01/06/2026
စစ်ဖီးရှောင်ကျောင်းသူ/သား ( ၂၀၀၀ ) ပညာအခလွတ် သင်ကြားနိုင်ရန် ကမ်ပိန်းပြုလုပ်ခြင်း
-----------
🔊🔉 Like & Share လုပ်ပီးကေ ဝန်းရံပီးကတ်ပါ ။
👩🏻၂၀၂၆-၂၀၂၇ စာသင်နှစ်မှာ ကျနော်ရို့လင်းရောင် ခြည်ဖောင်ဒေးရှင်းက စစ်ဖီးရှောင် ကျောင်းသူ/သား ၂၀၀၀ ကို မတူညီရေ နီရာ ၉ ခုမှာ ကျောင်း ၉ ကျောင်းဖွင့်ပြီးကေ ပညာ အခလွတ် သင်ပီးလားဖို့ စီစိုင်ထားပါရေ ။ ယင်းစစ်ဖီးရှောင် ကျောင်းသူ/သား ၂၀ ၀၀ ကို ပညာရေးကဏ္ဍအပြင် ကျန်းမာရေး ၊ လူမှုဖုံလုံရေး ကဏ္ဍတိကိုလဲ အတတ်နိုင်ဆုံး ကြိုး စားဖြည့်စည်းပီးနိုင်ဖို့အတွက် အကျွန်ရို့ လင်းရောင်ခြည်ဖောင်ဒေးရှင်းက ကြိုးစားနီကတ်ပါရေ ။
👩🏼၂၀၂၆-၂၇ ပညာသင်နှစ်မှာ စစ်ဖီးရှောင်ကျောင်းသူ/သား ၂၀၀၀ ကို ပညာအခလွတ် သင်ကြားပီးနိုင်ဖို့အတွက် ကမ်ပိန်း တခုပြုလုပ်လားဖို့ ဖြစ်ပါရေ ။ အကျွန်ရို့ ဗီဒီယိုချေ ကို အဆုံးထိအောင် လိုက်ပါ ကြည့်ရှူးပီးကတ်ဖို့ ချစ်အမျိုးရို့အားလုံးကို ဖိတ်ခေါ်ပါရေ ။
ကမ်ပိန်းနာမည်
" ပညာကိုချိုက် ပြည်တော်သစ် "
🕯 အကျွန်ရို့အားလုံး မျှော်လင့်ချက်အိမ်မက်ဖြစ်ကတ်တေ သာယာဖွံ့ဖြိုးရေ အနာဂတ်ပြည်တော်သစ်ကို ပုံဖော်ထုဆစ်နိုင်ဖို့ဆိုကေ အကျွန်ရို့ အာရက္ခပြည်သူ/သားတိအနီနန့် ပညာကို တန်ဖိုးထားရေ ၊ ပညာကို ချစ်မြတ်နိုးရေ လူမျိုးဖြစ်နီဖို့လိုပါရေ ။ ယင်း အတွက်နန့် ကမ်ပိန်းနာမယ်ကို ဒေဂုပိုင် " ပညာကိုချိုက် ပြည်တော်သစ် " ဆိုပီးကေ ပီးထားစွာဖြစ်ပါရေ ။
ကမ်ပိန်းတားဂတ်
သိန်း (၂၅၀၀)ကျပ်
ကမ်ပိန်းကာလ⏳
(၃၀. ၅. ၂၀၂၆ ) မှ ( ၃၀. ၇. ၂၀၂၆ )
ကမ်းပိန်းရည်ရွယ်ချက်
ပုဏ္ဏားကျွန်းမြို့နယ်နန့် ရသေ့တောင်မြို့နယ် အတွင်းမှာ စစ်ဖီးရှောင်နေကတ်တေ စစ်ဖီးရှောင်
ကျောင်းသူ/သား (၂၀၀၀) ကို ပညာအခလွတ် သင်ကြားပီးနိုင်ဖို့အစီအစိုင် ဖြစ်ပါရေ ။
💐 ကမ်းပိန်းမှ ရရှိရေ အလှူဖေသာနန့် ပညာသင်ကြားခွင့်ရရှိဖို့ ကျောင်းသူ/သားတိ မှာ -
အာရက္ခ ကျောင်းသူ/သား တိ ဖြစ်ကတ်တေ - မရမာကြီး ၊ ခမီ ၊ မူဆလင် ၊ မြို ၊ ရခိုင် ရို့ ဖြစ်ကတ်ပါရေ ။
👉 ကမ်ပိန်းက ရဟိလာရေ အလှူဖေသာကို - ကျောင်းသူ/သား ၊ ဆရာ/မ ၊ စာသင်ကျောင်း ၊ အရေးပေါ်လိုအပ်ချက် ဆိုရေ
ကဏ္ဍ (၄) ခုမှာ အသုံးပြုလား ဖို့ ဖြစ်ပါရေ ။
📝📏📚 အစီအစိုင် ( ၁)အနီနန့်
ကျောင်းသူ/သားချေရို့ အတွက် ဘောပန် ၊ ခဲတံ ၊ ပေတံ နန့် ဗလာစာအုပ် ဝယ်ယူဖို့စွာမှာ ကမ်ပိန်း အလှူဖဲသာထဲက ၃၅ ရာခိုင်နှုန်းကို အသုံးပြုလားဖို့ ဖြစ်ပါရေ ။
⚙💸 အစီအစိုင်( ၂)အနီနန့်
ကျောင်းသူ/သား ၂၀၀၀ ကို ဆရာ/မ ၁၀၀ နန့် သင်ကြားပြသလားဖို့ ဖြစ်ပါရေ ။ ဆရာ/မ တယောက်ကို ၁ လ ကို ၁သိန်းနှုန်း နန့် ထောက်ပံ့လား ဖို့ ဖြစ်တေအတွက် ကမ်ပိန်းအလှူဖဲသာထဲက ၃၅ ရာခိုင်နှုန်း ကို သုံးစွဲလားဖို့ ဖြစ်ပါရေ ။
🏡🏠 အစီအစိုင်( ၃)အနီနန့်
ကျောင်းဆောင်သစ် ၃ ဆောင် ဆောက်လုပ်ပြီးကေ ကျောင်းဆောင်ဟောင်းတိ ပြုပြင်မွမ်းမံဖို့ နန့် စာသင်ခုံ ၊ white board တိ ဖြည့်စည်းဖို့ ကဏ္ဍမှာ ကမ်ပိန်းအလှူဖဲသာထဲက ၂၀ ရာခိုင်နှုန်းကို အသုံးပြုလားဖို့ ဖြစ်ပါရေ ။
🧣🧣 အစီအစိုင် (၄) အနီနန့်
ကမ်ပိန်းတာဂတ် သိန်း ၂၅၀၀ ထဲက ကျန်ဟိရေ ၁၀ ရာခိုင်နှုန်း ကိုစစ်ဖီးရှောင် ကျောင်းသူ/သားတိ အရေးပေါ် ကျန်းမာရီး နန့် လူမှုဖုံလှုံရီး ကဏ္ဍ တိနန့် စီမံခန့်ခွဲဖို့ ကဏ္ဍတိမှာ သုံးစွဲဖို့အတွက် ချန်လှပ်ထားရှိဖို့ ဖြစ်ပါရေ ။
👧 ကျွန်တော်ရို့ ကမ်ပိန်းတားကတ်က သိန်း၂၅၀၀ ကို ဒေအတိုင်းgeneral ခြုံကြည့်ရေခါ ကောင်းများရေ ပမာဏတခုဖြစ်နီပါဖို့ ။ ယေလေ့ ကျောင်းသူ/သား ၂၀၀၀ နန့် ယှဉ်ကြည့်ရေအခါ ကျောင်းသူ/သား ၁ယောက်ချင်းဇီ အတွက် စာသင်နှစ် တနှစ်လုံးအတွက် မှဖဲသာ ( ၁၂၅၀၀၀) ကျပ် ရာ ကုန်ကျ ဖို့ ဖြစ်ပါရေ ။ အလှူရှင် စေတနာရှင် ရို့၏ အလှူဖဲသာ ( ၁၂၅၀၀၀) ကျပ် နန့် စစ်ဖီးရှောင်အချေတယောက်ကို စာသင်နှစ်တနှစ်လုံး ပညာသင်ပီးနိုင်လားဖို့ဖြစ် ပါ ရေ ။
👵 မျိုးဆက်သစ်ချေတိအတွက် အနာဂတ်အိမ်မက်စွာ အကျွန်ရို့မြီ ၊ အကျွန်ရို့တိုင်း ပြည် ဖွံ့ဖြိုးဖို့အတွက်အလွန်တရာမှ အရေးကြီးပါရေ ။ အလှူရှင် စေတနာရှင်ရို့ လှူတန်းလိုက်တေ အလှူဖဲသာ (၁၂၅ဝ၀၀) စွာ မျိုးဆက်သစ်ချေတယောက်၏ အနာဂတ်အိမ်မက်ကို ပုံဖော်နိုင်ဖို့ အတွက် အခွင့်အလမ်းကို ဖွင့်ပီးလိုက်စွာ နန့် တူပါရေ ။
👩🏻 အလှူရှင် စေတနာ ပူးပေါင်း ပါဝင်မှုအားကြောင်း အကျွန်ရို့ လင်းရောင်ခြည်ဖောင်ဒေးရှင်း အနီနန့် ၂၀၂၄- ၂၅ ပညာသင်နှစ်မှာ စစ်ဖီးရှောင်ကျောင်းသူ / သား ၁၂၇၉ယောက် ၊
၂၀၂၅-၂၆ ပညာသင်နှစ်မှာ စစ်ဖီးရှောင်ကျောင်းသူ/သား ၁၆၈၅ယောက် ပညာအခလွတ်သင်ပီးနိုင်ခပါရေ ။ ဒေဂု ၂၀၂၆-၂၇ ပညာသင်နှစ်မှာ စစ်ဖီးရှောင် ကျောင်းသူ/သား ၂၀၀၀ ကို ပညာအခလွတ် သင်ကြားပီးနိုင်ဖို့ အစီအစိုင်ကလဲ အကျွန်ရို့ လင်းရောင်ခြည်ဖောင်ဒေးရှင်းအတွက် ၃ နှစ်မြောက် အခလွတ် ပညာရီး ခရီးလမ်း ဖြစ်ပါရေ ။
🙏🙏 " ပညာကိုချိုက် ပြည်တော်သစ် "
ကမ်ပိန်းမှာ ပူးပေါင်းပါဝင်ချင်ရေ အလှူရှင် စေတနာရို့ အနီနန့် အကျွန့်ရို့ လင်းရောင်ခြည်ဖောင်ဒေးရှင်း page ကို ဆက်သွယ်လှူတန်းနိုင်ပါရေ ။
#လင်းရောင်ခြည်ဖောင်ဒေးရှင်း
#လင်းရောင်ခြည်အခလွတ်ပညာရိပ်မွန်
#စစ်ဖီးယှောင်ပညာရီး
