https://www.facebook.com/415318268842879/

Brighters English Professional, Mandalay (2026)

11/08/2026

Lesson plan ဆွဲရင် ဘာနဲ့စဖြစ်လဲတီချယ်တို့
"ဒါလေးကိုဘယ်လိုသင်မလဲ" နဲ့ စဖြစ်လား
"ဘာသိသွားအောင်သင်မလဲ" နဲ့စဖြစ်လား- အခြားလား

ကျနော်တို့ တီချာများအနေနဲ့ စာသင်ဖို့ Lesson Plan စဉ်းစားတဲ့အခါ "ဒါလေးကိုဘယ်လိုသင်မလဲ" "ဘာသိသွားအောင်သင်မလဲ" ဒီ ၂ ခုမှာ ဘာလေးနဲ့စဖြစ်ကြလဲနော။ အခုဖတ်ရမယ့်approach လေးက ဘယ်လိုလေးလဲ ဖတ်ကြည့်လိုက်ပါဦိး

အခုကျနော် Share ချင်တာလေးက Backward Design Approach တဲ့။ သမင်လည်ပြန် Lesson plan ဆွဲနည်းလေးပေါ့။ သူက "ဒီသင်ခန်းစာလေးကို ဘယ်လိုသင်မလဲ" နဲ့စတာမဟုတ်ပဲ "(ဒီသင်ခန်းစာမှာ) ဘာလေးသိသွားအောင်သင်မလဲ" နဲ့စတာပါတဲ့

ဟုတ်ပြီဗျ
Backward Design နဲ့ Lesson plan စဉ်းစားရင်
၁၊ သင်တန်းသားက ဘာသိချင်(ဘာသင်ယူဖို့လို)တာလဲ
textbook နဲ့သင်နေရင်လဲ ဒီသင်ခန်းစာလေးနဲ့ ကလေးတွေကို ဘာသိသွားအောင်
ဘာတတ်သွားအောင် သင်ပေးမှာလဲ နဲ့ စပါတယ်တဲ့
ဥပမာ- ကျောင်းသားက Writing ပိုင်းမှာ Unity and Coherance ဖြစ်အောင် ရေးတတ်ချင်တာလား- စသဖြင့်

၂၊ နံပါတ် ၁ စဉ်းစားပြီးရင် ကိုယ်သင်လိုက်တာ ကလေးတွေဘယ်လောက်သိသွား/တတ်သွားလဲကို ဘယ်လိုသိအောင်လုပ်မလဲ/စစ်ဆေးမလဲ (ဘယ်လို assessment လုပ်မလဲ) ဆိုတာ စဉ်းစားပါတယ်တဲ့
ဥပမာ- ဖြန်ကျဲထားတဲ့ စာကြောင်းတွေကို ဖြစ်စဉ်အတိုင်းပြန်စီခိုင်းကြည့်ပြီး စစ်ဆေးကြည့်မလား- စသဖြင့်

၃၊ အဲ့ဒီ ၂ ခုချိန်ပြီးရင် (စဉ်းစားပြီးရင်) သင်ကြားရေးမှာသုံးမယ့် Learning activity တွေ စဉ်းစားရပါတော့မယ်တဲ့
ကိုယ့်သင်ကြားမှုပန်းတိုင် (ရည်ရွယ်ချက်)ဆီရောက်အောင် activity ကို ဘယ်လို ဒီဇိုင်းဆွဲမလဲ။ တဆင့်ပြီးတဆင့် ဘယ်လိုခေါ်သွားမလဲ သေသေချာချာစဉ်းစားရပါတော့မယ်
သင်ကြားရေးမှာ သုံးမယ့် ပစ္စည်းတွေက သင်ယူတတ်မြောက်မှုကို အထောက်အပံ့ဖြစ်ရဲ့လား လိုက်ဖက်ရဲ့လား။ ရည်ရွယ်ချက်နဲ့ကိုက်ညီမှုရှိရဲ့လား ထည့်သွင်းစဉ်းစားရပါမယ်တဲ့

ဒီတော့ Backward Design Approach ကိုသုံးရင်
ကိုယ့်ပစ်မှတ်ကို တည့်တည့်ထိမယ်
ကျောင်းသားသိချင်တာ သိသွားမယ်၊ တတ်သွားမယ်။
သင်ယူတတ်မြောက်မှုကို စစ်ဆေးတဲ့စနစ်ပါတာမို့ ကိုယ့်သင်ကြားရေး ဘယ်လောက်ထိရောက်တယ်၊ ဘယ်နားအားနည်းလို့ ပြန်လုပ်ပေးဖို့လိုမယ် ဆိုတာ ရှင်းရှင်းလင်းလင်းသိသွားမယ်။ Goal နဲ့လိုက်ဖက်တဲ့ သင်ထောက်ကူ၊ activity တွေ ကြိုတင်ပြင်ထားလို့ ထိရောက်တယ်

ခြုံရရင်
-ဘာသိအောင်သင်မလဲ
-ဘယ်လိုစစ်ဆေးမလဲ
-ဘယ်လိုတတ်အောင်သင်မလဲ

သိမှတ်ထားတာလေး ပြန်မျှဝေတာပါ

05/08/2026

❌”မင်းရေးထားတာကောင်းတယ်ကွ” ဒီလိုမမပြောရပါဘူးတဲ့

ငယ်ငယ်တုန်းက ဆရာ့ဆီစာရေးပြတဲ့အခါ ကောင်း၊ သင့်၊ ညံ့ ဆိုပြီး ရေးပေးတာ သတိရမိတယ်။ ခုခေတ်တော့ မတွေ့မိတော့ပါဘူး။ ကောင်းပါတယ်

ကလေးတွေ စာရေးတဲ့အခါ Constructive Feedback ပေးဖို့ ပြောကြတယ်။
အင်္ဂလိပ်စာသင်တဲ့အခါ 4 skills မှာ တခုချင်းဆီကို Feedback ပေးတာ ပုံစံမတူပါဘူး

အခုမျှဝေချင်တာက Written Feedback ပေးပုံလေးပါ

❌မပေးသင့်တဲ့ Feedback
မင်းရေးထားတာ ကောင်းတယ်။ မကောင်းဘူး။ ရှင်းတယ်။ မရှင်းဘူး
ဒီလို Feedback မျိုးတွေ ပေးတာ ကလေးတွေအတွက် အလုပ်မဖြစ်ပါဘူး
ကလေးတွေ ဒီလို ကြားရင် ဘာကောင်းတာမှန်းမသိ။ ဘာမကောင်းလို့ ဘာပြန်ပြင်ရမှန်းမသိဖြစ်နိုင်လို့ ဒီလို Feedback ပေးတာ ရှောင်ရှားရပါမယ်

✅ပေးသင့်တဲ့ Feedback
ပေးသင့်တဲ့ပုံစံကတော့ SATPပါတဲ့

S - Specific ပေါ်လွင်အောင်ထောက်ပြခြင်း
မင်းစာကြောင်းလေးက အဓိပ္ပါယ်ဆီလျှော်တယ်။ ဒါပေမယ့် She go (Subject Verb Agreement) grammar ပြင်ဖို့လိုမယ်... ဒီလို ပေါ်လွင်အောင် ထောက်ပြပြောပေးဖို့လိုမယ်

A - Actionable ပြင်နိုင်အောင်နည်းလမ်းပေးခြင်း
မင်းစာကြောင်းလေးက အဓိပ္ပါယ်ကောင်းတယ်။ ဒါပေမယ့် She go (Subject Verb Agreement) ပြင်ဖို့လိုမယ်... လိုအပ်ရှင်/မရှင်းရင် Subject Verb Agreement အခန်းလေးပြန်ကြည့်လိုက်... စသဖြင့် ဘယ်လိုပြင်ရမယ်ဆိုတာ လမ်းတည့်အောင် ညွှန်းပေးဖို့လိုမယ်

T - Timely အချိန်မစွဲပဲပြင်ခိုင်းခြင်း
သူတို့ ရေးပြီးလို့ သိပ်မကြာခင်မှာပဲ Feedback ပေးနိုင်တာကောင်းပါတယ်
သူတို့ခေါင်းထဲမှာ အကြောင်းအရာက လတ်လတ်ဆတ်ဆတ်ရှိနေသေးလို့ဖြစ်ပါတယ်တဲ့

P - Positive အပြုသဘောဆောင်ခြင်း
ရေးလာတဲ့ အားထုတ်မှုကိုအသိအမှတ်ပြုပေးရမယ်။ ကောင်းတဲ့အချက်ကိုလည်း ကောင်းကြောင်း အသိအမှတ်ပြုပေးဖို့ လိုပါတယ်တဲ့

သိမှတ်ထားတာလေး မျှဝေတာပါခင်ဗျ

27/07/2026

#ကျောင်းသားကိုမေးခွန်းမေးတတ်ရဲ့လား

ဒီနေ့ ကျနော့်သင်တန်းမှာ ၁၆ နာရီကြာ ELT workshop လေးရဲ့ နောက်ဆုံးနေ့အဖြစ် Assessement & CPD အကြောင်း ပြောကြဆွေးနွေးကြပါတယ်

CPD အပိုင်းထဲမှာ ဆရာတွေအဆက်မပြတ်တိုးတက်အောင်လုပ်နေဖို့လိုတဲ့ area ၆ ခုပြောဖြစ်တယ်။ အဲ့ဒီထဲမှာမှ Questioning Technique ဆိုတာလေးပြန်လည်မျှဝေပါရစေ

ကျနော်တို့ စာသင်ပေးနေတဲ့ဆရာများအနေနဲ့ စာသင်ခန်းထဲမှာ ထိရောက်တဲ့သင်ကြားမှု (Effective Learning) တနည်းပြောရရင် (engagement and interaction)ဖြစ်စေချင်ကြပါတယ်။

ဒါဆို ဘာလုပ်ရမှာလဲ

မေးခွန်းမေးပါ
ကျောင်းသားကိုမေးခွန်းမေးပါ
ရည်ရွယ်ချက်ရှိရှိမေးခွန်းမေးပါ
မေးခွန်းမေးတဲ့စနစ်(Technique)ကို
လေ့လာပြီးမေးခွန်းမေးပါ

ဘယ်လိုမေးရမှာလဲ

"အခုတော့ borrow ဆိုတဲ့အဓိပ္ပါယ်ကို သိသွားပြီလား" လို့ မေးမယ့်အစား

When you borrow, do you take the book or give the book? Take
Do you return it later? Yes
Do you pay money? Usually no

ဒီလို ကျောင်းသားရဲ့နားလည်မှုအတိုင်းအတာကို သိချင်တဲ့မေးခွန်းမျိုးမေးတာကို Questioning technique လို့ခေါ်တာဖြစ်ပါတယ်

Questioning Technique အချို့
Why do you think the character left home? (open-ended question)
Is "book" a noun? (Closed question)
After teaching used to: Do I do it now? (No). Did I do it in the past?
(Yes) (CCQs)
Are you working alone or in pairs? (ICQs)
Can you explain your answer? (Probing questions)
Give students 3–5 seconds to think before answering. (wait time)
Ask a specific student: Aung Aung, what do you think? (Nomination)
(ဖြေစေချင်တဲ့ကျောင်းသားရဲ့နာမည် (သို့) ၂/၃ ဦးရဲ့နာမည်ခေါ်ပြီးမေးတာကို Nomination ခေါ်တာဖြစ်ပါတယ်)

ဆရာက ဒီလိုအတန်းထဲမှာ ကလေးတွေ နားလည်မလည်သိဖို့၊ သူတို့တွေးချင်လာအောင်လို့၊ ပါဝင်လုပ်ဆောင်ချင်လာအောင်လို့ ရည်ရွယ်ချက်ရှိရှိမေးတတ်မယ်ဆိုရင် (Questioning technique) ကို အသုံးချမယ်ဆိုရင် သင်ကြားမှုသင်ယူမှုထိရောက်တဲ့စာသင်ခန်းလေး ဖြစ်လာမှာ ပါလို့

သင်ယူနားလည်မိလိုက်တာလေးကို ပြန်လည်မျှဝေလိုက်ပါတယ်ခင်ဗျ

22/07/2026

စာဖတ် အုပ်ရေ ၉၀/၁၂၀/၁၅၀ ပြည့်တဲ့ကလေးများကို ဆုလက်ဆောင်ပေးအပ်ချီးမြှင့်နေတာပါ။

18/07/2026

(ကလေးတဦးရဲ့ လှုပ်ရှားမှုစွမ်းရည်
သင်ယူနိုင်စွမ်းက ပထမဆုံးအသက်
၈ နှစ်အတွင်း အထင်ရှားဆုံးလို့ဆိုပါတယ်)

သားသားမီးမီးတွေရှိသော မိဘများအတွက် (၁)
လှုပ်ရှားမှုဆိုင်ရာ ဖွံ့ဖြိုးတိုးတက်မှု (Motor Development)

ကလေးတဦးရဲ့ လှုပ်ရှားမှုစွမ်းရည်
သင်ယူနိုင်စွမ်းက ပထမဆုံးအသက်
၈ နှစ်အတွင်း အထင်ရှားဆုံးလို့ဆိုပါတယ်

လှုပ်ရှားမှုစွမ်းရည်ဆိုတာကဗျာ တွားသွားတာ၊ လမ်းလျှောက်တာမျိုး(Gross motor) နဲ့ ဇွန်းကိုင်တာ ခဲတံကိုင်တာ (Fine motor) တွေကိုပြောတာပါ။ မူကြိုကျောင်းတွေမှာ ကလေးတွေ သင်ယူကြပါတယ်

၈နှစ်အတွင်းမှာ (လှုပ်ရှားမှုဆိုင်ရာ ဖွံ့ဖြိုးတိုးတက်မှု) motor development တွေ အထင်ရှားဆုံးလို့ဆိုပေမယ့် လှုပ်ရှားမှုစွမ်းရည်တွေကို ဆက်သင်ယူနေနိုင်ပါသေးတယ်။ ဒါပေမယ့် motor development အခွင့်အလမ်းပွင့်နေစဉ်အတွင်း သင်ယူလေ့လာမှုတွေက အဆင့်မြင့်မားစွာတတ်မြောက်သည်အထိ ရှိနိုင်တယ် ဆိုပါတယ်

ကမ္ဘာကျော်ရှယ်လိုတူရိယာတီးခတ်သူ ယိုယိုမာ၊ အိုလံပစ်ရေကူးအားကစားသမား မိုက်ကယ်ဖဲလ်၊ တင်းနစ် ဆရီနာ နဲ့ ဗီးနပ်စ်ဝီလျံ၊ ကမ္ဘာကျော်ဂေါက်သီးသမား တိုက်ဂါးဝုဒ် တို့ဟာ အသက် ၈ နှစ်မတိုင်မီကတည်းက စွမ်းရည်တွေကို လေ့ကျင့်ခဲ့ကြတာလို့ဆိုပါတယ်

ကျနော်တို့ရဲ့ ကိုအောင်လ အန်ဆန်းကြီးလဲ သူ့သားသမီးတွေကို ခုကတည်းက လေ့ကျင့်ပေးနေပါပြီ။ အနာဂတ်အတွက် ဘယ်အချိန်ကစလို့ပြင်ဆင်ထားနေလဲဆိုတာ သိသာပါတယ်

ဒီတော့ လှုပ်ရှားမှုနဲ့ပတ်သက်တဲ့ အားကစား၊ တူရိယာ စတာတွေ သင်စေချင်ရင် ၈ နှစ်အတွင်း အကောင်းဆုံးလို့ဆိုလို့ရပါတယ်

ဖေဖေမေဖေတွေ သားသားမီးမီးတွေကို ပြုစုပျိုးထောင်ရာမှာ သတိထားစရာလေး မျှဝေပေးတာပါ

16/07/2026

သားသားမီးမီးတွေရှိတဲ့ ဖေဖေမေမေတို့အတွက်

ဒီနေ့ နေ့လယ် ကျနော့ကျောင်းသားဟောင်းလေးတယောက် ရောက်လာပြီး သူ့ကလေးသင်တန်းအပ်ဖို့လာရင်း စကားလေးတွေပြောဖြစ်တယ်

ကျနော့်လိုပဲ သူ့မှာ ၆နှစ်ကလေးတယောက်နဲ့ ၁၀ နှစ်ကလေးတယောက်။ စိတ်ဝင်စားစရာကောင်းတဲ့အရွယ်လေးတွေ

၁၀နှစ်အရွယ်ကလေးအတွက်သင်တန်းအပ်ဖို့ပြောရင်း ငယ်လေးလို့ခုမှလာဖြစ်တာပြောတော့
Neuropsychology စာအုပ်ထဲကအကြောင်းအရာလေးတွေ မျှဝေပြောဆိုဖြစ်တယ်

ဟုတ်ပြီ
၁၀ နှစ်က ဘာသာစကားသင်ဖို့ ငယ်သေးလား

သစ်ပင်လေးတပင်စိုက်လိုက်ရင် အမြစ်လေးတွေ၊ အရွက်လေးတွေ၊ အဖူးလေးတွေ တဖြည်းဖြည်းထွက်လာတာ မြင်ရတယ်

ကလေးတွေရဲ့ဦးနှောက်ဖွံ့ဖြိုးပုံကတော့ မမြင်ရတော့ သိဖို့ခက်တယ်
ပညာရှင်တွေပြုစုလေ့လာထားတဲ့ သုတေသနစာတမ်းတွေ စာအုပ်တွေဖတ်ရမှ သိရတယ်
(ပုံမှာကြည့်နိုင်ပါတယ်)

သင်ယူမှုဆိုတာ မွေးကတည်းကစပြီး သေဆုံးသည်အထိရှိတယ်ဆိုပေမယ့်
ဘာသာစကားသင်ယူဖို့အကောင်းဆုံးအချိန်၊ တူရိယာသင်ယူဖို့အကောင်းဆုံးအချိန်၊ စိတ်ခံစားမှုသင်ယူခြင်းအကောင်းဆုံးအချိန်ဆိုတာ ရှိပါတယ်တဲ့

ဆိုတော့ကာ
စပါးစိုက်တဲ့အခါ အမြစ်မထွက်ခင် အမြစ်ဆေး၊ အသီးမသီးခင်အသီးဆေး ပေးရသလိုပါပဲ
အသက်အရွယ်အရ ဖွံ့ဖြိုးလာတဲ့ဦးနှောက်နဲ့လိုက်ဖက်အောင် သင်ယူမှုအစီအစဉ်လုပ်တတ်ရင် ပိုလို့တတ်မြောက်မှုလွယ်ကူပြီး ပညာရှင်ဖြစ်တဲ့အထိအထောက်အပံ့ဖြစ်ကြောင်းတွေ ဖတ်ရတယ်

စပါးမှည့်ကာမှ အမြစ်ဆေးအသီးဆေးတွေရလာလည်း အလုပ်မဖြစ်တော့ပါဘူး
အသက်အရွယ်ပေါ်မူတည်ပြီး လုပ်ပေးရမယ့်(သင်ယူစေရမယ့်)ကိစ္စတွေကို (မအားသေးလို့၊ အလုပ်များလို့အကြောင်းမပြပဲ) ဖြစ်မြောက်အောင် ကူညီပေးရမှာပါ

ဘာကြောင့်လဲဆိုရင် သူတို့သင်နိုင်စွမ်းအကောင်းဆုံး
(ရွှေရောင်) အချိန်တွေကိုကျော်ကာမှ ခက်ခက်ခဲခဲသင်ယူနေရမှာမို့ဖြစ်ပါတယ်

ဘယ်အသက်အရွယ်မှာ ဦးနှောက်ဘယ်လိုဖွံ့ဖြိုးလာသလဲ။ ဘာတွေသင်ယူဖို့အကောင်းဆုံးလဲဆိုတာကို
ဆက်ပြီးမျှဝေပါဦးမယ်ခင်ဗျာ

16/07/2026

နာမည်ကျော် Applied Linguist တဦးဖြစ်တဲ့ Michael H. Long က
“language develops best when learners participate in the meaningful interactions and negotiate meaning during communication.” တဲ့

အပြန်အလှန် တုန့်ပြန်ပြောဆိုဆွေးနွေးရမှ Language develop ဖြစ်တယ် ဆိုတယ်

Vygotsky ရဲ့ socialculture theory မှာလည်း “Learning occurs through social interaction.” ဆိုတယ်။

များများပြောစေချင်ရင် Interactive activities တွေ စီစဉ်ပေးရတာပါပဲ

ဒီနေ့ Conversation Club ရောက်လာတဲ့ ကလေးတစ်စုကို တော့ interactive activity တစ်ခုလုပ်ကြတယ်

မေးခွန်း၅ ခုမေးပြီး ကိုယ်နဲ့ Friend ဖြစ်နိုင်သူကို မေးပြီးရှာကြတာ။ မေးခွန်းလေးတွေက
1. Hobbies and free time
2. Food and entertainment preferences
3. Personality and social style
4. Goals and dreams
5. Values and friendship

ပြီးတော့ အဖွဲ့ထဲမှာ ဘယ်သူနဲ့ future friend ဖြစ်နိုင်ကြောင်း ပြန်ရှင်းပြ

10/07/2026

Primacy-Recency Effect က ဘာလဲ
သင်ကြားရေးမှာဘယ်လိုအသုံးဝင်လဲ

ကလေးများဟာ သင်ကြားမှုရဲ့အစပိုင်းမှာ
Key wrods or main idea တွေကို
မှတ်မိကြပါတယ်တဲ့
ဉပမာ
crunchy
crispy
roast
raw
tasty
ဒီ ၅ လုံးသင်ရင် crunchy နဲ့ crispy ကို မှတ်မိတတ်
ကြသတဲ့ ဘာကြောင့်လဲဆိုတော့ သင်ကြားမှုရဲ့
အစပိုင်းမှာ ကလေးများဟာ
အာရုံစိုက်မှုကောင်းနေချိန်မို့လို့ပါတဲ့
ဒါကို Primacy Effect ခေါ်ပါတယ်တဲ့

စာသင်ပြီးဆုံးခါနီးမှာ သင်လိုက်ရတဲ့ raw နဲ့ tasty ကို
လည်း ခုလေးမှပြီးခါစမို့ မှတ်မိတတ်ပါသတဲ့
ဒါကို Recency Effect ခေါ်ပါသတဲ့

သင်ခန်းစာအစနဲ့ အဆုံးကြားထဲကဟာတွေကိုတော့
မမှတ်မိကြတာများသတဲ့

ဒီတော့ သင်ကြားရေးနယ်ပယ်မှာ
သင်ကြားမှု စ-လယ်-ဆုံး ကောင်းမွန်ဖို့
သင်ခန်းစာကို ဘယ်လိုပြင်ရမလဲဆိုတော့

သင်ခန်းစာစသင်ချိန်မှာ
Key words တွေ
အရေးကြီးတဲ့ Grammar point တွေ
သင်ခန်းစာရဲ့ရည်ရွယ်ချက်တွေ
မိတ်ဆက်ဆွေးနွေးရပါမယ်တဲ့

သင်ခန်းစာအလယ်ပိုင်းမှာတော့
Pair work
Role-plays
Reading
Listening
Games
Discussions
တွေနဲ့ သွားရမယ်တဲ့
ဘာကြောင့်လဲဆိုတော့ ဒီ activity တွေဟာ
အပြန်အလှန်တုန်ပြန်မှု(interactive)အားကောင်းတာမို့
attention ကျချိန်ကို ထိန််းပေးသွားတာကြောင့်
ဖြစ်ပါတယ်တဲ့

အဆုံးပိုင်းမှာတော့
Summarize the lesson အနှစ်ချုပ်ပေးတာ
key vocabulary တွေပြန်ပြောပေးတာ
concept-checking questions မေးတာ
သူတို့ကို ဒီနေ့ ဘာသင်ယူလိုက်ရလဲပြန်မေးတာ
quiz လေးတွေ မေးကြည့်တာ တွေ လုပ်ပေးပြီး
Recency Effect ကောင်းအောင်လုပ်နိုင်ပါသတဲ့

(ခြေထောက်ခွဲစိတ်ကုသမှုခံယူနေရတော့ ဘယ်မှ
မသွားနိုင်တာနဲ့ Neuopsychology စာအုပ်တစ်အုပ်
ဖတ်နေရင်း ပြန်မျှဝေလိုက်တာပါခင်ဗျ)

07/07/2026

Have Schools Changed With the Environment?

"ကျောင်းတွေဟာ ခေတ်နဲ့အညီ ပြောင်းလဲလာပြီလား"
တနည်းပြောရရင် စာသင်ခန်းတွေကျောင်းတွေဟာ ယနေ့ခေတ် ကလေးတွေသင်ယူလိုတဲ့၊ ကလေးတွေသင်ယူပုံနဲ့လိုက်ဖက်တဲ့ ပညာရေးစင်တာတွေအဖြစ် ပြောင်းကုန်ပြီလား။

ခေါင်းစဉ်လေးက သင်ကြားရေးနယ်ပယ်က ဆရာဆရာမတွေနဲ့ ပညာရေးစိတ်ဝင်စားသူတွေကို လှုပ်နိုးမယ့် အကြောင်းအရာလေးပါ။ ၂၀၁၄ နဲ့ ၂၀၁၅ ခုနှစ်ရဲ့ ပညာရေးစစ်တမ်းလေးနဲ့
အပြောင်းအလဲတခုကို မီးမောင်းထိုးပြလိုက်ပါတယ်

(Neuropsychology စာအုပ်တစ်အုပ်ထဲက မူရင်းအာတီကယ်ကို ကျနော်ဆီလျှော်သလိုပြန်လိုက်ပါတယ်)
Educators တွေဟာ ဦးနှောက်ရဲ့အလုပ်လုပ်ဆောင်ချက်အသစ်တွေကို ထပ်မံသိရှိလာတာနဲ့အမျှ သင်ကြားရေးအပြောင်းအလဲတွေကို လုပ်ဆောင်လာကြတယ်။ သဘောထားကွဲလွဲမှုအချို့တော့ ရှိသေးတာပေါ့လေ။

အခုဆိုရင် ကလေးတွေ(ဆယ်ကျော်သက်တွေ)ဘေးမှာ MP3 player, (၂၀၁၅ လောက်ကမို့ MP3 player ပေါ့။ ခုခေတ်ဆို YouTube, TikTok, AR, VR တွေဖြစ်မယ်ထင်တယ်)
cell phone, laptop, video games စသဖြင့် မာတီမီဒီယာတွေ ဝန်းရံလို့နေပါပြီ။ ဆိုတော့ ကျနော်တို့က သူတို့ကို ကျနော်တို့ရှေ့မှာ မိနစ် ၃၀ ကနေ မိနစ် ၅၀ အထိလောက် ဆရာ့စကားထိုင်နားထောင်ရင်း worksheet တွေလုပ်ရင်း (သို့) တဦးတည်း အလုပ်လုပ်ရင်း ငြိမ်ငြိမ်လေးနေဖို့ မျှော်လင့်လို့ရပါ့ဦးမလား

အမှန်ပါပဲ မျှော်လင့်လို့မရနိုင်ပါဘူး။ ဒီတော့ သင်ကြားရေးနည်းစနစ်တွေ ပြောင်းလဲနေပါပြီ။ ဆရာတွေဟာ နည်းပညာအသစ်တွေ စာသင်ခန်းထဲမှာ သုံးနေကြပါပြီ။ သင်ကြားရေးနည်းဟောင်းတချို့အစား ပေါ့ပ်ဂီတနဲ့ သင်ယူမှုပုံစံ(အသစ်)စလုပ်နေကြပါပြီ။ ဒါပေမယ့် အပြောင်းအလဲတွေဟာ ထင်သလောက် မြန်ဆန်မနေပါဘူး။ အထက်တန်းကျောင်းတွေမှာဆိုရင် ဟောပြောမှုပုံစံသင်ကြားမှုတွေ ရှိနေဆဲပါပဲ။ အကြောင်းကတော့ ကျယ်ပြန့်တဲ့ သင်ရိုးစာအုပ်ကြီးတွေရယ် စာမေးပွဲစနစ်တွေရယ်ကြောင့်ပါ။

ကျောင်းသားတွေကမှတ်ချက်ပြုကြတယ်။ ကျောင်းတွေဟာပျင်းစရာကောင်းတယ်၊ အပြင်မှာလိုစိတ်ဝင်စားစရာမကောင်းဘဲ လိုက်လုပ်နေရတယ်။
ဒီလိုအခြေအနေအသစ်တွေကို educators တွေက ကြိုးစားဖြေရှင်းနေပေမယ့် အထက်တန်းကျောင်းသားအတော်များများကတော့ စိတ်ဝင်စားစရာကောင်းလာတယ်လို့ မထင်ကြသေးပါဘူး။

၂၀၁၅ ခု၊ အထက်တန်းကျောင်းသားဦးရေ ၃၁၅၀၀၀ ပါဝင်တဲ့ စစ်တမ်းကောက်ယူမှုတခုမှာ ၆၁% က စိတ်ဝင်စားစရာကောင်းတယ်လို့ ဖြေတယ်။ (National Survey of Student Engagement, 2015)
၂၀၁၄ ခုနှစ် ၆ တန်းကနေ ၁၂ တန်းကျောင်းသားတွေပါဝင်တဲ့ စစ်တမ်းမှာတော့ ၄၃% က ကျောင်းက ပျင်းစရာကောင်းတယ်လို့ ဖြေတယ်။ (Qu***ia Institute for Student Aspirations, 2014)

ကျနော်အမြင်လေး ဆက်ပါရစေ။
ဒီစစ်တမ်းတွေက ၂၀၁၄/၅ ကပါ။ လတ်တလောစစ်တမ်းတွေဖတ်ရရင် ဘယ်လောက်စိတ်ဝင်စားစရာကောင်းမလဲ။ ဒါဟာ Educator တွေရဲ့ စာသင်ခန်းတွင်း နည်းပညာနဲ့ သင်ကြားမှုပုံစံသစ် အပြောင်းအလဲတွေကြောင့် ရလာတဲ့ ရလဒ်တွေ ဖြစ်နိုင်ပါတယ်

ကျနော်တို့ဆိုတဲ့ သင်ကြားပေးသူဆရာဆရာမများဟာ မျက်မှောက်ခေတ်ကလေးတွေကို ခေတ်နဲ့လျှော်ညီတဲ့သင်ကြားမှု၊ နည်းပညာအသုံးပြုမှု၊ သင်ကြားမှုပုံစံသစ်တွေကို အဆက်မပြတ်လေ့လာမနေရင်တော့ ခုခေတ်ကလေးတွေနဲ့ ပြဒါးတလမ်း သံတလမ်း ဖြစ်ကုန်ရော့မယ်။

ကျနော်တို့စာဆက်သင်ချင်ကြသေးတယ်ဆိုရင်တော့ ခေတ်နဲ့လျှော်ညီတဲ့ ဝန်းကျင်ကို ဖန်တီးကြရလိမ့်မယ်။ computer error တွေ မရှင်းတတ်ဘူး၊ App တွေ ကောင်းကောင်း မသုံးတတ်ဘူး၊ ai ကို ကောင်းကောင်းမသုံးတတ်ဘူး၊ Professional Development တွေ ရပ်တန့်နေတယ်ဆိုရင်တော့ သင်ကြားရေးထဲမှာ ရှိနေသည့်တိုင် တဖြည်းဖြည်းဝေးကွာလို့ကျန်ခဲ့ပါပြီ

တနည်းဆိုရရင် ကျနော်တို့ခေတ်မှာ နောက်မျိုးဆက်တွေကို တဆင့်မြင့်စေချင်ရင် ခေတ်နောက်မကျန်ခဲ့စေချင်ရင် ကျနော်တို့ ကိုယ်တိုင်ပြောင်းလဲကြမှဖြစ်မည်။ ကျနော်တို့ပညာသင်ပေးတဲ့ပုံစံကို ပြောင်းမှဖြစ်မည်

09/06/2026

စာသင်တာပျော်နေရုံနဲ့လည်းမပြီးဘူး
တိုးတက်လာတယ်လို့ခံစားရမှ

တိုးတက်လာတယ်လို့ခံစားနေရုံလည်းမပြီးဘူး
တိုးတက်မှုကို တိုင်းတာပေးတဲ့ စနစ်ရှိပါဦးမှ

တိုင်းတာပေးတဲ့ စနစ်ရှိနေရုံလည်းမပြီးဘူး
စနစ်က စံနှုန်းတွေရှိနေဖို့လိုသေးတယ်

စံနှုန်းတွေရှိနေရုံလည်းမပြီးဘူး
Selfie လေးလဲဆွဲတတ်ပါဦးမှ😄

Brighters English Professional

11/08/2026

05/08/2026

27/07/2026

22/07/2026

18/07/2026

16/07/2026

16/07/2026

10/07/2026

07/07/2026

09/06/2026

Address

Telephone

Website

Alerts

Contact The School

Shortcuts

Share

Category

Listing takedown request