Viploveshuishui

.

Engineering Software တွေသုံးဖို့ Laptop ဝယ်ရင် စဉ်းစားရတဲ့အချက်တွေကိုအနည်းငယ်ရှင်းပြပါမယ်။
Laptop တစ်လုံးမှာအရေးပါတဲ့အစိတ်အပိုင်းတွေဖြစ်တဲ့
1) CPU
2) RAM
3) Harddrive
4) Graphic card
5) Battery

1) CPU
အများစုကတော့ i3 i5 i7 ဆိုပြီးသိပြီးသားပါ။
ဒါပေမယ့် i7 ဆိုပြီးဝယ်ချလိုက်လို့မရသေးပါဘူး။
သူ့ရဲ့ generation ကိုကြည့်ရပါဦးမယ်။
တတ်နိုင်သမျှကိုယ့် budget ထဲဝင်တဲ့ အမြင့်ဆုံး generation ကိုဝယ်စေချင်ပါတယ်။
ဉပမာ
အကြမ်းဖျင်းအားဖြင့် i5 8th gen က i7 6th gen ထက်သာနေနိုင်ပါတယ်။
i5 8th gen နဲ့ i7 8th gen ယှဉ်ရွေးရင် ဈေးသက်သာတဲ့ i5 8th ကိုရွေးပြီး RAM တို့ SSD တို့ထပ်စိုက်လိုက်တာပိုကောင်းပါတယ်။
ဒါ့ကြောင့် i7 ဆိုတိုင်းမပြီးပါဘူး generation ကလည်းအရေးကြီးပါတယ်။

2) RAM
RAM ဆိုတာက ကျွန်တော်တို့အလုပ်လုပ်သမျှကို save မလုပ်ရမချင်း သိမ်းပေးထားတဲ့ နေရာပါ။
RAM နည်းနေရင် ကိုယ်သုံးတာများလာတာနဲ့အမျှ လေးလာမှာပါ။
Chrome မှာ tabs တွေအများကြီးဖွင့်မယ်
AutoCAD ဆွဲနေမယ်။
Excel တွေ PDF တွေဖွင့်ထားမယ်။
အဲ့လိုဆို စက်ကလေးလာမှာပါ။
အဲ့ဒါကြောင့် RAM နည်းနေတဲ့သူတွေက save ကို ခဏခဏလုပ်ရင် လေးတာသက်သာသွားမှာပါ။

3) Harddrive
အရင်ကတော့ HDD တွေသုံးကြတယ်။ 500GB 1TB စသဖြင့်။ သူက Memory Card အကြီးစားပါ။ ကျွန်တော်တို့ထည့်သမျှအရာတွေ HDD ထဲမှာသိမ်းထားတာပါ။
Window ‌OS အတွက်drive ကို partition ခွဲပြီး ကျန်တာ ကျွန်တော်တို့သိမ်းချင်တာသိမ်းကြတယ်။

RAM & Harddrive
ကျွန်တော် youtube က video တစ်ခုမှာရှင်းပြတာလေးတွေ့မိတယ်။ နားလည်လွယ်လို့ပြန်မျှဝေပေးချင်ပါတယ်။

Harddrive ဆိုတာ ရေခဲသေတ္တာ နဲ့တူပြီး RAM ဆိုတာက စဉ့်တီတုံးနဲ့တူပါတယ်။
ကျွန်တော်တို့က ရှိသမျှအရာတွေကို ရေခဲသေတ္တာထဲသိမ်းထားကြမယ်။
ချက်ပြုတ်ခါနီးမှ ရေခဲသေတ္တာထဲကထုတ်ပြီး စဉ့်တီတုံးပေါ်တင် ခုတ်ထစ်တာမျိုးလုပ်ကြမယ်။
အဲ့ဒီမှာ ရေခဲသေတ္တာကတော့အတော်ကြီးပြီး တော်တော်ကာပေမယ့် စဉ့်တီတုံးကသေးရင် အလုပ်မတွင်ပါဘူး။
စဉ့်တီတုံးမှာကာသလောက်လေးကိုပဲရေခဲသေတ္တာထဲကထုတ်ပြီးအလုပ်လုပ်လို့ရမှာပါ။
စဉ့်တီတုံးကတော်တော်ကြီးပေမယ့် ရေခဲသေတ္တာကသေးနေပြန်တော့လည်းအလုပ်မဖြစ်ပြန်ပါဘူး။
ရေခဲသေတ္တာလေးထဲရှိသလောက်ကိုပဲထုတ်ပြီးအလုပ်လို့ရမှာပါ။

အဲ့သဘောပါပဲ။
Harddrive ကကြီးနေပေမယ့် RAM ကနည်းတော့အလုပ်သိပ်မတွင်သလို RAM ကများပြီး Harddrive ကနည်းပြန်ရင်လည်းထို့နည်းတူပါပဲ။

ခုနောက်ပိုင်းက SSD တွေခေတ်စားလာပါတယ်။ အားသာချက်က HDD ထက်အဆတော်တော်များများကို မြန်တာပါ။
File တွေ copy ကူးတာ software run တာမျိုးတွေမှာအရမ်းမြန်ပါတယ်။

ဆိုတော့ SSD တွေစိုက်ဖို့လာအကြံတောင်းကြပါတယ်။
SSD တော့တိုးလိုက်ပြီး RAM နည်းနေရင် SSD ရဲ့ performance အပြည့်ကိုရမှာမဟုတ်ပါဘူး။
အပေါ်က ဉပမာလိုပဲ ရေခဲသေတ္တာကြီးနေတာပါ စဉ့်တီတုံးကသေးနေလို့အလုပ်မဖြစ်တာပါ။
နောက်တစ်ခုသိရမှာက SSD စိုက်လိုက်တိုင်း အကုန်မြန်ကုန်တာမျိုးမဟုတ်ပါဘူး။
Software တွေကို SSD ပေါ်တင်ပြီး run မှသာ ခံစားရမှာပါ။
Window OS လည်း အဲ့လိုပါပဲ SSD ပေါ်မှာ window တင်ထားမှသာ window တက်တာမြန်မှာပါ။
အဲ့တော့ SSD တော့စိုက်တယ် 128GB ပဲဆိုရင်
သူ့မှာကာသလောက်ပဲ software တင်လို့ရမှာမို့ တခြား software တွေကိုကျတော့ HDD ပေါ်မှာပဲထပ်တင်ကြတော့မှာပါ။
အဲ့ဒါဆို SSD ပေါ်က software ကသာမြန်မှာပါ။
Engineering software တွေကနေရာတော်တော်ယူပါတယ်။ အဲ့ဒါကြောင့် SSD စိုက်ရင်လည်း 256GB လောက်ကိုအနည်းဆုံးထားစိုက်စေချင်ပါတယ်။
Software တွေတင်တာများပြီး SSD ဘက်မှာပြည့်သွားလို့ AutoCAD တို့ Revit တို့ကို HDD ဘက်မှာတင်သုံးတာမျိုးတော့မလုပ်ကြနဲ့နော်။
အဲ့လိုလုပ်ရင်တော့ SSD ရဲ့ performance ကိုခံစားရမှာမဟုတ်ပါဘူး။
အဲ့ဒါကြောင့် SSD ရော ‌RAM ရော storage များနိုင်သလောက်များဖို့လိုပါတယ်။

4) Graphic Card
သူကတော့ ရုပ်ထွက်ပိုင်းကိုတာဝန်ယူတာပါ။ Render မချခင် preview stage မှာတည်းက တိကျတဲ့ reflection တွေနဲ့သေချာမြင်ရအောင်ကသူကတာဝန်ယူပေးပါတယ်။
ခုနောက်ပိုင်း software တွေက အရမ်းကောင်းလာတာနဲ့အမျှ requirement တွေလည်း မြင့်လာပါတယ်။ တစ်ချို့ software တွေထဲမှာဆို graphic card က RTX series မှာမဟုတ်ရင် ဘယ် function ကအလုပ်မလုပ်ဘူးဆိုတာမျိုးတွေရှိလာပါတယ်။
နောက်တစ်ခါ visual style မှာ shaded တို့ realistic တို့ပြောင်းတဲ့အခါ graphic card မကောင်းရင် လေးသွားမှာပါ။
ပြီးတော့ ခုပြောနေတဲ့ graphic card ဆိုတာ intergrated လို့ခေါ်တဲ့ built in card ကိုပြောတာမဟုတ်ပါဘူး။
ဒါအရေးကြီးပါတယ်။ တစ်ချို့က ဒီ laptop မှာ graphic card ပါလားဆို ပါတယ်လုပ်တာ။ တကယ်က integrated ပဲရှိတာ။
အဲ့ဒါက ပုံမှန် software တွေလောက်သာ support ပေးနိုင်တာပါ။
Engineering software တွေသုံးမယ်ဆို သူနဲ့ လုံးဝမလုံလောက်တာပါ။
Graphic card ကိုလည်း 8GB လောက်အနည်းဆုံးမှသုံးရတာအဆင်ပြေမှာပါ။
Gaming laptop တွေမှာက Graphic card ကောင်းတာတွေသုံးပေးထားတာမို့ gaming laptop တွေအသုံးများကြတာပါ။
Gaming laptop တွေကိုသုံးမယ်ဆိုရင်တော့ များသောအားဖြင့် battery မခံတာများပါတယ်။
သုံးထားတဲ့ hardware တွေကို support ရလွန်းလို့ပါ။
Battery ခံတဲ့ gaming laptop တွေလည်းရှိပါတယ် ဒါပေမယ့် ဈေးလည်းကြီးသွားနိုင်ပါတယ်။

5) Battery
သူကတော့ ကျွန်တော်တို့အများကြီးရွေးချယ်လို့မရပါဘူး။ အပေါ်မှာပြောခဲ့သလိုပဲ hardware အကောင်းတွေသုံးထားရင် အကုန်မြန်မှာပါပဲ။
Battery ခံတာရှာဝယ်နိုင်ရင်လည်း တစ်မျိုးပေါ့။

အကျဉ်းချုပ်ရရင်တော့
CPU မှာ generatin ကိုလည်းသတိထားပါ။
RAM နဲ့ SSD ကိုလည်း မျှမျှတတရှိအောင်စဉ်းစားပြီးဝယ်ပါ။
Graphic card ကိုလည်း storage များတာလေးဝယ်ဖို့စဉ်းစားပါ။
Battery ကတော့ စိတ်ကိုကြိုပြင်ဆင်ထားနိုင်ဖို့ပါ။ 😂😂

အပေါ်ကအချက်တွေနဲ့စဉ်းစားပြီး အကောင်းဆုံးတွေဝယ်လိုက်ပြီ။
ကောင်းပါတယ်။
ဒါပေမယ့် ခုလတ်တလောက excel လောက်ပဲသုံးမှာ AutoCAD 2D လောက်ပဲဆွဲမှာမျိုးဆိုရင်တော့ အားမပေးချင်ပါဘူး။
ကိုယ်ကနောက်သုံးနှစ်လေးနှစ်လောက်မှ rendering တွေလုပ်မယ် animation တွေလုပ်မှာကိုခုတည်းကဝယ်ထားမိရင် laptop performance ကျချိန်မှသုံးရမယ်ဆိုရင် မတန်တော့ပါဘူး။
အဲ့ဒါကြောင့်ခုကနေ နောက် သုံးနှစ်လောက်ကိုကြိုစဉ်းစားပြီး အဲ့အတောအတွင်းကိုသုံးမှာတွေနဲ့အဆင်ပြေမယ့်ဟာကိုရွေးဝယ်ရင်ရပါပြီ။
Just my opinion.

AutoCAD နဲ့ Revit ကိုလေ့လာချင်တဲ့သူတွေအနေနဲ့ ကျွန်တော့်ရဲ့Phoenix95 youtube channel လေးမှာသွားရောက်လေ့လာနိုင်ပါတယ်ခင်ဗျာ။

အားလုံးပဲ ကိုယ်နဲ့အသုံးတည့်မယ့် laptop သေချာရွေးဝယ်နိုင်ကြပါစေခင်ဗျာ။

“အာဇာနည်နေ့ တို့မမေ့”

ကျဆုံးလေပြီးသော အာဇာနည်သူရဲကောင်းများအားဦးညွှတ်ဂါရဝပြုပါသည်။

နည်းပညာတက္ကသိုလ်(မြိတ်) မှနွေးထွေးပျူငှာစွာကြိုဆိုပါ၏။

၂၀၁၉-၂၀၂၀ ပညာသင်နှစ်(ယခင်နှစ်)

အမြင့်ဆုံးဝင်ခွင့်ရ အမှတ် - ၄၅၃
အနိမ့်ဆုံးဝင်ခွင့်ရ အမှတ် - ၃၆၀

(ပညာသင်နှစ်အလိုက် အမှတ်ပြောင်းလဲမှုရှိပါသည်။)