09/08/2026
ဒီလမှာတော့ ကလေးတွေဟာ ရာသီအလိုက်ပွဲတော်များအကြောင်းကိုသင်ယူကြရပါတယ်။
ဗုဒ္ဓဘာသာဝင်တို့ရဲ့ အထွဋ်အမြတ်ထားရာ ဝါဆိုလပြည့်နေ့ (ဓမ္မစကြာအခါတော်
နေ့) ဖြစ်ပေါ်လာပုံ အကြောင်းအရာများနှင့် ဝါဆိုသင်္ကန်းကပ်ခြင်း၊ ပန်းကပ်ခြင်း၊ အလှူဒါနပြုလုပ်ခြင်းတို့ကို လေ့လာသင်ယူခဲ့ရပါတယ်။ ရိုးရာဓလေ့များကို ချစ်မြတ်နိုးတတ်စေဖို့နဲ့ ငယ်စဉ်ကတည်းက ကျောင်းကန်၊ဘုရားပတ်ဝန်းကျင်အလိုက် အနေအထိုင်၊အပြောအဆို၊အပြုအမူ စသည့် ယဉ်ကျေးမှူဓလေ့များနဲ့ ရင်းနှီးစေရန်ရည်ရွယ်၍ ဝါဆိုသင်္ကန်း၊ ဆွမ်းကပ်လှူခြင်း၊ နဝကမ္မအလှူငွေတို့ကို ကိုယ်တိုင်ကိုယ်ကျ ကပ်လှူစေခဲ့ပါတယ်။
ဒါ့အပြင် သူငယ်ချင်းများနဲ့အတူ စုပေါင်းသွားရခြင်း၊ မိမိကိုယ်ကိုအားကိုးတတ်စေသည့် အမူအကျင့်များရရှိစေခြင်း၊ မိမိကိုယ်ကိုယုံကြည်မှု တိုးစေခြင်းနဲ့ ကျောင်းကန်ဘုရားပတ်ဝန်းကျင်၏ ဆိတ်ငြိမ်အေးချမ်းမှုတို့ကို ခံစားတတ်စေမည့် ငယ်ဘဝ အမှတ်တရ အလှူမှတ်တမ်းကို မျှဝေပါရစေရှင်။
Win Preschool ၏ (Nursery +Pre-KG+ KG )မှ ကလေးများ၊ ဆရာမများ၊ မိဘများအားလုံး ရဲ့ နှစ်ဦး အလှူလည်းဖြစ်တဲ့ ဝါဆိုသင်္ကန်းကပ်လှူခြင်း၊ ဆွမ်း၊ အချိုပွဲနှင့် ဝတ္ထုငွေကပ်လှူခြင်းကို အတန်းအားလုံးကိုယ်စား KGတန်းမှ ကလေးများနှင့် ဆရာမများက သွားရောက်လှူဒါန်းပေးခဲ့ကြပါတယ်။ Win မိသားစု၏ ပြုသမျှ ကုသိုလ်အစုစုတို့ကို မျှဝေပေးပါတယ်။ ကျွန်ုပ်တို့အားလုံးနှင့်အတူ ကုသိုလ်များ ထပ်တူရရှိနိုင်ကြပါစေ 🙏🙏🙏
