CHALK Learning Academy

သင်ကြားပို့ချသူတွေနဲ့ သင်ယူသူတွေ ဆက်သွယ်၊ဆက်ဆံကြဖို့အတွက် စကားလုံးတွေကိုသာ အသုံးပြုနိုင်တာမဟုတ်ပါဘူး။ အမူအရာတွေ၊ အပြုအမူတွေကလည်း သတင်းအချက်အလက် သယ်ဆောင်ပေးနိုင်ပါတယ်။ သင်ကြားပို့ချသူရဲ့ စကားလုံးတွေကို ပိုမိုလေးနက်စေနိုင်ပါတယ်။ ပို့ချသူပဲ ဖြစ်ဖြစ် သင်ယူသူပဲ ဖြစ်ဖြစ် အပြန်အလှန် ဆက်သွယ်ပြောဆိုတဲ့အခါ Non Verbal Communication နည်းလမ်းတွေကို အသုံးပြုလေ့ရှိကြပါတယ်။ အမျိုးမျိုးသော Non Verbal Communication နည်းလမ်း၊ အပြုအမူတွေရှိတဲ့အထဲမှာ မျက်လုံးခြင်းဆက်သွယ်ပြောဆိုတဲ့ Eye Contact ဆိုတာလည်း တခုအပါအဝင်ပေါ့။
ပြောကြားသူက နားထောင်သူတွေ၊ ဒါမှမဟုတ် နားထောင်သူတစုံတယောက်ကို တိုက်ရိုက်ကြည့်ရှုဆက်သွယ်တဲ့အခါ Eye Contact ဖြစ်လာပါတယ်။ အကြောင်းအရာ တခုခုကို တင်ပြပြောဆိုနေတာသာမကပဲ နားထောင်သူထံက တုန့်ပြန်မှုရယူဖို့အတွက်လည်း Eye Contact ကို အသုံးပြုလေ့ရှိကြပါတယ်။
ဆက်သွယ်ပြောဆိုမှုတွေဟာ ပါဝင်သူတွေရဲ့ အနေအထားအလိုက် မတူညီတဲ့ စည်းမျဥ်းတွေရှိတတ်ပါတယ်။ ဥပမာ ဆရာ၊ဆရာမနဲ့ ကျောင်းသား၊ကျောင်းသူတွေအကြား ဆက်သွယ်ပြောဆိုတဲ့အခါ မတူညီတဲ့ အခြေအနေနှစ်ရပ်က လူတွေပါဝင်နေတာတွေ့ရမှာပါ။ အဲ့ဒီလိုအနေအထားမျိုးမှာ ပါဝါပိုမြင့်တဲ့ ဆရာ၊ဆရာမတွေက နားထောက်သူကျောင်းသားတွေကို တိုက်ရိုက်ကြည့်ရှုဆက်သွယ်နိုင်ခွင့်ပိုများသွားတယ်လို့ ဆိုနိုင်ပါတယ် ။ ဆရာ၊ဆရာမများက Eye Contact ပိုမိုအသုံးပြုခွင့်ရသွားတယ်လို့ ဆိုလို့လည်းရပါတယ်။
သတိပြုစရာတခုက နားထောင်သူ သို့မဟုတ် ကျောင်းသား၊ကျောင်းသူတွေကို အဆက်မပြတ် Eye Contact ပေးမိတဲ့အခါ လက်ခံရယူရသူကျောင်းသားအနေနဲ့ ကိုယ့်ကိုယ်ကိုယ် မလုံမလဲ ဖြစ်လာတတ်တာမျိုးပါ။ မရည်ရွယ်ပေမယ့် ဖြစ်သွားတတ်တာမျိုးပါ။ အလားတူပါပဲ။ သင်ကြားပို့ချသူ သို့မဟုတ် ဆရာ၊ဆရာမ အသစ်တွေအနေနဲ့ဆိုရင်လည်း ကျောင်းသား၊ကျောင်းသူတွေထံ အဆက်မပြတ်သော Eye Contact ပေးရတာ အဆင်မပြေသလိုဖြစ်တတ်ပါတယ်။ ဘယ်လိုပဲ ဖြစ်ပါစေ သုတေသန လေ့လာချက်များအရ Eye Contact ဟာ ပို့ချသူအတွက်ပဲ ဖြစ်ဖြစ်၊ ေလ့လာသူအတွက်ပဲ ဖြစ်ဖြစ် မှတ်သားနာယူမှုအတွက် အထောက်အကူဖြစ်တယ်ဆိုတာ တွေ့ရှိရပါတယ်။ အခြားဆက်သွယ်ပြောဆိုမှုများလိုပဲ Eye Contact အသုံးပြုမှုမှာလည်း ပြသနာအချို့ရှိနေတတ်ပါတယ်။ တခါတရံ လေ့လာသူဘက်က မျှော်လင့်ထားတာလောက် Eye Contact မရတဲ့အခါ နားလည်မှုလွဲမှားသွားတတ်ကြတာမျိုးပါ။ အဲ့ဒီလိုဖြစ်တဲ့အခါ လေ့လာသူရဲ့ တက်ကြွစွာသင်ယူမှုကိုပါ ထိခိုက်စေတတ်ပါတယ်။ ဥပမာ ပို့ချသူက လူအုပ်စုတစုကိုပဲ Eye Contact ရှိနေတယ်လို့ အခြားသူများက ခံစားသွားရရင် ၄င်းတို့ရဲ့ သင်ယူလေ့လာမှု လျော့ကျတာမျိုး နဲ့ မျှတမှုမရှိဘူး၊ ဂရုစိုက်မှုမရှိဘူးလို့ အထင်အမြင်မှားတာမျိုး ဖြစ်သွားတတ်တာမျိုးပါ။ ဒါကြောင့် Eye Contact အသုံးပြုတဲ့အခါ လိုအပ်သလို အာရုံစိုက်မှုပေးပြီး အသုံးချရပါတယ်။ လေ့လာသူအားလုံးကို အလှည့်ကျ Eye Contact ပေးဆက်သွယ်ရတာမျိုးရှိသလို တဦးချင်းကို တိုက်ရိုက်ကြည့်ရှု ဆက်သွယ်ရတာမျိုးလည်းရှိပါတယ်။
ဆရာ၊ဆရာမများနဲ့ ကျောင်းသား၊ကျောင်းသူများအကြား အလားတူအလွဲအမှားမျိုးမဖြစ်ဖို့အတွက် ဆရာ၊ဆရာမများက လေ့လာမှတ်ယူထားရလေ့ရှိပါတယ်။ ကျောင်းသား၊ကျောင်းသူတွေက ဘယ်အချိန်၊ ဘယ်အခြေအနေမှာ Eye Contact ပေးတာကို လိုအပ်သလဲဆိုတာကို သိရှိနားလည်ထားဖို့လိုပါတယ်။ လိုအပ်သလို Eye Contact ဖြန့်ကျက်အသုံးပြုပေးရပါတယ်။
Eye Contact ပေးရတဲ့အနေအထားဟာ စာသင်ခန်း သို့မဟုတ် သင်တန်းခန်းမရဲ့ ခင်းကျင်းမှုအလိုက် အပြောင်းအလဲ ရှိနိုင်ပါတယ်။ သမရိုးကျ ခုံတန်းအလိုက် စီတန်းထားတဲ့ စာသင်ခန်းမျိုးနဲ့ စက်ဝိုင်းပုံ၊ ပစောက်ပုံ(U shape) ပုံစံမျိုး ခင်းကျင်းထားတဲ့ စာသင်ခန်းတွေအကြား အသုံးပြုရတဲ့ Eye Contact နည်းလမ်းခြင်း တူညီနိုင်မှာမဟုတ်ပါဘူး။ နှစ်ဦးနှစ်ဖက် သက်တောင့်သက်သာရှိပြီး အပေးအယူမျှတဲ့ Eye Contact တွေဟာ Verbal Communication တွေကို ကောင်းမွန်စွာ အထောက်အပံ့ပေးနေတာကတော့ အသေအချာပါပဲ။ ဘယ်အခြေအနေမှာ ဘယ်လို Eye Contact ကိုရယူအသုံးပြုမလဲ ဆိုတာကတော့ အတွေ့အကြုံတွေနဲ့ လိမ္မာပါးနပ်မှုတွေက သင်ပေးသွားမှာပါ။ အလေ့အကျင့်များလာတာနဲ့အမျှ သက်တောင့်သက်သာရှိလာမှာပါ။ စာသင်ခန်းအတွင်းမှာ Verbal Communication ရော Non Verbal Communication ရော အသုံးပြုပြီး အကောင်းဆုံးဆက်သွယ်သင်ကြားနိုင်ဖို့ အတူတူကြိုးစားသွားကြရအောင်ပါ။




မှီငြမ်း > Diploma in Teaching Skills For Educators Couse
Photo Credit

"Online သင်တန်းများ တက်ရောက်ခြင်း၏ အကျိုးကျေးဇူး (10)ချက်"
# # # # # # # # # # # # # # # # # # # # # # #
(၁) အခုလိုအချိန်အခါမှာ ပါဝင်တက်ရောက်နိုင်တဲ့ အွန်လိုင်း သင်တန်းတွေ အမြောက်အများ ရှိနေပြီ ဖြစ်ပါတယ်။ တနည်းအား​​​ဖြင့် လေ့လာသူတွေအတွက် ကိုယ့်စိတ်ကြိုက်ရွေးချယ်တက်ရောက်ဖို့ အခွင့်အလမ်းတွေအများအပြားရှိလာတယ်လို့ဆိုနိုင်ပါတယ်။ အွန်လိုင်းသင်တန်းတွေမှာဆိုရင် ဘာသာစကား၊နည်းပညာ၊ လူမှုရေးကအစ ကျွမ်းကျင်တတ်မြောက်ဖို့လိုတဲ့ ဘာသာရပ်တွေ၊ skills တွေကို အင်စတီကျုအသီးသီးကနေ စီမံဖွင့်လှစ်နေတာကို တွေ့ရမှာပါ။ အဲ့ဒီလို ရွေးချယ်စရာ အမြောက်အများရှိလာခြင်းဟာလည်း အွန်လိုင်းသင်တန်းတွေရဲ့ အားသာချက်တစ်ခုပါ။
(၂) သင်တန်းဆင်းလက်မှတ်တွေ၊ ဒီပလိုမာ၊ ဘွဲ့၊ ဒီဂရီ အစရှိတဲ့ အသိအမှတ်ပြုမှုများကို ပုံမှန်သင်တန်းများ တက်ရောက်သကဲ့သို့ ရရှိနိုင်တာကလည်း အွန်လိုင်းသင်တန်းတွေရဲ့ အကျိုးကျေးဇူး တခုပါပဲ။
(၃) ကုန်ကျစရိတ်သက်သာတာကိုတော့ အထူးတလည်ညွန်းဆိုနေစရာမလိုတော့ဘူးထင်ပါတယ်။ အကယ်၍ သင်တန်းကြေးဟာ ပုံမှန်သင်တန်းတွေနဲ့ တူညီနေတယ်ဆိုရင်တောင် သင့်အနေနဲ့ သွားလာစရိတ် စတာတွေ ကုန်ကျမှုမရှိတော့ဘဲ လေ့လာနိုင်မှာပါ။
(၄) စာမေးပွဲတွေ၊ အကဲဖြတ်စစ်ဆေးမှုတွေ လူကိုယ်တိုင်သွားဖြေရင်း ချွေးပျံနေရတာမျိုး ဖြစ်ဖူး ကြလား။ အွန်လိုင်း သင်တန်းတွေမှာတော့ အဲ့ဒီလို ဖြစ်ရပ်တွေကင်းဝေးပြီး သက်တောင့်သက်သာ ကျော်ဖြတ်ရမှာပဲ ဖြစ်ပါတယ်။ သင်တန်းတချို့ကတော့ အကဲဖြတ်စစ်ဆေးမှုတွေ လုပ်ဆောင်နိုင်ပေမယ့် လူကိုယ်တိုင် သွားရောက်ရတာမျိုးမဟုတ်တော့ဘူးပေါ့။
(၅) အွန်လိုင်းသင်တန်းတွေမှာ သင်ကြားပို့ချသူဟာ နေရာဒေသမရွေးကနေ သင်ကြားပို့ချနိုင်သလို ဘယ်နေရာကလူမဆို လေ့လာတက်ရောက်နိုင်တာလည်း အကျိုးကျေးဇူး တခုဆိုမမှားပါဘူး။
(၆) သင်ထောက်ကူပစ္စည်းတွေ၊ သင်ကြားပို့ချက်တွေဟာ အွန်လိုင်းရှိနေတာနဲ့အမျှ လက်လှမ်းမီနေမှာပါပဲ ဖြစ်ပါတယ်။ ဗီဒီယိုများ၊ သင်ကြားပို့ချချက်များကိုလည်း အလိုရှိတိုင်း ပြန်ကြည့်လို့ရနေတာကလည်း အားကောင်းချက်တခုပဲ ဖြစ်ပါတယ်။
(၇) လူအများရှေ့မှာ သွားလာပြောဆိုဖို့ စိုးရွံ့သူတွေ၊ ရှက်ကြောက်တတ်သူတွေဟာ အွန်လိုင်းသင်တန်းတွေမှာ ပိုမိုပါဝင်လှုပ်ရှားနိုင်ကြပါတယ်။ သူတို့ စိုးရိမ်ပူပန်တတ်တဲ့ မျက်နှာခြင်းဆိုင် ပြောဆိုလှုပ်ရှားရတာတွေ မရှိတဲ့အတွက် သက်တောင့်သက်သာ လေ့လာသင်ယူနိုင်ကြပါတယ်။
(၈) လေ့လာသူဟာ ကိုယ့်ရဲ့ လေ့လာချိန်ကို ကိုယ်အဆင်ပြေသလို သတ်မှတ်လို့ရတာကလည်း အွန်လိုင်းသင်တန်းတွေရဲ့ အကျိုးကျေးဇူးတခုပေါ့။ အလုပ်များတဲ့သူတွေဟာ သူတို့အားလပ်ချိန်မှာ ဝင်ရောက်လေ့လာလို့ရနိုင်ပြီး အချိန်စီမံခန့်ခွဲရတာ ပိုမိုအဆင်ပြေလာနိုင်တာမျိုးပေါ့။ (နောက်မှကြည့်မယ်ဆိုပြီး ရွေ့ထားရင်း သင်ခန်းစာတွေ ပုံသွားမှာတော့ သတိထားရမှာပေါ့😁)
(၉) လေ့လာသူတွေဟာ နေရာဒေသမရွေးက လူတွေနဲ့ ချိတ်ဆက်ဆွေးနွေးခွင့်တွေ ရရှိနိုင်တာကိုလည်း ချန်ထားလို့မရပါဘူး။ လေ့လာသူအချင်းချင်းကြား အတွေ့အကြုံ တွေ မျှဝေရင်း အတွေးအမြင်တွေ တိုးပွားစေမှာပါ။
(၁၀) အွန်လိုင်းသင်တန်းကောင်းဆိုရင် အချိန်နဲ့တပြေးညီ Up to Date ဖြစ်နေလေ့ရှိပါတယ်။ ဒါကြောင့် လေ့လာသူတွေအနေနဲ့ အချိန်နဲ့ တပြေးညီ သတင်းအချက်အလက်တွေ ရရှိနေမှာဖြစ်ပါတယ်။
ဒါတွေကတော့ အွန်လိုင်းသင်တန်းတွေနဲ့ အွန်လိုင်းသင်တန်းတွေ တက်ရောက်ခြင်းကနေ ရရှိနိုင်တဲ့ အကျိုးကျေးဇူးတွေပါပဲ။ လူချင်းခပ်ခွာခွာနေရတဲ့ကာလမှာ ကိုယ့်အတွက် အကျိုးများစေတဲ့ အွန်လိုင်း သင်တန်းတွေ တက်ရောက်လေ့လာရင်း ကျန်းမာရွှင်လန်းကြပါစေလို့ ​မြေဖြူခဲတို့က ဆုမွန်ကောင်းတောင်းပေးလိုက်ပါတယ်...။
(Ref from How to create an onlime course)

Credit

Phrase ti Use at the Doctors

Pronouns Table

Learning style (သင်ယူမှုပုံစံ) နဲ့ Learning Strategy (သင်ယူမှု နည်းစနစ် သို့မဟုတ် သင်ယူမှု နည်းလမ်း)
***** ***** ***** ***** ***** ***** ***** ***** *****
လေ့လာသင်ယူမှုဆိုတာ တသက်တာလုပ်ငန်းစဥ်တခုဖြစ်တယ်လို့ဆိုကြတယ်။ ကျတော်တို့တွေဟာ တချိန်မဟုတ်တချိန်မှာ သင်ယူသူတွေ ဖြစ်နေကြတတ်တယ်လို့ဆိုရမလိုပါပဲ။ ဒီလိုစဥ်ဆက်မပြတ် လေ့လာသင်ယူနေရတဲ့ လူတွေမှာ တယောက်နဲ့တယောက် သင်ယူပုံတွေ၊ လေ့လာမှတ်ယူပုံ နည်းစနစ်တွေ ကွဲပြားခြားနားလေ့ရှိကြပါတယ်။ ကိုယ်အားသာတဲ့ ပုံစံနဲ့ သင်ယူရတဲ့အခါ အလွယ်တကူမှတ်မိလေ့ရှိပြီး၊ ကိုယ်သဘောကျနှစ်ခြိုက်တဲ့ မှတ်သားမှု ပုံစံနဲ့ လေ့လာမှတ်သားလေ့ရှိကြပါတယ်။
ဒါတွေကတော့ သင်ယူသူတွေရဲ့ Learning Style နဲ့ Learning Strategy တွေ ပါပဲ။ တယောက်နဲ့တယောက် အားသာတဲ့ပုံစံ၊ အသုံးပြုတဲ့ နည်းလမ်းတွေ တူကြမှမဟုတ်ပါဘူး။ ဒါတွေကို သင်ကြားပို့ချသူတွေကလည်း သတိပြုမိဖို့လိုအပ်ပါတယ်။
Learning Style ဆိုတာဘာလဲ?
အကျဥ်းချုပ် နဲ့အလွယ်တကူပြောရရင် သင်ယူသူတယောက်ဟာ ဘယ်နည်းလမ်း၊ ဘယ်ပုံစံနဲ့ချဥ်းကပ် သင်ယူ​လေ့ရှိသလဲ၊ အားသာသလဲ ​​ဖော်ပြတာပါ။ ဥပမာအဖြစ် အမြင်နဲ့ သင်ယူတာ၊ အကြားနဲ့သင်ယူတာ၊ ကိုယ်တိုင်ပါဝင်လှုပ်ရှားမှုနဲ့သင်ယူတာ စသည်ဖြင့်ဖြစ်ပါတယ်။
Learning Strategy ကတော့ သင်ယူလေ့လာသူက ဘယ်လိုလေ့လာမှတ်သားလဲဆိုတာပါ။ ဥပမာ ဆိုရရင် ချရေးလိုက်ရမှ မှတ်မိတာမျိုး၊ အော်ကျက်မှ မှတ်မိတယ်ဆိုတာမျိုးပါ။ သင်ယူသူတယောက်နဲ့တယောက် အသုံးပြုတဲ့ နည်းလမ်းတွေကွဲပြားနိုင်ပါတယ်။
Learning Style က ယေဘုယျအားဖြင့် ဆိုလိုတာဖြစ်ပြီး Learning Strategy ကတော့ ပိုပြီး အတိအကျ၊ အသေးစိတ်သွားတယ်လို့ဆိုနိုင်ပါတယ်။
Learning Style မှာလူသိများတာကတော့ Visual(အမြင်), Auditory (အကြား) နဲ့ Physical or Kinesthetic (လှုပ်ရှားမှု) နဲ့သင်ယူခြင်းတွေပါပဲ။ ဒီထက်လည်းပိုရှိပါသေးတယ်။ ဆက်လက်လေ့လာကြည့်နိုင်ပါတယ်။ ဒီမှာတော့အသေးစိတ်မဖော်ပြတော့ပါဘူး။
အဓိကပြောချင်တာက သင်ယူသူတွေမှာ အားသာတဲ့ သင်ယူမှုပုံစံ၊ သင်ယူမှုနည်းစနစ်တွေကွဲပြားလေ့ရှိကြတယ်ဆိုတာပါ။ သင်ကြားပို့ချသူအနေနဲ့ ကိုယ့်ရဲ့သင်ယူသူက ဘာကိုပိုအားသန်သလဲဆိုတာကို သိရင် သင်ယူမှုလုပ်ငန်းစဥ်မှာ ပိုထိရောက်ပါတယ်။ နောက်ပြီး မတူကွဲပြားတဲ့ သင်ယူမှုပုံစံတွေ၊ သင်ယူသူတွေအတွက် အဆင်ပြေအောင်လုပ်ဆောင်ပို့ချပေးသင့်ပါတယ်။ အမြင်နဲ့ သင်ယူမှုပုံစံကို အားသာသူတွေဟာ ထိုင်ပဲ ပြောနေတဲ့သင်ခန်းစာကို မှတ်မိသွားဖို့ ခက်ပါလိမ့်မယ်။ အကြားနဲ့ သင်ယူမှုကို အားသာသူကလည်း ရေးပြနေတာတွေ၊ ဗီဒီယိုတွေကနေတဆင့် လေ့လာရတဲ့အခါ တခြားလူထက်အားစိုက်ရပါလိမ့်မယ်။ ဒါတွေကို နားလည်ထားပြီး မိမိရဲ့ သင်ကြားပို့ချမှုမှာ နည်းလမ်းမျိုးစုံ အသုံးပြုသွားပေးဖို့လိုပါတယ်။ ဒါ့အပြင် သင်ယူသူတယောက်ချင်းရဲ့ သင်ယူလေ့လာတဲ့ နည်းစနစ်မတူတာကို အသိအမှတ်ပြုပေးပြီး သူတို့ရဲ့ သင်ယူမှု လုပ်ငန်းစဥ်မှာ အကောင်းဆုံးအသုံးချတတ်အောင် အားပေးလုပ်ဆောင်ပေးသွားဖို့ အကြံပြုတိုက်တွန်းပါရစေ။



Photo credit

"Some Ideas for Successful Oral Presentation"
# # # # # # # # # # # # # # # # # # # # # # # # # # # # #

1) Try to know how much does the audience already know about your topic. Please don't bore them by going over familiar materials.
2) Use illustrative materials for your discussion.
3) Speak in a controlled and measured tone.
4) Use Notes. Notes not a written speech.
5) Be natural.
6) Try to look as if you are enjoying the experience. The more comfortable you are, the more responsive your audience will be.
7) Work at maintaining the eye contact with audience.
8) Practice your presentation beforehand. Practice including significant pauses between different parts of your speech.
9) Practice giving greater emphasis to some points. This can be done in a number of ways.
10) Enjoy the experience!

credit to Alison Course
Photo credit:

"အွန်လိုင်းသင်တန်းအတွက် ပြင်ဆင်ခြင်း"
.............. ................. ................. ............
အွန်လိုင်း သင်တန်း​တွေမှာ ပါဝင်မယ့်သူတေွအတွက် ပြင်ဆင်ရမယ့် အချက်အလက်များကို ဝေမျှပါရစေခင်ဗျာ။ အပိုင်း (2) ပိုင်းခွဲဲပြီးပြောပေးပါ့မယ်။
အွန်လိုင်းသင်တန်းမှာလည်း အပြင်ကသင်တန်းတခုလိုပါပဲ။ ဦးဆောင်မယ့်သူနဲ့ ပါဝင်မ့ယ်သူရယ်လို့ ရှိတတ်ပါတယ်။ (စေ့စပ်ဆော်သြသူ သို့မဟုတ် ပံပိုးကူညီသူနဲ့ ပါဝင်ဆွေးနွေးသူလည်းဖြစ်နိင်ပါတယ်)။
ပထမဆုံးအနေနဲ့ နှစ်ဖက်လုံးက ကြိုတင်ပြင်ဆင်ရမယ့်အချက်များ ပြောပါရစေ...။
1) ပြင်ပလက်တွေ့သင်တန်းလို ခံစားပါ။
အွန်လိုင်းကသင်ရတာဖြစ်ပေမယ့် လက်တွေ့သင်တန်းလိုပဲ ခံစားပြင်ဆင်လိုက်ပါ။ ပိုပြီးစိတ်ပါဝင်စားမှုရှိလာစေအောင်ပါခင်ဗျာ။
2) လိုအပ်သည်များ ပြည့်စုံအောင်လုပ်ဆောင်ထားပါ။
ဖုန်း၊ နားကြပ်၊အားသွင်းကြိုး၊ မှတ်စုစာအုပ်အစရှိသဖြင့် စုံလင်အောင်ပြင်ဆင်ထားပါ။ အချိန်နည်းနည်းနဲ့သင်ရတာဖြစ်လို့ ကင်မရာပိတ်ပြီး ထသွားလို့ရပေမယ့် တခြားသူတွေလည်း ပါဝင်နေတော့ အခက်အခဲ မဖြစ်အောင်ပါ။ နောက်ပြီး ဖုန်း၊ ကွန်ပြူတာ တို့ကို ကြိုတင်အားသွင်းထားပါ။ ဖုန်းဘေလ်လည်းဖြည့်ထားပါ😁😁။
3)နေရာထိုင်ခင်း ပြင်ဆင်ပါ။
အဆင်ပြေဆုံးဖြစ်မယ့်နေရာကိုရွေးပါ။ ကိုယ့်အတွက်သက်တောင့်သက်သာဖြစ်စေမယ့်နေရာလည်းဖြစ်၊ ပုံစံလည်းဖြစ်အောင် ပြင်ဆင်ထားတာပိုကောင်းပါတယ်။ ဖုန်းနဲ့ဆိုရင် လက်က ကိုင်ထားရင် ညောင်းမှာဖြစ်လို့ ဘယ်လိုထားလို့ရမလဲစဥ်းစားပြီးပြင်ဆင်ထားရင် သက်သာပါတယ်။ နောက်ပြီး ထိုင်မယ်ဆ်ုရင် ဘယ်လိုထိုင်တာကိုယ့်အတွက်အဆင်ပြေဆုံးဖြစ်မလဲဆိုတာသာရွေးပါ။ (လိုင်းကောင်းမယ့်နေရာလည်းရွေးရသေးတာကတော့ ခြွင်းချက်😁)
4)အခြား အရင်းမြစ်(ဥပမာ ဗီဒီယို၊ ဓာတ်ပုံ၊ စာအုပ်) တွေသုံးပါ။
အချိန်အကြာကြီးယူရင် ငြီးငွေ့မှာဖြစ်လို့ အခြားစာအုပ်အစရှိတာတွေကို သုံးရမှာပါ။ ဖတ်လို့ရတဲ့စာအုပ်တွေ၊ ကြည့်လို့အဆင်ပြေမယ့် ဗီဒီယိုတွေ စသည်ဖြင့် ပို့ပေးနိုင်ပါတယ်။
5) အနားပေးပါ။ အနားယူပါ။
ဒါက ၂ ဦး ၂ဖက်ပြင်ဆင်လိုက်နာရမှာတွေပါ။
ကိုယ်ကဦးဆောင်မယ်ဆိုရင်တော့
> ကိုယ်နဲ့အတူပါဝင်မ့ယ်သူအရေအတွက်နဲ့ အနေအထားတွေ ကြိုတင်သိထားဖို့လိုပါတယ်။
သူတို့ရဲ့အနေအထားတွေကို နားလည်သိရှိထားခြင်းအားဖြင့် သင်တန်းအတွက်ပြင်ဆင်တဲ့အခါအထောက်အကူဖြစ်စေမှာပါ။
> သင်တန်းစည်းမျဥ်းစည်းကမ်းများ သို့မဟုတ် ဆောင်ရန်ရှောင်ရန်များ ချမှတ်ပါ။ ဥပမာ ကွန်နက်ရှင်ပြတ်တောက်သွားတာမျိုး၊ လိုင်းကျသွားတာမျ်ုး စသည်ဖြင့် ပြသနာတစုံတရာဖြစ်လာတဲ့အခါ ကင်မရာ ပိတ်ထားဖို့၊ စကားမပြောတဲ့သူက Mute လုပ်ထားဖို့စသည်ဖြင့် ကြိုတင်ချမှတ်ထားန်ုင်ပါတယ်။
> ကိုယ်နဲ့ပါဝင်မယ့်သူတွေ အဆင်ပြေဆုံးဖြစ်မယ့် မီဒီယာကို အသုံးပြုပါ။ မက်ဆင်ဂျာ၊ ဂူဂဲလ်ဟမ်းအောက် စသည်ဖြင့် အဆင်ပြေဆုံးကိုရွေးချယ်အသုံးပြုပေးပါ။
> စာကြောင်းတိုတို ဒါမှမဟုတ် စကားလုံးတိုတို နဲ့ ရှင်းရှင်းများကို အများဆုံးသုံးပေးပါ။
> ရွှင်လန်းတက်ကြွမယ့် လှုပ်ရှားမှုများကြိုတင်စဥ်းစားပြီး အသုံးပြုပေးပါ။ ဒီနေရာမှာ လှုပ်ရှားမှုဆိုတာ ပြေးလွှားဆော့ကစားရတာမျိုးတော့မဟုတ်ပါဘူး။ အနားပေးတဲ့သဘော၊ ရင်းနှီးပွင့်လင်းစေတဲ့သဘော သက်ရောက်တဲ့ ပြောဆိုကစားနည်းမျိုးတွေ အသုံးပြုန်ုင်ပါတယ်။ ဥပမာ ဟာသပြောတာမျိုး
> မိမိရဲ့ တာဝန်နှင့် လုပ်ဆောင်ရမည့်အချက်များကို သတိတရရှိနေစေပါ။
> အချိန်ကို အမြဲသတိပြုပါ။
> သင်တန်းမျှော်မှန်းချက်၊ ပန်းတိုင် ချမှတ်ထားပါ။ သင်တန်းပြီးတဲ့အခါ ဘာတွေပြောဖြစ်ကြမယ်၊ ဘာတွေလေ့လာဖြစ်ကြမယ်ဆိုတာမျိုးပါ။
> ပါဝင်ခွင့်ပေးပါ။ အပြန်အလှန် ဆွေးနွေးပါ။
ကိုယ်ကပဲ အကြာကြီးပြောနေရင် အပြင်မှာ လူချင်းတွေ့ပြီးလုပ်တဲ့သင်တန်းဆိုရင်တောင် ပျင်းစရာကောင်းပါတယ်။ အွန်လိုင်းကနေဆို ပိုပြီးငြီးငွေ့လာနိုင်ပါတယ်။ ဒါကြောင့် အပြန်အလှန်ဆက်သွယ်ပြောဆိုနိုင်ရန် သတိပြုပါ။
အရေးကြီးဆုံးကတော့
*** ပြင်ဆင်ပါ။
*** လေ့ကျင့်ပါ။
လို့ အကြံပြုပေးရစေ။ လိုအပ်တဲ့အချက်တွေ၊ ဒီထက်မက ပြီးပြည့်စုံတဲ့နည်းလမ်းတွေလည်းရှိနေမှာပါ။ လေ့လာမိသလောက် မျှဝေခြင်းသာဖြစ်ပါတယ်ခင်ဗျာ။