21/05/2026
#ကျောင်းတက်ခွင့် #ကျောင်းပြောင်းလက်မှတ် #ကျောင်းထွက်လက်မှတ် #အတန်းကျော် #ကျောင်းနေခွင့် #ဝင်ခွင့် #ကျောင်းပြင်ပ
၁။ ရည်ရွယ်ချက်
အကြောင်းအမျိုးမျိုးကြောင့် ကျောင်းမနေခဲ့ရသည့် ကလေးများ၊ မူလတန်းနှင့် အလယ်တန်းအဆင့်တွင် ကျောင်းထွက်ခဲ့ရသည့် ကလေးများကို ၎င်းတို့နှင့် ကိုက်ညီသည့် အတန်းများတွင် ပညာဆက်လက်သင်ယူနိုင်ခွင့် ရရှိစေရန် ရည်ရွယ်ပါသည်။
၂။ စစ်ဆေးမည့် အစီအစဉ်
စစ်ဆေးမည့်အဆင့်များ: အခြေခံပညာမူလတန်းအဆင့် (Grade 1, 2, 3, 4, 5) နှင့် အခြေခံပညာအလယ်တန်းအဆင့် (Grade 6, 7, 😎
စစ်ဆေးမည့်ရက်: ၂၅-၆-၂၀၂၆ ရက်နေ့မှ ၂၆-၆-၂၀၂၆ ရက်နေ့ထိ (၂ ရက်)
စစ်ဆေးမည့်နေရာ: သက်ဆိုင်ရာ မြို့နယ်ပညာရေးမှူးရုံးက သတ်မှတ်ပေးသည့် စာစစ်ဌာနများ (အခြေခံပညာကျောင်းများ)
၃။ ဖြေဆိုခွင့်ရှိသူများ
မည်သည့် အခြေခံပညာကျောင်း (အစိုးရကျောင်း၊ ကိုယ်ပိုင်ကျောင်း၊ ဘုန်းတော်ကြီးသင်ပညာရေးကျောင်း) တွင်မဆို တက်ရောက်ခဲ့ဖူးခြင်းမရှိဘဲ သတ်မှတ်အသက်အရွယ် ကျော်လွန်နေသည့် ကလေးများအားလုံး လျှောက်ထားဖြေဆိုနိုင်ပါသည်။
၄။ အသက်အရွယ်နှင့် တက်ရောက်ရမည့် အတန်း သတ်မှတ်ချက်
Placement Test ဖြေဆိုပြီးနောက် ရလဒ်အပေါ်မူတည်၍ အောက်ပါအတိုင်း အတန်းများ သတ်မှတ်ပေးမည်ဖြစ်သည် -
အသက် ဝင်ရောက်ဖြေဆိုရမည့်အတန်း အောင်မြင်ပါက တက်ရောက်ရမည့်အတန်း ကျရှုံးပါက တက်ရောက်ရမည့်အတန်း
၇ နှစ် Grade 1 Grade 2 Grade 1
၈ နှစ် Grade 2 Grade 3 Grade 2
၉ နှစ် Grade 3 Grade 4 Grade 3
၁၀ နှစ် Grade 4 Grade 5 Grade 4
၁၁ နှစ် Grade 5 Grade 6 Grade 5
၁၂ နှစ် Grade 6 Grade 7 Grade 6
၁၃ နှစ် Grade 7 Grade 8 Grade 7
၁၄ နှစ်နှင့် ၁၅ နှစ် Grade 8 Grade 9 Grade 8
၅။ မှတ်ချက်/ အကျိုးကျေးဇူး
ဤအစီအစဉ်ဖြင့် ကျောင်းပြန်တက်ခွင့်ရရှိသူများသည် ၂၀၂၆-၂၀၂၇ ပညာသင်နှစ်၏ ပညာရေးဝန်ကြီးဌာနက ဖွင့်လှစ်မည့် အခြေခံပညာကျောင်းများတွင် သတ်မှတ်အတန်းအလိုက် ဆက်လက်ပညာသင်ယူခွင့် ရရှိကြမည်ဖြစ်ပါသည်။
ဒီသတင်းနှင့်အတူ အထူးသတိထားရမှာက အခြေအနေအကြောင်းကြောင့် တရားမဝင်နည်းနှင့် အတန်းကျော်ထားတဲ့ ကလေးတွေ ဒါကိုပဲ ပြန်ဖြေပြီး တရားဝင်အောင် လုပ်ထားသင့်တယ်။
အသက်ကြီး အတန်းငယ်နေတဲ့ ကလေးတွေကိုလည်း စဉ်းစားသင့်တယ်။
မူရင်းလင့်
https://www.moi.gov.mm/km/
