to the men’s room.
ဒါက “အမျိုးသားအိမ်သာ”ကိုသွားတဲ့လမ်းဖြစ်တယ်။

✍🏽 The children's rooms
ကလေးများ၏ အခန်းများ

✍🏽 My friend’s mother
ငါ့သူငယ်ချင်းရဲ့အမေ

#နာမည်တစ်ခုဟာ (s) နဲ့ဆုံးနေမယ်ဆိုရင်တော့ (-’s) (-’) ပုံစံနှစ်မျိုးနဲ့ အသုံးပြုနိုင်ပါတယ်။ အများအားဖြင့်တော့ အင်္ဂလိပ်လူမျိုးတွေရဲ့ နာမည်တွေပါပဲ။
အောက်က ဥပမာတွေကိုကြည့်ပါ။

✍🏽You’re sitting in Chris’ chair.
✍🏽You’re sitting in Chris’s chair.
✍🏽Have you seen James’ car?
✍🏽Have you seen James’s car?
✍🏽Where is Jess’ book bag?
✍🏽Where is Jess’s book bag?
✍🏽I’m in Ms. Jones’ class this year.
✍🏽I’m in Ms. Jones’s class this year.
✍🏽Tom’s computer isn’t working. (not the computer of Tom)
✍🏽What is your sister’s name?

#တစ်ခါတစ်လေမှာတော့ (’s) ရဲ့နောက်မှာ Noun မပါတော့ဘဲ အသုံးပြုနိုင်တယ်။
ဥပမာ
✍🏽 This isn’t my book. It’s my sister’s.
ဒါက ငါ့စာအုပ်မဟုတ်ဘူး။ ငါ့အမရဲ့ဟာ ။

တစ်လုံးဟာ plural ဖြစ်သွားပြီဆိုရင်တော့ အများအားဖြင့် (S) နဲ့ဆုံးလေ့ရှိတာပေါ့။ အဲလိုဆိုရင် သူ့နောက်က (-‘) ဆက်ပေးရင် ရပါပြီ။

✍🏽 This is the boys’ bedroom.
ဒါက ကောင်လေးတွေရဲ့ အိပ်ခန်းဖြစ်တယ်။

✍🏽 My parents’ house is a lovely old one.
ငါ့မိဘတွေရဲ့အိမ်က ချစ်စရာကောင်းတဲ့ အိမ်အိုကြီးတစ်လုံးပေါ့။

✍🏽 Two actresses' roles
မင်းသမီးနှစ်ယောက်ရဲ့ သရုပ်ဆောင်ခန်းများ


Singular Noun တစ်ခုကို လူနှစ်ယောက်က အတူတူပိုင်ဆိုင်တယ်ဆိုရင် နောက်ဆုံးလူရဲ့နောက်မှာပဲ (-’s) ထည့်ရတယ်။
ဥပမာ
✍🏽 Mike and Amanda’s new apartment is really neat.
“မိုက်ခ် နဲ့ အမန်ဒါ”တို့ရဲ့ တိုက်ခန်းသစ်က သိပ်ကိုသပ်ရပ်တယ်။

✍🏽 Jack and Karen’s children
“ဂျက်” နဲ့ “ခဲရန်” တို့ရဲ့ကလေးတွေ


လူတစ်ယောက်ဟာ Singular Noun တစ်ခုကို ပိုင်ဆိုင်တယ်။ နောက်လူတစ်ယောက်ကလည်း အဲလိုပဲပိုင်တယ်။ ဒီတော့ တစ်ယောက်ချင်းစီပိုင်ဆိုင်မှုချင်းတူညီနေတယ်ဆိုရင်တော့ ပထမလူရဲ့နောက်မှာ ရော ၊ ဒုတိယလူရဲ့နောက်မှာရော (-’s) ဆက်ပေးရတယ်။

ဥပမာ
✍🏽 Mike’s and Amanda’s houses (two different houses)
“မိုက်ခ် နဲ့ အမန်ဒါ”တို့ရဲ့ အိမ်တွေ

#သက်မဲ့အရာဝတ္ထု ၊ အတွေးအခေါ်တွေ စသည်တို့ရဲ့ ပိုင်ဆိုင်မှုကို ဖေါ်ပြချင်တဲ့အခါ “The (noun)+ of the (noun) ပုံစံနဲ့သုံးရပြီး မြန်မာနဲ့ ပြောင်းပြန်ဖြစ်တယ်။
ဥပမာ
✍🏽 the temperature of the water
ရေရဲ့အပူချိန်
✍🏽 the name of the book
စာအုပ်ရဲ့နာမည်
✍🏽 the owner of the restaurant
စားသောက်ဆိုင်ပိုင်ရှင်
✍🏽 the top of the hill
တောင်ကုန်းရဲ့ထိပ်ဖျား
✍🏽 the beginning of the month
လရဲ့အစ

#လူမှုအဖွဲ့အစည်း / အစိုးရ စသည်တို့ရဲ့ ပိုင်ဆိုင်မှုကိုဖေါ်ပြလိုတဲ့အခါမှာတော့ ပုံစံနှစ်မျိုးနဲ့ အသုံးပြနိုင်တယ်။
ဥပမာ
✍🏽 the government’s decision အစိုးရရဲ့ ဆုံးဖြတ်ချက်
(သို့မဟုတ်)
✍🏽 the decision of the government

✍🏽 the company’s success ကုမ္ပဏီရဲ့ အောင်မြင်မှု
(သို့မဟုတ်)
✍🏽 the success of the company

𝘼𝙡𝙡 𝙗𝙚𝙞𝙣𝙜𝙨 𝙖𝙧𝙚 𝙤𝙬𝙣𝙚𝙧𝙨 𝙤𝙛 𝙩𝙝𝙚𝙞𝙧 𝙤𝙬𝙣 𝙠𝙖𝙢𝙢𝙖
Thura

အင်္ဂလိပ်စာလေ့လာနေသူတိုင်းအတွက် ဆောင်ထားသင့်တဲ့ ကွန်ပျူတာသုံး Software "မြန်မာ-အင်္ဂလိပ် အဘိဓာန်"ဖြစ်ပါတယ်။
Windows 7, 8, 10 တို့မှာ ကောင်းကောင်းအသုံးပြုလို့ရပါတယ်။
Software ကို Installation ပြီးတဲ့အခါ Desktop Icon မှာတော့ အဘိဓာန်ပုံမပေါ်ပါဘူး။ (ပုံမပေါ်ပေမယ့်လည်း အသုံးပြုလို့ရပါတယ်)

အဲဒီအတွက် ico file လေးတစ်ခုထပ်ထည့်ပေးထားပါတယ်။
Desktop ပေါ်က Dictionary Icon ပေါ်မှာ Right click နှိပ်ပြီး Properties + change icon အထိသွားပြီးတော့ ထည့်ပေးလိုက်တဲ့ ico file လေးကိုရွေးပေးပြီး
Apply + Ok လုပ်ရုံပါပဲ။

https://drive.google.com/file/d/1Bcgy6snQOIBSQrSmBhUWsCBuGwRVdrU9/view?usp=sharing

ဖုန်းဘတ္ထရီကုန်တော့မဲ့အခြေအနေ
==================
ဒီနေ့ Cell လို့ခေါ်တဲ့ ဇာတ်ကားကိုကြည့်နေရင်းနဲ့ မင်းသား John Cusack သုံးသွားတဲ့ အသုံးလေးကိုပြောပြချင်ပါတယ်။
သူ့ဖုန်းဘတ္ထရီကုန်ခါနီးဖြစ်သွားတော့ ကြိုးဖုန်းနဲ့ သူ့အမျိုးသမီးဆီကိုဆက်ရင်း ပြောလိုက်တဲ့စကားပါ။
"𝙄 𝙧𝙖𝙣 𝙤𝙪𝙩 𝙤𝙛 𝙟𝙪𝙞𝙘𝙚.
ဘတ္ထရီကုန်ခါနီးဖြစ်သွားလို့" တဲ့။

တစ်ဆက်ထဲမှာပဲ 𝙤𝙪𝙩 𝙤𝙛 𝙟𝙪𝙞𝙘𝙚 နဲ့ပတ်သက်လို့ slang expression အသုံးလေးတွေကို ဖေါ်ပြလိုက်ပါတယ်။
= 𝐢𝐭 𝐥𝐨𝐨𝐤𝐬 𝐥𝐢𝐤𝐞 𝐲𝐨𝐮 𝐦𝐚𝐲 𝐛𝐞 𝐨𝐮𝐭 𝐨𝐟 𝐣𝐮𝐢𝐜𝐞.
မင်းရဲ့ဖုန်းက ဘတ္ထရီကုန်တော့မဲ့ပုံပဲ။

= 𝐈𝐭'𝐬 𝐚𝐥𝐦𝐨𝐬𝐭 𝐨𝐮𝐭 𝐨𝐟 𝐣𝐮𝐢𝐜𝐞.
အားကုန်ခါနီးပြီ။

= 𝐌𝐲 𝐥𝐚𝐩𝐭𝐨𝐩'𝐬 𝐨𝐮𝐭 𝐨𝐟 𝐣𝐮𝐢𝐜𝐞. 𝐓𝐡𝐢𝐬 𝐢𝐬 𝐬𝐨 𝐟𝐫𝐮𝐬𝐭𝐫𝐚𝐭𝐢𝐧𝐠.
ငါ့ရဲ့လက်တော့က ဘတ္ထရီကုန်တော့မယ်၊ ဒါက သိပ်ကိုစိတ်ပျက်စရာကောင်းတာပဲ။

= 𝐓𝐡𝐞 𝐜𝐚𝐫'𝐬 𝐫𝐮𝐧𝐧𝐢𝐧𝐠 𝐨𝐮𝐭 𝐨𝐟 𝐣𝐮𝐢𝐜𝐞.
ကားက ဆီကုန်တော့မယ်။

= 𝐈 𝐚𝐦 𝐩𝐚𝐜𝐤𝐢𝐧𝐠 𝐭𝐡𝐫𝐞𝐞 𝐬𝐩𝐚𝐫𝐞 𝐩𝐡𝐨𝐧𝐞 𝐛𝐚𝐭𝐭𝐞𝐫𝐢𝐞𝐬 𝐬𝐨 𝐈 𝐝𝐨𝐧'𝐭 𝐫𝐮𝐧 𝐨𝐮𝐭 𝐨𝐟 𝐣𝐮𝐢𝐜𝐞 𝐨𝐧 𝐦𝐲 𝐜𝐥𝐢𝐦𝐛𝐢𝐧𝐠 𝐭𝐫𝐢𝐩.
တောင်တက်ခရီးစဉ်မှာ ဖုန်းဘတ္ထရီမကုန်သွားအောင်လို့ (ငါ့အိတ်ထဲကို) အပိုသုံးခုထပ်ထည့်နေတယ်။

= 𝗜'𝗺 𝗼𝘂𝘁 𝗼𝗳 𝗷𝘂𝗶𝗰𝗲.
ငါ အားနည်းနေတယ်။

-----------------------------------------------
Slang ပုံစံနဲ့မသုံးဘဲ ရိုးရိုးအသုံးအနေနဲ့ကတော့
= 𝐌𝐲 𝐩𝐡𝐨𝐧𝐞 𝐢𝐬 𝐝𝐲𝐢𝐧𝐠.

= 𝐌𝐲 𝐛𝐚𝐭𝐭𝐞𝐫𝐲 𝐢𝐬 𝐚𝐥𝐦𝐨𝐬𝐭 𝐨𝐮𝐭.
လို့ပြောနိုင်ပါတယ်။

Thura
Nov 27, 2020

𝐖𝐞𝐚𝐫 လား 𝐏𝐮𝐭 𝐨𝐧 လား
-----------------------------------------------------
ကျွန်တော်တို့မြန်မာလူမျိုးတွေ ငယ်စဉ်ကတည်းက အင်္ဂလိပ်စာကို
ကျက်လာခဲ့တဲ့နည်းက အင်္ဂလိပ်စကားတစ်လုံးကို မြန်မာစကားတစ်လုံးနဲ့
ဖလှယ်ပြီး ကျက်လာခဲ့တာပါ။
ဒီနည်းဟာ မှားယွင်းနေတဲ့အကြောင်းကို အင်္ဂလိပ်စာသင်ပြသူတိုင်း သိကြမှာပါ။
ဒီလိုမှားယွင်းနေတဲ့အကြောင်းကို Wear နဲ့ဥပမာထားပြီး ပြောပြချင်ပါတယ်။
Wear - ကို "ဝတ်ဆင်သည်၊ ဆင်မြန်းသည်" လို့ မြန်မာအဘိဓာန်က ဆိုပါတယ်။
ဒီတော့ လူတစ်ယောက်ကရေချိုးပြီးတော့ "အဝတ်လဲနေတာ"ကို
- 𝐇𝐞 𝐢𝐬 𝐰𝐞𝐚𝐫𝐢𝐧𝐠 𝐚 𝐜𝐨𝐚𝐭. လို့ ရေးမိ/ပြောမိပါလေရာ။

အဲလိုအမှားမျိုးမကျူးလွန်မိအောင် "Wear" ဆိုတဲ့အဓိပ္ပါယ်ကဘာလဲဆိုတာ
အင်္ဂလိပ်လိုဖွင့်ဆိုချက်ကို သိထားဖို့လိုပါတယ်။
𝙩𝙤 𝙝𝙖𝙫𝙚 𝙘𝙡𝙤𝙩𝙝𝙞𝙣𝙜, 𝙟𝙚𝙬𝙚𝙡𝙡𝙚𝙧𝙮, 𝙚𝙩𝙘. 𝙤𝙣 𝙮𝙤𝙪𝙧 𝙗𝙤𝙙𝙮: လို့ Cambridge Dictionary က
ဖွင့်ဆိုပါတယ်။
အဝတ်အစား၊ လက်ဝတ်ရတနာစသည်ကို ခန္ဓာကိုယ်မှာဆင်မြန်းထားတာ၊ ခန္ဓာကိုယ်ပေါ်မှာ
ရောက်ရှိနေပြီးသားကို Wear လို့ ခေါ်ပါတယ်။
(တစ်ခြားအဓိပ္ပါယ်နဲ့လည်းသုံးပါသေးတယ်)
ဥပမာ
-𝐒𝐡𝐞 𝐢𝐬 𝐰𝐞𝐚𝐫𝐢𝐧𝐠 𝐚 𝐬𝐢𝐦𝐩𝐥𝐞 𝐛𝐥𝐚𝐜𝐤 𝐝𝐫𝐞𝐬𝐬.
သူက ရိုးရှင်းတဲ့အနက်ရောင်ဝတ်စုံကိုဝတ်ဆင်ထားတယ်။

-𝐒𝐨𝐦𝐞 𝐦𝐮𝐬𝐢𝐜𝐢𝐚𝐧𝐬 𝐝𝐨𝐧'𝐭 𝐥𝐢𝐤𝐞 𝐭𝐨 𝐰𝐞𝐚𝐫 𝐫𝐢𝐧𝐠𝐬 𝐰𝐡𝐞𝐧 𝐭𝐡𝐞𝐲'𝐫𝐞 𝐩𝐥𝐚𝐲𝐢𝐧𝐠.
တစ်ချို့ဂီတပညာရှင်တွေက ဆိုနေ/တီးနေတဲ့အချိန်မှာ လက်စွပ်တွေဝတ်ဆင်
မထားချင်ကြပါဘူး။

-𝐇𝐞 𝐰𝐞𝐚𝐫𝐬 𝐠𝐥𝐚𝐬𝐬𝐞𝐬 𝐟𝐨𝐫 𝐫𝐞𝐚𝐝𝐢𝐧𝐠.
သူက စာဖတ်ဖို့အတွက် မျက်မှန်တပ်ထားရတယ်။

- 𝐀 𝐬𝐜𝐡𝐨𝐨𝐥𝐠𝐢𝐫𝐥 𝐰𝐞𝐚𝐫𝐬 𝐚 𝐠𝐫𝐞𝐞𝐧 𝐬𝐚𝐫𝐨𝐧𝐠.
ကျောင်းသူလေးဟာ ထဘီအစိမ်းဝတ်တယ်။
(Sarong ကို /səˈrɒŋ/ လို့အသံထွက်ရပြီး မလေးရှား/ အင်ဒိုနီးရှားက
အမျိုးသား-အမျိုးသမီးတွေဝတ်လေ့ရှိတဲ့ ပါးလွှာတဲ့အဝတ်စရှည်ကို
ပြောတာဖြစ်ပါတယ်။ မြန်မာလူမျိုးတွေဝတ်တဲ့ ပုဆိုး/ထဘီ တွေကိုလည်း
ဒီအသုံးအတိုင်း ခေါ်လို့ရပါတယ်။

Wear ကို မြန်မာလို လွယ်လွယ်ကူကူမှတ်ရရင် "ဝတ်"တာချည်းမဟုတ်တော့ဘဲ
"ဦးထုပ်ဆောင်းတယ်၊ မျက်မှန်တပ်တယ်၊ ပန်းပန်တယ်၊ လက်စွပ်ဝတ်တယ်၊
ဖိနပ်စီးတယ်" စသည်ဖြင့် မှတ်နိုင်ပါတယ်။

ရေချိုးပြီးစ အင်္ကျီဝတ်တာကိုတော့ Put on လို့ သုံးရပါတယ်။
စတင်ဝတ်တာကို Put on / ချွတ်တာကို Take off လို့ မှတ်သားသင့်ပါတယ်။
ဥပမာ
- 𝐌𝐲 𝐰𝐢𝐟𝐞 𝐩𝐮𝐭 𝐨𝐧 𝐡𝐞𝐫 𝐜𝐨𝐚𝐭 𝐚𝐧𝐝 𝐰𝐞𝐧𝐭 𝐨𝐮𝐭.
ကျွန်တော့်အမျိုးသမီးက ကုတ်အင်္ကျီကိုဝတ်ပြီးတော့
ထွက်သွားလေရဲ့။
- 𝐈 𝐡𝐚𝐝 𝐟𝐨𝐫𝐠𝐨𝐭𝐭𝐞𝐧 𝐭𝐨 𝐩𝐮𝐭 𝐦𝐲 𝐰𝐚𝐭𝐜𝐡 𝐨𝐧.
ကျွန်တော့်နာရီကိုပတ်ဖို့ မေ့သွားခဲ့တယ်။

- 𝐇𝐮𝐫𝐫𝐲 𝐮𝐩! 𝐏𝐮𝐭 𝐲𝐨𝐮𝐫 𝐜𝐨𝐚𝐭 𝐨𝐧!
မြန်မြန်လုပ်၊ မင်းရဲ့ကုတ်အင်္ကျီကိုဝတ်လိုက်တော့။

- 𝐏𝐮𝐭 𝐨𝐧 𝐲𝐨𝐮𝐫 𝐡𝐚𝐭.
ဦးထုတ်ဆောင်းလေ။

- 𝐈 𝐩𝐮𝐭 𝐨𝐧 𝐦𝐲 𝐜𝐥𝐨𝐭𝐡𝐞𝐬 𝐚𝐟𝐭𝐞𝐫 𝐚 𝐛𝐚𝐭𝐡.
ရေချိုးပြီး ကျွန်တော်အဝတ်အစားဝတ်ပါတယ်။

စတင်ဝတ်စားတာကိုပြောနိုင်တဲ့ စကားတစ်လုံးကတော့ Dress ဖြစ်ပါတယ်။
သူ့ရဲ့အဓိပ္ပါယ်ကိုက put on clothes ဖြစ်လို့ clothes ထည့်သုံးစရာမလိုတာကို
သတိပြုပါ။
ဥပမာ
- 𝐈 𝐝𝐫𝐞𝐬𝐬 𝐚𝐟𝐭𝐞𝐫 𝐚 𝐛𝐚𝐭𝐡.

- 𝐈 𝐝𝐫𝐞𝐬𝐬𝐞𝐝 𝐪𝐮𝐢𝐜𝐤𝐥𝐲.
ကျွန်တော် အဝတ်မြန်မြန်ဝတ်လိုက်တယ်။

- 𝐆𝐞𝐭 𝐮𝐩 𝐚𝐧𝐝 𝐠𝐞𝐭 𝐝𝐫𝐞𝐬𝐬𝐞𝐝.
အိပ်ယာကထပြီး အဝတ်လဲတော့။

- 𝐏𝐥𝐞𝐚𝐬𝐞 𝐰𝐚𝐢𝐭 𝐚 𝐦𝐢𝐧𝐮𝐭𝐞 𝐰𝐡𝐢𝐥𝐞 𝐈 𝐝𝐫𝐞𝐬𝐬.
အဝတ်လဲနေတုန်း ခဏစောင့်ပေးပါ။

အခုပြောခဲ့တာတွေအကုန်လုံးက အခြေခံအဆင့်တွေပဲဖြစ်ပါတယ်။
စကားလုံးတစ်လုံးချင်းရဲ့အဓိပ္ပါယ်အကုန်လုံးကိုသိရဖို့အတွက်
နှစ်သက်ရာ English to English Dictionary တစ်ခုခုကို
အသုံးပြုပါ။

𝒲𝒾𝓉𝒽 𝓁𝑜𝓋𝑒
Thura

𝐁𝐨𝐫𝐫𝐨𝐰 (or) 𝐋𝐞𝐧𝐝
-----------------------------------
ကျွန်တော်တို့နေ့စဉ်အသုံးပြုနေရတဲ့ ဗမာစကားမှာ
ပိုက်ဆံကို "ချေးတယ်" လို့သုံးပြီး ပစ္စည်းကိုတော့ "ငှားတယ်" လို့ ခွဲခြားသုံးပါတယ်။
အင်္ဂလိပ်လိုသုံးတဲ့အခါမှာတော့ အဲလိုခွဲခြားမသုံးတော့ဘဲ "ပိုက်ဆံဖြစ်စေ၊ ပစ္စည်းဖြစ်စေ"
𝐁𝐨𝐫𝐫𝐨𝐰 (or) 𝐋𝐞𝐧𝐝 ကိုသုံးကြပါတယ်၊ အဲလိုအသုံးမတူတဲ့
အတွက်ကြောင့် အင်္ဂလိပ်စာလေ့လာခါစ ညီငယ်၊ ညီမငယ်တွေအနေနဲ့ ခဏခဏမှားသုံးကြတော့တာပဲ။
ဒီတော့ ဘယ်လိုမှန်ကန်အောင်သုံးကြလဲဆိုတာ ပြောပြသွားပါ့မယ်၊
-𝐁𝐨𝐫𝐫𝐨𝐰 ဆိုတာ 𝙩𝙖𝙠𝙚 𝙖𝙣𝙙 𝙪𝙨𝙚 (𝙨𝙤𝙢𝙚𝙩𝙝𝙞𝙣𝙜 𝙗𝙚𝙡𝙤𝙣𝙜𝙞𝙣𝙜 𝙩𝙤 𝙨𝙤𝙢𝙚𝙤𝙣𝙚 𝙚𝙡𝙨𝙚) 𝙬𝙞𝙩𝙝 𝙩𝙝𝙚 𝙞𝙣𝙩𝙚𝙣𝙩𝙞𝙤𝙣 𝙤𝙛 𝙧𝙚𝙩𝙪𝙧𝙣𝙞𝙣𝙜 𝙞𝙩. လို့ အဘိဓာန်ကဖွင့်ဆိုပါတယ်။
(တစ်ခြားသူပိုင်တဲ့ပစ္စည်းကို ယူငင်ပြီး ပြန်ပေးဖို့ရည်ရွယ်ပြီး အသုံးပြုတာကို 𝐁𝐨𝐫𝐫𝐨𝐰 လို့ဆိုပါတယ်)
မှတ်ရလွယ်အောင်ပြောရရင် 𝐆𝐞𝐭 𝐟𝐨𝐫 𝐚 𝐩𝐞𝐫𝐢𝐨𝐝 𝐭𝐢𝐦𝐞 (ခဏရတာ) ဖြစ်ပါတယ်။

-𝐋𝐞𝐧𝐝 ဆိုတာ 𝙜𝙧𝙖𝙣𝙩 𝙩𝙤 (𝙨𝙤𝙢𝙚𝙤𝙣𝙚) 𝙩𝙝𝙚 𝙪𝙨𝙚 𝙤𝙛 (𝙨𝙤𝙢𝙚𝙩𝙝𝙞𝙣𝙜) 𝙤𝙣 𝙩𝙝𝙚 𝙪𝙣𝙙𝙚𝙧𝙨𝙩𝙖𝙣𝙙𝙞𝙣𝙜 𝙩𝙝𝙖𝙩 𝙞𝙩 𝙬𝙞𝙡𝙡 𝙗𝙚 𝙧𝙚𝙩𝙪𝙧𝙣𝙚𝙙. လို့ အဘိဓာန်က ဖွင့်ဆိုပါတယ်။
(ပစ္စည်းတစ်ခုကို ပြန်ပေးလိမ့်မယ်လို့ နားလည်လက်ခံထားပြီး အခြားသူတစ်ယောက်ကို အသုံးပြုခွင့်ပေးလိုက်တာကို 𝐋𝐞𝐧𝐝 လို့ဆိုပါတယ်)
မှတ်ရလွယ်အောင်ပြောရရင် 𝐆𝐢𝐯𝐞 𝐟𝐨𝐫 𝐚 𝐩𝐞𝐫𝐢𝐨𝐝 𝐭𝐢𝐦𝐞 (ခဏပေးတာ)ဖြစ်ပါတယ်။

ဒီတော့ အင်္ဂလိပ်လိုအသုံးပြုတဲ့အခါ ဗမာလို "ချေးတာ/ ငှားတာ" တွေကို စဉ်းစားမနေတော့ဘဲ ခဏရတာကို 𝐁𝐨𝐫𝐫𝐨𝐰 ၊
ခဏပေးတာကို 𝐋𝐞𝐧𝐝 လို့ မှတ်ထားရင် မမှားနိုင်တော့ပါဘူး။
-----------------------------------------------------------
အောက်ကဥပမာဝါကျတွေကို လေ့လာကြည့်ရအောင်....
- 𝐂𝐚𝐧 𝐈 𝐛𝐨𝐫𝐫𝐨𝐰 𝐲𝐨𝐮𝐫 𝐮𝐦𝐛𝐫𝐞𝐥𝐥𝐚?
ခင်ဗျားရဲ့ထီးကို ခဏပေးငှားလို့ရမလားဗျာ။

- 𝐌𝐞𝐦𝐛𝐞𝐫𝐬 𝐜𝐚𝐧 𝐛𝐨𝐫𝐫𝐨𝐰 𝐮𝐩 𝐭𝐨 𝐭𝐞𝐧 𝐛𝐨𝐨𝐤𝐬 𝐟𝐫𝐨𝐦 𝐭𝐡𝐞 𝐥𝐢𝐛𝐫𝐚𝐫𝐲 𝐚𝐭 𝐚𝐧𝐲 𝐨𝐧𝐞 𝐭𝐢𝐦𝐞.
အသင်ဝင်များသည် စာကြည့်တိုက်မှ တစ်ကြိမ်လျှင် စာအုပ် (၁၀)အုပ်ထိ ငှားရမ်းနိုင်သည်။

-𝐇𝐨𝐰 𝐦𝐮𝐜𝐡 𝐝𝐢𝐝 𝐲𝐨𝐮 𝐡𝐚𝐯𝐞 𝐭𝐨 𝐛𝐨𝐫𝐫𝐨𝐰 𝐭𝐨 𝐩𝐚𝐲 𝐟𝐨𝐫 𝐭𝐡𝐢𝐬?
ဒါကိုပေးချေဖို့အတွက် ငွေဘယ်လောက်ချေးခဲ့ရလဲ။

-𝐓𝐡𝐞 𝐠𝐨𝐚𝐥 𝐢𝐬 𝐭𝐨 𝐛𝐨𝐫𝐫𝐨𝐰 𝐟𝐮𝐧𝐝𝐬 𝐚𝐭 𝐚 𝐥𝐨𝐰 𝐢𝐧𝐭𝐞𝐫𝐞𝐬𝐭 𝐫𝐚𝐭𝐞.
ရည်မှန်းချက်ပန်းတိုင်ကတော့ ရံပုံငွေတွေကို အတိုးနှုံးအနည်းငယ်နဲ့ ချေးယူဖို့ပဲဖြစ်ပါတယ်။
------------------------------------------------------------

-𝐓𝐡𝐞𝐲 𝐰𝐢𝐥𝐥 𝐥𝐞𝐧𝐝 𝐞𝐪𝐮𝐢𝐩𝐦𝐞𝐧𝐭 𝐟𝐫𝐞𝐞 𝐨𝐟 𝐜𝐡𝐚𝐫𝐠𝐞.
ပစ္စည်းတွေကို သူတို့က အလကားပေးငှားလိမ့်မယ်။

-𝐈 𝐡𝐚𝐯𝐞 𝐥𝐞𝐧𝐭 𝐭𝐡𝐞 𝐜𝐚𝐫 𝐭𝐨 𝐚 𝐟𝐫𝐢𝐞𝐧𝐝.
မိတ်ဆွေတစ်ယောက်ကို ကားပေးငှားလိုက်တယ်။

-𝐂𝐚𝐧 𝐲𝐨𝐮 𝐥𝐞𝐧𝐝 𝐦𝐞 𝐊𝐲𝐚𝐭 𝟏𝟎𝟎𝟎𝟎?
ပိုက်ဆံတစ်သောင်းလောက် ချေးပါလား။

-𝐂𝐚𝐧 𝐲𝐨𝐮 𝐥𝐞𝐧𝐝 𝐦𝐞 𝐲𝐨𝐮𝐫 𝐜𝐚𝐫 𝐭𝐡𝐢𝐬 𝐞𝐯𝐞𝐧𝐢𝐧𝐠?
ဒီညနေ မင်းရဲ့ကားကို ခဏပေးငှားပါလား။

- 𝐒𝐡𝐞 𝐯𝐞𝐫𝐲 𝐤𝐢𝐧𝐝𝐥𝐲 𝐥𝐞𝐧𝐭 𝐦𝐞 𝐡𝐞𝐫 𝐛𝐢𝐜𝐲𝐜𝐥𝐞.
သူ့ရဲ့စက်ဘီးကို လိုလိုလားလားနဲ့ ငါ့ကိုငှားလိုက်တယ်။

- 𝐓𝐡𝐞 𝐛𝐚𝐧𝐤 𝐥𝐞𝐧𝐝𝐬 𝐦𝐨𝐧𝐞𝐲 𝐚𝐭 𝐯𝐞𝐫𝐲 𝐜𝐡𝐞𝐚𝐩 𝐫𝐚𝐭𝐞𝐬.
ဘဏ်က အရမ်းသက်သာတဲ့အတိုးနှုံးနဲ့ ချေးငွေပေးတယ်။

- 𝐓𝐡𝐞 𝐛𝐚𝐧𝐤 𝐫𝐞𝐟𝐮𝐬𝐞𝐝 𝐭𝐨 𝐥𝐞𝐧𝐝 𝐭𝐡𝐞 𝐦𝐨𝐧𝐞𝐲 𝐭𝐨 𝐮𝐬.
ဘဏ်က ငါတို့ကို ချေးငွေချပေးဖို့ ငြင်းဆိုလိုက်တယ်။

ကဲ....အခုလောက်ဆိုရင်တော့ 𝐁𝐨𝐫𝐫𝐨𝐰 နဲ့ 𝐋𝐞𝐧𝐝 ကို
ခွဲခြားပြီး အသုံးပြုတတ်ပြီလို့ထင်ပါတယ်။

𝓦𝓲𝓽𝓱 𝓛𝓸𝓿𝓮
Thura
Monday, June 29, 2020