Aung Hteik Pan Private High School , Ponnagyun

02/04/2024

အနာဂတ်အတွက် လမ်းဖွင့်ပေးခြင်း
--------------------------------
ကျောင်းသာပြီးတယ် အလုပ်မရဘူးဆိုသည့် ညည်းသံတွေ ကြားရပါသည်။ ကျောင်းစာနှင့် အလုပ်ပညာ ခွဲခြားတတ်ရန် လိုမည်ထင်ပါသည်။ ဘွဲ့နှင့်အလုပ် သပ်သပ်စီဖြစ်သည်။

ဈေးကွက်စီးပွားရေးစနစ် ထွန်းကားလာသည်နှင့်အမျှ အလုပ်အကိုင် အခွင့်အလမ်းများကိုလည်း ဖန်တီးပေးရန် လိုလာသည်။ သို့ဖြစ်ရာ အသက်မွေးပညာသင်ကျောင်းတွေ၏ အခန်းကဏ္ဍတွေကိုလည်း အရေးပါလာစေရန် ပျိုးထောင်ပေးနိုင်မှ အလုပ်နှင့် ပညာရေးကို ပေါင်းစပ်ပေးသလို ဖြစ်နိုင်မည်။

ဥရောပနိုင်ငံ အတော်များများတွင် လူငယ်များအတွက် အလုပ်အကိုင်အခွင့်အလမ်းများကို ဖန်တီးပေးနိုင်မည့် ပညာရေးလမ်းကြောင်းတစ်ခုကို ဦးတည်လုပ်ဆောင်သည့် ပရိုဂရမ်များကို ဖော်ဆောင်နေကြသည်။

ဂျာမနီနိုင်ငံတွင် လူငယ်များကို အသက် ၁၀ နှစ်သားလောက်ကတည်းက အသက်မွေးဝမ်းကျောင်းပညာများ လက်တွေ့သင်ကြားနိုင်ရေးအတွက် အခွင့်အလမ်းများ ဖွင့်ပေးထားသည်။ ထိုအရွယ်လောက်ကတည်းက ပညာရေးဆိုသည်မှာ ကိုယ်မသင်ကြားနိုင်တော့သည့် အချိန်တွင် လမ်းမဆုံးကြောင်း၊ ပညာရေးသည် ဘဝ တစ်သက်တာလုံး သေသည့်တိုင် လေ့လာသင်ယူနေရမည်ဖြစ်ကြောင်းကို နားလည်သဘောပေါက်စေရန် ပျိုးထောင်ပေးထားသည်။ ပညာရှင်တစ်ယောက်အဖြစ် ဘဝတွင် ရပ်တည်နိုင်ရန် စိတ်ကူးယဉ်နိုင်သလို အသက်မွေးဝမ်းကျောင်းပညာရပ်တွေကို လမ်းကြောင်းပြောင်းသင်ပြီး လုပ်ငန်းခွင်ကို ဝင်သွားပါကလည်း ပညာရေး လမ်းမဆုံးနိုင်ကြောင်း လူငယ်တွေကိုသင်ကြားပေးထားသည်။ အသက် ၁၆ နှစ်အရွယ်ရောက်သူ တိုင်း ကျောင်းမှသည် အလုပ်သင် သို့မဟုတ် လုပ်ငန်းခွင်ဝင်ကာပညာရှာနိုင်ရေးအစီအစဉ်များကို သူတို့ နိုင်ငံတွင် ဖန်တီးပေးထားသည်။

ထိုအစီအစဉ်မှာ ကျောင်းပြီး၍ အလုပ်မရဘူးဆိုကာ ယောင်ချာချာဖြစ်နေသည့် လူငယ်အရေအတွက်ကို လျှော့ချနိုင်ရန်ဖြစ်သည်။ အချို့သော နိုင်ငံများတွင် လုပ်ငန်းခွင်ဝင်ရန်အတွက် ကောလိပ်ဒီဂရီမလိုဘဲ၊ အမှန်တကယ် တတ်ကျွမ်းကြောင်း သင်တန်းဆင်းလက်မှတ် သို့မဟုတ် လက်တွေ့လုပ်ဆောင်ပြနိုင်မှုများဖြင့် အလုပ်ပေးနေကြသည်ကိုလည်း တွေ့ရသည်။

ဂျာမနီနိုင်ငံ လူငယ်အတော်များများသည် ကျောင်းမပြီးမီကတည်းကပင် လုပ်ငန်းခွင်အတွေ့အကြုံ အစီအစဉ်များသို့ အလုပ်သင်များအဖြစ် ဝင်ရောက်ပြီး လုပ်ကိုင်နေကြသည်။

အသက် ၁၆ နှစ်အရွယ် ရိမ်းသည် ပထမဆုံး ဗိသုကာရုံးတွင် အလုပ်သင်အဖြစ် ဝင်လုပ်သည်။ သို့သော် ထိုလုပ်ငန်းမှာ သူနှင့် အဆင်မပြေကြောင်းသိလာသဖြင့် မူလတန်းကျောင်းလေးတစ်ကျောင်းကိုသွားပြီး အလုပ်သင်အဖြစ် ဝင်လုပ်ပြန်သည်။ ထိုအလုပ်တွင်လည်း သူ့အနေဖြင့် အဆင်မပြေကြောင်းတွေ့လာရသည်။ ကလေးတွေကို ပြုစုပျိုးထောင်ရခြင်းမှာ အလွန်ခက်ခဲကြောင်း သူသိလာသည်။

ထို့ကြောင့် မူလတန်းကလေးတွေကို သင်ကြားပေးရေးစိတ်ကူးကို စွန့်လွှတ်လိုက်ပြီး အရွယ်ကြီးသည့် ကလေးများအား စာသင်ကြားပေးသည့် အစီအစဉ်ကိုပြောင်းသည်။ ထိုသင်ကြားရေးလမ်းကြောင်းမှာ သူနှင့် အဆင်ပြေသဖြင့် ဆက်ပြီးလုပ်ကိုင်ခဲ့သည်။ သူလည်း ကျောင်းပြီးရန် တစ်နှစ်သာလိုတော့သည်။ ကျောင်းပြီး သည်နှင့် ဆရာအလုပ်ကို ဆက်လုပ်နိုင်ရေးအတွင် နောက်ထပ်တစ်နှစ်သင်တန်းတက်ရန် သူ့အတွက် အဆင်သင့်ဖြစ်နေပြီ။

သူတိူ့နိုင်ငံမှ အသက်မွေးကျောင်းပညာသင်ကြားရေးနှင့် ကျောင်းသင်ပညာရေး ချိတ်ဆက်ပုံကို သဘောပေါက် မည်ထင်ပါသည်။ ဘွဲ့ရပြီးသည်နှင့် လုပ်ငန်းခွင်ကို တန်းဝင်ဆိုသည့် အနေအထားမျိုးတွေကို ရှောင်လွှဲနိုင်ရန် သူတို့ ပညာရေးက စီစဉ်ပေးသဖြင့် လူငယ်တိုင်းအတွက် အရည်အသွေးပြည့်မီသော အသက်မွေးပညာရပ် များကို လက်တွေ့သင်ကြားခွင့်ရှိကြသည်။ ထို့ပြင် အလုပ်သင် အစမ်းခန့် ကာလများတွင် ကိုယ်ဝါသနာပါရာ အလုပ်များကိုလည်း ရွေးချယ်ပိုင်ခွင့်ရှိစေရန် ဖန်တီးပေးထားနိုင်ခြင်းကပင် လူတော်လူကောင်းများအဖြစ် ပညာရေးက ကြိုတင်မွေးထုတ်ပေးထားသလို ဖြစ်စေခဲ့သည်။

ဂျာမနီနိုင်ငံတွင် လူငယ်တိုင်း အလုပ်နှင့်ပတ်သက်ပြီး ရွေးချယ်ပိုင်ခွင့် ပရိုဂရမ်ကို လုပ်ခွင်နှင့်မချိတ်ဆက်ဘဲ ဘွဲ့ရသူ မရှိစေရ ဟုခေါ်သည်။ ၉ တန်းအဆင့်လောက်ကတည်းက သူတို့ လုပ်ငန်းခွင်များနှင့် ချိတ်ဆက်နိုင်ကြ သည်။ ၁၀ တန်းရောက်လျှင် လုပ်ငန်းခွင်နှင့် အတော်လေး ကျွမ်းဝင်နေကြပြီ။ လုပ်ငန်းခွင်နှင့် ပညာရေး ချိတ်ဆက်သည့်အချိန်ကာလမှာ အများကြီးမဟုတ်ပေ။ တစ်ပတ်မှ တစ်ရက်လောက်သာဖြစ်သည်။

ရိမ်း၏ဆရာကလည်း

ကျောင်းမှာ အလုပ်အကြောင်း မသင်ပါဘူး။အလုပ်ကို လုပ်ငန်းခွင်မှာပဲ အတွေ့အကြုံယူရင်း သင်ကြရတယ်" ဟုဆိုသည်။ မည်မျှ ကောင်းလိုက်ပါသနည်း။

ဘွဲ့သာရပြီး ဘာမှမတတ်ဘူးဆိုသည်မှာ တစ်ခုခုလွဲနေခြင်းဖြစ်သည်။ ဘွဲ့ရခြင်းနှင့် တတ်ကျွမ်းခြင်းမှာ တစ်ကန့်စီ ဖြစ်သည်။ ကျောင်းတွေက စာရင်းကိုင်ပညာကို အခြေခံလောက်ပဲပေးနိုင်မည်။ လက်တွေ့ ကျကျနန လုပ်ကိုင်ဆောင်ရွက်နိုင်ရန်ဆိုသည်မှာ လုပ်ငန်းခွင်မှာသာဖြစ်နိုင်မည်။

ကျောင်းက ဓာတုဗေဒသဘောတရားတွေ သင်ပေးမည်။ သို့သော် ဘိလပ်မြေနှင့် မဆလာဖျော်နည်းတို့ကို မသင်ပေးနိုင်ပါ။ လက်တွေ့ကျကျ ဆောက်လုပ်ရေးပညာတို့ကို လုပ်ငန်းခွင်အတွင်းမှာသာ အတွေ့အကြုံများ ရနိုင်သည်။ ကျောင်းက အုတ်စီနည်း မသင်ပါ။ ကျောင်းက ကျောင်းမှ ပြဋ္ဌာန်းထားသည့် သင်ရိုးများကိုသာ သင်ပါလိမ့်မည်။ ဆောက်လုပ်ရေးဝါသနာပါသူက လုပ်ငန်းခွင်တွင် တိုက်ရိုက်ဝင်ရောက်ပြီး အတွေ့အကြုံ ယူနိုင်ရန် လမ်းဖွင့်ပေးသော ပညာရေးကသာ အနာဂတ်အတွက် လူငယ်များကို ပိုပြီ အဆင်ပြေနိုင်စေလိမ့်မည်။

လူငယ်များကို ဟိုဟာလုပ်၊ သည်ဟာလုပ်ဆိုကာ အမိန့်ပေးမည့်အစား သူတို့ဝါသနာပါသည့် လမ်းကြောင်းကို ရွေးချယ်ကာ လုပ်ကိုင်စေခြင်းသည် ၂၁ ရာစုပညာရေးဖြစ်ပါသည်။ ကိုယ်ဝါသနာပါသည့်အလုပ်ကို ရွေးချယ် လုပ်ကိုင်နိုင်ခွင့်ကလည်း ဘဝတစ်သက်တာ ပညာရှာနိုင်ရေးကို အားပေးရာရောက်သည်။

(Ref: Germany Aims to Increase Educational Choices for Its Youth)

(Photo Credit: Ecovis)

တင်ညွန့်

04/02/2023

ဆရာဦးနေမင်းဦး M.Ed(candidate), LL.B ဦးစီးတည်ထောင် သော "အောင်ထိပ်ပန် ကိုယ်ပိုင်အထက်တန်းကျောင်းတွင် ၂၀၂၃-၂၀၂၄ ပညာသင်နှစ်အတွက် ကြိုတင်ကျောင်းအပ်လက်ခံနေပြီဖြစ်သည်။

# # # # # # # # #*** ၂၀၂၃ -၂၀၂၄ ပညာသင်နှစ်မှစ၍ "အောင်ထိပ်ပန်ကိုယ်ပိုင်အထက်တန်းကျောင်း တွင် အလယ်တန်း အဆင့်ကိုပါတိုးမြှင့်ထားပြီး Grade 8 မှ Grade 12 (Grade 8,9,10,11,12)သို့ထိ သင်ကြားပြသသွားမည်ဖြစ်သည်။

***အလယ်တန်း ၊ အထက်တန်း အဆင့် Computer ICT course နှင့် English Four skills( Listening, Speaking, Reading and Writing)ကို စနစ်တကျ သင်ကြားပြသမည်ဖြစ်သည်။

* * ထူးချွန်ထက်မြတ်သော လူငယ်များဖြစ်လာစေရန်...

**အကျင့်စာရိတ္တ ကောင်းမွန်ပြီး လူတော်လူကောင်းများ ဖြစ်လာစေရန်အတွက် စိတ်ဓာတ်၊စည်းကမ်းများကို စနစ်တကျ ပြုပြင်ပေးသည်။

**ဥယျာဥ်သာလမ်း၊စံပြရပ်ကွက်၊ ပုဏ္ဏားကျွန်းမြို့။ ဖုန်...၀၉၄၂၂၀၀၂၂၉၀, ၀၉၆၉၁၉၆၉၀၄၄

29/12/2022

12/12/2022

ဘာမှားသွားလဲ
----------------
အိန္ဒိယနိုင်ငံမှ လူငယ်လေးတစ်ယောက်၏ အဖြစ်အပျက်လေးတစ်ခုကို ဖတ်မိပါသည်။

လူငယ်လေးတစ်ယောက်သည် သိပ္ပံပညာတွင် ထူးချွန်သည်။ IIT (India Institute of Technology, Madras) နည်းပညာတက္ကသိုလ်တွင်တက်ရောက်ခွင့်ရသည်။ ထိုကျောင်းမှ ထူးချွန်စွာ အောင်မြင်ပြီးသော အခါတွင် အမေရိကန်ပြည်ထောင်စုရှိ ကာလီဖိုးနီးယားတက္ကသိုလ်တွင် MBA ဘွဲ့အတွက် သွားတက်သည်။ ထိုကျောင်း မှလည်း ထူးချွန်စွာ အောင်မြင်ပြီး အမေရိကရှိ နာမည်ကျော် ကုမ္ပဏီကြီးတစ်ခုတွင် အလုပ်ရသည်။ ထိုလူငယ်သည် အမေရိကတွင် အခြေချနေထိုင်ပြီး လှပသည့် တမီးလ်မိန်းမချောလေးနှင့် လက်ထပ်လိုက် သည်။ အခန်း ၅ ခန်းပါ အိမ်ကြီးတစ်လုံးကို ဝယ်နိုင်ခဲ့သည်။ ကားအကောင်းစားကြီးကိုလည်း စီးနိုင်ခဲ့သည်။ အလွန် အောင်မြင်သော အနေအထားတစ်ခုကို ရောက်နေချိန်တွင် သူသည် သူ့ကိုယ်သူ သတ်သေသွားသည်။

ဘာမှားသွားလဲ

ထိုအဖြစ်အပျက်မျိုးကို 3 Idiots ဆိုသည့် အိန္ဒိယရုပ်ရှင်ကားတွင် အဖြေထုတ်ပြထားသည်ကို တွေ့ရသည်။ အိန္ဒိယရှိ မိဘများသည် သူတို့သားသမီးတွေ အောင်မြင်ရန်အတွက် သိပ္ပံနှင့် အင်ဂျင်နီယာပညာများ ထူးချွန်ရန် ကျောင်း ကောင်းကောင်းကို ကြိုးစားပို့ကြသည်။ သို့သော် သူတို့ သားသမီးတွေ ဝါသနာက တခြားဖြစ်နေသည်။

ထိုဇာတ်ကားတွင် ကျောင်းအုပ်ကြီးကိုယ်တိုင်၏ သားဖြစ်သူက ဖြစ်ချင်တာ စာရေးဆရာ၊ ဖခင်၏ အင်ဂျင်နီယာ ဖြစ်ရန် တွန်းအားပေးမှုကို မခံနိုင်သည့် အဆုံးတွင် သူ့ကိုယ်သူ သတ်သေသွားသည်။

ဘာမှားသွားလဲ

ကာလီဖိုးနီးယားတက္ကသိုလ် စိတ်ပညာဌာနမှ အမေရိကကို ရောက်လာပြီးမှ အောင်မြင်နေပါလျက် သတ်သေသွားသည့် လူငယ်အကြောင်းကို ဆန်းစစ်လေ့လာကြသည်။

ဘာမှားသွားလဲ

သုတေသီတွေက သတ်သေသွားသူ၏ မိသားစု၊ သူငယ်ချင်း မိတ်ဆွေများကို သွားရောက်တွေ့ဆုံပြီး မေးမြန်း စုံစမ်းကြသည်။

ထိုအချိန်က အမေရိကတွင် စီးပွားရေးအကျပ်အတည်းကို ရင်ဆိုင်နေရသည့် ကာလတစ်ခုဖြစ်ခဲ့သည်။ ထိုကာလတွင် ထိုအိန္ဒိယသား လူငယ်လေးမှာ အလုပ်ပြုတ်သွားသည်။ ဝင်ငွေမရှိဘဲ အချိန်ကာလတစ်ခုအထိ ငုတ်တုတ်ထိုင်နေရသည်။ သူဝယ်ထားသည့် အိမ်ကအကြွေးဖြစ်ပြီး ထိုအိမ်ဖိုးကို သွင်းရန် ငွေလိုနေသည်။ ငွေမသွင်းနိုင်သောကြောင့် အိမ်က ဖယ်ပေးရတော့မည့် အနေအထားကို ကြုံနေရသည်။ နောက်ဆုံးတွင် ဖိစီးမှုတွေကို မခံနိုင်သည့်အဆုံး သူ့ကိုယ်သူ သတ်သေရန် ဆုံးဖြတ်လိုက်ခြင်းဖြစ်သည်။

ဘာမှားသွားလဲ

ထိုလူငယ်လေးသည် အောင်မြင်မှုတွေ တစ်ဆင့်ပြီးတစ်ဆင့်ရကာ အိန္ဒိယမှ အမေရိကကို ရောက်လာပြီး နောက်ထပ် အောင်မြင်မှုတွေ ဆင့်ကဲရလာသော်လည်း သူ့ကို ငယ်စဉ်ကတည်းက မိဘတွေကရော ဆရာ တွေကပါ သင်ပေးရန် မေ့သွားသည့်အချက်မှာ

အကယ်၍ ဆုံးရှုံးမှုကို ရင်ဆိုင်ရခဲ့လျှင် မည်သို့ရင်ဆိုင်မည်နည်း

အောင်မြင်မှုတွေ ဆင့်ကဲရနေသဖြင့် ဆုံးရှုံးမှုဒဏ်ကို သူမသိ။ ဆုံးရှုံးမှုအတွက် ကြိုတင်ပြီးတော့လည်း ပြင်ဆင်ထားခြင်းမရှိ။ တကယ်တမ်း ဆုံးရှုံးမှုနှင့် နဖူးတွေ့ဒူးတွေ့ ရင်ဆိုင်လိုက်ရချိန်တွင် ကျော်ဖြတ်ကာ အနိုင်ယူရန် ကြိုးစားမည်ဆိုသည့် စိတ်ဓာတ်ထက်၊ အရှုံးပေးလိုက်တော့မည်ဆိုသည့် ပျော့ညံ့ညံ့စိတ်ကူးက သူ့ကို အနိုင်ယူသွားသည်။

3 Idiots ဇာတ်ကားထဲတွင်လည်း ကျောင်းအုပ်ကြီး၏ ဖိအားကို မခံနိုင်တော့သဖြင့် ကိုယ့်ကိုယ်ကိုယ် သတ်သေရန် ကြိုးစားသော ကျောင်းသားနှစ်ယောက်၏ အဖြစ်ကို ထင်ဟပ်ပြသည်။ ကျောင်းအုပ်ကြီး ကိုယ်တိုင်က လူသတ်သမား ဖြစ်နေမှန်း သူ့ကိုယ်သူ မသိသည့် အနေအထားကိုလည်း ပုံဖော်ထားသည်။

ဆုံးရှုံးမှုများ ကြုံတွေ့ရပြီဆိုလျှင် ထိုအရှုံးသည် ငါ့အတွက် ကျော်ဖြတ်ရန် တံတိုင်းတစ်ခုဟု မှတ်ယူကာ ကြိုးစားပြီး တက်နိုင်၊ ကျော်ဖြတ်နိုင်အောင် ကြိုးစားသူသည်သာ ပန်းတိုင်ကိုရောက်တတ်ပါသည်။ အရှုံးသည် ရပ်တန့်လိုက်ရန်မဟုတ်။ ကိုယ့်ကို စိန်ခေါ်မှုတစ်ခုသာဖြစ်သည်ဆိုသော လေ့ကျင့်ပျိုးထောင်မှုမျိုး လိုအပ်သည်။

မိဘတွေက မိမိတို့သားသမီးများကို ချစ်သောစိတ်ဖြင့် အရာရာတွင် အသင့်ဖြစ်နေအောင် ကြိုးစား ဖန်တီးပေး နေမှုများကို ပြန်ပြီး သုံးသပ်သင့်ပါသည်။ ၁၀ တန်းကျောင်းသားဖြစ်နေပြီ ကျောင်းကို လိုက်ပြီး ထမင်းကို ခွံ့ပေးနေခြင်းမှာ မိဘများ ချစ်ခြင်းလော။ ကျွန်တော်တို့ အာရှကမိဘအများစုမှာ အရွယ်လွန်သည်အထိ သားသမီးတွေကို ရင်အုပ်မကွာ ထိန်းသိမ်းစောင့်ရှောက်လိုစိတ်တွေက အကျင့်ပါနေသည်။

ကိုယ့်ဒူးကိုယ်ချွန်၊ ကိုယ့်အားကိုယ်ကိုး၊ ကိုယ့်အလုပ်ကိုတန်ဖိုးထား၊ ကိုယ့်ငွေကိုကြိုးစားရှာရမည်ဆိုသည့် စိတ်ဓာတ်တွေ ငယ်စဉ်ကတည်းက ပျောက်နေသည့် လူ့ဘောင်အသိုင်းအဝိုင်းတွင် အခက်အခဲကို ရင်မဆိုင် ရဲသည့်၊ ရင်မဆိုင်နိုင်သည့် လူပျော့ လူညံ့တွေကို မွေးထုတ်ပေးနေသလို ဖြစ်နေပေလိမ့်မည်။

သားသမီးကို ဆရာဝန်ကြီး ဖြစ်ရမည်၊ အင်ဂျင်နီယာကြီးဖြစ်ရမည်ဟု ကိုယ့်တစ်သက် ကိုယ်ပင်ဖြစ်အောင် မလုပ်နိုင်ခဲ့သော စိတ်ကူးတွေကို အဓမ္မ အကောင်အထည်ဖော်ခိုင်းကာ တွန်းအားပေးနေခြင်းထက်

သားဘာဖြစ်ချင်သလဲ

သမီးဘာလုပ်ချင်သလဲ

သူတို့ထံက အသံလေးတွေကို နားထောင်သင့်သည်ဟု ထင်ပါသည်။

မိဘတွေက ကိုယ်ဖြစ်ချင်သည့်အတိုင်း မဖြစ်ဖြစ်အောင် နောက်ကလိုက်ပြီး အသင့်အနေအထား ဖန်တီး ပေးနေခြင်းထက် ကိုယ့်အားကိုယ်ကိုးပြီး ကိုယ်လုပ်အားတန်ဖိုးဖြင့် ကြိုးစားရလာသည့် ရလဒ်တစ်ခုကို တန်ဖိုး ထားတတ်သူများဖြစ်အောင် ပြုစုပျိုးထောင်မှသာလျှင် လောကဓံကို ကြံ့ကြံ့ခံကာ ရင်ဆိုင်လာနိုင်သူများ ဖြစ်လာပါလိမ့်မည်။

ကျွန်တော်တို့ တိုင်းပြည်တွင်လည်း အကျပ်အတည်းကြီးတစ်ခုကို ရင်ဆိုင်လိုက်ရချိန်တွင် တံတားပေါ်က ခုန်ချသည့် သတင်းတွေကိုလည်း မကြာခဏ ကြားနေရပါသည်။

ဘာမှားသွားလဲ

ကိုဗစ်ဆိုသည့် မမျှော်လင့်သော ရောဂါဝေဒနာဆိုးကြီးကို ကျွန်တော်တို့ လူသားအားလုံး ရင်မဆိုင်ချင်ပါဘဲ ရင်ဆိုင်လိုက်ရသည်။

စိတ်တူကိုယ်တူ အေးအတူ ပူအမျှ ကျော်ဖြတ်ကြရအောင်ဆိုသည့် ခေါင်းဆောင်အောက်တွင် ကူသူတွေ၊ လှူသူတွေနှင့် ပျော်ရွှင်စွာ ကြံ့ကြံ့ခံကာ ကျွန်တော်တို့ ရင်ဆိုင်ကျော်လွှားနိုင်အောင် ကြိုးစားခဲ့ကြသည်။

ပထမအခက်အခဲ အမြစ်မပြတ်ချိန်တွင် နောက်ထပ် အခက်အခဲ အကျပ်အတည်းတစ်ခုကို ပြည်သူတွေ ထပ်မံ ရင်ဆိုင်လိုက်ကြရပြန်သည်။

နောင်လည်း အခက်အခဲတွေ မည်မျှကို ကျွန်တော်တို့ ရင်ဆိုင်ကျော်ဖြတ်ရည်မှန်းမသိသေး။

မည်သို့ဆိုစေ ကျွန်တော်တို့ ကိုယ့်ကိုယ်ကိုယ်ရော၊ ကိုယ့်မိသားစုကိုရော၊ ကိုယ့်ပတ်ဝန်းကျင်ကိုရော ရင်ဆိုင် နေရသည့် ဒုက္ခ အခက်အခဲ အကျပ်အတည်း ပြဿနာများကို ရင်ဆိုင်နိုင်ရန်အတွက် အားပေးရမည်၊ ရှင်းပြရမည်၊ စာနာရမည်၊ ကူညီရမည်၊ ဖေးမနိုင်ရမည်။ ကိုယ့်အချင်းချင်း လက်တွဲကာ ရင်ဆိုင်ရုံမှတစ်ပါး အခြားမရှိ။

ပြဿနာဟူသည် အချိန်မရွေး ရောက်လာနိုင်သည်

အခက်အခဲဟူသည် မမျှော်လင့်ဘဲ ရောက်လာနိုင်သည်

ကျွန်တော်တို့ ကြိုတင်ပြင်ဆင်ထားရမည်

သားသမီးတွေကို ကြိုတင်သင်ထားရမည်။

ပညာဖြင့် ဘဝကို မြှင့်တင်နိုင်အောင် ကြိုးစားအားပေးသလို

အတွေ့အကြုံ ဘဝဖြင့်လည်း သူတို့ကို စိတ်ဓာတ်ပိုင်းဆိုင်ရာ မြှင့်တင်နိုင်အောင် ကျွန်တော်တို့ လုပ်ပေးရမည်။

ကျောင်းဆိုသည်မှာ စာချည်းသက်သက် သင်သည့်နေရာတစ်နေရာ၊ မိဘဆိုသည်မှာ သားသမီးကို ကောင်းစားစေချင်သောကြောင့် ငါတို့ဖြစ်စေချင်သည့်အတိုင်း ဖြစ်ကို ဖြစ်ရမည်ဟု မှတ်ယူနေလျှင် ကျွန်တော်တို့ ရင်ဆိုင်ရမည်မှာ

ဘာမှားသွားလဲ

(Ref: What Went Wrong?)

တင်ညွန့်

17/06/2022

အောင်ထိပ်ပန် ကိုယ်ပိုင်အထက်တန်းကျောင်း

၃ ဘာသာဂုဏ်ထူးရှင် (၃)ဦး
၂ ဘာသာဂုဏ်ထူးရှင် (၃)ဦး
၁ ဘာသာဂုဏ်ထူးရှင် (၃၀)ဦး
ရိုးရိုးအောင်မြင်သူ (၃၅) ဦး

စုစုပေါင်း ဖြေဆိုသူ - ၇၆ ဦး
အောင်မြင်သူ - ၇၁ ဦး
အောင်မြင်မှုရာခိုင်နှုန်း - ၉၃.၄ %

အပြင်မှလာတက်သူ ၇ ဦးမှ ၁ ဘာသာဂုဏ်ထူးရှင် (၅) ဦး၊ ကျန် (၂) ဦးက ရိုးရိုးအောင်။

27/04/2022

၂၀၂၂-၂၀၂၃ ပညာသင်နှစ်အတွက်
"အောင်ထိပ်ပန်” ကိုယ်ပိုင်အထက်တန်းဆင့်သင်ကျောင်းတွင် စနစ်သစ် Grade (10, 11) နှင့် စနစ်ဟောင်း Grade 11 တို့ကို ၅.၅.၂၀၂၂ နေ့တွင် စတင်ဖွင့်လှစ်မည်ဖြစ်သည်။

***ထူးချွန်ထက်မြတ်သော လူငယ်များ ဖြစ်လာစေရန်
***အကျင့်စာရိတ်တကောင်းမွန်ပြီး၊လူတော်လူကောင်းများဖြစ်လာစေရန် အတွက် စိတ်ဓာတ် ၊ စည်းကမ်းပိုင်းများကို စနစ်တကျပြုပြင်ပေးသည်။

ဥယျာဉ်သာလမ်း၊စံပြရပ်ကွက် ၊ ပုဏ္ဏားကျွန်းမြို့ ။

Ph- 09422002290,09691969044