ေရႊပ်ိဳးခင္းပုဂၢလိကေက်ာင္း

ရွှေပျိုးခင်း ပညာရေးဝန်ဆောင်မှုက

👉အလယ်တန်း အတွက် Text ကို အခြေခံသော သဒ္ဒါစည်းကမ်းနဲ့အညီ ကိုယ်ပိုင်ဝါကျများ တည်ဆောက်တတ်စေရန် လေ့ကျင့်သင်ကြားပေးခြင်း ၊Essay & Letter ရေးနည်း တွေးနည်း

👉Grade 10, 11 နှင့် 12

ကျောင်းသား/သူများအတွက် Formal/ Informal Letters

နှင့် Essays တွေးပုံရေးပုံကို ဆရာကြီး Dr.ခင်မောင်က

online မှ သင်ကြားနေပါပြီ။

ဆက်သွယ်ရန်

09250601346
0943139650

(နံနက် ၉ နာရီမှ ညနေ ၄ နာရီအတွင်း)

#ငလျင်ဘေးအလှူ🙏

ငလျင်ဒဏ်ခံရသူများအတွက် #ရွှေပျိုးခင်းကိုယ်ပိုင်အထက်တန်းကျောင်း၏ အလှူဖြစ်ပါတယ်။

***စစ်ကိုင်းငလျင်ဘေးသင့်ဒေသအတွက် ချဉ်ပေါင်ကြော်နှင့် ငနီတူကြော် အထုပ်(၄၀၀)

***ကလေးများအတွက် Diaper (၁၆)ထုပ်နှင့် နို့မှုန့်(၈)ဘူး

***ရေသန့်စက်အတွက် ငွေအလှူ

***အလှူငွေစုစုပေါင်းကျပ်(၃၅)သိန်း

ကျောင်းသား/သူများ၊ မိဘများ မုဒိတာပွါးသာဓု ခေါ်နိုင်ကြပါစေ။

သာဓု သာဓု သာဓု 🙏🙏🙏

"Hurried-Child Syndrome
(အလျင်အမြန်ကြီးစေချင်သောရောဂါ)"

“Hurried-Child Syndrome” ဆိုတာကို ကျွန်မကတော့ ကလေးအမြန်ကြီးစေချင်သော ရောဂါလို့ ဘာသာပြန်ကြည့်လိုက်ပါတယ်။ သဘောတရားကတော့ ကလေးကို အရွယ်မတိုင်ခင်မှာ/အဆင်သင့်မဖြစ်ခင်မှာ မတန်တဆ ခိုင်းစေပြီး ဖွံ့ဖြိုးတိုးတက်စေချင်တဲ့ ပြဿနာတွေကို ဆိုလိုချင်တာပါ။
ကလေးက လမ်းလျှောက်ဖို့ အဆင်သင့်မဖြစ်သေးခင် ဇွတ် လမ်းလျှောက်သင်တာမျိုး၊ စာဖတ်ဖို့ လိုအပ်တဲ့ ခန္ဓာကိုယ်ဖွံ့ဖြိုးမှုတွေ မရှိခင် ဇွတ် စာဖတ်သင်တာမျိုး၊ သူငယ်တန်းအရွယ်ကလေးကို သူ့အရွယ်နဲ့မလိုက်တဲ့ အတန်းစာတွေ ဇွတ်သင်တာမျိုး၊ ကျောင်းပြီးကျောင်း/စာပြီးစာ ဇွတ်ပြွတ်သွပ်သင်ချင်နေတာမျိုးကို ပြောချင်တာဖြစ်ပါတယ်။

ကျွန်မကိုယ်တိုင်လည်း မိဘတယောက်/ဆရာမတယောက်/အမတယောက်မို့ နားလည်ပါတယ်။ ကိုယ်ချစ်ခင်ရသူတွေကို အကောင်းဆုံးတွေဖြစ်ချင်ကြတယ်။ အများကြီးသိစေချင်ကြတယ်။ အများကြီးသိနေ/တတ်နေမှ ဘဝမှာ ဖြောင့်ဖြူးမယ်ဆိုတဲ့ အတွေးနဲ့ ပံ့ပိုးကြ/တိုက်တွန်းကြ/ငွေကုန်ကြေးကျခံကြတာမဟုတ်လား။

Hurried-Child Syndromeဆိုတဲ့ စကားလုံးကို ဆရာမ Rahima Baldwin Dancyရဲ့ မိမိတို့သာ ကလေးတို့ရဲ့ လက်ဉီးဆရာ (You are your child's first teacher)ဆိုတဲ့ စာအုပ်လေးထဲကနေစပြီး သိတာ။ သိသွားတော့ စိတ်ဝင်စားမိပြီး ထပ်ရှာဖတ်ကြည့်တော့ - ဒီစကားလုံးကို ၁၉၈၁ လောက်က ဆရာ Dr David Elkind ရဲ့ The Hurried Child စာအုပ်မှာ စတင်ပြီး အသုံးပြုခဲ့တာကို သိခဲ့ရပါတယ်။ ဆရာကြီး Dr David က ကျွန်မတို့ လူကြီးမိဘတွေရဲ့ မျှော်လင့်ချက်/ရည်မှန်းချက်တွေနဲ့ ကလေးတွေဟာ ကလေးလိုကြီးပြင်းခွင့်မရဘဲ ကလေးတွေဟာ လူကြီးတယောက်လို ကြီးပြင်းဖို့ ဖိအားပေးခံနေရကြောင်းပြောပြပါတယ်။ လွပ်လပ်စွာ ပြေးလွှား ဆော့ကစားနေရမယ့်အချိန်မှာ လူကြီးတယောက်လို တရစပ် လေ့လာသင်ယူ လေ့ကျင့်ခိုင်းနေခြင်းက ကလေးတွေရဲ့ သဘာဝအတိုင်း ဖွံ့ဖြိုးခြင်းကို ထိခိုက်စေရုံတင်မကဘဲ အမှန်တကယ် လူကြီးဖြစ်လာတဲ့အခါ စိတ်ပိုင်းဆိုင်ရာ ပြသနာတွေ အများကြီး ရင်ဆိုင်ကြရတတ်တယ်ဆိုတာကို မျှဝေခဲ့ပါတယ်။

Hurried-Child Syndromeရဲ့ သဘောတရားကလေ ဘာနဲ့တူလဲ ဆိုတော့ အသီးအနှံတွေ မရင့်မှည့်ခင်မှာ ကြီးထွားဆေးတွေ ထိုးပြီး ဇွတ်ကြီးခိုင်း/ ဇွတ်မှည့်ခိုင်းတဲ့သဘောနဲ့တူပါတယ်။ အသီးအနှံတွေ အချိန်မတိုင်ခင်မှာ စေ◌ျးကွက်ထဲ ရောင်းပမ်းလှအောင် ဆေးထိုး/ဆေးလူးခံရတဲ့အခါ စားသုံးသူမှာ အန္တရာယ်တွေ များလှပါတယ်။ အဲ့လိုပဲ ကလေးတွေဟာ သူ့အချိန်နဲ့သူ အဆင်သင့်မဖြစ်နေသေးခင်မှာ အရွယ်/ဖွံ့ဖြိုးမှုနဲ့ မကိုက်ညီတဲ့ ပညာရပ်တွေကို မတရားသင်ပေးတဲ့အခါ ကလေးအတွက်တင်မက သူကြီးပြင်းလာတဲ့တလျှောက် သူ့ဘေးပတ်ဝန်းကျင်ကလူတွေပါ နောက်ဆက်တွဲ ဆိုးကျိုးတွေကို ခံစားရပါတယ်။ '

ကလေးကို အမြန်ကြီးစေချင်/အမြန်တော်စေချင်တာကြောင့် ကလေးသဘာဝ လွတ်လပ်စွာ ဆော့ကစားခွင့်/စူးစမ်းရှာဖွေခွင့်မရဘဲ စာတွေပြွတ်သွပ်သင်ပေးတဲ့အခါ ကလေးတွေမှာ....
- စိတ်ကျန်းမာရေး ထိခိုက်လာတယ်။ စိတ်ဖိစီးမှု/စိတ်ကျရောဂါ/စိုးရိမ်လွယ်တဲ့ပြသနာတွေက ဆယ်ကျော်ဆက်လောက်ဆို ပိုဆိုးလာနိုင်တယ်။ American Academy of Pediatrics(AAP)ရဲ့ သုတေသန တခုမှာဆို ကလေးတွေကို စာပေလေ့လာမှုမှာ ဖိအားများများပေးခံရတဲ့ကလေးတွေက စိတ်ပိုင်း/ရုပ်ပိုင်းရောဂါတွေဖြစ်လာနိုင်တယ်ဆိုတာ တွေ့ရှိခဲ့တယ်။
- ဖန်တီးနိုင်စွမ်းအားနဲ့ ဝေဖန်ပိုင်းခြားနိုင်စွမ်းအား ကျလာတယ်။ Standford တက္ကသိုလ်ကနေ တွေ့ရှိချက်တခုက စာပြီးရင် စာ၊ စာ၊ စာ၊ ဖြစ်တဲ့ကလေးတွေဟာ သူတို့ရဲ့ ဘဝမှာ ဖန်တီးနိုင်စွမ်းအားတွေ လျော့ကျလာတတ်တယ်။ ငယ်စဉ်ကာလမှာ လွပ်လွပ်လပ်လပ် ဆော့ကစားခွင့်ရခဲ့တဲ့ ကလေးတွေက ဘဝမှာ တီထွင်ဖန်တီးနိုင်စွမ်းတွေ ပိုမြင့်ပြီး ပြသနာတွေကို ပိုမိုကောင်းမွန်စွာ ဖြေရှင်းနိုင်တယ်လို့ တွေ့ခဲ့တယ်။
- စာကိုမုန်းလာတာ၊ စာကို စိတ်မဝင်စားတော့တာတွေဖြစ်လာတယ်။ ငယ်ကတည်းက စာပြီးရင်စာလုပ်ခိုင်းခံရတဲ့ကလေးတွေက အထက်တန်းပြီးတာနဲ့ စာဆို လုံးလုံးလှည့်မကြည့်ချင်တော့လောက်အောင် ဖြစ်လာတတ်တယ်တဲ့။ ကျောင်းနဲ့ပတ်သက်တာတွေ/စာပေလေ့လာရေးတွေကို စိတ်ပျက်မှုတွေ ပိုများလာတတ်တယ်။

ပညာရပ်တွေ/စာပေတွေဆိုတာ ချစ်ခင် မြတ်နိုးမှု အလွန်လိုအပ်ပါတယ်။ ဒါမှလည်း အမြဲသင်ယူလေ့လာဖြစ်နေမှာ။ စာမုန်းတဲ့ကလေးတွေဟာ စာဖတ်ခြင်း/လေ့လာခြင်းကို ခုံမင်ဖို့ ခက်ခဲတော့ အလုပ်ခွင်ရောက်လာလည်း အခြားသူထပ် တိုးတက်မှုက သူများထပ် နောက်ကျတတ်မှာပဲ။

ပြွတ်သွပ်သင်ပြီး ကြီးလာတဲ့ ကလေးတွေက အလုပ်ခွင်ထဲ ရောက်တဲ့အခါ သမမျှတစွာတွေးတတ်ဖို့/ဖန်တီးနိုင်ဖို့/ ပြသနာတွေကို အေးအေးဆေးဆေးဖြေရှင်းဖို့ သိပ်ခက်ခဲပါတယ်။ အလုပ်ဆိုလည်း အလုပ်/အလုပ်/အလုပ်။ အရာရာကို အစွန်းရောက်လုပ်တတ်တာ/တွေးတတ်တာမျိုးတွေလည်းဖြစ်ပြီး အချိန်တိုအတွင်း အလုပ်မှာ Burnt-outတွေ/ဖိစီးမှုတွေ လွယ်လွယ်ကူကူဖြစ်တတ်ကြပါတယ်။

ကိုယ်ချစ်ရသူတွေကို စစ်စစ်မှန်မှန် တိုးတက်ပျော်ရွှင်စေချင်ရင် သူတို့ရဲ့ ဖွံ့ဖြိုးမှု/သင်ယူနိုင်မှု/စိတ်ဝင်စားမှုတွေကို သေချာစောင့်ကြည့်ပြီး ပံ့ပိုးပေးဖို့လိုအပ်ပါတယ်။ ငယ်စဉ်ချိန်မှာ များများ ကစားဖို့၊ စာသင်ဖို့အချိန်တန်လာတဲ့အခါမှာလည်း စာပေလေ့လာတာ မိသားစုနဲ့ အချိန်ပေးတာ ပျော်ရွှင်လွတ်လပ်စွာ ကစားကြတာကို သမမျှတစွာရှိနေဖို့ ကျွန်မတို့က အစဉ်တစိုက် ပံ့ပိုးပေးရမှာဖြစ်ပါတယ်။

ကျွန်မကတော့ ဆေးမှည့်သစ်သီးတွေကို ရှောင်သလို ကျွန်မသားလေး သူ့ဖွံ့ဖြိုးမှုနဲ့အဆင်သင့်ဖြစ်မှုမတိုင်ခင် ဇွတ်ပြွတ်သွပ်သင်ပေးမိမှာကို ကြီးစွာစိုးရိမ်မိပါတယ်။ ဒီစာကို ဖတ်ဖြစ်တဲ့ မိဘတွေ/ဆရာ/မတွေလည်း ကိုယ်တိုင်ကြောင့် ကလေးတွေမှာ Hurried-child syndromeမဖြစ်စေဖို့ ဆုတောင်းပေးလိုက်ပါတယ်။

မေတ္တာဖြင့်...

Sayarma-ဆရာမ
Crd…

References

American Academy of Pediatrics. (2006). The importance of play in promoting healthy child development and maintaining strong parent-child bonds. Pediatrics, 119(1), 182-191.

Elkind, D. (2001). The hurried child: Growing up too fast too soon (3rd ed.). Cambridge, MA: Da Capo Press.

Stanford University. (2015). Too much academic pressure on young children can backfire, study finds. Stanford News.

Harvard University. (2018). The effects of high-pressure parenting on child development. Harvard Child Development Research Center.

ကလေးတွေမှာ စိတ်ထိခိုက်နာကျင်အောင်တချို့မိဘများပြောတတ်တဲ့စကားများ

ဒီနေ့ ” ကလေးတွေမှာ စိတ်ထိခိုက်နာကျင်အောင်တချို့မိဘများပြောတတ်တဲ့စကားများ”ကို Food for Thought 865 အဖြစ်မျှဝေလိုက်ပါတယ်။

ကလေးတွေမှာ စိတ်ထိခိုက်နာကျင်အောင်တချို့မိဘများပြောတတ်တဲ့စကားများ

စိတ်ကိုထိခိုက်နာကျင်အောင်ပြောတဲ့စကားတွေဟာ ရင့်သီးရိုင်းစိုင်းကြမ်းတမ်းပြီး ကလေးများအတွက်ဘေးများ စေကြောင်း သဘော ပေါက်စေရန် ဆွေး‌နွေးတင်ပြမှာဖြစ်ပါတယ်။

ကြမ်းတမ်းရင့်သီးတဲ့စကားတွေက ဘာကြောင့် နာကျင်စေတာလဲ။

နူရိုသိပ္ပံပညာရှင်များလေ့လာတွေံရှိချက်မှာ ကြမ်းတမ်းရင့်သီးတဲ့စကားတွေက နာကျင်မှုကိုဖြစ်စေတဲ့ ဦးနှောက် အစိတ်အပိုင်းအပေါ် သက်ရောက်မှုရှိစေကြောင်းတွေ့ရှိထားကြပါတယ်။ နင်ဆိုတဲ့စကားနဲ့စလိုက်တဲ့ရင့်သီး ကြမ်းတမ်းတဲ့စကားတွေဟာအပြောခံရသူအတွက်စိတ်ဓာတ်အကြီးအကျယ်ကျစရာဖြစ်စေကြောင်းတွေ့ရှိထားပါတယ်။

ဘာကြောင့် စိတ်ထိခိုက်နာကျင်စေပါသလဲ။ နာကျင်အောင်ကြမ်းတမ်းခက်ထန်စွာပြောတဲ့စကားကိုကြားရတဲ့အခါ ဦးနှောက်တွင်းမှာရှိတဲ့စိတ်လှုပ်ရှားခံစား မှုကိုထိန်းချုပ်တဲ့ အပိုင်းဖြစ်တဲ့ amygdala ကို သက်ရောက်လှုပ်ရှားစေပါတယ်။ အဲဒီတော့ ဦး‌နှောက်လုပ်ငန်း လုပ်ဆောင်မှုအပေါ်အကျိုးသက်ရောက်စေတဲ့ဖိစီးမှုကိုဖြစ်စေတဲ့ဟိုမုန်းတွေထုတ်လုပ်ပေးပါတယ်။ amygdala က ခက်ထန်ကြမ်းတမ်းရိုင်းပြတဲ့စကားတွေကို ခြိမ်းခြောက်တဲ့စကားများလို့မြင်ပါတယ်။ ဒါကြောင့် အပျက်သ ဘောဆောင်တဲ့စကားတွေမှာအဖျက်စွမ်းအားပြင်းပါတယ်။ ပြီးတော့လူသားတွေရဲ့ဦးနှောက်ဖွဲ့စည်းထားပုံက အ ပျက်သဘောပြောတဲ့စကားတွေကို ပိုအာရုံထားစေပါတယ်။ ဒါကြောင့် ကြမ်းတမ်းခက်ထန်တဲ့စကားတွေကြား ရတဲ့အခါ စိတ်ထိခိုက်နာကျင်တဲ့အခြေအနေကိုဖြစ်ပေါ်လာစေပါတယ်။

အောက်ဘက်မှာ မိဘများစိတ်လိုက်မာန်ပါအမှတ်မထင်ပြောမိတတ်တဲ့ ကြမ်းတမ်းခက်ထန်တဲ့စကားတွေ ကို ဖော်ပြထားပါတယ်။

1. နင့်ကိုမမွေးခဲ့ရင်သိပ်ကောင်းမှာ။

2. နင့်ကိုကိုယ်ဝန်ဆောင်စဥ်ကကိုယ်ဝန်ဖျက်ချလိုက်မိရင်အကောင်းသား။

3. နင်ဟာငါ့ဘဝမှာ အကြီးမားဆုံးပြဿနာကောင်ပဲ။

4. နင့်ကို လူဖြစ်အောင်ငါကမွေးထားတာ၊နင်သေအောင်လည်းသတ်နိုင်တယ်။

5. နင်ဟာနင့်အဖေ/အမေလိုပဲ။

6. နင်ကပုတ်လိုဝနေတယ်။ နင်ကိုယ်အလေးချိန်ကျရင် ပိုကြည့်ကောင်းမယ်။

7. နင့်ကြောင့် ဖေဖေ/ အမေ/ အစ်ကို. အစ်မ/ ညီမ သေရတာ။

8. ငါကိုအဲဒီအတိုင်းလေ့ကျင့် ပေးခဲ့တာ။ အဲဒီလိုသာပြောတတ်တယ်။

9. နင်ဟာဘယ်တော့မှမှန်တာမလုပ်ခဲ့ဘူး

10. ငါနင့်အတွက်အစစလုပ်ပေးနေရတာ နောက်ထပ်ဘာများလုပ်ပေးဖို့မျှော်လင့်နေသေးသလဲ။

11. နင့်ကြောင့်နင်အဖေ/အမေအိမ်ကဆင်းသွားတာ။ နင်ကဂျိုကောင်။

12. ငါသေရင်ငါ့ဂူကိုနင်လာမတွေ့ပါနဲ့။

13. နင်ဟာဘာကြောင့်နင့် အစ်ကိုလို မနေနိုင်တာလဲ။

14. ငါနင့်ကိုတစ်ယောက်တည်းချန်ထားခဲ့ပြီးဘယ်တော့မှပြန်မလာတော့ဘဲနေလိုက်မှာ။

15. အဲဒီလိုမစားနဲ့နင်ကအရမ်းဝနေပြီ။ ဝက်ပုတ်လိုဖြစ်နေပြီ။

16. ငိုမနေစမ်းနဲ့။ အဲဒီကိစ္စက ဘာမှအရေးကြီးတာမဟုတ်ပါဘူး။

17. ငါတော့နင့်ကိုသိပ်စိတ်ပျက်လာပြီ။

18. နင့်ကငါကိုအမျိုးမျိုးဒုက္ခပေးတဲ့အကောင်။

အထက်ပါကဲ့သို့ ကြမ်းတမ်းခက်ထန်တဲ့စကားတွေပြောခြင်းက စိတ်ဖိစီးမှုဖြစ်နေတဲ့အခြေအနေကိုမမှန်မကန်း ဘယ်လို ကိုင်တွယ်ပြောရကြောင်းသင်ပေးနေတာနဲ့တူနေပါတယ်။ စိတ်မထိန်းနိုင်းဘဲ အဲဒီလိုကြမ်းတမ်းတဲ့စကား တွေပြောပြီးအော်‌‌ဟောက်ဆူခြင်းတို့မှာ အပြုအမူကောင်းတွေဖြစ်လာဖို့ ထိရောက်တဲ့နည်း လမ်းမဟုတ်ပါ။ အဲဒီ စကားမျိုးတွေပြောနေခြင်းမှာ မကောင်းတဲ့နမူနာတွေပြနေရာရောက်ပါတယ်။ မိဘတွေကိုယ်တိုင်က မိမိလုပ် ဆောင် ပြောဆိုမှုမှာ တာဝန်ယူမှသာ ကလေးများလည်း တာဝန်သိတတ်သူများဖြစ်လာကြမှာဖြစ်ပါတယ်။ ယာ ယီအားဖြင့် စိတ်ပျက်တာနဲ့ထာဝရအမာရွတ်လို ထင်စေနိုင်တဲ့ကြမ်းတမ်းရိုင်းပြတဲ့စကားမျိုးတွေမပြောဖြစ် အောင် မိမိကိုယ်မိမိထိန်းသိမ်းရန် လိုအပ်ပါတယ်။

မိတ်ဆွေများဖော်ပြပါစကားများနှင့်အလားတူကြမ်းတမ်းရိုင်ပြတဲ့စကားများဖြင့်မိမိတို့သားသမီးများကိုမပြောမိရန်အထူးသတိထားပြီးမိမိကိုယ်မိမိထိန်းသိမ်းစောင့်ရှောက်နိုင်ကြပါစေ။

ဒေါက်တာသိန်းလွင်
မေတ္တာဖြင့်
ဒေါက်တာသိန်းလွင်

‼️‼️TC(ကျောင်းပြောင်းလက်မှတ်) ‼️‼️များအတွက် စာရင်းလက်ခံခြင်းများကို

🗓️ မေလ (၆) ရက်နေ့မှ (၁၆) ရက်နေ့အတွင်း

⏱️နံနက် (၉ )နာရီ မှ ⏱️နေ့လည် (၁၂ )နာရီထိ ရွှေပျိုးခင်းကိုယ်ပိုင် အထက်တန်းကျောင်းတွင်
ဆောင်ရွက်ပေးသွားမည် ဖြစ်ပါသည်။

‼️လိုအပ်သည့် အချက်အလက်များမှာ -
👉ပတ်(စ)ပို့ ဓာတ်ပုံ ၃ ပုံ
👉၂၀၂၃-၂၄ ပညာသင်နှစ်တွင် ဖြေဆိုခဲ့သော အတန်း
👉မိဘ အမည်
👉ဆက်သွယ်ရန် ဖုန်းနံပါတ် တို့ကို ‼️ကျောင်းသို့ လာရောက် ပေးပို့ရမည် ဖြစ်ပါသည်။

🏫ရွှေပျိုးခင်း ကိုယ်ပိုင်အထက်တန်းကျောင်း
မစ-၂၈/၂၉/၃၀၊ ပြည်ထောင်စုလမ်းသွယ် (၂)
ပြည်တော်သာရပ်ကွက်
စစ်တွေမြို့။

☎️09265783695
☎️ 09680761446
☎️ 09453944091

#ရွှေပျိုးခင်းမူကြို

☎️09897350088
☎️0943139650