Mi Mi Htun

"Knowing your worth without over-sacrificing yourself." ✨

ကိုယ့်တန်ဖိုးကို မိမိကိုယ်တိုင် သိနားလည်ခြင်းဆိုတာ သူတစ်ပါးအတွက် ကိုယ့်ကိုယ်ကိုယ် အလွန်အမင်း ပေးဆပ်စတေးခံရခြင်း မဟုတ်ပါဘူး။

အခြားသူတွေကို မေတ္တာထား၊ ကူညီပေးနိုင်သလိုပဲ... ကိုယ့်ရဲ့ စိတ်ချမ်းသာမှု၊ ကိုယ့်ရဲ့ Boundaryနဲ့ ကိုယ့်ရဲ့ တိုးတက်မှုကိုလည်း ဦးစားပေးဖို့ မမေ့ပါနဲ့။

စစ်မှန်တဲ့ တန်ဖိုးထားမှုက ကိုယ့်ကိုယ်ကိုယ် ချစ်ခြင်းကနေပဲ စတင်ပါတယ်။ 🤍

သင်ဟာ အရာရာကို အကောင်းဆုံး လုပ်ဆောင်နေပြီး

အချိန်တွေ အကြာကြီး စောင့်ဆိုင်းနေရတဲ့အတွက် ..

“ငါ့ရဲ့ အလှည့်အပြောင်းက ဘယ်မှာလဲ?" ဆိုပြီး စိတ်ပျက်
အားလျော့နေနိုင်ပါတယ်။

ဒါပေမဲ့ အချိန်ကြာနေရတဲ့ အကြောင်းရင်းက
သင့်ဆီ ရောက်လာမယ့်အရာဟာ

သင် စိတ်ကူးထားတာ၊ မျှော်လင့်ထားတာထက် အဆပေါင်းများစွာ ပိုကြီးကျယ်ပြီး ပိုကောင်းမွန်တဲ့အရာ ဖြစ်နေလို့ ပါ။

…တိုက်အိမ်အဟောင်းလေးတစ်ခုကို မွမ်းမံပြင်ဆင်တာ (Renovation) က အချိန်အများကြီးမကြာပါဘူး။

…ဒါပေမဲ့ အဲဒီနေရာမှာ "နန်းတော်ကြီး" တစ်ခု တည်ဆောက်ချင်ရင်တော့ အိမ်ဟောင်းကို အကုန်ဖြိုချ ရပြီး ဖောင်ဒေးရှင်း အသစ်ပြန်ချရတဲ့အတွက် အချိန်ပိုကြာတတ်ပါတယ်။

သင် မျှော်လင့်ထားတဲ့ အောင်မြင်မှုဟာ သင်ထင်ထားတာထက် အများကြီး ပိုနီးစပ်နေပြီဖြစ်ပြီး

သင် လုံးဝမမျှော်လင့်ထားတဲ့ အချိန်ကျမှ ဆန်းကြယ်တဲ့ပုံစံနဲ့ ဘဝထဲကို ရုတ်တရက် ရောက်ရှိလာလိမ့်မယ်✨✨✨

ဒါကြောင့် စိတ်မပျက်ဘဲ ဆက်လက် ကြိုးစားသွားကြမယ်💪🏻💪🏻

With love Mi
Coach Mimihtun✨

The Warrior Mindset ✨✨

လူတော်တော်များများက ကိုယ့်ပတ်ဝန်းကျင်က လူတွေကို ကြည့်ပြီး "သူတို့လည်း ဒီလိုပဲ အေးဆေး ဖြတ်သန်းနေတာပဲ၊ ငါလည်း ဒီလိုပဲ နေထိုင်တာ ပုံမှန်ပဲပေါ့" လို့ ယူဆတတ်ကြပါတယ်။

ဒါဟာ အလွန်ကြောက်စရာကောင်းတဲ့ "သာမန်ဆိုတဲ့ ထောင်ချောက်" ပါပဲ။

ဘေးလူတွေအတွက် ပုံမှန်ဖြစ်နေတဲ့အရာက သင့်ရဲ့ အိမ်မက်တွေကို တဖြည်းဖြည်း သတ်နေတဲ့ အဆိပ် အတောက် ဖြစ်နေနိုင်ပါတယ်။

သင်ဟာ အဲဒီ သာမန်လူအုပ်ကြီးထဲမှာ မျောပါမသွားဘဲ ကိုယ့်ဘဝကို ပြောင်းလဲချင်တဲ့ စိတ်ကူးရှိနေပြီဆိုကတည်းက... သင်ဟာ သူတို့နဲ့ မတူတော့ပါဘူး။

ကိုယ့်ရဲ့ အိမ်မက်တွေ၊ ကိုယ့်ရဲ့ ပန်းတိုင်တွေအတွက်ဆိုရင်တော့ သင်ဟာ သာမန်အရပ်သားတစ်ယောက်လို စိတ်ဓာတ်မျိုးနဲ့ သွားလို့မရတော့ဘဲ "Warrior “တစ်ယောက်လို သံမဏိစိတ်ဓာတ်မျိုး ရှိဖို့ လိုအပ်လာပါပြီ။

စစ်သည်တော်တစ်ယောက်ရဲ့ စိတ်ဓာတ်ဆိုတာ ဘာလဲ?
စစ်သည်တော်တွေဟာ လမ်းခရီးကြမ်းတမ်းတာကို မညည်းညူဘူး၊ ဓားကိုပဲ ပိုထက်အောင် သွေးကြတယ်:

ဘဝတိုးတက်ရေးအတွက် ကြိုးစားတဲ့အခါ စိတ်ဓာတ်ကျစရာတွေ၊ ပင်ပန်းတာတွေ ကြုံရမှာပါပဲ။

သာမန်လူကတော့ "ပင်ပန်းလိုက်တာ၊ ငါနဲ့မဖြစ်ပါဘူး" ဆိုပြီး လက်လျှော့သွားတတ်ပေမယ့် Warrior စိတ်ဓာတ်ရှိသူကတော့ ဒါဟာ ကိုယ့်ကို ပိုသန်မာစေမယ့် စိန်ခေါ်မှုလို့ သတ်မှတ်ပြီး ရှေ့ကိုပဲ ဆက်ချီတက်ပါတယ်။

ပျင်းရိခြင်းကို ကျော်လွှားပြီး Motion (ရွေ့လျားမှုအရှိန်) ထဲ ရောက်အောင် လုပ်တယ်:
"ပျင်းတာ" က လူတိုင်းရဲ့ သဘာဝပါ။
ဒါပေမဲ့ ပျင်းနေလို့ဆိုပြီး ထိုင်စောင့်နေရင် ဘာမှဖြစ်လာမှာမဟုတ်ဘူး။

စစ်သည်တော်တစ်ယောက်က စိတ်မပါရင်တောင်၊ ပျင်းနေရင်တောင်... ကိုယ့်ကိုယ်ကိုယ် ပြန်နှိုးဆော်ပြီး လုပ်စရာရှိတာကို အရှိန်ရအောင် တွန်းလုပ်တတ်ရမယ်။

ခြေလှမ်းတစ်လှမ်း စလိုက်တာနဲ့ (Motion) ထဲ ရောက်သွားပြီး ပျင်းစိတ်က အလိုလို ပျောက်ကွယ်သွားပါလိမ့်မယ်။

အဓိကက စိတ်ဓာတ် သန်မာဖို့ပါပဲ:
စိတ်ဓာတ်သန်မာခြင်းဆိုတာ ဘယ်သူက ဘာပြောပြော ကိုယ်သွားမယ့်လမ်းကို ယုံယုံကြည်ကြည်နဲ့ တိတ်တဆိတ် သွေးသောက်ထားတဲ့ စစ်သည်တစ်ယောက်လို ပြတ်ပြတ်သားသား သွားတာကို ပြောတာပါ။

အဲ့လိုစိတ်ဓာတ်မျိုး ဖြစ်ဖို့ စလုပ်ကြည့်ပါ
ဥပမာ_ ကျန်းမာရေးလိုက်စားတာ
တရားထိုင်တာ
စာအုပ်ဖတ်တာ ကိုယ့်အတွက် ကြီးကြီးမားမားပြောင်းလဲ့မယ့်အရာတွေ လုပ်ကြည့်ပါ

လူတွေက "နင်လုပ်နိုင်ပါ့မလား" လို့ မေးခွန်းထုတ်တဲ့အခါ လိုက်ပြီး အော်ဟစ်ငြင်းခုံမနေပါနဲ့။ ကိုယ့်ရဲ့ အောင်မြင်မှုရလဒ်နဲ့ပဲ သူတို့ကို အသံတိတ် သက်သေပြလိုက်ပါ။

မတူညီတဲ့ ရလဒ်ကို လိုချင်ရင် မတူညီတဲ့ စိတ်ဓာတ်မျိုး ရှိရပါမယ်။ တခြားသူတွေရဲ့ သာမန်ရှင်သန်မှုကို ကြည့်ပြီး ကိုယ့်ရဲ့ အလားအလာတွေကို အိပ်ပျော်မခံလိုက်ပါနဲ့။

သင့်အထဲမှာ ရှိနေတဲ့ Warrior (စစ်သည်တော်) ကို နှိုးလိုက်ပါ။
ပြီးရင် ကိုယ့်အိမ်မက်တွေဆီကို ပြတ်ပြတ်သားသား ချီတက်လိုက်ပါ။ 🖤

"While others settle for comfort, choose ex*****on. Shift from hesitation into unstoppable motion and fight for the future you deserve."✨
Let move together 💪🏻💪🏻

CoachMimihtun ❤️




#

ကျွန်မတို့အားလုံးဟာ ဘဝမှာ အမြဲတမ်း ၁၀၀ ရာခိုင်နှုန်း မှန်ကန်နေဖို့ဆိုတာ မဖြစ်နိုင်ပါဘူး။

ဒါဟာ အရမ်းကို သဘာဝကျတဲ့အရာမို့ မှားသွားခဲ့ရင်တောင် စိတ်ပျက်အားငယ်နေဖို့ မလိုပါဘူး။ 🤍

ကျွန်မရဲ့ ကိုယ်ပိုင်ဖြတ်သန်းမှု အတွေ့အကြုံတစ်ခုကို ပြောပြချင်ပါတယ်။
ကျောက်လောကထဲကို ရောက်ခါစက...

အတွေ့အကြုံမရှိသေးတော့ ကျောက်တွေကို တန်ဖိုးမှားပြီး တွက်ချက်မိတာ၊ ဝယ်မှားခဲ့တာတွေ ရှိခဲ့ဖူးတယ်။

အဲဒီတုန်းက တော်တော်လေးလည်း ရှုံးနိမ့်မှုတွေ ကြုံခဲ့ရဖူးပါတယ်။ 💸

အဲဒီအချိန်မှာ ကျွန်မ ဆုံးရှုံးမှုတွေကိုပဲ တွေးထိုင်ကြည့်ပြီး စိတ်ပျက်လက်ပျက်နဲ့ လက်လျှော့လိုက်လို့ ရခဲ့တာပဲ။

ဒါပေမဲ့ ကျွန်မ ဘယ်နေရာမှာ မှားသွားလဲဆိုတာကို သေချာပြန်လေ့လာတယ်၊

မျက်စိကို ပိုပြီးစူးရှအောင် ကြည့်တတ်အောင် လေ့ကျင့်တယ်၊

ပြီးတော့ ပိုပြီးရင့်ကျက်တဲ့ အမြင်တွေနဲ့

နောက်တစ်ကြိမ် ပြန်ဝယ်ခဲ့တယ်။

ဒီလိုနဲ့ပဲ အမှားတွေကြားကနေ အမှန်ကို ရှာဖွေနိုင်ခဲ့တာပါ။ 💎✨

မှားယွင်းတဲ့စကား၊ မှားယွင်းတဲ့ရွေးချယ်မှုနဲ့ မှားယွင်းတဲ့လမ်းစဉ်... 👣 ဒါတွေအားလုံးဟာ

လူသားတစ်ယောက်အနေနဲ့၊ လူသားစစ်စစ်တစ်ယောက်ဖြစ်ဖို့ ဖြတ်သန်းရမယ့် ဘဝရဲ့ အဖိုးတန်သင်ခန်းစာတွေပဲ ဖြစ်ပါတယ်။😇😇

တကယ်တမ်း အဓိကကျတာက အမှားထဲမှာပဲ နစ်မွန်းနေဖို့ မဟုတ်ပါဘူး။ အမှားတစ်ခု ကြုံပြီးတဲ့နောက်—

❌ ကိုယ့်ကိုယ်ကိုယ် ပိတ်လှောင်ပြီး အရှုံးပေးပစ်မလား?
🚀 သင်ခန်းစာယူ၊ ပြင်ဆင်ပြီး အားအသစ်နဲ့ ရှေ့ဆက်မလား?

ကျောက်ရိုင်းတစ်တုံးကို သေချာသွေးမှသာ အဖိုးတန်တဲ့ ရတနာတစ်ပါး ဖြစ်လာသလိုပဲ... အမှားတွေကို ရင်ဆိုင်၊

ကျော်ဖြတ်ပြီး ပိုကောင်းအောင် ပြင်ဆင်မှုကသာ
သင့်ဘဝရဲ့ တန်ဖိုးကို အစစ်မှန်ဆုံး ထုဆစ်ပေးသွားမှာ ဖြစ်ပါတယ်။ 🌟

✨ နောင်တတွေ၊ အမှားတွေထဲမှာ လည်ပတ်မနေဘဲ "သင့်ဘဝကို ပိုမိုတိုးတက်ပြောင်းလဲမယ်" လို့ ပြတ်ပြတ်သားသား ဆုံးဖြတ်ချက်ချထားပြီဆိုရင်တော့... 🤝
ကျွန်မ ကိုယ်တိုင် ဖြတ်သန်းခဲ့ရတဲ့ ဘဝအတွေ့အကြုံ အလှည့်အပြောင်းတွေနဲ့အတူ NLP (Neuro-Linguistic Programming) စိတ်ပညာရပ်တွေကို စနစ်တကျ ပေါင်းစပ်ပြီး

သင့်ဘဝရဲ့ လမ်းပြမြေပုံကို အကောင်းဆုံး ကူညီလမ်းပြပေးချင်ပါတယ်။

ဆုံးရှုံးမှုတွေကို အင်အားအဖြစ် ပြောင်းလဲပြီး အောင်မြင်မှုဆီ အတူတူ လျှောက်လှမ်းကြရအောင်။ 🚀🧠

🎯 One on One Master Coaching Session အတွက် အသေးစိတ်ကို Message (သို့) Chat Box ကနေတစ်ဆင့် လွတ်လပ်စွာ မေးမြန်းစုံစမ်းနိုင်ပါပြီရှင်။ 🤍

“ငါ့အတွက်တော့ နောက်ကျသွားပြီ ထင်တယ်..." ⏳💭

ဒီလိုအတွေးမျိုးနဲ့ ကိုယ့်ရဲ့ အိပ်မက်တွေကို လက်လျှော့ဖို့ ပြင်နေပြီလား?…..

တကယ်တော့ အသက်အရွယ်၊ ဘေးပတ်ဝန်းကျင် အခြေအနေတွေကြောင့်လို့ အကြောင်းပြချက် ပေးမိနေရင်... အဲ့ဒါဟာ ပြင်ပအတားအဆီးတွေကြောင့် မဟုတ်ပါဘူး။

ကိုယ့်စိတ်က ကိုယ့်ကို ပြန်ပြီး ပိတ်လှောင်ထားတဲ့ Limiting Beliefs ကြောင့်သာ ဖြစ်ပါတယ်။ 🧠🔒

ဘဝဆိုတာ တကယ်တော့ အချိန်တိုတိုလေးပါ။ ⏳

နှမြောဖို့ကောင်းတာက ကျွန်မတို့ဟာ သူတပါးရဲ့ အမြင်တွေ၊ ဝေဖန်မှုတွေကို ကြောက်ရွံ့ပြီး ကိုယ်တကယ် ဖြစ်ချင်တဲ့ဘဝကို အပြည့်အဝ မရှင်သန်ရဲဘဲ ဖြစ်နေတတ်ကြတာပါပဲ။

ဒါပေမဲ့ အမှန်တရားတစ်ခုကတော့... လူတွေဟာ ကျွန်မတို့ ထင်ထားသလောက် ကျွန်မတို့အကြောင်းကို အချိန်ပြည့် စိတ်မဝင်စားကြပါဘူး။
👥 လူတိုင်းက သူတို့ရဲ့ ကိုယ်ပိုင်ကမ္ဘာ၊ ကိုယ်ပိုင်ပြဿနာတွေနဲ့ပဲ အလုပ်ရှုပ်နေကြတာပါ။ 👌🏻

ဒါကြောင့် သူတပါးရဲ့ အာရုံစိုက်မှုတွေထဲမှာ ကိုယ့်ရဲ့ အဖိုးတန်တဲ့ ဘဝအချိန်တွေကို အဆုံးရှုံးမခံပါနဲ့။ 🙅🏻‍♀️
ဘဝမှာ မိမိကိုယ်ကိုယ် ရှာဖွေဖို့နဲ့ တစ်ခုခုကို အသစ်ကစဖို့အတွက် "နောက်ကျတယ်" ဆိုတာ ဘယ်တော့မှ မရှိပါဘူး။

💫 အခွင့်အရေးဆိုတာ နေ့ရက်တိုင်းမှာ အသစ်တစ်ဖန် ပြန်လည်မွေးဖွားနေပြီးသားပါ။ အသက်အရွယ်ဆိုတာ ကိန်းဂဏန်းတစ်ခုမျှသာ ဖြစ်ပြီး၊ အခြေအနေဆိုတာလည်း ပြောင်းလဲပစ်လို့ရတဲ့ အရာတွေပါ။

ကိုယ့်ရဲ့ နက်ရှိုင်းတဲ့ဆန္ဒ၊ ကိုယ့်ရဲ့ Intuition (ပင်ကိုယ်သိစိတ်) ကို ယုံကြည်ပါ။ ✨ ကိုယ်ဖြစ်ချင်တဲ့၊ ကိုယ်သွားချင်တဲ့ ပန်းတိုင်ဆီကို အခုပဲ ယုံကြည်ချက်ရှိရှိနဲ့ ရဲရဲဝံ့ဝံ့ ခြေလှမ်းလှမ်းလိုက်ပါ။ 👠💼

ပြောင်းလဲမှု (Transformation) ဆိုတာ အချိန်မရွေး စတင်လို့ရပါတယ်။ စတင်ဖို့ အကောင်းဆုံးအချိန်ကတော့ "အခု" ပါပဲ။ 🕊️🌿

အားလုံးအတွက် ခွန်အားဖြစ်ပါစေ💪🏻💪🏻😇