Phay Phay Vlog

ကလေးတွေကို စိတ်မပျော်ရွှင်ခွင့်ပေးပါ
°°°°°°°°°°°°°°°°°°°°°°°°°°°°°°°°°°°°°°°°°°°°°°
ကလေးတွေ စိတ်အလိုမကျ ဖြစ်တဲ့အခါ အလိုမကျခွင့်ပြုပေးပါ။ ကလေးငိုတိုင်း အားလုံးကို လိုက်လျောပေးတာမျိုး မလုပ်သင့်ပါဘူး။ ကလေးကဘာပဲ ဖြစ်ချင်ဖြစ်ချင် ငိုလိုက်ရင် ရမယ်ဆိုတဲ့ အသိမျိုး ဖြစ်သွားနိုင်ပါတယ်။ ဒါကြောင့် ကလေးကို နားလည်အောင်ပြောပြပေးပြီး မရဘူးဆိုတာ လက်ခံအောင်ပြောပေးရပါမယ်။

ကလေးအများစုက လိုချင်တာ မရတဲ့အခါ၊ ဖြစ်ချင်တာ မရတဲ့အခါမျိုးမှာ စိတ်ဆိုးတတ်ကြပါတယ်။ အော်ဟစ်ငိုပြီး မပေးပေးအောင်၊ မရ ရအောင် တောင်းဆိုတတ်ကြပါတယ်။ ဒီလိုအခြေနေမျိုးကြုံတွေ့ရတဲ့အခါ သမာရိုးကျအားဖြင့် မိဘက နားငြီးလို့ ကလေးလိုချင်တာ ဖြစ်ချင်တာကို ပေးလုပ်တတ်ကြပါတယ်။ ဒါကြောင့် ကလေးက မိဘဆီက တစ်ခုခုရချင်ရင်၊ ဖြစ်ချင်တာရှိရင် ငိုလိုက်ရင်အားလုံး ရတယ်ဆိုတာ နားလည်သွားပါမယ်။

ဖေဖေနဲ့ မေမေကတော့ သားဉာဏ်ကို သူစိတ်မပျော်ရွှင်တဲ့အခါ မပျော်ရွှင်ခွင့်ပြုပါတယ်။ ငိုချင်ရင် ငိုခွင့်ပြုပါတယ်။ ဖြစ်စေချင်တာကို နားလည်အောင် လက်ခံလာအောင် စကားပြောပေးပါတယ်။ ဘာကြောင့်မလုပ်ရတာလဲ၊ လုပ်လိုက်ရင် ဘာဖြစ်သွားနိုင်တယ်ဆိုတာကို သားနားလည်လက်ခံအောင်ပြောပေးဖြစ်ပါတယ်။ အဲ့လိုမရတဲ့အခါ ခဏလောက်ပဲငိုပြီး အဆင်ပြေသွားပါတယ်။ မရဘူးဆိုရင် သားကိုလုံးဝပေးမလုပ်ပါဘူး။ ဒီလိုလေ့ကျင့်ထားတော့ နောက်ပိုင်းမှာ ဒါမရဘူးဆိုရင် သူမတောင်းဆိုတော့ပါဘူး။ ကလေးတွေရဲ့အသိထဲမှာ မရဘူးဆိုမရဘူး၊ ငိုလည်းပေးမလုပ်ဘူး စတဲ့အသိမျိုးပေးထားတော့ ထိန်းရတာပိုမိုလွယ်ကူလာပါလိမ့်မယ်။

Phay Phay Vlog ကိုစိတ်ဝင်စားတဲ့အတွက် ကျေးဇူးပါ။

#ကိုယ်ဝန်ဆောင်ပြုစုစောင့်ရှောက်ရေးနည်းလမ်းများ
#ကလေးစောင့်ရှောက်ရေးနည်းလမ်းများ
#ကူးယူမျှဝေလိုပါကလွပ်လပ်စွာမျှဝေနိုင်ပါတယ်။
#ကျေးဇူးပြု၍Creditပေးပါ။

ကလေးကို ရွေးချယ်တတ်အောင်သင်ပေးပါ
^^^^^^^^^^^^^^^^^^^^^^^^^^^^^^^^^^^^^^
ကလေးတွေကို ငယ်စဉ်ကတည်းက ရွေးချယ်တတ်အောင်သင်ပေးပါ။ မိဘကပဲ အမြဲဆုံးဖြတ်ပေးပြီး အရာရာလုပ်ပေးတတ်တဲ့ အလေ့အကျင့်ဟာ ကလေးတစ်ယောက်အတွက် ဘဝကို အမှီခိုကင်းကင်းနဲ့ ရပ်တည်တတ်စေဖို့ ခက်ခဲစေပါတယ်။ ဒါကြောင့် ကလေးငယ်စဉ်ကတည်းက အသေးမွှားကိစ္စလေးတွေကအစ ရွေးချယ်မှုနဲ့ပတ်သတ်ပြီး စတင်လေ့ကျင့်ပေးသင့်ပါတယ်။ ဥပမာ - အပြင်သွားမယ် ဘယ်ဦးထုပ်ဆောင်းမလဲ? ကလေးကို ရွေးခိုင်းမယ်။ ကလေးရွေးချယ်တာနဲ့ ရာသီဥတုနဲ့ ကိုက်ညီမှုရှိ မရှိ မိဘက အကြံပေးမယ်။ ဒါကဆောင်းရာသီမို့အေးတယ် အနွေးဦးထုပ်ဆောင်းသင့်တယ်။ ကလေးက လက်ခံဖို့ငြင်းဆိုရင် ဖြစ်စေချင်တာကိုလက်ခံလာစေဖို့ ချီးကျူးပေးမယ်။ သားက/ သမီးက အနွေးဦးထုပ်ကလေးနဲ့ ပိုလိုက်တယ်။ လှလိုက်တာ ချစ်ရာလေး စသည်ဖြင့် ကလေးလုပ်ချင်လာအောင် ပြောပေးသင့်ပါတယ်။ ကလေးလက်ခံသွားရင်လည်း တော်လိုက်တာ၊ လိမ္မာလိုက်တာ၊ အရမ်းချစ်စရာကောင်းတာပဲ စသည်ဖြင့် များများချီးကျူးပေးသင့်ပါတယ်။

ဖေဖေကတော့ သားဉာဏ်ကို ငယ်ငယ်ကတည်းက ရွေးချယ်တတ်ဖို့ စတင်လေ့ကျင့်ပေးဖြစ်ပါတယ်။ အပေါ်မှာမျှဝေထားတဲ့ နည်းလမ်းဟာဆိုရင် သားကိုလေ့ကျင့်ပေးနေတဲ့ နည်းလမ်းတွေထဲကတစ်ခုဖြစ်ပါတယ်။ ဒီနည်းကို အသုံးပြုရာမှာ သားသားတကယ်ပြောင်းလဲလာတာမို့ ကလေးစောင့်ရှောက်နည်း စိတ်ဝင်စားတဲ့ မိဘများအား ပြန်လည်မျှဝေပေးခြင်းဖြစ်ပါတယ်။ အခုဆိုရင် သားကတော်တော်လေး နားလည်ပြီး သူဘာဖြစ်ချင်တယ်ဆိုတာကို ဖော်ပြတတ်နေပြီဖြစ်ပါတယ်။ ဘာလိုဘာချင်တာ ဘာလုပ်ချင်တာ ဘယ်သွားချင်တာ စသည်ဖြင့် သားသားက ကောင်းကောင်းရွေးချယ်တတ်နေပါပြီ။

ဖေဖေ၊ မေမေများအားလုံး အဆင်ပြေကြပါစေ
ချစ်ခြင်းအားဖြင့်
Phay Phay Vlog

Photo ဉာဏ်လင်းထက်

ဉာဏ်လင်းထက် (၁) နှစ်ခွဲပြည့်ပြီ
^^^^^^^^^^^^^^^^^^^^^^^^^^^^^^^^^
သားဉာဏ် ဒီနေ့ (၁)နှစ်ခွဲပြည့်ပါပြီ။
တော်တော်လေးလည်း လိုက်ရလို့ ဖေဖေ၊ မေမေနဲ့ တီတီပါ မောရပါတယ်။ နေများကောင်းလို့ကတော့ ဘာဆော့သလဲမမေးနဲ့။ ဝီကိုခေါ်လို့ပဲ။ သားသားဖွံ့ဖြိုးတိုးတက်တာတွေ ကြည့်ပြီး ပျော်ရသလို မောလည်းမောရပါတယ်။ ပျော်မောလေးပေါ့။
ဒီနေ့မှာတော့ ဖေဖေက သားသား တစ်နှစ်ခွဲမှာ သူလုပ်တတ်တာလေးတွေ မျှဝေပေးချင်ပါတယ်။ သားက သူလိုချင်တာ၊ မလိုချင်တာတွေကို ရွေးချယ်တတ်နေပါပြီ။ ဥပမာ- ဖိနပ်စီးမယ်ဆို လက်ညှိုးထိုးပြီး သူစီးချင်တဲ့ ဖိနပ်ကို ကိုယ်တိုင်ရွေးတတ်သလို၊ ပါးစပ်ကနေလည်း ဒါဒါလို့ လိုချင်တာကိုဖော်ပြတတ်ပါတယ်။ ဇွန်းကိုင်ပြီး ထမင်းလည်း ကိုယ်တိုင်စားတတ်ပါတယ်။ အမှိုက်ကို အမှိုက်ပုံးထဲထည့်တတ်တယ်။ ရပ်ကွက်ထဲလမ်းလျှောက်ပေးရင် တွေ့သမျှ အမှိုက် အကုန်လိုက်ကောက်နေတော့တာပါပဲ။ လူကြီးကတံမြက်စည်းလှည်းရင် သူလည်းလိုက်လှည်းတတ်ပါတယ်။ သွားလည်းအကူညီမပါပဲတိုက်တတ်တယ်။ သားကို သွားတိုက်တတ်အောင် အလေ့အကျင့်ဖြစ်ဖို့ မနက်တစ်ကြိမ် ညတစ်ကြိမ် လေ့ကျင့်ပေးဖြစ်ပါတယ်။ ပါးစပ်ပေနေရင် တစ်ရှူးနဲ့ သုတ်တတ်တယ်။ ရှူးရှူးပြောတတ်တယ်။ အီးအီးလည်းပြောတတ်ပြီ။ ခွက်ထဲတော့ လေ့ကျင့်ချိန်မှာ ထိုင်တတ်ပြီး တကယ်သွားတဲ့အခါ ထိုင်ဖို့ ကြိုးစားနေရပါသေးတယ်။ သီချင်း၊ ကဗျာတွေကို အသံယောင်လိုက်ပြီးဆိုတတ်တယ်။ ကတတ်တယ်။ စကားလုံး နောက်ဆုံးလုံးကို လိုက်ပြောနိုင်ပြီး ဖေဖေ၊ မေမေ၊ တီတီ၊ ဦး၊ မမ၊ ဖွားဖွား၊ ဘဘ စတာတွေကိုခေါ်တတ်နေပြီ။ စာဖတ်တာကြိုက်တယ်။ ဖုန်းကြည့်နေလို့ အချိန်ပြည့်ရင် ဖုန်းအစားကို စာအုပ်နဲ့ အစားထို့လို့ရပါတယ်။ စာဖတ်ပေးတော့ အရောင်တွေ အကောင်တွေနဲ့ အသီးတွေ တော်တော်သိနေပါပြီ။ Duck, Dog,.... စတဲ့ အသံတစ်လုံးထဲတွေ ပြောတတ်နေပါပြီ။ အကောင်လေးတွေရဲ့ အသံကိုလည်း တုပပြီး အော်တတ်နေပါပြီ။ သီချင်းထဲက အသံလေးတွေဆို သူအတော်လေးကို မှတ်မိတာတွေ့ရတယ်။ အရုပ်ဆော့ရင် Share တတ်တယ်။ မုန့်လည်း အခြားသူတွေကို ကျွေးတယ်။ ဖေဖေ၊ မေမေ ပြောတာတွေကို နားလည်ပြီး လမ်းညွှန်ချက်ပေးရင် လိုက်လုပ်တတ်တာကို တွေ့ရတယ်။ အိမ်နီးနားချင်း သူငယ်ချင်းတွေရဲ့ နာမည်ကိုလည်း ခေါ်တတ်တယ်။ ဥပမာ- ရေခဲ၊ ဖူးဖူး၊ ယွန်းယွန်း၊ သွန်းသွန်း ... စသဖြင့် သူငယ်ချင်းတွေကို နာမည်ခေါ်တတ်ပါတယ်။ မုန့်လည်းဝယ်ခိုင်းတတ်နေပြီ။ မုန့်နာမည်မပြောတတ်ရင် အိတ်ခွံကောက်ပြီး ဝယ်ခိုင်းတတ်ပါတယ်။ ပိုက်ပေးလည်းပြောတတ်ပါတယ်။ သေးငယ်တဲ့ အမျှင် ဆံပင်၊ အပ်ချည်တွေကို လက်မ၊ လက်ညှိုးသုံးပြီးကောက်တတ်တယ်။ တူတူရေဝါး၊ ဘောလုံးနဲ့ ကား ဆော့ရတာအရမ်းကြိုက်တယ်။ အရုပ်ဆော့ပြီးရင် နေရာပြန်ထားတတ်တယ်။ ဒါလေးတွေကတော့ သားသား တစ်နှစ်ခွဲအရွယ်မျာ လုပ်တတ်တဲ့ အရာလေးတွေပါ။

သားသားကို ဒီလိုဖြစ်လာဖို့စောင့်ရှောက်ပေးတာတော့ ဖေဖေ လေ့လာထားတဲ့ သင်တန်းတွေ၊ စာအုပ်တွေနဲ့ အလုပ်လုပ်ခဲ့ဖူးတဲ့ မူကြိုကလေးပျိုးထောင်နည်းတွေကို အသုံးချပြီး လေ့ကျင့်ပျိုးထောင်ပေးနေတာဖြစ်ပါတယ်။ မေမေကလည်း တူညီတဲ့နည်းစနစ်အောက်မှာ ကောင်းကောင်းလေးစောင့်ရှောက်ပေးဖြစ်ပါတယ်။

အဓိကကတော့ သားကို စိတ်ပိုင်းဆိုင်ရာရော ရုပ်ပိုင်းဆိုင်ရာပါ ပျော်ရွှင်အောင် ထားပေးဖြစ်တယ်။ ရိုက်တာ၊ ဆူတာ၊ ငေါက်တာ၊ ချောက်တာ တွေလုံးဝမလုပ်ပါဘူး။ အရမ်းချစ်တဲ့အကြောင်းပြောတယ်။ အမြဲချီးကျူးပေးတယ်။ အတူကစားပေးတယ်။ အတူသီချင်းဆိုတယ်။ အတူကတယ်။ ဖုန်းကြည့်ရင်လည်း (၁၅) မိနစ်လောက်အတူကြည့်ပေးတယ်။ နားလည်အောင် နားလည်လွယ်တဲ့ စကားလုံးနဲ့ပြောပေးတယ်။ ဝမ်းနည်းရင် စိတ်ဆိုးရင် ဝမ်းနည်းခွင့် စိတ်ဆိုးခွင့်ပေးတယ်။ ငိုချင်ရင်ငိုခိုင်းတယ်။ စည်းကမ်းနဲ့ပတ်သတ်ရင် အလျှော့မပေးဘူး။ မရဘူးဆိုမရဘူး။ လုပ်မပေးဘူးဆို လုံးဝလုပ်မပေးဘူး။ ဘာကြောင့်ဆိုတဲ့ အကြောင်းပြချက်ပြောပြတယ်။ အငိုခံတယ်။ အချိုမကျွေးဘူး။ ဒါပါပဲ။

အသက်ရွယ်လိုက် ကလေးဖွံဖြိုးမှုနဲ့ ပံ့ပိုးပေးနိုင်တဲ့ နည်းလမ်းများ
UNICEF ကတော့ မိဘတိုင်း လေ့လာထားရမည့် ကလေးအသက်အရွယ်လိုက် ဖွံ့ဖြိုးမှုမှတ်တမ်းများနှင့် ပံ့ပိုးပေးနိုင်သည့် နည်းလမ်းများ ဆိုပြီး အကြံပြုထားပါတယ်။

အသက်(၁)နှစ်မှ (၁)နှစ်ခွဲခန့် အရွယ်

ကလေးဖွံ့ဖြိုးမှုအချက်များ
××××××××××××××××××

• ပရိဘောဂတစ်ခုခုကိုကိုင်၍ ခုံပတ်လည် ရွေ့လျားလမ်းလျှောက်တတ်သည်။

• မတ်တပ်စမ်းသည်။

• လက်နှစ်ချောင်းကို ဇာဂနာကဲ့သို့ အသုံးပြုပြီးပစ္စည်းများ ကောက်တတ်သည်။

• စကားလုံးအနည်းငယ်ပြောတတ်သည်။ ဥပမာ - ဖေဖေ၊ မေမေ၊ ဂျာဂျ စသဖြင့် လက်ခုပ်တီးတတ်သည်။

• ဇွန်းကိုကိုင်ပြီး အစာစားတတ်သည်။

• လွယ်ကူသော အရာများကို လိုက်လုပ်တတ်သည်။ ဥပမာ - ခေါင်းဖြီးခြင်း

မိဘများပံ့ပိုးနိုင်သည့်နည်းလမ်းများ

×××××××××××××××××××××××

• အမှီအတွယ်ဖြင့် လမ်းလျှောက်တတ်အောင် လေ့ကျင့်ပေးပါ။ ဘောလုံးလှိမ့်တတ်အောင် သင်ပေးပါ။

• မိသားစုထမင်းစားဝိုင်းတွင်စားတတ်အောင် လေ့ကျင့်ပေးပါ။

• ကလေးအား ဇွန်းကိုင်ခိုင်းပြီး သူ့ဖာသာ အစာစားတတ်အောင် သင်ပေးပါ။

• လွယ်ကူသော လုပ်ဆောင်မှုများကို သင့်ကလေးမှ လိုက်ပါလုပ်ဆောင်ပါစေ။ ဥပမာ - ခေါင်းဖြီးခြင်း။

Phay Phay Vlog ကိုစိတ်ဝင်စားတဲ့အတွက် ကျေးဇူးပါ။



#ကိုယ်ဝန်ဆောင်ပြုစုစောင့်ရှောက်ရေးနည်းလမ်းများ

#ကလေးစောင့်ရှောက်ရေးနည်းလမ်းများ

#ကူးယူမျှဝေလိုပါကလွပ်လပ်စွာမျှဝေနိုင်ပါတယ်။

#ကျေးဇူးပြု၍Creditပေးပါခင်ဗျာ။

ကလေးသွားတဲ့နေရာ ထမင်းလိုက်မကျွေးရဖို့ ဖြည့်စွက်စာစကျွေးကတည်းက လေ့ကျင့်ထားပါတယ်
***********************************************************************************
ကလေးတွေ ထမင်းကျွေးတဲ့အခါ နေရာတကျ ထမင်းထိုင်စားတတ်ဖို့ ငယ်ငယ်ကတည်းက ဖြည့်စွက်စာစကျွေးပြီဆိုတာနဲ့ လေ့ကျင့်ပေးလို့ရပါတယ်။ များသောအားဖြင့် ဖေဖေတို့ပတ်ဝန်းကျင်မှာ တွေ့နေရတဲ့ မိဘတွေက ကလေးထမင်းခွံ့တဲ့အခါ ကလေးလျှောက်သွားရာလိုက်ပြီး ထမင်းကျွေးတတ်ကြပါတယ်။ အဲဒီလို ကလေးကစားတဲ့နေရာ လျှောက်သွားရာကို လိုက်ခွံ့ရင်းနဲ့ အကျင့်ပါပြီး ကလေးက နေရာတကျ ထမင်းထိုင်စားတတ်တဲ့အလေ့အကျင့် ရမှာမဟုတ်တော့ပါဘူး။ ဒါကြောင့် ကလေးတွေ အစာစားတဲ့အခါ နေရာတကျနဲ့ စနစ်တကျ စားတတ်ဖို့ အစာစားတတ်ပြီဆိုတာနဲ့ စတင်လေ့ကျင့်ပေးသင့်ပါတယ်။

ဖေဖေကတော့ နေ့စဉ်ဘဝမှာ တွေ့နေရတဲ့ ကလေးစောင့်ရှောက်မှုပုံစံတွေကို ကြည့်ပြီး သားသားကို ဘယ်လိုလုပ်ပေးရင်ကောင်းလဲဆိုတာစဉ်းစားပြီး နည်းလမ်းရှာဖြစ်ပါတယ်။ ကိုယ်သိလိုတဲ့ အကြောင်းအရာ၊ စောင့်ရှောက်ပုံတို့ကို တတ်သိနားလည်သူတွေ သင်တဲ့သင်တန်းတွေ၊ စာပေတွေကို လေ့လာဖြစ်ပါတယ်။

သားသားကိုဖြည့်စွက်စာစကျွေးမယ်ဆိုတော့ စနစ်တကျဖြစ်အောင်နဲ့ နည်းစနစ်မှန်ကန်ဖို့ ရှာဖွေလေ့လာရပါတယ်။ အသက်အရွယ်လိုက် ကျွေးရမည့်အစားအစာ၊ ကျွေးရမည့်ပုံစံတို့ကို အသေးစိတ်လေ့လာပြီးမှ ဖြည့်စွက်စာကျွေးခြင်းကိုစတင်ဖြစ်ပါတယ်။ အဓိကအားဖြင့်တော့ အဟာရဆရာဝန်တွေ အကြံပြုချက်အတိုင်း သားသားကို ဖြည့်စွက်စာကျွေးပါတယ်။

အခုဆိုရင် သားသား(၉)လပြည့်ပါပြီ။ အစာစားတဲ့အခါ သူ့ရဲ့ ထမင်းစားခုံပေါ်မှာ စနစ်တကျ ထိုင်စားတတ်နေပါပြီ။ သားသားဒီလိုတိုးတက်လာတာမြင်တော့ ကလေးစောင့်ရှောက်မှုပုံစံမှာ နည်းစနစ်ကျဖို့ အရမ်းအရေးပါတယ်ဆိုတာကို လက်ခံလိုက်ရပါတော့တာပါပဲ။

ကလေးစောင့်ရှောက်ရာမှာ အခက်ခဲရှိနေသေးတယ်ဆိုရင် ဖေဖေတို့တွေက ကလေးနဲ့ကိုက်ညီတဲ့ မှန်ကန်တဲ့ ကလေးစောင့်ရှောက်မှုပုံစံနဲ့ ကလေးပျိုးထောင်ခြင်းနည်းစနစ် လေ့လာဆည်းပူးဖို့လိုအပ်နေသေးလို့ဖြစ်ပါတယ်။

Phay Phay Vlog ရဲ့ရည်ရွယ်ချက်ကတော့ ကလေးပြုစုပျိုးထောင်တဲ့အခါမှာ နည်းစနစ်မှန်ကန်အောင် ကြိုးစားလေ့လာပြီး ရည်ရွယ်ချက်တူ၊ ဝါသနာတူ လိုအပ်တဲ့ဖေဖေ၊မေမေများအတွက် ကလေးအသက်အရွယ်လိုက် မတူညီတဲ့အကြောင်းအရာတွေကို ကြိုးစားမျှဝေပေးသွားပါမယ်။ ဖေဖေ၊မေမေများအားလုံး စိတ်၏ချမ်းသာခြင်း ကိုယ်၏ကျန်းမာခြင်းနှင့် ပြည့်စုံကြပါစေ။ 🙏🙏🙏

ဖေဖေ၊မေမေများအနေနဲ့ အတူဆွေးနွေးတိုင်ပင်ရန် Group ဖွဲ့ပေးထားပါတယ်ခင်ဗျာ။
www.facebook.com/groups/myanmarparents/

Phay Phay Vlog မှအသစ်တင်တိုင်းဖတ်ရှုနိုင်ရန်
https://www.facebook.com/phayphay.vlog/

ဖေဖေ‌နဲ့အတူ ဆွေးနွေးတိုင်ပင်နိုင်ရန်
http://m.me/phayphay.vlog

Phay Phay Vlog ကိုစိတ်ဝင်စားတဲ့အတွက် ကျေးဇူးပါ။

#ကိုယ်ဝန်ဆောင်ပြုစုစောင့်ရှောက်ရေးနည်းလမ်းများ
#ကလေးစောင့်ရှောက်ရေးနည်းလမ်းများ
#ကူးယူမျှဝေလိုပါကလွပ်လပ်စွာမျှဝေနိုင်ပါတယ်။
#ကျေးဇူးပြု၍Creditပေးပါ။

ကိုယ်ဝန်ဆောင်မေမေတို့ ရှောင်ရမယ့် အချက်လေးတွေကို ဖော်ပြပေးလိုက်ပါတယ်။

သားရှေ့မှာ အော်ဟစ်ဆူပူဆဲဆိုကြိမ်းမောင်းခြင်း မပြုဘူး
**********************************************
ဖေဖေ၊မေမေများအားလုံးမင်္ဂလာပါခင်ဗျာ။
ဒီနေ့မှာတော့ ဖေဖေက မိမိရဲ့ သားသမီးရှေ့မှာ မပြုမူသင့်တဲ့ အရာတွေထဲကမှ တစ်ခုဖြစ်တဲ့ ကလေးနဲ့အတူရှိနေချိန်မှာ အခြားသူတစ်ယောက်ကို အော်ဟစ်၊ ဆဲဆို၊ ဆူပူကြိမ်းမောင်းပြီး ဒေါသထွက်တဲ့အမူအရာ ဖေဖေမေမေတွေက မပြုလုပ်မိကြဖို့ ကိုယ်တိုင်ပြုမူနေထိုင်ပုံလေးနဲ့ ယှဉ်တွဲပြီး တင်ပြဆွေးနွေးသွားပါမယ်ခင်ဗျာ။
ဒါလေးမပြောခင် ဖေဖေတည်ဆောက်ထားတဲ့ မေမေနဲ့ Relationship ကို အနည်းငယ်ပြောပြလိုပါတယ်ခင်ဗျာ။ ဖေဖေတို့ အိမ်ထောင်ကျတာ (၄)နှစ်ထဲကိုရောက်ခဲ့ပါပြီ။ ဒီဖြတ်သန်းခဲ့ရတဲ့ (၄)နှစ်တာအတွင်းမှာ ဖေဖေနဲ့ မေမေ ရန်ဖြစ်တယ်ဆိုတာမရှိခဲ့ပါဘူး။ တခါတလေ အခန့်မသင့်လို့ တစ်ယောက်နဲ့တစ်ယောက် စိတ်အဆင်မပြေကြရင်ပဲ တစ်ယောက်နဲ့တစ်ယောက် စကားမပြောကြပါဘူး။ စကားမပြောတာလည်း အချိန်အကြာကြီးမဟုတ်ဘဲ တစ်ယောက်နဲ့တစ်ယောက် စိတ်ပြေဖို့ အချိန်ခဏပေးတတ်ကြပါတယ်။ ဖေဖေစိတ်အဆင်မပြေဖြစ်ရင် မေမေကို ဒါကတော့အဆင်မပြေဘူး၊ ဒီလိုမလုပ်သင့်ဘူး စသဖြင့်ပြောပြပြီး စိတ်မပျော်လို့ တစ်ယောက်တည်း နေချင်ကြောင်းပြောပါတယ်။ ဒီလိုပြောလိုက်ရင် မေမေလည်း အလိုက်တသိနဲ့ သူလုပ်စရာ၊ သူ့အလုပ်သူလုပ်ပါတယ်။ စိတ်ပြေတဲ့အနေအထားရောက်ရင် အချိန်တစ်ခုပေးပြီးရင်တော့ မှားတဲ့သူက စပြီးတောင်းပန်တတ်တဲ့ အလေ့အကျင့်လေး မွေးမြူထားပါတယ်။ မေမေစိတ်အဆင်မပြေရင်လည်း ဖေဖေကိုထိုနည်းလည်းကောင်းပါပဲ။ ဖေဖေရော မေမေပါလက်ခံထားတာက တစ်ဦးနဲ့တစ်ဦး စိတ်အဆင်မပြေဖြစ်တဲ့အခါ အရင်ခွင့်လွှတ်တတ်သူ၊ တောင်းပန်တတ်သူသာ သဘောထားကြီးမြင့်သူဖြစ်ကြောင်း လက်ခံထားလို့ နှစ်ယောက်သား သဘောထားကြီးသူဖြစ်ချင်ကြတော့ မြန်မြန်ပြေလည်ဖို့ပဲကြိုးစားကြပါတော့တယ်။ ဒါကြောင့်လည်း တစ်ယောက်နဲ့တစ်ယောက် စိတ်အဆင်မပြေလည်း ဖေဖေနဲ့မေမေက ခဏလေးပါပဲ။ ဖေဖေနဲ့ မေမေက အရင်ကတည်းကလည်း ခပ်အေးအေးနေတတ်ကြတဲ့သူတွေဖြစ်တော့ ပြဿနာဖြစ်တဲ့အချိန်ဆိုတာခက်ရှားရှားပါပဲ။ အတူတိုင်ပင်ပြီး ညှိညှိနှိုင်းနှိုင်းပဲ ဘဝကိုဖြတ်သန်းကြပါတယ်။
အရင်ကတည်းက အနေအေးသူတွေဖြစ်တာကြောင့် သားသားရလာတော့လည်း သားရှေ့မှာ အခြားသူတစ်ယောက်ကို အော်ဟစ်၊ ဆဲဆို၊ ဆူပူကြိမ်းမောင်းပြီး ဒေါသထွက်တဲ့အမူအရာ ဖေဖေ‌ရောမေမေပါ ဘယ်သူမှမလုပ်ပါဘူး။ အဲဒီလိုမဖြစ်ဖို့လည်း တစ်ယောက်ကိုတစ်ယောက်အမြဲသတိပေးဖြစ်ပါတယ်။ ပတ်ဝန်းကျင်မှာ အဲဒီလိုဆူပူကြိမ်းမောင်းနေရင်လည်း သင့်တော်တဲ့ တစ်နေရာကိုတိမ်းနေတာ ဒါမှမဟုတ် အခန်းထဲမှာနေပြီး ကလေးနဲ့ကစားတာ၊ သီချင်းဆိုတာ၊ သီချင်းနားထောင်တာ စသဖြင့် အဲဒီဆူညံသံတွေ သားသားဂရုမစိုက်မိအောင် တခါတည်းအာရုံပြောင်းပေးဖြစ်ပါတယ်။ တခါတစ်လေ အိမ်မှာမသုံးတဲ့ အသုံးအနှုန်းတွေ ကိုယ့်ကလေးက ပြောဆိုနေတတ်ပြီဆိုရင် ကလေးနေတဲ့ ပတ်ဝန်းကျင်ကို ဂရုစိုက်သင့်ပါတယ်။ အိမ်မှာဘယ်သူမှ မဆဲတတ်ပေမဲ့ ကိုယ့်ကလေးကဆဲတတ်နေပြီဆိုရင် ကလေးကြည့်နေတဲ့ TikTok, YouTube, videos တွေနဲ့ အတူနေထိုင်တဲ့ ပတ်ဝန်းကျင် စတာတွေကို ဂရုစိုက်ပေးသင့်ပါတယ်။ အဓိက ကတော့ ဖေဖေမေမေတွေက ကလေးရဲ့ရှေ့မှာ နောင်တစ်ချိန်မှာ ကလေးကိုကိုယ်ဖြစ်စေချင်တဲ့ပုံစံအတိုင်း ပြုမူနေထိုင်သွားဖို့အရေးကြီးပါတယ်။ အကယ်၍စကားများခဲ့ရင်တောင် ကလေးရဲ့ရှေ့မှာ မဖြစ်မိဖို့ အရမ်းအရေးကြီးပါတယ်။ ကလေးတွေက အားလုံးသင်ယူနေတာဖြစ်လို့ ဆိုးသွမ်းတဲ့ အကျင့်စရိုက်တွေ မသင်ယူမိစေဖို့ ဖေဖေ၊မေမေတို့ပြင်ဆင်ထားသင့်ပါတယ်ဆိုတဲ့အကြောင်း မျှဝေလိုက်ရပါတယ်ခင်ဗျာ။
အားလုံးအဆင်ပြေကြပါစေ။
စံနမူနာကောင်းပေးတဲ့ ဖေဖေ၊မေမေများဖြစ်ပါစေ။
ဖတ်ရှုအားပေးကြတဲ့ ဖေဖေ၊မေမေတွေကို ကျေးဇူးတင်ပါတယ်ခင်ဗျာ။ 🙏🙏🙏
နောက်ပိုင်းတွေမှာ ကလေးပျိုးထောင်နည်း Short video တွေလည်းလုပ်သွားဖို့ မျှော်လင့်ထားပါတယ်။ Vlog ကိုအားပေးကြတဲ့ ဖေဖေ၊မေမေတွေအနေနဲ့ မျှဝေထားတဲ့ အကြောင်းအရာတွေအပေါ်မှာ ဝေဖန်အကြံပြုနိုင်ပါတယ်။ လွဲချော်မှုတွေရှိနေရင်လည်း အမှန်ပြင်ပေးဖို့ ကူညီပေးစေချင်ပါတယ်။ ဘာလို့လဲဆိုတော့ ဖေဖေက ဒီအကြောင်းအရာတွေပေါ်မှာ ပညာရှင်အဆင့်မဟုတ်တာကြောင့် ကြိုးစားသင်ယူရင်း အကောင်းဆုံးမျှဝေပေးသွားပါမယ်။ ဒါကြောင့် Phay Phay Vlog ရဲ့ရည်ရွယ်ချက်ကတော့ ကလေးပြုစုပျိုးထောင်တဲ့အခါမှာ နည်းစနစ်မှန်ကန်အောင် ကြိုးစားလေ့လာပြီး ရည်ရွယ်ချက်တူ၊ ဝါသနာတူ လိုအပ်တဲ့ဖေဖေ၊မေမေများအတွက် ကလေးအသက်အရွယ်လိုက် မတူညီတဲ့အကြောင်းအရာတွေကို ကြိုးစားမျှဝေပေးသွားပါမယ်။ ဖေဖေ၊မေမေများအားလုံး စိတ်၏ချမ်းသာခြင်း ကိုယ်၏ကျန်းမာခြင်းနှင့် ပြည့်စုံကြပါစေ။ 🙏🙏🙏

ဖေဖေ၊မေမေများအနေနဲ့ အတူဆွေးနွေးတိုင်ပင်ရန် Group ဖွဲ့ပေးထားပါတယ်ခင်ဗျာ။
www.facebook.com/groups/myanmarparents/

Phay Phay Vlog မှအသစ်တင်တိုင်းဖတ်ရှုနိုင်ရန်
https://www.facebook.com/phayphay.vlog/

ဖေဖေ‌နဲ့အတူ ဆွေးနွေးတိုင်ပင်နိုင်ရန်
http://m.me/phayphay.vlog

Phay Phay Vlog ကိုစိတ်ဝင်စားတဲ့အတွက် ကျေးဇူးပါ။

#ကိုယ်ဝန်ဆောင်ပြုစုစောင့်ရှောက်ရေးနည်းလမ်းများ
#ကလေးစောင့်ရှောက်ရေးနည်းလမ်းများ
#ကူးယူမျှဝေလိုပါကလွပ်လပ်စွာမျှဝေနိုင်ပါတယ်။
#ကျေးဇူးပြု၍Creditပေးပါ။

ကလေးကို အပြစ်ပေးမှာလား အချစ်ပေးမှာလား?
************************************
မိဘတိုင်းကတော့သားသမီးကို ချစ်ကြတာပါပဲ
ဒါပေမဲ့ နည်းလမ်းမှန်မှန်နဲ့တော့ မိဘတိုင်းမချစ်တတ်ကြပါဘူးနော်။ ဖေဖေကတော့ သားကို ငယ်ငယ်ကတည်း ကဆူတာ၊ ငေါက်တာတွေ မလုပ်ဖို့နဲ့ အိမ်မှာရှိတဲ့မိသားစုတွေကိုလည်း ကလေးပျိုးထောင်တာနဲ့ပတ်သတ်ပြီး လေ့လာထားသလောက် ပြန်လည်မျှဝေဖြစ်ပါတယ်။ ဘာလို့လည်းဆို ကိုယ်တစ်ယောက်တည်းသိနေရုံနဲ့မဖြစ်ပါဘူး သားကိုအတူကူကြည့်ပေးတဲ့ မိသားစုဝင်တွေလည်း စောင့်ရှောက်ပုံ တစ်ပုံစံတည်းဖြစ်အောင် တသတ်မတ်တည်း စနစ်ကျတဲ့ကလေးပျိုးထောင်နည်းကို အကြောင်းအရာတိုက်ဆိုင်လာတိုင်း ပြောပြပေးဖြစ်ပါတယ်။ ကလေးကိုစောင့်ရှောက်ပေးတဲ့ ပတ်ဝန်းကျင်တစ်ခုလုံး ပညာပေး၊ နည်းလမ်းပေးတာတွေလုပ်နိုင်မှသာ ကလေးပျိုးထောင်တာပိုပြီး စနစ်ကျလာမှာပဲဖြစ်ပါတယ်။

ဒါကြောင့် ကလေးကို အချစ်ပေးတဲ့အခါ အပြစ်ပေးမိသလိုမဖြစ်အောင် စောင့်ရှောက်သူတွေက သတိထားဖို့လိုအပ်ပါတယ်။ ကလေးကိုပြောတဲ့ စကားလုံးတွေလည်းအရမ်းဂရုစိုက်ရပါတယ်။ ဖေဖေကတော့ ကလေးရှေ့မှာ အော်ဟစ်ပြောဆိုကြိမ်းမောင်းတာ၊ ဆူတာ၊ဆဲတာတွေ ကိုယ်တိုင်မလုပ်သလို ပတ်ဝန်းကျင်ကပြုမှုနေရင်လည်း အဆင်ပြေတဲ့ တစ်နေရာကို ကလေးမသင်ယူဖြစ်အောင် ရှောင်တိမ်းလိုက်ပါတယ်။

ကလေးတွေအမှားလုပ်မိတဲ့အခါ ကလေးနားလည်လွယ်တဲ့ အသုံးအနှုန်းနဲ့ ဘာကြောင့်မှားတယ်ဆိုတာကို နားလည်သဘောပေါက်အောင်ပဲရှင်းပြပေးသင့်ပါတယ်။ စည်းကမ်းတွေပေးခြင်းထက် နည်းလမ်းတွေပေးခြင်းကပိုထိရောက်တာမို့ ကလေးကို နားလည်အောင်ရှင်းပြီး နည်းလမ်းကိုသာပေးသင့်ပါတယ်။ ကလေးအမှားလုပ်မိလို့ နည်းလမ်းပေးရှင်းပြတဲ့အခါ လုပ်လက်စအလုပ်တွေခဏထားပြီး ကလေးအနားကိုသွားပြီး မျက်လုံးချင်းစုံကြည့်ပြီး သေချာရှင်းပြပေးရပါတယ်။ ဒီနည်းလမ်းက ဖေဖေတို့မူကြိုမှာ အသုံးပြုတဲ့ နည်းလမ်းတွေထဲကတစ်ခုဖြစ်တာကြောင့် ဒီနည်းကတကယ်အလုပ်ဖြစ်တယ်ဆိုတာကို လက်တွေ့ကျကျကျင့်သုံးပြီးမှ ပြန်လည်မျှဝေပေးခြင်းဖြစ်ပါတယ်။

ကလေးတွေက ဒီလိုရှင်းပြလို့ အမှားအပေါ်မှာ နားလည်သွားပြီဆို နောင်ဒီလိုမလုပ်မိတော့တာကို ဖေဖေ၊မေမေတို့ သတိထားမိလာပါလိမ့်မယ်။ ကလေးကိုရှင်းပြတဲ့အခါမှာလည်း ညင်သာတဲ့စကားလုံးအသုံးအနှုန်းဖြစ်ဖို့ အထူးလိုအပ်ပါတယ်။ ဘာလို့လဲဆိုရင် နူးညံ့ညင်သာတဲ့ အသုံးအနှုန်းက လိုက်နာနိုင်စွမ်းကို ပိုပြီးကောင်းစေတာကြောင့်ပဲဖြစ်ပါတယ်။

ဖေဖေ၊မေမေများ ကလေးကို သွန်သင်ဆုံးမတဲ့အခါ အချစ်ပေးရာမရောက်ပဲ အပြစ်ပေးသလိုမဖြစ်ကြဖို့ အထူးဂရုပြုကြဖို့ Phay Phay Vlog မှ ကူညီအကြံပေးလိုက်ရပါတယ်နော်။ ကိုယ့်ရဲ့ကလေးအနာဂတ်ကောင်းဖို့မျှော်လင့်ထားရင် ယခုလက်ရှိပစ္စုပ္ပန်မှာ ကလေးကို အကောင်းဆုံးပျိုးထောင်ပေးပါ။

ဖတ်ရှုအားပေးကြတဲ့ ဖေဖေ၊မေမေတွေကို ကျေးဇူးတင်ပါတယ်ခင်ဗျာ။ 🙏🙏🙏
နောက်ပိုင်းတွေမှာ ကလေးပျိုးထောင်နည်း Short video တွေလည်းလုပ်သွားဖို့ မျှော်လင့်ထားပါတယ်။ Vlog ကိုအားပေးကြတဲ့ ဖေဖေ၊မေမေတွေအနေနဲ့ မျှဝေထားတဲ့ အကြောင်းအရာတွေအပေါ်မှာ ဝေဖန်အကြံပြုနိုင်ပါတယ်။ လွဲချော်မှုတွေရှိနေရင်လည်း အမှန်ပြင်ပေးဖို့ ကူညီပေးစေချင်ပါတယ်။ ဘာလို့လဲဆိုတော့ ဖေဖေက ဒီအကြောင်းအရာတွေပေါ်မှာ ပညာရှင်အဆင့်မဟုတ်တာကြောင့် ကြိုးစားသင်ယူရင်း အကောင်းဆုံးမျှဝေပေးသွားပါမယ်။ ဒါကြောင့် Phay Phay Vlog ရဲ့ရည်ရွယ်ချက်ကတော့ ကလေးပြုစုပျိုးထောင်တဲ့အခါမှာ နည်းစနစ်မှန်ကန်အောင် ကြိုးစားလေ့လာပြီး ရည်ရွယ်ချက်တူ၊ ဝါသနာတူ လိုအပ်တဲ့ဖေဖေ၊မေမေများအတွက် ကလေးအသက်အရွယ်လိုက် မတူညီတဲ့အကြောင်းအရာတွေကို ကြိုးစားမျှဝေပေးသွားပါမယ်။ ဖေဖေ၊မေမေများအားလုံး စိတ်၏ချမ်းသာခြင်း ကိုယ်၏ကျန်းမာခြင်းနှင့် ပြည့်စုံကြပါစေ။ 🙏🙏🙏

ဖေဖေ၊မေမေများအနေနဲ့ အတူဆွေးနွေးတိုင်ပင်ရန် Group ဖွဲ့ပေးထားပါတယ်ခင်ဗျာ။
www.facebook.com/groups/myanmarparents/

Phay Phay Vlog မှအသစ်တင်တိုင်းဖတ်ရှုနိုင်ရန်
https://www.facebook.com/phayphay.vlog/

ဖေဖေ‌နဲ့အတူ ဆွေးနွေးတိုင်ပင်နိုင်ရန်
http://m.me/phayphay.vlog

Phay Phay Vlog ကိုစိတ်ဝင်စားတဲ့အတွက် ကျေးဇူးပါ။

#ကိုယ်ဝန်ဆောင်ပြုစုစောင့်ရှောက်ရေးနည်းလမ်းများ
#ကလေးစောင့်ရှောက်ရေးနည်းလမ်းများ
#ကူးယူမျှဝေလိုပါကလွပ်လပ်စွာမျှဝေနိုင်ပါတယ်။
#ကျေးဇူးပြု၍Creditပေးပါ။

ဉာဏ်လင်းထက် (၁) လသား ဖွံ့ဖြိုးမှုနှင့် ဖေဖေ၊မေမေ ၏ ပံ့ပိုးကူညီလှုံဆော်ပေးမှုများ
**********************************************************
သားသားမွေးတော့ ဖေဖေရော မေမေပါ နီးနီးကပ်ကပ်နဲ့ အလုပ်တွေနားပြီး ပြုစုစောင့်ရှောက်ဖြစ်ပါတယ်။ အိမ်က နှစ်ဖက်မိဘတွေကလည်း ဂရုစိုက်ပေးကြပါတယ်။ ဖေဖေက ကလေးတွေအကြောင်းလေ့လာနေသူဖြစ်တော့ နှစ်ဖက်မိဘတွေက ကလေးကို ဘယ်လိုစောင့်ရှောက်ကြမလဲဆို ဖေဖေတို့ကို စိတ်ဝင်တစား စောင့်ကြည့်လေ့လာကြပါတယ်။ ဘာကြောင့်လည်းဆို ကိုယ်ဝန်ဆောင်ကာလတလျှောက်လုံး တက်ထားတဲ့သင်တန်းနဲ့ ဖတ်ထားတဲ့စာအုပ်တွေကနေ အရင်လူကြီးမိဘတွေသိထားတဲ့ ကလေးစောင့်ရှောက်နည်းတွေနဲ့ ကွဲလွဲနေတဲ့ အချက်တွေကို ဖေဖေက ပြောပြထားတာကြောင့်ပဲဖြစ်ပါတယ်။ ဒါကြောင့် နှစ်ဖက်မိဘတွေကို အကူအနေလောက်ပဲ အကူအညီတောင်းပြီး ဖေဖေနဲ့ မေမေကပဲ သားသားကို အနီးကပ် အဓိကစောင့်ရှောက်ပါတယ်။

မွေးကင်းစကနေ တစ်လအတွင်းမှာ ကလေးရဲ့အနေအထားကဘယ်လို ဘာတွေလေ့ကျင့်ပေးပြီး ဘယ်လိုဖွံ့ဖြိုးမှုတွေစတင်လာမလဲဆိုတာကို ကြိုတင်သိရှိအောင်လေ့လာထားဖြစ်ပါတယ်။ မေမေနဲ့သားကျန်းမာရေးကိုလည်း ဆရာနဲ့ပဲတိုင်ပင်ပြီး ဆရာဝန်ပေးတဲ့ အကြံဉာဏ်တိုင်းပဲ ပြုမူနေထိုင်ဖြစ်ပါတယ်။

သားသားမွေးစကနေ (၁)လအတွင်း လေ့လာစောင့်ကြည့်ဖြစ်တာတွေထဲက အဓိကထားတဲ့ အချက်တွေကိုမျှဝေပေးပါမယ်။
- သားသား မေမေနဲ့ ဖေဖေကိုလိုက်ကြည့်လားဆိုတာ သေချာလေ့လာပါတယ်။
- သားသားကို အသံပေးတဲ့အခါ အသံကြားတာနဲ့ သားသားအမူအရာပြောင်းသွားလား အသံကြားရဲ့လားပေါ့နော်။ ဒါကိုလည်း လေ့လာပါတယ်။
- နောက်တစ်ခုက ခြေထောက်နဲ့ လက်တွေ လေးဖက်လုံး ကောင်းကောင်း လှုပ်ရှားနိုင်လားဆိုတာ လေ့လာစောင့်ကြည့်ပါတယ်။
ကလေးငယ်တွေအတွက် ဒီအချက်အလက်တွေက အရမ်းအရေးကြီးပါတယ်။ ကလေးကို ဂရုစိုက်ပြီး ဒါတွေ ရှိမရှိဆိုတာ လေ့လာစောင့်ကြည့်သင့်ပါတယ်။

သားသားမွေးကင်းစကနေ (၁)လအတွင်း လုပ်ပေးဖြစ်တာတွေထဲက အဓိကအချက်တွေကို ထပ်ပြီးမျှဝေပေးပါအုံးမယ်ခင်ဗျာ။
- Tummy Time လုပ်ပေးဖြစ်တယ်။
- သာသားကို အရမ်းချစ်တဲ့အကြောင်း စကားလုံးနဲ့ရော အမူအရာနဲ့ပါ ပြသဖြစ်ပါတယ်။
- အမြင်အာရုံ ဖွံ့ဖြိုးအောင် Black and White Flashcards တွေဖတ်ပြဖြစ်တယ်။
- Baby toys လေးတွေနဲ့ သားသားရှေ့မှာကစားပြတယ်။လှုပ်ရှားနေတဲ့ ပစ္စည်းလေးတွေ အရောင်တောက်တောက် ကစားစရာအရုပ်ကလေးတွေနဲ့ ကစားပေးဖြစ်တယ်။ လိုက်ကြည့်လား မကြည့်ဘူးလားဆိုတာသိရအောင်ပေါ့နော်။
- သားသားနဲ့ ရင်းနီးမှုရအောင် မြူပေးတယ်၊ သီချင်းဆိုပေးတယ်၊ ပြုံးတာ၊ ရယ်တာ၊ စကားတွေများများပြောပေးဖြစ်တယ်။ စကားပြောတဲ့အခါမှာလည်း အားလုံးတတ်သိနားလည်နေတဲ့သူတစ်ယောက်ကိုပြောသလို ပြောပေးပါတယ်။ ‌စကားလုံးကို ပီပီသသနဲ့ သေချာပြောပေးတယ်။
- Baby Books ဖတ်ပြပေးတယ်။ သားကစာအုပ်တွေအရမ်းစိတ်ဝင်စားတာတွေ့လာရတယ်။

ဒါတွေကတော့ ဖေဖေရောမေမေပါ အမြဲလုပ်ပေးဖြစ်တဲ့အရာတွေပါ။ ဘေးကနေ ကလေးအသက်အရွယ်လိုက် ဖွံ့ဖြိုးရမည့် ဖွံ့ဖြိုးမှုတွေနဲ့ ကိုက်ညီအောင် လှုံ့ဆော်ပေးတဲ့ အရာလေးတွေပဲဖြစ်ပါတယ်ခင်ဗျာ။

ဖတ်ရှုအားပေးကြတဲ့ ဖေဖေ၊မေမေတွေကို ကျေးဇူးတင်ပါတယ်ခင်ဗျာ။ 🙏🙏🙏
နောက်ပိုင်းတွေမှာ ကလေးပျိုးထောင်နည်း Short video တွေလည်းလုပ်သွားဖို့ မျှော်လင့်ထားပါတယ်။ Vlog ကိုအားပေးကြတဲ့ ဖေဖေ၊မေမေတွေအနေနဲ့ မျှဝေထားတဲ့ အကြောင်းအရာတွေအပေါ်မှာ ဝေဖန်အကြံပြုနိုင်ပါတယ်။ လွဲချော်မှုတွေရှိနေရင်လည်း အမှန်ပြင်ပေးဖို့ ကူညီပေးစေချင်ပါတယ်။ ဘာလို့လဲဆိုတော့ ဖေဖေက ဒီအကြောင်းအရာတွေပေါ်မှာ ပညာရှင်အဆင့်မဟုတ်တာကြောင့် ကြိုးစားသင်ယူရင်း အကောင်းဆုံးမျှဝေပေးသွားပါမယ်။ ဒါကြောင့် Phay Phay Vlog ရဲ့ရည်ရွယ်ချက်ကတော့ ကလေးပြုစုပျိုးထောင်တဲ့အခါမှာ နည်းစနစ်မှန်ကန်အောင် ကြိုးစားလေ့လာပြီး ရည်ရွယ်ချက်တူ၊ ဝါသနာတူ လိုအပ်တဲ့ဖေဖေ၊မေမေများအတွက် ကလေးအသက်အရွယ်လိုက် မတူညီတဲ့အကြောင်းအရာတွေကို ကြိုးစားမျှဝေပေးသွားပါမယ်။ ဖေဖေ၊မေမေများအားလုံး စိတ်၏ချမ်းသာခြင်း ကိုယ်၏ကျန်းမာခြင်းနှင့် ပြည့်စုံကြပါစေ။ 🙏🙏🙏

ဖေဖေ၊မေမေများအနေနဲ့ အတူဆွေးနွေးတိုင်ပင်ရန် Group ဖွဲ့ပေးထားပါတယ်ခင်ဗျာ။
www.facebook.com/groups/myanmarparents/

Phay Phay Vlog မှအသစ်တင်တိုင်းဖတ်ရှုနိုင်ရန်
https://www.facebook.com/phayphay.vlog/

ဖေဖေ‌နဲ့အတူ ဆွေးနွေးတိုင်ပင်နိုင်ရန်
http://m.me/phayphay.vlog

Phay Phay Vlog ကိုစိတ်ဝင်စားတဲ့အတွက် ကျေးဇူးပါ။

#ကိုယ်ဝန်ဆောင်ပြုစုစောင့်ရှောက်ရေးနည်းလမ်းများ
#ကလေးစောင့်ရှောက်ရေးနည်းလမ်းများ
#ကူးယူမျှဝေလိုပါကလွပ်လပ်စွာမျှဝေနိုင်ပါတယ်။
#ကျေးဇူးပြု၍Creditပေးပါ။

Phay Phay Vlog ကို ဘယ်လိုလုပ်ဖြစ်သွားတာလဲ
××××××××××××××××××××××××××××××××××××
ဖေဖေ၊ မေမေများအားလုံးမင်္ဂလာပါ။
ဖေဖေ ဒီ Vlog လေးကိုလုပ်ရခြင်းရည်ရွယ်ချက်ကို ဖတ်ရှုအားပေးနေတဲ့ ဖေဖေ၊ မေမေများနဲ့ အားပေးကြတဲ့ စာဖတ်ပရိတ်သတ်တွေကို မျှဝေပေးပါမယ်။ ဖေဖေက မူကြိုဆရာတစ်ယောက်ပါ။ အရင်က ဒီလိုစာရေးတာတွေကို မလုပ်ဖြစ်ပါဘူး။ ကျောင်းမှာပဲအချိန်ကုန်တာများပြီး သင်တန်းတွေနဲ့ပဲ အလုပ်များနေပါတယ်။ အခုတော့ ဖေဖေတို့ အိမ်ထောင်သက် (၃) နှစ်မှာပဲ ဘေဘီလေး ရှိလာပြီမို့ ကလေးပျိုးထောင်နည်းနဲ့ ကိုယ်ဝန်ဆောင်ကျန်းမာရေး ဗဟုသုတများကို ရှာဖွေဖတ်ရှုလေ့လာပြီး ဖေဖေလိုပဲ လေ့လာဖတ်ရှုလိုတဲ့ မိဘတွေအတွက် လေ့လာဖတ်ရှုထားသမျှ နားလည်သလောက် ပြန်လည်မျှဝေပေးခြင်းဖြစ်ပါတယ်။ လူထုအကျိုးပြုလုပ်ငန်းတစ်ခု ဘာလုပ်လို့ရလဲစဥ်းစားကြည့်တဲ့အခါ ကိုယ်သိထားတဲ့၊ လေ့လာထားတဲ့အ‌ကြောင်းအရာတွေကို ပြန်ပြီးမျှ‌ဝေလို့ရတယ်ဆိုတာစဥ်းစားမိပြီး ဒါလေးလုပ်ဖြစ်သွားတာပဲဖြစ်ပါတယ်။
ရင်ကတည်းကလည်း ကလေးပျိုးထောင်ခြင်းနဲ့ ပတ်သတ်ပြီး စိတ်ဝင်စားတာကြောင့် အချိန်လည်းရနေတာမို့ လေ့လာထားသမျှ ပြန်လည်ဖတ်ရှုရင်း နားလည်သလို ပြန်လည်မျှဝေပေးဖို့ Vlog လေးလုပ်ဖြစ်လာပါတယ်။ ကိုယ့်ကလေးအတွက် လေ့လာရင်း ပြန်လည်မျှဝေဖြစ်သွားတာပါ။ မေမေကိုယ်ဝန်ဆောင်ကာလမှာ ကိုယ်ဝန်ဆောင်နဲ့ပတ်သတ်ပြီး အသိပညာဗဟုသုတများကို မျှဝေပြီး ဘေဘီလေးမွေးလာတဲ့အခါမှာလည်း ဘယ်လိုပျိုးထောင်ရမယ်ဆိုတဲ့ နည်းလမ်းတွေကို ရှာဖွေလေ့လာပြီး ကလေးပျိုးထောင်နည်းတွေကို ဆက်လက်မျှဝေနေမှာဖြစ်ပါတယ်။ Vlog မှမျှဝေမည့် အကြောင်းအရာတွေကတော့ ဖေဖေ့ရဲ့ရင်သွေးလေး အသက်အရွယ်လိုက် မတူညီတဲ့အကြောင်းအရာတွေဖြစ်ပါမယ်ခင်ဗျာ။ ကိုယ်ဝန်ဆောင်မှာ ကိုယ်ဝန်ဆောင်ဗဟုသုတ၊ မွေးဖွားလာချိန်မှာ မွေးဖွားခါစ အတွေ့အကြုံနဲ့ ဗဟုသုများ၊ အသက်တစ်နှစ်၊ နှစ်နှစ် စသဖြင့် ကလေးအရွယ်လိုက် မတူညီတဲ့အကြောင်းအရာတွေကို လေ့လာပြီး မျှဝေပေးသွားမှာဖြစ်ပါတယ်။

နောက်ပိုင်းတွေမှာ ကလေးပျိုးထောင်နည်း Short video တွေလည်းလုပ်သွားဖို့ မျှော်လင့်ထားပါတယ်။ Vlog ကိုအားပေးကြတဲ့ ဖေဖေ၊မေမေတွေအနေနဲ့ မျှဝေထားတဲ့ အကြောင်းအရာတွေအပေါ်မှာ ဝေဖန်အကြံပြုနိုင်ပါတယ်။ လွဲချော်မှုတွေရှိနေရင်လည်း အမှန်ပြင်ပေးဖို့ ကူညီပေးစေချင်ပါတယ်။ ဘာလို့လဲဆိုတော့ ဖေဖေက ဒီအကြောင်းအရာတွေပေါ်မှာ ပညာရှင်အဆင့်မဟုတ်တာကြောင့် ကြိုးစားသင်ယူရင်း အကောင်းဆုံးမျှဝေပေးသွားပါမယ်။ ဒါကြောင့် Phay Phay Vlog ရဲ့ရည်ရွယ်ချက်ကတော့ ကလေးပြုစုပျိုးထောင်တဲ့အခါမှာ နည်းစနစ်မှန်ကန်အောင် ကြိုးစားလေ့လာပြီး ရည်ရွယ်ချက်တူ၊ ဝါသနာတူ လိုအပ်တဲ့ဖေဖေ၊မေမေများအတွက် ကလေးအသက်အရွယ်လိုက် မတူညီတဲ့အကြောင်းအရာတွေကို ကြိုးစားမျှဝေပေးသွားပါမယ်။ ဖေဖေ၊မေမေများအားလုံး စိတ်၏ချမ်းသာခြင်း ကိုယ်၏ကျန်းမာခြင်းနှင့် ပြည့်စုံကြပါစေ။ 🙏🙏🙏

ဖေဖေ၊မေမေများအနေနဲ့ အတူဆွေးနွေးတိုင်ပင်ရန် Group ဖွဲ့ပေးထားပါတယ်ခင်ဗျာ။
ဖေဖေ၊မေမေများ ဆွေးနွေးတိုင်ပင်ရာ

Phay Phay Vlog မှအသစ်တင်တိုင်းဖတ်ရှုနိုင်ရန်
https://www.facebook.com/phayphay.vlog/

ဖေဖေ‌နဲ့အတူ ဆွေးနွေးတိုင်ပင်နိုင်ရန်
http://m.me/phayphay.vlog

Phay Phay Vlog ကိုစိတ်ဝင်စားတဲ့အတွက် ကျေးဇူးပါ။

#ကိုယ်ဝန်ဆောင်ပြုစုစောင့်ရှောက်ရေးနည်းလမ်းများ
#ကလေးစောင့်ရှောက်ရေးနည်းလမ်းများ
#ကူးယူမျှဝေလိုပါကလွပ်လပ်စွာမျှဝေနိုင်ပါတယ်။
#ကျေးဇူးပြု၍Creditပေးပါ။

သားသားကို Tummy Time (ဝမ်းလျားမှောက်ခြင်း) လုပ်ပေးဖြစ်ပါတယ်
ဖေဖေမေမေများအားလုံးမင်္ဂလာပါ
Phay Phay Vlog မှာ စာတွေမရေးဖြစ်တာအတော် ကိုကြာနေခဲ့ပါပြီ
သားသားမွေးလာတော့ မေမေကိုကူညီစောင့်ရှောက်ရတာရယ်၊ သားသားကို ဂရုစိုက်တာနဲ့ အလုပ်များသွားတာနဲ့ပဲ စာတွေမရေးဖြစ်တော့တာပါ။ ခုနောက်ပိုင်းမှာတော့ သားသားနဲ့မေမေကို စောင့်ရှောက်ရင်း ကြုံတွေ့ရတာလေးတွေ လုပ်ပေးဖြစ်တာလေးတွေကို စာရေးရုံပဲမဟုတ်ပဲ ဗီဒီယိုလေးတွေပါ တင်ပေးသွား‌ဖို့ရှိပါတယ်ခင်ဗျာ။ ကျွန်တော့် Vlog လေးကို အားပေးကြတဲ့ ဖေဖေမေမေများကို ကျေးဇူးအများကြီးတင်ပါတယ်ခင်ဗျာ။
ဒီနေ့မှာတော့ သားသားကို လုပ်ပေးဖြစ်တာတွေထဲကမှ တစ်ခုဖြစ်တဲ့ Tummy Time အကြောင်းလေးကို ပြောပြပေးသွားမှာပဲ ဖြစ်ပါတယ်ခင်ဗျာ။
Tummy Time ဟာ ကလေးဘဝမှာ အရေးကြီးတဲ့ လေ့ကျင့်ခန်းတစ်ခုဖြစ်ပါတယ်။ ဘာကြောင့်လဲဆိုရင် ကလေးတွေရဲ့ငယ်ရွယ်စဥ်အခါ မွေးကင်းစမှစ၍ လိုအပ်တဲ့ဖွံ့ဖြိုးမှုတွေကို Tummy Time မှ တဆင့် ရရှိနိုင်တာကြောင့်ပဲဖြစ်ပါတယ်။ ကလေးတွေရဲ့ ကြွက်သားကြီး၊ ကြွက်သားငယ်များ၊ အမြင်အာရုံနှင့် အာရုံခံစားမှုများ၊ ဦးနှောက်ဖွံ့ဖြိုးမှုကို အသက်အရွယ်လိုက် ကိုက်ညီတဲ့ဖွံ့ဖြိုးတိုးတက်မှုတွေရရှိစေဖို့ မွေးကင်းစမှစ၍ ဝမ်းလျားမှောက်ခြင်းကို လေ့ကျင့်ပေးရပါတယ်။ ကလေးတွေ ထိုင်တတ်ဖို့ လေးဘတ်သွားဖို့နဲ့ လမ်းလျှောက်တတ်ဖို့အဆင်သင့်ဖြစ်အောင် မွေးကင်းစမှစပြီး ဝမ်းလျားမှောက်တဲ့ လေ့ကျင့်ခန်းကို လုပ်ပေးသင့်ပါတယ်။ မွေးကင်းစကနေပြီး Tummy Time ကို ပုံမှန်လေးလုပ်ပေးဖြစ်ပါတယ်။ အခုဆိုရင်သားသားက (၂) လခွဲရှိပါပြီ။ အသက်အရွယ်အလိုက် ဖွံ့ဖြိုးမှုကိုရရှိဖို့အတွက် တက်ထားတဲ့သင်တန်းများ အင်တာနက်စာမျက်နှာများမှ ဖတ်ရှုထားသောအကြောင်းအရာများ ပညာရှင်ဆရာ၊မများ၏ လမ်းညွှန်ချက်များကို လိုက်နာပြီး စနစ်တကျလေးပျိုးထောင်ပေးဖြစ်ပါတယ်။ နောက်ထပ်‌ရောက်လာမည့် အသက်အရွယ်များအတွက်လည်း ကြိုတင်လေ့လာနေရပါပြီ။ သားသားနဲ့မေမေကို စောင့်ရှာက်ရင်းကနေပြီး သိရှိလာတာက ကလေးပျိုးထောင်ခြင်းက တကယ်ကိုစိတ်ဝင်စားစရာကောင်းတယ်ဆိုတာပါပဲ။ ဒါပြီးရင် ဘာတွေသားသားလုပ်တတ်လာမလဲတွေးပြီး ရင်ခုန်ပျော်ရွှင်ရပါတယ်။ ဖွံ့ဖြိုးမှုမှတ်တိုင်တိုင်းဟာလည်း တကယ်ပဲ့အံ့ဩရလောက်ပါတယ်။
Phay Phay Vlog ကိုစိတ်ဝင်စားတဲ့အတွက် ကျေးဇူးပါ။

#ကိုယ်ဝန်ဆောင်ပြုစုစောင့်ရှောက်ရေးနည်းလမ်းများ
#ကလေးစောင့်ရှောက်ရေးနည်းလမ်းများ
#ကူးယူမျှဝေလိုပါကလွပ်လပ်စွာမျှဝေနိုင်ပါတယ်။
#ကျေးဇူးပြု၍Creditပေးပါ။