GreenCycle

17/10/2021

Entrepreneurship နဲ့ Ocean Sustainability အပိုင်းကိုစိတ်ဝင်စားတဲ့သူများ တကယ်လျှောက်သင့်တဲ့ Program လေးပါ။ အတွေ့အကြုံကောင်းနဲ့ ဗဟုသုတရော Skill တွေပါ ပိုတိုးတက်လာမှာပါ။ သိချင်တဲ့ Information တွေကို ChatBox/ Comment ကနေတဆင့်မေးနိုင်ပါတယ်

Have a look at the mentor community of Bluepreneur, which comprises amazing individuals working on environmental solutions across three continents!
Our group of curated mentors all strive to challenge your thinking, hone your business ideas, sharpen your solutions, and more importantly support your learning and self-discovery journey in environmental entrepreneurship!
If you're keen to join Bluepreneur and benefit from this mentorship, it's not too late. Our registration has been extended to 18 Oct.

Apply now at https://bit.ly/BluepreneurApp2021

31/08/2021

[ရေကြီးမှုနှင့်အဆိပ်ရှိသတ္တဝါအန္တရာယ်]
_____________________________________
မင်္ဂလာပါ 🙋‍♂️

🐍 မိုးရာသီ ရေကြီးရေလျှံတဲ့အခါ ကြုံတွေ့ရတတ်တဲ့ မြွေအန္တရာယ်များကို ပြောပြပေးပါမယ်။

နှစ်စဥ်နှစ်စဥ် ဇူလိုင်လနှင့်သြဂုတ်လဆန်းပိုင်းတွေမှာ မြန်မာပြည်နေရာအနှံ့အပြား၊မြစ်ဝကျွန်းပေါ်ဒေသများ၊မြစ်ချောင်းအင်းအိုင်တစ်လျောက်ကမြို့ရွာများမှာ ရေကြီးရေလျှံမှုတွေ ဆက်တိုက် ဖြစ်ပေါ်​ေလ့ရှိပါတယ်။

အဲ့ဒီအခါ တွားသွား သတ္တဝါတွေနဲ့အင်းဆက်ပိုးမွားတွေဟာလည်း ဘေးလွတ်ရာကို ရှောင်တိမ်းတတ်ကြပြီး လူနေအိမ်တွေ၊ အမှိုက်ထူထပ်တဲ့ချုံတွေ၊သစ်ပင်တွေမှာ ခိုအောင်းနေတတ်ကြပါတယ်။အဆိပ်ရှိအင်းဆက်ပိုးကောင်တွေနဲ့မြွေတွေပါလာနိုင်တာမလို့ သတိထားရပါမယ်။

📈📈 ကျန်းမာရေးဝန်ကြီးဌာနက မြန်မာနိုင်ငံမှာ မြွေကိုက်ခံရသူပေါင်း နှစ်စဥ် ၁၀,၀၀၀ ခန့်ရှိတယ်လို့ဆိုပါတယ်။အဲ့ဒီထဲကမှ ၁၀%ဟာ အရေးပေါ်ကုသမှုမရတာရယ်၊ကာကွယ်ဆေးမထိုးနိုင်တာရယ်ကြောင့် သေဆုံးကြရပါတယ်။မှတ်တမ်းများအရ မိုးရာသီမှာ မြွေကိုက်ခံရနှုန်းပိုမိုမြင့်တက်လေ့ရှိပါတယ်။

ဒါဆိုရင် မြန်မာပြည်မှာအများဆုံးတွေ့ရတဲ့ ​အဆိပ်ပြင်းအင်းစက်တွေအကြောင်းကို သတိထားနိုင်ဖို့ပြောပြပေးပါမယ်။

🐍မြွေပွေး

မြွေပွေးကိုနေရာအတော်များများမှာတွေ့ရတတ်ပြီးတော့ သူ့ရဲ့အဆိပ်ဟာ လူခန္ဓာကိုယ်သွေးခဲတဲ့စနစ်ကို ပျက်စီးစေပါတယ်။ထို့ကြောင့် မြွေပွေးကိုက်ခံရပါက ဦးနှောက်နဲ့အစာလမ်းကြောင်းတွေမှာ သွေးယိုစိမ့်ခြင်း၊ ဆီထဲမှာသွေးပါပြီး ကျောက်ကပ်ပျက်စီးခြင်းတွေအထိဖြစ်နိုင်ပါတယ်။

🐍မြွေဟောက်

မြွေဟောက်ဟာလည်း နေရာတော်တော်များများမှာတွေ့ရတာဖြစ်ပြီး ကိုက်ခံရပါက အဆိပ်ဟာအာရုံကြောစနစ်တစ်ခုလုံးကိုထိခိုက်စေနိုင်တာကြောင့် လူနာကမှိန်းလာပြီး အာရုံခံစားမှုမရှိတော့တာမျိုး၊ အာရုံကြောများပျက်စီးကာ ကြွက်သားတွေထုံကျင်လာတာမျိုးအထိဖြစ်နိုင်ပါတယ်။အသက်ရှူခြင်းနှင့် အဆုတ်ကိုပါ ထိခိုက်နိုင်ပါတယ်။

🦂 ကင်းမြီးကောက်

ကင်းမြီးကောက်တွေဟာ အပူပိုင်းဒေသမှာ အများဆုံးနေထိုင်ကြပေမယ့် အမှန်စင်စစ် နေစူးမှာကြောက်ကြတဲ့သတ္တဝါတွေပါ။စိုစွတ်တဲ့နေရာ၊အပင်ထူထပ်သောနေရာနှင့် ကျောက်ကြိုကျောက်ကြားများမှာ ပုန်းအောင်းတတ်ပါတယ်။ညဘက်မှသာ လန်းဆန်းလာပြီး အစာရှာထွက်တတ်တာဖြစ်ပါတယ်။အကိုက်ခံရရင်တော့ အဆိပ်ပြင်းထန်မှုကိုလိုက်ပြီး မူးဝေအော့အန်တာကနေ သေဆုံးသည်အထိဖြစ်နိုင်ပါတယ်။ကိုက်ခံရတဲ့နေရာတဝိုက် ရောင်ယမ်းနာကျဥ်ခြင်း၊ထုံခြင်း၊ကိုက်ခြင်း၊ကြွက်သားများသေဆုံးခြင်း၊နှလုံးကြွက်သားများအထိ ထိခိုက်ခြင်း၊ဆီးအတွင်းသွေးပါခြင်းတွေပါ ဖြစ်နိုင်ပါတယ်။

🐛 ကင်းခြေများ

ကင်းခြေများတွေဟာ လူကိုတော်ရုံနဲ့အန္တရာယ်မပြုကြပေမယ့် သူတို့ကိုနင်းမိရင်တော့ ပြင်းထန်တဲ့အဆိပ်တွေနဲ့ ထိုးနှိုက်တိုက်ခိုက်တတ်ကြပါတယ်။ခြုံထူထပ်တဲ့နေရာတွေ၊ရွံ့မြေပေါတဲ့နေရာတွေနှင့် ဂိုထောင်များ၊ကျောက်တူံးများအောက်တွေမှာ ရှင်သန်နေထိုင်ကြပြီး ညဖက်မှာ လှုပ်ရှားတတ်ကြပါတယ်။အကိုက်ခံရရင် မူးဝေအော့အန်တာအပြင် Allergic ထခြင်း၊ကြွက်သားများထိခိုက်ခြင်းကနေ သေဆုံးတဲ့အထိ ဖြစ်နိုင်ပါတယ်။

🙆‍♂️ ဒါကြောင့် ကိုယ့်ဒေသမှာ ရေကြီးရေလျှံမှုဖြစ်ရင် အဆိပ်ရှိသတ္တဝါအန္တရာယ် သတိထားကြဖို့ Greenersတို့ကို သတိပေးပါရစေနော်

29/08/2021

[ရေကြီးမှုဖြစ်နေစဉ်အတွင်းဆောင်ရန်ရှောင်ရန်အချက်များ]
__________________________________
မင်္ဂလာပါ

ဒီနေ့မှာတော့ ရေကြီးမှုဖြစ်နေစဉ်နှင့် ဖြစ်ပြီးနောက် ဆောင်ရန်ရှောင်ရန်များကို မျှဝေပေးမှာပဲ ဖြစ်ပါတယ်။

🔰 ရေကြီးမှုဖြစ်နေစဉ်အတွင်းမှာ သန့်စင်ပြီးသား ရေသန့်ကိုသာ အသုံးပြုသင့်ပါတယ်။ Municipal ကနေ လွှတ်ပေးလိုက်တဲ့ ရေတွေက အပေါ်ယံအမြင်အရ သန့်ရှင်းနေပေမယ့်လည်း ရေကြီးရေလျှံခြင်း သက်ရောက်မှုတွေနဲ့ ညစ်ညမ်းနေနိုင်ပါတယ်။ ဒါ့ကြောင့် သန့်စင်ပြီးသား အသင့်သောက်သုံးရေ သို့မဟုတ် ကျိုချက်ထားသောရေကိုသာ အသုံးပြုသင့်ပါတယ်။ အလွန်နောက်ကျိနေတဲ့ ရေများကိုတော့ ရေFilterများနဲ့ သန့်စင်ပြီးမှသာ ကျိုချက်တာ သို့မဟုတ် Chlorine ခပ်ပြီး သောက်သုံးသင့်ပါတယ်။

🔰 မိမိတို့စားသုံးမယ့် အသီးအနှံများကိုလည်း ကျိုချက်ပြီးသား ရေနှင့်သာ ဆေးကြောပြီး စားသုံးသင့်ပါတယ်။ ရေကြီးထားသော ရေနှင့်ထိတွေ့ထားတဲ့ အစားအစာများကို စွန့်ပစ်သင့်ပါတယ်။ မိမိအိမ်မှာရှိတဲ့ ရေခဲသေတ္တာကလည်း Flood Waterနဲ့ ထိတွေ့ထားတယ်ဆိုရင် သိမ်းထားတဲ့ အစားအစာများကို စားသုံးခြင်းမှ ရှောင်ကြဉ်ရပါမယ်။

🔰 မိမိအိမ်ပတ်ဝန်းကျင်မှာ ရေကြီးမှုတွေကြုံနေရပြီ ဆိုရင်လည်း တတ်နိုင်သမျှ ရေနဲ့ထိတွေ့ခြင်းကို ရှောင်ကြဉ်ရပါမယ်။ အကယ်၍ ထိခိုက်ဒဏ်ရာ ရှိထားတယ်ဆိုရင်တော့ ဒဏ်ရာကို ပိုးမဝင်နိုင်အောင် စနစ်တကျ သန့်ရှင်းပြီး ဖုံးအုပ်ထားရပါမယ်။

🔰 ရေကြီးရေလျှံ ဖြစ်နေစဥ်အတွင်း ကလေးငယ်များကို ရေထဲပေးဆော့ခွင့် မပြုသင့်ပါ။ တဖြည်းဖြည်း စီးနေတဲ့ ရေပင်လျှင် ကလေးငယ်များ ခြေထောက်လွတ်သွားနိုင်ပြီး ရေနဲ့အတူမျောပါသွားခြင်းများ ဖြစ်တတ်ပါတယ်။ ရေထဲမှာ ပုလင်းကွဲများ ပစ္စည်းအပိုင်းအစများ မျောပါလာနိုင်တဲ့အတွက် ထိခိုက်ဒဏ်ရာ ရနိုင်တဲ့အပြင် အရေပြားရောဂါများ ဖြစ်လာနိုင်ပါတယ်။ အထူးသဖြင့် မိမိတို့ရဲ့ ပါးစပ်၊ မျက်လုံး၊ နှာခေါင်းများကို ညစ်ညမ်းနေသောရေ၊ ထိုရေနှင့်ထိတွေ့ထားသော ပစ္စည်းများ၊ လက်များနှင့် ထိတွေ့ခြင်းများကို တတ်နိုင်သမျှ ရှောင်ရှားရပါမယ်။

🔰 မိမိတို့ရဲ့ လက်များကိုလည်း ဆပ်ပြာ၊ သန့်ရှင်းသောရေဖြင့် အကြိမ်ကြိမ် ဆေးပေးသင့်ပါတယ်။ အထူးသဖြင့် ရေချိုးခန်း၊အိမ်သာ အသုံးပြုပြီးနောက် (သို့) အစာမစားခင် (သို့) flood water နှင့်ထိထားသော ပစ္စည်းများကို ထိတွေ့ပြီးနောက် လက်ကို သန့်စင်အောင် ဆေးကြောပေးရပါမယ်။

🔰 အိမ်ရဲ့ Main မီးခလုတ်များကို ပိတ်ထားသင့်ပါတယ်။ မသုံးခင်မှာ ရေကြီးနေစဉ်အတွင်း ရေနဲ့ထိတွေ့ထားတဲ့ ခလုတ်များကို ခြောက်သွေ့မသွေ့ စစ်ဆေးပြီးမှသာ အသုံးပြုသင့်ပါတယ်။

🔰 လေဝင်လေထွက် ကောင်းဖို့အတွက် ပြတင်းပေါက်များကို ဖွင့်ထားပြီး စိုစွတ်ထားသော အရာများကို ခြောက်သွေ့အောင်ပြုလုပ်ပါ။ စိုစွတ်နေသောပစ္စည်းများကို ရေနွေးနွေးလေးနှင့် ရောစပ်ထားတဲ့ ဆပ်ပြာရေ သို့မဟုတ် ပိုးသတ်ဆေးရည်များကို အသုံးပြုနိုင်ပါတယ်။ ကော်ဇော၊ အိပ်ယာအခင်းများကတော့ ခြောက်သွေ့ဖို့နဲ့ သန့်ရှင်းဖို့ မလွယ်ကူနိုင်တဲ့အတွက် စွန့်ပစ်လိုက်ခြင်းဟာ အကောင်းဆုံးပါ။ သို့ပေမယ့်လည်း ရေစိုတဲ့ပမာဏနည်းရင် Mild detergent လိုဆပ်ပြာမျိုးနဲ့ လျှော်ဖွပ်ပြီး သန့်စင်နိုင်ပါတယ်။

အဆုံးထိဖတ်ပေးတဲ့အတွက် ကျေးဇူးတင်ပါတယ်။ ရေကြီးမှုအမျိုးအစားများ အကြောင်းကို ဖတ်ချင်ရင်တော့ ဒီLinkကနေတဆင့် ပြန်လည်ဝင်ဖတ်နိုင်ပါတယ်။
https://www.facebook.com/103395561542784/posts/309076400974698/?d=n

နောက်ရက်မှာတော့ ရေကြီးရေလျှံတဲ့အခါ ကြုံတွေ့ရတတ်တဲ့ မြွေအန္တရာယ်အကြောင်းကို ဆက်လက်မျှဝေပေးသွားမှာ ဖြစ်ပါတယ်။ Stay Tuned

20/08/2021

[ရေကြီးရေလျှံမှု အမျိုးအစား 4 ခု]
______________________________________
မင်္ဂလာပါ

ဒီနေ့မှာတော့ ရေကြီးရေလျှံမှုတွေ ဘာကြောင့်ဖြစ်ရသလဲ ဆိုတာနဲ့ ဖြစ်နိုင်တဲ့ အမျိုးအစားတွေကို မျှဝေပေးမှာ ဖြစ်ပါတယ်။

ရေကြီးရေလျှံမှုတွေက မိုးအပြင်းအထန်ရွာတဲ့အခါ ရေနုတ်မြောင်းတွေမှာ အမှိုက်တွေပိတ်ဆို့ပြီး ကောင်းမွန်စွာ ရေမစီးဆင်းနိုင်တာ သို့မဟုတ် ရေနုတ်မြောင်းပမာဏ နည်းတဲ့အခါ တနည်းအားဖြင့် မြစ်တွေချောင်းတွေမှာ ရေလျှံတဲ့အခါမှာ ဖြစ်ပေါ်တတ်ပါတယ်။ မိုးသည်းပြီးနောက် ရေကာတာမှာရှိတဲ့ရေပမာဏ များလာရင်လည်း ရေဖိအားကြောင့် ဆည်ကျိုးတာတွေဖြစ်ပြီး ရေကြီးနိုင်ပါသေးတယ်။ နောက်တချက်အနေနဲ့ကတော့ လေတိုက်နှုန်းအလွန်ပြင်းတဲ့အခါ သို့မဟုတ် ဆိုင်ကလုန်းမုန်တိုင်းလို မုန်တိုင်းအကြီးစားတွေ ဖြစ်ပေါ်တဲ့အခါမှာလည်း ရေကြီးနိုင်ပါတယ်။ နောက်ဆုံးတချက်အနေနဲ့ကတော့ ရေခဲတောင်ရှိတဲ့နီးစပ်ရာ နေရာမျိုးတွေမှာ ပတ်ဝန်းကျင်အပူချိန် မြှင့်တက်လာမှုကြောင့် နှင်းတွေအရည်ပျော်လာပြီး ရေကြီးမှုများဖြစ်နိုင်ပါတယ်။

ယေဘုယျအားဖြင့် ရေကြီးမှုအမျိုးစား လေးခုကို မျှဝေပေးပါမယ်။

🌊 ပထမတစ်ခုကတော့ Flash Flood လို့ခေါ်တဲ့ လျှက်တပြတ်ရေကြီးခြင်းပါ။ သူက 6နာရီအတွင်းသာ ဖြစ်ပေါ်နိုင်ပြီး နေရာတော်တော်များများမှာ တွေ့နိုင်ပါတယ်။ အဓိကအားဖြင့် နိမ့်တဲ့နေရာတွေ ရေနုတ်မြောင်းစနစ် မကောင်းတဲ့နေရာတွေမှာ တွေ့နိုင်ပါတယ်။ ဒီဖြစ်စဉ်မှာဆိုရင် ကြိုတင်သတိပေးခြင်းတွေ မရှိနိုင်တဲ့အတွက် ပြင်ဆင်မှုအချိန်လည်းမရနိုင်ပါဘူး။ ဒါ့ကြောင့် အပျက်အစီးအနည်းငယ်တော့ ရှိနိုင်ပါတယ်။

🌊 ​ဒုတိယတစ်ခုတော့ Rapid Onset Flood လို့ခေါ်တဲ့ တစ်ရက်ကနေ နှစ်ရက်အတွင်း ဖြစ်တတ်တဲ့ ရေကြီးမှုမျိုး ဖြစ်ပါတယ်။ ဒီဖြစ်စဉ်ဟာလည်း ကြိုတင်သတိပေးမှုများ မရှိနိုင်တဲ့အတွက် ဘေးကင်းရာသို့ ရွှေ့ပြောင်းဖို့ အချိန်လုံလုံလောက်လောက် မရတတ်ကြပါဘူး။ ပျက်စီးမှု အနည်းနဲ့အများ ဖြစ်ပေါ်နိုင်ပါတယ်။

🌊 နောက်တစ်ခုကတော့ Slow Onset Flood လို့ခေါ်တဲ့ သက်ဆိုင်ရာဌာနနဲ့ အဖွဲ့အစည်းများက ကြိုတင်သတိပေးမှုများ ပြုလုပ်ထားပြီး တဖြည်းဖြည်းချင်း ရေလွှမ်းမိုးလာတဲ့ ဖြစ်စဉ်ဖြစ်ပါတယ်။ ဒီမှာတော့ ရက်ပိုင်းကနေ အပတ်တွေထိ ကြာမြင့်တတ်ပါတယ်။ ကြိုတင်သတိပေးမှုများ ရှိထားတဲ့အတွက် လူတွေအနေနဲ့ ဘေးကင်းရာကိုရွှေ့ပြောင်းဖို့ အချိန်အတော်သင့် ရရှိတတ်ကြပါတယ်။

🌊 နောက်ဆုံးတစ်ခုကတော့ ဆိုင်ကလုန်း/ ဟာရီကိန်း လိုမုန်တိုင်းတွေမှတဆင့် ဖြစ်တတ်တဲ့ Storm Surge Flood လို့ခေါ်တဲ့ ရေကြီးမှုမျိူး ဖြစ်ပါတယ်။ ဒီရေကြီးမှုကတော့ ကမ်းခြေ အနီးတစ်ဝိုက် နေထိုင်သူတွေအတွက် တော်တော်လေးကို အန္တရာယ်များတဲ့ ရေလွှမ်းမိုးမှုတစ်ခုဖြစ်ပါတယ်။

ရေလွှမ်းမိုးမှု သို့ ရေကြီးရေလျှံမှုတွေဟာဆိုရင် လူတွေရဲ့အပြုအမှုတွေကြောင့် ပြန်လည်သက်ရောက်လာတဲ့ သဘာဝဘေးအန္တရာယ်တွေပဲဖြစ်ပါတယ်။ ရေကြီးမှုတစ်ခုဖြစ်လာတိုင်း အပျက်အစီးတွေလည်း ရှိတတ်ကြပါတယ်။ ဒါ့ကြောင့် ကျွန်မတို့အနေနဲ့ ရေကြီးမှု ဖြစ်နေစဉ်နဲ့ ဖြစ်ပြီးနောက် ဆောင်ရန်ရှောင်ရန် အချက်များကို မနက်ဖြန်မှာ ဆက်လက် မျှဝေပေးသွားပါ့မယ်။

အဆုံးထိ ဖတ်ပေးတဲ့အတွက် ကျေးဇူးတင်ပါတယ်။ မြန်မာနိုင်ငံရော ဖြစ်လေ့ရှိတဲ့ ရေကြီးမှု အမျိုးအစားက ဘယ်ဟာဖြစ်မလဲဆိုတာကို Comment Box မှာ ဖြေပေးကြည့်ပါဦးနော်။

နောက်ရက်မှာတော့ ရေကြီးမှုဖြစ်နေစဉ်နှင့် ဖြစ်ပြီးနောက် ဆောင်ရန်ရှောင်ရန် အချက်တချို့ကို ဆက်လက်မျှဝေပေးသွားမှာ ဖြစ်ပါတယ်။

Stay Informed with Team GC❤️


Reference - Learning Junction

16/08/2021

တစ်နေ့တာ လှုပ်ရှားမှုတွေမှာ ရေပမာဏ ဘယ်လောက်ထိ သုံးစွဲမိနေလဲ❓
________________________________________
မင်္ဂလာပါ

ဒီနေ့မှာတော့ ကျွန်မတို့ရဲဲ့နေ့စဉ်လှုပ်ရှားမှုတချို့မှာ ရေပမာဏဘယ်လောက် သုံးစွဲနေပုံနှင့် ရာသီဥတုပြောင်းလဲလာတာနဲ့အမျှ ရှားပါလာတဲ့ ရေအရင်းအမြစ်တွေကို ဘာကြောင့်အကျိုးရှိရှိ ချွေတာသုံးစွဲသင့်လဲဆိုတာကို မျှဝေပေးမှာဖြစ်ပါတယ်။

​နေ့စဉ်လှုပ်ရှားမှုတွေတိုင်းမှာ ရေဟာ အနည်းနဲ့အများ ကုန်ဆုံးနေတာဖြစ်ပြီး တဖြည်းဖြည်း လူတွေရဲ့အပြုအမူတွေနဲ့လူဦးရေ များပြားလာမှုကြောင့် ရေဟာတဖြည်းဖြည်း ပိုမိုရှားပါးလာပါတယ်။

ကမ္ဘာ့ရေရဲ့ 97% ဟာ ပင်လယ်နဲ့သမုဒ္ဒရာက ရေငန်တွေဖြစ်ပြီး 2% ကတော့ ရေခဲနေတာဖြစ်ပါတယ်။ ကျန်ရှိတဲ့1% နီးပါးကိုသာသောက်ရေ၊ စီးပွားဖြစ်နဲ့ စက်ရုံသုံး၊ စိုက်ပျိုးရေးအတွက် သုံးနိုင်တာဖြစ်ပါတယ်။

နေ့စဉ်နှင့်အမျှ ရေကုန်ဆုံးမှု၊ သုံးစွဲမှုကို အချက်ကျကျ ပြောရမယ်ဆိုရင်

💧(ရေ) ပိုက်အရွယ်အစားပေါ် မူတည်ပြီး တစ်နေ့ကို ရေဂါလန် 100 ထိယိုစိမ့်နိုင်ပါတယ်။
💧 သွားတိုက်နေစဉ်အတွင်း ရေပိုက်ဖွင့်ထားမယ်ဆိုရင် တစ်ဂါလန်နီးပါး အလေအလွင့် ဖြစ်နိုင်ပါတယ်။
💧 5 မိနစ်ရေချိုးနေချိန်အတွင်းမှာ ရေဂါလန် 15 ကနေ 20 အတွင်း ကုန်နိုင်ပါတယ်။
💧 10 မိနစ် ရေချိုးမယ်ဆိုရင် ဂါလန် 40 ထိ ကုန်နိုင်ပါတယ်။
💧 နွားနို့သောက်သုံးမယ်ဆိုရင်လည်း နွားတစ်ကောင်က နွားနို့တစ်ဂါလန်ထုတ်နိုင်ဖို့ ရေ4ဂါလန်ကို သောက်သုံးပေးရပါတယ်။
💧 သင်ဟာ ဓာတ်ငွေ့သုံးယာဉ်ကို အသုံးပြုမယ်ဆိုရင် ယာဉ်က Gasoline (ဓာတ်ဆီ) 1 ဂါလန်ထုတ်နိုင်ဖို့ ရေ13ဂါလန် ထည့်ပြီးအသုံးပြုရပါတယ်။

​အထက်ပါ အချက်အလက် အနည်းငယ်ကို ကြည့်မယ်ဆိုရင် ကျွန်မတို့ မဖြစ်မနေ အသုံးပြုရတဲ့ ရေပမာဏကလည်းရှိနေတဲ့အတွက် တချို့မလိုအပ်ပဲအလေအလွင့် ဖြစ်သွားတဲ့နေရာတွေမှာ (ဥပမာ-သွားတိုက်နေချိန်အတွင်းရေပိုက်များ ပိတ်ထားခြင်း၊ ရေတင်ချိန်ကို အချိန်သတ်မှတ်ပြီး တင်ခြင်း၊ ရေအလေအလွင့်များ မဖြစ်အောင် သတိထားခြင်း)ဖြင့် ရေအရင်းမြစ်များ ထိန်းသိမ်းနိုင်ပါတယ်။

မြန်မာနိုင်ငံအနေနဲ့ ယခင်က အရင်းအမြစ်များ ပေါကြွယ်ဝသော်ငြားလည်း ယခုလက်ရှိမှာတင် ရာသီဥတုပြောင်းလဲမှု၊ နွေမတိုင်ခင်ရေရှားပါးမှု၊ ရေကြီးရေလျှံခြင်းနှင့် သန့်ရှင်းသောရေမရှိမှုစတာတွေကို မြို့ကြီးများမှာပင် စတင်တွေ့ကြုံခံစားနေကြရပါပြီ။ ဒါ့ကြောင့် အချိန်မနှောင်းခင် တန်ဖိုးရှိတဲ့ ရေအရင်းအမြစ်များကို စနစ်တကျ အကျိုးရှိရှိအသုံးချဖို့နဲ့ ထိန်းသိမ်းကာကွယ်ကြဖို့ တိုက်တွန်းအသိပေးလိုပါတယ်။

အခုလို အဆုံးထိ ဖတ်ပေးတဲ့အတွက် ကျေးဇူးတင်ပါတယ်။ သင်ရော တနေ့တာလှူပ်ရှားမှုတွေမှာ ရေကိုဘယ်လိုချွေတာပြီး စနစ်တကျ အသုံးပြုနေလဲဆိုတာကို တခြားသူငယ်ချင်းတွေလည်း အတုယူရအောင် Cmt မှာ မျှဝေပေးပါဦးနော်

02/08/2021

တစ်ခါသုံး Mask များကို ရောဂါပြန့်ပွားမှု မရှိအောင် စနစ်တကျ ဘယ်လိုစွန့်ပစ်ကြမလဲ?

မင်္ဂလာပါရှင့်

ဒီနေ့မှာတော့ ​Masks မတပ်ခင်/အသုံးပြုပြီး လိုက်နာရမည့် အချက်များကို မျှဝေပေးချင်ပါတယ်။

(1) Mask ကို လက်နဲ့မကိုင်ခင် မိမိရဲ့လက်ကို ဆပ်ပြာ သို့မဟုတ် Sanitizer နဲ့ အရင်ဆုံး သန့်စင်ရပါမယ်။
(2) Mask ကို ပါးစပ်/နှာခေါင်းများ လုံခြုံအောင် တပ်ဆင်ရပါမယ်။
(3) Mask တပ်နေစဉ်အတွင်း အပြင်ဘက်အခြမ်း(အပြာရောင်) ကို လက်နဲ့မကြာခဏထိခြင်း များကို ရှောင်ကြဉ်ရပါမယ်။
(4) Mask များကို အသုံးပြုပြီးနောက် စွန့်ပစ်မည့်အချိန်တွင် ရောဂါပြန့်ပွားမှုမရှိရလေအောင် ခေါက်ပုံခေါက်နည်းများကို videoနှင့် မျှဝေပေးထားပါသည်။
(5) အမှိုက်ပုံးထဲသို့ တိုက်ရိုက် မစွန့်ပစ်ပဲ ပလတ်စတစ်အိတ်ထပ်ထားသော ပုံးထဲကိုသာ စွန့်ပစ်သင့်ပါတယ်။
(6) အသုံးပြုပြီးသော Masks များကို စွန့်ပစ်ပြီးပါက လက်ကို သန့်စင်အောင်ပြုလုပ်ရမှာပဲဖြစ်ပါတယ်။
(7) တစ်ခါသုံး Mask များကို အကြိမ်ကြိမ်ပြန်လည် အသုံးပြုပါက ရောဂါကူးစက်နိုင်ခြေ မြင့်မားပြီး လျှော်ဖွတ်အသုံးပြုပါက အတွင်းပိုင်း Layer များ ပျက်စီးကာ ရောဂါပိုးများ အလွယ်တကူ ဝင်ရောက်နိုင်ခြင်းတို့ကြောင့် တစ်ခါသုံး Mask များကို တစ်ကြိမ်တစ်ခါသာ အသုံးပြုသင့်ပါတယ်။

အဆုံးထိ ဖတ်ပေးတဲ့အတွက် ကျေးဇူးတင်ပါတယ်။ မိမိတို့ စွန့်ပစ်လိုက်သော ပစ္စည်းများမှတဆင့် ရောဂါပြန့်ပွားမှုမရှိအောင် ပူးပေါင်းပါဝင်ပေးကြဖို့ မေတ္တာရပ်ခံပါတယ်။ ဒီ Content လေးက သင့်အတွက် အကျိုးရှိစေတယ်ဆိုရင်တော့ Like&Share လေးလုပ်ပေးကြပါဦးနော်။

05/06/2021

World Environment Day 🌎🌳(June 5)
___________________________________

သဘာဝပတ်ဝန်းကျင်ကိုထိန်းသိမ်းစောက်ရှောက်ခြင်းဟာ သက်ရှိတွေရဲ့ဘဝကိုကယ်တင်ခြင်းလဲဖြစ်ပါတယ်။ကမ္ဘာ့လူ့ဦးရေတိုးပွါးလာခြင်းနဲ့အတူ ကမ္ဘာကြီးပူနွေးလာမှု၊ရာသီဥတုပြောင်းလဲလာမှု၊သဘာဝအရင်းအမြစ်တွေနည်းပါးလာမှု၊လေထုနှင့်ရေထုညစ်ညမ်းမှုတွေကိုဖြစ်ပေါ်စေလျက်ရှိပါတယ်။
ဒီသဘာဝပတ်ဝန်းကျင်ပျက်စီးယိုယွင်းမှုတွေကို ပြန်လည်ထိန်းသိမ်းစောင့်ရှောက်နိုင်ဖို့ဆိုတာ လူသားတွေရဲ့တာဝန်တစ်ရပ်ဖြစ်တယ်ဆိုတာ အမြဲသတိရစေရန် သတ်မှတ်ကျင်းပရခြင်းနဲ့အတူ
“ဂေဟစနစ်ပြန်လည်တည်ထောင်ဖို့ သစ်ပင်စိုက်ကြစို့၊ ဖက်ဒရယ်ဒီမိုကရေစီပြည်ထောင်စု ထူထောင်ဖို့ ပြည်သူတစ်ရပ်လုံးပါဝင်စို့”
ဆောင်ပုဒ်နှင့်အညီ သစ်ပင်စိုက် လူထုလှုပ်ရှားမှုတွင် ပါဝင်
ဆင်နွှဲရန် စာဖတ်သူများကို လှုံဆော်ရင်းဖြင့် ယနေ့၅-၆-၂၀၂၁ တွင်ကျရောက်သော World Environment Day (WED) နေ့ကို ကြိုဆိုဂုဏ်ပြုအပ်ပါသည်။

31/05/2021

ဇွန်လ(၅)ရက်နေ့မှာ ကျရောက်မည့် ကမ္ဘာ့ပတ်ဝန်းကျင်ထိန်းသိမ်းရေးနေ့ ( World Environment Day)တွင် နွေဦးတော်လှန်ရေးမှာ ကျဆုံးသွားသော သူရဲကောင်းများနှင့် စစ်အာဏာရှင်ကို လက်ရှိ တွန်းလှန်တိုက်ခိုက်နေသည့် လူမျိုးဘာသာ အလွှာမျိုးစုံရှိရဲဘော်အပေါင်းတို့ကို ဂုဏ်ပြုသည့် အနေဖြင့်
မိမိ ကြိုက်နှစ်သက်ရာ သစ်ပင်/ သီးပင်/စားပင်/ အရိပ်ရပန်းမန်သစ်ပင် များစိုက်ပျိုးခြင်းဖြင့် ကမ္ဘ့ာပတ်ဝန်းကျင်ထိန်းသိမ်းရေးနေ့လူထုလှုပ်ရှားမှု (WED Campaign) တွင် ပူးပေါင်းပါဝင်ပေးကြပါရန် တိုက်တွန်း နှိုးဆော်အပ်ပါသည်။

09/05/2021

မဂ်လာပါ သူငယ်ချင်းတို့ရေ 💚🙆‍♂️

ဒီစာလေးကို လွတ်လပ်စွာ မျှဝေနိုင်ပါတယ်

မကြာခင်မှာပဲ သစ်သီးတွေ လိုှင်လိှုင်ပေါတဲ့ ရာသီကိုရောက်လာတော့မှာပါ
ဥပမာ
✔ သရက်သီး
✔ ဒူးရင်းသီး
✔ ကနစိုသီး
✔ ကြက်မောက်သီး
✔ မင်းကွပ်သီး
✔ ပိန်နဲသီး အစရှိသဖြင့်ပေါ့.

ကျွန်တော်တို့ မေတ္တာရပ်ခံချင်တာကတော့
အဲဒီအသီးတွေကို စားပြီးတဲ့အခါ သစ်စေ့လေးတွေကို အမိှုက်တွေနဲ့အတူ လွင့်မပစ်ကြပါနဲ့ခင်ဗျာ....🙅‍♂️🙅‍♂️

အဲဒီအ​ေစ့လေးတွေကို ရေပြောင်အောင်ဆေးပြီး အခြောက်ခံပေးထားပါ....🙆‍♂️

ကောင်းစွာ ခြောက်သွေ့သွားတဲ့အချိန် သတင်းစာ စက္ကူလေးနဲ့ ထုပ်ပြီး မိတ်ဆွေတို့ရဲ့ ကားထဲမှာဖြစ်ဖြစ် အိမ်မှာပဲဖြစ်ဖြစ် သိမ်းထားပေးပါခင်ဗျ....🙋‍♂️

ခရီးသွားရင်းနဲ့ပဲ ဖြစ်ဖြစ် မြို့အပြင်ရောက်တဲ့အခါမှာ ဖြစ်ဖြစ် ကျေးလက်လမ်းတွေမှာပဲဖြစ်ဖြစ် ကားလမ်းဘေးက မြေကွက်လပ်တွေမှာပဲဖြစ်ဖြစ် အဲဒီနေရာတွေကို ရောက်တဲ့အခါမှာ သင်သိမ်းထားတဲ့ သစ်စေ့လေးတွေကို လွင့်ပစ်ပေးပါ....🙋‍♂️🙋‍♂️

🔰 အဲဒီအစေ့လေးတွေဟာ မိုးရာသီရောက်တဲ့ခါမှာ အလွယ်တကူ ရှင်သန်လာနိုင်ပါတယ်

🔰 မိတ်ဆွေ အနေနဲ့ နှစ်စဉ်မိုးရာသီတိုင်းမှာ ဒီနည်းသုံးပြီး အပင်လေးတွေ စိုက်ပျိုးပေးမယ်ဆိုရင် ကျွန်တော်တို့ နေထိုင်ရာ ကမ္ဘာကြီးစိမ်းလန်းလာရေး ရည်မှန်းချက်ဟာ အောင်မြင်လာမှာပါ

🔰 ထိုင်းအစိုးရကတော့ ဒီနည်းနဲ့ အပင်တွေစိုက်ပျိုးကြဖို့ သူတို့နိုင်ငံသားတွေကို လွန်ခဲ့တဲ့ နှစ်အနည်းငယ်ကတည်းက လှုံ့ဆော်နေခဲ့တာပါ

🔰 ထိုင်းနိုင်ငံရဲ့ ခရိုင်အရာရှိတွေဟာ သူတို့ဒေသတွေမှာ ဒီနည်းကို စိတ်အားထက်သန်သန်ပဲ ဟောပြောစည်းရုံးခဲ့ပြီး အောင်မြင်မှုတွေရရှိခဲ့ကြပါတယ်။ ထိုင်းနိုင်ငံ မြောက်ပိုင်းက ခရိုင်တွေက ( မြန်မာနိုင်ငံ ရှမ်းပြည်နဲ့ ဆက်စပ်နေတဲ့ ဒေသ ) တောတွေမှာ ဒီနည်းနဲ့ သစ်သီးပင်တွေဟာ တိုးပွားလို့လာနေပါတယ်😊😊😊😊😊😊😊

ရိုးရှင်းပြီး ထိရောက်စေမဲ့ ဒီနည်းလမ်းလေးကို အသုံးပြီး ကျွန်တော်တို့ အနာဂတ် မျိုးဆက်တွေအတွက် သစ်ပင်တွေ အေးမြတဲ့အရိပ်တွေ အလျှံပယ် ထားခဲ့ကြရအောင်လားဗျာ...........

Penro Tarlac Page က ရေးထားတာလေးကို ဆီလျှော်အာင် ဘာသာပြန်ပေးထားတာပါ

14/01/2021

ပင်လယ်နေသတ္တဝါများအပေါ် Food Waste များရဲ့ သက်ရောက်မှုအခြေအနေ(Part-2)
__________________________________
မင်္ဂလာပါ

ဒီနေ့မှာတော့ Food Waste တွေဟာ Marine Ecosystem မှာဘယ်လောက်ထိ ထိခိုက်နေလဲဆိုတာကို ကျွန်မတို့ အချက်သုံးချက်နဲ့ ဆွေးနွေးကြပါမယ်။

(1) Marine Wildlife

ပင်လယ်စာလုပ်ငန်း စက်ရုံတွေကနေ နှစ်စဉ် 7 သန်းတန်ချိန် ရှိတဲ့ Waste တွေ ထွက်လျက်ရှိပါတယ်။ အဓိကအားဖြင့် ငါးဖမ်းလုပ်ငန်း လုပ်နေစဉ်မှာ မလိုအပ်တဲ့ ငါးအမျိုးအစားများကို ဖမ်းမိ(အသေ)တဲ့အချိန်မှာ Food Waste အဖြစ် ထွက်ကြတာဖြစ်ပါတယ်။ ဒီ food waste တွေကိုတော့ ပင်လယ်ပျော်ငှက်များက မှီခိုလာကြပါတယ်။ အစားအသောက် Waste ပမာဏများလာတာနဲ့ အမျှ ပင်လယ်ပျော်ငှက်ရဲ့ Population ဟာလည်းတိုးလာကြပါတယ်။ Population တိုးလာတာနဲ့အမျှ ပင်လယ်နေမျိုးရင်းစိတ်တွေဖြစ်တဲ့ ရေချိုငါးမျိုးအစား(Trout) တွေအပေါ်ကို မှီခိုတဲ့အားကလည်း ကောင်းလာကြပါတယ်။ တဖက်မှာလည်း ဒီငါးမျိုးစိတ်ကို ငါးဖမ်းလုပ်ငန်းတွေရဲ့ ဖမ်းယူမှုကြောင့် မျိုးစိတ်များ ရှားပါးလာပြီး ပင်လယ်ပျော် စင်ရော်ငှက်များဟာ တခြားငါးမျိုးစိတ်များပေါ် မှီခိုမှုတွေ ဖြစ်လာကြပါတယ်။ ဒီအပိုင်းရဲ့ အဓိကအနေနဲ့ကတော့ ငါးဖမ်းလုပ်ငန်းကထွက်တဲ့ Food Waste တွေကို လျော့ချရမှာ ဖြစ်ပါတယ်။ နောက်ဆက်တွဲအနေနဲ့ မလိုလားအပ်တဲ့ အကျိုးဆက်တွေဖြစ်တဲ့ ပင်လယ်ပျော်ငှက်တွေဟာ အခြားငှက်မျိုးစိတ်များ အပေါ် မှီခိုလာမှုတွေအထိ ဖြစ်လာနိုင်တဲ့ အတွက်ကြောင့်ပဲ ဖြစ်ပါတယ်။

(2) Food Identity

အစားအစာတွေကို ပင်လယ်ထဲတွေ ပစ်ချခြင်း၊ မျောပါသွားခြင်းများဟာ ကြီးမားတဲ့ပြဿနာ မဟုတ်ဘူးလို့ အများစုက ထင်နေတတ်ကြပါတယ်။ ဘာလို့လဲဆိုတော့ အစားအသောက်တွေဟာ သဘာဝအလျောက် ပြိုကွဲနိုင်ပြီး ပလတ်စတစ် စွန့်ပစ္စည်းများလောက် ဒီကမ္ဘာပေါ်မှာ အကြာကြီး ရှိမနေတဲ့ အချက်ကြောင့်ပဲ ဖြစ်ပါတယ်။ ဒါပေမယ့် ဒီလိုအတွေးအခေါ်ရဲ့ နောက်ကွယ်မှာတော့ ကြီးမားတဲ့ ပြဿနာတစ်ခုရှိနေပါတယ်။ အဲ့ဒါကတော့ ကျွန်မတို့ စွန့်ပစ်လိုက်တဲ့ အစားအစာတွေက သဘာဝအလျောက် ရှိနေတဲ့ အစားအသောက်တွေ မဟုတ်ပဲနဲ့ ချက်ပြုတ်ပြင်ဆင်ထားတဲ့ အစားအသောက်တွေ၊ Chemical တွေပါဝင်နေတဲ့ အစားအသောက်တွေ ဖြစ်နေတဲ့အချက်ကြောင့် ဖြစ်ပါတယ်။ ဒီအစားအသောက်တွေက ပင်လယ်ထဲကို ရောက်သွားတဲ့အခါမှာတော့ ပင်လယ်နေသတ္တဝါလေးတွေကိ​ု အဆိပ်အတောက်ဖြစ်စေပါတယ်။ Food waste မှာပါလာတဲ့ Pesticide များကြောင့် Pollution Concentration မြင့်လာပြီး ရေအောက်သတ္တဝါများအနေနဲ့ Bioaccumulation ဖြစ်စဉ်တွေ ကြုံလာကြရပါတယ်။ အာ့ကြောင့် ရေကြောင်းခရီးသွားလုပ်ငန်းများဖြစ်တဲ့ သင်္ဘောပေါ်ကထွက်ရှိတဲ့ Food waste တွေကို အသေးဆုံး အနေအထားထိ ပြုလုပ်ပြီး သန့်ရှင်းပြီးမှသာ ပစ်ခွင့်ရှိကြတာ ဖြစ်ပါတယ်။ အမှိုက်များကို လက်လွယ်စပယ် ပစ်မယ်ဆိုရင်တော့ ဒီ Food Waste တွေကနေ ရောဂါများဖြစ်ပေါ်စေပြီး Marine Ecosystem တစ်ခုလုံးပါ ပျက်စီးသွားနိုင်စေနိုင်တဲ့အတွက် အမှိုက်များကို စနစ်တကျ ကိုင်တွယ်ဖြေရှင်းဖို့ သိပ်အရေးကြီးပါတယ်။

(3) Eutrophication

Food Waste တွေကြောင့် Wildlife တွေအပေါ် ကြီးမားတဲ့ သက်ရောက်မှုများရှိတဲ့ အပြင် သေးငယ်တဲ့ Micro-organisms များမှာလည်း အာဟာဓာတ်များစွာ ပါဝင်ခြင်းနည်းနဲ့ သက်ရောက်မှုရှိနေတာကို ကျွန်မတို့တွေ သတိထားရပါမယ်။ Eutrophication ဆိုတာကတော့ ရေထုထဲမှာ အာဟာရဓာတ်များစွာပါဝင်တဲ့အခါမှာ Algae လို့ခေါ်တဲ့ ရေမှော်လို့ပြောလို့ရတဲ့ အစိမ်းရောင်ပြင်ကြီး ဖြစ်လာတာကိုဆိုလိုပါတယ်။ ဒါကိုတော့ အဓိကအားဖြင့် ကန်တွေ ချောင်းတွေမှာ ကျွန်မတို့တွေ အရင်းတနှီး မြင်ဖူးကြမယ်လို့ ထင်ပါတယ်။ ဒီဖြစ်စဉ်ဟာ Food Waste တွေအားလုံးနဲ့ တိုက်ရိုက်မပတ်သက်ပေမယ့် တချို့သောအစားအစာတွေ ဖြစ်တဲ့ နို့ထွက်ပစ္စည်းများနဲ့ အနီရောင် အသားရှိတဲ့ အစာတွေက Eutrophication ကိုပိုမိုဖြစ်စေပါတယ်။

World Bank ရဲ့ခန့်မှန်းချက်အရ လက်ရှိတကမ္ဘာလုံး အတိုင်းအတာအရ လက်ရှိထွက်လျက်ရှိတဲ့ Waste တွေရဲ့ 1.3 သန်း တန်ချိန်ဟာ Food Waste တွေဖြစ်ပါတယ်။ Marine Ecosystem ကကျွန်မတို့ လူသားတွေနဲ့ Isolate ဖြစ်တယ်လို့ ထင်ရပေမယ့် စွန့်ပစ်ပစ္စည်းများ စည်းကမ်းမဲ့ ပစ်လာခြင်း၊ ငါးအလွန်အကျွံ ဖမ်းလာခြင်းတို့ကြောင့် သမုဒ္ဒရာများ အပူချိန် မြင့်တက်လာပြီး အက်စစ်ဓာတ်များ ပိုမြင့်လာကာ Marine Ecosystem တစ်ခုလုံးကို ပျက်စီးစေနိုင်ပါတယ်။

ကျွန်မတို့ရဲ့ “ပင်လယ်များအပေါ် Food Waste များရဲ့ သက်ရောက်မှု အခြေအနေ” ကို အစအဆုံး သေချာဖတ်ပေးကြတဲ့သူ တစ်ယောက်ချင်းစီကိ​ု ကျေးဇူးတင်ပါတယ်။ ကျွန်မတို့ရဲ့ မိတ်ဆွေ သူငယ်ချင်းများလည်း ဒီအကြောင်းအရာလေးကို သိသွားအောင် Share နှိပ်ပြီး အချင်းချင်း မျှဝေလိုက်ကြရအောင်ရှင်။ ကျွန်မတို့ GreenCycle ကနေ ရှေ့ဆက်တင်ပေးသွားမယ်​့ Activitiesများ Content များမှာ ပါဝင်ပြီး ဖတ်လို့ရအောင် Page လေးကို Like&Follow လုပ်ထားဖို့ တိုက်တွန်းလိုက်ရပါတယ်ရှင်။
=======================================
Mingalarbar

Today, We are going to discuss in three ways how food waste is affecting the marine ecosystem.

(1) Marine Wildlife

Waste generated by the seafood industry amounts to 7 million tons per year. It mainly comes out as food waste when catching (dead) unnecessary fish species during fishing and seabirds are becoming dependent on those food wastes. As food waste increases, so does the population of seabirds. As population increases, so does the reliance on trout (marine species). On the other hand, the capture of this species by fisheries has led to the scarcity of species, and as a result, seabirds could become dependent on other species. The key to this is to reduce the dumping of food waste from the fishing industry into the sea. This is because of the undesirable consequences of seaweed, which can lead to dependence on other bird species.

(2) Food Identity

Most people could think that throwing food waste into the sea is not a big deal. This is because food decomposes naturally and does not last as long in the world as plastic waste. But there is a big problem behind that kind of people’s thoughts. This means that the food we throw away is not a natural food but a processed or cooked food since the food contains cooking ingredients or chemicals. These foods are toxic to marine life when released into the sea. Pesticides in food waste increase pollution concentrations and undergo bioaccumulation in underwater animals. Therefore, food waste from ships, such as cruise ships, is allowed to be disposed of only after it has been minimized. If waste is easily disposed of, these food wastes can cause disease and damage the entire marine ecosystem, so it is very important to deal with the waste properly.

(3) Eutrophication

Besides the effects that food waste has on larger forms of wildlife, smaller microorganisms are also affected by added nutrition in the seas. Eutrophication is the process where a high nutrient concentration in water bodies causes algal blooms.We can see this mainly in lakes and streams. This process is not directly related to all food wastes, but some foods, such as dairy products and red meat, increase eutrophication.

The World Bank estimates that 1.3 million tons of current global waste is food waste. The marine ecosystem seems to be isolated from us humans, but the dumping of waste is unregulated; Overfishing can cause ocean temperatures to rise, acidity to rise, and damage the entire marine ecosystem.

Thank you to each and every one of you for reading our "Effects of Food Wastes on Marine Lives". Let our friends know about this topic by clicking Share. We encourage you to Like & Follow our page so that you can know the next activities and content that we will be posting.

References - FOODWEB, ScienceDirect, International Marine Organization, Yale University

13/01/2021

ပင်လယ်နေသတ္တဝါများအပေါ် Food Waste များရဲ့ သက်ရောက်မှုအခြေအနေ (Part-1)
===================================
မင်္ဂလာပါ

ကျွန်မတို့ ဒီတပတ်မှာဆွေးနွေးသွားမှာတော့ Food Waste တွေရဲ့ ပင်လယ်သတ္တဝါလေးတွေအပေါ် သက်ရောက်နေမှု အခြေအနေများကို ဆွေးနွေးသွားမှာဖြစ်ပါတယ်။ ဒီအကြောင်းကို အကျယ်တဝန်းမရှင်းပြခင် ဒီနေ့မှာတော့ စာဖတ်သူများကို မေးခွန်းမေးတဲ့ပုံစံနဲ့ အရင်ဆုံးဆွေးနွေးမှာ ဖြစ်ပါတယ်။

ကျွန်မတို့တွေအားလုံး Food Waste တွေကြောင့် Landfill အပေါ်သက်ရောက်နေမှု အပိုင်းတွေကို သိသိသာသာ တွေ့မြင်ကြရပါတယ်။ ကျွန်မတို့ လူသားတွေရဲ့ မဆင်မခြင် စားသုံးမှုတွေကြောင့် နေ့စဉ်ထွက်နေတဲ့ Waste တွေဟာ တောင်လိုပုံနေပါတယ်။ ရေထဲမှာရှိနေတဲ့ Microplastics များနဲ့ စိုက်ပျိုးရေးလုပ်ငန်းတွေကနေ ရေနဲ့အတူ မျောပါလာတဲ့ ဓာတ်မြေဩဇာ၊ ပိုးသတ်ဆေးတွေ ပြဿနာကတော့ ထင်သလောက်သတိမမူမိတာတွေ ဖြစ်နေကြပါတယ်။

အခုဆိုရင်လည်း ကျွန်မတို့ပြည်သူလူထုကြားမှာလည်း ပလတ်စတစ်တွေရဲ့ ဆိုးကျိုးတွေ၊ ပလတ်စတစ် လျှော့ချရမယ်ဆိုတဲ့ အတွေးအမြင်တွေကတော့ တစ်စတစ်စ ပြောင်းလဲလာကြပေမယ့်လည်း ကျွန်မတို့လူသားတွေရဲ့ ကျန်းမာရေးနဲ့ Ecosystem တစ်ခုလုံးကို တိတ်တဆိတ် ခြိမ်းခြောက်နေတဲ့ Food Waste ကိုတော့ တော်တော်များများက မေ့နေကြပါတယ်။

အစားအစာတွေက သဘာဝအလျောက် ပြိုလဲလွယ်တဲ့အတွက် လူတွေက ပလတ်စတစ် ပြဿနာလောက် အရေးမပါဘူးလို့ ထင်နေကြပါတယ်။ ကမ္ဘာ့နာမည်ကြီး စားသောက်ကုန်တံဆိပ်တစ်ခု ဖြစ်တဲ့ MacDonald ကတော့ သူရဲ့ Hamburger ထုတ်လုပ်မှုပိုင်းမှာ တကယ့်ငါးအစစ်ကို အသုံးမပြုပဲ အသားတုကိုပဲ အသုံးပြုလာတာဖြစ်ပါတယ်။ ဒီအကြောင်းတွေရဲ့ နောက်ကွယ်မှာ ဘာတွေများရှိနေမလဲ⁉️ သင်ရော FoodWaste တွေက ကျွန်မတို့ကမ္ဘာကြီးရဲ့ Landfill တွေကိုပဲ ထိခိုက်နေတာမဟုတ်ပဲ Marine Ecosystem နဲ့ ရေနေသတ္တဝါတွေကိုပါ ထိခိုက်စေနေတယ်ဆိုတဲ့ အကြောင်းအရင်းကို သတိထားမိတဲ့သူ တစ်ယောက်ပါလား❓ ဟုတ်တယ်ဆိုရင်တော့ ဒီ Post ရဲ့ Comment Box မှာ Food Waste တွေဟာ Marine Ecosystem ကို ဘယ်လိုပုံစံမျိုးနဲ့ ထိခိုက်နေသလဲဆိုတာကို ဝင်ရောက်ဆွေးနွေးဖို့ ဖိတ်ခေါ်ချင်ပါတယ်။ ဒီအကြောင်းအရာများကို သေချာသိချင်တဲ့သူတွေကိုတော့ မနက်ဖြန်မှာ အသေးစိတ်အကြောင်းအရာကို တင်ပေးမှာဖြစ်တဲ့အတွက် စောင့်ကြည့်ဖတ်ပေးကြဖို့ တိုက်တွန်းချင်ပါတယ်။

Mingalarbar

This week we're going to talk about the effects of food waste on marine life. Before going to discuss the details of this, let us ask you a question first .

We all see significant impacts of food waste on landfill. Due to our irrational consumption of human beings, the amount of waste generated per day is highly significant. Most of the people haven't notice yet about microplastics in the water and runoff from fertilizers from agriculture.

Even now, our people are aware of the negative effects of plastics. Thoughts about reducing plastics are changing, but many are forgetting about food waste, which is a silent threat to our health and the entire ecosystem. Because food is so biodegradable, people think that it is less important than the plastic problem. MacDonald, one of the world's leading food brands, uses artificial meat instead of real fish in its hamburger production. So, What is behind this ⁉️ Are you aware of the fact that you and Food Waste are not only affecting the landfills of our world, but also the marine ecosystem and marine life ❓ For those who want to know more about this topic, we encourage you to stay tuned as we will post more details tomorrow.

11/01/2021

မင်္ဂလာပါ

​သင်ရော ပလတ်စတစ် အသုံးပြုမှုကို လျော့ချနေသူ တစ်ဦးလား?

မြန်မာနိုင်ငံမှာ သဘာဝအလျောက် မပြိုကွဲနိုင်တဲ့ အမှိုက်တွေဖြစ်တဲ့ Inorganic Waste အမှိိုက်ထွက်ရှိမှုနှုန်းရဲ့ 55% ဟာ ပလတ်စတစ် အမှိုက်တွေပဲ ဖြစ်ပါတယ်။ တစ်နိုင်ငံလုံးရဲ့ တစ်နေ့တာ အမှိုက်ထွက်မှုပမာဏက 12,000 တန်ချိန်ရှိပြီး ပြန်လည် အသုံးပြုနေတဲ့ ပမာဏကတော့ 2,600 တန်ချိန်ပဲရှိပါတယ်။ ပြန်လည်အသုံးပြုနေတဲ့ ပမာဏက စုစုပေါင်း အမှိုက်ထွက်နေတဲ့ ပမာဏရဲ့ 15% သာရှိပါတယ်။

ပလတ်စတစ်နဲ့ လုံးဝမကင်းကွာနိုင်သေး ပေမယ့်လည်း ပလတ်စတစ်အသုံးပြုမှု လျော့ချနိုင်အောင် ဘယ်လိုတွေ ကြိုတင်ပြင်ဆင်ပြီး ယူဆောင်သွားရမလဲ ဆိုတာကို အောက်က ကာတွန်းပုံလေးတွေနဲ့ ကြည့်ကြရအောင်…..

သင်ဟာ ပလတ်စတစ် လျော့ချရေးမှာပါဝင်နေသူ ဖြစ်နေပြီဆိုတာနဲ့ မလုံလောက်သေးပါဘူး❗သင့်ရဲ့ Community မှာရှိနေတဲ့ သူငယ်ချင်း မိတ်ဆွေများကိုပါ လှုံ့ဆော်ပေးဖို့လည်း တာဝန်ရှိပါတယ်။ ယခု Post ကို Share ပြီး သင့်ရဲ့ သူငယ်ချင်းမိတ်ဆွေများကိုပါ ပလတ်စတစ်လျော့ချသုံးဖို့ လှုံ့ဆော်လိုက်ပါ👏🏻

Source - Data များနဲ့ Awareness Cartoon ပုံများကို Thant Myanmar မှကူးယူ ဖော်ပြပါသည်။

Mingalarbar

Are you the one who is reducing the use of plastic?

In Myanmar, plastic waste accounts for 55% of the amount of inorganic waste. The daily output is 12,000 tons and the recyclable volume is only 2,600 tons. Recycling accounts for only 15% of total waste.

Although it is not completely different from plastic, let's take a look at the cartoons below to see how to prepare and take it to reduce the use of plastic… ..

It is not enough that you are already involved in plastic reduction ❗ You also have a responsibility to motivate your friends in your community. Share this post and motivate your friends to use less plastic.👏🏻

Data and Awareness Cartoon Source - Thant Myanmar