27/07/2025
“Let's Talk About It, PERIOD”
Menstrual Health Workshop for Apex Students
ရာသီသွေးဆိုတာဘာလဲ။
ရာသီစက်ဝန်းနဲ့ ရာသီလာခြင်းက ဘယ်လိုသက်ဆိုင်တာလဲ။
ရာသီလာခြင်းက အမျိုးသမီးတွေရဲ့ စိတ်ပိုင်းဆိုင်ရာနဲ့ ကျန်းမာရေးအပေါ် ဘယ်လို သက်ရောက်မှုတွေရှိလဲ။
ရာသီလာခြင်းဆိုတာ လူတွေကြားထဲ မပြောသင့်တဲ့ ရှက်စရာကိစ္စတစ်ခုလား။
အမျိုးသားတွေကရော ရာသီလာခြင်းနဲ့ ပတ်သက်လို့ ဘာကြောင့်သိထားဖို့လိုအပ်တာလဲ။
Menstruation (ဓမ္မတာလာခြင်း) ဆိုတာကို အားလုံးပဲကြားဖူးကြမယ်လို့ထင်ပါတယ်။ ဓမ္မတာလာခြင်း ဆိုတာ အမျိုးသမီး (အများစု) လစဉ် ကြုံတွေ့ရတဲ့ဖြစ်စဥ်တစ်ခုပါ။ အမျိုးသမီးတစ်ယောက်က အသက်အရွယ်အားဖြင့် ခန့်မှန်းခြေ 12 အရွယ်ဝန်းကျင်ကနေစပြီး menopause လို့ခေါ်တဲ့ သွေးဆုံးတိုင်အထိ (ကိုယ်ဝန်ဆောင်ချိန်နှင့် ကျန်းမာရေးပြဿနာများကြောင့်မှလွဲ၍) လစဉ်လတိုင်း ဓမ္မတာလာခြင်းဖြစ်စဉ်ကို ဖြတ်ကျော်ရလေ့ရှိပါတယ်။ ဓမ္မတာလာခြင်းဟာ အမျိုးသမီးတွေရဲ့ သဘာဝ ခန္ဓာဗေဒ တစ်ခုဖြစ်ပေမယ့် လူမှုပတ်ဝန်းကျင်မှာတော့ ရာသီသွေးဟာ လူတွေရှေ့မှာ အကျယ်တဝင့် ထုတ်မပြောသင့်တဲ့ “ရှက်ဖွယ်ရာ” တစ်ခုအဖြစ်သတ်မှတ်ခံနေရဆဲပါ။
အခုလိုမျိုး သဘာဝဖြစ်စဉ်တစ်ခုဖြစ်တဲ့ ရာသီသွေးကို လူ့အဖွဲ့အစည်းမှာ မသင့်တော်တဲ့ အရာတစ်ခုအဖြစ် သတ်မှတ်နေကြတာက အမျိုးသမီးတွေအပေါ် ကြီးမားတဲ့ ဆိုးကျိုးတွေဖြစ်စေပါတယ်။ ဒီအကြောင်းအရာနဲ့ပတ်သတ်ပြီး ပွင့်ပွင့်လင်းလင်းဆွေးနွေးခွင့်မရရှိခြင်းရဲ့ နောက်ဆက်တွဲအနေနဲ့ အမျိုးသမီးတွေကိုယ်တိုင်ကပါ ကိုယ့်ရဲ့ခန္ဓာဗေဒနဲ့ပတ်သက်နဲ့အကြောင်းအရာတစ်ခုကို ထုတ်ပြောဖို့ မသင့်တော်ဘူးလို့ မြင်လာကြတဲ့အပြင် အမျိုးသားတွေအနေနဲ့လဲ ဓမ္မတာလာခြင်းဖြစ်စဉ်အပေါ် မှားယွင်းတဲ့ အမြင်တွေရှိနေတတ်ကြပါတယ်။
ဒီအတွက်ကြောင့် ဓမ္မတာလာခြင်းဖြစ်စဥ်ဟာ ရှက်ရွံ့စရာကိစ္စတစ်ခုမဟုတ်ဘဲ အမျိုးသမီးတွေရဲ့သဘာဝဖြစ်စဉ်တစ်ခုသာ ဖြစ်တယ်ဆိုတာ နားလည်စေဖို့နဲ့ ရာသီသွေးနဲ့ပတ်သတ်ပြီး မှားယွင်းနေတဲ့အယူအဆတွေကို ချေဖျက်နိုင်ဖို့ရည်ရွယ်ပြီး Apex ကျောင်းသူ၊သားတွေအတွက် “Let's Talk About It, Period” လို့ခေါ်တဲ့ workshop လေးကို စီစဉ်ထားပါတယ်။
ဒါဆိုရင် ဒီ Let's Talk About It, PERIOD workshop လေးမှာ ဘယ်လိုအကြောင်းအရာတွေကိုပြောသွားမှာလဲ။
Workshop လေးကိုတော့ အပိုင်း နှစ်ခု ခွဲထားမှာဖြစ်ပြီး ပထမအပိုင်းမှာတော့
▫️အရွယ်ရောက်လာခြင်းနဲ့အတူ ကြုံတွေ့ရမယ့် ဓမ္မတာ ဖြစ်စဉ်အကြောင်း
▫️ရာသီလာခြင်းနဲ့ ရာသီစက်ဝန်း အလုပ်လုပ်ပုံ
▫️လစဉ်သုံးပစ္စည်းများအသုံးပြုပုံ
▫️ရာသီလာစဉ်သိထားသင့်တဲ့ ရာသီသွေးဆိုင်ရာ သန့်ရှင်းမှု စတဲ့ အကြောင်းအရာတွေကို မျှဝေသွားမှာဖြစ်ပြီးတော့
ဒုတိယ အပိုင်းမှာတော့
▫️ရာသီလာခြင်းအပေါ် လူတွေရှိတတ်ကြတဲ့ မှာယွင်းတဲ့အယူအဆတွေ
▫️ ရာသီလာခြင်းကို ရှက်ရွံစရာကိစ္စအဖြစ် မမြင်ဘဲ သဘာဝဖြစ်စဉ်တစ်ခုလို့ ဘာလို့သတ်မှတ်သင့်တာလဲဆိုတဲ့အကြောင်းအရာတွေအပါအဝင် ရာသီသွေးကို ရွံစရာ၊ ရှက်စရာအဖြစ်သတ်မှတ်ကြတဲ့ အယူအဆတွေက အမျိုးသမီးတွေအပေါ် ဘယ်လိုဆိုးကျိုးတွေဖြစ်စေနေလဲဆိုတာတွေကို ပြောပြသွားမှာဘဲဖြစ်ပါတယ်။
Workshop မှာ ဘယ်သူတွေက sharing လုပ်ပေးသွားမှာလဲ။
Let's Talk About It, Period အတွက် ဖိတ်ခေါ်ထားတဲ့ Guest speaker တွေကတော့ အမျိုးသမီးအခွင့်အရေးအတွက် တက်တက်ကြွကြွ ပါဝင်လှုပ်ရှားနေကြတဲ့ Voice of Ithiya က Ms. Shunn Lat Nandar Aung နဲ့ Ms. May Phoo Paye တို့ဘဲဖြစ်ပါတယ်။
Workshop လေးကိုတော့ Hybrid System နဲ့ ကျင်းပသွားမှာဖြစ်တဲ့အတွက် in person class က ကျောင်းသူ၊သား တွေအပြင် online class က ကျောင်းသူ၊ကျောင်းသားတွေပါ ပါဝင်လို့ရမှာဖြစ်ပါတယ်။
Workshop ကျင်းပမယ့် အချိန်ကတော့ August လ 3 ရက်နေ့ မြန်မာစံတော်ချိန် မနက် 10 နာရီဘဲဖြစ်ပါတယ်။
အမျိုးသမီးတွေအတွက် အရမ်းကို အရေးပါတဲ့ ဓမ္မတာလာခြင်းနဲ့ ပတ်သက်ပြီး ဗဟုသုတရဖွယ် အကြောင်းအရာအမျိုးမျိုးကို ဆွေးနွေးသွားမှာမလို့ “Let's Talk About It, Period” Workshop လေးကို Apex ကျောင်းသူ၊ကျောင်းသားတိုင်း မဖြစ်မနေ လာရောက်တက်ရောက်ကြဖို့ ဖိတ်ခေါ်ပါတယ်နော်။🌷
Organized by Rebecca 🌷
