Healthy Life - ပၢႆးယူႇလီ

Healthy Life - ပၢႆးယူႇလီ ပိုၼ်ႉႁူႁၼ်လွင်ႈပၢႆးယူႇလီ ၼႃႈလိၵ်ႈ”Healthy Life ပၢႆးယူႇလီ "ၼႆႉပိုၼ်ၽႄႈ
တၢင်းႁူႉပၢႆးယူႇလီလၢႆလၢႆၵူၺ်း ဢမ်ႇၸႂ်ႈၼႃႈလိၵ်ႈ
ႁပ်ႉယူတ်းယႃတၢင်းပဵၼ်ၶႃႈ

24/07/2025

Celebrating my 6th year on Facebook. Thank you for your continuing support. I could never have made it without you. 🙏🤗🎉

#ယႃႈၵေႈၵွင်ႉၸွင်ႇၵေႈပၼ်ၵွင်ႉတေႉႁိုဝ်(လၢတ်ႈၼႄလွင်ႈၽွၼ်းၸႃႉဢီႈယႃ)ယႃႈယႃဢၼ်ၼႆႉတေလိုဝ်းၵၼ်ၼႂ်းပွၵ်ႉၼႂ်းယွမ်ႇၸွမ်းဝၢၼ်ႈၸွမ်းသ...
16/04/2025

#ယႃႈၵေႈၵွင်ႉၸွင်ႇၵေႈပၼ်ၵွင်ႉတေႉႁိုဝ်
(လၢတ်ႈၼႄလွင်ႈၽွၼ်းၸႃႉဢီႈယႃ)

ယႃႈယႃဢၼ်ၼႆႉတေလိုဝ်းၵၼ်ၼႂ်းပွၵ်ႉၼႂ်းယွမ်ႇ
ၸွမ်းဝၢၼ်ႈၸွမ်းသူၼ်ၵၼ်မႃးႁိုင်ယဝ်ႉ။
ဢီႈယႃႈဢၼ်မီးၸိုဝ်ႈဝႃႈ prednisolone ၼႆႉလူး
ၸွင်ႈၸႂ်ႈယႃႇၵေႈၵွင်ႉတေႉယူႇႁၼႆ
ထၢင်ႇၽႂ်ဢမ်ႇသူၼ်ၸႂ်သေ လဵပ်ႈႁဵၼ်းတူၺ်း
ဢၼ်ၼႆႉၵွပ်ႈပၢႆးပၺ်ႇၺႃႇယူပ်ႈယွမ်းၵေႃႈ
လွင်ႈၼိူင်ႈၵူၺ်း တေတၢင်ႇတၢင်းၽိတ်းၵေႃႉလႂ် ၽႂ်ၵေႃႈဢမ်ႇလႆႈလူးၼေႃႈ။
Ok ၶႃႈ မိူဝ်ႈၼႆႉတႄႉ တေမႃးလၢတ်ႈၼႄလွင်ႈ
ဢီႈယႃ ဢၼ်ပီႈၼွင်ႉႁဝ်းၶဝ်ဢွၼ်ၵၼ်ႁွင်ႉဝႃႈ
ယႃႈၵေႈၵွင်ႉၼႆႉ ပွတ်းဢွၼ်ႇၵမ်ႈၽွင်ႈ။
ဢီႈယႃဢၼ်ၼႆႉ မၼ်းပဵၼ် ဢီႈယႃဢၼ်ပႃး
ၼႂ်းၸုမ်းsteriod မဵဝ်းၼိူင်ႈ။ မၼ်းမီးလမ်ႉၵတ်ႉ antiinflammatory agents ။
ဢီႈယႃဢၼ်ၼႆႉမီးလမ်ႉၵတ်ႉၶိုၵ်ႉၶၢႆးတေႉတေႉ။
မၼ်းယူတ်းယႃပၼ်လႆႈ တၢင်းပဵၼ်ၵမ်ႈၼမ်ၼမ်လႆႈ။
ၼင်ႇဝႃႈ မၼ်းမီးၼမ်ႉတွၼ်းၽွၼ်းလီၼမ်ၵႃႈႁိုဝ်သေတႃႉၵေႃႈ ၽွၼ်းႁၢႆ့မၼ်းၵေႃႈ ၼမ်ၵႃႈၼၢၼ်ႉ
ယဝ်ႉ။ ဢီႈယႃဢၼ်ၼႆႉပေႃးၸႂ်ႉတိုဝ်းၵႂႃႇႁိုင်ႁိုင်ၼႆ
တေၸၢင်ႈၸပ်းပဵၼ်တၢင်းပဵၼ်ၵႂႃႇလႆၢလွင်ႈယူႇ
ယဝ်ႉ။
တီႈၼႆႈတေဢမ်ႇၶႆႊၼႄဝႃး ဢီႈယႃဢၼ်ၼႆႉၸႂ်ႉ
တိုဝ်းတေႃႇၸူးတၢင်းပဵၼ်ၸိူင်ႉႁိုဝ်လၢႆလၢႆ
ၵူၺ်းတေလၢတ်ႈၼႄ ၽွၼ်းၸႃႉဢီႈယႃဢၼ်ၼႆႉ
ၵမ်ႈၽွင်ႈ တႃႇႁႂ်ႈပီႈၼွင်ႉႁဝ်းၶဝ်ႁူႉသေ
ယႃႇပေႁႂ်ႈပႅင်းၸွႆးသိုဝ်ႉၵိၼ်ၼၼ်ႉၵူၺ်း။
ဢီႈယႃဢၼ်ၼႆႉ တေမီးၵူႊသႅၼ်းလႄႈ လုၵ်ႈမၼ်း၊ သီမၼ်းတေဢမ်ႇမိူၼ်ၵၼ်၊
ၵူဝ်ထၢင်ႇဝႃႈ ပဵၼ်လုၵ်ႈသီလိူင်ဢၼ်ၶႃႈ
ၼႄဝႆႉၶႅပ်းႁၢင်ႈမၼ်းၼႆႉၵူၺ်း။
ဢီႈယႃဢၼ်ၼႆႉ သင်ဝႃႈၵိၼ်ၸွႆးၵူႊဝၼ်းၵူႊဝၼ်း
ၵႂႃႇတိၵ်းတိၵ်းၸိုင် တေၸၢင်ႈပဵၼ်ၼင်ႇဢၼ်
ၶႃႈလၢတ်ႈၼႆႉယဝ်ႉ

✅ၼမ်ႉၼၵ်းတူဝ်ၶိုၼ်ႈ(တေပီး)
✅လိူတ်ႈၶိုၼ်ႈ(ၵူၼ်းဢမ်ႇယၢမ်ႈမီးလိူတ်ႈၶိုၼ်ႈၵေႃႈ တေမီးတၢင်းပဵၼ်လိူတ်ႈၶိုၼ်ႈ)
✅ယဵဝ်ႈဝၢၼ်ၶိုၼ်ႈ(ဢမ်ႇယၢမ်ႈမီးတၢင်းပဵၼ်ယဵဝ်ႈဝၢၼ်ၵေႃႈ ပေႃးတိတ်းၸွႆးၵိၼ်ဢီႈယႃၼႆႉၸိုင် တေမီးယဵဝ်ႈဝၢၼ်)
✅လုပ်ႇၶွပ်ႈ၊လုပ်ႇမွတ်ႈ
✅ၼႃႈယႂ်ႇ
✅ၸႂ်ဢမ်ႇၼိမ်ဢမ်ႇလီ
✅ၵၢင်ၶိုၼ်းၼွၼ်းလပ်းယၢပ်ႇ
✅တွင်ႉၸဵပ်း
✅တၢင်းပဵၼ်ဢၼ်မေႃၸပ်းၵၼ်ၸၢင်ႈၶဝ်ႈၸူးငၢႆႈ
ယွၼ်ႉဝႃႈမၼ်းမီးလမ်ႉၵတ်ႉဢၼ်ႁဵတ်းႁႂ်ႈႁႅင်းၶၢမ်ႇ တူဝ်တူၵ်း

Ok ၶႃႈ ၼႆႉတႄႉတေပဵၼ်ၽွၼ်းၸႃႉဢီႈယႃဢၼ်ၼႆႉ ၵမ်ႈၽွင်ႈၶႃႈ။
သင်ဝႃႈလူမႅၼ်ႈၵႂႃႇယဝ်ႉၼႆၵေႃႈ ၶိုၼ်းထတ်းဝူၼ်ႉ တူၺ်းလီလီ ၸင်ႇထုၵ်ႇလီၸွႆးၵိၼ်တႃႇသေႇယူႇႁ ၼႆႁင်းၽႂ်ႁင်းမၼ်းၶႃႈၼႃ။
ဢီႈယႃမဵဝ်းလႂ်ၵေႃႈ တိုၼ်းမီးၽွၼ်းလီၽွၼ်းၸႃႉမၼ်း ၵူႊဢၼ်ယဝ်ႉ
ၵူၺ်းၼႃႇ ၸင်ႇထုၵ်ႇလီၵိၼ်တႃႇသေႇႁဢမ်ႇလီၵိၼ် တႃႇသေႇႁၼႆ ပေႃးဝႃႈႁူႉၽွၼ်းၸႃႉမၼ်းယဝ်ႉ ၵေႃႈ ႁႂ်ႈမေႃဢွၼ်ၵၼ်ၸႅၵ်ႇၽႄလႆႈသေၵမ်း။

#ပိုၼ်ႉႁူႉပၢႆးယူႇလီ
#ၽွၼ်းၸႃႉဢီႈယႃႈ

#ပၢႆးယူႇလီ

Photo take from google

🦠ၶၢဝ်းမႆႈလႄႈ တွင်ႉႁေႈ(ၶီႈႁေႈ)💩ၸူဝ်ႈဝူင်ႈဝၢင်ႈၼႆႉမႆႈမႃးလိူဝ်သေၵဝ်ႇယဝ်ႉလႄႈလုၵ်ႈဢွၼ်ႇႁိုဝ် ဢမ်ႇဝႃႈ ၵူၼ်းလူင် ၶဝ်ဢွၼ်ၵၼ်ပဵၼ်...
21/03/2025

🦠ၶၢဝ်းမႆႈလႄႈ တွင်ႉႁေႈ(ၶီႈႁေႈ)💩

ၸူဝ်ႈဝူင်ႈဝၢင်ႈၼႆႉမႆႈမႃးလိူဝ်သေၵဝ်ႇယဝ်ႉလႄႈ
လုၵ်ႈဢွၼ်ႇႁိုဝ် ဢမ်ႇဝႃႈ ၵူၼ်းလူင် ၶဝ်
ဢွၼ်ၵၼ်ပဵၼ်ဝတ်းပဵၼ်ၼၢဝ် ၼမ်ၼႃႇ

ၶိင်ႇမႆႈၼႆႉ တၢင်းပဵၼ်တွင်ႉႁေႈႉ‌ေၵႃႈလႆႈဝႃႈပဵၼ်ၼမ်
သေပိူၼ်ႈ။ သင်ဝႃႈၵိၼ်ဢမ်ႇမႅၼ်ႈ ၼိုင်ႈဢိတ်းၵူၺ်း ၵေႃႈတွင်ႉႁေႈယဝ်ႉ။

တွင်ႉႁေႈၼႆႉ ၸၢင်ႈမီးၽေးတေႃႇ လုၵ်ႈဢွၼ်ႇဢႃႇယုလဵၵ်ႉလႄႈ ၵူၼ်းထဝ်ႈဢႃႇယု ယႂ်ႇၶဝ်တေႉတေႉ။
ၵွပ်ႈၼႆ သင်ဝႃႈ ၵူၼ်းၼႂ်းႁိူၼ်းပဵၼ်ၼႆ
ယႃႇပေဝႆႉမဝ်မၢင်။

တၢင်းၵိၼ်ဢၼ်ၵတ်းၼႃႇ ၊ မႆႈၼႃႇ လႄႈ
တၢင်းၵိၼ်ဢၼ်မႅင်းမူၼ်းတွမ်ယဝ်ႉ
တၢင်းၵိၼ်ဢၼ်မဵၼ်လူမ်း ၸိူဝ်းၼႆႉယႃႇပေ ၵိၼ်လႃးလႃး။ သင်ဝႃႈၵိၼ်မႅၼ်ႈၵႂႃႇၼႆ တၵ်းတေ
ၸၢင်ႈပဵၼ်တွင်ႉႁေႈ။

သင်ဝႃႈတွင်ႉႁေႈၼႆ ၵိၼ်ပၼ် ၼမ်ႉထၢတ်ႈၵိူဝ်
တတ်ႉသႃး(ORS) ပၼ်။
ပေႃးဝႃႈတွင်ႉၵွႃႇဢမ်ႇထၢတ်ႇၼႆ တေၸၢင်ႈပဵၼ်
Fluid loss ၼမ်ႁႅင်းၵႂႃႇလႄႈ ၸၢင်ႈပဵၼ်shock ယူႇယဝ်ႉ
သင်ထိုင်ၵႂႃႇသၢင်ႉၼႆၸိုင် မီးၽေးတေႃႇသၢႆၸႂ်

သင်တွင်ႉၵႂႃႇဢမ်ႇထၢတ်ႇလႄႈ တိၼ်မိုဝ်းၵေႃႈ
လၢင်ႈၶိုၼ်ႈတိၵ်းတိၵ်းၸိုင် လူဝ်ႇၵႂႃႇႁူင်းယႃဝႆးဝႆး

တၢင်းပဵၼ်တွင်ႉႁေႈၼႆႉ ၸၢင်ႈၸပ်းၵၼ်ယူႇယဝ်ႉ။
သင်ဝႃႈ ၶိုၼ်ႈထၢင်ယဝ်ႉၼႆ လူဝ်ႇသုၵ်ႈသီမိုဝ်းပၼ်တႃႇသေႇ။

မိူဝ်ႈတေၵိၼ်ၶဝ်ႈလႂ် ၵိၼ်တၢင်းၵိၼ်လႂ်ၵေႃႈ လူဝ်ႇသုၵ်ႈ မိုဝ်းသေၸင်ႇၵွႆႈၵိၼ်။
ပေႃးသုၵ်ႈမိုဝ်းၼႆ ဢဝ်ၵွၼ်ႈသီသုၵ်ႈ
ၸင်ႇတေဝႃႈ မူတ်းသႂ်တေႉတေႉ

🦠🦠🦠💩💩💩❌❌🧼👏🤲
#ပၢႆးယူႇလီ
.NKA

#တၢင်းပဵၼ်မၢၵ်ႇႁူဝ်ၸႂ် #ပၢႆးယူႇလီ .NKA
02/12/2023

#တၢင်းပဵၼ်မၢၵ်ႇႁူဝ်ၸႂ်




#ပၢႆးယူႇလီ
.NKA

#ပဵၼ်ၶၢဝ်ႇဢၼ်လီထီႉသုတ်းၼႂ်းဝၼ်းမိူဝ်ႈၼႆႉတေႉတေႉ #👏👏👏
29/11/2023

#ပဵၼ်ၶၢဝ်ႇဢၼ်လီထီႉသုတ်းၼႂ်းဝၼ်းမိူဝ်ႈၼႆႉတေႉတေႉ
#👏👏👏

#တၢင်းပဵၼ်မိူဝ်ႈၶိင်ႇၵတ်း #ၾၢင်ႉပၢႆးယူႇလီၵၼ်ၵူႊၵေႃႉၶႃႈ #ႁႂ်ႈဝၢၼ်ႈမိူင်းၸဵဝ်းၵတ်းယဵၼ်ဝႆးဝႆးသေၵမ်း .NKA #ပၢႆးယူႇလီ
29/11/2023

#တၢင်းပဵၼ်မိူဝ်ႈၶိင်ႇၵတ်း

#ၾၢင်ႉပၢႆးယူႇလီၵၼ်ၵူႊၵေႃႉၶႃႈ
#ႁႂ်ႈဝၢၼ်ႈမိူင်းၸဵဝ်းၵတ်းယဵၼ်ဝႆးဝႆးသေၵမ်း
.NKA

#ပၢႆးယူႇလီ

လွၵ်းလၢႆးယူတ်းယႃတွင်ႉၸဵပ်းၽွင်းႁူဝ်လိူၼ်မႃး************************************လွင်ႈပဵၼ်တွင်ႉၸဵပ်းတွင်ႉဢိဝ်ႈၽွင်းႁူဝ်လိူ...
24/04/2022

လွၵ်းလၢႆးယူတ်းယႃတွင်ႉၸဵပ်းၽွင်းႁူဝ်လိူၼ်မႃး
*****************************
*******
လွင်ႈပဵၼ်တွင်ႉၸဵပ်းတွင်ႉဢိဝ်ႈၽွင်းႁူဝ်လိူၼ်မႃးၼႆႉ ၵမ်ႈၼမ်တႄႉတေပဵၼ်လွင်ႈၾိင်ႈ
ထမ်ႇမတႃႇၼၢင်းယိင်းသေတႃႉ မၢင်ပွၵ်ႈမႃးတႄႉ ပဵၼ်ယွၼ်ႉမီးတၢင်းပဵၼ်ၶၢမ်ႇဝႆႉသေလႄႈၸဵပ်း မိူၼ်ၼင်ႇတၢင်းပဵၼ် တီႈၼႂ်းႁူင်းလုၵ်ႈမီး
ၼိူဝ်ႉၵွၼ်ႈလိူဝ် ဢမ်ႇၼၼ် မူင်ႈမႅင်းၶဝ်ႈၼႂ်းႁူင်းလုၵ်ႈလႄႈႁဵတ်းႁႂ်ႈတွင်ႉၸဵပ်း ၸိူဝ်းၼႆႉ ၸၢင်ႈမေႃ ပဵၼ်ယူႇယဝ်ႉ။

🎋တၢင်းပဵၼ်ၶၢမ်ႇဝႆႉဢမ်ႇမီး ၵူၺ်းယွၼ်ႉသင်
တွင်ႉၸဵပ်းလႃႇ
ႁေႃႇမူင်းမဵဝ်းၼိူင်ႈဢၼ်ၸိုဝ်ႈႁွင်ႉ ပရူဝ်ႇသတႃႇၵလၼ်တိၼ်သ်(prostaglandins) ၼႆႉ မၼ်းတေ
ႁဵတ်းၵၢၼ်ထူၵ်းဢွၵ်ႇပၼ်ႁေႃႇမူင်းတီႈၽႃႁူင်းလုၵ်ႈသေ သင်ဝႃႈမၼ်း ထူၵ်းဢွၵ်ႇပၼ်ႁေႃႇမူင်း
ၼမ်လိူဝ်သေဢၼ်လူဝ်ႇၼၼ်ႉၸိုင် တေႁဵတ်းႁႂ်ႈ
တွင်ႉၸဵပ်းတွင်ႉဢိဝ်ႈ။ ပိူင်ၵၢၼ်မၼ်းသမ်ႉပဵၼ်
ၸိူင်ႉႁိုဝ်လႃႇၼႆၸိုင် ႁေႃႇမူင်းဢၼ်ၼႆႉ မၼ်းတေၵႂႃႇႁဵတ်းႁႂ်ႈမိပ်ႇငႅၼ်းပၼ်တီႈၼိူဝ်ႉၼူႁူင်းလုၵ်ႈၼၼ်ႉယဝ်ႉ။

🎋ၾၢင်ႁၢင်ႈလၵ်ႉၶၼႃႇ
ၵေႃႉၼိူင်ႈလႄႈၵေႃႉၼိူင်ႈ လွင်ႈလႆႈထုၵ်ႇၶၢမ်ႇတေဢမ်ႇမိူၼ်ၵၼ်။မၢင်ၵေႃႉၼႆႉ တေၸဵပ်းတေ
ဢိဝ်ႈတီႈႁူဝ်ၼဝ်ႇ ၊ မၢင်ၵေႃႉသမ်ႉ ဢႅဝ်ၶိုၼ်ႈဢႅဝ် ၸဵပ်း မိူၼ်ၼင်ႇဝႃႈ ထုၵ်ႇၺႃးပိူၼ်ႈၸၼ်ၼိူဝ်ႉသေ ယၵ်းလိမ်ႇၼၼ်ႉယဝ်ႉ။ မၢင်ၸိူဝ်းဢၼ်ၵႆႉပဵၼ်
ႁၢဝ်ႉႁႅင်းၸမ်ႉ တေၵႂႃႇၸဵပ်းပႃး တီႈတိၼ်
တီႈၶႃလူင်။ ယွၼ်ႉၸဵပ်းၼႃႇဢႃးလႃးလႄႈ
မၢင်ၵေႃႉၼႆႉ တွင်ႉၶူၼ်ႉ‌ေသသမ်ႉပေႃးႁၢၵ်ႈ
ၵေႃႈမီး။

ဢၼ်လႆႈထုၵ်ႇၶၢမ်ႇတွင်ႉၸဵပ်းတွင်ႉဢိဝ်ႈၸိူင်ႉ
ၼႆၼႆႉ တေပဵၼ်မိူဝ်ႈဝၼ်းႁူဝ်လိူၼ်တေႇၸႃႉလူင်း။
မၢင်ၵေႃႉၼႆႉ တေၵႆႉလႆႈႁပ်ႉႁူႉသၢႆငၢႆမၼ်းဢွၼ် တၢင်းႁူဝ်လိူၼ်ပႆႇလူင်း မွၵ်ႈ 12ၸူဝ်ႈမူင်းၼႆႉ။
ဢၼ်ပဵၼ်တွင်ႉၸဵပ်းတွင်ႉဢိဝ်ႈၼႆႉ ၸၢင်ႈမေႃႁိုင် ထိုင် 24 ၸူဝ်ႈမူင်းသေ မၢင်ၵေႃႉသမ်ႉ လႆႈၶၢမ်ႇထိုင် 2ဝၼ်းတေႃႇ 3ဝၼ်း ၸိူဝ်းၼႆႉၼႆယူႇယဝ်ႉ။

လွင်ႈဢၼ်ပဵၼ်တွင်ႉၸဵပ်းၸိူင်ႉၼႆၼႆႉ ဢမ်ႇၼႄႁွင်ႈယႃၵေႃႈလႆႈယူႇ ယွၼ်ႉမၼ်းပဵၼ်တၢင်းၸဵပ်းထမ်ႇမတႃႇၵူၺ်း။ သင်ဝႃႈဢမ်ႇမီးတၢင်းပဵၼ်ၶၢမ်ႇဝႆႉ မိူၼ်ၼင်ႇ တၢင်းပဵၼ်မူင်းမႅင်းၶဝ်ႈတီႈၼႂ်းႁူင်းလုၵ်ႈ ၼႆၸိုင် ဢမ်ႇတၢပ်ႈမႆႈၸႂ်ၵေႃႈလႆႈယူႇ။

🎋တေႁဵတ်းႁိုဝ်ယူတ်းယႃ

✨ၵိၼ်ဝီႇတမိၼ်ႇ ပီႇ 1 (Vitamin B1) 100 mg ၼိူင်ႈဝၼ်း 1လုၵ်ႈ ၵူႊဝၼ်း
✨မိူဝ်ႈႁူဝ်လိူၼ်မႃးယူႇၼၼ်ႉ တႃႇႁႂ်ႈတွင်ႉၸဵပ်းတေသၢၵ်ႈသႃႇ ၵိၼ်ပႃႇရႃႇသီႇတမေႃး ၼိူင်ႈဝၼ်း 3ပွၵ်ႈ တေႃႇ 4ပွၵ်ႈ။ ၵမ်ႈပႃႈၼမ်တႄႉ ၵိၼ်ပႃႇရႃႇသီႇၵူၺ်း ၵေႃႈသၢၵ်ႈသႃႇယူႇ။
✨သင်ဝႃႈ ၵိၼ်ပႃႇရႃႇသီႇသေ ဢမ်ႇၶႅၼ်းဢမ်ႇသၢၵ်ႈသႃႇၼႆ လီဢုပ်ႇဢူဝ်းတိူင်ႇပၢင်ႇမေႃယႃၶဝ်ယူႇ။ ယွၼ်ႉဝႃႈ ယႃၵေႈၸဵပ်းတၢင်ႇမဵဝ်းၼႆႉ မၼ်းၸၢင်ႈမေႃႁဵတ်းႁႂ်ႈထူင်ၶဝ်ႈၵႂ်ႈလႄႈ ဢမ်ႇထုၵ်ႇလီၵိၼ်ႁင်းၵူၺ်းၸဝ်ႈၵဝ်ႇ။
✨သင်ဝႃႈလူဝ်ႇမႃးၸိုင် မေႃယႃတေၸၢင်ႈပၼ်
ယႃႈယႃႁေႉလုၵ်ႈ။ ပၼ်ႁႃတီႈၼႆႈၸမ်ႉ ပဵၼ်သၢဝ်သေ ယွၼ်ႉသင်သမ်ႉတေလႆႈၵိၼ်ယႃႈယႃႁေႉလုၵ်ႈလႃႇ။ လွင်ႈတၢင်းမၼ်းတႄႉ ပဵၼ်တွၼ်ႈတႃႇႁႂ်ႈသၢၵ်ႈသႃႇယႃႇပေႁႂ်ႈပဵၼ်တွင်ႉၸဵပ်းမိူဝ်ႈႁူဝ်လိူၼ်မႃးၼၼ်ႉယဝ်ႉ။

🎋လွၵ်းလၢႆးတၢင်ႇလွင်ႈ

✨ပေႃးဝႃႈတွင်ႉၸဵပ်းၼႆ ယႃႇပေႁဵတ်းၵၢၼ်ယွၵ်ႉယႅၵ်ႉမၼ်း လိုဝ်ႈႁိူဝ်ႉပၼ်ၼမ်ၼမ်။

✨ဢဝ်ၼမ်ႉဢုၼ်ႇသႂ်ႇၼႂ်းထူင်သေၵၢပ်ႈဝႆႉပၼ်တီႈဢၼ်ၸဵပ်းၼၼ်ႉ

✨ယႃႇပေၵိၼ်လဝ်ႈလုၼ်ႇလႅၼ်းယႃႈ(ၼၢင်းယိင်း
မၢင်ၵေႃႉၼႆႉတေမီးတၢင်ႈယၢမ်ႈၸိူင်ႉၼႆလႄႈ ၸင်ႇလႆႈသႂ်ႇပႃး)

✨ႁဵတ်းၵၢၼ်ၽိုၵ်းသၼ်းလဵၼ်ႈႁႅင်းမၢၼ်ႇမၢၼ်ႇ
ၼၢင်းယိင်း ၸိူဝ်းဢၼ်ၵႆႉလဵၼ်ႈယေႃးၵ(ၵၢၼ်လဵၼ်ႈႁႅင်းမဵဝ်းၼိူင်ႈ) ၼၼ်ႉ လႆႈႁၼ်ၶဝ်သၢၵ်ႈသႃႇမႃး ယွၼ်ႉလူၺ်ႈတွင်ႉၸဵပ်းဢၼ်ၼႆႉယူႇ

✨မိူဝ်ႈႁူဝ်လိူၼ်မႃး ၼုင်ႈသိူဝ်ႈၶူဝ်းဢၼ်
ယူင်ႉယူင်ႉယႃႇပေၼုင်ႈသိူဝ်ႈၶူဝ်းဢၼ်ႁႅတ်ႉ

✨ယႃႇပေၵိၼ်ဢၼ်ၽိတ်းဢၼ်သႅပ်ႇ

✨ၵိၼ်ၼမ်ႉၼမ်ၼမ်

🎋မိူဝ်ႈလႂ်ထုၵ်ႇလီၼႄမေႃယႃ

ၵိၼ်ယႃႈယႃပႃႇရႃႇသီႇသေလႄႈ တွင်ႉၸဵပ်းဢမ်ႇသၢၵ်ႈသႃႇ

လွင်ႈလႆႈၶၢမ်ႇတွင်ႉၸဵပ်းၼၼ်ႉ မၼ်းၸဵပ်းမႃးသေ
ၵဝ်ႇ

ဢမ်ႇၺိၼ်းၸဵပ်း 3-4ပီႊယဝ်ႉသေ ၵိုင်ႉၵၢင်ႉ
ၸဵပ်းၶိုၼ်း

ပေႃးပဵၼ်ၸိူင်ႉၼႆၸိုင် ထုၵ်ႇလီၼႄမေႃယူႇယဝ်ႉ။

Translated__Kham

ၢႆးယူႇလီ
Originalpostတယ်လီကျန်းမာအခမဲ့အွန်လှိုင်းဆေးခန်း
Ref:John Murtaghs' patient education, six edition: Dysmenorrhea
Photo

🥶ၶၢဝ်းၵတ်းလႄႈလွင်ႈလုမ်းလႃးၽိဝ်ၼိူဝ်ႉ🧏‍♂️🧏ပေႃးဝႃႈၽႅဝ်မႃးၶၢဝ်းၵတ်းၸိူင်ႉၼႆ ၾိင်ႈၾႃႉၼႆႉလႅၵ်ႈလၢႆႈထႅင်ႈၶၢဝ်းၼိူင်ႈသေ သင်ဝႃႈဢမ...
10/12/2021

🥶ၶၢဝ်းၵတ်းလႄႈလွင်ႈလုမ်းလႃးၽိဝ်ၼိူဝ်ႉ🧏‍♂️🧏

ပေႃးဝႃႈၽႅဝ်မႃးၶၢဝ်းၵတ်းၸိူင်ႉၼႆ ၾိင်ႈၾႃႉၼႆႉလႅၵ်ႈလၢႆႈထႅင်ႈၶၢဝ်းၼိူင်ႈသေ သင်ဝႃႈဢမ်ႇလုမ်းလႃးပၼ်ၼႆ ၼိူဝ်ႉၼင်ႁဝ်းၶႃႈတေႁႅင်ႈငၢႆႈ
ပေႃးယဝ်ႉတေသႃးတေတႅၵ်ႇ ။
ၼင်ႇႁိုဝ်ပေႃးတေ ဢမ်ႇပဵၼ်ၸိူင်ႉၼၼ်
တေလႆႈလုမ်းလႃးၸိူင်ႉႁိုဝ်ၼႆ မႃးႁဝ်းဢွၼ်ၵၼ်
လူတူၺ်းၶႃႈၼေႃႈ။

1)ဢၢပ်ႇၼမ်ႉဢုၼ်ႇ

ၶိင်ႇၶၢဝ်းၵတ်းၵတ်းၸိူင်ႉၼႆ ပေႃးဢၢပ်ႇပၼ်ၼမ်ႉ
ဢုၼ်ႇဢုၼ်ႇၼႆၸိုင် တီႈၼႂ်းၽိဝ်ၼိူဝ်ႉႁဝ်း ဢၼ်
တဵမ်ဝႆႉဢၼ်ႁင်ႈဝူၺ်ႇ ၶႆမၼ်း ၸိူဝ်းၼၼ်ႉ တေသုၵ်ႈသီ ပၼ်ႁႂ်ႈၵဵင်ႈလႄႈၽိဝ်ၼိူဝ်ႉႁဝ်းတေႁိူဝ်ႈသၢင်ဝၢင်ႊၼႆယူႇယဝ်ႉ။ တႃႇႁႂ်ႈထၢတ်ႈယမ်းႁဝ်း ပေႃးတေဢမ်ႇယွမ်းၵႂႃႇၼၼ်ႉ ၼမ်ႉဢုၼ်ႇၼႆႉ ႁေႉၵင်ႈပၼ်လႆႈၼႆယူႇ။ မၼ်းထုၵ်ႇမႅၼ်ႈတင်းပၢႆး ယူႇလီလႄႈ ပေႃးဢၢပ်ႇပၼ်ၼမ်ႉဢုၼ်ႇႁွၼ်ႁွၼ်ၼႆ ၶႅမ်ႉသေ ဢၢပ်ႇၼမ်ႉမႆႈ ၼမ်ႉၵတ်းၼႆၶႃႈ။

2)ဝၢႆးဢၢပ်ႇၼမ်ႉယဝ်ႉယႃႇလိုမ်းတႃးၶရိမ်ႇ၊
လူဝ်းသျိၼ်း

ၽိဝ်ၼိူဝ်ႉႁဝ်းၶႃႈၼႆႉ တွၼ်ႈတႃႇတေႁိူဝ်ႈသႂ်လီၼၼ်ႉ မၼ်းလူဝ်ႇမီးထၢတ်ႈယမ်းႁႂ်ႈၵုမ်ႇထူၼ်ႈ။
ၵွပ်ႈၼႆလႄႈ ပေႃးဢၢပ်ႇၼမ်ႉယဝ်ႉၼႆ ယႃႇလိုမ်းတႃး ၶရိမ်ႇ ဢမ်ႇၼၼ် လူဝ်းသျိၼ်း သေမဵဝ်းမဵဝ်း တႃႇသေႇ။ တွၼ်ႈတႃႇတေႁေႉၵင်ႈပၼ် ယႃႇႁႂ်ႈ
ၽိဝ်ၼိူဝ်ႉၼင်ႁဝ်းၶႃႈႁႅင်ႈၵႂႃႇ။

3)ႁေႉၵင်ႈပၼ်ၽိဝ်ၼိူဝ်ႉၼင်

ၼင်ႇႁိုဝ်တိၼ်ႁဝ်း မိုဝ်းႁဝ်းတေဢမ်ႇတႅၵ်ႇဢမ်ႇသႃးၼၼ်ႉ တႃးပၼ်လူဝ်းသျိၼ်း၊ သင်ဝႃႈမေႃတိုဝ်း မူင်တိၼ်မူင်မိုဝ်းသေၼွၼ်းၼႆၵေႃႈ ၶႅမ်ႉယူႇ။
ပေႃးဝႃႈတေဢွၵ်ႇတင်းၼွၵ်ႈမိူဝ်ႈလႂ်သေဢမ်ႇဝႃႈ သႂ်ႇသိူဝ်ႈၶႅၼ်ယၢဝ်းၵူၼ်ယၢဝ်း တိုဝ်းမူၵ်ႇႁူဝ်
တႃးပၼ်ၶရိမ်ႇႁေႉလႅတ်ႇ(suncream) တႃႇသေႇၶႃႈ။

4)ၵိၼ်ၼမ်ႉၼမ်ၼမ်

ၼမ်ႉၼႆႉ ပဵၼ်ဢၼ်ဢမ်ႇမီးဢမ်ႇပဵၼ်တႃႇတူဝ်ၶိင်း ႁဝ်းၶႃႈယူႇယဝ်ႉ။ၽွင်းၶိင်ႇၵတ်းၸိူင်ႉၼႆ ၵမ်ႈၼမ် တေလႆႈၸႂ်သူတ်ႉၼမ်ႇၼဵင်ႈၶူမ် ၊ၵႃႇၾီႇ ဢၼ်မႆႈမႆႈ ဢုၼ်ႇဢုၼ်ႇသေတႃႉ ၼမ်ႉၵတ်းၵေႃႈ ဢမ်ႇထုၵ်ႇလီလိုမ်းၵိၼ်။ ၼိူင်ႈဝၼ်းၼႆႉ ထုၵ်ႇလီၵိၼ်ပၼ် 2တေႃႇ3တဝ်ႈလီႇတႃႇ ၼႆၶႃႈ။ ၼမ်ႉၵၢမ်ႈၵတ်းတႄႉ ပဵၼ်လႆႈတၢၼ်ႇႁိုဝ်ၵေႃႈဢမ်ႇၵိၼ်ၼႆႉ လီသေပိူၼ်ႈ ယဝ်ႉၶႃႈ။

5)ယႃႇလိုမ်းလုမ်းလႃးႁူဝ်ၶဝ်ႇလႄႈငွၵ်းသွၵ်ႇ

ၵမ်ႈၼမ်တႄႉ တေၵႆႉလုမ်းလႃးၼႃႈတႃလႄႈ
ၶူၼ်ႁူဝ် ၼမ်သေပိူၼ်ႈ ႁႂ်ႈပေႃးၵဵတ်ႈလဵတ်ႈလီတူၺ်း။ ၵူၺ်းတေၵႆႉလိုမ်း လုမ်းလႃးတီႈႁူဝ်ၶဝ်ႇ လႄႈငွၵ်းသွၵ်ႇ။ ၽိဝ်ၼင်တီႈႁူဝ်ၶဝ်ႇတင်း
ငွၵ်းသွၵ်ႇၼႆႉ မၼ်းၼႃသေတၢင်ႇတီႈလႄႈ
ထၢတ်ႈယမ်းၵေႃႈ မေႃယွမ်းၵႂႃႇဝႆးဝႆး ယူႇယဝ်ႉ။
ပေႃးႁဝ်းလိုမ်းလုမ်းလႃးၼႆ ပေႃးၶၢဝ်းႁိုင်မႃး မၼ်းတေလမ်ၵႂႃႇ။ ယွၼ်ႉၼႆလႄႈ မိူဝ်ႈဢၢပ်ႇၼမ်ႉၼၼ်ႉ
ပွတ်ႈသီပၼ်ႁႂ်ႈၵဵင်ႈၵဵင်ႈသေ ၶိုၼ်းတႃးပၼ်ၶရိမ်ႇ၊ လူဝ်းသျိၼ်းၶႅမ်ႉၶႅမ်ႉၶႃႈ။

6)ၼႂ်းတူဝ်ႁဝ်းၵေႃႈလူဝ်ႇႁႂ်ႈထၢတ်ႈၼမ်ႉတဵမ်ဝႆႉ

ထၢတ်ႈၼမ်ႉၼႂ်းတူဝ်ႁဝ်းၼႆႉ မၼ်းတေသုမ်းယွမ်း လူင်းၵႂႃႇၵူႊဝၼ်းဝၼ်းယဝ်ႉ။ၼင်ႇႁိုဝ်တေၶိုၼ်း
တဵမ်ၶိုၼ်းၼၼ်ႉ တေလႆႈၵိၼ်ၼမ်ႉၼမ်ၼမ်သေ မၢၵ်ႇမႆႉၵေႃႈ ထုၵ်ႇလီၵိၼ်ပၼ်ၼမ်ၼမ်ၶႃႈ။
မၢၵ်ႇၶိူဝ်သူမ်ႈ ၊ႁူဝ်ပိုၵ်ႉလႅင် ၊တႅင် ၸႃႉၵႂႃႇၸိူဝ်းၼႆႉ ၶဝ်တေပႃးထၢတ်ႈၼမ်ႉဝႆႉၼမ်ၼမ်လႄႈ ပေႃးႁဝ်း ၵိၼ်ၶဝ်ႈၼၼ်ႉ ႁႂ်ႈပႃးၶဝ်တႃႇသေႇၶႃႈ။

ၶၢဝ်းၵတ်းၼႆႉ ၼိူဝ်ႉၼင်ႁဝ်းၵေႃႈလႆႈလုမ်းလႃးသေ ဢမ်ႇၵႃး တွၼ်ႈတႃႇပၢႆးယူႇလီတေၶႅမ်ႉလႅပ်ႈၵေႃႈယႃႇ‌ေပလုမ်းလႃးမိူၼ်ၵၼ်။ ၵိၼ်တၢင်းၵိၼ် ဢၼ်မီးဢႃးႁၢၼ်ၽဵင်ႇၽဵင်ႇ၊ ၵိၼ်ၼမ်ႉၼမ်ၼမ်၊ ၼွၼ်းလိုဝ်ႈဢိမ်ႇဢိမ်ႇ ၊ လဵၼ်ႈႁႅင်းၽိုၵ်းသၼ်းမၢၼ်ႇမၢၼ်ႇၶႃႈ။ႁႂ်ႈၵူႊၵေႃႈ မီးၽိဝ်ႁၢင်ႊလီ လီမုင်ႊလီတူၺ်းၵၼ်ၵူႊၵေႃႉၶႃႈ။

Translated in Dai _ (mfk)
Writer_ Dr.HtetHtetZawWin

From Hello Health Group


🤦‍♂️လွင်ႈဢီႈသင် ဢၼ်ႁဵတ်းႁႂ်ႈသူပီးသေၵဝ်ႇ🤦‍♀️လွင်ႈတၢင်းဢၼ်ႁဵတ်းႁႂ်ႈၼမ်ႉၼၵ်းတူဝ်သူၶိုၼ်ႈမႃးသေၵဝ်ႇၼၼ်ႉ ဢမ်ႇထၢင်ႇသေ ပဵၼ်တၢင်း...
05/12/2021

🤦‍♂️လွင်ႈဢီႈသင် ဢၼ်ႁဵတ်းႁႂ်ႈသူပီးသေၵဝ်ႇ🤦‍♀️

လွင်ႈတၢင်းဢၼ်ႁဵတ်းႁႂ်ႈၼမ်ႉၼၵ်းတူဝ်သူၶိုၼ်ႈမႃး
သေၵဝ်ႇၼၼ်ႉ ဢမ်ႇထၢင်ႇသေ ပဵၼ်တၢင်းယၢမ်ႈ
ၵူႊဝၼ်း ဢၼ်သူႁဵတ်းယူႇၼၼ်ႉၵူၺ်း။
ၶဝ်ၸိူဝ်းၼႆႉ သင်ႁဝ်းဢမ်ႇၾၢင်ႉၼႆ ၸၢင်ႈႁဵတ်းႁႂ်ႈ
တူဝ်ႁဝ်းပီးမႃးလိူဝ်ၵဝ်ႇယူႇယဝ်ႉ။

1)ၵိၼ်ၼမ်ႉဝၢၼ်ဢၼ်ပႃးၵႄႇလူဝ်ႇရီႇ

ၵူၼ်းၵမ်ႈၼမ်ၶဝ်ၼႆႉ လႆႈၸႂ်ၵိၼ်ၼမ်ႉဝၢၼ် ဢၼ်ပႃးထၢတ်ႈၵႄႇလူဝ်ႇရီႇ လႄႈ ၵိူဝ်ဝၢၼ်ၼမ်ၼမ်
ယဝ်ႉၵေႃႈ ၼမ်ႉဝၢၼ်ထႅမ်ႁႅင်း ယူႇၵူႊဝၼ်းဝၼ်း။
ၵူၺ်းၵႃႈတီႈႁဝ်းဢမ်ႇၾၢင်ႉႁူႉၼၼ်ႉ ၼႂ်းၼမ်ႉဝၢၼ် ပႃးၵႄႇလူဝ်ႇရီႇလႄႈ ဝၢႆးၵိၼ်ယဝ်ႉမွၵ်ႈ
(1)ၸူဝ်ႈ မူင်းၸိုင် တေႁဵတ်းႁႂ်ႈတိူဝ်းတွင်ႉမႆႈလိူဝ်
မႃးယူႇယဝ်ႉ။မၼ်းတေႁဵတ်းႁႂ်ႈထၢတ်ႈမၼ်းၼႂ်း
လိူတ်ႈၶိုၼ်ႈသုင်ထႅင်ႈသေ တေႁဵတ်းႁႂ်ႈသူပီးမႃး
ယူႇယဝ်ႉ။

2)ၵိၼ်တၢင်းၵိၼ်မဵဝ်းဢၼ်ပႃးၼမ်ႉမၼ်းၼမ်

တၢင်းၵိၼ်မဵဝ်းဢၼ်မီးမၼ်းၼမ်ၼမ် တၢင်းၵိၼ်
ၶူဝ်ႈ၊ တၢင်းၵိၼ်ဢၼ်ၶိုၼ်းမႄးႁၢင်ႈဝႆႉ မိူၼ်ၼင်ႇ
Junk food မဵဝ်းဢၼ်ၵိၼ်လႆႈငၢႆႈငၢႆႈ ၸိူဝ်းၼႆႉ
ပဵၼ်ဢၼ်ၵူၼ်းႁဝ်းထုၵ်ႇ‌ၸႂ်ၵိၼ်ၼႃႇ။ၵူၺ်းၵႃႈ
ပေႃးဝႃႈထၢတ်ႈမၼ်းပႃး 1 ၵရမ်ႇၼႆ ၵႄႇလူဝ်ႇရီႇတေပႃး (9)။ သင်ဝႃႈၵႆႉၵႆႉၵိၼ်မဵဝ်းၼႆႉၸိုင်
ၼမ်ႉၼၵ်းတူဝ်တေၶိုၼ်ႈလႄႈ တေပီးမႃးယူႇယဝ်ႉ။

3)ယၢမ်းၼွၼ်းဢမ်ႇၵုမ်ႇထူၼ်ႈ

ပေႃးဝႃႈတႃၼွၼ်းဢမ်ႇဢိမ်ႇၼႆ တေႁဵတ်းႁႂ်ႈၵၢၼ်ငၢၼ်းတူဝ်ၶိင်းပိူင်ႈတီႈပိူင်ႈတၢင်းသေ
တေထူၵ်းဢွၵ်ႇႁေႃႇမူင်း မဵဝ်းဢၼ်ႁႂ်ႈၼမ်ႉၼၵ်း
တူဝ်ၶိုၼ်ႈ။ ၵၢင်ၶမ်ႈတေႃႇပေႃးလိုၵ်း ပေႃးဢမ်ႇ
ၼွၼ်းသေယူႇဝႆႉၸိုင် တေတွင်ႉမႆႈ ပေႃးယဝ်ႉလုၵ်ႉ တီႈၵိၼ်တၢင်းၵိၼ်ယၢမ်းလိုၵ်းသေ ၼမ်ႉၼၵ်းတူဝ် ၸင်ႇၶိုၼ်ႈမႃးယူႇယဝ်ႉ။

4)ဢမ်ႇပေႃးသူႈတူင်ႉၼိုင်

လွင်ႈၵႆႉၼင်ႈတင်းဝၼ်း ၊ လွင်ႈဢမ်ႇၵႆႉၼိုင်တူဝ်
ၼိုင်ၶိင်းၸိူဝ်းၼႆႉ ပဵၼ်လွင်ႈတၢင်းႁဵတ်းႁႂ်ႈတူဝ်ပီးယူႇယဝ်ႉ။ ပေႃးဝႃႈႁဝ်းၵႆႉၼိုင်တူဝ်ၵႆႉလဵၼ်ႈႁႅင်းပႆတၢင်းဝႃႇၸိူဝ်းၼႆႉၼႆ ၵႄႇလူဝ်ႇရီႇတေၸိူမ်ႈၵႂႃႇလႄႈ တီႈတူဝ်ၶိင်းဢၼ်မီးဝႆႉထၢတ်ႈမၼ်းလိူဝ်ၸိူဝ်း ၼၼ်ႉ တေယွမ်းလူင်းၵႂႃႇယူႇယဝ်ႉ။ ယူႇတီႈတူဝ်သူ သေ ၼႂ်းယၢမ်းၼိူင်ႈဝၼ်းၵူႊဝၼ်းၼၼ်ႉ ပေႃးတေၼင်ႈ တေၼွၼ်းၵွၺ်း ဢမ်ႇတူင်ႉဢမ်ႇၼိုင်
ဢမ်ႇလဵၼ်ႈႁႅင်းႁဵတ်းၽိုၵ်းသၼ်းၼႆၸိုင် တူဝ်သူ
တေပီးမႃးသေဢမ်ႇၵႃး ၸၢင်ႈတေမီးပႃးလွင်ႈသုၵ်ႉ ၼၵ်းၸႂ် ၊ႁႅင်းၶၢမ်ႇတူဝ်ၵေႃႈ ၸၢင်ႈတေယူပ်ႈယွမ်း ၵႂႃႇၼႆယဝ်ႉ။

5)လွင်ႈၼၵ်းၸႂ်သုၵ်ႉၸႂ်ၼမ်

လွင်ႈၼၵ်းၸႂ်ၼႆႉ ပဵၼ်ၽွၼ်းႁၢႆႉ တႃႇတူဝ်ၶိင်းႁဝ်း တေႉတေႉသေ ႁဵတ်းႁႂ်ႈပၢႆးယူႇလီဢမ်ႇၶႅမ်ႉဢမ်ႇ
လႅပ်ႈလႄႈ ၼမ်ႉၼၵ်းတူဝ်ႁဝ်းတေၸၢင်ႈၶိုၼ်ႈမႃး ယူႇယဝ်ႉ။မိူဝ်ႈႁဝ်းသုၵ်ႉၸႂ်ၼၵ်းၸႂ်ယူႇၼၼ်ႉ
ၸႂ်ၶႂ်ႈၵိၼ်တေတိူဝ်းလိူဝ်မႃးလႄႈ တၢင်းၵိၼ်ဢၼ် ၸဵမ်းႁႅင်း တၢင်းၵိၼ်ဢၼ်ပႃးၵိူဝ်ဝၢၼ်ၼမ်ၼမ်
ၸိူဝ်းၼၼ်ႉ တေၸၢင်ႈၵိၼ်ၺႃးမႅၼ်ႈၵႂႃႇယဝ်ႉ။လုၵ်ႉဢဝ်တီႈလွင်ႈၼႆႉသေလႄႈ တူဝ်ႁဝ်းတေပီးမႃးၼၼ်ႉယဝ်ႉ။

လွင်ႈတၢင်းႁဵတ်းႁႂ်ႈ ပီးမႃးလိူဝ်ၵဝ်ႇၼၼ်ႉ ပဵၼ်ၸိူဝ်း ၼႆႉယဝ်ႉၶႃႈၼေႃႈ။ ၵူၼ်းၸိူဝ်းၶႂ်ႈႁၢင်ႈလီ
ၸိူဝ်းဢမ်ႇၶႂ်ႈပီးၼၼ်ႉ လူသေတွင်းဝႆႉၶႃႈလႄႈၼႃ။
ပေႃးတွင်းဝႆႉၵွၼ်ႇ ၸင်ႇတေၸၢင်ႈႁဵတ်းၸွမ်းလႆႈ လႄႈ တီႈဢၼ်ထုၵ်ႇလီဝႄႈၼၼ်ႉၸင်ႇၸၢင်ႈဝႄႈလႆႈၶႃႈ။

Source: Botania
By KWEE
Translated in Dai : NKA(morkfhakao)


16/11/2021

Live ဢွၼ်တၢင်းသုတ်းၶႃႈတႄႉ ယဝ်ႉၵႂႃႇယဝ်ႉၶႃႈ ယွၼ်ႉပဵၼ်ပွၵ်ႈၵမ်းၼိူင်ႈ ဢမ်ႇပေႃး
မေႃလၢတ်ႈၶႃႈ
ဝၢႆးၼႆႉၶႃႈၸင်ႇၵွၺ်ႈ
ႁႃႁူဝ်ၶေႃႈမႂ်ႇမႂ်ႇသေ မႃးသႄးပၼ်ၶႃႈၼႃ

16/11/2021

12 မွင်း ၵမ်ႉမႃးထူပ်း
ၵၼ်ၼႂ်း live ၶႃႈၼေႃ
ပေႃးၶႂ်ႈႁူႉၸၵ်းၶႃႈ ယႃႇလိုမ်းၶဝ်ႈမႃးၶႃႈၼႃ😊

Address

Lashio

Telephone

+959405565356

Website

Alerts

Be the first to know and let us send you an email when Healthy Life - ပၢႆးယူႇလီ posts news and promotions. Your email address will not be used for any other purpose, and you can unsubscribe at any time.

Contact The School

Send a message to Healthy Life - ပၢႆးယူႇလီ:

Shortcuts

Share