28/01/2026 28.1.2026 ပီႈၼွင်ႉၵူၼ်းဝၢၼ်ႈႁူမ်ႈၵၼ်ႁဵတ်းလွင်ႈမူတ်းသႂ် လူင်ႈၼႃႈပွႆးလူႇတၢၼ်း ၸၢင်ႉ/မႃႉ လႄႈ မႄးၵုမ်းလုမ်းလႃးႁေႃၸဝ်ႈမိူင်း ဝၢၼ်ႈတူၼ်ႈႁၢႆး #ႁၢင်ႈ-ယူႇၽၢႆႇယွမ်းသေႁပ်ႉ ငဝ်းပေႃႈတၢင်းမႄႈ ဝၼ်းပွႆး လိူၼ်သၢမ်မႂ်ႇ(12)ၶမ်ႈ ဝၼ်းၽတ်း
05/11/2025 လွၼ်ႉမွၼ်းၵႂၢမ်းသွၼ် ၸွမ်သိုၵ်းလူင်ယွတ်ႈသိုၵ်း ႁူဝ်ပဝ်ႈလူင် RCSS/SSA လွမ်ႉမိူင်း - 31/10/2025 ဢဝ်တိုဝ်ႉတၢင်း ဝၼ်းၵၼ်ႇတေႃးႁဝ်ပဝ်ႈလူင် ၸွမ်သိုၵ်းလူင်ယွတ်ႈသိုၵ်း မိူဝ်ႈၽွင်းၶၢဝ်းဢွၵ်ႇဝႃႇၼၼ်ႉသေ မီးၶေႃႈၵႂၢမ်းသင်ႇသွၼ်မၼ်းၸဝ်ႈၵမ်ႈၽွင်ႈ ဢၼ်လႆႈတွင်းမၢႆဝႆႉၼၼ်ႉလႄႈ ၶႃႈလႆႈသႂ်ႇပၼ်ႁူဝ်ၶေႃႈပွတ်းပွတ်း တွၼ်ႈလႂ်တွၼ်ႈၼၼ်ႉယဝ်ႉ ၶႂ်ႈၶိုၼ်းမႃးပိုၼ်ၽႄႈ share ၽၢၵ်ႇတွၼ်ႈပၼ် ၽူႈဢၢၼ်ႇလိၵ်ႈႁဝ်းၶဝ် ၼင်ႇတႂ်ႈၼႆႉယူႇၶႃႈ။ ၸူဝ်ႈပၢၼ်ၵူၼ်း ၸူဝ်ႈတိုၵ်ႉပဵၼ်ၵူၼ်းၼိုင်ႈၵေႃႉၼႆႉ လူဝ်ႇမီး 3 လွင်ႈ သတိ၊ ဝိရိယ၊ ပၺႃႇ ၼႆႉလမ်ႇလွင်ႈတႄႉတႄႉ။ လွင်ႈတၢင်းတၢႆၼႆႉဢမ်ႇလွတ်ႈၽႂ်လႆႈ ၸူဝ်ႈၵႃႈပႆႇတၢႆပႆႇႁၢႆၼၼ်ႉ ပၢၼ်ၵူၼ်းႁဝ်းမီးယူႇ 3 ၸူဝ်ႈပၢၼ်။ 1. ၽွင်းဢႃႇယူႉ 20 ပီႊလူင်းတႂ်ႈ ၼႆႉပဵၼ်ၽွင်းဢၼ်လူဝ်ႇႁဵၼ်းႁူႉႁႃ တၢင်းႁူႉတၢင်းမေႃပၺ်ႇၺႃႇ။ 2. ၽွင်းဢႃႇယူႉ 21 ပီႊ တေႃႇထိုင် 40 ပဵၼ်ၽွင်းဢၼ်လူဝ်ႇၸႂ်ႉပၺ်ႇၺႃႇတၢင်းမေႃ ဢၼ်လႆႈႁဵၼ်းႁူႉမႃးၸိူဝ်းၼၼ်ႉသေ မေႃဢွၼ်ႁူဝ်ပိူၼ်ႈ၊ ဢွၼ်ႁဵတ်းဢွၼ်သၢင်ႈ။ 3. ၽွင်းဢႃႇယူႉလႆႈ 40 ပီႊ တေႃႇထိုင် 60 ပီႊၶိုၼ်ႈၼိူဝ်ၵႂႃႇၼၼ်ႉသမ်ႉ ပဵၼ်ၽွင်းဢၼ်ႁဝ်း လူဝ်ႇလႆႈၶၢမ်ႇၸၢမ်ႇၸေးၸိမ်ႇ ၵၢၼ်လီဢၼ်ႁဝ်းလႆႈႁဵတ်းလႆႈသၢင်ႈမႃးၸိူဝ်းၼၼ်ႉ လႄႈၸူဝ်ႈပၢၼ်ၼႆႉ လူဝ်ႇမေႃပဵၼ်တီႈတိူင်ႇပၢင်ႇၵိူဝ်းၵုမ် ပၼ်တၢင်းႁူႉတၢင်းႁၼ်ၵူၼ်းလုၼ်ႈလင်။ ၼႂ်းၸူဝ်ႈပၢၼ်ၵူၼ်းႁဝ်း 3 ပၢၼ်ၼႆႉ ဢၼ်လွင်ႈသုတ်း ပဵၼ်ၽွင်းပၢၼ်ဢႃႇယူႉ 20 ထိုင် 40 ပီႊၼၼ်ႉယဝ်ႉ ၼႆႉပဵၼ်ၽွင်းဢၼ်လမ်ႇလွင်ႈတႄႉတႄႉ ယွၼ်ႉၼၼ်ႉၽွင်းၼၼ်ႉ ႁဝ်းလူဝ်ႇလႆႈမီးလွင်ႈၶၢမ်ႇယၢပ်ႇလႆႈ လႄႈ လူဝ်ႇလႆႈမီးထႅင်ႈ သတိ၊ ဝိရိယ၊ ပၺႃႇ ၼၼ်ႉယဝ်ႉ။ ၽႅၼ်ႇလိၼ် ယိူင်းဢၢၼ်းလူင်ႁဝ်းၼႆႉပဵၼ် ထွတ်ႈမျႅတ်ႈ 4 ယိူင်ႈ ၸိူဝ်ႉၸၢတ်ႈ၊ ဝၢတ်ႈမိူင်း၊ ၽႃႇသႃႇ၊ သႃႇသၼႃႇ ၼႂ်းယိူင်းဢၢၼ်းသုင်သုတ်းၼၼ်ႉ ဢၼ်လမ်ႇလွင်ႈထႅင်ႈဢၼ်ၼိုင်ႈ ပဵၼ် ၽႅၼ်လိၼ်ၼၼ်ႉယဝ်ႉ ပေႃးမႃးလဵပ်ႈႁဵၼ်းတူၺ်းပိုၼ်း မိူင်းဝႅတ်ႉၼမ်း Vietnam လႄႈမိူင်းၵမ်ႇပူးၶျႃး Cambodia ၶဝ်ၼႆႉၸဵမ်ယိင်းၸဵမ်ၸၢႆးႁတ်းႁၢၼ်တႄႉတႄႉ ၶဝ်လႆႈဢဝ်လိူတ်ႈ၊ ဢဝ်သၢႆၸႂ်သေ လႅၵ်ႈဢဝ်ၽႅၼ်ႇလိၼ်ဝၢၼ်ႈမိူင်းၶဝ်မႃး ၼၼ်ႉယဝ်ႉ။ ၵူၼ်းၶီႇႁိူဝ်းလမ်းလဵဝ်ၵၼ် မႃးဝၢႆႇတူၺ်း ၶၢဝ်းတၢင်းၵၢၼ်လုၵ်ႉၽိုၼ်ႉတႆး 60 ပီႊပၢႆၼႆႉ မိူၼ်ႁိူဝ်းၵုမ်ႇပၼ်ႇတူင်ႇယူႇၼၼ်ႉ ပဵၼ်ယွၼ်ႉၵူၼ်းၽၢႆးႁိူဝ်း (ၵူၼ်းၶတ်းႁူဝ်ႁိူဝ်း) လႄႈၵူၼ်းၶီႇႁိူဝ်းတၢင်းသဵင်ႈယဝ်ႉ တေၼႄးဝႃႈ ပဵၼ်ယွၼ်ႉၵူၼ်းၽၢႆးႁိူဝ်းၽၢႆႇလဵဝ်ၵူၺ်းၵေႃႈပႆႇၸၢင်ႈ ၊ ၵူၼ်းၶီႇႁိူဝ်းၵူႈၵေႃႉၵေႃႈပေႃးဢမ်ႇဢဝ်ၵၼ်ဝႃႈ ၵဝ်ၶႂ်ႈၵႂႃႇတီႈၼၼ်ႉ မႂ်းၶႂ်ႈၵႂႃႇတီႈၼႆႈ ၼႆၸိုင် ႁိူဝ်းႁဝ်းၵေႃႈတေဢမ်ႇၸၢင်ႈ ထိုင်တႃႈ တီႈၵိုတ်းႁိူဝ်းလႆႈ။ ၽိုၼ်ႉ ၶၢဝ်းတၢင်းၼႃႈၼႆႉ ႁဝ်းလူဝ်မီးၽႅၼ်၊ ၽိုတ်ႉ၊ ၽိုၼ်ႉ ၽိုၼ်ႉဢၼ်ဝႃႈၼၼ်ႉ ႁဝ်းလူဝ်ႇၽိုၼ်ႉပႅတ်ႈဢၼ်ဢမ်ႇတြႃး ဢမ်ႇၸႂ်ႈၽိုၼ်ႉၶိူဝ်းၽႂ်သေၶိူဝ်းၶိူဝ်း ပေႃႇလသီႇႁဝ်းမီးဝႆႉဝႃႈ ၽႂ်ၵိတ်ႇၶႂၢင်ယႃႉသဵၼ်ႈတၢင်းႁဝ်းၵေႃႈ မၼ်းပဵၼ်ၽူႈၶဵၼ်ႁဝ်းယဝ်ႉ။ ၵၢမ်ႇ ႁဝ်းယႃႇၼႄးၵၢမ်ႇ ပဵၼ်ၵူၼ်းၼႆႉ ပိူၼ်ႈႁဵတ်းလႆႈၵေႃႈ ႁဝ်းႁဵတ်းလႆႈမိူၼ်ပိူၼ်ႈယူႇ ၶၢဝ်းယၢမ်းပၼ်မႃးမိူၼ်ၵၼ်မူတ်း ပေႃးၶႂ်ႈၶိုၼ်ႈယႂ်ႇ ႁဝ်းလူဝ်ႇမေႃလဵၼ်ႈၵေႃႉၵူၼ်းလီ၊ လူဝ်ႇမေႃႁႃသြႃႇလီ၊ ၵျႅၵ်ႉမႃႇ Jack Ma သထေးလူင်မိူင်းၶႄႇ တႃႇမၼ်းတေလႆႈပဵၼ်ၵူၼ်းၶိုၼ်ႈယႂ်ႇမႃးၼၼ်ႉ ယွၼ်ႉ 4 လွင်ႈ 1. မၼ်းၶတ်းၸႂ်၊ 2. ပဵၼ်ၵူၼ်းလီ၊ 3. မီးသြႃႇလီ၊ 4. ငဝ်းလၢႆးဝၢၼ်ႈမိူင်းၶဝ်လီ ယွၼ်ႉၼၼ်သေၸင်ႇပဵၼ်ၵူၼ်းမၢၵ်ႈမီးမႃး ႁဝ်းၵေႃႈပေႃးၶတ်းၼႆ ၶႂ်ႈပဵၼ်သင်ၵေႃႈ တေပဵၼ်မႃးဢၼ်ၼၼ်ႉယူႇ ယႃႇၵုမ်ႇပႂ်ႉၵၢမ်ႇၵူၺ်း။ တႅမ်ႈ − လွမ်ႉမိူင်း ၵေးသီး 28 October 2025 ၶႅပ်းႁၢင်ႈ - Lom Moung Channel #လွမ်ႉမိူင်း
05/11/2025 Hello, here is the palace a famous of district in Ko last #เขาใหญ่โคราช Thailand. There are have some foreigner or travelers come and visit
