မွေးမြူရေးဆိုင်ရာဆေးတက္ကသိုလ် ကျောင်းသားများသမဂ္ဂ - တကသ

08/08/2024

⬛(၃၆) နှစ်မြောက် ၈၈၈၈ အရေးတော်ပုံ နှစ်ပတ်လည် အခမ်းအနားများသို့ ပေးပို့သော သ၀ဏ်လွှာ

11/07/2024

ဗကသများအဖွဲ့ချုပ်အဖွဲ့ဝင် ကျောင်းသား ရဲဘော်မြင့်မြတ်ဦး မတရားသတ်ဖြတ်ခံရခြင်းနှင့် ပတ်သက်၍ သဘောထား ထုတ်ပြန်ချက်

"မတရားမှုမှန်သမျှ ဆန့်ကျင်တွန်းလှန်ကြ"

07/07/2024

⬛(၆၂) နှစ်မြောက် ဆဲဗင်းဂျူလိုင်နေ့ သဘောထားထုတ်ပြန်ချက်

06/07/2024

19/02/2024

ထုတ်ပြန်ကြေညာချက်
(၁၈/၀၂/၂၀၂၄)

အကြမ်းဖက်စစ်ကောင်စီသည် ကျောင်းသားများအပါအဝင် အရွယ်ရောက်ပြီးသူ နိုင်ငံသားတိုင်းကို တပ်သားသစ်အဖြစ် အသုံးချရန် ရည်ရွယ်၍ "ပြည်သူ့စစ်မှုထမ်းဥပဒေ" ဟုဆိုကာ ကြေညာချက်တရပ်ကို ၂၀၂၄ခုနှစ် ဖေဖော်ဝါရီလ ၁၀ရက်နေ့က ထုတ်ပြန်ခဲ့သည်။
နွေဦးတော်လှန်ရေးလှိုင်း၏ အောင်မြင်မှုအရှိန်ကြောင့် အဖက်ဖက်က ကျရှုံးလာ‌နေပြီး တပ်သားအင်အားလျော့နည်းလာသော စစ်အုပ်စုသည် ကျောင်းသားပြည်သူများ၏ အသက်နှင့်ဘဝများကို အသုံးချကာ ၎င်းတို့တစုတဖွဲ့၏ ကိုယ်ကျိုးစီးပွားကို ကာကွယ်ရန် ထုတ်ပြန်သော အဆိုပါကြေညာချက်ကို ဆေးနှင့်ဆေးနှီးနွှယ်တက္ကသိုလ်ကျောင်းသားများနှင့်တကွ ပြည်သူများအနေဖြင့် နည်းအမျိုးမျိုးဖြင့် ဆန့်ကျင်ဖီဆန်ကြရမည်ဖြစ်သည်။
စစ်အုပ်စုသည် အာဏာသိမ်းပြီးချိန်မှစ၍ ယနေ့တိုင် လူ့အခွင့်အရေးချိုးဖောက်မှုများနှင့် ရာဇဝတ်မှုများစွာကို ပြောင်ပြောင်တင်းတင်း ကျူးလွန်နေသည့် လက်နက်ကိုင်ရာဇဝတ်ဂိုဏ်းတခုသာဖြစ်ပြီး ယခုကြေညာချက်သည်လည်း ပြည်သူလူထု၏ အသက်အန္တရာယ်ကို ခြိမ်းခြောက်နေသည့် လုပ်ရပ်ဖြစ်သည်။
ယခုကဲ့သို့ ပြည်သူလူထုတရပ်လုံး ကြုံတွေနေရသည့် စိတ်မလုံခြုံမှု၊ လူ့အခွင့်အရေးချိုး‌ဖောက်ခံရမှုနှင့် အထွေထွေအကျပ်အတည်းများအားလုံးမှာအာဏာရှင်စနစ်နှင့် စစ်တပ်၏ အကြမ်းဖက်မှုများကြောင့်ဖြစ်သဖြင့် ကျောင်းသားများနှင့်တကွ ပြည်သူလူထုတရပ်လုံးအနေဖြင့် နွေဦးတော်လှန်ရေး၌ တတ်နိုင်သည့်ကဏ္ဍအသီးသီးမှ ဆက်လက်ပါဝင်တော်လှန်ကြပါရန် တိုက်တွန်းအပ်ပါသည်။
ဆေးနှင့်ဆေးနှီးနွှယ်တက္ကသိုလ်ကျောင်းသားများအနေဖြင့် စစ်အုပ်စု၏ "စစ်မှုထမ်းဥပဒေ" အပေါ်တုန့်ပြန်ရာတွင်
-အလွန်အမင်းထိတ်လန့်ခြင်းမပြုဘဲ အတတ်နိုင်ဆုံးတည်ငြိမ်မှုရှိကြရန်
-အခက်အခဲတစုံတရာရှိလျှင် ဆေးနှင့်ဆေးနှီးနွှယ်တက္ကသိုလ်ကျောင်းသားသမဂ္ဂများသို့ ဆက်သွယ်ကြရန်နှင့်
-ကာကွယ်‌ရေးအဖွဲ့နယ်မြေများနှင့် တိုင်းရင်းသား‌(EROs)နယ်မြေများသို့ လာရောက်လိုသူများအနေဖြင့် ကြုံတွေနိုင်သည့် ပင်ပမ်းခက်ခဲမှု၊ စိန်ခေါ်မှုများအတွက် ကြိုတင်ပြင်ဆင်ထားကြရန်လိုအပ်ကြောင်း တိုက်တွန်းနှိုးဆော်အပ်ပါသည်။

13/08/2023

အခြေခံပညာရေးဆိုင်ရာ ကူညီပါဝင်မှုများ

ကျွန်ုပ်တို့ မွေးမြူရေးဆိုင်ရာဆေးတက္ကသိုလ်ကျောင်းသားများသမဂ္ဂသည် မိတ်ဖက်အဖွဲ့အစည်းများ၊ လူပုဂ္ဂိုလ်များနှင့် ပူးပေါင်း၍ အခြေခံပညာရေးနှင့်သက်ဆိုင်သည့် စာရေးကိရိယာများကို လိုအပ်နေသည့် စာသင်ကျောင်းတစ်ခုအတွက် အထောက်အပံ့တစုံတရာ ရရှိနိုင်ရန် ရန်ပုံငွေရှာဖွေရေးအစီအစဉ်ငယ် (၁)ခု ပြုလုပ်ခဲ့ပါသည်။ ထို့နောက် ရရှိခဲ့သည့် ရန်ပုံငွေများထဲမှ ဗလာစာအုပ် ဒါဇင် ၆၀ ၊ သူငယ်တန်းသင်ထောက်ကူစာအုပ် ၂ဒါဇင် နှင့် အခြားသော စာရေးကိရိယာများကို ဝယ်ယူနိုင်ခဲ့ပါသည်။

ထို့နောက် ၉.၈.၂၀၂၃ ရက်နေ့တွင် ကျောင်းတာဝန်ရှိသူများနှင့် ကျောင်းသားကျောင်းသူများ လက်ဝယ်သို့ ပါဝင်ကူညီပေးခဲ့ကြသည့် ပြည်သူများကိုယ်စား သွားရောက်ပေးပို့ခဲ့ပါသည်။

01/08/2023

ဆောင်းပါးတို

နိုင်ငံရေးဖြစ်စဉ်များအရ အကြမ်းဖက်စစ်ဘီလူးအုပ်စုသည် နိုင်ငံရေးကစားကွက်များတွင်တွင်ကျယ်သုံးပြီး ပြည်တွင်းငြိမ်းချမ်းရေးပွဲစားများနှင့် နိုင်ငံတကာကို မျက်လှည့်ပြပွဲများပြုလုပ်လာမည်ဟု ထင်မြင်မိပါသည်။ ခေါက်ရိုးကျိုးနေသည့် နိုင်ငံရေးပြဿနာဖြေရှင်းနည်းများသည် ပြည်သူအားလုံးအနေဖြင့် နောကျေနေမည်ဟု ထင်မြင်မိပါသည်။ မည်သို့ပင်ဆိုစေကာမူ စစ်အုပ်စုကို ကျေးဇူးတင်စရာ တစ်ခုမှမျှမရှိသလို စစ်အုပ်စု၏ လှည့်ကွက်အတွင်းမဝင်သွားရန် အရေးကြီးသည်။ ရန်သူကိုအထင်ကြီးစရာမလိုသလို အထင်သေးစရာလည်းမလိုအပ်ပေ။ ထို့ကြောင့် မိမိတို့၏ အသိ ၊ သတိဖြင့်ဆင်ခြင်ပြီး နိုင်ငံရေးအရွေ့နှင့် နိုင်ငံရေးလှုပ်ခတ်မှုကို အသေးစိတ်ခွဲခြမ်းစိတ်ဖြာကာ အသိကိုသတိနှင့် ယှဉ်နိုင်ကြပြီး ဖက်ဒရယ်ပြည်ထောင်စုကို မျှော်မှန်းကာ တည်ဆောက်နိုင်ကြပါစေကြောင်း တင်ပြအပ်ပါသည်။

ရဲဘော်ခက်ဝေ

16/07/2023

စစ်ဘေးရှောင်ပြည်သူများအတွက် အခြေခံစားနပ်ရိက္ခာများ ဝေမျှခြင်း

Project 50 အဖြစ် ဒီးမော့ဆိုမြို့နယ်အခြေခံပညာကျောင်းသားများသမဂ္ဂ၊ မြန်မာနိုင်ငံလေကြောင်းနှင့်အာကသပညာတက္ကသိုလ်ကျောင်းသားများသမဂ္ဂ၊ မွေးမြူရေးဆိုင်ရာဆေးတက္ကသိုလ်ကျောင်းသားများသမဂ္ဂ၊ သစ်တောနှင့်ပတ်ဝန်းကျင်ဆိုင်ရာတက္ကသိုလ်ကျောင်းသားများသမဂ္ဂ၊ ကိုရဲရင့်၊ ကိုဆွေဝင်းထက် တို့နှင့်အတူပြုလုပ်ခဲ့ကြပြီး မျှော်မှန်းရန်ပုံငွေထက်ကျော်လွန်ကာ ၁၀၆ % ရရှိခဲ့ပါသည်။ ရရှိခဲ့သည့်ရန်ပုံငွေများကို စုပေါင်းကာ ဆန်၅၈အိတ် ၊ ဆီ ၅၀သါး ၂၄၀ ဘူး နှင့် ဆား၄အိတ်ဝယ်ယူခဲ့ပါသည်။

အခြေခံစားနပ်ရိက္ခာများကို လူဦးရေ ၁၁၀၀ ကျော်ရှိသည့် စစ်ရှောင်စခန်းတွင် ပြည်သူများကိုယ်စား တစ်ဦးလျင်ဆန်၁ပြည်၊မိသားစု၁စု လျင် ဆီ၁ဘူး၊ဆား၁ထုပ် မျှဝေခဲ့ပြီးနောက် ဆန်၁၅ အိတ် ၊ ဆီ၅ဘူး ပိုကျန်ပါသည်။ ထို့အတွက်ကြောင့် ထိုစခန်း၏ မိခင်ဖခင်ပွဲတွင်အသုံးပြုနိုင်ရန် ဆန်၂အိတ် ထားရှိခဲ့ပါသည်။

ဆန်၁၀ အိတ်ကို လူဦးရေ ၂၀၀ ဝန်းကျင်ခန့်ရှိသည့် စစ်ရှောင်စခန်းတွင်ပေးအပ်ခဲ့ပြီး ကျန်ဆန်၃အိတ်နှင့် ဆီ၅ဘူးကို အခြားစစ်ရှောင်စခန်းတစ်ခုရှိ ဆန်ပြတ်လပ်နေသော စစ်ရှောင်ပြည်သူများထံအပ်ခဲ့ပါသည်။

ထို့ကြောင့် Project 50 မှ ရရှိခဲ့သည့် ရိက္ခာများအားလုံးကို စစ်ရှောင်ပြည်သူများထံ မျှဝေပြီးခဲ့ကြောင်း အသိပေးအပ်ပါသည်။

14/07/2023

Project 50 အတွက် ၁၃ရက်သာ ရန်ပုံငွေကောက်ယူပြီးချိန်မှာ ၁၀၆ % ရရှိခဲ့ပြီး ငွေကျပ် (၅,၃၁၇,၅၀၀) ကျပ်ရရှိခဲ့ပါသည်။

ဝယ်ယူရေးနှင့် ပို့ဆောင်ဝေမျှရေးတို့ကို တဆက်တည်းပြုလုပ်မှာဖြစ်ပြီး Project နှင့်သက်ဆိုင်သည့်ကိစ္စများပြီးဆုံးသွားပါက ငွေစာရင်းများချပြသွားမည်ဖြစ်ပါသည်။

11/07/2023

မျှော်မှန်းရန်ပုံငွေပမာဏ မရသေးတာကြောင့် Project 50 ရဲ့ကာလကို ၃ရက်ထပ်တိုးထားပါတယ်။ ရန်ပုံငွေအနေနဲ့ 80 % ရရှိခဲ့ပြီး ကျန်ရှိနေသေးတဲ့ 20% ပြည့်နိုင်အောင် ဆက်လက်ပါဝင်ပေးကြဖို့မေတ္တာရပ်ခံအပ်ပါတယ်။

09/07/2023

'Project 50'

Project 50 ဆိုတာ ကရင်နီ(ကယား)ပြည်နယ်က စစ်ဘေးရှောင်စခန်းတစ်ခုရဲ့ အခြေခံစားနပ်ရိက္ခာကို အတိုင်းတာ တစ်ခုထိဖြည့်တင်းနိုင်ဖို့ ကြိုးစားနေတဲ့ အစီအစဉ်တစ်ခုဖြစ်ပါတယ်။
လက်ရှိမှာ မျှော်မှန်းရန်ပုံငွေပမာဏရဲ့ ၅၀ရါခိုင်နှုန်းသာ ရရှိနေပါသေးတယ်။ ဒါကြောင့် မျှော်မှန်းရန်ပုံငွေ ပြည့်မီနိုင်ရန် ပူးပေါင်းပါဝင်ပေးကြဖို့ တိုက်တွန်းလိုက်ရပါတယ်။

Project ပြုလုပ်ရခြင်းအပြည့်အစုံကို အောက်ပါlink တွင် ဝင်ရောက်ဖတ်ရှူနိုင်ပါသည်။

https://m.facebook.com/story.php?story_fbid=656142846543214&id=100064425142853&mibextid=Nif5oz