https://www.facebook.com/103539132421764/

ပန်းသတင်း_Pharmacist Aid & Nurse Midwife Aid Training Center, အမှတ်(၁၆၇)၊Level-2၊နှင်းစိမ်းကွန်ဒို၊သစ္စာလမ်း၊ကန်အောင်ရပ်ကွက်၊တောင်ကြီးမြို့။, Taunggyi (2026)

09/09/2025

Buy 1 Get 1 Medical Check Up ကလည်း December/2025 ထိရှိလို့ နှစ်မကုန်ခင် မိမိ နှင့်မိမိမိသားစုကျန်းမာရေးအတွက် လက်လွှတ်မခံသင့်တဲ့ အခွင့်ရေးလေးနော်

18/08/2025

မေမေဗိုက်တို့ ကလေးမွေးဖွားစဉ်အတွင်း သက်သောင့်သက်သာနဲ့ စိတ်ချမ်းသာစွာ မွေးဖွားနိုင်စေဖို့ ကလေးမွေးဖွားခြင်းဝန်ဆောင်မှု “Newborn Package” ကို အထူးဈေးနှုန်းနဲ့ Ruamjairak ဆေးရုံကြီးကနေ စီစဉ်ပေးလိုက်ပါပြီ။ 🤰🤩

ဒီပက်ကေ့ချ်မှာ ဘာတွေ ပါဝင်တယ်ဆိုတာကို အောက်မှာ အသေးစိတ်ရှင်းပြထားတာမို့ သေသေချာချာလေး ဖတ်ကြည့်လိုက်နော်။ 𓆩💙𓆪

📌 ဝန်ဆောင်မှုများအတွက် စည်းကမ်းသတ်မှတ်ချက်
၁။ ဝန်ဆောင်မှုပေးထားသော ပက်ကေ့ချ်၏ ဈေးနှုန်းများတွင် ဆရာဝန်ခများနှင့် ဆေးရုံဝန်ဆောင်ခများ ပါဝင်ပါသည်။

၂။ ဝန်းဆောင်မှုပေးထားသော ပက်ကေ့ချ်များကို အခြားပရိုမိုးရှင်းများ သို့မဟုတ် လျှော့စျေးများနှင့် လဲလှယ်လို့မရပါ။

၃။ စစ်ဆေးစဉ်အတွင်း မူမမှန်သော အဖြေမျာတွေ့ရှိ၍ ထပ်မံစစ်ဆေးရန်လိုအပ်ပါက ကျသင့်သည့် ဆေးစစ်ခများကို ထပ်မံပေးချေရန်လိုအပ်ပါသည်။

၄။ ပက်ကေ့ချ်ကို ပယ်ဖျက်ခြင်း သို့မဟုတ် အပြည့်အဝ အသုံးမပြုပါက ငွေပြန်အမ်းမည်မဟုတ်ပါ။
(ဆေးရုံတွင် ဆက်လက်မွေးဖွား၍မရနိုင်သော အခြေအနေများတွင်မူ ဆေးရုံစည်းမျဉ်းအရ ပေးသွင်းထားသောငွေ၏ တစ်စိတ်တစ်ပိုင်းကို ပြန်အမ်းပေးပါ
မည်။)

၅။ ပက်ကေ့ချ်ပါစျေးနှုန်းများသည် ထိုင်းနိုင်ငံသားများနှင့် ထိုင်းမှာလာရောက်နေထိုင်သူများအတွက်သာဖြစ်သည်။

၆။ ပက်ကေ့ချ်သက်တမ်းသည် ၂၀၂၅ ခုနှစ် မတ်လ ၃၁ ရက်မှ ဒီဇင်ဘာလ ၃၁ ရက်အထိသာ ရရှိနိုင်သည်။

၇။ ပက်ကေ့ချ်ပါစည်းမျဉ်းစည်းကမ်းများသည် ဆေးရုံ၏ စည်းမျဉ်းစည်းကမ်းများနှင့်အညီ ပြောင်းလဲမှုရှိနိုင်သည်။

📌 ဝန်ဆောင်မှုပက်ကေ့ချ်တွင် မပါဝင်သောအချက်များ
၁။ အမွှာကိုယ်ဝန်ဆောင်ဖြစ်ပါက ပက်ကေ့ချ်သည် ပထမကလေးအတွက်သာ အကျိုးခံစားခွင့်ရှိပြီး ဒုတိယကလေးအတွက် ကုန်ကျစရိတ်ထပ်မံပေးသွင်းရမည်။

၂။ မိခင် (သို့) ကလေးအတွက် အထူးကုသရန်လိုအပ်ပါက အထူးကြီးကြပ်ကုသမှု (သို့) အထူးကြီးကြပ်ဆောင်မှာ နေထိုင်မှုအတွက်နှင့် အခြားအကြောင်းအရင်းများကြောင့် ရက်တိုးနေထိုင်မှုများအတွက်လည်း ကုန်ကျစရိတ်ထပ်မံကျသင့်နိုင်သည်။

၃။ မီးဖွားခြင်းနှင့်မသက်ဆိုင်သော ဆေးဝါးများ၊ ဆေးပစ္စည်းများနှင့် အပိုအစားအသောက်များအတွက် ကုန်ကျစရိတ်ထပ်မံကျသင့်နိုင်သည်။

၄။ ဗိုက်ခွဲမွေးဖွားခြင်းအတွက် မေ့ဆေးမှာ ကျောရိုးထုံမေ့ဆေးသာပါဝင်ပြီး ဆေးဘက်ဆိုင်ရာအကြောင်းပြချက်ဖြင့် အထွေထွေသုံးမေ့ဆေးလိုအပ်ပါက အပိုကြေးပေးသွင်းရမည်။

၅။ ရိုးရိုးမီးဖွားခြင်းအတွက် မေ့ဆေးဆရာဝန်ခများနှင့် နာကျင်မှုသက်သာစေရန် ကုသမှုများအတွက် အခကြေးငွေ ပေးဆောင်ရန်မလိုအပ်ပါ။

၆။ ညှပ် သို့မဟုတ် လေစုပ်မွေးဖွားခြင်းကဲ့သို့သော အကူကိရိယာများအသုံးပြုရမည်ဆိုပါက သီးသန့်ကြေးပေးသွင်းရမည်။

၇။ နှလုံး၊ အဆုတ် စသည့် နာတာရှည်ရောဂါရှိသော မိခင်များအတွက် ဆေးရုံမှ ကုသစရိတ်နှင့် အခကြေးငွေကို သီးသန့်ကောက်ခံခွင့်ရှိသည်။

၈။ မွေးဖွားစဉ် အရေးပေါ်အခြေအနေဖြစ်ပေါ်ပါက အထူးကုသမှုများ (ဆရာဝန်ခများ၊ မေ့ဆေးဆရာဝန်ခများ၊ ဆေးပစ္စည်းများ) အတွက် အပိုကုန်ကျစရိတ်များ ကျသင့်နိုင်သည်။

၉။ ကုန်ကျစရိတ် ထပ်မံကျသင့်နိုင်သော အရေးအပေါ်အခြေအနေများမှာ:
- ပြင်းထန်သော ကိုယ်ဝန်ဆိပ်တက်ခြင်း
- မွေးဖွားရန်ခက်ခဲသော အမွှာကိုယ်ဝန်ဆောင်ဖြစ်ခြင်း
- HIV၊ ဆီးချို၊ သွေးတိုး၊ နှလုံး/အဆုတ်/ကျောက်ကပ်ရောဂါ၊ ကင်ဆာနှင့် ခွဲစိတ်မှုမှတ်တမ်းများရှိ၍ အနီးကပ်စောင့်ရှောက်ကုသရန် လိုအပ်သော မိခင်များ
- ရေမြွာပေါက်ခြင်း၊ ကိုယ်ဝန်ဆိပ်တက်ခြင်း၊ သွေးဆင်းခြင်း၊ အချင်းကပ်ခြင်း။

၁၀။ မင်္ဂလာမွေးရက်ရွေးချယ်သတ်မှတ်၍ မွေးဖွားလိုပါက အပိုကုန်ကျစရိတ် ထပ်မံကျသင့်နိုင်သည်။

📞 Appointment ရယူလိုပါက - 09986106275 ကိုဖြစ်စေ၊ Facebook Messenger မှတဆင့်ဖြစ်စေ ဆက်သွယ်နိုင်ပါတယ်။

15/08/2025

ဘာမှမလုပ်ရသေးဘဲ နုံးချည့်သလိုခံစားနေရတာ ဘာလို့လဲ?

အခုတလော ဘာမှမလုပ်ရသေးပဲနဲ့ကို လူမောစိတ်မောဖြစ်ပြီး အားမရှိသလို၊ လူက နုံးချည့်သလို ခဏခဏဖြစ်နေတတ်လား? 🤕

ဒါဆိုရင်တော့ ဒီအချက်တွေကို လုပ်မိနေလို့ပါ။ ⁉️

- တစ်နေ့တာပြီးရမယ့် အလုပ်တွေကို သေချာ plan ချပြီး မလုပ်ဖြစ်ခြင်း
- အတွေးလွန်နေခြင်း
- မနက်စာနဲ့ တနေ့တာ အစားအစာကို မျှတအောင် သေချာမစားခြင်း
- ရေကို အလုံအလောက်မသောက်ဖြစ်ခြင်း
- လေ့ကျင့်ခန်းမလုပ်ခြင်း
- နားချိန်ယူချိန်မရှိခြင်း
- အိပ်ချိန်မမှန်တာ
- ဖုန်းကြည့်များခြင်း
- စိတ်ဓာတ်ကျစရာ၊ စိတ်အားငယ်စရာတွေ အတွေးများခြင်း

စတာတွေက လူကို အလိုလိုနေရင်း နုံးချည့်စေပြီး အင်အားကုန်ခမ်းသလို၊ မလန်းသလို၊ စိတ်မကြည်သလို ဖြစ်စေတတ်ပါတယ်။ 😓

“စိတ်ထောင်း ကိုယ်ကြေ၊ စိတ်ပျို ကိုယ်နု” ဆိုတဲ့ စကားအတိုင်း အရင်ဆုံး ကိုယ့်စိတ်လေးကို အကောင်းဘက်မှာ များများတွေး၊ အနာဂတ်ဆိုတာထက် လက်ရှိမှာ နေပျော်အောင် နေထိုင်ရင်း တစ်နေ့တာကို လန်းလန်းဆန်းဆန်း ဖြတ်သန်းနိုင်ဖို့အတွက် မင်မင် တကယ်လုပ်ကြည့်ရင်း တကယ်ထိရောက်တဲ့ အောက်က နည်းလမ်းလေးတွေကို သေချာလိုက်လုပ်ကြည့်လိုက်တော့နော်။ 😇

✅ ဒီနေ့ညမှာ မနက်ဖြန်အတွက် Plan ချမယ်။ ဒါဆို နောက်နေ့အတွက် ဘာတွေပြီးအောင် လုပ်ရမလဲ ခေါင်းမစားရတော့ဘူးပေါ့။ တကယ်ပြီးရမယ့် ကိစ္စတွေကိုလည်း ပြီးမြောက်အောင် လုပ်ဆောင်နိုင်သလို၊ စိတ်လေးလည်း ပိုကြည်လာလိမ့်မယ့်နော်။ ✨

✅ အတွေးလွန်တာကို တားဆီးနိုင်ဖို့နဲ့ အလုပ်တွေ ပြီးမြောက်ဖို့အတွက် လုပ်သင့်တာကို အရမ်းတွေးမနေပဲ နည်းနည်းလေးကစပြီး ပြီးအောင် လုပ်ကြည့်ပါ။

✅ မနက်စာနဲ့ တနေ့လုံးအတွက် ကိုယ်စားချင်တာလေးတွေကို သေချာဂရုစိုက်စားပေးပါ၊ ဒါဆို စိတ်လေးက အလိုလိုကြည်လာပါလိမ့်မယ်၊ တကယ်နော်။ 🤭

✅ “ရေ” က လူ့ခန္ဓာကိုယ်အတွက် လုံးဝလိုအပ်ချက်ပါ၊ အသားအရေကြည်လင်စေဖို့လည်း အထောက်အကူပြုတာမို့ ရေဗူးဘေးနားချပြီး တစ်နေ့ကို တစ်လီတာလောက်ကတော့ မဖြစ်မနေ သောက်ပေးဖို့ မမေ့နဲ့နော်။

✅ လေ့ကျင့်ခန်းကို ၁၅ မိနစ်လောက် အချိန်ပေးပြီး ပုံမှန်လေး လုပ်ပေးသွားမယ်ဆဆိုရင် နောင်တချိန်မှာ ကိုယ့်ကျန်းမာရေးကို ပိုက်ဆံနဲ့ပေးပြီး ဝယ်နေရမယ့်အရေးကနေ ကင်းဝေးစေမယ့် အကောင်းဆုံးနည်းလမ်းမို့ပါ။

✅ အလုပ်တွေလုပ်နေရင်းနဲ့ ဘာမှဆက်မလုပ်ချင်လောက်အောင် နုံးလာသလို၊ အားမရှိသလို၊ အိပ်ချိန်သလို ဖြစ်လာတဲ့အခါ အားပြန်ပြည့်ဖို့ အလိုအပ်ဆုံးတာ ခဏတဖြုတ် အနားယူလိုက်ဖို့ပါပဲ။ ကော်ဖီလို ကဖင်းဓာတ်လေးကလည်း ဒီအချိန်မှာ နားဆေးတစ်ခွက်လိုပဲနော်။ ☕️

✅ အိပ်ချိန်ဘယ်လောက်ပဲရှိရှိ အချိန်မှန်အိပ်၊ အချိန်မှန်ထပေးတာက ခန္ဓာကိုယ်ရဲ့ လည်ပတ်မှုကို ကောင်းမွန်စေပါတယ်။ တစ်နေ့ကို ၆ နာရီနဲ့အထက် အိပ်ပေးတာကတော့ အကောင်းဆုံးပေါ့။

✅ ဖုန်းကြည့်များတာက ဘာကောင်းကျိုးမှ မပေးတဲ့အပြင် အမြင်အာရုံနဲ့ အာရုံစူးစိုက်နိုင်စွမ်းကိုပါ ထိခိုက်နိုင်ပါတယ်။ ဒီတော့ မအိပ်ခင် ဖုန်းကြည့်မယ့်အစား မနက်ဖြန်အတွက် Daily plan လေး ရေးကြရအောင်။ ✍️

✅ မအိပ်ခင် ၁၅ မိနစ်လောက် တရားထိုင်တာ၊ ဘုရားစာရွတ်တာ၊ တစ်နေ့တာရဲ့ ကောင်းတာလေးတွေ၊ ကျေးဇူးတင်စရာလေးတွေကို တွေးတောတာဟာ လက်ရှိစိတ်ကို ကြည်လင်အေးချမ်းစေပြီး၊ ပိုကောင်းတဲ့အနာဂတ်ကို မျှော်မှန်းမိစေပါတယ်။ 🧘‍♀️✨

ဒီလိုမျိုးလေးတွေသာ နေ့စဉ် နည်းနည်းနဲ့ ပုံမှန်လုပ်ပေးမယ်ဆိုရင် စိတ်လေး တဖြည်းဖြည်းကြည်လာပြီး နေထိုင်ရတာ ပိုပျော်ရွှင်လာမှာပါ။

တစ်နေ့တာလုံး လန်းဆန်းနေစေတာလည်း အမှန်ပဲမို့ အခုဒီစာကို အဆုံးထိဖတ်ကြည့်ပြီးပြီဆို မဖြစ်မနေ လိုက်လုပ်ကြည့်လိုက်တော့နော်။ 😉

ကိုယ်ချစ်တဲ့သူတွေရဲ့ တစ်နေ့တာတွေလည်း လန်းလန်းဆန်းဆန်းဖြတ်သန်းနိုင်စေဖို့ လိုက်လုပ်လို့ရမယ့် ဒီနည်းလမ်းလေးတွေကို မျှဝေပေးလိုက်ပါဉီး။ 💕

မိသားစုတိုင်းအတွက် အကောင်းမွန်ဆုံး ကျန်းမာရေးစောင့်ရှောက်မှုကို Ruamjairak ဆေးရုံကြီးက အမြဲဆောင်ရွက်ပေးနေပါတယ်။ 🩺💙

📞 Appointment ရယူလိုပါက 09986106275 ကိုဖြစ်စေ၊ Facebook Messenger မှတဆင့်ဖြစ်စေ ဆက်သွယ်နိုင်ပါတယ်။

05/08/2025

Lasik Package Special Price

သင်တင့်တဲ့ဈေးနှုန်းတွေနဲ့ မျက်စိပါဝါခွဲစိတ်မှု "Lasik Operation" လုပ်ဖို့အတွက် စိတ်ချရတဲ့ ကျန်းမာရေးစောင့်ရှောက်မှုကို ရှာနေရင် Ruamjairak ဆေးရုံက သင့်အတွက်ရှိနေပါတယ်။

မျက်စိပါဝါအတွက် ခွဲစိတ်မှုတွေလုပ်တဲ့အခါ တိကျသေချာပြီး အရည်အသွေးကောင်းမွန်တဲ့ စက်ကိရိယာတွေကို သေချာအသုံးပြုနိုင်ပေးနိုင်ဖို့က အလွန်ကိုမှ အရေးကြီးပါတယ်။

Ruamjairak ဆေးရုံကနေ ယခုဆိုရင် Lasik Operation လုပ်ချင်သူများအတွက် Package အလိုက် သင့်တင့်တဲ့အထူးဈေးနှုန်းတွေနဲ့ စီစဉ်ပေးထားပြီး မျက်စိပါဝါအတွက် အကောင်းဆုံးဝန်ဆောင်မှု ပေးနေပါပြီ။

ဝန်ဆောင်မှုများကို ရယူချင်ပါက 09986106275ကို ဆက်သွယ်ပြီးမေးမြန်းစုံစမ်းနိုင်ပါတယ်။ 😍

23/07/2025

ဝမ်းပျက်ဝမ်းလျောရောဂါကတော့ မိုးရာသီရောက်တာနဲ့ အဖြစ်များဆုံးရောဂါတွေထဲက တစ်ခုပါ။ 😰🌧��အသက်အရွယ်မရွေး ဖြစ်တတ်တဲ့ ဒီဝမ်းပျက်ဝမ်းလျောရောဂါကို အဓိကဖြစ်စေတဲ့အကြောင်းအရင်းဆိုရင် ဒီပုံထဲမှာပေးထားတဲ့ အချက်တွေထဲက ဘယ်တစ်ခုဖြစ်မလဲ? 🤔��သူငယ်ချင်းတွေကို mention ခေါ်ပြီး အတူခန့်မှန်းကြည့်ရအောင် ✍️��🦠 ဒီလိုဖြစ်စေတဲ့ ရောဂါပိုးတွေဆိုတာ ခန္ဓာကိုယ်အားနည်းချိန် အလွယ်တကူ ဝင်ရောက်တတ်တာမို့ ကိုယ့်ရဲ့ ခန္ဓာကိုယ်ကို အမြဲအားရှိနေစေဖို့နဲ့ ခုခံအားကောင်းစေဖို့အတွက် �✔ အိပ်ချိန်မှန်မှန်နဲ့ အိပ်ရေးဝအောင် အိပ်စက်ပေးတာ၊ �✔ သန့်ရှင်းလတ်ဆက်တဲ့ အစားအစာတွေကို အာဟာရပြည့်ဝအောင် အချိန်မှန်စားပေးတာတွေကို ဂရုတစိုက်လုပ်ပေးနော်။��ကိုယ်တိုင်ရော၊ မိသားစုဝင်တွေပါ ဒီလိုမိုးရာသီအတွင်းမှာ ဝမ်းပျက်ဝမ်းလျောရောဂါမဖြစ်စေဖို့အတွက် ကျန်းမာရေးကို အထူးဂရုပြုဖို့လိုအပ်ပါတယ်။ 😷��တကိုယ်ရေ သန့်ရှင်းရေးကို သေချာဂရုစိုက်ဖို့လည်း မမေ့နဲ့ဉီးနော်။ 💕�

14/07/2025

🎯 အစာအိမ်နဲ့အူလမ်းကြောင်း ကျန်းမာရေးစစ်ဆေးမှုအတွက် အခွင့်အလမ်းကြီး!

🏥 Ruamjairak Hospital မှ EGD Gastroscopy, Colonoscopy, နှင့် Endoscopy ဝန်ဆောင်မှုများကို ထူးခြားစျေးနှုန်းဖြင့် စတင်ပေးနေပါပြီ။

✅ အစာအိမ်မှန်ပြောင်းကြည့်ခြင်း
(EGD Gastroscopy) – 15,900 THB(မေ့ဆေးဆရာဝန်ဖြင့်အိပ်ဆေးပေး၍ကြည့်မည်ဆိုပါက အပိုထပ်ဆောင်းခ-6500THB)

✅ အူလမ်းကြောင်းမှန်ပြောင်းကြည့်ခြင်း (Colonoscopy) – 22,750 THB (မေ့ဆေးဆရာဝန်ဖြင့်အိပ်ဆေးပေး၍ကြည့်မည်ဆိုပါက အပိုထပ်ဆောင်းခ-8500THB)

✅ အစာအိမ်နှင့်အူလမ်းကြောင်း မှန်ပြောင်းကြည့်ခြင်း (Endoscopy) – 29,770 THB (မေ့ဆေးဆရာဝန်ဖြင့်အိပ်ဆေးပေး၍ကြည့်မည်ဆိုပါက အပိုထပ်ဆောင်းခ-8500THB)

📅 အထူးပရိုမိုးရှင်းသည် ၂၀၂၅ ပြည့်နှစ်၊ ဒီဇင်ဘာ ၃၁ ရက်နေ့ထိ ရနိုင်ပါသည်။

📍 တည်နေရာ – 62, ဘန်ကောက်မြို့

Booking ယူမည်ဆိုပါက….
📞 ဆက်သွယ်ရန် – +959 986106275
🌐 www.ruamjairak.com

သင့်အူအစာအိမ်ကျန်းမာရေးကို အမြန်ဆုံးစစ်ဆေးလိုက်ပါ…
အချိန်မီစစ်ဆေးခြင်းက အသက်ရှည်စေပါတယ်။🩵

#အူလမ်းကြောင်းစမ်းသပ်မှု

04/07/2025

အထိုင်များသူတွေမှာ ဘာရောဂါတွေဖြစ်လာနိုင်လဲ?

တစ်နေ့ကို (၄) နာရီနှင့်အထက် အထိုင်များသူတွေမှာ ဘာရောဂါတွေဖြစ်လာနိုင်လဲ? 🤷‍♀️

💻 ဒီဘက်ခေတ်လူနေမှုစနစ် ပြောင်းလဲမှုအရ လူတွေတော်တော်များများဟာ လှုပ်ရှားရတဲ့ အလုပ်တွေထက် ရုံးက၊ အိမ်က ကွန်ပျူတာရှေ့မှာ ထိုင်ပြီး အလုပ်လုပ်လာကြတာပိုများပါတယ်။

ထိုင်ပြီး အလုပ်လုပ်ရတာက လူပင်ပန်းမှုမရှိစေလို့ သက်သောင့်သက်သာဖြစ်တယ်လို့ထင်ရပေမယ့် ကိုယ်လက်လှုပ်ရှားမှုနည်းပြီး အထိုင်ကြာလာ/များလာတဲ့အခါမှာတော့ ဆိုးရွားတဲ့ကျန်းမာရေးတွေ ဖြစ်စေတာကိုတော့ သတိမထားမိတတ်ကြပါဘူး။ 🙅‍♂️

ဒီလို တစ်နေ့ကို (၄) နာရီနှင့်အထက် အထိုင်များပြီး လှုပ်ရှားမှုနည်းလာပြီဆိုရင်
၁။ ကျောနဲ့လည်ပင်းနာတာတွေ ကြာလာတတ်တယ်
၂။ စိတ်ဖိစီးမှု တိုးလာတတ်တယ်
၃။ အဝလွန်ရောဂါ
၄။ ဆီးချိုရောဂါ
၅။ နှလုံးနဲ့ ဆက်စပ်နေတဲ့ ရောဂါတွေ
၆။ ကင်ဆာရောဂါ တချို့ ဖြစ်နိုင်ခြေရှိပြီး
၇။ အရိုးပွရောဂါနဲ့ ကြွက်သားတွေအားနည်းလာခြင်း
၈။ စောစီးစွာ သေဆုံးသည်အထိ ဆိုးကျိုးတွေ ဖြစ်လာနိုင်ဖို့ အခွင့်အလမ်းက ပိုများလာပါပြီ။ 😬

ဒီလိုမဖြစ်စေဖို့ လုပ်လို့ရတဲ့ အရာလေးတွေရှိပါတယ်။ ဖြေးဖြေးချင်း လုပ်သွားရင် သိသိသာသာ ကျန်းမာရေးပိုကောင်းလာနိုင်တာကြောင့် လိုက်လုပ်ကြည့်ဖို့ တိုက်တွန်းချင်ပါတယ်။ 💪

၁။ ထိုင်နေတဲ့အချိန်မှာလည်း ခန္ဓာကိုယ်အနေအထားမှန်အောင် ထိုင်ဖို့ အရေးကြီးပါတယ်။ ခါးကို ဖြောင့်အောင်ထားပြီးထိုင်တာ၊ မကြာခဏ အကြောဆန့်ပေးတာမျိုးလုပ်ပေးပါ။
၂။ စိတ်ကြည်လင်နေအောင် များများရယ်မောပါ၊ ပျော်ပျော်ရွှင်ရွှင်နေပါ။ မိသားစု၊ လုပ်ဖော်ကိုင်ဖက်တွေနဲ့ စကားပြောပါ။
၃။ တစ်နေရာထဲမှာ ၅၀ မိနစ်လောက်ထိုင်ပြီးပြီဆိုရင် ကျန်တဲ့ ၁၀ မိနစ်လောက်ကို မတ်တပ်ရပ်လိုက်ပါ၊ လမ်းလျှောက်ပါ။
၄။ ကိုယ်ခံအားနဲ့ အာဟာရပြည့်နေအောင် အသီးအရွက်နဲ့ အသားငါးတွေကို မျှတအောင်စားပေးပါ။ Ready made အချိုရည်ထက် အသီးဖျော်ရည်ကို ပိုသောက်ပေးပါ။
၅။ အားလပ်ချိန်ကို ဖုန်း၊ ကွန်ပျူတာမကြည့်ပဲ အပြည့်အဝနားပါ။ လမ်းလျှောက်ပါ၊ စာဖတ်ပါ၊ မိသားစု၊ သူငယ်ချင်းတွေနဲ့ စကားပြောပါ။
ကိုယ်တိုင်က အထိုင်များတဲ့သူဆိုရင် ဒီအချက်တွေကို မဖြစ်မနေလိုက်နာပေးတာက ကိုယ့်ကျန်းမာရေးကို ပိုက်ဆံနဲ့ပြန်မဝယ်ရအောင် ထိန်းသိမ်းပေးတာနဲ့အတူတူပါပဲ။ ကိုယ်ချစ်ရသူတွေသိသွားစေဖို့ ပြန်မျှဝေပေးဖို့လည်း မမေ့နဲ့နော်။ 🤗

03/07/2025

💉ရာသီတုပ်ကွေးကာကွယ်ဆေးကို ဒီလိုလူတွေက မဖြစ်မနေထိုးသင့်ပါတယ်။
💖သင်ချစ်ရတဲ့သူတွေကို ရာသီတုပ်ကွေးအန္တရာယ်က ကာကွယ်ပေးပါ။

🌧️🌧️🌧️
မိုးရာသီနဲ့ ရာသီတုပ်ကွေး ခွဲလို့မရတာမို့ မကြာခင် မိုးရာသီ ရောက်လာတဲ့အခါ ရာသီတုပ်ကွေးကလည်း ပြန်စလာတော့မှာပါ။

ဒီတော့ ရာသီတုပ်ကွေးမဖြစ်အောင် ဘယ်လိုလူတွေက ကာကွယ်ဆေးထိုးသင့်လဲ?
ဘာကြောင့်ထိုးပေးဖို့ လိုအပ်လဲ ဆိုတာကို ဒီနေ့ ပြောပြပေးသွားပါမယ်။ ဒီထဲမှာ ကိုယ်ပါနေလား ဆိုတာကိုလည်း ရှာကြည့်လိုက်ဦးနော်။

💁 ပန်းနာရင်ကျပ်ရောဂါရှိသူများ (Asthma/COPD)
ရာသီတုပ်ကွေးဟာ အဆုတ်တွေနဲ့ဆက်နွယ်တဲ့ရောဂါဖြစ်လို့၊ asthma ရှိသူတွေမှာ သက်တောင့်သက်သာမရှိဘဲ ရောဂါပြင်းထန်လာနိုင်ပါတယ်။

💁 ဆီးချိုရောဂါရှိသူများ (Diabetes)
ကိုယ်ခံအားကျနေလို့ ဗိုင်းရပ်စ်ကူးစက်မှုကို တုံ့ပြန်နိုင်မှုနည်းပြီး (complications) ဖြစ်နိုင်ပါတယ်။

💁 ကိုယ်ခံအားကျဆင်း‌နေသူများ
နေမကောင်းတာကြာရှည်လာသူများ၊ HIV ပိုးရှိသူများ တို့မှာ ကိုယ်တိုင်ဗိုင်းရပ်စ်ကိုကာကွယ်နိုင်မလို့ ကာကွယ်ဆေးထိုးခြင်းက အရေးကြီးပါတယ်။

👩‍💼 အသက်ကြီးသူတွေကိုပြုစုသူများ (Caregivers)
ရောဂါအန္တရာယ်မြင့်သူတွေနဲ့တိုက်ရိုက်ထိတွေ့နေရတာကြောင့် သူတို့ကိုကာကွယ်ဖို့အတွက် ကိုယ်တိုင်ကလည်း ထိုးထားသင့်ပါတယ်။

👶 အသက် ၆ လကနေ ၅ နှစ်အတွင်း ကလေးငယ်များ
ဒီအသက်အပိုင်းက ကလေးတွေအတွက် ကိုယ်ခံအားအားနည်းသေးလို့ တုပ်ကွေးဖြစ်လျှင် ရောဂါပြင်းထန်ပြီး ဆေးရုံတက်ရနိုင်တဲ့အန္တရာယ်ကြီးပါတယ်။

အထူးသဖြင့် အသက် ၆ လမှ ၂ နှစ်အထိကလေးတွေမှာ အန္တရာယ်အဆင့်ပိုမြင့်ပါတယ်။

🧓 အသက် ၆၀ နှစ်အထက် လူကြီးများ
အသက်ကြီးလာတာနဲ့အမျှ ကိုယ်ခံအားကျလာတဲ့အတွက် ရာသီတုပ်ကွေး ဖြစ်နိုင်ပါတယ်။

👩‍⚕️ ဆေးရုံ၊ ကုသရေးဝန်ထမ်းများ
သူတို့ဟာ နေ့စဉ်ပင် များပြားတဲ့ လူနာတွေ၊ အန္တရာယ်ရှိတဲ့လူတွေကို ဆက်စပ်ထိတွေ့နေရတာကြောင့်၊

ရောဂါကူးစက်မှုကို တားဆီးဖို့နဲ့ လူနာတွေကို ကာကွယ်ဖို့အတွက် ဆေးထိုးဖို့အရေးကြီးပါတယ်။

👩‍🏫 ဆရာများနဲ့ ကျောင်းသား၊ ကျောင်းသူများ
ကျောင်းက လူစုလူဝေးနေရာဖြစ်တဲ့အတွက် တုပ်ကွေးပိုးက အလွယ်တကူကူးစက်နိုင်ပါတယ်။
ကျောင်းသူ/သားတွေနဲ့ထိတွေ့နေတဲ့ မိသားစုဝင်များထံကပါ ရောဂါပြန်ကူးနိုင်တာကြောင့် ကျောင်းသားတွေကို ထိုးထားခြင်းက တိုးပြန့်မှုတားဆီးနိုင်ပါတယ်။
တနည်းအားဖြင့် လူများတဲ့နေရာတွေမှာ အလုပ်လုပ်သူတို့ဟာ ကိုယ်တိုင်ပါကာကွယ်ဖို့နဲ့ တခြားသူတွေဆီကူးစက်မှုတားဖို့လည်း ကာကွယ်ဆေးထိုးထားသင့်ပါတယ်။

အပေါ်မှာပြောသွားခဲ့တဲ့လူတွေက နှစ်စဉ်တစ်နှစ်ကို တစ်ကြိမ်၊ တုပ်ကွေးရာသီမတိုင်ခင်မှာ ရာသီတုပ်ကွေးကာကွယ်ဆေးကို ထိုးထားသင့်ပါတယ်။ 💉

ဒီအထိ ဖတ်လာပြီးပြီဆိုရင်တော့ ကိုယ်တိုင်ကရော ရာသီတုပ်ကွေးကာကွယ်ဆေး ထိုးဖို့လိုအပ်လားဆိုတာ သိသွားပြီထင်တယ်နော်။ ကိုယ့်သူငယ်ချင်း၊ မိသားစုတွေကိုလည်း ကိုယ့်လိုသိသွားအောင် Comment မှာ Mention ပြီး ပြောပြလိုက်ဉီးနော်။ 😇

27/06/2025

🩺✨ Hot News for Your Health! ✨🩺
မိသားစုအတွက်ကျန်းမာရေးကအရေးကြီးပါတယ်။ လူကြီးမင်းတို့အတွက် Medical Checkup Promotion ကို 📅 [31st Dec 2025 ထိ] ထပ်မံ သက်တမ်းတိုး ပေးလိုက်ပြီ!

💥 မသုံးရသေးသူများအတွက် ဒီတစ်ခါတော့ မလွှတ်တမ်းလာကြဖို့အချိန်တန်ပြီ!

📣 စိတ်ချလက်ချ စမ်းသပ်နိုင်ဖို့ – ရွန်းဂျိုင်းရတ် ဆေးရုံးကိုလာခဲ့ပါနော်။

30/05/2025

💁‍♀️အမျိုးသမီးတွေမှာဖြစ်တတ်တဲ့ သားအိမ်ခေါင်းကင်ဆာဟာ ကမ္ဘာမှာ ဒုတိယဖြစ်ပွားမှုအများဆုံးကင်ဆာဖြစ်ပါတယ်။

သားအိမ်ခေါင်းကင်ဆာဟာ အမျိုးသမီးတွေရဲ့ အသက်ကိုအန္တရာယ်ပြုနိုင်လောက်တဲ့အထိ ဆိုးရွားပြင်းထန်နိုင်သောကြောင့် သားအိမ်ခေါင်းကင်ဆာကာကွယ်ဆေးကို ငယ်စဉ်ကတည်းက အမျိုးသမီးတိုင်း ထိုးနှံထားသင့်ပါတယ်။

ထိုင်းနိုင်ငံ ဘန်ကောက်မြို့မှာရှိတဲ့ Ruamjairak ဆေးရုံကြီးမှာ အသက် (၉) နှစ်မှစတင်ပြီး အသက်အရွယ်အလိုက် သင့်တော်တဲ့ သားအိမ်ခေါင်းကင်ဆာကာကွယ်ဆေးကို ထိုးနှံနိုင်ပါပြီ။

ဒါ့အပြင် အိမ်ထောင်သည်များအတွက် ကလေးယူဖို့ အဆင်သင့်ဖြစ်မဖြစ် ကျန်းမာရေးကြိုတင်စစ်ဆေးခြင်းများ၊ ကလေးမွေးဖွားခြင်း ဝန်ဆောင်မှုများကိုလည်း ရယူနိုင်ပြီဖြစ်ကြောင်း သတင်းကောင်းပါးပါရစေ။

အသေးစိတ် သိရှိလိုပါက Messenger မှဖြစ်စေ၊ ဖုန်းနံပါတ် 09986106275 သို့ ရုံးချိန်အတွင်း ဆက်သွယ်မေးမြန်းနိုင်ပါတယ်။

02/05/2025

အပူရှိန်ပြင်းချိန် ကလေးနဲ့ လူကြီးများ ဘေးကင်းရေး။

ရေများများ သောက်ပါ။
အပူဆုံးအချိန် (မနက် ၁၁ - ညနေ ၄) မှာ အိမ်ထဲမှာပဲ နေပါ။
ခန္ဓာကိုယ်ကို အေးမြအောင် ထားပါ။
အမြဲမပြတ် စောင့်ကြည့်ပေးပါ။

ဧပြီ၊ မေလမြန်မာနိုင်ငံက အပူရှိန်ဟာ အဆင်မပြေရုံတင် မဟုတ်ပါဘူး… အထူးသဖြင့် ကလေးသူငယ်တွေနဲ့ လူကြီးမိဘတွေအတွက် အန္တရာယ်ရှိနိုင်ပါတယ်။ သူတို့ရဲ့ ခန္ဓာကိုယ်တွေက ပြင်းထန်တဲ့ အပူဒဏ်ကို မခံနိုင်ရည် မရှိတတ်ကြလို့ပါ။ သူတို့ကို ကာကွယ်နိုင်ဖို့ ဒီအရေးကြီးတဲ့ အချက်တွေကို လိုက်နာကြရအောင်။

💧 နေ့ခင်းဘက်တွေမှာ ရေမကြာခဏတိုက်ပါ။ ရေဆာတဲ့အထိ မစောင့်ပါနဲ့။
⏰ အပူဆုံးအချိန်တွေမှာ ကလေးတွေနဲ့ သက်ကြီးရွယ်အိုတွေကို အိမ်ထဲမှာပဲနေခိုင်းပါ။
🌬️ ပေါ့ပါးပြီး ချောင်ချိတဲ့ ချည်သားအဝတ်အစားတွေ ဝတ်ဆင်ပေးပါ။ အရောင်ဖျော့တွေက ပိုကောင်းပါတယ်။
✅ သူတို့ကို အေးနေအောင် မျက်နှာ၊ လည်ပင်းနဲ့ လက်မောင်းတွေကို ရေစိုအဝတ်နဲ့ သုတ်ပေးပါ။

❗ ဒီအန္တရာယ် လက္ခဏာတွေကို သတိထားစောင့်ကြည့်ပါ-
◼️ အရမ်း မောပန်းနွမ်းနယ်နေသလို ခံစားရရင်
◼️ ခေါင်းမူးတာ၊ ခေါင်းကိုက်တာ ဖြစ်ရင်
◼️ ပျို့အန်ချင်သလို ခံစားရရင် (ဗိုက်ထဲက မကောင်းသလိုဖြစ်ရင်)
◼️ အသက်ရှူမြန်၊ နှလုံးခုန်မြန်နေရင်
ဒီလိုလက္ခဏာတွေတွေ့ရင် အေးတဲ့နေရာကို ချက်ချင်းရွှေ့ပါ။ ရေကို နည်းနည်းချင်းစီ တိုက်ပါ။ ခဏနေလို့မှ သက်သာမလာရင် အကူအညီရယူပါ။

❤️ အသက်ကြီးတဲ့ ဆွေမျိုးတွေ၊ အိမ်နီးနားချင်းတွေ၊ အထူးသဖြင့် တစ်ယောက်တည်းနေတဲ့သူတွေကို သွားရောက်ကြည့်ရှုတာ၊ ဖုန်းဆက်မေးမြန်းတာတွေ လုပ်ပေးပါ။ သူတို့ ရေသောက်ဖို့ရှိရဲ့လား၊ အေးအေးဆေးဆေး ရှိနေရဲ့လားဆိုတာ သေချာအောင် မေးမြန်းပါ။ ဒီလို ရိုးရှင်းတဲ့ နည်းလမ်းလေးတွေက သင်ချစ်ခင်ရတဲ့သူတွေကို ကာကွယ်ပေးနိုင်ပါတယ်။
ဒီလွယ်ကူတဲ့ ဘေးကင်းရေး နည်းလမ်းလေးတွေကို သင်သိတဲ့သူတိုင်းဆီ SHARE ပေးကြပါဦး။ အားလုံး ဘေးကင်းကြပါစေ။ 🤗💫

28/04/2025

📣ထိုင်းနိုင်ငံသို့ သွားရောက်ဆေးကုသမည့်နိုင်ငံခြားသားခရီးသွားများအတွက်အရေးကြီးကြေငြာချက် 📣

မေလ ၁ ရက်နေ့ ၊ ၂၀၂၅ ခုနှစ်မှစတင်၍ထိုင်းနိုင်ငံသို့ဝင်ရောက်မည့်နိုင်ငံခြားသားများသည် ထိုင်းနိုင်ငံဆိုက်ရောက်ကဒ် ( ဒီဂျစ်တယ်ကဒ် - TDAC ) အားအွန်လိုင်းမှတစ်ဆင့်ဖြည့်သွင်းထားရန်လိုအပ်ပါသည်။ထိုဆိုက်ရောက်ကဒ်အား ၃ရက်ခန့်ကြိုတင်ဖြည့်သွင်းထားရုံဖြင့်ထိုင်းနိုင်ငံလဝကဆိုင်ရာလုပ်ငန်းစဉ်များအားပိုမိုချောမွေ့စေပြီးခရီးသွားလာရပို၍လွယ်ကူစေမည်ဖြစ်ပါသည်။

👉 ဖောင်တင်ရန် လင့်ခ် - https://tdac.immigration.go.th

ပန်းသတင်း_Pharmacist Aid & Nurse Midwife Aid Training Center

09/09/2025

18/08/2025

15/08/2025

05/08/2025

23/07/2025

14/07/2025

04/07/2025

03/07/2025

27/06/2025

30/05/2025

02/05/2025

28/04/2025

Address

Telephone

Website

Alerts

Contact The School

Shortcuts

Share

Category

Listing takedown request