https://www.facebook.com/1039769565891464/

Lwin's Accounting Hub, Maymyo (2026)

17/08/2026

💡 အဓိက မှတ်သားရန် အချက်တိုများ (Quick Summary)

• IAS 16 (PPE): တန်ဖိုးတက်ပါက လုပ်ငန်းမရောင်းမချင်း အမြတ်ကို P&L သို့ မထည့်ဘဲ OCI / Surplus ထဲတွင် သိမ်းဆည်းထားရသည်။ တန်ဖိုးလျှော့ (Depreciation) အမြဲတွက်ရသည်။

• IAS 40 (Investment Property): Fair Value Model သုံးပါက Depreciation မတွက်ရဘဲ၊ ဈေးကွက်တန်ဖိုး အတက်/အကျ အားလုံးကို P&L ထဲ တိုက်ရိုက် ထည့်ရသည်။

• IAS 41 (Agriculture): Depreciation တွက်ရန်မလိုဘဲ ဈေးကွက်တန်ဖိုးမှ ရောင်းချစရိတ် နှုတ်ပြီး P&L ထဲသို့ တိုက်ရိုက် စရိတ်/ဝင်ငွေ ပြသရသည်။

14/07/2026

Lwin's Accounting Hub – IAS 2 Inventory Quick Notes 📝
(ACCA FR စာမေးပွဲအတွက် လုံးဝမသိမဖြစ် အနှစ်ချုပ်မှတ်စုတို)

ACCA Financial Reporting (FR) စာမေးပွဲမှာ Inventory (IAS 2) က Section A, B ကော Section C (Financial Statements ပြင်ဆင်ခြင်း) မှာပါ မဖြစ်မနေ ပါဝင်ပတ်သက်နေတဲ့ အရေးကြီးဆုံး Standard တစ်ခုဖြစ်ပါတယ်။

စာမေးပွဲမဖြေခင် ခေါင်းထဲမှာ ရှင်းရှင်းလင်းလင်းနဲ့ အလွယ်တကူ မှတ်မိနေစေဖို့အတွက် IAS 2 ရဲ့ အနှစ်ချုပ် လုံးဝမသိမဖြစ်အချက်တွေကို Slide ၆ ခုတည်းနဲ့ အပြတ်ရှင်းပေးထားပါတယ်ရှင့်။ ✨

📌 ဒီနေ့ Slide ထဲမှာ ဘာတွေလေ့လာရမလဲ?
Slide ၁။ Standard Overview (စံနှုန်းအကျဉ်းချုပ်)
Slide ၂။ The Golden Rule of Valuation (တန်ဖိုးဖြတ်ခြင်း ရွှေစည်းမျဉ်းနှင့် NRV Formula)
Slide ၃။ What is Included in Cost? (တန်ဖိုးထဲတွင် ဘာတွေထည့်မလဲ/နှုတ်မလဲ)
Slide ၄။ Inventory Cost Formulas (FIFO vs AVCO နှင့် LIFO ပိတ်ပင်ချက်)
Slide ၅။ Common Exam Mistakes (ကျောင်းသားများ အမှားများတတ်သည့်အချက်များ)
Slide ၆။ Exam Thinking Process (စာမေးပွဲတွင် စဉ်းစားရမည့် အတွေးအဆင့်ဆင့်)

💡 Exam Tip အကျဉ်းချုပ်:
Inventory ပုစ္ဆာကို မြင်တာနဲ့ Item တစ်ခုချင်းစီရဲ့ Cost က NRV ထက် ကြီးနေသလား အရင်ကြည့်ပါ။ ကြီးနေရင် ရွှေစည်းမျဉ်းအတိုင်း တန်ဖိုးအနည်းဆုံးဖြစ်တဲ့ "NRV" ဆီကို ချက်ချင်း လျှော့ချ (Write-down) ပေးဖို့ မမေ့ပါနဲ့နော်။

👉 Slide တစ်ခုချင်းစီကို ပုံထဲမှာ ဝင်ရောက်ဖတ်ရှုလေ့လာနိုင်ပါတယ်ရှင့်။
နောင်လည်း အခုလို ACCA စာမေးပွဲအတွက် အဖိုးတန် Notes တွေ၊ စာရင်းကိုင်စံနှုန်း အနှစ်ချုပ်တွေကို စဉ်ဆက်မပြတ် တင်ပေးသွားမှာမို့ လေ့လာရတာ သဘောကျတယ်ဆိုရင် Like & Share လေးလုပ်ပြီး သူငယ်ချင်းတွေကိုပါ လက်တို့ပေးလိုက်ပါဦးနော် 🥰

11/07/2026

📘 IFRS 15 Revenue from Contracts with Customers - Exam Express Notes 🚀
၁။ Standard Overview (စံနှုန်းအကျဉ်းချုပ်)

IFRS 15 သည် "ဝယ်သူထံသို့ ပစ္စည်း သို့မဟုတ် ဝန်ဆောင်မှုအပေါ် ထိန်းချုပ်ပိုင်ခွင့် (Control) ဘယ်အချိန်မှာ လွှဲပြောင်းပေးပြီးသလဲ" ဆိုသည့်အချက်ပေါ် မူတည်၍ ဝင်ငွေ (Revenue) ကို အသိအမှတ်ပြုရန် သတ်မှတ်ပေးထားသော စံနှုန်းဖြစ်ပါသည်။

၂။ The Core Framework (အခြေခံမူများနှင့် ဝင်ငွေသတ်မှတ်ချက်များ)

• Revenue Recognition Criteria (ငွေသွင်းရန် စည်းကမ်းချက် ၅ ဆင့်):
o Identify the contract (စာချုပ်ရှိရမည်၊ ငွေရရန် Probable ဖြစ်ရမည်)
o Identify performance obligations (လုပ်ဆောင်ပေးရမယ့်တာဝန်များကို ခွဲထုတ်ရမည်)
o Determine the transaction price (စာချုပ်တန်ဖိုးကို ရှာရမည်။ ရောင်းဈေးက ဘယ်လောက်လဲ? (Discount တွေ၊ အတိုးတွေ နှုတ်ပြီးပြီလား?))
o Allocate transaction price (စျေးနှုန်းတန်ဖိုးကို အလုပ်တစ်ခုချင်းစီအလိုက် ခွဲဝေရမည်)
o Recognize revenue (Control လွှဲပြောင်းပြီးမှ ဝင်ငွေသွင်းရမည်)

• Performance Obligations (လုပ်ဆောင်ပေးရန် ကတိကဝတ်): စာချုပ်တစ်ခုအတွင်း၌ ဝယ်သူကို ပေးအပ်ရန် ကတိပြုထားသည့် သီးခြားစီဖြစ်သော ကုန်ပစ္စည်း (Distinct Goods) သို့မဟုတ် ဝန်ဆောင်မှု (Services) များကို ဆိုလိုသည်။ ၎င်းတို့ကို သီးသန့်စီ ခွဲထုတ်ပြီးမှ အချိုးကျ ဝင်ငွေခွဲသွင်းရမည်။

• Cash Received vs. Revenue (ငွေရခြင်းနှင့် ဝင်ငွေ မတူညီပုံ): ဝယ်သူ့ထံမှ ငွေကြိုရရုံ (Cash received) ဖြင့် ဝင်ငွေ (Revenue) သွားမပြရပါ။ ဝင်ငွေသည် ကိုယ်တိုင် အလုပ်လုပ်ပေးပြီးစီးမှု (Performance obligation satisfied) ပေါ်တွင်သာ အခြေခံရမည်။ အလုပ်မလုပ်ပေးရသေးဘဲ ကြိုရသောငွေသည် Liability သာ ဖြစ်သည်။

၃။ Special Exam Focus Areas (စာမေးပွဲတွင် အမှားများတတ်သည့် အထူးအချက်များ)

• Performance Obligations Satisfied Over Time (အချိန်ကာလတစ်ခုအတွင်း ပြီးမြောက်ခြင်း): ဝယ်သူသည် လုပ်ငန်း၏ လုပ်ဆောင်ချက်များကို လုပ်နေဆဲကာလအတွင်းမှာပင် တစ်ပြိုင်နက်တည်း ရယူခံစားနေသည့် အခြေအနေမျိုး (ဥပမာ - ရေရှည်ဆောက်လုပ်ရေးလုပ်ငန်း) ဖြစ်သည်။ ဝင်ငွေကို အလုပ်ပြီးစီးမှုရာခိုင်နှုန်း (Stage of completion) အတိုင်း တဖြည်းဖြည်းချင်း သွင်းရမည်။

• Variable Consideration (မသေချာသော စာချုပ်တန်ဖိုး): စာချုပ်တန်ဖိုးတွင် Bonus အပိုဆုကြေးများ၊ Penalty ဒဏ်ကြေးများ သို့မဟုတ် Payment Discounts (ငွေစောစောဆပ်လျှင် ပေးမည့် လျှော့စျေးများ) များ ပါဝင်နေခြင်းမျိုး ဖြစ်သည်။ စာမေးပွဲတွင် ရရှိရန် အသေချာဆုံးဖြစ်သည့် "Most likely amount" သို့မဟုတ် "Expected value" ကိုသာ တွက်ချက်ပြီး စာချုပ်တန်ဖိုး (Transaction price) ထဲ ထည့်သွင်းရမည်။

• Time Value of Money / Significant Financing Component (ငွေကြေး၏ အချိန်ကာလတန်ဖိုး): ပစ္စည်းပေးသည့်နေ့နှင့် ငွေချေသည့်နေ့သည် ၁ နှစ်ထက်မက ကွာခြားနေလျှင် ၎င်းကို "ငွေကြေးချေးယူမှု" အဖြစ် Adjust လုပ်ရမည်။ ရောင်းချသည့်နေ့တွင် Present Value (လက်ရှိကာလတန်ဖိုး) ကိုသာ Revenue ပြရမည်။ ကျန်ရှိသော ပိုပေးရမည့်ပမာဏကိုမူ ကာလအပိုင်းအခြားအလိုက် Interest Income/Expense (အတိုး) အဖြစ်သာ ပြောင်းလဲစာရင်းသွင်းရမည်။

၄။ Special Commercial Arrangements (ထူးခြားသော စာချုပ်ပုံစံများ)

• Agent vs. Principal (ကိုယ်စားလှယ် နှင့် ပင်မရောင်းချသူ):
o မိမိက Principal ဖြစ်လျှင် ပစ္စည်းအပေါ် ထိန်းချုပ်ခွင့်ရှိပြီး ၎င်းကိုရောင်းချ၍ရသော Gross Amount (စုစုပေါင်းရောင်းရငွေ) ကို Revenue ပြရမည်။
o မိမိက Agent ဖြစ်လျှင် ကြားခံစေ့စပ်ပေးရုံသာဖြစ်ပြီး မိမိရမည့် Commission/Net Amount (ကော်မရှင်ခ) ကိုသာ Revenue ပြရမည်။

• Bill-and-Hold Arrangements (ပြေစာထုတ်ပြီး ပစ္စည်းခေတ္တထိန်းသိမ်းပေးခြင်း): ဝယ်သူက ငွေရှင်းပြီးသော်လည်း ၎င်း၏တောင်းဆိုချက်ကြောင့် ပစ္စည်းကို ကိုယ့်ဂိုဒေါင်ထဲတွင် ခေတ္တသိမ်းထားပေးခြင်း ဖြစ်သည်။ ပစ္စည်းသည် ဝယ်သူ့အတွက် သီးသန့်ခွဲထားပြီးဖြစ်ကာ ဝယ်သူက Control ရသွားပြီဖြစ်ပါက ပစ္စည်းမပို့ရသေးသော်လည်း Revenue ချက်ချင်းပြခွင့်ရှိသည်။

• Repurchase Agreements (ပြန်လည်ဝယ်ယူမည့် သဘောတူညီချက်): ပစ္စည်းကို ရောင်းပြီး အနာဂတ်တွင် ထိုပစ္စည်းကို ပြန်ဝယ်ရမည့် ကတိကဝတ်ပါဝင်နေခြင်း ဖြစ်သည်။ ၎င်းသည် အရောင်းအဝယ်အစစ်မဟုတ်ဘဲ အနှစ်သာရအားဖြင့် ပစ္စည်းပေါင်၍ ငွေချေးသည့် Loan သာ ဖြစ်သောကြောင့် Revenue လုံးဝပြခွင့်မရှိပါ။ ရလာသောငွေကို Liability အောက်တွင် Loan အဖြစ် ပြရမည်။

၅။ How to Calculate Contract Asset (စာချုပ်အရ ရရန်ရှိပိုင်ခွင့် တွက်ချက်ပုံ)
ရေရှည်တည်ဆောက်ရေးလုပ်ငန်းများအတွက် Balance Sheet (Statement of Financial Position) တွင် ပြသရမည့် Contract Asset ကို အောက်ပါဖော်မြူလာအတိုင်း Cumulative (ယနေ့အထိ စုစုပေါင်း) ကိန်းဂဏန်းများဖြင့်သာ တွက်ချက်ရမည် -

• အဆင့် ၁။ Revenue recognised to date (ယနေ့အထိ စုစုပေါင်း ဝင်ငွေ) ကို ရှာပါ။ (Total Contract Price × Completion %)
• အဆင့် ၂။ ၎င်းထဲမှ Amounts invoiced to date (ယနေ့အထိ ဝယ်သူထံ ပြေစာတောင်းခံပြီးသောငွေ) ကို နှုတ်ပါ။
• အဆင့် ၃။ ထွက်လာသောအဖြေသည် အပေါင်းလက္ခဏာပြလျှင် Contract Asset (Current Assets) ဖြစ်ပြီး၊ အနှုတ်လက္ခဏာပြလျှင် Contract Liability (Current Liabilities) ဖြစ်သည်။

• ⚠️ Exam Tip: စာမေးပွဲတွင် ကျောင်းသားများ မှားယွင်းစွာ နှုတ်တတ်သော "Amounts received" (လူကိုယ်တိုင်ရရှိပြီးသောငွေ) ကို ဖော်မြူလာထဲတွင် လုံးဝ (လုံးဝ) ထည့်မတွက်ရပါ။

၆။ Exam Thinking Process (စာမေးပွဲတွင် အသုံးချရမည့် အတွေးအဆင့်ဆင့်)
💡 "IFRS 15 ပုစ္ဆာကို မြင်လျှင် - ပစ္စည်း သို့မဟုတ် ဝန်ဆောင်မှုအပေါ် စီးပွားရေးအရ တကယ့်အနှစ်သာရဖြစ်သော 'Control' (ထိန်းချုပ်ပိုင်ခွင့်) က ဝယ်သူ့လက်ထဲသို့ ဘယ်အချိန်မှာ၊ ဘယ်လိုပုံစံနဲ့ ရောက်သွားသလဲ?" ဟု မိမိကိုယ်ကိုယ် အရင်ဆုံး မေးခွန်းထုတ်ပါ။ ထိုအဖြေပေါ် မူတည်၍သာ ဝင်ငွေနှင့် စရိတ်များကို အချိန်ကိုက် မှတ်တမ်းတင်ရမည် ဖြစ်ပါသည်။

06/07/2026

📚 Lwin's Accounting Hub အတွက် မှတ်စုတို

IAS 8 – Accounting Policies, Accounting Estimates and Errors

📌 IAS 8 က ဘာကို ပြောတာလဲ?

Accounting Policies, Accounting Estimates နဲ့ Prior Period Errors တို့ကို ခွဲခြားသတ်မှတ်ပြီး သင့်လျော်တဲ့ Accounting Treatment ကို ဖော်ပြထားတဲ့ Standard ဖြစ်ပါတယ်။
________________________________________
✅ Accounting Policy

• Accounting Policy အသစ်သတ်မှတ်ခြင်း (Transaction အသစ်) = Policy Change မဟုတ်

• ရှိပြီးသား Transaction အတွက် Policy ပြောင်းခြင်း = Accounting Policy Change

• IFRS အသစ်ကြောင့်ပြောင်းခြင်း (သို့) ပိုမို Relevant & Reliable Information ရရှိစေရန် Voluntary Change ပြုလုပ်ခြင်း = Policy Change

• Treatment → Retrospective Application
________________________________________
✅ Accounting Estimate

• Useful Life ပြောင်းခြင်း

• Residual Value ပြောင်းခြင်း

• Depreciation Method ပြောင်းခြင်း

• Provision Amount ပြောင်းခြင်း

➡️ Accounting Estimate Change

Treatment → Prospective Application
________________________________________
✅ Prior Period Error

• Mathematical Error

• Misapplication of Accounting Policies

• Oversight / Misinterpretation of Facts

• Fraud

➡️ Treatment → Retrospective Restatement
________________________________________
✅ Exam Shortcut

✔ Policy → Retrospective

✔ Estimate → Prospective

✔ Prior Period Error → Retrospective
________________________________________
✅ Exam မှာ အရင်ဆုံး မေးရမယ့် မေးခွန်း

1️⃣ Policy လား?

2️⃣ Estimate လား?

3️⃣ Error လား?

အရင်ခွဲနိုင်ရင် Treatment ကို ဆက်ဖြေဖို့ လွယ်သွားပါတယ်။
________________________________________
⭐ Easy Memory Tip

Policy & Error = Past ကို ပြန်ပြင် (Retrospective)

Estimate = Future ကိုပဲ သက်ရောက် (Prospective)

03/07/2026

စာရင်းကိုင်အမြင်နဲ့ ကြည့်တဲ့ "ဘဝရဲ့ Balance Sheet"

ကျွန်မတို့ စာရင်းကိုင်တွေရဲ့ အမြင်မှာ Asset (ပိုင်ဆိုင်မှု) လို့ ပြောလိုက်ရင် လူအများစုက Building (အဆောက်အဦး) တွေ၊ မြေကွက်တွေလို တန်ဖိုးကြီးတဲ့ ပိုင်ဆိုင်မှုတွေကိုပဲ အရင်ဆုံး မြင်တတ်ကြပါတယ်။ ဟုတ်ပါတယ်... ဒါတွေက ရေရှည်အတွက် တန်ဖိုးရှိတဲ့ Non-current Assets တွေပါ။

ဒါပေမဲ့ ဘဝရဲ့ Balance Sheet မှာတော့ အဲဒီလို အဆောက်အဦးအကြီးကြီးတွေ မရှိသေးရုံနဲ့ ကိုယ့်ကိုယ်ကိုယ် "မအောင်မြင်သေးဘူး" လို့ သတ်မှတ်လို့ မရပါဘူး။

တစ်ချိန်က ကျွန်မလည်း အလုပ်မရှိတော့ "ဘာမှမရှိတော့ဘူး" လို့ ထင်ခဲ့ဖူးပါတယ်။

နောက်မှ ပြန်စဉ်းစားကြည့်တော့ ကျွန်မမှာ Laptop တစ်လုံးရှိတယ်။ Internet ရှိတယ်။ လေ့လာချင်တဲ့စိတ်ရှိတယ်။ အဲဒီအချိန်မှာမှ Asset ဆိုတာ ကြီးမားတဲ့ ပိုင်ဆိုင်မှုတွေချည်းပဲ မဟုတ်ဘူးဆိုတာ နားလည်လာခဲ့တယ်။

အဲဒီ Laptop လေးနဲ့ပဲ ACCA ကို ပြန်လေ့လာခဲ့တယ်။ AI ကို စတင်သင်ယူခဲ့တယ်။ နေ့တိုင်း နည်းနည်းချင်း တိုးတက်လာတဲ့ အသိပညာတွေက ကျွန်မဘဝရဲ့ တကယ့်ပိုင်ဆိုင်မှုတွေ ဖြစ်လာခဲ့တယ်။

ဒါကြောင့်...

• ကိုယ့်မှာ လက်ရှိ အလုပ်လုပ်လို့ရနေတဲ့ Laptop တစ်လုံး ရှိနေတာဟာ အခွင့်အလမ်းအသစ်တွေ၊ ဝင်ငွေအသစ်တွေ ဖန်တီးပေးနိုင်တဲ့ အဖိုးတန် Asset တစ်ခု ဖြစ်နိုင်ပါတယ်။

စာရင်းကိုင်သဘောတရားအရ အဆောက်အဦးတွေ၊ စက်ပစ္စည်းတွေဟာ အချိန်ကြာလာတာနဲ့အမျှ Depreciation (တန်ဖိုးလျော့နည်းမှု) ရှိလာတတ်ပါတယ်။ ဒါပေမဲ့ Laptop လေးတစ်လုံးကို အသုံးပြုပြီး စုဆောင်းထားတဲ့ Knowledge (ဗဟုသုတ) နဲ့ Experience (အတွေ့အကြုံ) တွေကတော့ တန်ဖိုးလျော့မသွားဘဲ ကိုယ့်ကို ပိုပြီး တန်ဖိုးရှိလာစေတဲ့ Intangible Assets (မမြင်နိုင်တဲ့ ပိုင်ဆိုင်မှု) တွေ ဖြစ်လာပါတယ်။

ကြီးမားတဲ့ အဆောက်အဦးတွေ၊ ပိုင်ဆိုင်မှုတွေ ရဖို့ ရည်မှန်းတာ မမှားပါဘူး။ ဒါပေမဲ့ အဲဒီအိပ်မက်တွေ အကောင်အထည်ဖော်နိုင်ဖို့ ဒီနေ့ ကိုယ့်လက်ထဲမှာရှိတဲ့ Asset သေးသေးလေးတွေကို တန်ဖိုးထားပြီး အသုံးချတတ်ဖို့က ပိုအရေးကြီးပါတယ်။

ဘဝကို တိုးတက်အောင် ကြိုးစားနေရင်း လက်ရှိ ကိုယ့်မှာရှိတဲ့ အရင်းအမြစ်လေးတွေအပေါ် ကျေးဇူးတင်တတ်ခြင်း (Gratitude) နဲ့ ရောင့်ရဲကျေနပ်တတ်ခြင်း (Contentment) ဟာ စိတ်ချမ်းသာမှုကို ထိန်းသိမ်းပေးတဲ့ အကောင်းဆုံး Internal Control တစ်ခုလို့ ကျွန်မ ယုံကြည်ပါတယ်။

ဒီနေ့ စုဆောင်းထားတဲ့ အသိပညာနဲ့ အတွေ့အကြုံတွေက မနက်ဖြန်ရဲ့ အဖိုးတန်ဆုံး ပိုင်ဆိုင်မှုတွေ ဖြစ်လာနိုင်ပါတယ်။

စာရင်းတွေ ညှိရတာထက်၊ စိတ်ကို ညှိရတာက ပိုပြီး ငြိမ်းချမ်းပါတယ်။ 💼✨

01/07/2026

IAS 12 ကို လေ့လာရင်း စဉ်းစားမိတာတစ်ခုရှိတယ်။

လူ့ဘဝမှာလည်း အခုမြင်နေရတာထက် အနာဂတ်မှာ ကျန်နေမယ့် တန်ဖိုးတွေ ရှိတတ်တယ် မဟုတ်လား။

ကျွန်မတို့ အများစုဟာ မနက်အိပ်ရာထ၊ အလုပ်လုပ်၊ အိမ်အလုပ်လုပ်၊ ကလေးကြည့်၊ စာကျက်နဲ့ တစ်နေ့ပြီးတစ်နေ့ ဖြတ်သန်းနေကြတယ်။

တချို့ရက်တွေမှာ ကိုယ်လုပ်နေတဲ့အရာတွေက ဘာအဓိပ္ပာယ်ရှိလဲတောင် မတွေးနိုင်လောက်အောင် ပင်ပန်းနေတတ်တယ်။

ဒီနေ့ စာတစ်မျက်နှာဖတ်တာက ဘာထူးမှာလဲ။

ဒီနေ့ လေ့ကျင့်ခန်း မိနစ် ၃၀ လုပ်တာက ဘာပြောင်းလဲမှာလဲ။

ဒီနေ့ ကလေးကို စိတ်ရှည်ရှည်နဲ့ စကားပြောပေးတာက ဘာအကျိုးရှိမှာလဲ။
ချက်ချင်းတော့ ဘာမှ မပြောင်းလဲသလိုပဲ။

ဒါပေမယ့် ဘဝမှာ တန်ဖိုးရှိတဲ့ အရာတော်တော်များများက ချက်ချင်း မမြင်ရဘူး။

စာတစ်မျက်နှာချင်းစီက ပညာဖြစ်လာတယ်။

လေ့ကျင့်ခန်းတစ်နေ့ချင်းစီက ကျန်းမာရေးဖြစ်လာတယ်။

ကလေးကို ပေးခဲ့တဲ့ အချိန်တွေက သူ့ရဲ့ စရိုက်နဲ့ အနာဂတ်ဖြစ်လာတယ်။

အဲဒီအရာတွေဟာ အခုချက်ချင်း မမြင်ရသေးပေမယ့် နောင်တစ်ချိန်မှာ ပြန်ပေးမယ့် အကျိုးတွေပဲ။

တစ်ဖက်မှာလည်း ရှိတယ်။

"နောက်မှလုပ်မယ်" လို့ ရွှေ့ထားတဲ့ အလုပ်တွေ။

"ဒီတစ်ခါတော့ ရပါတယ်" လို့ လျှော့ပေါ့ခဲ့တဲ့ အကျင့်တွေ။

"အချိန်မရှိဘူး" ဆိုပြီး လျစ်လျူရှုခဲ့တဲ့ ကျန်းမာရေးတွေ။

အဲဒီအရာတွေကလည်း ချက်ချင်း ပြဿနာမဖြစ်သေးပေမယ့် တစ်နေ့ ပြန်ရင်ဆိုင်ရမယ့် တာဝန်တွေ ဖြစ်လာတတ်တယ်။

လူတိုင်းမှာ တည်ဆောက်နေတဲ့ တန်ဖိုးတွေ ရှိတယ်။

လူတိုင်းမှာ မပြီးသေးတဲ့ တာဝန်တွေလည်း ရှိတယ်။

တချို့က ပညာအတွက်။

တချို့က မိသားစုအတွက်။

တချို့က ကျန်းမာရေးအတွက်။

တချို့က ကိုယ့်ဘဝကို နည်းနည်းပိုကောင်းလာစေဖို့အတွက်။
အရေးကြီးတာက...

ဒီနေ့ လုပ်နေတဲ့အရာက ချက်ချင်း အကျိုးမပြသေးလို့ အဓိပ္ပာယ်မရှိဘူးလို့ မထင်မိဖို့ပါပဲ။

တချို့တန်ဖိုးတွေက အချိန်ကြာမှ မြင်ရတတ်တယ်။

အခုမြင်နေရတာထက်၊ အနာဂတ်မှာ ဘာကျန်ခဲ့မလဲဆိုတာက ပိုအရေးကြီးတယ်။

29/06/2026

To-Do List ရှိရုံနဲ့ အိပ်မက်တွေ မပြီးပါဘူး။

ACCA စလေ့လာပြီးမှ ကျွန်မ သင်ခန်းစာတစ်ခု ရခဲ့ပါတယ်။

အရင်ကတော့ To-Do List ထဲမှာ လုပ်စရာတွေ အများကြီး ရေးထားတယ်။

✔️ မနက်စာပြင်
✔️ ကလေးကျောင်းပို့
✔️ အဝတ်လျှော်
✔️ ကြမ်းတိုက် စသဖြင့်ပေါ့

တစ်နေ့လုံး အလုပ်အများကြီးပြီးအောင်လုပ်တယ်။

ညရောက်တော့ ပင်ပန်းပြီး အိပ်ယာဝင်သွားတယ်။

အလုပ်တွေအများကြီး ပြီးခဲ့ပေမယ့်...

📚 ACCA စာအုပ် မဖွင့်ဖြစ်ဘူး။
🤖 AI Skill မလေ့လာဖြစ်ဘူး။
🎧 English Listening မလုပ်ဖြစ်ဘူး။

အဲဒီအချိန်မှာ သဘောပေါက်သွားတာက...

To-Do List က လုပ်စရာတွေကို မှတ်ထားတဲ့စာရင်းပဲ။

Priority List ကတော့ ကိုယ့်အနာဂတ်ကို ပြောင်းလဲပေးနိုင်တဲ့ အလုပ်တွေကို အရင်ရွေးထားတဲ့ စာရင်းပါ။

အခု ကျွန်မရဲ့ Priority တွေကတော့...

📚 ACCA Study
🤖 AI Skill Learning
🎧 English Listening
✍️ Writing

အိမ်အလုပ်တွေက မလုပ်လို့ မရပါဘူး။

ဒါပေမယ့် အနာဂတ်အတွက် အရေးကြီးတဲ့ အလုပ်တွေကို အရင်နေရာပေးဖို့လည်း မမေ့သင့်ဘူးလို့ ထင်ပါတယ်။

Accounting ကို သင်ယူရင်း၊ Time Management ကိုလည်း တစ်ပြိုင်တည်း သင်ယူနေရပါတယ်။

ဒီနေ့ သင်လုပ်နေတဲ့အလုပ်တွေထဲမှာ သင့်အနာဂတ်အတွက် အရေးကြီးဆုံးအလုပ်က ဘာလဲ။

29/06/2026

📚 ACCA "On Your Marks" Podcast မှ စာမေးပွဲအတွက် အရေးကြီးတဲ့ Mindset ၇ ချက်
စာမေးပွဲအတွက် ပြင်ဆင်နေတဲ့အချိန်မှာ စာဖတ်နည်းတစ်ခုတည်းတင် မလုံလောက်ပါဘူး။
ဘယ်လိုတွေးမလဲ၊ စိုးရိမ်စိတ်ကို ဘယ်လိုထိန်းမလဲ၊ ကိုယ့်ကိုယ်ကိုယ် ဘယ်လိုအားပေးမလဲဆိုတာတွေကလည်း စာမေးပွဲရလဒ်ကို သက်ရောက်မှုရှိပါတယ်။
ACCA ရဲ့ "On Your Marks" Podcast ထဲက ကျောင်းသူ/ကျောင်းသားတိုင်း အသုံးချနိုင်မယ့် အချက်လေးတွေကို အနှစ်ချုပ်ထားပါတယ်။
________________________________________
1️⃣ စတင်ဖို့ အကောင်းဆုံးအချိန်ဆိုတာ မရှိပါဘူး။
အသစ်တစ်ခုကို စလုပ်တဲ့အချိန်မှာ အဆင်မပြေတာ၊ အမှားလုပ်မိတာက သဘာဝပါ။
"အရာရာ အဆင်သင့်ဖြစ်မှ စမယ်" လို့ စောင့်နေမယ်ဆိုရင် စဖြစ်ဖို့ ခက်ပါတယ်။
Ready ဖြစ်လို့ စတာမဟုတ်ပါဘူး။ စလို့ Ready ဖြစ်လာတာပါ။
________________________________________
2️⃣ စိုးရိမ်စိတ်ဆိုတာ အနာဂတ်ကို ကြိုတွေးနေခြင်းပါ။
"မအောင်ရင် ဘယ်လိုလုပ်မလဲ"
"Section C ကို မဖြေနိုင်ရင်ရော"
ဒီလို အနာဂတ်ကို ကြိုတွေးတဲ့အခါ ဦးနှောက်က အဲဒီအခြေအနေကို တကယ်ဖြစ်နေသလို တုံ့ပြန်တတ်ပါတယ်။
ဒါကြောင့် စိုးရိမ်စိတ်တွေ များလာတဲ့အခါ အနာဂတ်ထဲ မနေနဲ့။
လက်ရှိလုပ်နေတဲ့ အလုပ်တစ်ခုပေါ်မှာပဲ အာရုံစိုက်လိုက်ပါ။
________________________________________
3️⃣ ပန်းတိုင်ကို သေးသေးလေး ခွဲလိုက်ပါ။
"ငါ ACCA အောင်ရမယ်"
ဆိုတဲ့ ပန်းတိုင်ကြီးတစ်ခုကိုပဲ ကြည့်နေရင် စိတ်ဖိစီးလွယ်ပါတယ်။
အဲဒီအစား
✔️ ဒီနေ့ IAS 37 ပြီးအောင်ဖတ်မယ်။
✔️ ဒီနေ့ Past Paper ၂ ပုဒ် ဖြေမယ်။
✔️ ဒီနေ့ ၁ နာရီပဲ အာရုံစိုက်ဖတ်မယ်။
ဒီလို သေးငယ်ပြီး တိကျတဲ့ ပန်းတိုင်တွေက ရှေ့ဆက်ဖို့ အားဖြစ်စေပါတယ်။
________________________________________
4️⃣ Social Media ပေါ်က သူများနဲ့ ကိုယ့်ကိုယ်ကိုယ် မနှိုင်းယှဉ်ပါနဲ့။
တခြားသူတွေ တင်တာက အောင်မြင်တဲ့ အခိုက်အတန့်တွေပါ။
သူတို့ ဘယ်နှစ်ခါကျရှုံးခဲ့ရလဲ၊ ဘယ်လောက်ကြိုးစားခဲ့ရလဲဆိုတာကိုတော့ ကျွန်တော်တို့ မမြင်ရပါဘူး။
သူများရဲ့ အောင်မြင်မှုကို အားငယ်ဖို့ မဟုတ်ဘဲ
"သူလုပ်နိုင်ရင် ငါလည်း လုပ်နိုင်တယ်"
ဆိုတဲ့ အားတက်စရာအဖြစ် ပြောင်းကြည့်ပါ။
________________________________________
5️⃣ ကြောက်နေရင်လည်း ဆက်လုပ်ပါ။
Podcast ထဲက ကျွန်မ အကြိုက်ဆုံး စကားတစ်ခွန်းကတော့...
"Do it scared."
ကြောက်စိတ်က ချက်ချင်း ပျောက်သွားမှာ မဟုတ်ပါဘူး။
ဒါပေမယ့် ကြောက်စိတ်ရှိနေတာက မလုပ်သင့်ဘူးလို့ မဆိုလိုပါဘူး။
ကြောက်စိတ်ကို အဖော်အဖြစ် ခေါ်သွားလို့ရပါတယ်။
ဒါပေမယ့် ဆုံးဖြတ်ချက်တွေကိုတော့ သူ့လက်ထဲ မအပ်ပါနဲ့။
________________________________________
6️⃣ ကိုယ်နဲ့ အဆင်ပြေတဲ့ Study Method ကို ရှာပါ။
တချို့က ၆ နာရီဆက်တိုက် စာဖတ်နိုင်တယ်။
တချို့က မိနစ် ၄၀ လောက်ပဲ အာရုံစိုက်နိုင်တယ်။
အရေးကြီးတာက သူများနဲ့ တူဖို့ မဟုတ်ပါဘူး။
ကိုယ့်အတွက် အလုပ်ဖြစ်တဲ့ နည်းလမ်းကို ရှာဖို့ပါ။
အနားယူခြင်းကလည်း စာဖတ်ခြင်းရဲ့ တစ်စိတ်တစ်ပိုင်း ဖြစ်ပါတယ်။
________________________________________
7️⃣ စာမေးပွဲ မတိုင်ခင် ကိုယ့်ကိုယ်ကိုယ် မပင်ပန်းအောင် ဂရုစိုက်ပါ။
အိပ်ရေးဝဝ အိပ်ပါ။
အာဟာရပြည့်အောင် စားပါ။
အနားယူဖို့ လိုရင် အပြစ်မရှိပါဘူး။
ကျန်းမာတဲ့ ခန္ဓာကိုယ်နဲ့ ကြည်လင်တဲ့ ဦးနှောက်က စာမေးပွဲမှာ အကောင်းဆုံး လက်နက်တွေပါ။
ညတိုင်း အိပ်ခါနီး
"ဒီနေ့ ငါ ဂုဏ်ယူရတဲ့ အရာ ၃ ခု"
ဒါမှမဟုတ်
"ဒီနေ့ အသစ်သိလိုက်ရတဲ့ အရာ ၃ ခု"
ကို ချရေးကြည့်ပါ။
ဒီအလေ့အကျင့်က ကိုယ့်ကိုယ်ကိုယ် ယုံကြည်မှု တဖြည်းဖြည်း တိုးလာစေပါတယ်။
________________________________________
💡 စာမေးပွဲခန်းထဲ ဝင်ခါနီး စိုးရိမ်စိတ် လျော့စေမယ့် နည်းလမ်း ၃ ခု
✅ ၁။ Psychological Sigh
နှာခေါင်းကနေ အသက်ကို နှစ်ကြိမ်ဆက်တိုက် ရှိုက်သွင်းပြီး ပါးစပ်ကနေ ဖြည်းဖြည်းရှည်ရှည် ပြန်ထုတ်ပါ။
ခန္ဓာကိုယ်ကို အန္တရာယ်ကင်းနေပြီလို့ ဦးနှောက်ကို အချက်ပြပေးနိုင်ပါတယ်။
✅ ၂။ 5-Senses Grounding
အခန်းထဲမှာ မြင်ရတဲ့ အရာတွေ၊ ထိတွေ့ခံစားရတဲ့ အရာတွေကို သတိထားကြည့်ပါ။
စိတ်ကို အနာဂတ်ကနေ လက်ရှိအချိန်ဆီ ပြန်ခေါ်လာပေးပါတယ်။
✅ ၃။ Exam ကို Threat မဟုတ်ဘဲ Challenge လို့ မြင်ပါ။
"ငါ ကျမလား"
လို့ မတွေးဘဲ
"ဒီနေ့ ငါသိထားတာတွေကို အကောင်းဆုံး ပြသမယ်"
ဆိုတဲ့ စိတ်နဲ့ ရင်ဆိုင်ကြည့်ပါ။
________________________________________
📌 နောက်ဆုံးအနေနဲ့...
စာမေးပွဲတစ်ခါ မအောင်တာက သင့်ရဲ့ အရည်အချင်းကို မဆုံးဖြတ်ပါဘူး။
အောင်မြင်တဲ့ ACCA Member တော်တော်များများမှာလည်း ကျရှုံးဖူးတဲ့ ဘာသာရပ်တွေ ရှိခဲ့ဖူးပါတယ်။
အရေးကြီးတာက မရပ်လိုက်ဖို့ပါ။
ကြောက်စိတ်ရှိလည်း ရှေ့ဆက်ပါ။
တစ်နေ့ကို နည်းနည်းစီ တိုးတက်နေသရွေ့ သင်ဟာ ပန်းတိုင်နဲ့ ပိုနီးလာနေပါတယ်။
အားလုံးပဲ စာမေးပွဲကို ယုံကြည်မှုအပြည့်နဲ့ ဖြေဆိုနိုင်ကြပါစေ။ 💙

26/06/2026

Case 1: ဖောက်သည်တစ်ဦးက တရားစွဲလာတဲ့နေ့

လကုန်ခါနီး Finance Team တစ်ခုလုံး Financial Statements ပိတ်ဖို့ မျက်လုံးကျွတ်မတတ် အလုပ်ရှုပ်နေတုန်း Legal Department ကနေ အရေးပေါ် Email တစ်စောင် ရောက်လာတယ်။

"Customer တစ်ဦးက Company ကို လျော်ကြေး $100,000 တောင်းပြီး တရားစွဲထားပါတယ်။"

Email ကို မြင်တော့ Accounts Assistant က လန့်သွားပြီး ဘေးနားက Senior Accountant ကို လက်တို့ပြီး တိုးတိုးလေး မေးလိုက်တယ်။ "အစ်မ... အမှုကလည်း အခုမှ စတာ၊ ဘာမှလည်း မပြီးသေးဘူးဆိုတော့ ဒီလစာရင်းပိတ်ရင် ဘာမှမလုပ်သေးဘဲ ဒီအတိုင်း ထားလိုက်လို့ ရတယ်မလားဟင်။"

Senior Accountant က Email ကို သေချာဖတ်ပြီး ခေါင်းခါပြတယ်။ "မရဘူးလေ။ အမှုပြီးမှ စာရင်းသွင်းရမယ်ဆိုတာ မဟုတ်ဘူး။ အခုအချိန်မှာ ကုမ္ပဏီက ပေးရနိုင်ခြေ ဘယ်လောက်ရှိလဲဆိုတာ စစ်ရမယ်။ နေဦး... ငါ Manager ကို သွားတင်ပြလိုက်ဦးမယ်။"

Senior Accountant က အခြေအနေကို စုစည်းပြီး Finance Manager ဆီ သွားဆွေးနွေးတယ်။ Manager ကလည်း Legal Department ဆီ ချက်ချင်း ဖုန်းဆက်ပြီး အသေးစိတ် လှမ်းမေးတော့ အကြောင်းပြန်လာတာက —

"ကျွန်တော်တို့ဘက်က အမှုရှုံးနိုင်ခြေ 80% ရှိပြီး လျော်ကြေးက $80,000 လောက် ဖြစ်နိုင်ပါတယ်။"

Manager က အခြေအနေကို CFO ဆီ Report တင်လိုက်တဲ့အခါမှာတော့ CFO က ပြတ်ပြတ်သားသား ဆုံးဖြတ်လိုက်ပါတယ်။

"ဒီနှစ် Profit နည်းသွားရင်တောင် Provision တင်လိုက်ပါ။ Financial Statements က ကုမ္ပဏီရဲ့ အခြေအနေမှန်ကို ပြရမယ်။ ဒီဟာက accounting policy decision တစ်ခုအနေနဲ့ပဲ ချမှတ်ရမယ့်အရာပါ။"

💡 ဒီဆုံးဖြတ်ချက်က IAS 37 (Provisions, Contingent Liabilities and Contingent Assets) ရဲ့ အဓိကအယူအဆပါ။

Senior Accountant က ချက်ချင်းပဲ Accounts Assistant ကို ဘေးနားခေါ်ပြီး လက်တွေ့သင်ခန်းစာ ပေးလိုက်ပါတော့တယ်။ "တွေ့လား... IAS 37 အရ Criteria ၃ ခုနဲ့ ညီနေလို့ စာရင်းသွင်းရတာ။

1. Present Obligation: ပြဿနာက ဖြစ်ပြီးသားမို့ လက်ရှိမှာ တာဝန်ရှိနေတယ်။

2. Probable Outflow: နိုင်ခြေက 80% ဆိုတော့ (50% ထက်များလို့) ပေးရဖို့ သေချာသလောက် ရှိတယ်။

3. Reliable Estimate: လျော်ကြေးက $80,000 ဖြစ်နိုင်တယ်လို့ ခန့်မှန်းလို့ရတယ်။

ဒါကြောင့် ပိုက်ဆံတကယ် မထွက်သွားသေးပေမဲ့ Financial Statements ထဲမှာ Provision ကို ချက်ချင်း အသိအမှတ်ပြုရတာ ဖြစ်တယ်!"

24/06/2026

IAS 12 ကို စကားလုံးအများကြီး မှတ်ဖို့ မလိုပါဘူး။

Deferred Tax ရဲ့ အဓိက အတွေးအခေါ်က...

"ဒီနေ့ လုပ်ဆောင်ချက်တိုင်းဟာ မနက်ဖြန်အပေါ် သက်ရောက်မှု ရှိတယ်" ဆိုတာပါ။

Accounting မှာ Asset တစ်ခုရဲ့ Carrying Amount နဲ့ Tax Base ကြားက ကွာခြားချက်ဟာ တစ်နေ့နေ့မှာ အခွန်အဖြစ် ပြန်လည် ပေါ်ပေါက်လာနိုင်ပါတယ်။

ဘဝမှာလည်း ဒီလိုပါပဲ။

ဒီနေ့ ကျွန်မတို့ လုပ်တဲ့ ဆုံးဖြတ်ချက်တွေ၊ ရင်းနှီးမြှုပ်နှံမှုတွေ၊ သင်ယူမှုတွေက ချက်ချင်း အကျိုးမပေးချင်မှ ပေးမယ်။ ဒါပေမယ့် တစ်နေ့နေ့မှာတော့ အကျိုးဆက်အဖြစ် ပြန်လည် ပေါ်လာတတ်ပါတယ်။

Deferred Tax က Accounting Standard တစ်ခုထက်ပိုပြီး...

"အနာဂတ်ရဲ့ အကျိုးဆက်တွေကို ဒီနေ့ကတည်းက တာဝန်ယူစဉ်းစားတတ်ဖို့" သင်ပေးနေတဲ့ Concept တစ်ခုလည်း ဖြစ်ပါတယ်။ 🤍

Lwin's Accounting Hub

17/08/2026

14/07/2026

11/07/2026

06/07/2026

03/07/2026

01/07/2026

29/06/2026

29/06/2026

26/06/2026

24/06/2026

Address

Website

Alerts

Shortcuts

Share

Category

Listing takedown request